 |
منتديات قصايد ليل
(http://www.gsaidlil.com/vb/index.php)
- ..أنا لكـ شـاعرٍ يكتب وشعرهـ نقوة أفكـارهـ ..
(http://www.gsaidlil.com/vb/forumdisplay.php?f=110)
- - احساس غير
(http://www.gsaidlil.com/vb/showthread.php?t=116792)
احساس غير
. . احساس غير . يـا مقبلـه محسوبـك مخـاوي الذيـب الـلـي يعـشـي جايـعـات الـضــواري لــدي وتلقيـنـي بــروس المـراقـيـب ما نام طرفي وان غفيت اضطراري دواس لـيــل ولا نـقـلـت المـكـاتـيـب مانـي مـن اللـي يتبعـون الـطـواري نسـاي لكـن مــا نسـيـت المواجـيـب فينـي بــداوه وان بغيـتـي حـضـاري اشتـاق للصحـرا وسحـر الرعابيـب واذكـر نياقـي قبـل جـيـب السـفـاري مـا دام جيتـي صافـيـات المشـاريـب ما يدخل بسـوق الغـلا غيـر شـاري مفتـوح بابـي وابشـري بالمعـازيـب شبيـت لـك مـا بيـن الاقـواس نـاري تفضـلـي بـيـن الضـلـوع المحـاديـب واسـوق لـك كـل القصايـد جــواري مــا دام شبيـتـي بـصـدري لواهـيـب قلبـي يسـار ان كـان قلبـك يـسـاري الحـب مــا هــو بالغصيـبـه ولا طـيـب يجـي كـذا مـن حيـث مـانـي بــداري يجـتـاح شريـانـي بشـتـى الاسالـيـب مالـه عـلاج ولا طبـيـب استـشـاري ما ينشرى بالمـال لـو كـان بالجيـب مـا هـو سيولـه عنـد بنـك التجـاري احسـاس غيـر وفيـه حيـره وتعذيـب مـا بيـن مشتـاق وخفـوق انتحـاري يـا تـاج معشـر ضافـيـات الجلابـيـب جعلـك بعـد ســارا وريــم وعــذاري بقلمي / عيسى العنزي |
بيض الله وجهك
الشاعر الجميل عيسى العنزي امتعت ومتعت حرف سامق وشاعرية فذه |
صح لسآنك أخوي عيسى وإعتلى شآنك
يعطيك العافيه .. |
ابيات جد جميله استمتعت بقرائتها
سلمت ولاهنت تقييم تنبيه ختم اعجاب |
مانـي مـن اللـي يتبعـون الـطـواري نسـاي لكـن مــا نسـيـت المواجـيـب فينـي بــداوه وان بغيـتـي حـضـاري اشتـاق للصحـرا وسحـر الرعابيـب الله الله ي عيسى وربي كتبت فـ اصبت و ابدعت سلمت الاحرف و اللسان وعاشت الروح سعيده الوفاء له دور هام و كبير بالمجتمع وانت يتضح لنا انك من اصحاب الوفاء بارك الله بك لا عدم وانرت وحياك من جديد |
صح لسانك
وعلا شأنك |
صح لسانك وبدنك
قصيده ابداعيه ربي يحفظك ولا هنت |
مـا دام جيتـي صافـيـات المشـاريـب
ما يدخل بسـوق الغـلا غيـر شـاري مفتـوح بابـي وابشـري بالمعـازيـب شبيـت لـك مـا بيـن الاقـواس نـاري تفضـلـي بـيـن الضـلـوع المحـاديـب واسـوق لـك كـل القصايـد جــواري عيسى العنزي / معك للحرف حكاية وللمعاني اناقة ، مبدع دوماُ تعزف أجمل الالحان على اوتار الاحرف .. دام نبض قلمك وبوح حرفك .. تحياتي .. |
!! احسـاس غيـر وفيـه حيـره وتعذيـب مـا بيـن مشتـاق وخفـوق انتحـاري يـا تـاج معشـر ضافـيـات الجلابـيـب جعلـك بعـد ســارا وريــم وعــذاري ،،، صح الله السانك شاعرنا وكفو .. قصيدك وافي وما فيك حيله واحساسك غير وتثبته لنا القصيده شكراً من القلب |
شاعر متمكن اخوي
القصيده رائعه وكل بيت اجمل من الثاني سلمت / وننتظر جديدك |
| الساعة الآن 08:48 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية