ودك تشوف الذل في صورته صح؟!
 

إجرح وأنا بَبْكي على قلبي إجرح
مادام لي قلبٍ يسامَحْك في الحال

قلبٍ يسامح وانت تجرح ويَدْمح
أبكيه؟ولاّ أبكيك؟ ولاّ ابكي الحال؟

قلبٍ على ذكراك يمْسِي ويصْبَح
صَبرَه طويلٍ لكن مْعاندِك طال

قلب ٍ تركتك فيه تسرَح وتمرَح
مِحتاج..حكّمْ داخل القلب.. محتال!

لو تدري المجروح وشلون يفرح
وقَفْت له مِن دَهشتِك. وقفة إجْلال

يفرَح. فرَح. مترقّب الموت. إذا أصْبَح
وهو بظنّه تالي الليل رحّال

ولاّ فرح. خاسر تجاره. بمرْبَح
فرحة غريقٍ .ساقه الموج للجال

لاشاف وجهك باسمٍ وانت تجرح
أو شافك بجرحه مع الناس تختال

ودّك تشوف الذلّ.في صورته صحّ ؟
شف دمعة الفرقا..على خدّ رجّال

ولاّتشوف الذلّ في صوره أوضح ؟
شف بسمة المقتول. في وجه قتّال

إجرح وأنا بَبْكي على قلبي إجرح
مادام لي قلبٍ يسامَحْك في الحال
.
.
الشاعر..

منصور الخنفري

الله الله ابداع تبارك الرحمن

نص للمبدع..
منصور الخنفري

كالعادة ابداع رائع
وطرح يستحق المتابعة
شكراً لك

صح منطوقك يارامز
قصيدة توجع القلب

ودّك تشوف الذلّ.في صورته صحّ ؟
شف دمعة الفرقا..على خدّ رجّال

بيض الله وجهك على حلاوة فكرك
ياراقي

يالحب اللي عندك
رغم كل الجروووح الا بلسم على قلبك
وهذااا العاااشق الصح
وصدق من قال الحب أعمى

انااا اشهد انك بدعت فيهاااا
واستعطفت قلبي

لو تدري المجروح وشلون يفرح
وقَفْت له مِن دَهشتِك. وقفة إجْلال

يفرَح. فرَح. مترقّب الموت. إذا أصْبَح
وهو بظنّه تالي الليل رحّال


عيني عليك باردة يارامز
والنضج داخل نصك

كمية صور بديعيه ومعنى وتألق داخل النص
فصلته باجمل الحلل

صح لسانك
النص جدآ اعحبني اخي القدير