أوتــار
 

‏مساء الشعر والإحساس والأزهار و الاغصان
مساء العزف بـ أوتار القصيد ولحن تصويره


وليله جوها آسر يذوب من الوله بردان
وشاعر كل ما يكتب يفوح الورد بعبيره


كتبتك في قصيدي قلب يسكني مدى الأزمان
ولا هو ينكتب في الشعر و إلا يتم تأطيره


سألت الليل عن هذا السواد ؟! وقال لي : أحزان
سألت الصبح ما بانت سعاد ؟! وناح بي طيره


معي يا غايبة بعض الحنين اللي بدأ عتبان
يضيق الوقت بغيابك ولا فُكت ازاريره


مساء اللي سهى مدري نسى يتذكر الخلان !!
مساء البُعد و الأشواق و الأفكار و الحيره


وكان الليل من دونك بلا ورد وبلا الوان
كأنك في البُعد خذتي من أغصانه نواويره !!


وكان الشعر من دونك بلا لحن وبلا أوزان
غدت كل المعاني غير في قلبي تصاويره !!


انا هذا الكلام اللي توارى داخل الكتمان !
و انتي اللي بدون أقول كنتي كل تعابيره !!


كثيرة أمنياتي اللي تمر البال و الوجدان
انا امتى تجيني أمنية وحده على الخيره؟!


ويخنقني حنيني لك وغصه في عيوني تبان
واموت من الوله و الفقد و الاحزان و الغيره


انا يا مرهفه دونك شعور وما لقى عنوان
ولو هو أمري في يدي ما كان الفقد بي ديره


حنيني والعمر مره سنيني مدت الأغصان
أمانه لا تخليني مثل عش وفقد طيره


حسافه كيف أقول اللي بقلبي دون أي لسان
وانا والبوح ظالمني أبد ما يقدر الجيره


سؤال بخاطره يوقد من شعور الجهل نيران
يهون انه تشوفينه كذا و بيدك مصيره ؟!


وبعد هذا الغياب وقلب نادها انا ولهان
تجي للي يناديها قبل ما يموت - إكسيره


تجي مثل السحاب اللي تهل وتروي العطشان
بعد ما يبست خضر العروق تهل تبشيره


تجيني بضحكة غناء وبسمة كلها اطمئنان
وتمزح والمزح منها يموت الف تكشيره


تقول : الله لو تدري و أقول : الله سعدي حان
وتشرحي لي عن أسباب الغياب وويش تبريره


تسولف لي و استرسل وتعزف بالحكي الحان
تقل كنها تغني وكل حرف يتم تكويره


واحلق في سماها منتشي طاير بلا جنحان
وانا والله لو تدري فضاها كيف تأثيره


معاها أحس ان العمر له قيمة وله الوان
و قادر اهزم العالم و اتحدى أباطيره


سلام الله على من هي تبادلني وفاء وحنان
اصير لقلبها نزاره ولهّا مع شكسبيره


لها هيبة ملوك وقولها بين العرب سلطان
حوت في قلبها كل النقاء والطهر والخيره


بنت شيوخ و آميرة
مليحه فآتنة أفنان
مليحه فآتنة أفنان
بنت شيوخ و آميره


جمعتي الزين بصفاتك في روحك او في حسنك كان
وقلبك بالوفاء عامر أسرنا بطيبه و خيره


وانتي مرهفه وحدك وانتي مترفه ذو شان
كأنك وسط هذا الكون حُسن وصعب تفسيره


خذيتي من صفات الورد رقه في باهكِ جنان
عطيتي بكل اجزال العطاء من دون تأخيره


وفيتي والوفاء مبدأ ولو هو ذا الزمن خوان
اجي لك منكسر و أرجع بخاطر تم تجبيره


ربيع وكلها فصولك بديع وبالحلا فنان
عزفتي بكل إحساس الغلا يا حلوها سيره


معي انتي فكل أوقات ما تغيبي ولو هي ثوان
كأن بالي في كل لحظه يجدد فيك تفكيره


وقلبي الوافي الصادق ولا في يوم لحظه خان
ولا هو في غلاتك يا غلايا تم تغريره


سكنتي مملكة عرشي ولك روحي مع التجيان
وشعبك بالولاء باقي وفيك يعيد تدويره


يبيع الروح من شانك وكنها بيعة الرضوان
وسبحان الذي ولاك قلبي دون تخيره


يموت الشك وانتي اللي يقين وما عرف خذلان
وجودي انتي و آمالي وكل بوحي و اساريره


انا لي قلب لي مبدأ مشاعر تختصر بإنسان
يموت ولا يجي في يوم تتناقض معاييره


وانا في الشعر لي وادي نما في جيتك بستان
من النسرين و الجوري بنفسج تم تزهيره


أميرة عمر في قلبي وفي عيني انتي الأوطان
ونور الكون و افراحي وكل شعري وجماهيره


تنفستك وسط صدري واغني من الفرح نشوان
ويكتبني الشعر صادق و لا هو يتم تحويره


بعد ما احجمت عن حرفي خذاني صمتي للخذلان
عساه اللي انكتب يا غايتي للصمت تكفيره







لـ الـولـه .

ع ــناقيد من الجمال
تحيط بروعة الحروف
سلم حسك وبيانكـ
دمت بتميز

سلمت يمناك
طرح جميل جدا

الله يعطيك العافيه على الطرح
اللي كله ابداااااااع

حضوري شكر وتقدير لك
ولاهتمامك في مواضيعك

اخوك
نجم الجدي

‏اختيار جميل جدا
يدل على ثقافه عاليه

‏شكرا من القب
على هكذا طرح




احترامي
‏محمد الحريري

بيض الله وجهك
طرح واختيار روعه للموضوع
لاحرمك الله رضاه

‏لك كل
تقديري واحترامي


مجنون قصآيد