 |
منتديات قصايد ليل
(http://www.gsaidlil.com/vb/index.php)
- [ابكتب من قصيدي الوزن وغيرهـ من شعر منثور]
(http://www.gsaidlil.com/vb/forumdisplay.php?f=10)
- - تبتسم في وداعي
(http://www.gsaidlil.com/vb/showthread.php?t=11660)
تبتسم في وداعي
اشوف وجهك مبتسم فـي وداعـه=ماكنك الا تنتضرها مـن اسنيـن والحب دام إنـا طوينـا شراعـه=ماني من اللي يطردون المقفييـن عندي كرامة نفس عندي مناعـه=عندي الكرامه فوق كل المحبيـن منهو يبيع القلـب لاشـك باعـه=واللي شراني قمت اسكنه فالعيـن الكثره ابلا شك تغلـب شجاعـه=وانا انغلبـت وغالبينـي كثيريـن انته وضروفي تعتبرهـا جماعـه=ياكيف اوقف ضدكم وانتم اثنيـن مديت لي سمك وجرعته جراعـه=وادري بعذابه بس لعيون غاليـن فرقاك انا مااخترتها فـي قناعـه=اختارها قلبي من الضلم عاميـن طبعت حبك وسط قلبـي طباعـه=واهديت لك عيني ولا قلت لك وين مرات اقول البعـد ابعـد اشاعـه=ومرات اقول البعد لابد من الحين انا وجرحي والزمن في صراعـه=وماظنتي بلقى لجرحـي مداويـن منته كفو للحـب واقـول طاعـه=متكبر (ن) ماكن ملجـاك للطيـن لاكن خلاص اليوم من بعد ساعه=بختار انا للحب عشـاق وافييـن مخلوق يوفي لي وذراعي ذراعـه=يفهم بمعنى الحب ويوفي لي الزين وانته فمان الله وهـذي الوداعـه=اخر علوم الحب مابيننـا البيييـن |
صح لسانك يأبا هاجر
قصيده جميله بكل كلماتها لكني ألحظ ثقل واضح في بعض الاحيان الله يعطيك الصحه والعافيه |
الله عليك ياياســــر
صح لسان مليون |
صح لسانك ملاين
وعجبتني بكل امانه بيض الله وجهك |
الكثره ابلا شك تغلـب شجاعـه
وانا انغلبـت وغالبينـي كثيريـن ,,,,,,,,,,,,,,,,,,,,,,,,,,,,,,,,,,,,,, صح لسانك أخوي أبوهاجر ويذكرنا بيتك ببيت يشاركه في المعنى للشاعر:حامد زيد لو بجيكم بالشجاعة والحميا البلى ان الكثرة تغلب الشجاعة |
سلمت يداك على القصيدة الرائعة
بكلماتها الجزلة ومعانيها الراقية ودمت بكل خير |
| الساعة الآن 10:56 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية