سمعت العود والحانه.... وجاني القلب يتذكر=تذكرت الذي قد راح....وقلبي دايمن يهواه
وتصلا النار في جوفي.... وقلبي دايمن يسهر=وانادي يانجووم الليل.... حبيبي ليتني وياه
ولاكن عادت الدنيا.... تجيب اللي لها اتقدر=وهذا الجرح من خلي.... دروسن من بعد فرقاه
اقضي الليل بلحاني.... انادي له وانا اتصبر=امني النفس بعيونه.... وانا ماظنتي بلقاه
واذا شفت الملا حولي.... اولف ضحك واتمخطر=واذا غابت عيون الناس.... يعود الدمع في مجراه
الم لم باقي احزاني.... واشوف الفرح يتبعثر=واعود واعزف الالحان.... واغني ااه واويلاه
عرف ليلي معاناتي ....وملا خاطري الدفتر=وبكى لجلي نجوم الليل ....اعيش الهم في دنياه
ولا احدن قد سال عني ....جميع الناس تتذمر=جميع اللي يعرفوني....يقولون الهوى يبلاه
ياليته كسر فالخاطر.... واقول الكسر يتجبر=ياليت الجرح زال اليوم.... ياليت الغير مايلقاه
يالييت الزين يسمعني.... واغني له ويتعذر=ويشفي جرح في قلبي ....ويبدي الجرح مايخفاه
حلفت ان شفت محبوبي.... لاقله حالي اتدهور=دخيلك حل محبوبك ....ترى هالحزن مايقواه
واقول ان كان انا المخطي.... خطايه حظي الاقشر=ولا غيره نحل حالي....ولا غيره ابدعناه