صفحة 1 من 4 1 2 3 4 > عرض 40 مشاركات من هذا الموضوع لكل صفحة

نظرة الحب 06-06-2011 09:32 PM ديوان حمدان المري   تـــعــلــقــهـــا ...... يا صاحبي لو علـى دنيـاك مـا دامـت لـو تملـك الأرض مغربهـا ومشرقهـا لا تلتفـت فـي كـلام العـاذل الشـامـت شف اللي باقي مـن أحلامـك وحققهـا لو تدري الناس وش موزيك ما لامت تسـابـقـت لـلـعـذل والـلــوم سـابـقـهـا لا ارتاحت الناس في شفك ولا قامت ما يدري بأسرار نفسـك كـود خالقهـا تقـول عينـي لـهـا يومـيـن مــا نـامـت وأقــول شالـلـي معنـيـهـا ومرهـقـهـا عمر الغلا ما يجي بإحراق ومعامـت معـامـتٍ نفـسـك بنفـسـك ومحـرقـهـا بعض المحبـه طيـورٍ كـل مـا حامـت مـا مرهـا مــن الهـبـوب الا مفرقـهـا وبعض المحبه طيورٍ كـل مـا شامـت عن دارها كن جفـا (المربـى) يوثقهـا إن طعتني خل جوالك على الصامـت وخـذ قـاعـدة طـنـش العـالـم وطبقـهـا البنت مهما أعشقت وأشتاقت وهامت لــو قـالـت أنــي أحـبـك لا تصـدقـهـا الا اللي من حبها لرضاك مـا سامـت لو أنـذرت عمرهـا مـن دون عاشقهـا ذي اللي في حبهـا لا تفـرح الشامـت يـــا تحـبـهـا صـــدق والا لا تعلـقـهـا وأغنـم زمانـك تـرا الأيـام مـا دامــت تغـااانـم الـلـي بـقـى دامــك مفارقـهـا

نظرة الحب 06-06-2011 09:32 PM ياقصيدي ياقصـيـدي هــل تـكـفـى لازهـمـتـك ياقـصـيـد مازهمتـك مـن فـراغ ولانصيـتـك مــن سـعـه ضايق صدري وكن ضلوع صدري من حديـد لادخــل بـيـن المحـانـي هـــم عـيــت تطـلـعـه ضايـق وابغـي المسيـر وكـن فالرجلـيـن قـيـد ليـت حـظ يقـطـع الـرجـوى تجـمـل واقطـعـه وجـد حالـي يـوم قدنـي مـن بعـد حبـه وحــيد وجــد عــود يــوم قـفـى ويتـهـامـل مـدمـعـه اصـغـر عيـالـه تـجـود كــل إيـــد تـــرد إيـــد يـتـجـود فـــي يـديــه وجـاتــه امـــه تـمـنـعـه والله انـي والله اللـي يشـهـد ان بـاسـي شـديـد بــس لـيـت الـوقـت مـالـه ضربتـيـن موجـعـه الاولـه مـن جـور وقتـي والبـلا طبـعـه عنـيـد كــل ماجـيـت اتـهـادى زاد فالـصـدر وجـعــه هـكــذا طـبــع الـزمــن والله يـفـعـل مـايـريــد والـبـنـي آدم يـمــوت ولا لــحــق مايـطـمـعـه راحـت النفـس ورضاهـا كنهـا العـز المجـيـد ومـن ربـح ثنتيـن عمـره كاسـب ربـح اربـعـه مـن بعدهـا زلــت الـلـي ماهقـيـت انــه يحـيـد عـن طريـق خابـر انــه طــول عـمـره يتبـعـه والله ان ماهوب همـي فالزمـن جمـع الرصيـد ولاني بمثل اللي يدور وان لقى المـال جمعـه يحسب ان عمره على كثـر الـذي يجمـع يزيـد ولا يصاحـب غيـر نـاسً مـن وراهــا منفـعـه مايهـمـه ضـيـق غـيـره دامــه الـلـي مستـفـيـد مايهـمـه غـيــر روحـــه يـاعـسـى الله يقـلـعـه صعب انـك تقنعـه لويـدري انـك رايـك سديـد يعنـي خذهـا بالمختصـر لايمكـن انــك تقنـعـه شب في صدري ضوي وحط في صدره جليد كلـمـا طفـيـت جـمـرً فــي ضلـوعـي ولـعــه وكلمـا صـدري تضايـق رحـت ادور للجـديـد شاعـرً وافـرح الـى جــات القصـيـده مبـدعـه بيـن طلبـات المشـيـب وبـيـن دمـعـات الولـيـد وبيـن هـم وبيـن حـزن وبيـن ضيـق وملـوعـه مـــا لـقـيـت الا ضــنــونً لاتــفــاد ولاتـفـيــد لـيـن ياتـيـنـي بـعــذرً ينـشـفـع لـــه واشـفـعـه يـوم قفيـت ودعـانـي كــن صـوتـه مــن بعـيـد يـحـدانــي لـلــدمــوع وخـافــقــي مــاودعـــه مـا التفـت لصوتـه اللـي وصلنـي بـس الأكيـد انــي قفـيـت اسمـعـه لـكـن مـاكـنـي اسـمـعـه دام مالـي غيـر صـبـري والتـوجـد والقصـيـد قـولـوا حـمـدان يتـعـوذ كــف مـنــه فالـسـعـه

نظرة الحب 06-06-2011 09:33 PM ضـــيقـــة صــــــدر يمـر يــوم وكــل يــوم يـمـر أحــس أنــي حـزيـن أمسي على ضيقة صدر وأصبح على ضيقة صدر قالوا الفرج عقـب الصبـر قلـت الصبـر هـمٍ دفيـن قالـوا الوفـي طبعـه وفـي قلـت الزمـن كلـه غــدر قالوا الصدف قلت الصدف ماعشمت طول السنين قالـوا القـدر قلـت القـدر مـن اللـي يـردك يـا قـدر قالوا الامل قلـت الامـل مثـل السـراب اللـي يبيـن قلـت للعهـد وانـا علـى المطـلاع وسـط المنـحـدر قالـوا تشوفـه قـلـت اشـوفـه فــي حـلـوم النايمـيـن اصحى على شوفه وانا خدران واصحـى واخـدر قـالــوا وش الـلــي تـذكــره اذا تـنـاولـك الحـنـيـن قــلــت التـنـهـاتـه اذا طــــروه الــدمـــع يــحـــدر قـالـوا يخـونـك قـلــت انـــا ياكـرهـنـي للخايـنـيـن لــو خـانـي ضــاع الـوفـا فــي الـنـاس الا مـانـدر قالـوا نسيـتـه قـلـت والـلـي لـحـن المسـلـم جبـيـن ماانسـاه كـود النـاس تنسـى الليـل ومطـلاع البـدر قالوا كـم اللـي راح مـن عمـره شقـى قلـت سنتيـن عاميـن وانــا اغــرب الخـطـوات والقـلـب يـحـدر قالوا الكدر ويش الكدر قلـت الكـدر مثـل السجين عاش فـي سجنـه كـدر واذا طلـع عـاش الكـدر قالـوا سـواتـك وش يـسـوي قـلـت بـيـن الحالتـيـن امـا تـوفـى مــن غـبـن والا قـضـى عـمـره هــدر

نظرة الحب 06-06-2011 09:33 PM الريــــــــتـــــز يالله دخيلـك مـن الضيـقـات والحـكـره إلـى أنكسـر خاطـر الغالـي ولا جـبّـر لاضاق صدر الحزين وشـاف مايكـره لا أحتال يصبر على الضيقه ولا صبّر ياللـي غـلاك بضميـري عـام محتكـره ماهـوب ينقـاس ولـو ينقـاس مـا شـبّـر عليـك مشروهـي اللـي مـالـك بـذكـره من ويـن...والا شقول....وكيـف بعبّـر عطيت وجهي زمانـي بـس مـن مكـره يقـبـل بـشــره عـلــيّ وخـيــره مـدبّــر لــو أن بـكـره درا بالـلـي بـعـد بـكــره كـان أحتملنـا الزمـن لـو جــوه مغـبّـر الحمـد لله علـى فضـلـه ومــن شـكـره كلمـا عسرنـي الزمـان أدعـيـه وأكـبّـر (يالأمبـراطـور) مـابـه شــي نفـتـكـره الا مسـاء الأربعـاء وحمـدان مـا خبّـر ذا فندق الريتز و الكورنيـش والوكـره تشهد علـى ضيقـة اللـي راح مـا عبّـر لا صار ما أنـت بكفـو للحـب لا تكـره مـن يصغـر بعيـن خـلـق الله مــا كـبّـر أرحل لو أن الرحيل أعظم من السكره بقـزر اللـي بقـى مـن الـوقـت وأعـبّـر أبـعـد وأنــا ببتـعـد لكن...عـلـى فـكـره محبـتـي لــك تـواضـع وأنــت متكـبّـر الحر لا قد جـزع ثـم طـار مـن وكـره والله مايـلـتـفـت مــــا دامــــه مــدبّــر

نظرة الحب 06-06-2011 09:33 PM ويــــن أنــــــــت......؟ يكـبـر قـسـى جـــرح السـنـيـن ويـعـنـي رجـل الحزيـن اللـي علـى حـد الإدراك هــذا أنــا يــوم أخـلـف الـوقــت ظـنــي الـحــزن حـزنــي والـسـوايـا سـوايــاك بـكـيــت وأبـكـيــت الـعـيــون وبـكــنــي تـعـال شفـنـي كــل مــا حـــان ذكـــراك كـــم واحـــدٍ جـانــي بـعــدك وسـألـنـي شخبـار مــن حبـيـت وأقـفـى وخــلاك؟ وأصـــد والـحــزن الـخـفـي ممـتـحـنـي وأن قلـت منـهـو قـيـل مـاهـوب يخـفـاك قيـل العـوض قلـت العـوض مـا شحنـي والله لا هــــــــــــــــــذا ولا ذا ولا ذاك يـــا مـــا بعـضـهـم مـرنــي مـــا فـتـنـي يـا جعـل ماهـم بالـعـوض فــي محـيـاك الله لا يـجـبــر عــــزا مـــــن عـذلــنــي مـا جـاه مـا جـانـي ولا جــاه مــا جــاك واللـي عـذل ويـقـول (لــو و لــو أنــي) جـعـل يعـشـق لــه واحـــدٍ كـنــه إيـــاك مـــا فـيــه شـــيٍ فـــي حـيـاتـي غـبـنـي الا نـهـار أقفـيـت وأنــا أسـمــع إبـكــاك الله مـــــن جــــــرحٍ قـــديـــمٍ مــكــنــي أمــداك نـزفـه لـكـن ادواه مـــا أمـــداك عـلــيّ كـــم جـــار الـزمــان وطـعـنــي أسمـع صـدى صـوت المعالـيـق تنـخـاك ويـن أنـت يالـلـي كــل مــا غـبـت كـنـي واقــف عـلـى بــاب الأمــل وأتـحــراك ليـتـك تـعـرف تـخــون وأقـــول خـنــي عـلـى الأقــل الـقــى سـبــب وأتـنـسـاك ولـيـت الـزمـن فمحـبـتـك مـــا خـذلـنـي وليت الهجر من طيب خاطرك ورضاك لـــو أن قــربــك والــوصــل بالـتـمـنـي مـا غبـت عـن عيـنـي كـثـر مــا اتمـنـاك خـايــف يـطــول الـبـعـد وتـســج مـنــي وياخـذ مكانـك شخـص ماهـوب يسـواك وش عـاد أســوي يـومـك أقفـيـت عـنـي لا أنـا أتبـع المقـفـي ولا أحــب فـرقـاك

نظرة الحب 06-06-2011 09:33 PM ضيقه بري اي والله اني ضايـق وخاطـري شيـن حـتـى زرار الـثـوب قــده يحـديـنـي والدمعه اللي تدرج العيـن مـن حيـن باهـلـهـا لـــو قـيــل لـــي ياعـويـنـي لاضقت ولديت نظري يسـار ويميـن كنـي احسـب وش بقـى مـن سنيـنـي ضيقـة بــريٍ حــط بـيـن المساجـيـن من عقب ماهو حـر قـد هـو سجينـي ادخلـه وسـط السجـن كيـد الملاعيـن ولا لـه علـى ثبـت الـبـراءه عويـنـي وجـدي وجـوده يـوم جــروه ببـزيـن وقالـوا عليـك اعـدام وارج المعيـنـي ويصيـح تكفـون اجلـو الحكـم بعديـن خلـو حــدى عـيـال القتـيـل يحكيـنـي وعطونـي القـرآن واحلـف لـه بديـن انـــي بـــريٍ يـمـكـن انـــه يعفـيـنـي وياضيـق صـدري كلمـا قلـت بيتـيـن ويـاوجـد حـالـي كلـمـا الـــد عـيـنـي واصبحت فالشـدات ضمـن المخليـن والــى ارتـخـت الايــام متحاولـيـنـي وانـا الـى اقفـى صاحبـي دون ثنتيـن مانـي مصـوت لـه وهــو لا يجيـنـي يشرح لي اسبـاب الهجـر بالبراهيـن والثـانـيـه يـسـمـع جـوابــي بحـيـنـي وانـتـي نويـتـي دون علـمـي تقـفـيـن ومن راح دون رضـاي ماهـو يبينـي بسألـش انـا وردي لـي العلـم ذلحيـن وامـانـتـش يــاغــا يــبــه جـاوبـيـنـي ان كنـت مخطـي قولـي اللـي توديـن واللـي علـي اقــول لــش سامحيـنـي انـــا عـطـيـتـش كــــل ماتستـحـقـيـن والــى استحقـيـت المحـبـه عطـيـنـي كانـش علـى خبـري فـلا بـد تعطـيـن الـلـي قـبـل عـامـيـن كـــان بيمـيـنـي قـلـبٍ سكنـتـي فـيـه بـيـن الشرايـيـن مـن يـوم رحتـي صــار مايشتهيـنـي ان كــان ودش بــي فــلا بــد تـاتـيـن والا الــــى قـفــيــت لا تـرتـجـيـنـي مثي الى اخطى تاب وانتـي تعذريـن وكانه خطاش اعفيت وانتي اعذريني يعني كذا لا اخطي ولا عـاد تخطيـن لــن الخـطـا مــن سبـتـش يكتـويـنـي عشرت عمر من عام تسعه وتسعيـن وانـتـي هنـيـا بـيـن روحــي وبـيـنـي ياليـت لـي مـن بــدت الـنـاس قلبـيـن وانتـي عـلـى كيـفـش بـهـا خيريـنـي الاول معـي لامــن نويـتـي تصـديـن والاخـر خذيـه ومـن وفـاه اعشقينـي عـشـان الــى مـنـش بغيـتـي تغيبـيـن مـاقـول بـسـبـاب الـهـجـر علمـيـنـي ياغايـبـه لوغبـتـي شـهــور وسـنـيـن غــلاش ماينـقـص ولا لــه وزيـنــي لــكــن امــانــه لابـغـيـتـي تـسـجـيـن سجي من همومـش معـي واذكرينـي وكانش نويتـي دون رجعـه تروحيـن روحـــي ولـكــن قبـلـهـا وادعـيـنـي

نظرة الحب 06-06-2011 09:34 PM يــاســـعــــود يا سعود سلم لي على الشاعر نـواس هــذا إشــاره وانــت تفـهـم الإشــاره قالوا لي انك البارحـه فـي بنـي يـاس ودار الحكـي مـا بيـن جــارٍ وجــاره في مجلسٍ يا سعود ماهوب مجـلاس أسـمـي خــذا لــه لـفــتٍ واسـتــداره عموما" الموضـوع ماهـوب حسـاس بــس السـكـوت أحـيـان ذل وحـقـاره يا سعود قلها لـه مـن الـراس للـراس مــا بــه حـكـي ينـعـاد تــاره وتـــاره تـرا الـردا ينعـاب والطـيـب نـومـاس وراعي العفـو يعفيـك حسـب اقتـداره من طاب راسه شاع ذكره مع النـاس والا الـردي ذكــره عـلـى بــاب داره بـنـك الـربـا والـمـال تاليـتـه إفـــلاس والا بـنـوك الطـيـب ربـــح وتـجــاره يـا سعـود مـا كنـك سمعتـه ولا بــاس كــلا" وانــا حـمـدان يـعـرف وقــاره مـن داس ثـوب الغيـر لا بــد يـنـداس مـــا عــــاده بـكـيـفـه ولا بـإخـتـيـاره الله يكرمـنـي عـلـى قبـضـت الـكـاس والله يعـديـنـي (الــقــدو) والــزقــاره كيفي مع أهل الكيف (بنن) ومحمـاس وصبي" إلى صلى الفجر شـب نـاره ورتـب معاميلـه علـى الـنـار بقـيـاس وهيـلـه وبـنـه واللـبـن فــي غـضـاره أنـا سليـل الرمـح والسيـف والـطـاس أهــل الفـخـر والمـرجـلـه والـنـعـاره لا صاحت الهيجاء على قب الأفراس أبـشـر بـهـم لا ولـعــت كـــل غـــاره هذا أنا والا انت ويش انت يـا نـواس والا أنـت غـرك لبـس بشـت الأمـاره لا صار مالي سمعت" ترفـع الـراس عــز الله أن أيــام عـمــري خـســاره

نظرة الحب 06-06-2011 09:34 PM الأمــــــــــــــيــــــــــــــــره الحـب فيـض صـدور والـشـوق ديــره والقلـب مـن جـور المقـاديـر مـحـروق كـثــر الأمـانــي والـلـيــال الـقـصـيـره تعيشـك فــي ضـنـك وتـمـوت مخـنـوق قـالـوا تـحــب وقـلــت لـلـحـب سـيــره قالـوا تعـب مـا بيـن عـاشـق ومعـشـوق قلـت التـعـب يحـتـاج صـبـر وبصـيـره ولـولا التعـب مـا حصـلـوا للهنــا ذوق وأنــا هـويــت الـلــي بـحـبـي جـديــره ماهي على ما قيل مـن طـارف السـوق فــي عينـهـا ســـر الـبـحـور الـغـزيـره وفــي خـدهـا وهــاج رعـــاد وبـــروق مـاهـي صغـيـره بــس مـاهــي كـبـيـره أصغر مـن التعظيـم وأكبـر مـن الـذوق وماهـي طويـلـه بــس مـاهـي قصـيـره مقـعـادهـا وقـفــة صـغـيـره وغـرنــوق ومـاهـي بـأمـيـره الا ويـــش الأمـيــره تـعـيـش بـيــن الـنــاس لـكـنـهـا فــــوق صـحــيــح مـطـنـوخــه ومـلـيـارديــره وتسكن في أرقى حـي واملاكهـا طـوق لــكــن تـواضـعـهـا تــواضــع فـقـيــره عـلـى الأقــل تـقـدر الـحـب والـشــوق لــو خيـرونـي فـــي بـنــات الـجـزيـره ما أخترت غير اللي كوتني على العوق زيـنــه وبـنــت شـيــوخ قـــوم سـتـيـره يامـا اتلـفـت مــن زينـهـا كــل معـلـوق وجـدي عليهـا وجـد مـن ضــاع طـيـره لا رده (الــمــربــا) ولا رده ســـبـــوق صدقـت قولـت مــا ورا الـحـب خـيـره وكذبـت قولـت كــل مـطـرود ملـحـوق غيـري عشـق مخلـوق مـن شـان ديــره وأنــا أعـشـق ديــره علـشـان مـخـلـوق

نظرة الحب 06-06-2011 09:34 PM الـــــرفـــــقـــــــــــه حتى أنت....؟ بانت نوايـاك وتصاغرتـك وانــا الـلـي أبــروز علـومـك واكـبـرهـا خاويتنـي وانتـهـض راســي وناصـرتـك وهزيـت لأسمـك هـل الطيـب ومنابـرهـا ونقـلـت حمـلـك عـلـى متـنـي وسايـرتـك وخاويـت بـك نـقـوة العـربـان واخيـرهـا وعلـمـتـك بقـيـمـة الـرفـقــه وصـقـرتــك وازريـت اغـطـي عذاريـبـك وتضهـرهـا أستصغـروك أقـرب اصحابـك وكبـرتـك وصغـرتـهـا لـيــن خلـيـتـك تـصـاغـرهـا أمـــد يمـيـنـي ليـمـيـنـك يــــوم قــدرتــك وتـردهـا مـــن ردا راســـك وتقـصـرهـا والله مـا أنــت بمـثـل مــا أنــا تصـورتـك تـلـد عـيـنـك عـلــى الـعـوجـا وتسـبـرهـا ما أخترت أخاويك من رغبه ولا أخترتك خسـارة اسنيـن عـمـري فـيـك وأشهـرهـا غلطان لو تحسـب ان الأجـواد خاسرتـك بالعـكـس مــن تفـقـدك مــا الله مخسـرهـا عاشـرت غيـرك علـى الدنيـا وعاشـرتـك ولا أنت أول اللي فقدت وجعلـك آخرهـا أحرقت كـرت الصداقـه وأحتـرق كرتـك تسعه قضـوا مـن حياتـي وأنـت عاشرهـا ان ما حقـرت العـرب مـا هيـب حاقرتـك ولا يمكـن تـعـز شـانـك وأنــت حاقـرهـا علمـتـك الـعــام وقـبــل الـعــام حـذرتــك أســتــر عـيـوبــك مــــدام الله سـاتـرهــا غـــرورك يـسـوقـك لـبـيـبـان مـقـبـرتـك وتواضعـك يرقـب العلـيـا و (يضهـرهـا) لــو مــا تغـيـر طـبـاع الـنـفـس غـيـرتـك وتـواضـع الـنـاس يغـنـي مـــن تكـبـرهـا ثــلاث تـتـجـر بـهــا مـاهــي مخـسـرتـك تـجــارة" مـــا تـخـيـب ظــــن تـاجـرهــا نـبـاك وأسـمــك ورجـــوا الله مغـفـرتـك نـصــرا" مـــن الله كــــان الله سـخـرهــا لا ترضي إعداك وتكسـب مـن تحاقرتـك ولا تزعـل أقـرب بنـي عمـك وتخسرهـا وأقـد علـى الطيـب مـا رجـلـك معثـرتـك واتـعـب عـلـى رفـقـة الطـيـب ودورهــا ولا تـذخـر بوقفـتـك والـنــاس ذاخـرتــك أن كـان فيـهـا (مـغـز أبــره) لا تذخـرهـا تـــرا ثـيــاب الـــردا مـاهـيـب سـاتـرتـك ونقـد الرياجـيـل يـوجـع وانــت خابـرهـا لـو تطلـب الـنـاس مـنـك فــوق مقـدرتـك أمـــــا تــحـــزم لـــهـــا والا تــعــذرهــا ولا تعتـذر مـن رخـى ماهـيـب عـاذرتـك ولا تقـول مـا اقـدر عليهـا وانـت قادرهـا طعنـي ولا عــاد تطـغـى فــي مكابـرتـك لا تموت الأنفس قبـل تصحـى ضمايرهـا حـاول فـي دنيـاك تعمـل شــي لأخـرتـك مــا عـقـب طــول العـمـار الا مقـابـرهـا

نظرة الحب 06-06-2011 09:35 PM فــدوة رجيلـــــــه هبـي علـي يالهبـوب البـارده هـبـي قضي على صدري الناحل مداهيلـه ضلوعي مثل الجمر والنـار تشتبـي مااهتز باسـي حشـى قـدام ذا الليلـه روحـي ولا شفتـي انـي باهـدا نبـي ياجعل صـدري الـذي ماعـاد ياويلـه مــدام ابــي تـاعــب والله مايتـعـبـي الا إذا مرض ابي مافي يـدي حيلـه ماكني اللي على طول الصبر ربـي شكواي للي جميع الناس تشكـي لـه لو ان قلبي دوى واعلاج ابي طبـي فـي ذمتـي مااتًخـر مـادام كلـي لــه احبس دموعي حزن واصد وآخبـي واروح اردد يارب البيت وادعي له يـارب منـك الشـفـا يــارب واربــي ماذوق حزنه عسانـي فـدوة ارجيلـه يارب هات المرض فالي وفي لبي بس ايتعـافـا مــن الـبـاس وغرابيـلـه ياجعل يومي قبل يومه وتذهـب بـي ســود اللـيـالـي وتقـبـرنـي تهالـيـلـه اللـي الـى ردد اسمـي جيـت متنبـي وافـز مثلـه الا جــا عـلـي الانديـلـه يـقـول حـمـدان وانــا افــز والـبــي اذا ماالـبـي لابــي مـنـي بلـبـي لــه والله لــولا المخـافـه مـنـك يـاربــي انـي ل(.....) لابـي واقبًـل رجيـلـه

الساعة الآن 05:07 AM

صفحة 1 من 4 1 2 3 4 > عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية