 |
منتديات قصايد ليل
(http://www.gsaidlil.com/vb/index.php)
- قصايدليل للقصص والروايات "حصــري "
(http://www.gsaidlil.com/vb/forumdisplay.php?f=114)
- - روايتي / من المستحيل ان تهدم صرحٌ انته بانيهـ ...
(http://www.gsaidlil.com/vb/showthread.php?t=182762)
روايتي / من المستحيل ان تهدم صرحٌ انته بانيهـ ...
من المستحيل ان تهدم صرحٌ انته بانيهـ ...
: : : البارت الأول... : : : دخل البيت وهو يصارخ : اماااااايييييه ابوووووووويه وين انتووووا ؟؟؟ طلع ابوه من مكتبه على صريخه وهو يقول : شعندك شو هالصرييييخ اللي شل البيت شل .. ارمق ابوه بنطره وهو يقول: نحن عيال حلال ولا حرااااام ... !!!!!!؟؟؟؟ طالعه ابوه بغضب وكان بيمد ايده عليه لكن مسك ايد ابوه وباسها وهو يقول: هاليد ما نمدت لتضرب وانما لتنباس ... نزل ايده عن ولده وخفت عصبيته وهو يقول: شو ورى هالكلام يا ولد احمد ... طالع امه اللي نازله وكمل كلامه: ماًجاوبتني ع سوالي يا بويه .. ويلس ع الكرسي وهو يرمق امه بنظرات كرهه غصبا عنه وقال ابوه بعصبيه: كيف يعني عيال حلال او حرام يا هادي... عدل قعدته بغيض وهو يقول: اخوك راشد من توفى من عشرين سنه اللي هو عمي وما بقى حد من عياله صح !!!؟ وطالعه بنظره ثابته وحاده.. ارتعش ابوه من نظره وهو يحاول يخفي خوفه وقال بثقه مزيفة بس ما مشت على هادي : اييييه نعم صح كلهم راحوا لخالقهم.. كتف ايديه بضحكه وبعدها قام واقف واتجه لامه وصفق بيديه قدامها وهو يقول: برافووو برافوووو عليج يا ام هادي قدرتي تسيطيرين على ابويه وتخلينه ينكر وجود بنت عمي في الحياه ... جاوبت عليه بارتباك وتقطيع صوت: منووو بنت عمكً؟؟؟! اصلا مالكم بنت عم ابداً كلهم راحوا وماتوا بالحادث .. هز راسه بثقه وهو يقول: طيب راح اسوي نفسي مصدقنكم بس خلال اربع وعشرين ساعه تراني بسلم الأوراق اللي وصلتني اليوم لمركز الشرطه عشان يباشرون القضيه ويحققون في الحادث اللي صار لعمي وبناته ويفتحون القضيه عليكم من اول ويديد وكيف تم نقل أملاك عمي لك يا بويه ... عشان جي اقولكم اذا انا ولد حرام بسكت عن الموضوع بس ما دام اني طلعت ولد حلال ما بسكت عن حق بنت عمي وبتاخذ حقها ثالث مثلث بامر الله ... انصدم ابوه وطالع مرته وقال بربكه: أي ... أي .. أوراق .. يا ولدي... طالعهم وشاف في عيونهم الخوف وربكه وقال: أوراق اللي تثبت ان بنت عمي حيه ومب ميته ... سكتت الابو منصدم وبناته واقفات على دري وطالع مرته ونزل عيونه على الأرض عارف انه محد بيروم لولده هادي لان هادي كان يحب عمه واااايد وبعدها قالوا له انه مات عمك وبناته وخلوه يأخذ بنت خاله ياب منها ولد وطلقها والولد اسمه عبد الله عمره 3 سنوات وعايش عند ابوه حاط له مربيه تعينه على اموره ... زفر بعد ماخذ نفس وهو يقول: والحين شو قلتوا تعترفون بها ولا اتصرف انا ؟؟؟!! امه بعصبيه: استح على ويهك قاعد تهددنا علشان وحده لا راحت ولا يات ايييه نعم بنت عمك حيه وفي دار الايتام عايشه ونحن ما نباها عشان تلزمنا ان نحن نعترف بها خلاص ماعاد به لزمه نعترف ببنت راشد اللي مات وخسسسر كل شي... ابتسم باستهزاء وهو يقول: ايه صح خسر كل شي ،، شلون انتقلت املاكهم باسم ابوي معناته في ان في الموضوع صحيح ولا انا غلطان .... انصدم الابو من استنتاج هادي وقال لمرته: بس خلاص اسكتتتي لا تفتحين المواضيع زياده عن لزوم ... : اسكتت احتراما لزوجها اللي بدا ينكشف قدام بكره هادي وهو ما كان حاط بباله انه بنت اخوه راح يدرون عنها عياله وبالذات هادي اللي ما راح يسكت عن الغلط ... : : : طالع ابوه واخوانه واخواته ورد نظره لبوه وهو يقول: انا اشوف ان قبل الليل تكون بنت عمى المصون متواجده هنيه بينا تعيش ولا شرايكم يا خوانى وخواتى . الكل كان ساكت ما غير وضحى اللي نطت وهي تقول : الله بيصييير عندي بنت عم وسكتتت بخوووف لما شافت نظراتهم الغاضبه ونظرات أمها الناريه رجعت خطوة ورى وانخشت ورى اختها وهي تصرط ريجها اما هادي اللي ابتسم قال: شرايك يا بويه تيبها البيت ... صرخت الام بلااااللاااااااااا بنت راشد ما تعتب بيتي بالنسبة لي ماضي وانمحت من حياتييييييي .... هادي اجبر نفسه يرضخه لامه وقال: يبيها بخليها مربيه لولدي ابرك عن الخدم... اسكتت ولمعت في راسها الفكره وهي تقول: لا بخليها خدامممه عندي .. طالعها هادي وهو يقول: قلت مربية لولدي مب شغاله للبيت يعني تجابل ولدي وايد ابرك من الخدم وخادمه عبدالله ضميها لج وخليها لج ... استانست ع قرار هادي وقالت: مادام ان حالها من حال الخدم تراه ماعندي مانع... لف عليها هادي وهو يقول: لا هي تفرق عن الخدم ما راح تلبس لبس الخدم وراح تكون مع عبدالله تنام معاه نفس الغرفة وتاكله وتشربه وماتدخل المطبخ الا اذا بتسوي شي لعبدالله وراح تلبس لبس نفس خواتي ما راح يقصر عليها شي تراها بنت عمنا وشاله اسم العايله ... استغرب الكل اهتمام هادى المفاجيء بقضية بنت عمه اللي طلعت فجاه ... : : : بعد صلاة المغرب يالس في مكتبه ويشوووف صوره انتي منو اللي يفرط فيج أي حسن وجمال فيج انفردتي في وصف عجيب اندق الباب ودخل الصوره في الملف وحط الملف في درج وقفله ورفع عيونه وهو يشوف راشد اللي داخل عليه وهو يقول: هادي شو هالكلام اللي قلته لبويه وامايه تراه مب زين... ضحك باستهزاء وهو يقول: مب زين عيل وعدل يلسته ويسترسل بالكلام الزين ان تكون لك بنت عم عايشه في دار الايتام وانته ماتعرف عنها شي ولا تعرف شو وضعها ولا أي شي عنها رغم انها بنت عمك يعني وحده منك وفيك ترضاها ... فكر فيها راشد وهو يلعب بشعر لحيته بعدها قال: صراااحه لا وكلامك منطقي لو دروبنا العرب ما بنسلم من القال والقيل ... هز راسه بضحك وهو يقول: الا امك كيف بتجابل الحريم بعد ما تي بنت عمك هنيه ويوشفونها ... وضحك... طالع اخوه وهو يقول: يا بن الناس شوفيك تراها امك لا تعاملها جيه ... انقهر وهو يقول في خاطره ما دريت ان امك تبا تبعد الزين عنا سكت عنه وقاله : راشد انا عندي شغل لازم اخلصه الحين قبل العشا.... فهم عليه راشد انه يباه يطلع ،، وطلع عنه... خذ تلفونه واتصل بسكرتير ابوه وهو يقول: شو صار عالموضوع... حسام: والله يا طويل العمر الوالد اتصل وقالي اييبها لكم اليوم .. ضحك بصوت عالي وهو يقول: هههههههه ايوووا حسام ترا ما راح يصير طيب اذا عرفت انك مخبي عليه شي .... ازفر حسام وهو يقول: والله يا بو عبدالله انته تدري اني ما قدر اصرح بكل شي من المعلومات مابا حد يشك فيني بس راح تكون على فترات بعيده مابا اخسر ثقة الوالد ... انهى المكالمه وهو يشل مفاتيحه من على المكتب ويقفل الباب وقال: تمام سلام عيل ...وسكر الخط ونزل من دري وشاف امه وابوه متوترين طالعهم باستغراب وهو يقول: شو فيكم... قام ابوه وهو يقول: الحين بنت عمك بتي لكن شو بنقول للناس اللي بيعرفون بوجودها في الحياه ... هز راسه بنفي وهو يقول : والله عاد هذا شي يخصكم انتوا تتفاهمون ويا الناس لانه هذي فعلتكم مب فعلتنا ... قرب هادي من أبوه وهو يقول : ابويه انا ادري ان انته خايف من الناس بس هذي عرضك وشرفك بنت اخوك تخليها في الملاجئ وانته ماتدري الغريب شو بيسوي فيها خلها تحت نظرك وبين عيونك وتحت اشرافك ابرك لك ... نقل نظره لامه وهو يقول: كنت طول عمري اشوفج الام المثالية اللي مافي منها واللي تخاف عليها لين ما انصدمت بصدق افا والله افااا تقللين من قدرج غصب وانا ما قدر اغفر للخطا ولا اقدر انسسسى وخلاهم وطلع من البيت .. : : ركب سيارته واتصلت به طليقته ايي يشل ولده وسكر عنها وهو يتافف وغير مسار طريقه لبيت خالته.. : : فوق في غرفة البنات وضحى كانت مستانسه هي واشواق اما العنود فقالت: لا تفرحن وااااايد ببنت عم ما تعرفن شي عنها أهلنا ما خبوا عنا ها شيء الا انه في شي اكبررررر منه نحن ما نعرفه ... طالعنها بطرف عينهن وطلعن متجهات لغرفه عبيد دخلن غرفته وشافنه يلعب بلاي ستيشن وقعدن عنده ... : : اما في جهه ثانيه ومكان اخر كانت قاعده بالغرفة دخلت عليها مشرفه الدار وهي تقول: اريام ... لفت عليها بهدوء وخوف وهي تطالعها وتقول: يووا يشلوني .. قربت منها ومسكت ايديها وهي تقول: مافي اهل بالدنيا يضرون قطعه منهم حبيبتي انتى بنتهم ويوم عرفوا عنج يوا يشلونج.. عدلت قعدتها وهي ترد خصلة شعرها ورى اذنها: بس انا مرتاحه هنيه يعني معقوله ماعرفوا عني الا الحين وانا من عشرين سنه هنيه ربيت وتعلمت ويا اخوانى واخواتى كيف اخليهم في لحظه وحده... باست جبينها وهي تقول: بس كل واحد مصيره يروح في حاله عشرين سنه عشتوها عمر مب شويه ... دخلن عليها البنات يحضننها ويبكن ... بكت من بكاهن وهي تشوفهن كيف ملتمات حول اريام وتمنت لها حياه سعيدة ويا أهلها... بعدت عنها مروه وهي تقول: بشتاق لج يا دبه ... مسحت دموعها وهي تضربهم على الخفيف وقالت: اكيدد بتلاقى وياكم بس دعولي يكونون زينين .... : : رن تلفون الدار وكانت اريام مطلوبه راحت ترد عالتلفون: الو ... كتم نبرة صوته وهو يقول: فديت هالصوتتتت اللي تولهت عليه... انصدمت وهي تقول: فيصل وين انته حبيبي ولهت عليك.... ابتسم بالم وهو يقول: جعلني فداج غناتي والله كنت بالدوره وكان عندي شغل وايد بس حبيت اسمع صوتج ... ابتسمت وهي تقول: تسلم شكرًا ... استغرب ردة فعلها وقال: حبيبي في شي ... جاوبته بهدوء مب قادره تقوله ما تبا تخسره الانسان الوحيد اللي حبها بصدق كملت بنفس وتيرة الهدوء: لا ابداً ضايقه شوي لكن من سمعت صوتك ارتحت.. ابتسم بحب وهو يقول: من اخلص الدوره على طول بييي وبشلج.. ابتسمت بضيقه والم وقالت في خاطرها ماتدري اني بروح عنك ومن عقب كيف بوصلك ... أنهت المكالمه بالله يحفظك حبيبي ،،، دير بالك على نفسك وتطلع بالسلامه يا الغالي ... انتهى البارت الاول ابا رايكم في المقدمه ... :0_c7f01_1194c319_S::081: |
ليش كذا بتخليها خادمة انقهرت
وكفو عليه هادي بداية رواية ثانية جدا جدا رائعة دجى وشي غير مستغرب قلبي يعطيك العافية ومتابعة ان شاء الله لك اعجابي وتقييمي و5 ستارز وختم وتنبيهات |
لي عوده قلبي
|
بداية موفقة جداً يا دجى الليل
المدخل للقصة والسرد حقاً الاختلاف والتطور الكتابي الذي نشهده يجعلنا نصفق وبشدة تبدو لي الأحداث شيقة للغاية ننتظر التالي ولك كل أماني التوفيق... |
فديتكم والله كلمم عالعين وراس ويسلم لي حماسكم
|
البارت الأولى حلووو استمري حبيبتي
ماشاء الله سردك حلووووو باأنتظآر التكمله |
حبيبتي ملهمة مشكووووره يا راعية الذوووق الرفيع
|
بدايه مشوقه
هذا ونحن بالبدايه فيه شد للروايه عيني عليك بارده دجى انتظر |
لا والله الا موعودين مع شي يسوى
من اولها اثاره برافو يابنتي |
تسلمون والله عود الليل ومجنون قصديد على التشجيع ربي يحفظكم
|
البارت الثاني ...
: : : كانت حزيييينه جددددا وطالع السوووواد اللي قدامها الدنيا أظلمت بعينها بعد اللي سمعته واللي عرفته من المديره مريم انها بتروح اليوم فليل وش هالحب اللي يأ فجاه وش هالاهتمام اللي حصلت عليه من قبل الناس اللي يدعون بانهم عيال عمي وينهم عني لما كنت ياهل وصغيره ما افطن اللي حولي ًوينهم عني لما كنت ماعرف صح من الغلط الحين افتكررروا فينييي !!!!!! ذيلا شو من القلب عليهم وشو يبووون مادرييي احس براسهم شرررر ويبوووون يطلعوننه فيني ما رتحت لنظرات الريال اللي يا اليوم العصر وانا اشوفه من شرفه يتكلم مع الحارس فيه شي قاعد يصير بيغير حياتي وبيغيرني انا لابعد درجججه قوووي نفسسسج يا هبله ضعفج ما ينفع يا بقررره لا تصغريييين من نفسسسج خذتتتت نفسسسس عممممميق بعد ما سمعت صوت الباب ينفتح ودخلت طيف امينة الدار وشافتها ضايعععه وحسسست بنظررراتها المتششتتته لفتها من كتوفها عليها: سمممعي بقولج شي محد يعرفه ابداً ... طالعتها بضياع وتيهان ورمشششت بعيونها بمعنى كملي اردفت وهي تقفل الباب وقالت: سمممعي حبوبه انتي بتسيرين عند ناس يعرفون عنج من زمان لانه من المستحيل عرفوا عنج الحين اقص ايدي ان ما كانوا هم ورا الضياع اللي انتي فيه والخوف والتشتت وسمعي ترا اكيد ورا ردتهم لج وبما انهم يبونج وراهم مصيبه يديده اسمعيني زين ضعفج هذا مابا اشوفههه فهمممتي هزت راسها بالإيجاب وهي طالعها بخوف وتوتر واسترسلت بكلامها ملامح الحزن لا تبينينها ولا تخلين نفسج طيبه ينداس عليج في كل شي وانتي مثل الهبله والغبيه تسوين اللي هم يبونه وينفذونه ترا ان شافوج ضعيفه ركبوا ولا سممموا فهمتيني حاولي تتصنعين الثقه والقوه راددديهم لو على حسابببج ما يهم المهم يعرفون انتيي منو وسمعي اباج تكتشفين السررر الغامض لازم اول فتره تكونين مطمنه وتطمنين نفسج وبعدها لازم تفتشين او دورين على شي يثبت لج انهم السبب في كل شي يصير لج لا تمين ضعيفه وان كان عندج عيال عم ياويلج تحبينهم وتعيشين قصص غرام وانتي ماتدرين هذيل شو وراهم فهمتي ولالا ... هزت راسها نفس الهبله وهي تقول : بس كيف اقوي نفسي انا متوتره ومب مستعده اقابلهم احسسس بضيع وبيضيعوووني معاهم... ازفرت وهي تقول شوفي وطلعت موبايل نوكيا وهي تقول اسمعي هذا موبايل كل خطوه بخطوه وعلميني شو بتسوين وخلينا نخطط بهدوء ابيج قويه سمعتتتي ولالا... هزت راسها باطمئنان وهي تحاول تستمد قوتها من طيف اللي تحبههها وايدد وتخاف عليها....وبدوا يجهزون أغراضها عشان تستعد للرحيل وبعد ما لمت اغراضها وجهزت شناطها بتروح لفت للمشرفه امنه وسلمت عليها وحضنتها وهي تقول: امانة الله عليج اذا اتصل فيصل لا تشغلين قلبه عليّه قولي له اني بخير وتحججي له باني نايمه او اتسبح اواتغدا وعقب ما يطلع بالسلامه تقدرين تخبرينه عني ان سال عن مكاني ... جاوبتها وسط شهقاتها : ان شاء الله يا عمري لا تحاتين مالج الا اللي يرضيج ... : : جرت خطواتها جر وهي تسلم على البنات وتحضنهم وتبكي مروه قالت لها: تكفين لا تقطعينا ... أبعدت عنها وهي تقول: ع الأقل انتوا لا تقطعوني بعد زوروني وتواصلوا معاييه تكفووون .... جرتها زينه وهي تحضنها وتقول تكفين لا تقولين لحد يبعدج عنا اذا ماحسيتي براحه رجعي لنا... أبعدت عنها وهي تلف للمشرفه وهي تقول: ما يصير اني اتراجع قولي لهم مالهم بنت اخو هنيه .. قربت منها المديرة مريم وهي تقول: كلنا وياج لا تخافين ولا تحاتين وعطتها كرتها وهي تقول : اذا حسيتي باي ذعر او خوف منهم او شي ما راح يطمنج اتصلي بي على هذا الرقم ... خذت الكرت منها وحطته بشنطتها وبدت تحضنهم وتودعهم جميعاً وبعدها نقلت نظرها لطيف اللي حضنتها بقو وهي تقول: مثل ما وصيتج بالضبط خليج على تواصل ويايه ... همست بان شاء الله وعدلت حجابها وهي تجر نفسها جر انها تروح للسياره اول ما وصلت لسيارة وركبتها وحطت شنطتها بالسياره قالها حسين السايق: مرحبا اختي انا سايق الخاص لطويل العمر بس حبيت انقل لج وجهة نظره يقول لج طويل العمر اول ما توصلين وتنزلين للبيت ما تسلمين عليهم ،، يبون سلامج من بعيد ما تقربين منهم لين ماهم يعطونج باقي القوانين ... انصدمت من الكلام اللي وصلها نعم !!!!!! هذا من أولها جي ؟؟؟؟!! عيل ينعاف تالييييه !!! شو هالتسلط والتجبرت فزت على صوتها وهو يقول بحده: مفهوووووووم الكلام؟!!!! هزت راسها بصمت بعد ما شافته ان يشوفها من المنظره واتجهتت انظارها لشارع وهي تفكر وفي خاطرها تقول الله يرحكمكم يا هلي كنتوا لي عون وسند عند شدايد وراحت قوتي من بعدكم أصبحت بس خايفه ومتوتره وافكر بالي بيصير واحسب حساب الناس وش يبون الناس ذيلا لا اعرف خيرهم ولا اعرف شرهم تاففففت من طول درب وهي ودها ان درب يطول وما يكون له نهايه ماهي عارفه وش ينتظرها وش مصيرها المجهول عند عيال عمها وليش هالقيود عدم السلام وعدم اخذ الحريه شنو يعني هم مطلعيني من مكاني الى سجن معين وقيود لازم التزم بها الى اين سأصل معهم والى اين يذهبون بي ماحست الا بصوته يوم قال: يلا نزلي وصلنا .. نزلت من سياره وهي تطالع شكل البيت والمكان وشافت الورد وترتيب الحديقه اللي يفتح نفس خذت شهيق وحست براحه ياخي الورد يعطيك شعور براحه يجدد نفسيتك يحلي الدنيا بعيونك رغم مرارتها ولفت عالجهه ثانيه وشافت العاب أطفال وحديقه لليهال فيها سيايير اللي تدور واللي تمشي عالحديد واااو حبت الفكره واستانست وهي تقول شكلهم فله اكيد عندهم عيال صغار ويلعبون بها الألعاب صحت على صوت السايق وهو يقولها: تفضلي داخل وخذي اغراضج معاج.. لفت عليه بهدوء وارتباك خايفه من اللي بيصير داخل هالبيت قربت ووكل ما تقرب خطوه يدق قلبها دق زووود ودها تحسب عدد دقات قلبها في ثانيه كم يدق بسبب الخوف وتحس انها بتطيح من طولها لفت ورى كانها تبي تستنجد بسايق بس للأسف مالقته وراها حطت ايدها ع مقبض الباب تبي تفتح بس خايفه رجفة ايدها ما تساعدها تبي ترجع لمستقرها ومأمنها وامانها غمضت عيونها بقو لما انفتح الباب وطارت بين السما والأرض لان اللي طالع كان مستعيل وتالمت وهي تقول: مب جي يظهرون الله يهديگ كسرت لي ظهريه... ضحگ عليها بعد ما تفاجأ بوجودها وقال:شعرفني انج واقفه عالباب وبعدين من انتى ونقل نظره بينها وبين اغراضها .. قامت وهي تتالم من ظهرها ومقعدها اللي عورها زود ابتسمت بخفيف وهي تقول: ممكن اقابل طويل العمر .. ابتسم ودخل مسرع وهو يتجه للصاله وقال لامه: اميييي وحده صااااروخ واقفه برررى تبا ابوووويه لحقي على شيبتج قبل لا يخطفونه منج ضحك الكل على تعليق عبيد اللي ما يودر حركاته وقال وهو يطالعهم: والله انها جميللله وراح صوب الباب وهو يقول حياج الله يالشيخه قربي حي الله الزين .. ضحكت ماتدري ليش ع أسلوبه ولا على غزله اختفت ضحكتها من دخلت وشافت الكل متجمع وحست ان الصالة زحمممة ودب الخوووف فيها وهي تشل اغراضها وياها وقالت وهي خايفه من انظارهم: السلام عليكم .. وقف عمها بصدمه من اللي يشوفه قدامه وقال: وعليج السلام تحنحن يوم شاف عياله وبناته مبهتين فيها صرط ريجه وهو يطالع مرته بخوف ورد طالع عياله وبدا يسمع تعليقاتهم المختلفه اللي يقول والله انها رحيمممه واللي يقول والله انها جميله واللي يقول هذي من وين حلة علينا واللي يقول هذي الله يابها لي نصيب غمض عيونه بقووو وهو يسمع تعليقاتهم على بنت اخوه وقال: بسسسسسس اسكتووووا لا اسمع لكم صوت هذي مربية عبدالله اليديدة .. الكل تفاجأ من هالكلام الا وضضحى واشواق والعنود اللي يعرفون بسالفة بنت عمهم وراشد وهادي اما عبيد وعبدالله وسالم ومايد شالنهم البحر عقولة هادي ما يعرفون شي ولا يعرفون وين ربي حاطنهم ... انصدموا شباب وقالوا رباعه: خدامممممه بها الجمال .. هي بروحها انصدمت من الكلام وتوها بتنطق الا بدخلت هادي اللي يا بعد ما اتصل به حسام وخبره وقال: السلام عليكم ردت السلام ورد الجميع سلام رفع عينه يناظرها احلى بوايد في طبيعه جمالج رباني حبه الخال اللي على خشمج اللي جنه سلة سيف وعيونج لوزيه الكثيفه ويهج الدايري تنهد وهو يغمض عيونه وقال بهمس محد سمعه الا هي: في ذمتي محد يسواج ابداً وسرع خطواته تجاه اهله وهو يقول: نورتي البيت والمكان تبارك بيتنا يوم دخلتيه يا بنت العم .. انصدم الكل من جراءته وش يقول هادي وش يخربط طالعه ابوه بنظره حاده وقال: هذي مربية ولدگ عبدالله ماهي بنت عمك ... قام واقف وفهم نظرات ابوه وهو يقول: ايييه صح صادق نسسيت انها مربية ولدي طالع اخوانه وقال: سمعوا هذي وحده يتيمه تبنيناها عشان تكون مربيه لعبدالله لذلك لا تيلسون وايد حنه عليها ماهي جايه لصحبه ولا علاقات وارمق خوااانه بنظره انتوا فاهميييين هزوووا روسهههم بايه وسكتوا الا عبيد اللي نطق: وااايه عني سد عوقج وشرج يارب فديت هالويه انا ... استحت وفي نفس الوقت فيها ضحكه على كلامه اسمعت امهم اللي صرخت وهي تقول: كفوووو من الحيييينه خذتتت عقول عيالي قايله لكم ما نباها .. هادي اشر بصبعه لفوقق راحوا الجميع ماعدا هادي وامه وابوه قرب هادي منها وهو يحس انه انسان ثاني مسكها من ايدها وقربها لين الكراسي ولف لا شعوريا على ايدها اللي انسحبت من ايده وهو يتامل كل شي فيها شبيتي نار حبج فيني من قبل لا اعرفج من يوم كانت توصلني اخبارج.. ضربت ام هادي بو هادي ع كتفه وهي تقول: شوف ولدك البجر شو يسوي يا حظي ،، عيالي ما بيتغربلون الا من ورى هالمصيبه اللي ياابها هادي .. نهره ابوه وهو يقول: هاددددددي وبحده انتبه لافعالك ... : : : وين انتبه لفعالي وانا من طحت بغرامها صار لي سنين كله منكم خليتونى انبش وراكم لين عرفت الحقيقة وما خفي اعظم ...تدارك نفسه وقال برسميه وهو يحاول يضبط اعصابه: سمعي يا الزين انتي ببيت عمج بس انا يبتج لغرض معين مثل ما يقولون لغرض في نفس يعقوب ابيج تديرين بالج على عبدالله ولديه انا مطلق امه من سنين ولي منها ولد واحد اسمه عبدالله وبدال الخدم ابيج انتي اللي تراعينه وتدارينه وتنامين بغرفته وتكونين مربيته الخاصه له هو بروحه بس وفي قلبه يقول ولابوه بعد .. ابتسم لما سمع صوتها تقول: ان شاء الله ما يهمك يا طويل العمر اعتبر عبدالله في ايدي امينه بامر الله .. انعجب لكلامها زووود ما مانعت الشغله ،، تكلمت امه وهي تقول بنفس خايسسسسه بعد الكلمات والاعجاب اللي شافته من عيالها هي متأكده انهم بيتشتتون بسبتتها : سمعي انتييي تراج هنا خدامه مو بنت عمهم فكرة انج بنت عمهم نسيييها اذا تبين تعيشين في ذا البيت لازم تكونين تابعه للقوانينه القانون يقول البند الأول: انج ما تتداخلين مع بناتي واولادي وانسي ان بينكم صلة دم .. البند الثاني انتي هنا وظيفتج مربيه أي تدخلين في اللي يعنيج بس واللي ما يعنيج اتركيه ... انتهى ٢ |
ماشاءالله
من بدايتها تجذب روووووعه دجى انتي مبددددعه تقيييييمي |
فدددديتج ملووووكة يشررررفنى حضورج ورايج
|
اوول حااجه غششش مالحقت على الجزء الاوول
بس قرريته والله خطيرره عموووو دجى والثاااني حمسني فيه كلااام قووووي وانتهى بتسكيته فنااااااانه عمووو |
بيض الله وجهك
ايوه بنتي كذا الكتابه والا فلا دخلتينا جو بسرعه معك |
جذبني اسلوبك ب كاتبه الروايه
استمتع ب جمال طرحك مبدعه قلبي |
شكرررا على مروركم لكريم اتنمنى انه يلاقي استحسان ورضاكم ونبتعد عن ديالوج وان يعحبكم لمحتوى دمتم بخير وحفظكم المولى
وشاكرره حماسكم نجم الجدي ومجنون قصايد وارتواء نبض وان شاء الله تا بعون معايه للنهايه بامر الله |
شريره ام هادي
حمممماس البارت قلبي ومتحمسه كثير للي جاي اعجابي وتقييمي |
حبيبتي طيوفه حبيت حماسج ان شاء الله البارت ثالث يعجبكم كلكم قيد الترتيب
|
البارت الثالث..
البند الثالث : نومج بغرف الخدم اللي برى سمعتي ما القاج نايمه عند عبدالله الا لضرورة اذا كان ابوه مو موجود او مريض او يحتاج رعايه ليليه ... البند الرابع: عيالي وبناتي مابييييييج تسوين لهم اكل ابدا ولو يطلبون ماي منج ما تبينه عندهم خدمهم هم ينفعونهم انتي طلعي منها ... البند الخامس: تدخلين من الباب اللي ورى للمطبخ وما تتواجدين في الأوقات اللي يتواجدون فيها عيالي... البند الساد.... قاطعها هادي بقهر وهو يقول : البند الخامس يلغى يا الزين لا تفكرين فيه لانج بتكونين متواجده وين ما يتواجد عبدالله ولدي فما عليج من البنود لانها راح تحذف اللي ما يعجبني ... طالع امه وقال استرسلي ببنودج وقوانينج .. سكتت بقهر بعد كلام هادي وارمقت ريلها بنظره وهو يطالع مرته ورد يطالع ولده وبنت اخوه ويشوف تغير هادي الجذري وقال بعصبيه لاريام: اعتبري نفسج عند ناس غرب لا انا عمج ولا ذيلا اهلج .. رفعت راسها ببرود وهي تقول: ان شاء الله بس لو مريح نفسك ومخلني في الدار وايد احسن من الثقل اللي حطيتوا نفسكم فيه والهم وعدم راحة باين في ويهكم..، تشقققت الام من الفرحه وقالت: عادي ترجعين لهم... قالت بعزة نفس وثقه وثبات بنظرة عيونها ماتدري كيف يتها: هيه نعم عادي ارد وراسي مرفوع مب بنت راشد اللي تحصل أوامر وتشتغل خدامه في بيوت الناس ولا منو هالناس بعد يقال انه عمي اخو ابويه ولا اقعد عندكم دقيقه اسمع تذمركم واوامركم تيني ... قال عمها بحده: سمعععي هييييييييييييي انتي عن طولة اللسان واحتررررميي نفسسسج قليلة الادب وبعدين مالج رجعه بتمين هنيه وتسوين اللي نحن نبيه... هزت راسها ببرود وهي تقول : طيب وين غرف الخدم اللي برى بروح اريح شكل عيبتكم الوقفه موقفيني بروح الغرفه احسن لي من الوقفه تحسبتكم راح تضّيفوني بس ما تعرفون اداب ضيافه.. ضحك هادي على ردها على أمه وابوه واشر لها هادي انه بيوصلها وقالت بنبرة غريبه فيها استهزاء : استريح يا طويل العمر الاسياد ما ينزلون من مستواهم للخدم ..ضحكت طالعتها عمتها وهي تقول : شقصدددج يعني بالكلام نبرة صوتج تبين فيها استهزاء مادري كيف تجرأت وقالت هالكلام بأول يوم لي لمت اغراضها وشنطتها وطلعت من الباب رئيسي وانا اطنش مرت عمي وكلامها ونزلت من دري وهي تذكر كلام عبيد وتضحك من قلب حست انه فرفوش وتقول في خاطرها يمكن يهون عليه شوي من اوجاعي بتنكيته وشافت الكراجات والملاحق اللي على زاويةً البيت استنتجت انهن اكيد الغرف وتمت ماشيه صوبهن وهي ودها المسافه تقصر بسببت هالشنط اللي تسحبهم والاكياس وصلت عند الغرف وشافت اللي عاليمين غرفة غسيل واللي جنبها كوي واللي جنبها مستودع وبعدها حمامات ثلاث وبعدها دخلت الغرفه الأولى وشافت فيها سريرين ومعلقات ثياب ،، ودخلت الغرفه الثانيه ولقتها نفس شي قالت اجل اكيد الغرفه الثالثه دخلت الغرفه ثالثه وانصدمت حمام مع الغرفه فاضيه مافيها لا شبريه ولاشي ازفرت اكيد يعني الحين من محبتهم زايده يجهزولي غرفه ولا دروبي أصلا صحت على اليد اللي انحطت فوق يدها ولفت عليه بعدم فهم واستيعاب وهي بروحها فيها نوم قالت: شنو فيه !!! قرب زود منها وهو يحاول يحفظ ملامحها زين عن ظهر قلب لف يمين ويسار طالع صوب الغرف ما شاف حد طالعته بخوف وهي تقول في نفسها مينون هذا باين انه يبي يسوي شي حطت ايديها على صدره تبي تدزه عنها ولكن ..... قطع افكارها حضنه الغريب والمفاجيء وهو يقولها: سامحيني والله غصباً عني حضنتج وابعد بسرعه وهو يكمل كلامه بالغرفة هذي مالها حد ترا بتكون لج بس بييب لها سرير وكبت ... قالت بخبصه بعد ما استغربت من حضنه : طويل العمر ماله داعي هالحركات انته قلت لاخوانك اني انا ما ييت للحب والعلاقات وصداقات فاتمنى تكون قد كلامك وفكنا من المشاكل وماله داعي تيب لي سرير انا اقدر ادبر عمري... طالعها بعصبيه واحتدت ملامحه منها ومن كلامها هاي شبلاها من اول يوم مندفعه ويايه وقال: انا اسوي اللي اباه وعكيفي محد يسيرني رجاءً لا تعلقين على تصرفاتي واسلوبي معاج استثنيني منهم كلهم فهمتي وراح عنها بعصبيه وقهر .... تذكرت فيصل وحست بالحنين له هو الوحيد الصادق وياها ولا الباقيين كلهم مجاملين وكذابيين ،،، اه يا فيصل متى بنتلاقى وهل فعلاً بنتلاقى بعد ما تعرف اني ما عدت في دار يا روح روحي ولهت عليك يا ترى شو تسوي الحين بالدوره اكيد مكروف حيل وتعبان يا عمري الله يقويك انتبهت ع صوت سايق حسين وهو مطلع سرير من المستودعات وجايبه لغرفتها بيركبونه قالت: الله يخليك يا اخ حسين الدنيا ليل وانا أبا انام وتركيب سرير مع التسريحه والكبت يأخذ وقت خلوه باجر ،،هز راسه بنفي وهو يقول هذي أوامر طويل العمر هزت رأسها بالإيجاب وبعدها قالت له الا بالمناسبه طويل العمر شو اسمه ... ضحك على كلمتها وده يلمها مره ثانيه ياخي يضعف قدامها ويحبها مايدري ليش يحس انه رجل آلي يسوي شي من دون ما يحسب حسابه او عواقبه تضايق مره من ها شيء وسمع حسين يقولها: اسمه هادي.. هزت راسها باسكات وراحت عنهم صوب الحديقه وهي تشوف انوار الفله اللي بدت تظلم عرفت ان اهل البيت بدوا يجهزون للنوم لفت يمين ويسار ما شافت حد حررت شعرها من تحت العبايه وقعدت على الكراسي وهي تستناهم يخلصون وكل شوي تنعس حاولت تطالع القمر وتبتسم شعور حلو وجميل انك تشوف هالمناظر الخلابه تنهدت بالم كيف كنت قويه وانا أتكلم مع عمي اليوم أي شجاعه يتني أي قوه ولا بعد أي رضا ياني باني أكون مربيه لطفل انا ماعرف عنه شي .... : كان يتاملها من فوق الغرفة ويشوفها كيف تنعس وكل شوي رقبتها تنحني لين اخر شي صفقت في طاولة وقامت بخوف ضحك عليها بقوو وهو يقول مسكييينه هالبنيه يا بوها عشان عبودوهً ونحن نجهل حقيقتها دخل عليه عبدالله وهو يقول: عبيد ظنك شو سالفة البنيه جاوبه وهو يتثاوب ويسكر البلكونه وبابها وستارتها: والله ياخوي اظني وراها سر كبير ومحد يعرفه الا هادي ... عبدالله: الا اكيد وراها سررر بس شو هو السررر ،،، وليش هادي قال بنت العم .. عبيد بدون اهتمام: يقلد الشامييين يوم يقولون ابن عمي وبنت عمي فهو يبا يكون ظريف وياها.. ضحك عبدالله: صدقت والله بس مالقى اييب مربيه لولده الا من دار الايتام ليش ماييب من مكاتب الخدم ... هز راسه بلا وهو ينسدح عالشبرية ويمط اللحاف وقال: يمكن عشان مشاكل الخدم هالفتره وجرايمهم ويا العيال زايده فاكيد فضل انها تكون عربيه او خليجيه او حتى اماراتيه .... عبدالله فهم حركة عبيد بانه روح عني أبا انام قام طلع وسكر الباب وراه طلع وهو يسمع هادي يتكلم بالتلفون ويقول: والله انا اللي الله يعيني حالتي ما هي حاله من يوم شفتها ما.... وانتبه لعبدالله وهو يقول بنفس طويل والله ما يندرا بترسى ع منو صرف اللي يتكلم واتجه صوبه وقال لعبدالله : شو هالنظرات اللي تطالعني فيها ارتبك عبدالله هو وايد يحترم هادي وقال: سلامتك بس بغيت اعرف سالفة البنت... ازفر بعد ما سحب نفس عميق: لا تتعاطون ويا البنت وايد ،، تراها يايه لشعل مب لحب وغراميات يا عبدالله افهم يا خوي ... عبدالله بضيق: بس قلبي يقول انه وراها سالفه ليش جي تعاملونها وشو شي اللي تعرفونه ونحن ما نعرفه ... تنهد بضيق: مع الأيام بتعرف يا عبدالله اما الحين تصبح على خيررر ... تضايق من تطنيشهم يتحسبونهم يهال ترانا كبرنا ونفهم ونعرف كل شي ... : بعد الثانية عشر تسلّط الضوء على عاطفتك ، تضع خيباتك تحت المجهر ، وتتمعّن.... بعد ما طلعوا من غرفتها دخلت وهي ترمي شناطها واكياسها على طرف ودخلت الحمام وخذت شور عالسريع ودورت الشبريه وعلى طول عقت عمرها ونامت .... : : أحبّ ما على قلبي .. ضحكاتّك.�� : في اليوم التالي ،، الساعه العاشره صباحاً قامت بكل نشاط ومستانسه انها نامت هالنومه الطويله وبراحه دخلت الحمام تسبحت وفرشت اسنانها وطلعت وشافت اغراضها كيف مبهدله طالعتهم وهي تقول برايهم عقب وبحطهم في الكبت الحين مالي خلق طلعت من شنطتها كندوره ناعمه وفيها فصوص خفيفه وجحلت عيونها وحطت قلوس وتعطرت وطلعت راحت المطبخ التحضيري اللي داخل البيت تسوي لها كوفي وهي تسولف ويا البشكارة وتضحك وقالت لها : سونيتا كوني ماي فريند اوك .. ضحكت سونيتا وهي تقول: ارباب زياااده هبي انتااا اليوم سوي قرقر صباح مع ماما مشان انتتتي... ضحكت عليها وهي تقول: يا الفتانه مافي زين انتي جيب كلام ودي كلام مال ناس مشان نفر تاني هررااام وضحكتتتت ضحككك وهي تشرب الكوفي بس من شافت نظرات عيونه وهي تلمع وقفت بحيا وعدلت وقفتها دخل وهو ما يدري ليش ينجذب لها لا ارادياً قال لسونيتا: وين ضميانه ما تشل ريوق .. سونيتا: الهين بابا انا بيروح جيب ريوق من برى... راحت وقرب منها وبصوت كله شوق: كيف كانت النومه البارح .. ابتسمت بحيا وقالت: ممتازه فوق ما تخيل وحركت حوايبها وهي تقول وين عبود ما شفته الشخص اللي انا ميووووبه عشانه .. قرب منها وقال: بيييبه الحين عند امه كان نايم ... هزت راسها باوك وقال تعالي براويج غرفته واباج تلازمين غرفته وتنامين عنده ما عليج من أي حد فالبيت... هزت راسها بجمود وهي تمشي وراه وتتخطى الجميع لين وصلت غرفة عبدالله واندهشت من الغرفه وجمالها مصبوغه باليّت بلو وعليها صور سيايير وشبريه على شكل سياره وطاوله وكرسي للدراسه عمري شكله حضانه حبت الغرفة وايددد قرب منها ولفها صوبه وهو يقول: شو اسمج يا الزين .. طالعته وتنفسها يتسارع من قربه ونظراته أبعدت ايديه وهي تقول: مب لازم تعرف اسمي بس كيف عرفتوا عني وليش يبتوني عساس خادمه ليش ما عاملتوني نفس خواتكم ليش هالتناقض .. انتوا مرضى نفسييين تحبون نفسكم ... انقهر من اسلوبها وهز كتوفها وهو يصارخ عليها: انتتتي ميننننونه تقولين عنا هالكلام مالمريض الا انتي لسانج طويل ما تستحين قليله ادب ... طالعته بجمود وهي تقول: فعلاً ما كذبت انا،، شوفوا انتوا شو قاعدين تسوون فيني شو تبوني لا تفكرون اني بضعف خوفاً منكم انتوا ما يبتوني الا وراكم مصيبه وخايفين من شي ...!!!! انقهر من سلوبها وعطاها كف بكل قوته علم على خدها ،، حطت ايدها على خدها بالم وهي تحسس حرارته وكملت كلامها؛ ان كان لك عند الكلب حايه قوله يا سيدي وهذا انتوا وطلعت من عنده بسرعه وقفها صوت حرمة عمها وهي تقول : هيييييي انتتتتتي شو تسووووين فوق ...!!!!!؟ طالعتها بغيض وهي تقول: انظف غرفه عبدالله ...وراحت عنهم ... دخلت الغرفه وشافت خدها وهي تقول جعل ايدك للكسسسر يارررب جعلك تحس بالي حسستوني إياه حسبي الله ونعم الوكيل فيكم ... : وقف مكانه مقهوووووررر كيف يمد يده عليها من اول يوم شفيني انا كان المفروض امسك نفسي هي ما قالت شي غلط اللي قالته صح بس هي مش عارفه انا ليش يبتها ولا بعارفه انا شو اخطط له وهي تقعد تفر عليّه كلام مثل اليبل محد يقدر يتحمل الكلام العوف وتحكم عليه من تصرفاتي انزين شو ذنبي قلبييي اللي يبا قررربها ويحبههههااا وتعلقققق فيهااااااا وهي الله يهديها تعق عليّه كلام ما تحس به .قلبي اللي عشقها وسمااااها الزين عشقها من صور ومن الحب اللي انولد بداخله قبل كل شي ؟؟؟!! يا ترى بتسامحني على فعلتيه !!!! .... تنهد بضيق وطلع اييب عبود ... تحت ام هادي تكلم اختها ام سلطان قالت: وييييع يا بوج ما تشاهد بنت رويشششد يابوها لي كله من هادددي دور وراها لين ما حصلها ويابها ولا نحن من زمان عاقينها وما نسال عنها !!!! شو سواه الحين ياختي بعد ماخليتها خادمه بطيّر عقول عيالي ان يلست زووود .ردت عليها: والله ياختيه مادري بكم كيف لكن ما دامها مب حلوه ما بيتعلقونها عيالج ... تمت وهي ترمس اختها وتحرطم وعقب دخلوا في مواضيع انهم بيروحون شاليه او المزرعه او العزبه ... نزلن اشواق ووضحى ودخلن المطبخ وراحن لها من ورى من دون ما تحس امهن ودخلن عليها الغرفه لقنها ترتب اغراضها سلمن وهن يقولن: يا مرحبا ببنت عمنا واخيراً صار عندنا بنت عم نحن وايد فرحانات بوجودج انا اشواق وهاي اختى وضحى ... ابتسمت وهي ترتب الملابس الاخيره في الكبت وقالت، مرحبا بكن فديتكن نورتن جحري المتواضع انتن ما تعرفن ان في قوانين لا زم ما اتجاوزها في بيتكم ومن ضمن القانون اني ما ايلس معاكم وانسى انكم بنات عمي وان ما يكون بيني وبينكن أي احتكاك او كلام ليش ما تسمعن لكلام امكن عشان ما تعصب عليكن وتهزبكن .. استحن من امهن انها سوت كل هذا مع البنات وقالت لهن: السموحه حبيباتي لكن هذي أوامر امكم وانا أبا ابعد عن المشاكل تفهمن الوضع وطلعن من عندها وهن ضايقات ... انتهى البارت الثالث |
وقفه تعريفيه
ام هادي (قويه ومتسلطه) وبو هادي(شخصيته ضعيفه وايد يسمع شور حرمته) في أواخر الخمسين .. هادي(بو عبدالله ) عمره 37 سنه (طيب وهادي ولكنه ما يحب الغلط ويحب ينرفز اللي يضايقه) عبدالله : 35 سنه يداوم عند ابوه في شركة مغازلجي بس يحب يعزل عمره ... مايد: 33 سنه عنده اعمال حره ... سالم : 30 سنه يشتغل عند ابوه محاسبه . العنود:28 قاعده فالبيت ..نسخت أمها اشواق: 26 مخطوبه لولد عمها طيبه وحبيبه . وضحى: 24تحب سوالف وضحك راشد: 22 وايد هادي وقريب من اخوه هادي بشكل كبير ويحفظ اسرار اخوه وايد يحب يتعلم منه ع الرغم من فارق السن اللي بينهم ... عبيد: 20 سنه مغازلجي ويضحك على الناس ويمقلبهم ... : اما اريام عمرها 20 سنه يتيمه الوالدين توفوا بحادث هم واخوانها وربت بدار الايتام وراح نشوف قصتها في روايه كيف تم الحادث وشو اللي صار .. وباقي الاشخاص بيتعرفون في روايه |
جميل منك دجى كل ماتقومين به
بدينا ندخل في صلب الروايه ونتعمق اكثراسلوبك جميل وواضح واشكرك على تعريف الشخصيات |
انتهى البارت على تبويزه وزعل وضيق
ونشوف وش بيصير بعد بيض الله وجهك يابنتي |
الله يعطيك العافية
|
الله يعافيكم جميعاً اسعدني مروركم الطيب وتفاعلكم المستمر ربي يعافيكم استودعتكم الله
|
روووعه دجى
حبيت اريام وقوتهافي الرد ام هادي متسلطه أحداث تشدنا للتكمله |
الله الله كالعادة مبدعه يا دجى الليل
مننحرم من جديدك تحياتي و دمتي ب ألف خير |
يعطيك العافيه يا الغلا
بداية الاحداث مشوقه بالانتظار البارت القادم بشوووق |
تمتلك خيال خصب وامكانية متفردة
وثري بما تحمله الكلمة ربي يهنيك ويسعدك |
تسلموووون جميعاً والله على التشجيع والدايم والحماس اللي القاه منكم ربي يعطيكم العافيه والخير الكثير انتظروني في البارت لرابع قيد الكتابه
|
البارت الرابع
: فــز قلـبي يوم سمع صوتگ.. : بعد ما رتبت اغراضها ومشطت شعرها ظهرت خاري وشافت الشباب ملتمين يسولفون مرت من عدالهم بتسير صاله وقالت: السلام عليكم ردوا السلام وقالها عبيد بابتسامه: حي الله الزين شحالج.. ردت برسميه وهي تتخطاهم : طيبه طاب حالك... ودخلت داخل وشافتهم متيمعين القت السلام وتوجهت للمطبخ سمعت صوت هادي لفت عليه ببرود وهي تقول: ثواني واييك ..وكملت دربها للمطبخ شربت ماي وهي مقهوره منه وده ترد له الكف الحقيير النذل اللي ايده تطول على الحريم بسس خذت نفس طويل واتجهت صوبهم وهي تقول: نعم !! زقرتني ؟؟؟ ماقدر يحط عينه في عينها نزل عبدًالله من حضنه وقال: هذا عبدالله. أتمنى تهتمين فيه ... هزت راسها وهي ساكته ولفت على عبدالله وهي تقول: تعال حبيبي عبود ... هز راسه برفض وتعلق في ابوه اكثر قربت منه وهي ماودها تقرب من هالهادي الخقاق على قولتها شايف نفسه وايد قربت منه وهي تقول: عبود حبيبي تعال بنروح الألعاب وين تبا تروح فوق ولا تحت ولا برى طالعها وقال هادي اللي ارتبك من قربها زود ودقات قلبه تتسارع : شليه الغرفه واكليه ... شلته وهي تسمع مرت عمها تقول: اقعدي في حضنه بعد احسن شو هالتلزيق في ولدي.. انتبهت على قربها من هادي اخرت على ورى وهي تقول: لا تحاتين ولدج مب محط انظار الكل ما دخل خاطريه اطمني. وشلت عبدالله وراحت... ردت عليها وهي تقول: قليلة ادب ولسانج طويل .... ردت عليها ؛ لانكم تفسرون على كيفكم .. رد هادي بحده على امه: وبعدين يا امي وياج شو بلاج تفسيرين كل شي على هواج تراها يايه تشل عبدالله مب بايه تشلني لا تفسرين كل شي على هواج والله وقام وراح فوق وهو ناوي يرضي بنت العم ... : : دخلت وهي تقعد مع عبدالله عالشبريه وقالت له بعد ما سكرت الباب: يلا حبيبي نتسبح... هز راسه بهيه ربطت الشيله على خصرها عشان تمسك الكندوره وبطلت ثيابه وبامبرزه ودخلت الحمام تحممه ما حست بالي بطل الباب وسكره ودخل يشوووفها تصنم مكانه وهو يشووفها تسبح عبدالله وشيله ع خصرها مب على راسها انصدم اكثر من شعرها اللي رافعتنه وحاطه مقبض عليه تنهد بضجر وهو يقول في خاطره ياربي وش سواة شكلها تشل في خاطرها وما تسامح بسرعه ،، انتبه على ضحك عبدالله ولده وهو يلعب بالماي ويرش عليها ضحكت مع عبدالله وهم يرشوون بعضضض بالماي اخر شي شلته فوطته وطلعته برى وقعدت تدور على البودره والزيت مالقت شي افتحت شيلتها وحطتها على راسها أي كلام انتبهت على عبدالله وهو يقول: بابا... طالعت عبدالله وشافته وين يطالع لفت عالباب وشافته وصدت وهي تدور مالقت غير فازلين حطت فازلين شوي للحفاظه وبدت تلبسه قالت في نفسها اكيد انه بيراقبها كيف تعامل عبدالله ابتسمت وهي تقول لعبود : يلا عبود نلبس ملابس .. انسدح عبود وبدت تلبسه ومن دون ما طالع هادي قالت: ممكن تيب له بودره واغراض للأطفال وعطور وكملت وهي تلبس عبدالله حست انه قرب منهم ما قدرت تطالعه وقال بتنهيده: اسسسسف ع طراق ادري اني غلطان بس انتي استفزيتيني وانا مب طبعي امد يدي على حد .. طنشت كلامه وهي تقول لعبدالله: يلا حبيبي قوم بمشط شعرگً... تدارك الامر وهو يشوفها تمسك الاستشوار بتنشف شعر عبدالله قرب منها ولفها وهو يقول: تكفين يا الزين والله ما يبتج عشان اذلج انا يبتج عشان موضوع اهم من هذا كله عطيني فرصه ترا انا وماقدر يكمل كلامه حس انه مب وقته وان بيتسرع وطلع عنهم وخلاهم .. اما هي طالعته بصدمه ووفي خاطرها تقول هذا شو فيه خوفها زاااد حست انه يبا يقول شي وكتمه انتبهت على عبود اللي ير كندورتها وقال لها: يلا ناكل ... شلته ونزلت تحت راحت المطبخ وغرفت له اكل وراحت الحديقه عند الألعاب تاكله ويلعب بالالعاب وبالها مشغول يا ترى يا هادي شو كنت تبا تقول وسكت... : في جهه ثانيه ،، قاعد في مكتبه يفكر بالبلوى والمصيبه اللي طاحت على راسه الحين هادي واقف وياها ولا يرضى عليها وين بيوصلنا !!!! ماندري !!! وامه مضيقه وخايفه على عيالها العيال صاروا ملازمين البيت والحوش كانهم حرسسسس محطوطين عليها ازفر بضيق ورفع تلفونه يتصل بصديقه القديم : مرحبا يا بو عبد العزيز كيف الحال !!! رد عليه بنبرة فيها استغراب: مرحبتين بس منو الريال ؟؟؟!! ازفر بضيق وهو يقوله: انا بو هادي احمد ال...... تفاجأ بسماع صوته وهو يقول: يا ريال انته وينك ؟؟؟؟! وين اختفيتتت!!! شو صار عالدنيا !!! ليش قطعتنا !!!؟ سكت مب عارف شو يبرر لرفيجه لكنه قال: ما علينا من العتب الحين انا اباك تساعدني طحت بمصيبه واباك تخلصني منها !!! رد عليه بحزم: افا وانا ولد محمد،،، تطيح في مصيبه ونحن ما نعرف !!! افا عليك ؟؟؟! قول انته وش مصيبتك!!! ومالك الا اللي يرضيك!!!!..... سكت بعدها قال: لازم نتلاقى عشان نتكلم ع راحتنا ما ينفع بالتلفون... رد عليه بحيره: حاضرين متى ما بغيت نحن موجودين وبييب عبدالعزيز ولدي ونجييگ... ازفر براحه أخيرا بيتخلص من هالمصيبه : تمام ان شاء الله اكيد بأسرع وقت فض لي نفسك يا بو عبد العزيز وسكر الخط وهو يتنهد بضجر ... : : : اما في المكتب وفي مكان ثاني كان قاعد يطالع البحر من مكتبه وهو يفكر بالانتقام اللي صار له كل هالسنين ضيع له حب حياته هو عارف انه كله مخطط له من بوهادي ضحك بقهر وحقد عليه اتصل على بو محمد وهو يقول: بو محمد وين الأوراق اللي تثبت تورط بوهادي في وفاة اخوه ومرته وعياله ... التفت يطالع الزين من دريشته وهو يقول: عندي طبعاً بالحفظ والصون يا ولد الغالي .. ضحك بقهرر وهو يقول: والله ارد حلالها كامل مكمل عيل انا يسوي فيني جيه ويحرمني منها ومن قربها ويتحجج لي بانها ماتت مع أهلها وانا منقذها بيدي وموديها المستشفى... ضحك بو محمد وهو يسكر بلكونته وقال: الزين في بيته قاعده ... جاوب بغضب وقهر : انته شو تقول !!! شلون عنده بالبيت ساكنه ؟؟؟ وعياله اكيد يشوفونها !!!! .... ضحك بو محمد وهو يقول: وانته صادق ما تحرك منهم ولا واحد اليوم غريبه كلهم ملازمين البيت ... سكر تلفون بغضب وهو يتوعد لهم بالانتقام يبون ياخذون حلالها وبرضاها بعد ولا وش سالفتهم ...!!! انقهر وهو يمررر يده على شعرررره بغيظظظظ ومن دون شعور اتصل لهادي وهو يقول: هادي اليوم انا عازم نفسي عندكم يا صديقي ابتسم هادي وهو يقول: مرحبا تنور البيت بيتك ... سكر تلفون بقهر وهو يقول ياويلج ان شافوج ياويلج مني انطلع كلام بو محمد صدق والله يسحبج سحب من بيتهم قدام انظار الكل .. انتبه ع رنة تلفونه ورد وهو يحاول يكتم قهره: هلا يمه هلا بالغاليه... سكتت وهي تقول: هلا يا رويحة امك وينك يا بوكً مخلي زوجتك ولا ييت من ثلاث أيام عسى المانع خير يا يمه... انقهر من طاري زوجته: يمه انتي قلتي لي تزوج عشاني وانا تزوجت عشانج يمه فديتج انا ريال ومشغول وانتي تدرين يا الغاليه محد راح يمنعني عنكم الا القوي والقوي الله لكني مشغول هالفتره وايييد يا رويحة الجنه .. قالت وهي تدعي له بالصدق: ربي الله ونبي محمد انه يوفجك وين ما تكون يا الغالي وينصرك على من عاداك... غمض عيونه الدعوه لامست قلبه بل أعماق قلبه وصميم روحه انهى المكالمه بالله يحفظج ... : : في جهه ثانيه قاعده ومكتفه ايديها وهي تفكر اكيد هادي يشوف وشبعان منها ليش يابها مربيه لولديه هذي كفو تكون لولديه مربيه هذي خدامه تحت ريول امه وايد عليها قطع حبل أفكارها أمها اللي قالت: يلا يا غلا قومي بروح بيت خالتج تبينا نروح اليوم عندها ... نقزت بفرحه اكيد بشوفها العنود تقول شينه وشما اختي تقول وضحى تقول انها جميله وحلوه راحت فوق وهي تقول لأمها: ثواني ويايه بلبس عباتي .... راحت الام سياره وركبت مع الدريول وهي تتصل بسلطان وتقوله: جهزوا أغراض المزرعه بكرا الصبح طالعين ... رد عليها : ان شاء الله يا الغاليه قوم خالتيه بيسيرون ... ردت عليه وهي تبتسم: هيه فديتك زهب عمرك غناة قلبك موجوده بعد!!.. ضحك على امه وسكر الخط وبدا يسوي اتصالاته لأخوانه عشان يجهزون عمارهم ... وركبت غلا وراحوا تجاه بيت خالتها .... : : : دايم أدعي ربي اني ما اكون ثقيلة على أحد، اكون خفيفة الروح وخفيفة الظل لنفسي وعلى كل من حولي . : : : كانت في غرفة عبدالله تلعب وياه غميضه هو يندس وهي تدوره دخلت ام هادي وهي تشوفها تدور عبدالله تحت السرير ومالقته لفت على الكبت بطلته وهي تقول : لقيتتتتك ومسكته وهو يضحك عليها باسته على خده وسمعت تسكيرت الباب عاليه وفزت على طولها وهي تشوف مرررة عمها مقبله عليها ومطتتتها من شعرها وهي تقول: الحين اختي وبنتها ياييين عندنا سنعي ولدنا ولبسسسيه اخلى لبسسس ماتعودنا نخلي الولد بلبس واحد بدلي له يطول عمر ابوه اللي ما قصر فيه مسكت ايدها وهي تبعدها عن شعرها وتقول: اايييي عورتيني انزين انتي مالقيتي طريقه غير شعري ... انقهرت منها وهي تقول : لسااانج طويل يعله القصص ... دخلت العنود وهي تقول: يمهه شابينها تربية ملاجىء يعني وين بتلقين منها الادب والاحترام.... فكة شعرها وهي تقول: صادقه يا بنتي تربيه ملاجىء.. ضحكت باستخفاف وهي تعدل شعوها وعبود صاح وطلع برى يربع من دون ما تنتبه له اريام دورته مالقته وطلعت برى تشوفه .. : : : هادي كان توه داخل بسيارة ومعاه ربيعه وداه الميلي وطلع وشاف عبدالله يصيح ربع. صوبه وهو خايف عليه وقاله وهو يحضنه : شو حبيبي .. قاله بصياح : امااااه ادددااا ماما .. مافهم عليه سكته شويه وياه عبيد وهو يقوله: بلاه ولدك يصيح ... عبدالله اللي كان نازل من فوق مقهور قال لهادي: اذا انته يايب بنت ناس عشان تنذل ماله داعيي امك واختك يهينونها وتخطاه وطلع في نفس الوقت وصلت سيارة خالته ونزلت هي وبنتها بنفس الوقت انفج الباب وطلعت وهي باين عليها القهر وييهه محمر من مرت عمها والعنود لفت على عبدالله اللي حضنها ما كان لها بارض عليه بس انجبرت تجامله وتشله وصلت خالته وسلمت على عبيد وهادي وقالت غلا وهي تشل عبدالله من ايدها: ولديه هذا ما يتامن عندج يا بنت الملاجىء ... رفعت عينها بقهر وهي تقول في خاطرها صبرٌ جميل والله المستعان ... عطته ولدها وتفاجأت بهادي وعبيد اللي قالوا مره وحده: احشششششمي نفسسسسج عو هالالفاظ هذي بنت عرب وناس ... ام سلطان: أي عرب وناس فارينها في دار الايتام... رد هادي بقهر وبصوت حتد بين اسنانه: اظن اللي فارنها أبويه وانتي تدرين بالباقي..... سكتت اما هي روحت عنهم وصلت غرفتها وهي تقول بقهر والله ما اطلع بنت ابويه ان يلستت عندكم يا المرضى نفسييين... هادي نسسىىىى وحود ربيعه في البيت وراح داخل مع عبيد ... اماًهي طلعت تلفونراللي عطتها إياه طيف وبدت تكلم طيفل وتوصف لها المكان وطيف كانت على يقين ومعرفه انها ما بتتحمل وجودهم ... : : : اما هي لمت اغراضها وصفففت اغراضها وهي تتوعد فيهم لازم ترجع للملجىء وتعرف كيف تادبهم وتعرف شو وراهم ... : : : اما طيف فكانت في طريقها للبيت وهي في طريق اتصلت بشخص وهي تقوله: مثل ما قلت يا طويل العمر تمت المهمه والحين هي بترجع لي بس ما راح ارجعها للملجىء لازم اوديها للمكان اللي انته تزوره يوم تضيق وبعيد عن الناس عشان محد يعرفه ... حس بدخول شخص عليه وقال: خلاص تم ....وانهوا المكالمه °• لَولا مَحبَّتكم لَكنتُ شَكَيتُكمُ وَدعَوتُ مِن قَلبِي دُعا المظْلومِ ! : : : من القهر اللي فيها ودها تدعي عليهم واحد واحد لكن عشان ابووووها وغلا قدره ما خلاها تدعي على عمها .. اما في الجانب الثاني وبعد ما تمت المهمه قال لهادي: انا اترخص منكم شكلي ييت في وقت محرج ... هادي اللي استحى من ربيعه وهو يقول له: سامحني يا الغالي والله ان ودييي اقرب بك لكن صارت ظروف في غير حسبان السموحه منك ... لف وابتسم وفي خاطره يقول مابا منكم شي مادام اني انهيت موضوعي وابتسم بمجامله وطلع ... اما طيف وصلت البيت واتصلت على اريام تطلع وطلع اغراضها ،،، جاوبتها اريام: تعتلي كيف بطلع شنطيه الحين .. توهقت طيف وهي تقول: ياررربي يا اريلم مول مب وقتح طلعي اغراضج حطيهم عند الباب وعقب خطفي عالسياره بسرررعه… طلعت شناطها وهي تشوفهم كيف بطلعهم لفت يمين يسار سافت اليدارً يتها فكره سحبت شناطها لليدار وفرتهم برع بعد جهد جهيد وعقب ردت للغرفة وقعدت عشان ماتثير شك وهي تتصل بطيف تشل الشنط اللي عقتهم من اليدار .... وتوها بتظهر الا تتفاجأ بوجوده قدام عيونها ارمشت بقهر وصدمه وخوووف من اللي بيصير وردت خطوه ورى وهي تطالع عيووونه اللي ما تبشر بخير !!!؟ انتهى البارت الرابع ... ابا توقعاتكم من هو الشخص الذي اضاع حبه ؟! من هي طيف ؟؟؟ ماذا سيفعل هادي بمربية ابنه ؟؟! من هو بو محمد ؟؟ توقعاتكم تسعدني .... |
رائعة بكل معنى الكلمه
أحسنتي كما هو معهود انتظار البارت الخامس بكل شغف |
ماشاءالله احداث تشد
كأني أشوفهم طيف صديقة اريام في الدار ابو محمد يمكن يمكن يقرب ل اريام هادي يحب اريام بس فيه احداث بتصير بينهم ولد هادي حب اريام رائعه دجى ننتظر التكمله تقييييمي |
والله يابنتي انك شغلتي واشغلتي فكري
ماابغى استعجل وببقى منتظر لبكره ونشوف |
انااا مع عموو ملكة الجوووري
قريبه من توققعاااااااتي عمووو دجى انتي فنااانه وروووعه |
ماشاء الله روووعه غلاااتي اسلم الذوق والتذوق وسلمت الايااادي يعطيك العافية وربي يسعد قلبك دمتي واسال الله لك كل التوفيق بانتظاااار جديدك تقديري وكوني بخير |
مشكووورين جميعاً على المرور الطيب وتوقعات الحلوه والجميله اللي نفسكم ....
|
البارت الخامس
: : يخفِي عن النّاسِ دَمعًا ليسَ يُرسلِهُ؛ والدّمعُ بادٍ، سَواءٌ سالَ أو جَمَدَا : : : من شافته وهي الخوف لاعب فيها لعب رجعت ورى بخوف من نظرات عيونه اللي سكر الباب بقووو وقال بعصبيه: انتتتي وين تبيننن تسيرررين !!! هاه انا لين الحين ماسك اعصابي عنج !! ما صدقت القاج وانتي تبين تشردين !!! مسكككها من كتوفها بعصبيه وهزها بقوو وهو يقول: قسم بالله تسوين شي من دون علمي ما راح يصير لج شي طيب فهمتي ولالا !!!! ودفرها بقو وهو يتنفس بسرررعه ... رجعت ورى بقو من دزته وهي شوي بتصيح قالت بحرقه : انا ما بيلس كل شوي اسمع كلام يغثني من امك او اختك والحين طلعوا خالتك وابنتها شوف ورفعت اصبعها سبابه قسما عظما ان ما احترموني لا يكون تعاملي معاهم ثاني وطز بلي يرضى واللي ما يرضى ولفت بويييها صوب ثاني وهي تداري دمعتها دمعة ضعف ودمعه عتاب ما تبا تبكي قدامه ... حسسس من نبرة صوتها انها بتصيح لفها عليه وهو يشوف الدموع تهدد بالنزول وواصله عند رمشها وهي تحاول تحارب الدموع لفت عنه وهي تبعد يده وقالت بغصه: تووو فكني الله يخليك ما يتني المصايب الا يوم عرفتك انته وهلك .. لفها بقووو وارتطمت بصدره العريض وحضنها بقو وهو يسكر عليها بيديه وقالها بهمس: لا تبكين ماباج تذرفين دموع .. حاولت تبعد عن حضنه ما تبي تبكي بس بسبت قوته وانه مقيدة من حركته وحستتت ان صدره وايد لاصق في ويهها طاحت دموعها من سمعت همسه وهو يقول: حرام تذرفين دموعج عسبت ناس ما يسوون ادري هم هلي بس غيرانين منج يا الزين كله حرام تشوهين هالجمال بالحزن وضيقه وتخلين ملامحج تتبدل لحزن... همست وهي تبكي : تكفى ابعد عني مب قادره اتحملك ارجوك ابعد حس فيني مابا قربك ولا قرب اهلك ... بعد عنها بضيقه وقال وهو يبعد عنها : روحي نامي عند عبدًالله ما راح تنامين هنيه واغراضج اللي عقيتيهن برى انسيهن انا راح ايييب لج غيرهن لا تحاولين تشردين منيه ومناك .. تنهدت بغصه وهي تبعد عنه وهي تمسح دموعها ،،، قعدت على الشبرية وهي تقوله: ممكن تطلع أبا ارتاح!! هز راسه بقهر وهو يقول: لا حبيبتي اسفه قتلج روحي فوق ما راح اوثق فيج انج بتمين هنيه،، واذا ودج تنامين هويه انا بقفل عليج الباب ونامي احسن لج...وطلع عنها وهو مقهور وده يكسر راسها يحضنها تبعده يغازلها تجعمه شو يسوي وياها تتنرفززز بقووو منها وقفل الباب عليها وشله وراح لغرفته ... : اما عند طبف رجعت بعد ماحست بتاخير اريام وقالت اكيد كبسوا عليها ودليل انها اتصلت اكثر من سبع مرات وما لقت رد ... : عند هادي اللي دخل غرفته بعد ما تصارع مع نفسه ابتسم بحب على المسكرا والبودرة اللي طبعت في نص كندورته بطلها وفرها في الغسيل ..وقعد مع نفسه يفكر كيف يتقرب منها زود ويعطيها الأمان الزين بعدها مب حاسه بالأمان اتجاهه ولا اتجاه اهله ،،، اففف محد معرقل الموضوع غير اهلي انا ليش وااايد معقد الأمور اوردي باجر مروحين للمزرعه ولي اصرف اخر وياها بطل بلكونته وطالع صوب غرفتها وهو يقول يارب يحن قلبج ولو شوي ... : في مكان ثاني اتصل بو محمد بحسام تذكرتوه سكرتير بوهادي وقال له: ها يا حسام شو من الاخبار اليديدة... حسام مرتبك وخايف من بو محمد ماودة يخون ثقة معزبه بس ما يقدر ما يتكلم يعرف ان بو محمد وراه ظهر وسند بييبونه غصباً عنه رد بادب واحترام. والله يا سيدنا الأمور طيبه ،، وأبو هادي زعلان من وجودها بده يتخلص منها باي طريقه وهادي بده إياها تكون مربيه لابنه ولحد الحين صايره علقه بينهم مابنعرف وين راح يوصلوا بموضوع الانسه اريام ... ازفر بضيق وقال: اذا حسيت مجرد إحساس ينون على شي خبرني ... ازفر بعد ماخذ نفس عميق وقال: حاضر سيدنا ولا يهمك ... سكر بو محمد واتصل بالشخص المعني يوصله العلوم .. : اما عند شخصنا المعني كان راد من دوامه تعبان هلكان ما يشوف قدامه دخل وشاف الوقت متأخر دخل قسمه واتجهه لغرفته وحط اغراضه على الكمدينو ودخل الحمام يتروش وطلع وشافها قاعده على الكرسي حرك راسه بارف وتعب مش ناقصنج اليوم طلعي منها ،، سوالها طاف وصاح تلفونه اتجهه بسرعه له وهو يقولها : طلعي برى ردت عليه بضيقه : أبا أتكلم معاك ... استغفر ربه وقال: ماعليه اخلص المكالمه واناديج تين تقولين اللي في خاطرجً.. طلعت وهي معصبه ومقهوره ... اما هو رد على بو محمد بحذر: مرحبا يا بو محمد بو محمد يبتسم: اخبارها زينه وتسرك يلا ارتاح وباجر نتناقش... ابتسم بتعب وهو يقول: الحمدلله اوك عيل تصبح ع خير رد عليه وانته من هله وسكر لاحظ مكالمة طيف اكيد عندها شي ضروري .. بس قطع عليه دخول حرمته بعصبيه وهي تقول: خلاص عاد مكالماتك ما تخلص اباك في موضوع .. تضيق من فعلتها وعصب بس سكت وهو يسمعها تقول: انزين قولي لين متى حالنا بيتم جي .. طالعها برود وهو يقول: انا في الملجة شو قلت لج ما قلت لج انى مابا زواج ورافضنه بحكم شغلي وما اقعد في البيت رضيتي صح !!! خلاص تحملي اختيارج ؟؟؟ طالعته وهي تقول: بس نحن حياتنا منفصله عن بعض من يوم تزوجنا انته بغرفه وانا بغرفه .. قال في خاطرها لو اريام مكانج ما كان هذا حالي رد عليها ببرود قاتل: والله انا شرت عليج يا بنت خالتيه وانتي قبلتي شور وهذا رضاج وانا ما اقدر افرض نفسي على حد ... انقهرت من بروده ودها تبكي قالت بحرقه يوف: انته ما تحبني صح!!! حد في خاطرك يا فيصل ... ابتسم ببرود وهو يضحك: وان كان حد في خاطريه بخليها وباخذج كبري عقلج يا بنت الناس وطلع عنها بعد مالم اغراضه ودخل مكتبه وقفل الباب واتصل على طيف وهو يقول: تعالي شو صار وياجً... تنهدت بتعب وهي تقول: والله يا فيصل حاولت مسكينه تطلع بس هالهادي مب مخلنهاً محاوطنها من كل اتجاه اسمع فيصل الحين انته كم باقي ع دورتك وتخلص.. تتهد بقهر وهو يقول: ثلاث أيام بالضبط خلاص وانهي الدوره... طيف باستعجال: حاول فيصل تخلصها بدري عشان نقدر نخطط كيف نطلع اريام من عندهم ... تنهد فيصل بحب وهو يقول: حبيبة قلبي شحالها ودي اسمع صوتها فديتها... طيف: تبي رقمها عطيتها تلفون اللي عطيتتي إياه نوكيا ورقم اللي انته مطلعنه والحين هي تستخدمه بكل اريحيه .. فرح من الخاطر وهو يقول: تقولينها صادقه !!! بفرحه لفرحته قالت: هيه والله ،،، ليتك تقولها انك انته اللي نقذتها ودورت وراها لين ماعرفت كل شي وانك بترد حلالها.. ابتسم وهو يدور ع الكرسي: كل شي بوقته حلو هالانسانه يابت اجلي بحبها مع ان الفرق بيني وبينها ١٥ سنه هي الحين عشرين وانا في أواخر الثلاثين وقلبي مازال متيم عاشق حبها ... ابتسمت طيف وهي تقول: لو قدرت ايبها بييبها فلتك الخاصه... ابتسم وهو يقول: اوك تمام الله يحفظج...وسكروا الخط . : : طيف ٢٨ امينة الدار تعينت عن طريق فيصل عشان تكون عينه في دار على حب قلبه اريام .. فيصل:٣٧ سنه حب اريام حب تملك القلب وشجونه من يوم ما نقذها من الحادث وراح نعرف كيف تم الحادث وبقيادة منو !!!!؟ بو محمد(حمد) جار قوم بوهادي وكان ربيع المرحوم راشد الله يرحمه وعارف كل شي وهو الوحيد اللي يسعى مع فيصل بانهم يكشفون الحقيقه ويردون حلال اريام لها .... : في اليوم الثاني ،،، في المزرعه ،،، عالعصر كان عبدالله يلعب مع عبدالله عمه اتصل به عزوز وهو يقول: عبورود تخيل نحن يايين عندكم في درب ... عبود بفرحه: صددددق والله مرحبا .. عزوز: يلا مسافة الدرب ... اما هادي وعبيد وراشد كانوا قاعدين عند الحريم ويسولفون غلا كل شوي نطالع هادي وين يطالع بتموووت من الغيره عليه ،، وسبب طلاقها الرئيسي من هادي غيرتها وعدم تفاهم مع بعض وهادي ما يحبها ولا يبيها ... انتبهه على نظرتها وضحك هبله تتحسب اني ببين شي لف وهو يشل فنينا القهوه ودله وقال لراشد بهمس: ترا مب من عوايد اخوك عبود يلاعب ولديه... ضحك راشد وهو يقول: كله في سبيل المزيون يهون ... عصب هادي وانقهر كان يدورها بعيونه بس مالقاها مايعرف وينهازشاف اشواق ووضحى وعنود يايات قال لشما: تعالي سلمي على خطيبج اشوفه اليوم مب على بعضه ... لفت شما باحراج دور عبدالله شافته عند عبدالله ولد هادي جان تقول: ليش اسلم عليه شو مسوي هو ( سلمي مب سلمي ،، سلمي نحن تقولها يوم نبا شخص يخافظ على شي ملكه نفوله سلم عليه يعني امن عليه وهكذا ) ... جان يقول عبيد: لحقي قبل لا يطيح في هوا مدقوق العنوقي تراا عقب هب حولج ... ضحكت شما وهي تقول: بيحب بنت عمكم يعني ( وضحى واشواق خبروها عن بنت عمهم) ... عبيد انصدم وقال: شو بنت عمنا لا هاي البنيه اللي يابها هادي مربيه لولده بالله عليج لو بنت عمنا بنخليها جيه بشكاره ... انصدمت شما وحركت عيونها لوضحى اللي قالت بعيونها ما يعرف عن شي ... هادي حرك عيونه بغضب ع اشواق ووضحى وفر عليهن فنيان القهوه وروح داخل الفله وهو مقهورر منهن كيف يتكبمن عند كل من هب ودب ويسمع تحرطيم امه وهي تنكر اصل بنت عمه ... حاول يدورها في الغرف مالقاها ... : كانت اريام في الحمام منخشه تكلم فيصل بهمس: يا قلبي وانته كل هذا مسونه وانا مادريت ما قلت لي ان دورتك شهرين .. ابتسم وهو يدور بالكرسي وبهمس: باقي ثلاث أيام على دوره والباقي اجلتها كورسات عشان سواد عيونج... ابتسمت بحب وبهمس خافت: يا عمري عساني ما فقدتك يا احلى صدفة أيام عمري يوم تصادفت وياك في الرحله اللي كانوا مسوينها لنا دار ..ابتسم بحب وهو يقول بصدق: ماًكانت صدفه كانت مخطططه وحياتج من قبلي وقبل الدار عشان اشوفج ... بحب قالت: فيصل ولهت عليك ودي بشوفك... اتنهد بحب وحالميه واحساس صادق: ودي بشوفك ما تهم الطريقهه لو يحكموني من بعد شوفك اعدام عايش وقلبي تشتعل به حريقة واليوم يمضي في غيابك شرا العام .. ابتسمت بحب وقلبها يدق لهفة لشوفته وبهمس قالت: يا عساني ما ذوق حزنك فيصل تكفى دبر لي طريقه ودي اطلع من هنيه.. ابتسم بحب وهو ياشر لسكرتير يطلع بعد ما عطاه الملفات وقال: تامرين يا روح فيصل وقلبه ابشرري بس سمعي لازم اييب لج سمارت فون عشان دزيلي اللوكيشن وايييج برسم الخدمه وين ما تكونين .. ابتسمت بحب وهي تهمس: احبگ ... غمض عيونه وبحب صادق قال: وانا اموروت فيج لعبتي بقلبي لعب . ضحكت بحيا وأنهت المكالمه بمع سلامه يا عمري شي في خاطرگ.. ووقف وهو يشوف البحر والسفن يرسن على الميناء : غير حبج وسلامتج وشوفج ابد مابا شي يا روحي... همست بعشق : ويلوموني بعشقگ... همس بخفوت: اويلي منج ومن عذاب حبج المهم ياروحي لا تنسين خليج حريصه على عمرج واذا حد ضايقج قولي لي... حست حد قرب من الغرفة اللي هي فيها وسمعت دق على باب الحمام تبريدن ريولها وقالت بخوف: منووو؟؟؟ عالباب!!! هادي اللي تنفس صعداء انها موجوده ما راحت قال: انا هادي انتي وين!! قالت بقهر : اسميك عله على القلب شغلت الماي وهي تقول : برايك يا الحب ولد عمي العله يدق الباب بشوفه شو يبا !!. قالها بحذر: انتبهي يلمسج انتبهي يسوي فيج شي تراني انا بموتج لا تخلين حد يستدرج فهمتي: قالت وهي تعلي صوتها يايه بو عبدالله ثواني واييك حاضر وهمست بحب : ودعتگ الله يا عمري الغالي... ابتسم بحب وحنان على لهفتها الصادقه وهمس: مع سلامه يا ماخذن فوادي ...ودعتج الله يا روحي وسكروا الخط ... : طلعت من الحمام بعد ما دست تلفون وهي طالعه تنفست صعداء يوم شافته مب في الغرفه طلعت بعد ما عدلت شكلها في المرايه وحطت قلوس ششفاف على شفايفها ونزلت تحت وهي تشوفه في صاله : هلا بو عبدالله ... طالعها من فوق وتحت وهو يشوفها كيف جذابه بشكلها الناعم والهادي ابتسم باعجاب وهو يقول: عبدالله بروحه في الألعاب وانتي مب عنده... ابتسمت بضحك وهي تقول: عمه عنده أوقف عند عمه مثلاً بعد لي حاجات اود ان اقضيها.... انقهر من اسلوبها الجاف وتحقيرها له وققال في خاطره هاي شكلها ما تنسى وانا مافيني الحين ضارب وياها لازم اوثق حبالي اوا احبببها فيني وعقب يصير خير >>> هيه ان شاء الله توقق حبالك تولم انته بسسسس حلم ابليسسس في الجنه ههههههه الحرمه ماخوذ قلبها وعاشقهههه ... حركت من عنده وهي تتنهد بفرحه انها كلمته وسمعت هالصوت اللي ظنت انها مستحيل تسمعه من عقب ما طلعت من دار حمدت ربها على وجود طيف في حياتها هي اللي تساعدها في بعض الأمور والاستشارات ... : راحت عند عبدالله وهي تضحك على عمه عبدالله بسبب انه كان يبا يشل عبود وعبود نقز عليه وعبدالله ماقدر يمسكه وضحكت عليه وهي تقول: يا ريلك من ابوه الحين شو يفكنا من حلجه وضحكت هههه،، ضحك عبدالله اللي شاف شما واشواق ووضحى وغلا يايات صوبهم وقال: الله يهديه ويصلحه ما يتوازن يباله ميزانيه ... ضحكت وهي ترد السلام ع البنات واشواق قالت: ما بغينا نشوووفج لا دقين صداقه بعد ويا اخواني ... ضحكت عليها وهي تقول: والله العظيم ماودي لكن هذا اخوج يباني ملازمه ولده وين ما يكون حتى لو كان على ظهر خيل ... ضحكوا عليها الا شما وغلا اللي قالت: بسم الله على ولديه منج انتى مجرد خدامه تحت ريوله تسوين اللي يقوله بو عبدالله وبس وعن تنزليقدوابد في عيال خالتيه ... طنشتها وهي تقول في خاطرها مادرت ان قلبي ماخوذ والعين رويانه وشبعانه ... الشاهد الله مانسيتك دقيقه.. حتى بمنامي تزورني بكل الأحلام.. ماهي قصيده هذي والله الحقيقه..مالك خفوقي وهايم بحبك هيــــام.. دخل عبدالعزيز مع ابوه الى المزرعه وقابلوا بو هادي وسلموا عليه وراحوا ميلس الرياييل وقعدوا هناك اما عبدالله كان يسولف مع البنات واشواق ووضحى يسولفن مع بنت عمهن ويضحكن ووصل عندهن سلطان وعبيد اللي سمعوا ضحكتهم ... اما في الميلس ... قال بو هادي بعد الترحيب وسؤال عن الحال : والله يا بو عبد العزيز تذكر راشد اخويه ... هز راسه وهو يقول : ايييه الله يرحمه ويغمد روحه الجنه ذكرته على خير ...شي فيكم ... تكلم بصراحه وهو يقول: هيه راشد بعد الحادث طلعت بنته حيه وكانت في المهد صغيره وانا شليتها ووديتها الايتام مابغيتها تربى عندي ولا بغيتها تشوف عيالي وتتعرف عليهم المهم من كبروا العيال واشتغل عندي هادي قام يدور ورايه وشاف الأوراق اللي تخص بنت عمه في دار فهددني يا اني اظهرها للملاء يا اني انحبس ويفتح قضيه حادث عمه المهم البنت عندي الحين وانا اباك تساعدني كيف اتخلص منها .. انصدم عبدالعزيز وانصدم ابوه بها الكلام قال بحده : اففففا واللله يا ذا العلم يا بو هادي حد يتخلى عن بنت اخوه وفي هالدنيا ليش تسوي جي في بنت اخوك ما هقيتها منك الحين قاطعنا كل هالسنين وكل هالوقت ويوم رديت علينا رديت تبانا نفكك من بنت اخوك عنبو انته صاحي ولا عاقل حد يتخلى عن بنت اخوه وعشان شووو ؟؟؟؟! شو السببيب اللي يخليك اسووي كل هذاااا؟؟! .... انصدم بو هادي من ردة فعل صاحبه وقال: يا ريال ماباها قربي حرمتي عايفتنها وعيالي بيتعلقون فيها شوف لي صرفه شغ لها عندك او يووززها حد من عيالك؟!!! انتهى ✅ |
يحلّق بنا حرفك حيث نكون وكأننا بجوار حلم
نضمه لينغرس بأعيننا دون أن نصحو ، بأجنحة من نور يخطف شعورنا حرفك فنقرأ ولا نريد التوقف بجوار حديثك رائع واكثر لروحك الجوري |
مشكككوره حبيباي ارتواء على اثراك طيب على ما خطت به يداي وان شاء الله تنال رضاك
|
| الساعة الآن 04:01 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية