منتديات قصايد ليل
صفحة 1 من 3 1 23
عرض 40 مشاركات من هذا الموضوع لكل صفحة

منتديات قصايد ليل (http://www.gsaidlil.com/vb/index.php)
-   [ابكتب من قصيدي الوزن وغيرهـ من شعر منثور] (http://www.gsaidlil.com/vb/forumdisplay.php?f=10)
-   -   تِشتّتني بِقاياهم واشوف الحلم يجْمعني (http://www.gsaidlil.com/vb/showthread.php?t=98750)

بيلسان 04-12-2016 07:50 AM
تِشتّتني بِقاياهم واشوف الحلم يجْمعني
 


المدينة
تسْتيقظ عندما ينام الناس ..
كـ الجروح تماماً .. والذكريات..

أجمل الأيّام [ساعةْ] ذكريات
واصْغر الاحلام دايم باكيه !

آآه ماقْسى إحتضار الاُمنيات
وآآه ليـت الآآه منّي كافيه..

المسافة ضيّقت صدر الجهات
واتْركتْ.لي |خطوتين وهاويه|

للظلام أللي مثل قطعةْ عباة..
أو طريق ٍ يختصرك بزاويه !

كِل حلم ٍ عاش فيني|فيني مات
والبقى..
براس الجروح العاريه !
وش أكْثر شي يسْرقني على الذكرى.. سُوا غيّاب
إلامني سهيت -وجا- رسول الشوق ياخذني

يودّيني على آخر ليل جمّعني مَعَ الاحباب
وانا والله ماودّي.. عقب غيبه يذكّرني!

تِكَفْكفْني ذعاذيع الوله وارحل كِما اسراب
حَداها الوقت للغربة / مثل مالوقت غرّبني

أسافر.. للبعيد أللي ترك جرحي بدون ثياب
وآهيم بسكّةْ المنفى | وارد أرجاه يعْتقني!

على الماضي رجعت ابلا وعي كِنّي فتحت كْتاب
أو الأحرا.. فتحت أيّام نست وشلون تكْتبني

عزاي أني مثل ذنب ٍ تِمادا بالخطا..| ماتاب
ألا ليت البشر تدري.. وش أللي كان يمْنعني!

(غلا من راح) أو يمكن.. وفا عن ذكرهم ماغاب
تِشتّتني بِقاياهم | واشوف الحلم يجْمعني

تِكبّرت وكبرت وطحت.. على كبْري معاي (عْتاب
يِردّد للمسا هو ليه؟) صباح الخير يجْهلني!

أنا الصبح اليتيم أللي شرق فيهم|وفيهم ذاب
أنا الليل العقيم أللي هقيت الأمس يشْرقني

حنين الوجد / واللوعة / وخاطر عقبهم ماطاب
أساير وحشتي عَلِّي.. أصادف من يدوّرني!

إلامنه دعاني الشوق -للذكرى- وبكيت أحباب
أقول الله يِجازيهم على الذنب.. ويصبّرني!
إنتظرت بـ هَمْ يرجع شيْ فات
لكـن سنيني تعـدّت../ خاليه

وش بعد أرجي إذا ماتت حياة؟!
ماهي لحيةْ طبْ (وأجر وعافيه)

العمر قفّى../ وخلاني وصاة..
في عيون الضيق شمعةْ زاويه!

للحزن ناي/ ومقام /واُمسيات
وللصدر ليـل وذيابه عاويه !

أجمـل الأيّام (غفوةْ) ذكريات
واتْعس الأيّام../ دايم باقيه !!
اصْغر الاحلام.. دايم باكيه !!

للشآعر / سعد السعيدي

معآند الجرح 04-12-2016 08:04 AM
إنتقاء رائع

وذائقة مترفه


لآعدمنآك
.,

هذيان قلب 04-12-2016 08:07 AM
سلمت يمينك

جدا جميل


الف شكر لك


كوني بخير

بيلسان 04-12-2016 09:33 AM
الرواد

حضور فخم

فشكرآ لك

بيلسان 04-12-2016 09:33 AM
هذيان قلب
حضور فخم
شششكرآ لكي

مجنون قصايد 04-12-2016 03:26 PM
ماشاء الله تبارك الرحمن

ذوق في اختيارك
وعافيه عليك وعلى الطرح الراقي
لاحرمك الله رضاه

‏لك كل
تقديري واحترامي

مجنون قصآيد

‏http://i18.servimg.com/u/f18/12/38/24/05/4afakk10.jpg

كـــآدي 04-12-2016 04:24 PM
عوافي ع الطرح

شموخ 04-12-2016 04:30 PM
سلمت أناملك لروعة ذوقك

يسعدك ربي ويحقق أمانيك

وطن 04-12-2016 04:49 PM
روعه ياحبيبه تسلمين

ورده 04-12-2016 06:16 PM
يعطيك العافية
ع الآنتقاء الجميل والمميز
ماننحرم


الساعة الآن 12:46 PM
صفحة 1 من 3 1 23
عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية