 |
منتديات قصايد ليل
(http://www.gsaidlil.com/vb/index.php)
- ..أنا لكـ شـاعرٍ يكتب وشعرهـ نقوة أفكـارهـ ..
(http://www.gsaidlil.com/vb/forumdisplay.php?f=110)
- - الشعر أكذبه أعذبه
(http://www.gsaidlil.com/vb/showthread.php?t=77224)
الشعر أكذبه أعذبه
[font="times new roman"] السلام عليكم ... مصافحة أولى تهطل من مزنة الفكر بسحائب مبرقة ، لتصافح ذوائقكم الفارهه ... . الشعر أكذبه أعذبه من لا يعرف القصيد ، ويفهم أسلوبه لا هو بشاعر ولا له في الشعر داعي ترى أكذب الشعر، كله فنّ ، وعذوبة لا صار من شاعرٍ عاشق ، وملتاعي ومعذور راعي المودة لو فرى ثوبه الحب ..! ينزل ، رفيع الشأن ، للقاعي والوصف فنيّ متى ما شفت رعبوبه تستاهل أحلى القصيد ، وزبدة إبداعي خشف المها كنها الألماس ، مصبوبة الطرف ، عن شوفها بالصد ّ ماطاعي أو كنها ، من بنات ، الحور، مجلوبة كل من نظر حسنها منه العقل ضاعي لامن تثنتّ ،، تتل الروح ، بأعجوبة ومن زفرتي بالحشا تخالف اضلاعي أصفق عليها ، بكف ، لكف مضروبة وأدق صدري وأعض بنابي إصباعي إذا حكت ..! كنها للهرج ،، مغصوبة وفي صفحة الخد ، نور ٍ يرسل شعاعي منها الحياء يحتشم ، إلى مشت صوبه يقصر لها خطوته ،، بالشبر، والباعي وكن المجامر ،، بوسط الثغر مشبوبة والثلج ، كل ماتبسّم ، فى الجمر ماعي وامجدلات ٍ ، على الأمتان ،، مذبوبه وفي لبّة الصدر ،، طلع ٍ روسه رفاعي الدانة ،، اللي عن الأعيان ،، محجوبة تخشى ، على نفسها ، من كل طمّاعي تسبى العقل ، والإرادة ، شبه مسلوبة بخيالها اللي ، إلى أقبل قمت ، مرتاعي ما بين ضلعين ،، كن الروح مسحوبة ساعة ، رمتني ، بلدّة سود ، ووساعي حب الشرف ما يعرف العيب والحوبه ما دام ، سرّه ،، من الأثنين ، ماشاعي واهروج بعض البشر ماهي بمرغوبة البيع ..! في سوقهم ، جملة ، وقطّاعي وإلا البعض هرجهم ، بألفاظ محسوبة إلى إشتروا سلعة ٍ ، ماهيب ، تنباعي وبحرالهوى ، كان به عشّاق مرّوا به فأنا ..! بوسطه غريق ،، لغاية نخاعي واللي ابتلى في الغرام ، وبانت عيوبه الله يعينه ، على الحسرة والأوجاعي كم واحد ٍ في العمر ، مانال ، مطلوبة ماحصّل ، إلا ّ الشقاء من كل الأنواعي وإن كان طرق الهوى ، للمبلي عقوبة فالله غفور ٍ ، مجيب ، لدعوة الداعي بأدعيه ،، تالي حياتي ،، يقبل التوبة عن كل زلة ، جناها الطرف وذراعي تحيتي وتقديري محمد بن عمار |
منور اخوي المنتدى
وماشاء الله على قلمك وابداعك شاعر معروف وكبير وشرف لنا انضمامك معنا |
صح لسانك
أبيات أرتسمت بالعذوبه والجزاله منتهى الذوق والأبداع شكراً لك |
واللي ابتلى في الغرام ، وبانت عيوبه
الله يعينه ، على الحسرة والأوجاعي كم واحد ٍ في العمر ، مانال ، مطلوبة ماحصّل ، إلا ّ الشقاء من كل الأنواعي اولا اهلا كبيره بالشاعر القدير ابن عمار وثانيا سبك الشعر وحبكه لايتقنه الا امثالك المتمكنين من بحوره وطرقه نص جميل جدا وتمكن من ادوات العذوبه بروعه غماميه ومتفرده شكرا من القلب لك ولحضورك الاول المتفرد لاهنت |
مااعظمك
مدري صدمه والا مفاجأه يامحمد بن عمار شاعر خبير واسمك غني عن التعريف من رأيت اسمك قلت هو والا ماهو هو وطلعت بن عمار والنعم فيك قصيده جزله وتكيف الراس صح لسانك |
اقتباس:
سيدتي القديرة / وصوف فليهنأ المتصفح برسم خطوات ٍ لتشريفه بحجم قامتك ِ الباسقه وتألق ٍ بحجم ِ شموخك ِ الأدبي الرفيع دمتي كما تحبين سيدتي الفاضلة ودي وعبير وردي |
ياهلا ومرحبا شاعرنا الجميل
محمد بن عمار اسمك غني عن التعريف وكان تعريف لشعرك قبل ان تشرع في طرح القصيدة ياهلا وغلا والد الجميع القصيدة من المطلع حتى الخاتمه كنت ممتع قوي في مفردتك رصعت النص بكل معاني اللغة وسلسل متمكن من نصك وشاعر مثلك يعرف وش يكتب والى ماذا يريد ان يصل بل اخذتنا في موج حرفك وتلاعبت بعواطفنا ولامستها بكل حرفية شاعر كيف لا وانت من قال: واللي ابتلى في الغرام ، وبانت عيوبه الله يعينه ، على الحسرة والأوجاعي كم واحد ٍ في العمر ، مانال ، مطلوبة ماحصّل ، إلا ّ الشقاء من كل الأنواعي وانا اشهد انك شاعر وفحل يامحمد وان مدحتك مابوفيك حقك لانك فوق مستوى المديح صح لسانك اخوك محمدالحريري،،عودالليل،، |
ختم التميز
وشريط التميز بالرئيسية تنبيهات تقييم اعجاب |
اهلين وعليكم السلام
صح لسانك وأعتلى شانك قصيده جزله أحترت اش انقي فيها سلم لنا بوح قلمك الملكي وسلم لنا أحساسك لاهنت يسعدك ربي |
صح لسانك شاعرنا
ونورت قصايد بطلتك قصيدة جزله بانتظار جديدك الجميل كل الود |
| الساعة الآن 01:46 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية