علمتني ان الهوى ما عاش يوم بداخلك
 

قبل أبتدي عندي طلب.. ركز .. طلب ماهو " رجاء " !
ما أبي تجاوبني .. ولا تستغرب إني أسألك


لا تنصدم من عزلتي حالي مثل : أبو العلاء
عندي سبب : ما تستحق إنِّي أجيلك وأوصلك


لا تعتبر جمر الحكي من شاعرك يعني " هجاء "
لو كنت بهجي حضرتك ما خفت منِّك ..قلت لك !


هذي القصيده مصنِّفه في دفتري قصة " رثاء "
حبٍ يموت وتنولد .. وحبٍ يعيش و يقتلك !


ناديت لك ياما .. ولا لبِّيت لي , و ضاع النداء !
مبحوح صوتي والصدى من كثر ما ناديت لك !


أقرب من ثيابي علي وأبعد من نجوم السماء
ورغم إبتعادك والتعب ..أرسم طموح وأمهلك ..


ما كنت لي الداء وأنا ما كنت لـ جروحك " دواء " ..
ما عشت في دنياي لي !! عـايش ولكـن عشت " لك " !


علمتك القلب الوفي ..,ما يخذلك فيه " إنتماء " !
وعلمتني كيف العشم في من تحبه .. يخذلك !!


علمتك إن أصل الهوى يرجع لـ كلمة " إحتواء " !
وعلمتني إن الهوى , ما عاش يوم بـ داخلك !


علمتك إنِّي لك بحر [ مدَّه وجزره ] لك وفاء !
وعلمتني كيف أنصدم وأغرق أنا في ..ساحلك !


ما تستحي ,, ودامك كذا ؟ - إفعل حبيبي ما تشاء -!
توِّي عرفت إنِّي كثر ما أعْرِفِك ..كنت أجهلك !


كان قلبي بس لك و قلبك لعب دور الدهاء !
وكنت لك أقرب من أنفاسك وأقرب من هلك ؟!


ما عاد تفرق غيبتك أو رجعتك .. عندي سواء !
كنت إهتمامي ورغبتي .., والحين دوري أهملك !


لا صار قلبي لك وطن .. أبسألك وين الولاء ..؟
وشلون حال المملكه ؟ - دام الخيانه من ( ملك ) !


إن كنت جاهل ..! " لعبتك قلبي " وما فيها ذكاء
حتى الطفل إن جبت له [ لعبه ].. - ولاءهـ صار لك !


قبل أنتهي عندي - [أمر] ما هو طلب وإلا رجاء..
لا يشغلك ماضي إنتهى ..ركِّز علـى " مستقبلك " !

بارك الله فيك على الموضوع القيم والمميز
وفي إنتظار جديدك الأروع والمميز
لك مني أجمل التحيات
وكل التوفيق لك يا رب
http://forum.hwaml.com/imgcache2/hwa...531023_988.gif

وفيك ي عسل ،، تشرفت بمرورك

انتقاءِك المُميز عجز عنه الآخرين .~
دام نبض عطآءك الجميل
شُكراً مداد السماء ."

طرح رائع قلبي

ماشاء الله تبارك الرحمن

ذوق في اختيارك
وعافيه عليك وعلى الطرح الراقي
لاحرمك الله رضاه

‏لك كل
تقديري واحترامي

مجنون قصآيد

‏http://i18.servimg.com/u/f18/12/38/24/05/4afakk10.jpg