غزال الدوح ..
 

كِذا فجأة بلا موعد عرفت إنك حبيبة روح
وإنك فارسة كل الخيال اللي على بالي


قبل كنت أعشقك طيفٍ يمر بناظري ويروح
ولا لحظة تخيلتك حقيقة تاقف قبالي


وفجأة ما حسبت حسابها شفتك بكل وضوح
خفق قلبي وغنَّت عيني ولك رَقْصَتْ أوصالي


ألا يا وقت وقف لي دخيلك من هنا لا تروح
تحطم قلبي العاشق ويشمت بي عذالي


أنا هـَ الغيث من مدري متى برقه علي يلوح
وأمطر في عروقي وأنعش الميت مِنَ امالي


تعالي عانقي روحي وأروي قلبي المشفوح
تعالي خلِّدي ذكرى لقا غالي معَ غالي


تعالي من زمن صامت وهذا اليوم يوم البوح
خذيني يَمْ صدرك لين ما أشرح لك أحوالي


عِنَاقك لي كفيل إنّه يداوي قلبي المجروح
ولكن حضنك الدافي أخاف يزوِّد خبالي


أنا ماني بخير أول ولكن ما مضى مسموح
مجرد لمسة يدينك تزيّن كل أحوالي


أببحر في تفاصيلك أبسمع صوتك المبحوح
أبغرق في بحر حبك وَلَوْ موج البحر عالي


ألا ليل غطينا ترى بعض الهوى مفضوح
تراني لا دعاني الشوق معاه أمشي ولا ابالي


جميلة قربك أيامي عظيمة يا غزال الدوح
سعادة قلب تغمرني مدام أنتِ على جالي





سُهيل
منقول

بيض الله وجهك
طرح واختيار روعه للموضوع
لاحرمك الله رضاه

‏لك كل
تقديري واحترامي


مجنون قصآيد

اختيار روعه للموضوع اشكرك واقدرك عليه مودتي

سلمت اناملك لروعة ذوقك
يسعدك ربي ويحقق أمانيك

الله يعطيك العافيه على الطرح
اللي كله ابداااااااع

حضوري شكر وتقدير لك
ولاهتمامك في مواضيعك

اخوك
نجم الجدي

يسلمو على المرور

يسلمو على المرور

يسلمو على المرور

يسلمو على المرور