 |
منتديات قصايد ليل
(http://www.gsaidlil.com/vb/index.php)
- [ابكتب من قصيدي الوزن وغيرهـ من شعر منثور]
(http://www.gsaidlil.com/vb/forumdisplay.php?f=10)
- - كثر الله خير جرحك.
(http://www.gsaidlil.com/vb/showthread.php?t=43854)
كثر الله خير جرحك.
مايبيد الذكريات إلا الحسافة ومابقى لك ذكريات إلا التَّوَاني والتخاذل ، واستطالات المسافة بين نكرانك ، وبين أكسب رهاني بس : خسرته و انبرى شعري وقافه بالعتاب وناحت الورقا عشاني أذكر إنّك ذنب .. ماهبت اقترافه واذكر إنّ الذنب بالحسرة ملاني واذكر إنّك درب .. قاربت انتصافه وكنت ابوصل بسّ : خطواتي تعاني ..! كنت لاجْمل حلم : مَرساه و ضفافه .. ماترَفّقت و تركته للمواني ..! صرت اهاب الحلم و يِعْيِيني هُتافه و صرت اطيع الهم و الهمّ يْعَصَاني الخفوق اللي مغطّيك بلحافه يوم ذاك البرد معتبره اناني [ كيف يستفرد بهالبرد وجفافه وكيف تدفى انت في حضن الأماني ] ؟؟! صار بالي .. وعاف إخلاصه / و عافه أجمل أحلامه وملّته الأغاني والصباح اللي تهقويت انصرافه دون ما ذكرك يعلّم بالمَحَاني خانني واعلن مع الذكرى ائتلافه و بالأمارة : مابرَح ذكرك لساني كاااااااان قلبك .. يشتكي لي من عجافه ومن سنيني جِدْت له يومه نَخَاني ليه عاينت الغلا وشفت اختلافه : وعن مداك استكثره وقتٍ نِفَاني ؟! ليـــــــه مدّيت الجِفَا بْـ قِلّ الكلافة ؟! ليه تكسر خاطر الهقوات عاني ..! الخفوق اليوم يهديك اعترافه من بعد جرحك .. توَسّم بالتفاني قبل جرحك .. كنت مِنَّه في مَخَافه هالفراق اللي تطرّيه الثواني كثّر الله خير جرحك [ و التفافه .. حول قلبي ] واعتصامه بالمحَاني بيّض الله وجه عَبرة ، وارتجافة هزّت ضلوعي و هَبّت لاحتضاني بَعْدهم بانت بي آثار النحافة . و بعدهم آمنت إنّ الحبّ فاني عقب جَرْحِك .. مابقى شيٍ واخافه إرحل ، وبَلْقَى المَبَرّة من زماني منقول. |
طرح رائع قلبي
وننتظر جديدك وابداعك الراقي |
http://www.nsaayat.com/up/uploads/nsaayat95dac62a2c.gif دمت بألف خير كل الشكر والامتنان على طرحكـ يعطيك الف عااافيه بانتظار جديدك تحياتي |
http://jewelsuae.com/gallery/data/me...867f7dec31.gif
عوافي على روووعة متصفحكم ونقلكم المميز لكم تحياتي . |
الجمال ينبثق من هنا ومن خلال
طرحك الراقي الف شكر وبانتظار المزيد |
ربي يعطيك العافيه على الطرح الجميل
كل الشكر لك وماقصرتي احترامي وتقديري لك |
طرح رااائع وانتقاء متميز دووما
لاهنتي غاليتي ولاهان شاعرها |
| الساعة الآن 09:54 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية