منتديات قصايد ليل
صفحة 1 من 2 1 2
عرض 40 مشاركات من هذا الموضوع لكل صفحة

منتديات قصايد ليل (http://www.gsaidlil.com/vb/index.php)
-   [ابكتب من قصيدي الوزن وغيرهـ من شعر منثور] (http://www.gsaidlil.com/vb/forumdisplay.php?f=10)
-   -   سبحآن مـن يرزق بتوع الملآيين ||~ (http://www.gsaidlil.com/vb/showthread.php?t=10369)

المسآفــر 10-03-2009 07:54 AM
سبحآن مـن يرزق بتوع الملآيين ||~
 


سبحان من يرزق بتوع الملاييـن
الرازق اللي ما يخيب الرجـا بـه
)(
لي عم عنده معـرضٍ للصواليـن
أموت واعرف بس من وين جابـه
)(
وإذا سألته قـال بعـت الدكاكيـن
ما يدري إني ما هضمت الإجابـة
)(
الشاهد إني رحت له قبـل يوميـن
في قصره العامـر ودقيـت بابــه
)(
قال أرحب أرحب عدّد ورد البساتين
يا مرحبا باللـي لفـا يــا هلا بــه
)(
قلت البقا عـدّ النفـل والرياحيـن
يا شيخ شمل أهل الكرم والذرابـه
)(
قال اسلم الله يحفظك ل ي من العين
وآمـر أوامـر حضـرتـك مستجـابــة
)(
قلت الصراحة طالبٍ قرب غاليـن
ودي تـزوجنــي كـريمتــك يـابـــه
)(
ثنّى وقال أهليـن والله وسهليـن
والكون ترخص لجل عينك رقابـه
)(
لكن ترا عندي شـروط وقوانيـن
قلت اشرط اشرط يا حبيب الغلابـة
)(
قال أولاً مهر العروسـة ثمانيـن
غير الرسوم وغير حق العصابـة
)(
والثانية عمك يبي منـك سبعيـن
رسم الأبـوّة والنسـب والقرابـة
)(
وأم العروسة حقها منـك ستيـن
عشانها ست الحسـن والمهابـة
)(
وإخوانها كلن يبي منـك خمسيـن
عداً ونقـداً تنـدرج فـي حسابـه
)(
وخواتها الخمس عطهن من ثلاثين
عشان تتوثـق عـروق النسابـة
)(
وتجيب طقم عيار واحد وعشرين
وخاتم من الماس المصفى ترابـه
)(
وأكياس متروسة كعوب وفساتيـن
ألوانهـا وأشكالهـا مـا تشابـه
)(
وموتر بسواقـه وفيـلا بدوريـن
أثاثهـا مـن بطرتـه ينحكـى بـه
)(
واحجز لنا قاعة بقصر السلاطيـن
واحجز بهـا رقاصتيـن وربابـه
)(
هذي الشروط اللي على بالي الحين
وذكرني اللي ما حسبنـا حسابـه
)(
قلت اذكر الله يا عـدو المساكيـن
واستغفـره لا يبتلـيـك بعـذابـه
)(
الظاهر إنك منت عارف أنا ميـن
أنا لو أرقى فـوق متـن السحابـه
)(
ما جبت حتى نص درزن مواعيـن
واضحك بكيفك واعتبرهـا دعابـة
)(
شروطكم هذي شـروط المجانيـن
شروطكم شغـل ابتـزاز ونهابـه
)(
شروطكم تقصم ظهـور البعاريـن
شروطكـم همّـن وغـم وكآبـه
)(
شروطكم والله سيوف وسكاكيـن
تذبح بنات المجتمع مـع شبابـه
)(
وين الرضا والعطف واليسر والليـن
اللي ذكرهـا الله بمحكـم كتابـه
)(
وين الصفات اللي أمرنا بها الديـن
وين اختفى نهج النبي والصحابـة
)(
يا عم جعل اللي خلقنا من الطيـن
يرد عقلك مـن خطـاه لصوابـه
)(
ويجعل نصيبي عند غيرك قل آمين
ويحسن عزا الصابر ويجزل ثوابه
)(
قال أنت لو فكرت تفكير صاحيـن
ما شفت في مجمل شروطي غرابه
)(
حنا بعصـر العولمـة والمزاييـن
ماهوب عصر الفلسفة والخطابـة
)(
الناس تسعى للرتـب والنياشيـن
وأنت اهتمامك بالشعـر والكتابـة
)(
والشعر ما ينفعك لو هو دواويـن
ما دام جيبك مثـل بيـت الخرابـة
)(
يا بوك لا تسمع كلام المصاخيـن
واسأل مجرب عاش في وسط غابه
)(
قلت الله أكبر يا محـرر فلسطيـن
من يسمعك يحسبك ذيـب الذيابـه
)(
تراك شايب رأس مالـك رياليـن
والبنت ما تسوى جنـاح الذبابـة
)(
قال انقلع مالت على وجهك الشين
لا عاد أشوفـك عندنـا يالزلابـه
)(
قلت ابشر أبشر لكن الباب من وين
وأقفيت من عنده على صوت بابـه


ممآ رآق لي شخصيآ
(:

اليتيمة 10-03-2009 07:59 AM
قريتها سابقا

اعجبت بها مثل ما اعجبتك


يعطيك العافية

دلوعة حبيبي 10-03-2009 08:22 AM

المسآفــر 10-03-2009 03:41 PM
اقتباس:
المشاركة الأصلية كتبت بواسطة اليتيمة (المشاركة 146489)
قريتها سابقا

اعجبت بها مثل ما اعجبتك


يعطيك العافية
منووره


....
....

المسآفــر 10-03-2009 03:42 PM
اقتباس:
المشاركة الأصلية كتبت بواسطة دلوعة حبيبي (المشاركة 146506)
منوووووره
مشكوووره عالمرور الراقي

jojo 10-03-2009 06:37 PM
يعـطــيكـ العااافـــيـــهـ
عـلى الـطـرحـ الراااقـيـ
كانـت هـنا
بـنوتـهـ

ضحكة خجوله 10-03-2009 08:33 PM
الله يعطيك العافيه ع الطرح

&زهورهــ&

سراب 10-03-2009 09:31 PM
طاب لي المقام لأقلب عيناي على سطورك
لا لقرأتها فحسب بل لأستشف مابين تلك السطور من دقائق خفية
يعجزء المرء عن أدراكها لأول وهلة
وإن دلت على شيء فهي تدل على أن لك نظرة جماليه رائعه

Muhammad 10-04-2009 03:59 PM
يعطيك العافية على الطرح المميز


والإختيار الموفق

a7med 10-04-2009 06:50 PM
كلي سعاده بهذا الطرح

ومرور فقط للاعجاب بمالدديكـ

الف شكر


الساعة الآن 03:20 PM
صفحة 1 من 2 1 2
عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية