ضدَّه .. الآن
 

ما يفيد اليوم يا شعري على الغايب حسايف
والزمان اللي مضى مِنَّا مُحال إنَّا نردَّه


جاني اللي طول عمري كنت أنا أخشى وخايف
والقدر لا جاك ما لِهْ قوِّةٍ تقدر تصدّه


هات يا شعري بيوتك جسِّد اللي أنت شايف
واللي يجرح كبريائي طالِبَك يا شعر عَدّه


رغم إن الحال واضح ما يبي دِقَّة وصايف
والبحر ما يجهله من هو عرف جزره ومدّه


قصتي في وسط صدري خلف قضبان النَّحايف
في سويدا القلب تسكن والمشاعر مستبدّة


لا أمل في قصتي ممكن ولا للحب طايف
جيت من أقصاي للي للأسف مو مستعدّة


ليتها صدت فؤادي ما بدتني باللَّطايف
ليتها لحظة لقانا (ارْفضت) حبي بشدّة


راحت أوقات النَّدم يا ربي أسألك الخلايف
تلطف بقلبٍ وقف له كل شي وصار ضدّه

والله إني رغم حبي للهوى أصبحت عايف
لكن أشعر إن قلبي للأسف لازال وِدّه



سُهيل

سلمت اناملك لروعة ذوقك
يسعدك ربي ويحقق أمانيك

الله يعطيك العافيه على الطرح
اللي كله ابداااااااع

حضوري شكر وتقدير لك
ولاهتمامك في مواضيعك

اخوك
نجم الجدي

سلمت يمناك
طرح جميل جدا

بيض الله وجهك
طرح واختيار روعه للموضوع
لاحرمك الله رضاه

‏لك كل
تقديري واحترامي


مجنون قصآيد

انتقاء راقي و ممرّغ بالشّهد لحلاوته..
الله يسلّم يمينك على روعة الجلب المفيد..
و دام هذا العطاء.

الاروع هو حضوركم الباذخ
اسعدني تواجدكم ونثر حروفكم العطره
مودتي التي لا تفنى

لَآعِدَمَنِآ هـَ الَعَطَآءْ وَلَآَ هَـ الَمْجَهُودَ الَرَائَعْ
كُْلَ مَآتَجَلَبَهْ أًنَآَمِلكْ بًأًذخْ بَاَلَجَّمَآلْ مُتًرّفْ بَ تمًّيِزْ
وُدِيِّ
https://upload.3dlat.com/uploads/3dl...b66adb0a14.gif