 |
منتديات قصايد ليل
(http://www.gsaidlil.com/vb/index.php)
- …»●[قصايدليل لعالم الجوالات بجميع انواعها]●«…
(http://www.gsaidlil.com/vb/forumdisplay.php?f=26)
- - خطوات مهمه يجنب اتباعها حتى لا يهكر ايميلكـ
(http://www.gsaidlil.com/vb/showthread.php?t=11680)
خطوات مهمه يجنب اتباعها حتى لا يهكر ايميلكـ
السلام عليكم ورحمة الله وبركاته كثرت بالفتره الاخيره سرقت الايميلات وخاصة ايميلات شركة مايكروسوفت مثل hotmail.com windowslive.com live.com 9.cn w.cn mail.net.sa والاسباب كثيره اللي ادت للاختراق اشهرها واسهلها ثغره في خدمة الدعم والمساعده لشركة مايكروسوفت ... وبعد كذا تجي سكربتات المسنجر بلس وبعدين مواقع اللي يقولك انها تكشف اللي عاملك بلك اوديليت وبعدها الروابط اللي تجيك بالايميل او المرفقات من اشخاص ماتعرفهم وضغطتها او حملتها وبعض الاسباب الاخرى راح اذكرلكم الحين التفصيل لك طريقه وكيف يتم الاختراق وكيف تحمي نفسك من كل طريقه السبب الاول ثغره في الدعم لشركة مايكروسوفت .. همممم ماراح اقول كيف تتم هالطريقه لان الجهل فيها افضل حتى لايستغلها البعض لكن راح اقولكم كيف تحمون انفسكم من اختراقكم عن طريق هالثغره في الطريقه هذي الهكر لازم يحصل على رقم الآي بي الخاص فيكم ويقدر ياخذه لما ترد على ايميله وممكن يحصل عليه حتى لو مارديت بمجرد فتح الرساله عن طريق بعض المواقع >> اغلبها كشفتها الهوت ميل وقفلتها عموما حتى مايحصل علي الآي بي اذا جاتك رساله ماتعرفها وتبغى ترد عليها خذ الايميل حق المرسل وروح لايميل قوقل وارسل منه رساله انك صاحب الايميل الفلاني وحصلت على ايميلك بخصوص بلا بلا ورد عليه ورسلها لان ايميل قوقل صعب احد يعرف رقم الآي بي من الرساله غير كذا بالطريقه هذي لازم يحصل الهكر على الاقل ايميلين من الايميلات المضافه عندكم عشان كذا اذا بترسل رساله ضع ايميلات الناس اللي بترسل لهم في الوضع الخفي ولاتضيف احد الا بعد ماتتأكد انه يعرفك لوضع الايميلات بالوضع الخفي السبب الثاني سكربتات المسنجر بلس في الطريقه هذي يعطيك المخترق سكربت عن طريق المسنجر خاص بالضحيه اللي هو انت عادتا يسوي هالسكربت اشارات تنبيه متكرره او غيره ممكن يكون اي سكربت مايهم لكن الطريقه هذي يعتمد فيها الهكر انه يعطيك سكربت ولما تنصبه وتشغله يشغل السكربت ملف صغير تجسس في جهازك والمخترق يكون عنده سكربت خاص فيه يوجد فيه اوامر يكتبها لما يكلمك بالمسنجر الاوامر هذي انت ماتشوفها في نافذة المحادثه ومن هالاوامر ممكن يحصل على الباسوورد طبعا مايحصل على الباسوورد الا اذا كنت حاط تذكر الباسوورد في مسنجرك لكن كمان في هالاوامر ممكن يحصل على صورة لسطح المكتب والكوكيز ولبرامج الشغاله بجهازك وكثير تقدر تعرف انك مخترق بالسكربت هذا عن طريقة وجود نقط كل شوي تزيد في الرساله الشخصيه وكل ماتحذفها ترجع وتكثر شوف الصوره وتقدر تحمي نفسك عن طريق عدك استقبال اي سكربت من اي شخص بالمسنجر حتى لو صديق وتعرفه زين خذها من موقعها الرسمي واذا اكتشفت انك مخترق بالطريقه هذي روح واحذف السكربتات كلها اللي عندك ونزلها من موقعها الرسمي السبب الثالث مواقع او برامج اللي يقولك انها تكشف اللي مسويلك بلك اوديليت او تفتح كاميرا المسنجر كثرت المواقع بشكل اعم اللي تجيك كرسايل ايميل تقولك تقدر تعرف اللي مسويلك بلك او ديليت وموقع يكشفلك اللي مسويلك بلك او ديليت او يفتح الكاميرا حقت صديقك وبلا بلا بلا وكثرت هالمواقع بشكل ملحوظ كلها وسيله سهله للاختراق .. واغلبها مسوينا ناس عشان يخترقون بس عشان كذا لاتستخدمها ابدا وكمان في برامج نزلت ومشهوره فيه ميزة معرفة اللي مسوين بلك اشهرها Messenger Discovery Live اللي اعتبرته بعض المواقع انه برنامج تجسس بشكل عام اقولك لاتستخدم اي موقع او برنامج يقولك انه يشكف لك اللي مسوي لك بلك او ديليت اويفتح الكام ابدا اذا استخدمتها قبل كذا .. روح وغير باسوردك الان .. السبب الرابع الروابط اللي تجيك بالايميل او المرفقات من اشخاص ماتعرفهم وضغطتها او حملتها كثير تجيك رساله بالايميل او حتى المسنجر فيها رابط لموقع ما وانت بريء تضغط عليه بنفس الرساله او بنفس المحادثه او تجيك رساله فيها مرفقات من انسان ماتعرفه وموضوعها مثير وفضولك يخليك تحملها وبعدين يبدا التجسس طيب عشان تحمي نفسك اذا وصلك ايميل من شخص ماتعرفه يقولك حمل هالمرفقات او اضغط على اللنك على طول اعمل ديليت للرساله بدون ماتضغط على المرفقات او حتى اللنك واذا وصلك هالايميل من شخص تعرفه اول شي لاتضغط على اللنك في الايميل اقصد في نفس الرساله ابدا سويله نسخ وروح افتح نافذه جديده بالمتصفح وبعدين اعمل لصق وشوف اللنك السبب الخامس استخدام بعض البرامج مثل برامج اللي يقولك انها تهكر باسورد الهوت ميل وتطلب منك كتابة الباسورد حقك - مثل او استخدام برنامج المسنجر المعروف اللي كلنا نستخدمها عن طريق شخص ارسله لك في طريقه الحين اقدر ارسلك برنامج المسنجر المعروف (شكليا فقط) يعني معمول لغرض السرقه وكل شي يمشي تمام معاك لحد ماتكتب باسوردك وتسجل دخول راح تجيك رساله خطأ وتجيني رساله ايميل انك سجلت وبياناتك كلها عندي من ضمنها الباسوورد عشان كذا استخدم فقط برنامج المسنجر ونزله عن طريق موقعهم الرسمي لاتنزله من اي موقع او تاخذه من اي شخص هذا هو الموقع http://download.live.com/?sku=messenger =========================================== السبب السادس لاختراق ايميلك استخدام مواقع الصيد بالخدعه الفيشنق Phishing هالطريقه يخدعك الهكر بارساله موقع يشبه تماما موقع الهوت ميل يقولك سجل فيه راح يكشفلك مثلا كام صديقك او اي شي آخر وعندما تفتحه تلاحظ انه نفس موقع الهوت ميل وماراح تشك وتسجل ولما تسجل يرسل بياناتك للهكر مثال شوفو هذا الموقع لقيته في بعض المنتديات العربيه يقولك موقع يفتح الكام شوفوه ولاحظو ان التصميم نفس موقع الهوت ميل تماما ملاحظه لا حد يضغط على الرابط التالي لانه صفحة تهكير للايميل http://hotmait.co.cc/ بس لاحظو اسم الموقع مكان حرف اللام وضع حرف التاء حتى يظلل الضحيه وغير كذا الامتداد سي او وبعدين سي سي يدل هالشي انه موقع مجاني مشهوره هالطريقه عشان كذا قلتلك بالنصايح السريعه تحت لاتكتبو باسوردك في اي موقع ابدا ماعدا المسنجر وموقع الهوتميل الاصلي نصائح اخيره وسريعه - باسورد ايميلك لا تكتبه ابدا ابدا ابدا في اي مكان ماعدا .. المسنجر .. وموقع الهوت ميل الرسمي www.hotmail.com ودائما تأكد من الاحرف حقت موقع الهوت ميل عشان ماتصير ضحيه للمثال اللي قلتلك عنه فوق بعض الناس تكتب نفس باسورد الايميل في التسجيل في المنتديات وهذي مشكله كبيره . لان اصحاب المنتديات يقدرو يشوفو الباسوورد .. والنفس آمارة بالسوؤ .. الا من رحم ربي . - لاتضغط على تذكر الباسوورد في المسنجر او في موقع الهوت ميل فقط للاحتياط ليس الا - اعمل باسوورد قوي وطويل يتكون من احرف كبيره وصغيره ورموز - بخصوص السؤال السري والجواب السري .. اختار الجواب السري بشكل بعيد عن صيغة السؤال يعني مثال .. اختار السؤال ( افضل صديق طفولة) والجواب ( شجرة التفاح) - لاتقبل اضافه بالمسنجر لشخص ماتعرفه .. اذا شكيت بايميل اللي مسويلك اضافه .. مثلا شكيت انه صديقك اول شي اكتب الايميل وبعدين اضغط الغاء امر .. وروح ارسل له رساله بايميل قوقل وقوله انك انت اضفتني على ايميلي وبس بعرف من انت ؟ ... اذا عرفته ارجع واقبل الاضافه .. اذا شكيت فيه ارجع وسويله منع . لو اتبعتو الخطوات السابقه انشاء الله ما يقدر اي هكر يقرب صوب ايميلك ولا يقدر يهكره وتعيش انت وايميلك بأمان تام بأذن الله عسى تعم الفائده للجميع تقبلو تحياتي |
الله يعطيك الف عافيه وبيض الله وجهك على طرحك المهم اخوي احساس خالد
احترامي الشديد لشخصك الرائع اخي |
مروركـ شـــرف لي
الله يوفقك |
موضوع مهم لكل واحد يستخدم المسن
تسلم على الموضوع |
عوافــــــــــــــــــــــــــــي ع التنبيــــــــــــــــــــــــــه بجد كثر التهكيـــــــــــــــر عوفنا المسن
|
موضوع مهمــ ..
سُؤال .. يعني ايميل اليآهو مايتهكر أبدآ ... ويسلموووووووووووو |
الله يعافيكم....
|
تسلم على الطرح المهم
الف شكر على الطرح |
يعطيك الف عااااااااااااااافيه مجهووود رائع من شخصك الكريم
لاتحرمنا من هيك شغلااات لك الشكر والتقدير اختك برستيج |
طرح اكثر من رائع من شخصكم الكريم
بانتظار كل جديد لديك مر من هنا سعودي وافتخر |
| الساعة الآن 09:59 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية