 |
منتديات قصايد ليل
(http://www.gsaidlil.com/vb/index.php)
- …»●[الرويات والقصص المنقوله]●«…
(http://www.gsaidlil.com/vb/forumdisplay.php?f=12)
- - قصة حقيقية - غيرة المرأه
(http://www.gsaidlil.com/vb/showthread.php?t=102646)
قصة حقيقية - غيرة المرأه
ياجماعة الخير هذي قصة حقيقية على لسان البنت اللي شافت الموقف تقول : وأنا أصلي بالحرم الا بذيك الحرمه الكبيره بالسن اللي تصلي وتبكي تصلي وتبكي وتدعي وتبكي انا استغربت منها وقلت اكيد لها حكاية وكان كل مابين فتره يجيها ولد شاب يكلمها ويروح ويشوف ماذا تريد انا اخذني الفضول بصراحه وجلست بجنبها وسألتها ليش تبكين عسى ماشر قالتلي مافي شي , أنا أصريت وسألتها مره ثانيه سكتت شوي بعدين قالت والله من العذاب اللي فيني ليش؟ وش السالفه؟؟!! قالتلي اقولك قصتي وبعدين احكمي كنت متزوجه من زوج ونعم الازواج يحبني ويحترمني ويعزني بس كان فيني عيب اني ما اجيب عيال وانا حاولت بس الله مارزقني فشرت عليه انه يتزوج ثانيه هو مارضى فالبدايه بس انا قعدت الح الح الح حتي وافق فدورتله على الزوجه وخطبتها له وتم الزواج بس بعد ما تزوجها شبت نار الغيره بقلبي لانه اخذ يميل لها و فتره بسيطه الا والمره حامل زادت غيرتي المهم جابت له ولد الزوج فرح وقعدت انا افكر بنفسي كيف انا اللي شرت عليه في يوم جاني زوجي وقالي بسافر مع مرتي الثانيه وبنخلي الولد عندك ووافقت طبعا لانه مافي احد يمسك الولد غيري سافروا وخلو الولد عندي وكان الوقت شتاء وكنت شعلا الجمر والولد عمره تقريبا سنه وكم شهر وهو يلعب ويطامر قدامي وانا بقلبي نار تشتعل مثل الجمر كيف ياخذها ويسافر!! ويخلي الولد عندي ومن هالكلام وفجاءه الا الولد يمد يده بيلعب بالجمر ومن ناري وغيرتي مسكت يدينه وحطيتها اكثر بالجمر حتي ذابت يده وهنا شلتها بعدها مايحتاج اقولك كيف صارت يد الولد وكذا حسيت ان ناري طفت اشوي نمنا ذيك الليله الا ويجينا خبر وفاة زوجي مع زوجته وهم في طريق العوده بحادث وظليت وحدي عايشه مالي احد غير ربي ومن ثم الولد اللي تشوفينه وصار اكثر من ولدي واعز ويدور راحتي ويرعاني ومالي ظل غيره هو اللي يشوف طلباتي وطلبات البيت ومو مقصر معاي بشي بس انا كل ماشفت يده يتقطع قلبي على اللي سويته فيه وهو يناديني يمه بس الى الان ماقلتله اني انا اللي شوهت يده ولازلت اعاني من العذاب وتانيب الضمير وادعي ربي يغفرلي ذنبي سبحان الله وشلون حكمة ربك انه صار خير لي لولا هالولد كان انا حالتي حاله ويرد يجيها الولد وهو مخبي يده ويحب راسها ويسألها هــايالغاليه نروح الحين وعسى ان تكرهوا شيئا وهو خير لكم |
انتقاء جميل
و طرح رائع كـ روعتك سلمت على الطرح الراقي و لا حرمناك |
يعطيك العافية
|
عوافي
|
طرحك جميل ..||
دام التألق ... ودام عطاء نبضك كل الشكر لهذا الإبداع,والتميز لك مني كل التقدير ...!! وبآنتظار روائع جديدك بكل شوق...! ودي وعبق وردي ..|| |
عوافي
|
ماشاء الله تبارك الرحمن
ذوق في اختيارك وعافيه عليك وعلى الطرح الراقي لاحرمك الله رضاه لك كل تقديري واحترامي مجنون قصآيد http://i18.servimg.com/u/f18/12/38/24/05/4afakk10.jpg |
١٠٠
هكذا تكون الفائدة عندما اجد جلب بهذه القيمة ومحتواه اكثر من رائع يسهم في زيادة الرصيد الثقافي داخلنا اشكرك من القلب عود الليل |
هدووووء جهد مبارك بلهفة وشوق نترقب المزيد المشرق من أناملك تعودنا منكم الجديد والمميز دائما فلكم منا اجمل التحايا |
انتقاء رائع ومتفّرد
وعطاء بآذخ لامس سماء الابدآع لـ روحك أتمنى سعاده لاتبور دمت ي طٌهر |
| الساعة الآن 02:00 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية