 |
منتديات قصايد ليل
(http://www.gsaidlil.com/vb/index.php)
- [ابكتب من قصيدي الوزن وغيرهـ من شعر منثور]
(http://www.gsaidlil.com/vb/forumdisplay.php?f=10)
- - قصايد خالد الفيصل ___ بدر بن عبدالمحسن
(http://www.gsaidlil.com/vb/showthread.php?t=141745)
قصايد خالد الفيصل ___ بدر بن عبدالمحسن
قصيدة أبي منه الخير أبي منه الخبر و يقول للّه لفى المرسول ما عيَّن محلَّه و قلبي تايهٍ من عام الاوّل ألا يا الله يسّر من يدلّه خذاه اللّي على خدَّه علامه سوادة غيم في شمسٍ مطلّه سرقني ما دريت انّه سرقني سلبني و أحسب إني فاطنٍ له انا يوم أرسل عيونه لقلبي عطيته مهجتي و المعطي الله نصف زين الخلايق في عيونه و باقي الزين في باقيه كلّه قصيدة وداع يا حرفي وداع ياحٓرفي وقافي ومٓعْناي *** وداع ياسلْوة حياتي بدنْياي وداع ياللّي بالقصايد كتبْني *** تهويمةٍ في ساحة الفكر والرّاي اشغلت بي ناسٍ بتأويل معناك *** وارضيت وازعلت المحبّين وعْداي ونظَمتني وَسْمٍ على صدر الأيّـام *** وصدَحْت بي صوتٍ مع كل حدّاي وغنّيتني لحنٍ حزينٍ وعتّاب *** ونادمتني لحظات فَرْحي ونَشْواي واذا جَرَى دَمْعك على خدّ يومي *** صاحتْ مواجيعي من ادْناي واقْصاي واذا تزاحم ْ هـمّ وقْتي بـجــوفـي *** فزعت لي بالحرف والدّف والنـٌّاي قَنصت بي أصيد هارب زماني *** وحربت بي في ساحة الفــكـر غزّاي رافقتني وقت الرّخا والـــشّدايــدْ *** في عاصف الأيّــام صبْحي ومَمْساي كم راغبٍ حاول يـغــازل قوافيك *** لكنّها ماســاومتْ كـل شـــرَّاي البراقع ما هقيت أن البراقع يفتنني لين شفت ظبا النفود مبرقعاتِ الله أكبر يا عيون ناظرني فاتناتٍ ناعساتٍ ساحراتِ في هواهنْ يا سعد كيف طرحني راح عمري في مودتهن فوات كان مما صابني ما عالجني الوكاد اني خطير بالممات يا سعد خبر ظريف الطول عني كان وده لي بعمر في الحياة من نظرني بس اهوجس به واون ما تركني هاجسي لو في مباتي قصائد الأمير بدر بن عبد المحسن 1- قصيدة أستبد : استبد..استبد احيان .. استمد كل هذا الظلم من ألمي .. اتحد من راسي .. لقدمي واضرب بعواصفي وبزلزالي .. واهّدم الناس .. واهدّم بحالي .. لين استرد بعض اثيابي من الريح .. ولحمي من الشوك.. وابتعد..ابتعد واحيان ما املك العواصف .. ولا الزلزال .. ولا حتى .. فـ الهجير .. ظلال لكن استبد..استبد باللي عندي .. اضرب بيدي فـ الهوى..بجبيني فـ الصخر لين اتعب ..اتعب..وانهمد .. مثل طفل اضناه البكا.. والسهر .. وانتي آخر ماأعد في عمري واجمل ما أعد .. اعشقي ظلم الغصون الخضر للحطاب .. والجلد للأنياب..والجفن للسكين اعشقي هـالظالم المسكين .. واتركيني انصهر في الشمس والا ارتعد في البرد .. لكن استبد..واسترد اثيابي من الريح .. ولحمي من الشوك وابتعد .. ابتعد 2- قصيدة أنتِ الي وحدك لي : كل الحرير اللي في الأرض .. ما يلمس الجلد .. وكل الرخام ..ما تاطى القدم .. والعطر .. ما طال النسم .. حبيبتي ..واغلى الجواهر جيد .. وكثر الذهب ..والغيد .. انتي اللي وحدك لي .. حبيبتي تغار .. والدر في المحار .. والمحار في اليم واليم في الأعصار .. ومابه شعور اقدم .. من لهفة البحار .. ساعة يغيب النور .. وفي الشط .. خيط اقصور .. لبيت ومره صغار .. جفت حروف الما .. وباقي في صدري الملح .. قومي إغسلي سفري .. إن طال بي الترحال .. كل المواني احبال .. تربطني بعيونك .. وشلون أنا اخونك .. وأنتي اللي وحدك لي . 3- قصيدة الدواير : يا رامي المـاء .. بالحـصا.. لأجـل الـدواير.. تكـبر.. لا تـوجـع المـاء .. أكــثر.. هـذي حـدود .. الـمـاء.. يـجـيـبــك الـهــاجــوس .. و يــروح بـك.. يا شــين وش نفع الحكي .. لا روح بـك.. تخـط فالـرمـل البحـر.. وتـرزّ وعـودك .. سـاريه.. وتبـقـى الحـقـيـقــه .. عــاريـه .. ما عـاد في الـسـفـر الا دوايـر .. بيـن الـكـواسـر.. والبـدن .. ماكان لي صـدر.. وما كان لي كـف.. لحـمي تـنتـف .. ناظـر.. عـلى راسـي تحـوم .. عــقـبـان الهـمــوم .. وتـرســم دوايـر .. وقـلّ لـي .. وش اللـي صـايـر.. وكانـك حـبيبـي .. فـسّـر الكـون .. و الا حـبيبـي .. اتـرك الـكـون .. وقـل لي .. من خـذا منـي محـلي .. ليـن ضـاقـت .. فسّـر اشـتاقـت.. تـبينـي .. حـدد اقـدامي .. جـبيني .. و آخـر الجـدب .. العــوايـر .. واتـرك الـمـاء .. لأشـهــب الـمـاء .. و الـدوايــر.. |
يعطيك العافية على اختيار الموضوع
وحرصك على اختيارك مادة مفيدة الله يكثر من أمثالك وشكرا نجم |
اِنتقاء في غاية النفع والجمال |
*،
آنتقاء مميز .. مَ ننحرم من جديدك |
سلمت يمناك
طرح جميل جدا |
نجم
لِرُوحكْ وَردْ مُخْمَلِي’..يَ عَبقِ البَسآتِين ...’♥ |
محمود
لِرُوحكْ وَردْ مُخْمَلِي’..يَ عَبقِ البَسآتِين ...’♥ |
اطيافي
لِرُوحكْ وَردْ مُخْمَلِي’..يَ عَبقِ البَسآتِين ...’♥ |
ضاميه
لِرُوحكْ وَردْ مُخْمَلِي’..يَ عَبقِ البَسآتِين ...’♥ |
جميل التنوع هنا بالقصائد
رائعة ارتواء |
| الساعة الآن 08:08 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية