ألفيــة عــزازي
 

ألفاً أولـف ياهـل الحـب واشكـي
من واحـد لامـن تذكرتـه أبكـي
بقول كل الي حصل منـه واحكـي
وابيـن الخافـي واقـول الحقيـقـه

الباء بديـت اشـوف منـه التغلـي
يوم اعترفـت وقلـت له انـت خلـي
صار يتفننً فـي عذابـي وذلي
وماكنت اظن الغدر يتبـع طريقـه

والتاء تمادى في غـروره وصـده
والصبر منـي انتهـا عنـد حـده
قلبي مـن الخايـن ضـروري ارده
وارتاح من جملـت همومـاً تعيقـه

الثاء ثلاث شهـور عايـش بدونـه
خـل الـذي غـروه هـم ينفعونـه
بكـره يخلونـه يـذوق اللهونــه
يوجس مثل هوجست ساعه بدقيقـه

والجيـم جاملتـه احسبـه يـقـدر
واثره بأمر فرقـاي ورد مصـدر
وانا انتظـر انـه يجينـي يتعـذر
لكن تـرا مثلـه يخـون برفيقـه

والحاء حشا ماشفت طبعه مع الناس
مافيه رحمـه لا ولا عنـده احسـاس
ياخذ ذهب صافي ويعطيني انحـاس
ياويل منهـو بالهـوا نشـف ريقـه

والخاء خدمته من عيوني ولا فـاد
ولا هقيـت انـه يجازيـن بعنـاد
القلـب بسبابـه تقـل فيـه وقـاد
من حر مابي كن وصطـه حريقـه

والـدال دام الحـب ويـاه مابـيـه
ومابي احد عندي من الناس يطريـه
الـي جـرا للقلـب والله مكفـيـه
خلـو فـؤادي لا يزيـد اتحريقـه

والذال ذكرا صاحبي تتعب الـروح
والنوم ماله داخل العيـن مصلـوح
اشكي صراحه واشتكي عدت اجروح
حالاً مثل حالي مـن الـي يطيقـه

الراء رماني اقشـر الحـظ بالحـب
مع واحداً ماظـن لـه بالعواطـف
حسبي عليه الله عـدد كـل ماهـب
نسناس ريحاً فـي مسـارع طليقـه

والزاء زمان الحب عنـدي تحـول
اصبح بدال الحـب كرهـاً مطـول
راح الغالى الي اذكـره لـه منـول
مثـل القمـر لغـاب وفـى بريقـه

السين سم الغدر ذقتـه ملـى كـاس
ماهي غريبه نشربه من بعض ناس
مثله ولو قدره نشيله علـى الـراس
ماظن يوم اتصيـر روحـه شفيقـه

الشيـن شلـت الهـم عنـه لحالـي
ولا شكيت الحمـل والـلي جرالـي
صابر على ظيـم الدهـر والليالـي
روحي بمر الريق صارت شريقـه

والصاد صدقونـي اذا قلـت مابيـه
ولا ينتظر لحظه اناجـي وارجيـه
ولا يحسبنـي لعبتـاً بيـن اياديـه
يقـدر يمشينـي ورجلـي عويقـه

الطاء طعـم حبـه ولونـه كرهتـه
منشان شيـاً يـدري انـي عرفتـه
ولو حبه بشيـك الهـوا ماصرفتـه
حتى ولو روحـه لروحـي شقيقـه

الظاء ظمى قلبي من الشـوق زايـد
والقرب اصبح بيننـا اليـوم كايـد
والحـب ماظنـه ولاهـوب عايـد
لوعشت انا وحدي على ارضاً سحيقه

والعين عيى القلب ماهوب حاصـل
يقول مقدر مع اهل الغـدر اواصـل
الحـب جملـه مايجيبـه فواصـل
وينعاف لو روحي ببحـره غريقـه

والغين غادرت المحبـه بلـى حـد
وبينت لـه اهـم الاسبـاب موجـز
ومن يتهمني بالكـذب قلـت يعجـز
يثبت علي الكـذب بأيـت طريقـه

الفاء فلـى والله بقالـه معـي شـئ
والله مايطـري ببالـي وانـا حـي
طويت انا صفحه قديمه معـه طـي
طي الذيـاب الـي يريـد اتعليقـه

والقاف قررت انهـي الوضـع كلـه
وعاب شمس الحـب وارقـد فظلـه
ومن جاء يبي روحي معه قلت خله
خله تجف اجـروح فيهـا عميقـه

والكاف كل الي مظـى لازم انسـاه
وانسى جميع الي جرى من سوايـاه
الحـب لـه بلـوا وياكبـر بلـواه
الى نصبلـك بالعـدى مـن جنيقـه

الـلام لا والله ماضـاق صــدري
على فراق الي جحـد كـل قـدري
ادري بشي وبعض الاشياء مـدري
هـذا يـخـص الله رب الخليـقـه

والميم ماودي انا اجني على الحـال
ودي اعـدل كل شئ بـه امــال
واترك زمـان راح ماريـح البـال
والحـظ لامـن نـام لازم تفيـقـه

والنون نيـة صاحبـي ليـه شينـه
وانــا مـعـه امشي بنـيـه حسيـنـه
الحين انـا بطلـت زينـه وشينـه
مابي عسل حبـه ولا ابغـى رحيقـه

الهاء هدمـت الحـب ويـاه مليـت
مليت مـن كثـر التمنـي وياليـت
ياليتنـي بالعمـر ماكنـت حبيـت
ولا عرفـت الحـب ولا فريـقـه

والواو ولت كـل ذكـراه ومابيـه
من دون مانحتـاج شرعـاً وقاضـي
هذا حصل ولي حصل فيه راضـي
ارتحت من همن بروحـي وضيقـه

والياء ياليت القـاء حروفـاً زواده
بكتب كلامـن غيـر هـذا زيـاده
واكمل حوار قمت انا فـي اعـداده
لو يسمعه قلبي انقطـع مـن خفيقـه

تحياتــي/
حنــ@الـروح@ــين

صح لسانكـ
مشكـوــوــوــوــرهــ
تـ ح ــيآإتي
أخوكـ :: الصقر السعودي

الله يعطيك العافيه على مرووك الصقر السعودي
اشكرك اخوي عوود الليل على المرور بس والله جت ضروووف وانقطعت وكل عاام وانت بالف خير واسفين على التاخير وتقبلوا جديدي

يـعطيك العــافيــه
مشكـوره
صح لسانك
تحياتي