إنت ساكــــن وســــط قلبــــي و البشر كلهم ضــــيوف
 

لابغيت أوصف غرامك ماتكفيني الحروف
ولابغيت أوصف غلاتك خان باحساسي الكلام


حبي لك يانور عيني فاق بالحب الوصوف
حبي لك أكبر من إني أوصفه بشوق و غرام..


شفت لو مجنون ليلى يرجع و حبي يشوف
أشهد انه يعترف لي حبه من حبي ظلام

لو انا بسايقه بالحب والله اني اطوف
هذا لو انه تحدى ادري بيطلب سلام

لأنه عارف ان حبي ماسكن في وسط جوف
لابشر لاجن قبلي ولابعد مليون عام

لو روحي في هواك تروح ماجاني حسوف
ولا يجيني إحساس إن حبي على مثلك حرام

طيفك اللي لالفاني قلت ياحي الطيوف
يابعد ربعي و خلاني وبعد كل الانام

إنت ساكن وسط قلبي و البشر كلهم ضيوف
إنت في عيني وربي أحلى من بدر التمام

إحلف بخالق جبل..وادي ..سهل..ويا كهوف
اني والله كل ماشفتك عيوني ماتنام

أسهر أتخيل عيونك وارتجف ماهو بخوف
ولا هو برد ياحبيبي رجفتي حب و هيام

واقضي كل الليل اناظر صوره و عيني تحوف
ليتك انت اللي بجنبي ماهي صوره و السلام

تدري لو الناس كلهم وقفوا ضدي وقوف
والله اني ماتركتك يوم ولو زاد الملام

جيت برتب غرامي وصفت اشواقي وصوف
من كثرها ياحبيبي فيني اختل النظام

روف في قلبن يحبك يابعد خلاني روف
تكفى لاتقسى على قلبي انا بعدك حطام

واعرف إني لو رحلت بيوم من سبة ظروف
يعني برجع مثل مايرجع الى البيت الحمام

في النهايه لي كلمة وكلها أربع حروف
بس والله انه معانيها ماتعدي أي كلام

إيه "أحبك" دام عندي انتهت كل الوصوف
مالقيت إلا أحبــــك شفتها أحلى ختام..

الله يعطيك العافيه على الطرح
اللي كله ابداااااااع


حضوري شكر وتقدير لك
ولاهتمامك في مواضيعك


اخوك
نجم الجدي

حضورك شرف لي
نورت أخي الكريم
نجم الجدي

حضورك شرف لي
نورت أخي الكريم
مبارك آل ضرمان

عوافي

حضوركم شرف لي
نورتم جميعا

حضوركي شرف لي
نورتي عزيزتي
عناديه