 |
منتديات قصايد ليل
(http://www.gsaidlil.com/vb/index.php)
- …»●[الرويات والقصص المنقوله]●«…
(http://www.gsaidlil.com/vb/forumdisplay.php?f=12)
- - رواية غريق الزُمرد الفصل الثالث
(http://www.gsaidlil.com/vb/showthread.php?t=175084)
رواية غريق الزُمرد الفصل الثالث
الفصل الثالث
... .. إن كان ماجتني عليــــك الحميا ماعاد لي في باقي العمر ملزوم الساعة الثانية ليلاً وفي منطقه برية لايسمع بها سوى صوت بعيد لحشرة الليل وفرقعة النار في الحطب كان جالساً أمام النارلوحده بالرغم أنه في بلاد ليست بلاده عبائته ذات الفرو معه اين ماكان (الفروة) كان يلتحف بها من البرد وقد جافاه النوم لهذه الليلة يفكر كيف سينهي هذا الأمر الذي اشغله لـ أعوام عديدة ألتفت على صوت باب سيارته عندما رأها تطل من خلفه ابتسم وهمس جلوي:مانمتي؟ حنين بتذمر:ذبحني البرد عطني فروتك جلوي:وأهون عليك تخلين البرد يكسر عظامي حنين: أبرك وأسعد جلوي:ههههههههههههه تعالي تاسعنا كلنا حنين نزلت وجلست بينه وبين ماكان يتكئ عليه وأخفت جسدها ولم يخرج سوى عيناها وطرف أنفها جلوي هو يمد يده اليمنى على النار كي يتدفى بدفاها والأخرى حاضن بها حنين :عساك دفيتي بس وهمست واسنانها تتصادم من شدة البرد مسببه اهتزاز لفكها:لا بيذبحني البرد بسبتك جلوي:ههههههههههههههه بسم الله عليك حنين:الله ياحلو منسف ام جواد عساك تعلمت تصلحه جلوي:محد يسويه مثلها انتي الحرمه المفروض تعلمتي منها!ّ حنين بضحكه:لاوالله على كيفك ابوي اللي هو ابوي ماطبخت له تبيني اطبخ لك انت جلوي:ههههههههههه الله عاد من زين طبخك حنين: حاصل لك بنت نايف تطبخ جلوي:ليت نايف يسمعك على هالغرور كان يتبرأ منك حنين :مو غرور بس كل فتاة بأبيها معجبه جلوي:الله يمد بعمره على الطاعة وتغييراً للموضوع كلياً لايريدها أن تبكي كعادتها :ماسألتي عن ام جواد غريبة مو عوايدك؟ حنين:على طرف لساني كنت الحين بسألك كيف عرفتها واضح انك تعرفهم من سنين؟ جلوي:تذكرين ايام ثورتك علي وقت جينا هنا؟ حنين بضحكه:لاتذكرني فيها كنت اموت من الجوع واتحمل جلوي:هههههههههههههههه الله لايعيد ايام الزعل هذا الله يسلمك يوم كنتي تعافين الاكل كانت تضيق بي الوسيعه فأروح اكتشف بران الأردن ولقيتها بطريقي مره مع غنمها وحلفت علي للعشاء ورحت وكليت احلى منسف ذقته بحياتي ومن ذاك الوقت توطدت العلاقه.. حنين بأستهزاء:توطدت العلاقه حسيتك بقمه جلوي:وش عرفك كنت في يوم من الأيام بكون ملحق ثقافي في أحد الدول لكن صار اللي صار وهربت فيك حنين:بعرف وش وراك هين بس اصبر ..الله يسعدها ام جواد عجوز حبيبه جلوي:حاولت فيها تجي مع حفيدها عندنا واحط لها بيت لكنها رافضه حنين:مرره حبيتها ليتها صدق تجي عندنا .. جلوي:بكلمها مرة ثانية حرام تعب على هالطفل المشوار لدراسته.. بعد وقت من الصمت بين الطرفين..أخرجت يدها اليمنى وقربتها من النار كما هو فاعل مسك يدها وشد عليها بيمناه وبحس شاعري بالرغم من أنه لاينظم الشعر لكن صاحب ذائقه رائعة همس ببعض أبيات مساعد الرشيدي رحمه الله جلوي: مدي يدين عاهدتها .. يديا ياللي سماك ملبدة برق وغيوم لاتشتكين اللوم ! وأنا هنيا أنا هنيا لجل مايلحقك لـــــــوم! ياللي جبينك من غلاه الثريا ماعاشرت شمسٍ ولا خاوت نجوم إن كان ماجتني عليك الحميا ماعاد لي في باقي العمر ملزوم مافز قلبي للنــــواعس كذيا إلا يبي يصبح عوضها عن النوم نامي وخلي كل همٍ علـــيا مالله خلق هالجفن لسهاد وهموم لاتندهي لي! واصل لك بليا لونكسر قلوب ولو نزعل خشوم راسي خلق بالطايلات ..يتفيا وخدك تفيا بالهدب جعله القوم كان الذي في خاطرك ماتهيا؟ ماني ولد عودٍ كفخ وابعد الحوم .. حنين بعد صمت :ومتى يحصل اللي بخاطري؟! جلوي نظر لعينيها بعشق:يتيسر يابنت نايف والله لو أروح أعدام لأجل ترجعين لهم أني ما اتردد حنين بشهقه:وش اعدامه ؟! والله العظيم ان وراك بلاا والله العظيم والله كنت حاسه وش مخبي علي علمني جلوي بصراحه:ماعلمت صاحبي واللي اعده مثل اخوي فعلمك خليها بالصدر حنين:لـ هالدرجه الموضوع كبير؟ جلوي:لها ثمان سنين وأنا شايله بصدري لحالي حنين وقد احتقنت عيناها بالدموع:علمني أنا زوجتك سترك وغطاك والله ماحد يعرف حرف خلني اشيل من همك ولو شوي مريض؟ جلوي:ليته مرض كان برضى بحكمة الله!! حنين:اجل وش هو؟ جلوي بتغيير للموضوع:يدك باردة خاف معك فقردم ؟سمعت انه اللي عنهم فقر دم يبردون اكثر من اللازم حنين:مافيني إلا العافية ولاتغير الموضوع جلوي وكأنه لم يسمعها: بكره إن شاءالله باخذ لك موعد فحص شامل حنين علمت أنه لن يجيبها:وبالمرة خذ لي موعد عند طبيبة النساء جلوي:عسى ماشر؟ حنين:قلت لك ابغى طفل وأكيد ماراح اترك الموانع على طول بستشيرها جلوي واشتد عرق بجبينه همس بهدوء:وأنا قلت لك لا حالياً حنين:شايف كم عمرك الحين خمسة وثلاثين تبغى اذا صرت شايب ماتلقى من يسندك جلوي:أنتي تكفيني حنين وبغضب نهضت:أنا قلت لك اذا رجعت لأهلي ماراح اكون معك عود نفسك على هالفكرة من الحين أغلقت باب السيارة بقوة بينما هو مسح بكلتا يديه على وجهه بضيق شديد.. *** كان يقف في أحد ممرات المستشفى رفع الهاتف عندما اصدر صوتاً عدد كبير من الرسايل والأتصالات منذ الساعة التاسعة مساءاً.. وكلها من نفس الشخص .. قرأ الأشعار ليس عمداً ولكن شده المحتوى (فياض الله يخليك رد علي من لي أنا وفيض غيرك قلي بس أنك بخير ) لم يستطع منع نفس من الرد بكلمة بخير.. كلمة واحدة فقط جعلتها تتصل مرةً أخرى ولكن لم يرد أنتهى الأتصال واغلقه بالكامل خرج الطبيب ليسأله بإهتمام العقيد ساير بن منصور:طمني دكتور كيف الشباب؟ الطبيب:عال العال تطمن لزام كانت سطحية لكن فياض يبي يجلس عندنا اليوم العقيد ساير بن منصور:ليش عسى حالته مو خطيرة؟ الطبيب:لا إن شاء الله بس نبي نتطمن هو الرصاصة جت بساقه اخرجناها والامور طيبه بس نتطمن أكثر المفروض مايمشي عليها على الاقل اسبوع لكن فياض الله يهديه معند نتمنى منك تقنعه يجلس عندنا يومين العقيد ساير وهو يرى لزام يخرج من أحد الغرف ويكلم بهاتفه:لا خلوه على راحته اهله بيهتمون فيه الطبيب: على راحتكم وشويات ويجبونه على كرسي متحرك اقترب لزام وسأله:كيف فياض وش قال الطبيب؟ العقيد بغضب:كل تراب لزام علم أنه غاضب جداً لذلك التزم الصمت ماهي إلا لحظات وأتى فياض تدفعه أحدى الممرضات على كرسي متحرك وقد لُفت ساقة بعناية فائقه.. قال فياض بمرح:حي الله ابو منصور ياهب نصفنا تصردعوا إلا انت لزام يأشر له بأن يصمت ولكن لم ينتبه وماهي إلا ثواني واتاه جواب العقيد وكان هاتفه الذي رماه بإتجاهه حتى اصتدم بجانب شفته السفلى توجه للخارج وهو يقول بغضب العقيد:كلم اهلك اقترب لزام ليهمس له وهو يدفع كرسيه:إن شاء الله أنها عدت على خير فياض بهدوء :والله ماظنيت وأنا اخوك شايبنا مطنقر حيل هههههههههه لزام يدفع رأسه بخفه للأمام: فيك حيل تنكت أنت ووجهك فياض:الحياة حلوه عاده بيكفخنا خلك مستعد أنا بنسدح لي في البيت كم يوم وأنت حاول تمتص غضبه لزام:هههههههههههه ياسلام خوش حل والله فياض:وش رايك نخطب لها كود أنه يهجد عنا لزام وهو يقترب من السيارة:ودك أنهم خيطوا فمك بعد اهجد شوفه جاء اكيد بيسوق فينا كان سيساعده للركوب لولا تدخل العقيد حمل فياض بكل سهوله ووضعه في المقعد الأمامي بعد أن استوى جالساً وتحركت السيارة فتح جهازة واتصل بها مباشرةً,, ثواني حتى فتحت الخط فأجابها فياض قبل أن تنطق بحرف:والله أني بخير والمهمه عدت على خير مرام:وليش مارديت علي فياض بهدوء:انشغلت شوي لم تصدق:ماهي عوايدك ماترد علي وينك متى تجي فياض:يابنت الحلال بخير جاي بالطريق ومعي رجال سوي قهوة وحطيها بالمجلس الخارجي واذا فيه حلا لامانع مرام:هههههههه يابعد روحي ابشر فياض:بردت كبدي وكبدك في الرجال اللي انتي خابرة لين تفل العافية باقي على موته شعره لو مامنعوني مرام بخوف:فياااض الله يخليك اتركه عنك الله حسيبه انا سامحته فياض:والله لو يسامحونه العالم كلهم ماهو أنتي أني ما اسامحه وأنا خصيمه عند ربي يلا مع السلامه اغلق الهاتف بسرعه ليقذفه تحت اقدام وهو يسب ذاك فياض:الله*********** ياولد الكلب صدره يرتفع وينزل بشده بسبب تنفسه الغير منتظم شد ساير على يده وهو يهمس بعد أن تأكد من كلامه هذا بأن ذلك الرجل قد فعل شيئاً لأحد قريباته فياض يتحدث بوجع شديد وهذه المرة الأولى التي يراه بهذه الحاله:استهد بالله يارجل والله مايطلع منها مؤبد ولا أعدام فياض:جعله من ذا الحال واردى جعله جهنم اللي تحرقه لزام:فياض وأنا اخوك ذا الحكي ماهو بفايدك انساه وربك ماهو ناسيه فياض مسح بكلتا يديه على وجهه:اعوذ بالله من الشيطان الرجيم **** في اليوم التالي وفي الأرض المقدسه مكة المكرمه في الحرم كانوا يطوفون حول الكعبة بخشوع وطمائنينه بعد أن انتهوا من الطواف صلو خلف مقام ابراهيم ركعتين ثم أكملوا عمرتهم .. صلو بها الظهر والعصر ثم عادوا للفندق المطل على الحرم بعد أن جلست جلس مقابلها بعد أن رأى سندس تدخل أحد الغرف اخذ يديها وقبلها وهمس بحنية:كيف قلبك يام الحنين؟ ام حنين:الحمدلله بخير ابو حنين:عسى دوم يالغاليه ام حنين:وكلت أمري لربي واستودعته بنيتي ابو حنين:أنا متأكد انها بخير وحاس بترجع لنا قريب ام حنين بشوق:الله يسمع منك يانايف شد على يديها وهمس وهو يريد الذهاب لتبديل ملابسه ابو حنين:أنا بروح ألبس ثوبي وبنزل للحرم ارتاحوا الحين واذا جعتم اطلبوا لكم اكل انا مدري متى برجع ام حنين:الله يحفظك وضعت رأسها بلا شعور على الخدادية القريبة منها لتغط في نوم عميق بعد دقائق خرجت سندس وهي تنادي :يمه اطلب ... قطعت الكلام عندما رأتها نايمة اخذت غطاء وغطتها به بعد أن قبلت جبينها رفعت يديها لله الواحد الصمد وهمست بدعوات لها ودعوات أخرى تجمعهم بحنين .. لايمر يوماً على سندس إلا وقد تصدقت عن والديها خفية بارةً بهم جداً وتتمنى أن تجتمع بهم في جنة الرحمن .. من يشبه قلبها الطاهر كُثر ولكن هناك فئة كذلك بقدر برها بوالديها يملأهم العقوق قريب من الأراضي المقدسه الطائف مدينة الورود كما قيل منزل صغير امرأة لم يتجاوز سنها الخامسة والستون عاماً ولكنها اصبحت هرمة نوعاً ما من بعد فقدان افضل ابنائها واقربهم لها ثنيان والأبن البكر.. همست بصوت هزيل تستدعي ابنتها ام ثنيان:يامروة تعالي وانا امتس ابيتس يابعدي اقتربت مروة وبحلطمة:نعم يمه وش بغيتي توك ناديتيني قبل شوي ام ثنيان:يامتس تعالي اسنديني للحمام بتجدد للصلاة(الوضوء) وبتأفف شدت على يدها عندما انتهت من قضاء حاجتها همست بجفاف مروة:باقي تبين شيء يمه بروح اشوف بنتي وراها اختبار ام ثنيان:لا يامتس روحي يم بنتتس الله يصلحتس جلست في مصلاها تسبح وتهلل حتى ارتفعت المآذن للنداء لصلاة المغرب صلت وبقية في مصلاها لأنتظار صلاة العشاء وصل مسمعها صوت زوج ابنتها من الغرفة وهو يتحلطم على وجودها في منزله مما جعلها تمسح دمعه سقطت من عيناها وتهمس بـ:ياضيمي من بعدك ياثنيان يالله أنك ترده لي دخلت عليها ابنتها وهي تتأفف بشده مروة:اوووف يمه وش اسوي فيه هذا العله ام ثنيان:وانا ادري عنتس انتي وياه الله يهديه وش تبيني اقولتس مروة:يمــه شرايك تروحين عند فارس كم يوم؟ ام ثنيان:حرمته ماتبيني مروة:وأنا وش ذنبي يخرب بيتي بسبتك انتي وياه ام ثنيان:ويلي عليك ياثنيان لتصرخ مروة:كلها بسبته الداشر الله لايبيح منه ام ثنيان تقذفها بعصاتها:اقطعي واخسي وش نوحتس عليه اخوتس ضامه زمانه وبلوه عيال الحرام مروة:يمه وش بلوه يلقون في سيارته كيلو مخدرات وتقولين بلوه خليك عقلانية يمه ام ثنيان:لو اشوفه بعيني ماصدقتهم تبيني اصدق في حافظ القرآن والولد الباربي وبابوه جعل عظيماته بالجنة مروة:اوووف يمه خلاص ماراح تقفلين هالموضوع علي اكل قلبي بكلام الناس عليه ام ثنيان تهز رأسها باسى:الناس ماخلو خير البشر في حاله تبينهم يخلونتس أنتي و هالأشهب وش أنتم ؟اندزلعي بس اشغلتيني عن صلاتي مروة:اوووف اووف أنا خلاص ما اتحملك في بيتي ولا اتحمل كلامهم بعد بوديك عند فارس في الرياض وخرجت بعد أن ألقت كلامها المسموم لتجهش بالبكاء على حالها وحال ابنها المسجون ظلماً مرت اربع سنين ونصف على سجنه لاتنساه من دعواتها اخر الليل دائما وابداً كان له النصيب الاكبر من الدعاء .. *** الساعة الحادية عشر صباحاً كان بمكتبة ويكلم الشخص الوحيد الذي يعلم بسره يعتبره بمقام والده وهو والد اعز اصحابه لزام تحدث جلوي بهدوء:والله ماني عارف وش اسوي ياعم مايصير اخلص اعمالي بالجوال ولاني بقادر اجي على طول ابو لزام:عندي لك شور كان تسمع شوري جلوي:وانا ما كلمتك إلا ابي مشورتك ابو لزام:أنا من بعد التقاعد مالي شغله إلا اطفي انوار البيت جلوي:ههههههههه الله يمد بعمرك على الطاعه ابو لزام:وياك ياولدي وش رايك تعطيني وكالة عامة وأنا أخلص اشغالك عنك وألقى اللي يشغلني ويسليني بدال هالفراغ جلوي:شغلي واجد خاف يتعبك ابو لزام:وش هو كله بجلس على كرسي وبأمر على هالموظفين جلوي:تم اجل بحاول أجي للرياض بأقرب فرصه إن شاءالله ابو لزام:على خير الحين عطني بنيتي اكلمها جلوي:نايمة ولاودي اصحيها ابو لزام:ماعليها قومها خلني اتصبح بصوتها واخذ علومها جلوي وهو يصعد الدرج متجه لها:ابشر فتح الباب ليوقظها بهدوء جلوي:حنين قومي حنين بصوت يملأه النوم:ها وش تبي بنامم اطلع وطف الور جلوي رفع السماعة :والله اظن انها مو بصاحية ابو لزام: حط الجوال عندها فتح جلوي المكبر ليتحدث ابو لزام:حنيين يالحبيبة قومي ياقلب جدك حنين وكأنها في حلم:حسبي عليك ياجلوي جلوي:ههههههههههههههه لاحول ولاقوة إلا بالله اصبر اعرف كيف اصحيها اخذ كوب من الماء القريب منها ليبتعد عنها قليلاً ثم يسكبه عليها لتستيقظ صارخة به حنين:خيييير يامريض وش تبي مني؟ خلني انوم ابو لزام من الهاتف:افااا اجل ماتبين تكلميني؟ حنين التفت للصوت لترى الهاتف وتصرخ بأسمه باكية:جدددي محمد ياعمري ابو لزام:يامرحبا بـ هالحس يامرحبا ياقلب جدك كيف حالك ؟ حنين ببكاء:اشتقت لكم والله وش اخبار امي وابوي ولزام وسندس وجدتي حصه ابييييكم ياجدي ابو لزام:ياحبيبتي تيسر وترجعون لنا إن شاء الله انفجرت بالبكاء بشده جعلتها تختنق ليحتضنها جلوي ويمسح على وجهها ويهمس لها:حنين ياروحي استهدي بالله يابنت مايجوز كذا ابو لزام يتمتم بالتسمية عليها ليست المرة الأولى التي تفعلها بل تتكرر هذه الحالة كلما حدثها اخذ جلوي قليلاً من الماء ومسح وجهها وهو يحاول تهدئتها .. **** نهاية الفصل سبحانك اللهم وبحمدك أشهد أن لاإله إلا أنت استغفرك وأتوب إليك.. |
طرح رائع
يعطيك العافيه |
كلي شكر وعرفان
لاختيارك للموضوع ومافيه من فائده مجنون |
راقني انتقائك الماسي
تسلم يمينك ودام عطائك العذب پآقة ورد http://www.hamsatq.com/vb/images/fac/14.gifhttp://www.hamsatq.com/vb/images/fac/14.gif |
يعطيك العااااافيه على الطرح
الروووعه |
يسلمو على الطرح الروعه
|
موضوع رائع ومميز
طرحت فابدعت دمت ودام عطائك سلمت اناملك الذهبيه على ماخطته لنا اعذب التحايا لك |
مُعجب بكل ماشاهدت
وقرأت خلال تواجدي على هذا الموضوع دليل جمال ذآئقه عالية المستوى ودقه في إختيار الطرح شكري لك من القلب على مجهودك محمدالحريري |
دُمتَمْ بِهذآ الع ـطآء أإلمستَمـرٍ يُسع ـدني أإلـرٍد على مـوٍأإضيعكًـم وٍأإألتلـذذ بِمـآ قرٍأإتْ وٍشآهـدتْ تـقبلـوٍ خ ـآلص احترامي لآرٍوٍآح ـكُم أإلجمـيله
https://l.top4top.io/p_1490ruje10.jpg |
سلمت الايادي لـ إختيارك الراقي أعطر التّحايا وأطيب المنى وكلّ الاحترام https://images.baaz.com/cb80/c433/67...ec900b9158a929 |
| الساعة الآن 06:46 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية