 |
منتديات قصايد ليل
(http://www.gsaidlil.com/vb/index.php)
- ..أنا لكـ شـاعرٍ يكتب وشعرهـ نقوة أفكـارهـ ..
(http://www.gsaidlil.com/vb/forumdisplay.php?f=110)
- - سيّد الغيد
(http://www.gsaidlil.com/vb/showthread.php?t=30405)
سيّد الغيد
الشعـر موقف والمواقـف كثيـره والزّين ماله غير طاري وسيره يالعنبوا جــــده علـى هالوتيـــره ماهوب راحمني ولا هوب منصاع..!! جنّدت له قافٍ من الشعر مرغوب يادوب يشكي له عن الحال يادوب من عام الأول يبـدع القـاف ويذوب والوضع مابه غير هجر وتوجّـاع..!! قلت أكسبه بالشعر لا صرت شاعر يمكن يجي لـه عقب صده مشاعــر والظاهر إنه مايعــرف المشاعــــر قلبه عـن إقلـوب المحبين جــــزّاع..!! أثر الهوى غلاّب ياأهل المواعيد ماهوب متخبّي ولا هــوب تأكــيد من عيد تطرد سيـّـد الغيد للـعيــد الحول دار ولا بقى للـوصل بـــاع..!! وإن جاك عاذل قال وينك ووينه علّقك بخيـــوط المـحبـــه وزينـه منتب على وصله ولنتب تـــدينه إنسه ترى شفّه على الغير طمّاع..!! مايدري إني فيه مغــرم ومفتون والحب مايخضع لمنطق وقانون إمّا عطاني حــب مانيب ممنون أنا عطيته غصنٍ أخضر ومرباع..!! ياناس ياللي لمتوا عيـون سلطــان يـوم إنفتن بالزين والزين لـه بــان لاتكثرون اللــوم مـادمت عشـقان كان الوصل وإلا الجفاء خافقي طاع..!! من يــوم شفته والمــزايين شــانــوا وإن كــان ماشفتوا تعالوا وعــانــوا عـانـوا يتيــم الحســـن بـالله عانــوا قدٍ رشيق وطول وعيونٍ وســاع..!! هي صدفتٍ شفته وشفته وشفته لا مالـمـحتـه ليت لـــوّي لمحتــه ماكـــان غنّيت الغــرام وعـرفته ولا كان حبّيته ولا صرت منصـاع..!! عشّمت روحي فيــه مدري تعلّقت الزبده إني فيــه ذبت وتشـــوّقت جمّعــت كلي فيه مدري تفــرّقت الزبــده إني منه عانــي وملتــــاع..!! الله يســامح قلبـــــي اللي تــــولّع في حب محبــوب الخفوق المدلّـع شلّــع خفوقي ليـن العـــود شلّـــع مانلت من حبه سوى ضيم وأوجــاع..!! |
.....................
|
قصيده رائعه اخوي
وننتظر جديدك الرائع |
الله عليْكَ يَ سُلطآن ،، لَكَ قَلَمٌ صادِقٌ صادِق، يغْرِقُنِي بِجماليَّتِه شكْرًا و لا تّفيكَ يَ ألَق http://www.u3u2.com/vb/images/smilies/8555.gif |
مايدري إني فيه مغــرم ومفتون والحب مايخضع لمنطق وقانون إمّا عطاني حــب مانيب ممنون أنا عطيته غصنٍ أخضر ومرباع..!! مثل ماتعودنا عليك الابدااااع بكل شي صح لسانك اخوي وعلا شانك لاهنت |
من يــوم شفته والمــزايين شــانــوا وإن كــان ماشفتوا تعالوا وعــانــوا عـانـوا يتيــم الحســـن بـالله عانــوا قدٍ رشيق وطول وعيونٍ وســاع..!! الله الله عليك اخوي سلطان وربي قمه قصيده ولا اجمل من كذا ووصف رووعه لاهنت والله وصح لسانك ملايين |
أخوي عود الليل
شاكر لكـ مرورك الكريم لاهنت.. |
اقتباس:
ألف شكر على المرور الأنيق تحياتي لكـِ.. |
اقتباس:
هلا وسهلا ياتوّاقهـ.. شكرًا على مرورك الذي أضاء متصفحي تحياتي لكـِ.. |
مايدري إني فيه مغــرم ومفتون والحب مايخضع لمنطق وقانون إمّا عطاني حــب مانيب ممنون أنا عطيته غصنٍ أخضر ومرباع..!! مثل ماتعودنا عليك الابدااااع بكل شي صح لسانك اخوي وعلا شانك لاهنت.. رعشة عطر.. شكراً على المرور العطــــــر تحياتي لكـِ.. |
| الساعة الآن 06:28 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية