رواية /حزينة على ماضي ولىّ و فات
 

البارت الثاني

قمت من النوم على الساعه 11 صباحا رحت اتوضى
وصليت سنة الضحى نزلت ولقيت امي قايمه وجالسه على سجادتها
سما:ياصباح الخير
ام سامي:صباح النور هلا حبيبتي
سما:متى قمتي وخزياه منك يايما تأخرت عليك بالقهوه
ام سامي:لا ميخالف انا اصلا تو ماقمت وجلست اتسنن واقرا قران
لحد ماتنزلين
سما:زين يالله اقوم اسوي لك القهوه والفطور عشان تضربين الابره وتاكلين علاجك
ام سامي : الله يرضى عليك يابنيتي

سويت الفطور لامي وطلعت من المطبخ رحت عند امي وجلست افطر انا وياه
ام سامي: سما امي وراتس يابنيتي ماتسوين حلا اليوم عشان خواتك بيجون ان شاءالله وازواجهم يمكن يدخلون ويسلمون علي
سما: ابشري بالله والله ماعندي طريقة حلا الحين ويمكن مايصير فيه طلباته بالبيت
ام سامي: دوري لك الحين ايش شي يواجه وقولي لاخوك وهو راجع لدوام يجيب الاغراض مهوب مقصر
سما:ياسبحان الله ياميمتي الححب لساامي وحنا لنا الله هههههه
ام سامي: الحين غرتي لاني مدحت باخوك وانا صادقه ماقلت شي من عندي .. يابنيتي بكرا تزوجين وتجيبين عيال وتشوفين وشلون ان الضنى غالي ..
سما:ايه ماقلنا شي بس يمه الغالي عندك سامي وحنا يالبنات ضعيفات هههههه
ام سامي: وش اسوي يابنيتي وحيدي غصبن علي احبه عسى الله لايحرمني منه
وسما باندفاع: وحنا يمممه
ام سامي : هههههههه ويخليكن لي وتنول كل وحده مراداها
سما:ايه اشوى قلت شكله الدعاوي بس لساميوه وحنا لنا الله
ام سامي: اقول اخلصي علي بس رحوي شوفي لك حلا تسوينه بدال هالقعده
سما:ابشري .. مع انه طرده يعني ماتبيني اجلس عندك .. بس لاتخافيين جالسه عندك للابد من غير شر
ام سامي:استغفري ربك ان شاءالله الله يرزقك بولد الحلال اللي يسعدك ويفكنا منك ههههه
سما: بسم البه الرحمن الرحيم الحين هاذي مدحه ولا سبه ارسي لك على بر يمه

................

بمكان اخر ببيت من هالبيوت
قمت على صوت اذان الظهر بسرعه رحتي اووضى واصلي عشان اركب على الغداء قبل لايوصولن العيال ياخزياه منهم امس بعد متغدين من مطعم كله بسبب هالضرة النحس من يوم ماجات البيت وانا لا ليلي ليل ولا نهاري نهار حسبي الله ونعم الوكيل لو بها خير كان هي تسوي الغداء تشوفيني كبر امها يامال الشر ان شاءالله ماترحمني
انا حصة عندي 3 عيال 4 بنات ماشاءالله انا كبيرة العائلة تزوجت وانا صغيره وزوجي يحب العيال الكثار وبعد كل هالعشرة وهالعمر تزوج علي وحده كبر بناته الله يخلف
لا واللي يغبن بعد انها جابها وسكنها عندنا
وعااد مااقولكم كيف انقلب حال البيت من بيت نظيف ومرتب ومنظم لبيت فوضوي وحوسه وصجه وصراخ وخناق
صرت انا وياها روس كل وحده منا بتمشي كلمتها على الثانيه والاشد من هذا كله انه السيد زوجي شايل يده منها ماله دخل فينا نهائيا نتصالح نتذابح نتخانق ماله دخل فينا وبس انا وبنياتي على هالمره نطيح فيها تمردغ لحد مايجي احد من العيال يفك بيننا
.... اليوم جمعة اهلي لازم اسوي شي معي ما اروح كذا وانا يديني فاضية شكلي ابقول لسهى تسوي من هالحليات من الانستقرام ازين

..............


في احدى مدارس الثانوي كانت تلقي الحصه على البنات ورن الجرس

ابتهال:يالله يابنات مع السلامه ولاتنسون الاحد الاختبار وقلت لكم مافيه اعاده مااقبل اي عذر .. استودعتكم الله

مشيت بالاسياب ورحت لغرفة المخصص للمدرسات جلسة على طاولتي وسمعت المدرسات يتكلمون عن وحده كانت معلمه بمدرستنا انها توفت
ابتهال:لاحول ولا قوة الا بالله متى صار الحادث
لطيفة:ايه والله ياعمري امس وهم راجعين من مكه هي وولدها وبناتها صار عليهم حادث توفت الام ووحده من اابنات والباقي بالمستشفى .
سارة:وزوجها مو معهم بالحادث
لطيفة:لا هي ارمله صار له فوق 12 سنه
سماح:ياحياتي ياعيالها اللي باقي يتيمين الابو والحين الام عسى الله يكون بعونهم
لطيفة:هاه يابنات ماتبون الحين اذا طلعنا من المدرسة نروح نعزيهم 5 دقايق كذا ونرجع
منى:ايه والله صدقتي لازم نعزيه يالله بس ابتصل استأذن من زوجي ..

انا ابتهال البنت الثانية للاهلي .. متزوجه وعندي بنتين وولدين


...................

توي حطيته بسريره ابي اخذ غطه قبل لايجي زوجي من الشغل .. اشوى اني مسوية الغداء من امس .. الله يصلحه اياد مو راضي ينام ولا يخليني انام معه .. ياحياتي هو المغص ذبحه من الالم .. وعلى قولة امي للاطفال(شكاه بكاه) يعني مايقدر يشتكي بالالم اللي فيه الا بالبكاء والصياح

انا مها البنت الثالثة لاهلي متزوجه وعندي بنتين وولد توي طالعه من النفاس

تذكرت اليوم جمعة اهلي وانا ماسويت شي معي يوه .. ان شاءالله يقدرون ظروفي ويدرون ان اياد مانومني ..

....................

تسبحت وطلعت من الحمام وانتم بكرامه رحت بسرعه للتسريحه ابي اضبط شكلي قبل لا يجي زوجي ... خلصت ورحت ازين الطاوله واحط الغداء واعطر المكان قبل لايجي

انا ريما البنت الرابعة لاهلي صار لي باقي شهر واكمل سنه زواج ... اليوم جمعة اهلي ولازم اخذ شي معي .. بس الحين مايمدي شكلي ابمر اي محل واجيب ... بس عيب اكلف على زوجي .. لا لا شكل بس ابروح ما راح اخذ شي معي مو لازم اكيد خواتي كلهم جايبين


............

انتهى البارت الثاني
بقلم:
سلام

الله عليك إبداع كم يشبه النور .. ابصرت من روعة حروفك وطرحك
M hariri


أناقة طرح وجاذبيه
إهتمام و..

اجتهاد واضح في الطرح
وذائقة عالية المستوى

استمعت النفس بما مرت عليه هنا،،،
فبهذا العطاء سنرقي

من أعماق القلب أشكرك

اخوك
محمد الحريري

http://img.el-wlid.com/imgcache/282050.gifhttp://img.el-wlid.com/imgcache/282050.gif

الله يعطيك العافيه على الطرح
اللي كله ابداااااااع


حضوري شكر وتقدير لك
ولاهتمامك في مواضيعك


اخوك
نجم الجدي

انسكاب متميز وراقي
انتقاء جميل
شكرا لك وأطيب الأمنيات

حضورك شرف لي
نورت أخي الكريم
عود الليل