منتديات قصايد ليل - رجع يسأل عن أخباري بعد غيبة سنه وشهرين

منتديات قصايد ليل (http://www.gsaidlil.com/vb/index.php)

- [ابكتب من قصيدي الوزن وغيرهـ من شعر منثور] (http://www.gsaidlil.com/vb/forumdisplay.php?f=10)

- - رجع يسأل عن أخباري بعد غيبة سنه وشهرين (http://www.gsaidlil.com/vb/showthread.php?t=12045)

مذهله

11-17-2009 11:25 AM

رجع يسأل عن أخباري بعد غيبة سنه وشهرين

رجع يسأل عن أخباري بعد غيبة سنه وشهرين
..رجع شايل وجع صدره وقال أرجوك واسيني

رجع كنه يحسبني سعيد بدنيتي أو زين
. وإهو مـا يدري الدمعة تسيــل ولاتسليني..

دمع.هالوجه..أو كنه جمع في غيبته جرحين
.. وأنا عيني بدت تدمع على حزنه وتبكيني..

يقول الدنيا خانتني وبعدك يا الغلا سكين
ولا أحدن يا الغلا غيرك يقدرني ويراعيني..

حبيبي ضقت بغيابك حبيبي حيل أنا مسكين
.. وأنا جيتك بهاليله وتكفـــــــــى لا تخليني..

و أنا.. لامن نطق (تكفى) عطيته لوطلب (هالعين)
..وأجود بكل ما يملك خفوقي وتملك إيديني..

وقلت: ابشر ولايهمك تدلل وش تبي يا زين
.. تراني فدوه عيونك (لو إنك جيت تشقيني)..

حبيبي لو تبي القمره عطيتك فوقها ثنتين
.. بعد لو تطلب النجمة أبنطق جيتك إضويني..

بعد هذا ضحك ..بعثر همومه سلهم الرمشين
.. وقـــــال الله يا الطيب وأنا ظــــنيت ناســــيني..

صراحة.. حيل تحرجني يا طيب يا أطيب الغاليين
.. ولا ادري كيف بوفيلك حـــبيبي وأنت تعطيني..

بعد هذا تسامرنا وتواعدنا بعد يومين
. . ووصيته على قلبي وهو مثلي يوصيني..

تواعدنا على الجمعة ((ولا جاني ))إلى الاثنين
. ومر أسبوع والثاني وشوقي يشتعل فيني..

تصدق عاد يا السامع ولا جاني الين الحين!!!!.
وقبل تسأل عن أسبابه بجاوب ((وإنت واسيني))..
لأنه مـــــــــات في حادث وأنا مت بغيابه لين
[[عرفت إني كذا ببــقى ولا أحــد يقوى يحــييني]].

صــدوق الود

11-17-2009 11:36 AM

صح لسانك ولسان شاعرها

عـــودالليل

11-17-2009 12:44 PM

ألف شكر

مروري شكر وتقدير للمجهود الراقي

ليتني طفلة

11-17-2009 11:42 PM

يسلمك ربي

ولاتنسي تكتبي منقول
وينقل للقصايد

غالي ثمنها

11-18-2009 12:47 PM

تصدق عاد يا السامع ولا جاني الين الحين!!!!.
وقبل تسأل عن أسبابه بجاوب ((وإنت واسيني))..

لأنه مـــــــــات في حادث وأنا مت بغيابه لين
[[عرفت إني كذا ببــقى ولا أحــد يقوى يحــييني]].

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
انتقاء موفق تسلمي عزيزتي

a7med

11-18-2009 01:16 PM

كلي سعاده بهذا الطرح

ومرور فقط للاعجاب بمالدديكـ

الف شكر

~يقولون غير البشر~

11-19-2009 02:20 AM

بصرآآآآآآآحـــه ..

كلماآآت أكثر من رآآآآئعة ..

الله لايحرمنا من تواجدكِ وطلتكِ المميزة ..

تسلم إيدكِ ..

تقبلي مروووري ..

الساعة الآن 11:23 AM

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية