 |
منتديات قصايد ليل
(http://www.gsaidlil.com/vb/index.php)
- [ابكتب من قصيدي الوزن وغيرهـ من شعر منثور]
(http://www.gsaidlil.com/vb/forumdisplay.php?f=10)
- - ضمير الوقت
(http://www.gsaidlil.com/vb/showthread.php?t=11998)
ضمير الوقت
ضمير الوقت نايم يارفيقي والقلوب أرهاف .. وسواليف الرحيل تشدّني والليل يغويني وأنا ليلي قصايد يارفيقي ماعليه خلاف ... حكايا والحكايا ودّها في صمت تغريني سبح وجه الورق في داخلي وأفكاري المجداف .. سيول الهم ّمالت في بحر حزني تخاويني أغني للشقا وأنشد ترانيمي وأرد القاف ... وتحدر دمعتي وأجرّ عبراتي وأخليني تذكرت الفراق وفزّ ضيقي والضلوع ضعاف ... وأنا مالي على حد الهوى قلب ٍيواسيني حزين وضايقٍ صدر الحزين ودمعته تنشاف .. تفرد هالحزن ياصاحبي وأثقل موازيني تمرد في طريقي ليتني جنبت عنه وراف ... يبرد حرته في وسط قلبي والعنا فيني تخيل هالصباح إليا عبس في ضحكتي وأنعاف .. تخيل كيف يكسر خاطري ويرد ينفيني تخيل هالشعور اللي نما ياصاحبي ما خاف .. تخيل هالوطن من كثر ما أحبه يبكيني طريد ماشكيتك يا وطن لو بعتني بأجحاف ... أبصبر وأتحمل لو غزير الدمع يشقيني أنا نصفي تعب والنصف الأخر للهموم لحاف .. أنا وجهي ذبولٍ ماعرف طعم الفرح فيني أنا باب خلعه الريح ليلة والعروق خفاف ... وحيدٍ مالقيت اللي يرد الضيم عن عيني أنا اللي ماعرف يلقى لـ قلبه فلسفة وأوصاف .. أنا اللي ضايعٍ بين الطموح وخيبة سنيني تعال ورد هالعالم لقلبي وأعطني الأنصاف .. تعال وردني يمّ الطريق ولا تخليني رفيقي يا رفيقي أشتكي لك والسنين عجاف .. أبي لا ضاقت ضلوعي ألم قلبٍ يهديني ,,,,,,,,,,,,,,,,,,,,,,,,,,,,,,,,,,,,,,,,,,,,,,, الشاعر/سطام بن محسن الشامان |
صح لسانك ولسان شاعرها
ولاهنتي على نقل القصيده لك الاحترام والتقديــــــر |
موضوع قمه في الروعه الف شكر |
,, غالي ثمنها ,,
مانعـــدم ذآآآآآئقتك الرآآآآئعه .. تقبلي مروري كتكوته .. |
اقتباس:
صح بدنك اخوي احساس ومشكور على المرور لاعدمته |
اقتباس:
الشكر لمرورك أخوي عود لاعدمته |
اقتباس:
ماننعدم مرورك عزيزتي كتكوته |
غااااااااااااااااااااااااااااااالي ثمنها
صح لسانك ولسان شاعرهاااااااااا لا عمنااااااااااااااااااااج ... |
كلي سعاده بهذا الطرح
ومرور فقط للاعجاب بمالدديكـ الف شكر |
يسلمو يالغلا ع الطرح النآآآيس
|
| الساعة الآن 12:02 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية