 |
منتديات قصايد ليل
(http://www.gsaidlil.com/vb/index.php)
- قصايدليل للقصص والروايات "حصــري "
(http://www.gsaidlil.com/vb/forumdisplay.php?f=114)
- - روايتي السادسة: العمر لحظة
(http://www.gsaidlil.com/vb/showthread.php?t=178021)
الله يعافيج حبي فديتكن كلكن ويسلم منطوقكن وحماسكن وشوووقكن لرواية وباذن الله انها تنال اعجابكم
دمتم احبتي ودمتم سالمين |
البارت التاسع : اللهُمَّ النصِيب الجَميل مِن كُل شيء"♥️. : هذه الهالات المزروعة أسفل عيني جيش إنتظارك المهزوم. : لا الليلُ يحضنُ مافي القلبِ من ألمٍ ولا الصباحُ إذا ما جاء يؤويهِ : بعد ما طلع عنهم اتصل براشد وكلمه انه اييب شموخ عنده مايدري ليش ولا يعرف شو سبب بس كل اللي يعرفه انه يبا قربها... اما شموخ فكانت في بيت أهلها بعد ما تعشت وصلت العشا راحت غرفة حامد دخلت من دون ما تدق الباب وقالت ببحه: انته شو سويت فيني .. لف يطالعها وهو مصدوم منها اول مره يشوف عمته تكلمه بها الأسلوب تقرب منها وحطت ايدها توقفه تمنعه من انه يقرب صوبها وقالت بعصبيه: لا تقرب مني ماني بعازتك ولا عازة غيرك بس شو اللي سويته من ورايه تتحسبه رجوله يوم انك تسلب شرف واعراض ناس . تقدم منها وهو يبا يستوعب كلامها عطته كف وهي تقول: خسارة معزتي لك يا ولد فهد ،، معقووله الحين انته تطلع جيه من نفس فصائل بني ادم اللي يحبون يلعبون باعراض الناس .. بصدمه صرخ وهو يقول: أي شرف تتكلمين عنه أي عرض يوم خلوج سافله وخلوج عديمة مروءه ولا تستحين خلوح ضحيه فرقوا بينج وبين اغلى انسان على قلبج تذكرين شو سووا فهد وغانم فيه تذكرين يوم شوهوا صورتج وكان هو الوحيد يدافع عنج وعن شرفج وعرضج نسيتي ولا اذكرج.. غمضت عيونها بالم وهي تقول: بسسس ارجوك لا تكمل ماني بلي يرضى بحقه وسعادته ع حساب غيره انته شو سويت كيف تسلب عرض شرف انسانه ما ضرتك كيف.. صرخ باعلى صوت عنده وهو يقول: كيييييييييييف ما ضرتتتني كيف الا ضرتتي ونص يوم انهم سووا فيج كل هذا وتبيني اسكت يكفي انهم وقفوا بينج وبين الحب ،،وبين ابويه،، وسبببه منو؟!،، غانننم الكلب اللي خلاج ضحوكه في عينهم كلهم ونشر علومج ... غمضت عيونها بالم وتنهدت وهي تقول: خلاص بس لا عاد تتكلم فالموضوع انا ما نسيته عشان ارجع اتذكره هو الغايب الحاضر في بالي ع ما قال عيضه بس انا الحين معرسه ما يسعني اسوي شي لجله فهمت .. هز راسه بضعف وقال: بس الريم حقيره وتستاهل اللي ياها وزود .. راحت عنه وهي كلها قهر وندم تذكرت حبيبها المجهول ماتعرف ارضه من سماه ماتعرفه حي او ميت عقب اللي سواه فهد وغانم فيه حسبي الله ونعم الوكيل فيك ي غانم .. : : : : فمتى اللِقاءُ وكم يطولُ تساؤُلي هل في الحياةِ بقِيَّةٌ لأراكَ؟ إن كانَ عُمري قد تصرَّمَ وانقضى فالعُمرُ يبدأُ حينما ألقاكَ." : : : : طلعت من غرفة حامد واتجهت لغرفتها اشتاقت لايام العزوبيه واشتاقت لايام حبها مع المجهول بكت قهر وندم وحب وضعف ايوا ضعفنا لما ما نقدر نوصل لشيء اللي نباه ونحبه لشيء اللي نخاف انه يكون لغيرنا ويملكه غيرنا ونحن تعودنا على انه يكون ملكنا ،، ومحد يشاركنا فيه ،، سمعت دق خفيف عالباب حاولت انها تتجاهل صوت الباب عشان تأخذ راحتها فالبكي وتذكرت أفعال فهد وغانم وقعدت تبكي وين اراضيك يا الغالي وين الوعود الحلوه اللي كانت بينا ،، تعمدت تتجاهل صوت الباب اللي بدت تزيد دقاته ،، وتسمح لنفسها تبكييي ضعفها وحبها وقوتها اللي خارتها وضعفت قدام الكل وانتبهت لتلفونها وهو يرن وشافت رقم شما طنشتها لانها اليوم مب مستعده لاي شي واغلقت تلفونها ،، اليوم تبا تختلي بنفسها اليوم عالم ذكريات والماضي الموعود بالزواج قعدت تفكر فيه وفي ايامهم الحلوه والله حبنا كان طاهر اطهر من الماي اللي نشربه حبنا كان صادق ومافيه أي اختلاف مازلت أتعافى من أشياء لم أُخبر أحداً عنها. صحيح اني تعافيت من مل شي الا حبك ما قدرت اتعافى منه ولا اقدرت انساك مستحيل احط لك بديل والله مستحيل قلبي ما يرضى ان يكون لك بديل فيه انته اللي مالكن روحي وقلبي ومالكني كلي ،، وشلون بقول اني تعافيت من حبك وغرامك يمكن اتعافى من جروحي الماضيه بس حبك استحالة.. : : : : اللهم مسرّات و أيام تأتي كما نتمنى. : : : عند عوض يالس بصمت في الميلس ويا شما ما يحس باي شي صوبها رقيقه وناعمه لولا مرضها كانت بتكون انثى كامله والكامل الله بس ميف باخذها وانا قلبي مب لها تنهد بضجر وحاول انه ما يحسسها بأي شي قال بعد نفس طويل : شما انتي حلوه وجميله والف واحد يتمناج ،، وانتي تدرين انه صار سوء فهم بينا ،، بس ما كان القصد انه تتاذى شموخ على حسابنا والله يقدرني واسعدج .. اوك زت راسها بصبر وهي تقول: انا اعارفه انك اخترت الانسانه الخطأ في حقك وعارفه اني ما اشرفك ولا اشرف اهلك بس لعله خير هذا اللي اقدر أقوله اكثر عن جيه ما اقدر أقول شي ،، بس سمعني تراني اقدر ارفض واقولهم اني ما باك محد راح يغصبني عليك تطمن. مسح ويه بتوتر وده يطلع من عندها قال: شما انا اتخذت قرار ما برجع فيه انتي افهميني انا صاحب القرار مب انتي ،، انتي لج الخيار توافقين او لا ،، اما انا فعلى موقفي لين الحين اباج ونطقها بصعوبه كانها واقفه بين حنجرته وبلعومه ماوده انها توصل على شفاته وده انه توقف في وسط لسانه وما تظهر بس لجل عين تكرم مدينه ولازم يصحح غلطته .. ابتسمت شما مجامله ووقفت وهي تقول: عن اذنك بروح فوق .. شافها كيف تمشي بالكعب وكانها تحاول انها تثبت نفسها بالمشي وخايفه لا تطيح تنهدبضسق وهو يقول: شكلك يا قلبي بتتنهد وايد بسبت أخطاء راعيك اللي ماعرف يختار ولا عرف يفرق او يوضح الأمور وكله بسببك انته تنبض للأشخاص الغلط اللي مالهم على وصلك درب ودايما وصلك عليهم محال... : قال لها تحملي طريقة استخفافي بالامور فهي أسلوبي البسيط لإيجاد الحلول ... بالمقابل ، سأستمع الى كل أحاديثك مهما بلغت سذاجتها ، وفي الرمق الاخير منها .. سأحتضنك❤ : : : اتصل به راشد ومن شاف رقمه رد عليه وعلى ويهه ابتسامه: حييييه بو سنيدة.. ضاق صدره وهو يقول: أي بو سنيدة واي زفت تعال سمع اليديد وقف على حيله وهو يقول : شوووو استووى!!!؟ تنهدربضيقه وقال: شموخ عرفت بان حامد والريم لهم علاقه مع بعض وووقطع عليه صرخة المججهول وهو يقول: شوووووو ؟! كيف عرفت من منو ؟! زفر بضيقه وهو يقول: والله مادري شو سالفه ييت البيت دقيت عليها الباب دق ما طاعت تفج .. مسح ويه يتوتر وهو يقول: انا يايبنها يايبنها الله يسهل لي دربي بس واوصلها سمعني خلي حامد يكلمني وشوي شاف اتصال من اخوه سكر ورد ع اخوه: هلا بالغالي تنهد باحساس اخوه وضيقه وقال: حاسسس فيك ي خوي وعشانك انا كلمت مايار تواعد الريم في احد المطاعم او المقاهي وتسجل كل شي بينهم دليل ثاني .. بسرعه رد: زين تسوي ي خوي بس فديتك بسكر الحين عندي موضوع اهم من هذا كله .. توتر وهو خايف على اخوه شو ممكن يسوي يخاف اخوه يتسرع بشي غلط ويندم عليه تردد لكنه قال: ترفق يا خوي ولا تسوي شي تندم عليه... حاول ينهي المكالمه بسرعه وقال: ابشر بعزك ي خوي حاضرين لا تخاف ع اخوك ،،، اخوك ذيب.. انهى المكالمه بكلممة استودعتك الله يا الغالي وسكر ... : بإمكانِ كُلٍّ منّا .ألاّ ينامَ وحيدًا لماذا لا تحرّكُ مقبضَ بابي في هذه اللحظةِ وتدخلُ كضوءٍ في العتمة؟ تجلسُ إلى حافةِ سريري تعيشُ أرقي والقهوةَ وموسيقى روحٍ تجلَّت؟ لماذا لا تأتي كنجمةٍ بردانةٍ تختبئُ تحت لحافي؟ قلبي يتيمٌ كنقطةِ عتمةٍ .في الضوء لماذا لا تفاجئني وتحرّكُ مقبضَ البابِ فالستائرَ فعدّةَ القهوةِ وجهازَ التسجيل؟ لديَّ صمتٌ كثيرٌ وبنٌّ رائعٌ واسطواناتٌ مجنونةٌ .أعرفُ أنّك تُحبُّها. : : عند شموخ اللي كانت طالع صور الالبوم وهم صغار وكانت تدقق في صورته وتمسح على ويهه وهي تشهق وتسربت دمعه من عيونها وخانتها وطاحت ع الصوره وشهقت بقووو وهي تحتضن صوره ولهت عليك وعلى تقاطيع وجهك الجميل احبك بكل مافيك بس وينك وين ارضك عن سماك يا الغالي ،، قطع عليها صوت دق الباب ما تبا تفج الباب بس سمعت صوت راشد رفيق حبيب القلب اكيد يعرف عنه علوووم وياييب لها علومه قامت بثقل ودخلت الالبوم فالكبت وسكرته دخلت الحمام وغسلت ويههها وطلعت فتحت الباب وبمجرد ما شافت راشد ارتمت في حضنه وهو بدوره لف عليها وشد حضنه عليها بزود وقالها: غناتي بسم الله عليج شوفيج طلعت منها الكلمه غصبن عنها : تولهت عليه وعلى شوفه حسبي الله على من كان السبب وشهقت بقوو.. حضنها بزود وهو يحاول يخفف عنها سكر الباب وحطها ع الشبريه وقعد عدالها وقال بصدق: غناتي ترا حامد قالي بلي استوى بينه وبين الريم ياغير انه حلف ما هتك له عرض ولا شرف هي خذت جزاها وانتهى حسابها واللي لمسها مب حامد والله،، هي أصلا بينها وبين حامد قصه حب من اربع سنين بس هو كان ما يحبها هو كان يبا ينتقم منها وفعلاً انتقم منها بس مب عن طريقة ،، عن طريق شخص ثاني لكنها تستاهل.. انسدحت على صدره وهي تقول: ياربي عليك يا ولد اختي حضنك اييب العافيه .. ابتسم ع كلامها وعارف انها محتاجة حد يحضنها ويلفها ويلمها له قال بحده: اطلقي من حمد وعيشي حياتج ويا الحب اللي يترياج من سنين .. فتحت عينها بصدمه ورفعت راسها له وقالت: موجود هو ،، عايش بالدنيا ولا كيف.. هز راسه يطمنها وقالها بحب: موجود بينا بعد ... نست نفسها وقالت بضعف : أبا اشوووفه ودوووني صوبه أبا اشوووفه عقب الحادث اللي صار ... ابتسم وهو يمسح ع راسها: هيه حبيبتي بتشوفينه بس وعديني تفتكين من حمد هزت راسها بضعف وكملت سوالفها ويا راشد ... : : اما فهد بعد ما خلص جميع اشغاله رد الامارات وأول ما وصل المطار استقبلوه رجال المجهول وقالوا له بالحرف الواحد: تفضل عندنا الليله محتاجينك .. ابتسم لهم وهو يقول: ايييه ادري بحركاته ما يجوز ناوي ع عمره اليوم قلت لكم قبل وقتله لا يحلم بوصل اختي... محد تكلم معاه غير باسل اللي قاله: تغير رايك بعد اللي تشوفه انا متاكد .. ركبوا سياراتهم وراحوا وكان مستقبلنه احسن استقبال لازال اخو الحب واخو الغاليه ابتسم فهد ع حسن الاستقبال وقال لباسل: يفكر نفسه انه بييب عقلي وبيشل قلبي بيخسن ضيافته هو يحمد ربه ما مات في ليلة الحادث اللي دبرته له.. ابتسم وهو نازل من دري وقال: الاعمار بيد الله ي بو بطي مب بيدك والحادث ما كان الا سبب عشان اعرف الحقيقة المره اللي خبيتوها عني طول هالسنين .. انصدم فهد وقال بفتور وحده: أي حقيقه واي خرابيط انته شقاعد تخربط نزل وقعد ع طاولة الطعام وبقهر مدفون قال: والله ي فهد انى ودي اليوم امحيك عن الدنيا بس مابيها تذرف دموع عليك. ابتسم باستهزاء وقعد على الكرسي: كان المفروض تقول لي قرب من باب ادب ضيافه ولا شرايك.. ارمقه بنظره غاضبه وبطرف عينه قال: كل وارتاح ومايطلع الصبح الا الحقيقه كلها باينه ولكن بشررررط خذ من الماي رشفه وضحك: بعد عندك شروط حط ريل ع ريل وقال: مالومك يوم تجاهلتني عسبة حبيب القلب غانم لكن الحمدلله براءتها موجوده ... ضحك وهو يقلده ويحط ريل ع ريل وقال: قدري عندك ترفع ريلك في ويهي … ضحك بصوت غالي وقال: ترا لمعلومك انته غير وهي غير ،، هي قدرها على العين والراس ،، اما انته قدرك وقدر موطى الاقدام واحد لان اللي يتبعع الناس عمره ما يروح فوق .. بقهر وضيقه قال: انا تخلي قدري وقدر الاقدام واحد تشبهني بثترى يا اخو سرور .. ضحك وهو يقول: هههههههه محد يوصل غلاها في قلبي ولا حد يوصل غلاي بقلبها وانا متاكد من كلامي مثل ما اشوفك قدامي ونفث دخان سيجارته في ويهه بغل .. تقرب منه فهد ومد ايده بيلكمه بعصبيه بس مسكها ببرود وهو يقول: ما عدت ياهل عشان تسوي فيني اللي سويته ما يكفي هذا لين اليوم باقي من اثار جريمتك انته وولد خالتك واشر على ويهها وقال بضحكه مسحتوا ملامحي عدل بالبانزين انته وهو لكن والله ي شموخ ما تكون الا لـي ولك عينن تنظر ونزل يده عنه وقال: كنت براويك الحقيقه بس افضل اراويها ابوك ابرك عنك ودعتك الله وطلع من القصر متجهه لبيت بو فهد وهو بايع كل شي وراه اهم شي عنده الحين شموخ وبسس .. وما ضاقت الأرض إلا بالذنوب وما اتسعت إلا بالإستغفار "أستغفرك ربي وأتوب إليك. انتهى البارت التاسع |
ما زلنا نتابع يا دجى الليل..
|
تمام ي عيوني ابشروا ببارت يسركم باذن الله
|
شكلكم مليتوا من الحماس والتشويق شوفوا انا بقترح عليكم اقتراح ودكم احط مقتطفات من البارتات اليديده كتشويق ولا تحبون بارت كامل ينزل بانتظار ارائكم
|
العمر لحظه
البارت العاشـــر
:الفصل الاول :مدخـــــل : يا حياتي كم بشكي لك . . عن تعب روحي من اسبابك خلني يالغالي دخيلك . . سالمن من ظرب نشابك ريح قلبي من تعليلك . . دارني شروات ما ادرالك يا حبيبي مقدر اجفي لك . . لان وسط القلب منزالك مالكني بزينك وطيبك . . والفراحه وبشه قبالك ان سهت عيني اهاذي بك . . دوم يالمضنون تهذابك لو تعذبني اراعي لك . . بالوفا والود برعالك يوم ما تعنيلي اعني لك . . وانظري دايم على بابك ليتني مصدر مراسيلك . . سيدي من زد قرابك كل حال ومال بفدي لك . . يا عديل الروح يفدالك برخص الغالي وبشري لك . . والعمر ماريده بدالك جان ذا التصريح يكفي لك . . عطني الموضوع عن حالك : : وصل البيت وشاف ساعه توها 12 ونص توه الليل ويا حلو الليل بوصلك يا غناتي ،، دخل بعد ما دق الباب وتفاجأ بوجود حمد عفس ويهه بضيق سلم على أبو فهد وهو عارف ان فهد في طريق ياي البيت ابتسم وقعد عدال أبو فهد ولف على حمد وسلم من بعيد استغرب حمد منه منو هالشخص وشو يبغي وأول مره يشوفه وليش ملامح ويهه مختفيه ،، لف على راشد وقال: مب وقته نسيبكم هذا ايي المفروض يروح لا تخترب خطتنا.. تنهد بضيقه وهو يزفر بغيض وقال: يا حبيبي هذا ياي يبا شموخ وحامد ينزلون على قولته برفع قضية رد اعتبار شرف بلي سووه في الريم ،، ضحك بخبث وقال: والله ،، عيل غايته انا براويه منو حرمته وصد على راشد وهو يقول: عشان جي الأخ فهد ياي اليوم شكله عارف بزوبعه اللي بتستوي... هز راسه راشد بهيه وهو يشوف شموخ نازله بكل ثقه ويبتسم يوم بتشوف المجهول شو بيصير ،، همس راشد في اذنه: اليوم صاحت صايح في حضني تذكرتك شكلها ولهت عليك.. تفاجأ من كلام راشد وقعد يطالع ملامح ويهه كانه يبا يشوف صدق فيها ولف يطالع شموخ وهو مبهت فيها ما ينكر انه يحبها ولازال عايش في خيالهها بل قلبها مستوطن أعماق روحها ما كان يباها تشوفه في هالحالة وبذات في الوقت هذا اللي يشعل نار بينه وبين فهد ،، لفت انتباهه صوت حمد بعد ما قال: والحين يا عمي انا ماني متنازل عن اللي سووه في زوجتي هو وشموخ.. ابتسمت وهي قاعده في وسطهم وتلعب بتلفونها وما انتبهت عليه رفعت راسها وهي تقول لحمد: حامد ما بينه وبين زوجتك شي رفع نظره وطالعها باحتقار وصد عنها لعمها وكملت كلامها بحامد ما يعلب في شرف خلق الله حامد اكبر من جيه ولد فهد ما يدنس أفعال الناس ويلعب باعراض الناس ... ضحك بصدمه وهو يقول باستخفاف: اخر من يتكلم عن اعراض خلق الله وشرف انتي يا شيختهم .. توها بتتكلم الا بالمجهول ينطق بعصبيه: شيختهم وشيختك انته بعد وتاج راسك وراس الريم ،، نعم انها مصيونه وصاينها نفسها وعرضهازمن قبلك وقبل غيرك.. لفت عليه بصدمه وهي طالعه وترمشش. صوت صوته بس الملامح وين اختفت شو اللي ياك دق قلبها له بقوووه وقالت ببحه: سعوووود لف عليها من دون شعور وده يقولها ي عيون سعود وروحه اكتفى ببتسامه وكمل كلامه على دخلت فهد وغانم ،وكمل سعود كلامه وهو يقول: ما كل من يا ونير تبقى في الدار شير ( مثل اماراتي) ،، انته شوف الريم وعرف سوابقها وبعدين اتهم في اعراض خلق الله.. هجم عليه حمد بغل يبا يضربه دفره سعود بيده وهو يقول: طالت وشمخت انته من صوب وفهد من صوب عاد تخسسسسون اسكت اكثر عن جي ظلمتوني وانا ساكت وظلمتوا شموخ وانا ساكت ما تقولون لي انتوا شو اللي عقكم عليه وعليها ،، ليش تمشووون في الهواء من دون ما تتاكدون من ضنونكم اذا كل واحد بيمشي ع هواه ما راح يلاقي مبتغاه ولا راح يشوف الحقيقه بعيونه لانكم ببساطه يوم تحبون شخص تنعمون عن عيوبهم مثلك ي حمد ولف على فهد ومثلك انته يا ظل غانم تتبعون اللي تحبونهم وتصدقونهم وانتوا ولا تعرفون وين الحقيقه ولا تشوفونها بعيونكم لانكم تشوفونها بعيون محبوبينكم عشان جيه حقيقتكم ناقصه انا اليوم مب ياي اعاتبكم اليوم ياي اقدم لكم براءه شموخ وروح ولف ع فهد وغانم وقال: والله ان اللي سويتوه فيها مب شوي ،، لين يوم الحشر والقيامه مب مسامحنكم على اللي سويتوه فيني وفيها .. تكلم بو فهد بعد الهدوء وقال بتفكير: يعني الحين انته شو مظهرنك بينا ،، نحن نسينا الماضي ما نبا الماضي يفتح باب بيتنا من يديد.. ابتسم بقهر وقال: ضعفك يا عمي ما بياخذ حق عيالك والله ،، تراك عقب بتشوفهم يجاتلون قدامك وانته ساكت ... لف ع حامد وقال بحده وهو ينطر حوايبه:انته لك علاقه بلي اسمها ريم .. سكت حامد مب عارف شو يقول هو نكشف واعترف قدام شموخ بانه بينه وبين الريم علاقه من اربع سنين ضحك حمد وقال: لا تعب عمرك ما بيجاوب ع سواد ويهه .. أبتسم بضجر وبحده وقال: م اختلفت وياك مسود ويهه بس تراه مب حامد اللي ربع وراها .. حمد ركبه ستين يني وقال بغصه وقهر : انته شو تبا يا المينون داخل وسط عايلات انته شو بينك وبينهم ولا شو يربط بينك وبينا نحن ما نحب الدخيلين .. لا ارادي تكلمت وهيي تقول : سعووود مب دخيل علينا ،، سعود من استوى منا وفينا ما عمره كان دخيل ،، الدخيل هو انته وغانم متطفلين على حياة الناس ... لف عليها ببتسامه معناها لين الحين تحبه ،، اما حمد قال: ايووا م ترضين عليه يعني ،، انزين شو مدبرين هالمره ما دامكم واقفين مع بعض ولا ترضون ع بعض ... لف سعود بقهر وصدمه كلام حمد وقال: انا مب مدبر وقت التدبير خلص انا ياي ابين الحقيقه .. قعد الكل بصدمه الجديه اللي فيها سعود الثقه الواضحه في عيونه الانتقام بانه يأخذ حقه من فهد وغانم وحمد والريم شو وراه الكل كان قاعد بصمت الا سعود اللي قالهم: تبون تشوفون الحقيقه صوت ولا صوره ولا مباشر ... ابتسموا باستهزاء غانم وفهد وحمد ضحك وقال فهد : مباشر احسن .. ضحك سعود وهو يتحرك صوب التي في ويعابل الوايرات ويشبك الواي فاي ع تي في اتصل باخوه وقال: صوت وصوره ي الغالي غمض عيونن بالم ماوده يضر محبوبته بس لجل اخوه كل شي يهون: فالك طيب الغالي همس بخفيف : لا تخاف صورتها ما بتكون واضحه موصي باسم وباسل لا تحاتي .. تنهد برتاياح وهمس: تمام الغالي ببلغها انه في تصوير عشان تزيد بالكلام صرخ بخفيف وبسرعه قال: لالالاً بتخاف بتعدين وبتظن فينا سوء خلها مثل ما اتفقنا ووثق فيني والله ما ينوبها نايب بامر الله تنهد بخفيف يصاحبه ضيق وقال : اللي تشوفه .. بعد ما شغل التي في جمعهم على تلفزيون وهو يقول: تقضلوا تعالوا .. تقدم الكل صوبه انتهى الفصل الاول من البارت العاشر تقربوا الفصل ثانـي قريبا باذن المولى |
طرح جميل
يعطيك العااافيه |
الجزء المنتظر..
فعلاً بعد كل جزء تظهر النقلة في طريقة السرد والحوار مدهشة يا دجى الليل.. |
شكراً ي عين دجى ربي يفرحج ان شاء الله القادم افضل بامر الله
|
البارت العاشر
الفصل الثانــي : إذا وقع الغرامُ علىٰ عنيدٍ فلا بقيَ العنيدُ ولا العنادُ. : : بعد ما شغل لهم الشاشه وجه كلامه لحمد بــحمد طلق شموخ التفت الكل بصدمه عليه الا هي عارفه انه بياخذ حقها وزووود حمد باستخفاف قال: شووووو !!! اطلقها؟ لف لعمه وقال: عمـي تكلم لا تم دوم ساكت ،، سكوتك م بيفيدك تكلمت ام فهد اللي توها داخله وقربت صوبهم سلمت عليهم ومن شافته حضنته وهي ترحب فيه وتهلي: وينك ي بويه طولة الغيبه.. ابتسم وناظرها بحب وهو يبوس راسها: سامحيني يا امي انشغلت شوي ابتسمت وهي تحضنه ويهه بكفوف ايديها وقالت : يبت الامانه اللي وعدتني فيها.. حضنها بحب وهو يبوس راسها: يبتها يعل العمر يفداج والحين براويكم كلكم .. قعدت عداله وهي تقول لحمد: طلق شموخ وكمل سعود ترتيبات التي في ويتاكد من الواي فاي شغل الكيمرا اللي حاطينها في المقهى ولقطت الاشاره وتحولت من حمرا الى خضرا وقال: وين حرمتك الريم تكلم بثقه: في البيت... صفق بيديه وهو يقول: قبل ماعد لين ثلاثه تفر طلاقك ع شموخ واحــد .... اثنين ... الكل متوتر وخصوصا انه بدت الكيمرا تشتغل لانهن تلاقن مافي وقت يأخرونه وقال بصوت عالــي: ثلاــااا ترا مب من مصلحتككك ي حمد تاخييير ارتبك وعق طلاق شموخ بسرعه وهو يقول: طالق يا بنت سهيل بلا رده اكتفى انه يبتسم ويضحك وقال: اكيد مالها رده لانها أساسا بنت ولا لمستها فطلقة وحده منك كافيه تظهرها من ذمتك ... واشتغل الفيديو وهم يشوفون لقاء الريم ومايار يوم تلاقوا وسلموا ع بعض وكانت هند معاهم يايبتنها مايار بس محد كان يدري كان الكل مصدوم اانهن بعدهن متغشيات وما يعرفون منو هنه هذيل وكانت الكيمرا تصور الحدث بوقته بساعه واليوم وكل شي ودخلن بارتشن خاص فيهن وقعدن الثلاثي المرح وفجن الغشووووه والكيمرا كانت مصوبه على هند والريم اما مايار فكانت دايره ظهرها للكيمرا طبعا بتوصيات باسل وخلف احد رجال سرور اللي راح وياها وواقف في المطعم من بعيد وعطاها امر انها تكون مجابلتنه،، وبدا البث ،، تعالوا نروح المطعم ونشوف البث ... الريم وهند طلبن عصير برتقال ومايار طلبت كوفي وقالت لهن: شحالكن ربكن بخير ... هند : بخير ونعمه انتي وينج عنا من زمان مختفيه مايار: انتى اللي قاطعه ولا انا وريوم دايما ع تواصل صح ريومه.. الريم ابتسمت: صحين والله هند: ولا قلتي لي انج متواصله ويا ميار.. الريم: ما كان في وقت لان بروحي عقب ما صدمني حامد انه ما يباني ما كان لي بارض أتكلم مع حد.. تنهدت بضجر وهي تقول: تعالي صح ما قلتي شسالفه وسو صار وياج تنهدت بضيق وتعب:،والله انى ظالمه وجحود رديت مره ثانيه وتبليت ع شموخ شهقت هند وميار قالت: كييييف وشلون مره ثانيه بعد شو سويتي بالبنت انتي الله يقطع شرج.. تكلمت بعد ما يبوا لهن طلبهن وهي تقول: عسسى بس الله يغفر لي ي بنت ناس اتهمتها هي وحامد بانهم سالبين شرفيه قبل الزواج.. انصدمت هند وفجت عيونها ع وسعهن وميار قالت بصدمه: شرررررفج كيففف فهميني سالفه شصار شو هببتي من دون ما تقولين لي بضيقه ردت: حاولت اتصل بج اكثر من مره تلفونج ما يستقبل فاضطريت اسوي شي بنفسي .ومن دون مشورة حد كنت اباج تنوريني .. لكن صار اللي صار هند بصدمه: وش صااااار بج قولي لي غانم ما ياب لي طاري مايار تبتسم: هاه الحب رجع لج اشرت بيدها على دبله وقالت: امس عموه خطبتني رسمي جدام الكل ويتريون الحب يرجع ونتزوج... مايار تبتسم: بالبركة ي قلبي هند تشرب العصير: يبارك بعمرج ضحكت بدفاشه وهي تقول: هههههه فاتكن والله شو سويت بشموخ مايار: ايييه صج كملي راحت علينا سالفتج شو مهببه ... تكلمت بضيق: ياختي هالحامد احبه ولا قدرت انساه وعلاقتي فيه من اربع سنين ويوم خطبني حمد سويت حفله بلا معرس ع قولتهم وهدووا عليه لين انجبرت أوافق واتصلت بحامد فديته وقعد يواسيني حبيبي والله كان اكثر واحد يحاتيني المهم فكان مروح حفلة تنكرية وقلت له الا اروح معاك قالي وين تبين انتى الحين بتعرسين وشو تبين تظهرين ويايه خلاص بس الزمي بيتج ،، بس اصريت عليه قتله مادام مابيني وبينه شي انته حقي انا وانا حقك قالي انتى أصلا مينونه ريال مالج عليج وين تبين تظهرين ويايه المهم مالكم ف طويله بس اصريت اظهر وفعلا ظهرت وياه والحفل كان تنكري وانا الهبله سايره بويهي تخيلي كان الكل هناك لابسين لبس تنكري الا انا وحامد وبعد نص ساعه قالي بروح الحمام خفت اتم بروحي وعقب ياني واحد متنكر وقالي حامد يباج فوق رحت بلا عقل وياه بس انصدمت انه اعتدى عليه وهو متنكر وكنت اصارخ بس محد سمعنى وبندت الكهرب واستوى ظلام ويلست اصارخ تخيلي ان اللي عتدى عليه ماعررفه منو واسمع حامد يبغم باسمي وانا اصيح لين لقاني هد عليه وقالي قتلج ترييني قتله اشدرانى يانى واحد وقال اروح معاه فوق عندك قال انا مب متنكر عشانج انتي تخربين الدنيا وتروحين مع واحد متنكر قالي وصفيه وشو شكله قتله ماعرف ووداني لين سياره وعطى الدريول فلوس واليوم ثاني كلمنى وقالي بشلج بسوي لج عمليه ومحد بيدري بج قومي قتله لا مابا ما عاد الوقت ينفع ويوم تزوجت طبعا خبث حريم وكيد انى انا مستحيه وخايفه منك وانا بنت وانا أصلا مضيعه شرفيه عند واحد ماعرفه حتى منوه ،، المهم فبوشباب ماعنده صبر ولما صار اللي صار اوهمته انها الروتينيه واستسمح منى وقالي بوديج دختر وقتها قلت بروح وراسي مرفوع فوق لين ما كشفتني الدكتوره وقالت لي انها مب روتينيه وانه عنف ومقاومه اثناء الاعتداء عليه وبس والله حمد انصدم وضربني ضرب وبعدين تبليت عالشيخه شموخ وقلت انها متفقه مع حامد ياخذون بحقها وانى انا ضعيفه ومسكينه بس انا سكينه وبس والله.. مايار: وقلبج ما عورج ي الريم ع اللي سويتيه.. ميلت براسها يمين ويسار وقالت: نهائياً والله بس بصراحة كاسر قلبي حامد كيف اتهمه زور وهو فديته اللي نوى يستر عليه ويوديني يعالحني كملت هند عن الريم وهي تقول: تذكرون قبل شو سوينا بها عشان غانم وفهد يحرقون سعود وكيف اتهمناها بانها مب شريفه .. كملت الريم وهي تقول:هيه اذكر والله كله من تحت رووسنا لعبنا بشرف البنت ونسينا حقها عند الله. مايار تتناسى عشان الخطه وقالت:كيف من تحتنا شو سوينا بها.. تكلمت ريم بجديه وهي تقول: يوم سالفة حمد وربع غانم تذكرين والفندق مايار تبتسم:ايوا تذكرررت صح صادقه وشو بعد صار نسييييت اسميني نسايه .. كملت هند وهي تقول: ويوم اتهمناها بسعود حبيب قلبها وقلنا لهم ماخوذ شرفها وحمد كمل عليها.. مايار: سالفه حمد عرفناها بس سعود شو !! تكلمت بضجر وضيقه وهي تقول: ونحن مالنا الا شموخ اليوم ما بنخلص من هالشموخ.. تكلمت ريم وهي تقول: وشو مزعلنج يا الحب لا تزعلين تراها عديلتي مب عديلتج( شريكتج) وضحكت وكملت كلامها وهي تقول: اما سالفه سعود صدق كانت خيال.. ضحكت هند وهي تقول: هيه والله ما انسسسسىى سالفه غانم وفهد يوم حرقوا عليه الكراجات يبونه يموت بس ظهر بتشووويهااات في ويههه ملامح ويهه اختفت. ميار بجديه: شو سويتن بسعود وبعدين منو سعود هذا اول مره تيبون لي طاريه كيف شكله وصفولي إياه.. اشرت بيدها الريم وهي تقول: ماشي وقت أبا ارجع البيت قبل لا ايي حمد ولا يلقاني مافينا نشرح لج من سعود بعدين الأيام بتعرفج ع سعود وقطع كلامها اتصال حمد( لما سمعهم سعووود بيتكلمون عنه قال لحمد ااراهنك انها تقولك صدق لو دقييت لها الحين بعد اللي سمعته باذنك،، كان حمد مضيق ومعصببب من الكلام اللي يسمعه مستحيل يطلقها بنت عمه ما يقدر الا انه يتصرف معاها تصرف ثاني اتصل لها وهو في قمة عصبيته وجذبت عليه وهو يشوفها صوت وصوره كيف ترد عليه وكيف خايفه وقالت انها في البيت وجذبها بالنسبه لحمد لا يغفر وهذا غير اعترافاتها بنفسها بعلاقتها بحامد وان اللي هتك عرضها مب حامد واحد غيره ) ،، كان قافط من حقيقه زوجته جدام الكل وان شموخ لازالت بنت بنوت تلوم ولا قدر يرفع عينه عليه ،، اما غانم وفهد ما كان لهم أي خيار ثاني غير صمت والتفكير بعمق غانم بعد خسر شموخ بغباءه ومايقدر يخلي بنت عمه لانه بدى يتقبلها في حياته ،، وسعود قالهم : شفتوا الحقيقه اللي كنتوا معمايين عنها ولالا،، شفتوا ان اللي كنتوا تربعون وراه سرااااب مب حقيقه شفتوا نهاية طيشكم ،، لف ع فهد وقال: سلام يا مجرم .. استوقفته ام فهد وهي تحلف ما يروح لف عليها وهي تقول: تبا ترجع تختفي مره ثانيه وين رايح ي عين امك هذا بيتك اللي رباك من يوم انته رضيع وين تخليني يا عين امك ترا بعدك عني نار ماعدت اتحمل بعادك وغيبتك يا بويه انته ضنايه لازم ترجع لي وترجع لبيتك.. قبل راسها بحنيه وهدوء وهو يقول: برجع يا يمه وباخذ شموخ ووبتزوجها بعد .. بعد صدمه تكلم بو فهد وهو يقول: مالك بنت عندنا يا حمد عقب اللي عرفناه وشفناه تتهمون بنتي في عرضها ولد ولديه في شرفكم اليوم اللي له حق يرفع قضية رد اعتبار شرف فهو سعووود يرفع عليكم وعلى فهد وغانم بعد وظلمه لهم بانه اختلى بشموخ وهو قدامكم اليوم اثبت لكم انها بنت بنوت وزرعتوا الحقد في قلوبنا عليه وخليتوني اطرده من بيتي هو واخوه ليششش سويتوا جي حسبي الله على بليسكم ووقف وهو يتكي. على عكازته وقال بصرامه وهو واقف قدام الكل وموجه نظره لهم : اللي يبا يأخذ حقه من سعود يتكلم الحين !! صدمة سادت الجميع تكلم فهد باحراج: مالنا حق عنده هو اللي له حق عندنا .. بقهر وضيم تكلم وهو يقرب من فهد وقال: حققققي باخذه منك يا فهد انتتته فاهم ودفره ع الكرسي والله لولا غلاها في قلبي جان اليوم عزاك وعيالك تيتموا لكني ماباها تذرررف دمعه أكون انا سببها بس والله حقي باخذه بالقانون يا فهد ع تشويهااااتك لي وحرقكً لي انته وغانم ضيعتوا تعبيه وشقايه حرقتوا سياييري وكراجي وانا مداوم فالمعرررض وحرقتوووه لي وشووهتوا ويهي بحجة انكم تردون حقكم بيدكم انا ما اعظ اليد اللي نمدت لي بالخير وربتني وكبرتني واعتبرتني واحد منها واعتبرتكم خوان وخوات بس طول عمرك انته وغانم من يوم كنا صغار كنتوا تغارون مننني وتنعتوني بالقيط مالي ذنب اذا كنت انا واخوي لقطاء فهذا مب ذنبنا لأننا يينا على دنيا نكون فيها يتيمين لا ام ولا أبو ان كان بالحرام او بالحلال محد يعرف اصولنا ومرجعنا غير الله اذا نحن يينا ع دنيا بالحلال او بالحرام ،، لكن اللي اعرفه ربوني ناس ونعم فيهم شفتهم اهل الام امي والابو ابوي والاخ اخوي والاخت اختى الا شموخ كنت اشوفها بنظره الحبيبه واللي بتكمل لي حياتي وبتعوضني عن كل شي ،، لكن واتجه صوب غانم ومسكه من ياقت ثوبه وهو يقول: لكنننن بليييييسسسسسس لعب في راسك وقالك اني سلبت شرف اختك وهزه بقوووه ودفره على الكرسي وثبته بيديه وحط ريوله ع ريول غانم وبقهررر صرخ : انتتته سببب في تشوووويه صورررتي وتشوووويه ويهي حسبي الله عليك وقعد يضربه بقههر ودموعه تنزل من دون إحساس ما حس الا بشخص يررره عن غانم وقاله بهمس: انتتته مب جي ي سعوود ما عرفتك تحب الانتقام انته اكبر منهم كلهم والكبير الله لا تزعل نفسك عليهم عندك شي يثتبت حروق مستودعاتك ومعارضك وكراجك سلمه لشرطه وبيبون لك حقك بس لا تلوث ايدك بهم خلك في عيني دوم عالي .. صرخ في ويهها بقهر وهو يهز كتوفها ويقول: ايييييه صح كلامج الشرطه بتاخذ حقي وبتيببه بس من يرجع ملامح ويهههههي طالعيني شموووخ زييين وحط ايده على ويهه وقال: شوووفي اثررر الحررررق كيف لج ويه طالعيني كيف لج نفس تتاملين ملامح معدومه ومحروووقه شو بتتامليننن يا عين سعووود وكيف ترضين بقربي وانا جيييي ما تخافين من الناسسس وكلامهم. بعدت يدها بسرعه من اثار الحروق وقالت بقهر: ادددري حسبي الله على من كان سبب والله ادررري يا الغالي وطاحت دموعها بغصه وقهر وضيم وظلم وهمست له انته حلووو في عيوني وجميل محد يقدر يشوووه صورتك قدامي يابن الناس لان قلبي مارضى لك بديل بس طلبتك لا تلوث يدك فيهم .. اكتفى يطالعها بصمت ورفع صبوع ايده وسمح لنفسه يمسح دموعها وهو يتاملها.. وقفه: سعود وسرور اخوان توام اول ماولدتهم امهم حطتهم في جمعية دار الايتام ،،وبعدين ام فهد خذتهم من الجمعية تربيهم عندها من يوم هم صغار وتبنتهم عندها وربتهم مع أولادها وحبتهم زود وكبروا مع بعض لكن نسبهم مجهول للأسف محد يعرفهم يايين للدنيا بالحلال ام بالحرام ،، ولكنها كثرت هذه الفتره في مجتمعنا من هذه الفئة التي نسأل الله العفو والعافيه منها ومن الابتلاء ،، لابد كل منا ان ينتبه لمماشيه وخطواته وان يعرف ماذا يريد وماذا يفعل ،، لا يعني ان لديه الحرية فانا افعل ما شاء ولكني موضع ثقه لدى اهلي وخالقي قبل كل شي الذي يطلع عليه ويعلم خائنة الاعين وما تخفي صدور فلا اجعل الله اهون الناظرين لي ،، وان العمر لحظه يجب ان نقضيه في رضى الله وسنة نبيه وان نبتعد عن كل ما حرم ،، فالمراه الواعيه تربي أجيال وتؤسس منازل وصروح وتزرع المبادئ والقيم في أبنائها وفيها ،، لذلك نحن بحاجة لصروح عالية الهمه لنبني مجتمع يقود الأمم لنعمر مجتمع طاهر وشريف ولا يحكم على شخص بانه صالح او طالح من عرقه او جنسه او نسبه او قبيلته فالجاهل هو من يكن لديه العنصرية سواءً في القبائل والعشائر ام في النسب والحسب ،، وحينما نواجه في مجتمعنا أطفال ينتمون لهذه الفئه المعنية بالذات لابد ان نكن لهم كل الاحترام والتقدير وان يضرب لهم تحية ،، لانهم تحدوا صعوبات بوجودهم بيننا او بالاصح وجودهم في حياة مجهوله لا يعلمون الى اين ستقودهم، لا يعلمون اين البدايه او نهايه في مستقبلهم او حياتهم ،، تاركين كل شي ياتي لهم كما كُتب لهم او بمعنى انهم يجهلونرمصيرهم الى اين ،، وعندما يكبرون سينظرون لنفسهم بنقص فآن الأوان بان نكون معهم ونقف بجانبهم فانهم غدا من شباب المجتمع وسيقودونه بكل فخر وقد يكونون افضل عننا لذلك لابد من احترامهم والاختلاط معهم بكل حب وتقدير ) ....اوجه رسالة شكر من منبري المتواضع لهذه الفئه التي تتحدى صعوبات الحياه ارفع لكم قبعة الاحترام والتقدير دمتم للمجتمع ودام المجتمع لكم ودام نفعكم وعطائكم للمجتمع كلي فخر بان يكون احد ابطال قصتي من هذه الفئه الحبيبة والعظيمه .. مخرج : : ما يؤلم قلبي حقاً هو أني تألمت على يد اشخاص تمنيت أن لا أراهم يتألمون انتهى البارت العاشر بفصوله نلتقي في البارت الحادي عشر بامر الله |
| الساعة الآن 05:56 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية