 |
منتديات قصايد ليل
(http://www.gsaidlil.com/vb/index.php)
- ..أنا لكـ شـاعرٍ يكتب وشعرهـ نقوة أفكـارهـ ..
(http://www.gsaidlil.com/vb/forumdisplay.php?f=110)
- - ام العصافير ..مرثيه
(http://www.gsaidlil.com/vb/showthread.php?t=94836)
ام العصافير ..مرثيه
ليست بيننا صلة قرابه انما الجيره والمحبه الخالصه لله عرفته صغيرا قبل سنوات ونحن جيران ..من رواد مسجد الحي ..وحافظا لكتاب الله كان محبوبا من الجميع ..تأثرت كثيرا ونحن نودعه الوداع الاخير فلم يكن فقيدا لاأهله فقط بل فقيدا للجميع ..وفاته كانت فاجعه كبيره والحمدلله على كل شي كتبت هذه المرثيه بالاسلوب التقليدي ..لعلها تنال الاعجاب رحم الله عبدالله رحمه واسعه والهم ذويه الصبر والسلوان الميمنه والميسره والتفاكير *** وجيوش همي ,والضروف الصعيبه والموت والاجداث وابو التعابير *** وحروف حزنن كل لحظه تجيبه ماتعس صباحك بس (ياام العصافير ) *** اللي عصافيرك كلت عندليبه توي دريت الفقد ملعون ابوصير *** يفجع حبيبن كان ينطر حبيبه (غياب عبدالله ) تقول المقادير *** لابد للايام تاخذ ضريبـــــه ورب الفجر والنور ومهامس الطير *** اني بعيني شفت معنى الغليبه الموت حق وماكتب ربك يصير *** لكن موته صار عنوان ريــــبه والله ورب الكون والي التدابير *** وحده فقط علام سره وغيـــــبه ذو الهيمنه من يطلّع بالاسارير *** اللي حما يوسف بظلمة قليبه واخوانه الغاويين والقافله عير *** جاؤا اباهم والروايه غريبه تروف في حال الذي حادث السير *** أنهاه والاحباب تبكي مغيبه وما عاد ينفع بالفواجع تقارير *** مادام قلبي راح عنه ربيبه واراسي اللي صار ذوده مغاتير *** من دورة احزان السنين الكئيبه يجتاحني حزنن كبر شامخ النير *** وتضيق بي كل الفجوج الرحيبه في صدري المحزون هبت أعاصير *** والله ماينلام لوشق جيــــبه يارب في يوم وروده مصادير *** تجعل مكانه فالجنان الرطيبه جارن لا ابو القاسم مع زمرة الخير *** مع صفوة الابرار تكتب نصيبه من نهر (بارق ) يرتوي بالقوارير *** تديرها (غلمان ) عدن العجيبه يايوم سبعه لو نثرت المعاذير *** ودي ولكن ماتجي بالغصيــــبه صافحت حزني لين طالت مشاوير *** وغياب عبدالله عوى اليوم ذيبه أبشع صباح مر باام العصافير *** هاك الصباح اللي بزغ بالمصيبه الميمنه والميسره والتفاكير *** يابري حالي آآآه مطول مغيبه (ام العصافير مكان وقوع حادث عبدالله رحم الله قرب محافظة رفحاء ) ودي للجميع |
رحمه الله وغفرله اخي براق وعوضه بجنه عرضها عرض السموات والارض
ويحسن خواتمنا مرثيه جدا جميلةة وتحمل بين السطور حزن وفقدان اسال الله يرحمه ويحفظ لنا من نخاف فقدانهم يارب براق احسنت اخوي وبارك الله فيك ولك احترامي |
صح بووووووحك يالصاحب الوفي
وانت رجال وافي في اخوتك وفي محبتك لمن حووولك والصاحب اللي يشيل هم غيرة قبل همه. . وانت في قصيدتك يااامز كنت متاثر وكانه.واحد من اخوانك رحمة الله .عليه. . ماغيري تفلسفت وانا ارد بس مدري وش علامي . قصيدة فيها الدموع تنزل غصب للي بيقراها باحساسه.ويتخيل الموقف صح يمكن ما نعرف بعض الاماكن اللي قلتها بس عشتها يارب في يوم وروده مصادير *** تجعل مكانه فالجنان الرطيبه جارن لا ابو القاسم مع زمرة الخير *** ومع صفوة الابرار تكتب نصيبه من نهر (بارق ) يرتوي بالقوارير *** تديرها (غلمان ) عدن العجيبه يايوم سبعه لو نثرت المعاذير *** ودي ولكن ماتجي بالغصيــــبه صافحت حزني لين طالت مشاوير *** وغياب عبدالله عوى اليوم ذيبه ... انا اشهد انك شاعر ياابن سبيع والنعم فيك وفي قبيلتك |
طرح رائع واكثر
سلمممت تقييمي ، وختم ، 5 ستارز |
طرح جمممميل
كلمات مؤلممةة سسلمت اخي |
الله يرحمه ويغفرله قصيده اولآ المحبه وفيها الحزن الكثير حزن الفقد الله يصبرك ويصبر أهله صح لسانك ملايين وأعتلى شانك يسعدك ربي ويحقق أمانيك
|
رحمه الله وغفر له وجعل مثواه الجنة
كلمات رائعة اخي بورك النبض والقلم |
طرح رائع اخوي
|
رحمه الله وغفر له
يعطيك العافية |
الله يرحمه ويسكنه فسيح جناته
ويرحم موتنا جميعنا صح لسانك براق ابدعت |
| الساعة الآن 10:48 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية