م ت ن ا ث ر هـ (2)
 

بسم الله الرحمن الرحيم

هذي قصيده قديمه كتبتها لأحد أصدقائي .. نسيت بعض أبياتها .. المعذرهـ

مدخل/

لو زرعت مْن الغلا .. تجني غلا
ولو تركت الشوق .. يغلي بي غلي

إنتظرتك بس (ترى ما هي حلَى )
ما يصير إنته وهـ الدنيــــــــا علي :)

/

سلام مني غير يا وادي عصيل
سلامٍ أبطى لين ساق الأصيله

هذي ثلاث شهور ما سال لي سيل
ولا عانق الوديان والقشع ليله

مالت بي الأيام وآنا مع الميل
أجَابِـه الأيام مع كل ميله

أطرد ورى الاحلام واحط واشيل
واحتال لو هو ما به ايّات حيله

عشت الليال السود ليلٍ ورى ليل
حتى عرفت إن الهزيله . . هزيله

دنيا تذل الرجل يا صاح تذليل
وتلاعب إبن ؟؟؟؟؟ لا هزّ ذيله

مال المراجل عمْر .. خل المهابيل
لا صرت فاهم في سلوم القبيله

لا ياخذون الطايله وانت حلحيل
أثقل حمول الوقت م تهد حيله

وش فايدة بالله صف المعاميل
لا صار ما ترهي على البن .. هيله

وش عاد لا راح الردي يا رياجيل
لا روّحت ام العيون الكحيله

إللي لها بين الحنايا مداهيل
وإللي روَت من فيض قلبي وسيله

سْنين وانا كاتم الشوق والويل
وكل ما بغيت ابوح .. قالوا فشيله

واليا بغيت اسلى بكثر التعاليل
يْلوح برق الشوق قدْمِي . . واخيله

عان العيون اليوم .. وبل , وهماليل
هدّت تبي تملي دروب المسيله

/

ومضة /

أنا ما عليّه من خمام العرب ,والبوم
أسوق الركايب لين تارد على الجمّه

جميل متناثر
كلمات قمه في الجمال

سلمت اناملك
ويعافيك ربي

تقييمي + اعجابي + تنبيه

كلمات رائعه
جميل ماطرحته هنا
راق لي متصفحك
تحياتي لك

صح لسانك يامتناثر
قصيده جزله وحتى لو قديمه

اجدت فيها بشكل كبير ولابه ملاحظات
الا الشطر اللي وضعت فيه استفهامات
كان وضعت كلمه كلمه لائقه وقدمتها صدقني
سيكتمل الشطر

الفقد صعب ياصاحبي
وخصوصآ من تمنينا وحلمنا بقربهم

اعجبني

سْنين وانا كاتم الشوق والويل
وكل ما بغيت ابوح .. قالوا فشيله

واليا بغيت اسلى بكثر التعاليل
يْلوح برق الشوق قدْمِي . . واخيله

عان العيون اليوم .. وبل , وهماليل
هدّت تبي تملي دروب المسيله

صح لسانك على هذا النزف الراقي
مفرده قويه
ابدعت في استخدامك لبعض مواطن الجمال
من اسقاطات واقتباسات وتشبيهات

من القلب اشكرك وشاعر متمكن وشهادتي
وشهادة غيري مجروحه

واصل وفالك التوفيق

همسه،،
سجل اعجابي عندك

صح لسانك وعلى شانك
ابيات فيها قيمه شعريه تشبع النظر

قصيده من زمن جميل وممتعه

الف شكر لك

صح لسانك اخي ماناثر
قصيدة الاحلام انا بسميها

قصيده روعه

طرح رائع اخوووي

وننتظر ابداعك الراقي

صح لسانك
قصيدة جميله
بانتظار بوحك بكل شوق
دمت بخير