تعال ياسكر نبات العشق ياملح القصيد
غيبتك لي مده وانا اغني على طاروقها

قصيدة(ن) موالها تهتز له خضر الجريد
ترخي هماليل المزون اللي تلوح بروقها

ماهي دراما او مسلسل تكتبه فجر السعيد
مشاعر(ن)تليق بي وانت وغلاك تلوقها

ناديت لك وانت القريب من المحاني والبعيد
وسقت القدم والا لغيرك مستحيل اسوقها

ومديت لك كف الرضا والعشق والعمر الزهيد
ومدللك مثل الرجال اللي تدلل نوقها

واصبحت تسري وسط شرياني وترجع فاالوريد
تقفي وتقبل وانت لي طعم الحياه وذوقها

ياراس مالي يوم مالي لاحساب ولارصيد
فاالبنك والاسهم نموت ولادخلنا سوقها

تعال قربك عيد والآ البعد ضربه من حديد
يامن تشب النار بغيابي وانا اطى فوقها

اشعلت بردي في دفاك وذابت امواج الجليد
اللي شواطيها تحرا فيّتك وشروقها

كتبت فيك اغلى القصيد يفيد والا مايفيد
ابيات لاغنيتها تروق لي واروقها

ارجع ولاابغى لك عذر من دون شرط ودون قيد
يااول هوى نفسي وتاليهم وغاية شوقها

عامين احايل رفقتك والعمر ينقص مايزيد
سنين ادوّر رفقة اللي رفقته ماابوقها

تعال وافعل ماتبي والله يفعل مايريد
اترك كلام اللي على السيره تبل حلوقها

مماراق لي

يَآَ مَآَلْ اََلَعَآَفِيَهَ
لَآعِدَمَنِآ هـَ الَعَطَآءْ وَلَآَ هَـ الَمْجَهُودَ الَرَائَعْ
كُْلَ مَآتَجَلَبَهْ أًنَآَمِلكْ بًأًذخْ بَاَلَجَّمَآلْ مُتًرّفْ بَ تمًّيِزْ
وُدِيِّ