منتديات قصايد ليل
صفحة 1 من 3 1 23
عرض 40 مشاركات من هذا الموضوع لكل صفحة

منتديات قصايد ليل (http://www.gsaidlil.com/vb/index.php)
-   قصـايد ليل للخواطر المنقولة (http://www.gsaidlil.com/vb/forumdisplay.php?f=108)
-   -   شبّ الحشا في داخلي واحترقّا (http://www.gsaidlil.com/vb/showthread.php?t=108514)

ضامية الشوق 10-22-2016 02:54 PM
شبّ الحشا في داخلي واحترقّا
 







لاشفت دلو(ن) فيه فتقٍ وشقّا
اعرف ترى الماء مايجي وافي(ن) فيه
‏ولاشفت حبل السانيه فيه دقّا
إخْذْ الحذر من قبل تِقْطَع مثانيه
ولا اوْحَيْت جرح(ن) بالمعاليق لقّا
إعْرِف ترى ماعاد ينفع تداويه
‏والجرح لا مِنّه بسمّ(ن) تسقّا
حَمّ الحديد الصلب بالنار واكويه
والظلم لو إنّه لبس ثوب حقّا
لابد مايخلع ثياب(ن) تغطيه
‏ومن طق باب الناس بابه يطقّا
فـي خيـر ولا شرّ ربه يجازيه
وماصابكم مااخطاك مهما توقّا
وما اخطاك ما صابك ولو صاب راميه
‏وعن لازم(ن) يَلْزَمْك حرصك تتقّا
لاخير فـي رجل(ن) يخلِّي عوانيه
وفي عشرة الانذال حرصك تهقّا
كم واحد(ن) بالنذل خابت هقاويه
‏وحرصك ورى المقفي تصيح وتنقّا
من باعكم بالرخص بيعه بغاليه
ووسط المجالس لا تهرج وتلقّا
أصمت ترى ان الصمت ميزة لراعيه
‏وليا هرجت اهرج بلطف(ن) ورقّا
وافصح لسانك لاتجي لكنة(ن) فيه
إنّ انكر الاصوات صوت النهقّا
وفم الرجل واحد وثنتين اذانيه
‏بعض العرب بالوزن مايازن إقّا
لكن بفعل الطيب تندا أياديه
وبعض العرب دمه كما دم بقّا
دمه ثقيل وباردات(ن) علابيه
‏وبعض العرب مثل الذهب له تشقّا
اتعب على الطيب لياما تلاقيه
ياعبيد هذا واعرف اللي تبقّا
حق الجوار وضيفكم لاتخليه
‏هذا كلام ابوك قول(ن) منقّا
قول(ن) قليل وزبدة الهرج تكفيه
لولاي ما اكتب بالقلم ع الورقّا
واملي هواجس خاطري يوم تطريه
‏شبّ الحشا في داخلي واحترقّا
لكن بيوت الشعر لاشبّ تطفيه
وصلاة ربي عد ماالنور شقّا
على نبي(ن) تمم الله مساعيه

ورده 10-22-2016 03:08 PM
انسكاب راهي/عطاء مميز
اطيب الامنيات.. http://www.jnoon-m.com/vb/images/smilies/er-14_002.gif

كـــآدي 10-22-2016 03:33 PM
عوافي ع الطرح

سيرين 10-22-2016 04:03 PM
فيضَ مَنَ الجَمــالْ الَذي سكبتهْ الَأناملْ الَماسيَةَ ...
سلمت الانامل المبدعة على حسن ورقي الانتقاء
يعطيك الف عافية

لا أشبه احد ّ! 10-22-2016 04:13 PM
*،




آنتقاء مميز .. مَ ننحرم من جديدك

نجم الجدي 10-22-2016 10:43 PM
الله يعطيك العافيه على الطرح
اللي كله ابداااااااع


حضوري شكر وتقدير لك
ولاهتمامك في مواضيعك


اخوك
نجم الجدي

جنــــون 10-23-2016 12:35 AM
يعطيك العافيه

الوجه المليح 10-23-2016 12:45 AM
يعطيك الف عافية

مجنون قصايد 10-23-2016 01:46 AM
ماشاء الله تبارك الرحمن

ذوق في اختيارك
وعافيه عليك وعلى الطرح الراقي
لاحرمك الله رضاه

‏لك كل
تقديري واحترامي

مجنون قصآيد

‏http://i18.servimg.com/u/f18/12/38/24/05/4afakk10.jpg

عـــودالليل 10-23-2016 02:33 AM
‏جمال الاختيار
خلفه ذآئقة جميله جدا

تعرف ماذا تقدم

‏محتوى الطرح اكثر من راقي

من الاعماق
اقدم لك شكري واحترامي


‏http://www.m5zn.com/newuploads/2013/...3a109af97e.gif


‏ليل المواجع
محمد الحريري


الساعة الآن 08:00 AM
صفحة 1 من 3 1 23
عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية