يمر الحب

يمر الحب بظروف ومشاكل
قليل اللي في هالدنيا اهتنابه
ومع هذاوكل هذا نواصل
ونتصبرعلى المر وعذابه
حبيبي لويصير الحظ مايل
وانا وياك جرحين تشابه
تاكدهالحزن في يوم راحل
ونفرح والفرح طول غيابه
ابيك تكون متحدي وصامل
ندافع عن هوانا اللي انحكابه
نتعب بالوف اكل العواذل
نجيب لحاسد الحب الكابه


يا جسـر الخـير

يا جسر الخير والسعادة
بين شعب عيسى والفهد
يا جسر ممدود بين دروبنا ودروبكم
يا جسر موجود في قلوبنا وقلوبكم
يا عسى جسرً يمتد للأبد
يزرع الحب في كل بلد
نجني ثمارة خير ومحبة
وتسهل الزيارة بين الاحبة
مبروك مبروك يا اعز شعبين
شعب السعودية وشعب البحرين
صارت الخطوة بينكم قريبة
جمعكم المولى على الخير والطيبة




لا إنتي و لا غيرك


لا انتي ولا غيرك تفرض كلمتها علي
ماني خاتم بيدينك لا انا عزتي فوق كل شيء
انا كلمتي وحده وما تنعاد وانتي بعدك ما عرفتيني
انا جمره تحت الرماد ويلك لو لمستيني
انا ما ابيع احساسي حتى لو بطيبت خاطر
وساعات اكون قاسي اقول اليوم قبل باكر
انا ما اشيل في قلبي غير الحب والطيبه
حتى لو تنسين حبي ابد ما أنسال يا الحبيبه




تأزمـت حالـتي

تأزمت حالتي وضاقت علي دنياي
وانا في عز فرحتي والزمن ضيع هواي
جاني على غفله الزمان شال من كفي الحنان
خلاني غريب محتار في ناره
عقب الوفاء وشلون رجعنا لورى
شفتو الزمن يا اخوان ابد ما منه امان
والفرح اللي نعيشه فجأه يصير احزان
نرجع نعيد نعيد الكلام ونمشي في نفس الدروب
نتأمل نعيش احلام والوقت يرجع غروب
ونبتدي من جديد تتأزم الحاله
ويبتدي صدري يعيد ضيقته طواله