 |
منتديات قصايد ليل
(http://www.gsaidlil.com/vb/index.php)
- ..أنا لكـ شـاعرٍ يكتب وشعرهـ نقوة أفكـارهـ ..
(http://www.gsaidlil.com/vb/forumdisplay.php?f=110)
- - نديم المشاعر
(http://www.gsaidlil.com/vb/showthread.php?t=114089)
نديم المشاعر
يا هاجسي ودي ان فاحـت تقهوينـي أفهــق ضلوعك لضيفك صافي النيـه مـا فيـه غيـرك إذا ضـاقـت يسليـنـي مــا دام دلـة عـيـون الـزيــن مركـيـه فنجـالـك الـلـي تـمـده لــي ويحييـنـي مــدة مواجـيـب لـلــروح الـخــلاويـه لولا الوفـا اللي على مـا قيل حادينـي والا الهوى حالف(ن) ما جيب طاريه يا حي صوت(ن) من أعماقه يناديني مبطي وأنا اقول حي الصوت يا حيه سميته الـروح مـدري وش يسمينـي وأغـــلا الاسامي إذا جت لا شعوريـه قلبي شمال وجنـوب الشوق يدعينـي دعــوة قوانـيص لطـيـور(ن) نـداويـه المعــذرة والسمـوحـه يــا عناويـنـي عذوبة الجـرح بيـن أضــلاعـي معيـه قــم يــا نـديـم المشــاعـر لا تخليـنـي مـــا بيـن واقـع وبيـن أحـلام ورديــه خذنـي علـى ويـن مــا ودك توديـنـي وانثرنـي أشــواق بـدروب الهواويـه سجـه مــع مــورد الخــديـن تكفيـنـي وتحـــلا المشاويـر لا عنـيـت رجلـيـه يـا قسمـة العـدل مـا بينـه ومـا بينـي الله قسـم لي دروب(ن) غيـر ممشـيـه كنـه خلقنـي علـى طبـعـي وتكويـنـي لعيـونـه الـلـي تنطحـنـــي الشمـالـيـه الموت لا من زعلت وجــا يراضينـي يصيــر مثـل الشـمـوع يــذوب حنـيـه وين الخسارة أجـل لا ضاعت سنيني لا صــار حبـي كـذا صـدق وشفافـيـه مـا دام هــذا هـواك وجـاك يـا عينـي قــدام عيـنــه اسـلـم وارفـــع أيـديــه بقلمي / عيسى العنزي |
الموت لا من زعلت وجــا يراضينـي
يصيــر مثـل الشـمـوع يــذوب حنـيـه وين الخسارة أجـل لا ضاعت سنيني لا صــار حبـي كـذا صـدق وشفافـيـه مـا دام هــذا هـواك وجـاك يـا عينـي قــدام عيـنــه اسـلـم وارفـــع أيـديــه / في الأاعمماق وربي ، حرف واحساس ما شاء الله عليك ، غاية في الحِس والابداع ممتنة . :48: |
اقتباس:
صح لسانك وتسلم الايادي لك شكر بحجم السماء :smile355: |
حروف من ذهب باسلوب راقي
تميز النص بالسهوله والمعنى المميز اللذي نال الاستحسان صح بوحك على ماتم تقديمه |
اقتباس:
ناوي هلا ومرحبا بك واهلا بحضورك الكريم صح ابدانك ولاهنت ساكون بانتظار عودتك هنا تقبل احترامي |
الله الله من هنا لين يكلع الصبح
صح لسانك وقلبك ياعيسى شاااعر فحل وشااامخ في هذا النص قصيدة من اررروع ماامر علي ياااخوووك وتفننت في سردهااا وصياااعة ابياااااتهااا انا اشهد انك شاااهر فذ وجملتهااا جمل الله حاااالك |
سجه مع مورد الخدين تكفيني
وتحلى المشاوير لاعنيت رجليه انا اشهد |
سميته الـروح مـدري وش يسمينـي
وأغـــلا الاسامي إذا جت لا شعوريـه قلبي شمال وجنـوب الشوق يدعينـي دعــوة قوانـيص لطـيـور(ن) نـداويـه المعــذرة والسمـوحـه يــا عناويـنـي عذوبة الجـرح بيـن أضــلاعـي معيـه ابيات عذبة البوح ، أنيقة الحرف .. سلمت يمناك ، ودمت باذخ الحرف .. تحياتي وتقديري / |
للحرف في متصفحك وهج
وللكلمة معنى ومغني لله درك من مبدع تجيد استحواذ القلوب بجميل أسلوبك ونقاء طرحك الذي يصل إلى القلوب كنت هنا وتأملتك وتأملت روعة إحساسك وصدق مشاعرك كنت هنا وقرأت كتابك المفتوح من المشاعر الجياشه سعدت بأن اكون ممن يخربش في متصفحك ابدعت واكثر شكرآ لك امتعت القلب والبصر تقبل مروري المتواضع في متصفحك |
أبدعت بطرحك
لاعدم |
| الساعة الآن 11:36 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية