صفحة 1 من 2 1 2 > عرض 40 مشاركات من هذا الموضوع لكل صفحة

جنــــون 11-01-2016 11:48 PM رواية الزين عشقي / للكاتبة همسات حالمة   بسم الله الرحمن الرحيم السلام عليكم ورحمة الله وبركاته اقدم لكم الجزء الأول حوش بيت بو عادل في الضاحيه أوائل التسعينات نـاصر: عادل تعال بيتنا يايب لعبه يديده راح تعجبك حيـل عادل : هيااا يلا يلا خل نروح عيل الزيـن : ابي اروح معاكم ناصر : لا لا انتي ممنوع تدخلين بيتنا ما ابيج تيين الزيـن : ليـش؟؟ والله ترى اعلم امي ناصر : علميها (جان يقوم يدزها وطاحت على الأرض جان يضحكون الصبيان وركضوا والبنت بطتها بجي )... الزين : ماااماا ماامااا ( واهيه تركض تصرخ وتبجي حيـل تدور امها ) * الزيـن اخر العنقود ودلوعة امها وابوها عمرها 6 سنين وعليها جمال مو طبيعي عيونها واسعه كبار وشعرها أسوود كثيــف ناعم وبيـضه وتقاسيم ويهها تهبل وعليها حواجب سووده مرسومه من الله يعني باختصار البنت تزوغ القلب من صغرها ام عادل: ها يمه شفيج شفيج؟ الزيـن : يمه شوفي ناصر دزنيييي ام عادل : وي يا يمه كل مره هذي حالتج معاه بس يبجيج...عمري مالج شغل فيه ياهل الزيـن : لا يمه زفيـــه زفيـــه ام عادل : خلاص ولا يهمج الحين اكلمه وازفه بس انتي لا تبجين حبيبتي خلاص (ولمت ام عادل بنتها وتحاول تراضيها ) الزيـن : اكره ناصر اكررهه ما احببببببببه ام عادل : انزين بس هدي هدي حوش بيت بو عادل في الضاحيه أوائل التسعينات نـاصر: عادل تعال بيتنا يايب لعبه يديده راح تعجبك حيـل عادل : هيااا يلا يلا خل نروح عيل الزيـن : ابي اروح معاكم ناصر : لا لا انتي ممنوع تدخلين بيتنا ما ابيج تيين الزيـن : ليـش؟؟ والله ترى اعلم امي ناصر : علميها (جان يقوم يدزها وطاحت على الأرض جان يضحكون الصبيان وركضوا والبنت بطتها بجي )... الزين : ماااماا ماامااا ( واهيه تركض تصرخ وتبجي حيـل تدور امها ) * الزيـن اخر العنقود ودلوعة امها وابوها عمرها 6 سنين وعليها جمال مو طبيعي عيونها واسعه كبار وشعرها أسوود كثيــف ناعم وبيـضه وتقاسيم ويهها تهبل وعليها حواجب سووده مرسومه من الله يعني باختصار البنت تزوغ القلب من صغرها ام عادل: ها يمه شفيج شفيج؟ الزيـن : يمه شوفي ناصر دزنيييي ام عادل : وي يا يمه كل مره هذي حالتج معاه بس يبجيج...عمري مالج شغل فيه ياهل الزيـن : لا يمه زفيـــه زفيـــه ام عادل : خلاص ولا يهمج الحين اكلمه وازفه بس انتي لا تبجين حبيبتي خلاص (ولمت ام عادل بنتها وتحاول تراضيها ) الزيـن : اكره ناصر اكررهه ما احببببببببه ام عادل : انزين بس هدي هدي الزيـن : ما احبببببببه ( واهيه تصرخ ومعصبه وتحاول امها تهديها وتراضيها )

جنــــون 11-01-2016 11:49 PM "بعد مررو 12 سنه " الزين صارت احلى من اول بمليوون مره فيها انوثه طاغيه بكل معنى الكلمه وشعرها اسود طوويل كثيف لحد ظهرها وجذااابه وجسمها اينن وطولها حلو باختصارجمالها سااااحر الزين وامها قاعدين على طاولة الاكل يتريقون الساعه تقريبا 10:00 ...بيـتهم وايد راقي وناس حالتهم وايد زيـنه وخيرهم وايد.... الزيـن : يمه احبببببه احبببه امووت عليــه ام عادل : يمه درينا خلاص درينا انج تحبينه بس وطي صوتج لا يسمعج ابوج ولا اخوج الزيـن : شسوي يمه ودي بس امشي واقول حق العالم اني احبببببببه احبببه وااي اموت على شي اسمه ناااااااصر ( اي نعم ولد ييرانهم ناصر اللي كانت ما تواطنه بعيشة الله صارت تحبه بجنوون تحبه بكل ما فيها واهوه بعد صار يموووووت عليها...ناصر أكبر من الزيـن بسنتين يعني الحين صار عمره 20 سنه ويدرس في كلية العلوم الادرايه وبقاله سنتين ويتخرج..شاب خلوووق ويخاف ربه وصاحب نكته وروحه مرحه وجذاااااب حيـــل حنطاوي وويهه بشوش وعنده سكسوكه وجسمه حلو وعنده جتوف(كتوف) بس مو مجسم وطويـل واحلى ما فيه شعره الأسود الكثيف وضحكته اللي تاخذ العقل وغمازته اللي على خده اليمين اللي تحلي ضحكته اكثر واكثر )... الزين تقول كل كل شي حق امها واهيه اعز صديقه لها ما تخش عنها شي والحلو في امها انها على طول تاخذ وتعطي معاها وتثق في بنتها حيـل لانها واثقه من تربيتها لبنتها وفعلا الزين بنت خلوقه والكل يمدح فيها وفي أخلاقها والأم عارفه ان الحب اللي بينها وبين ناصر حب عذري برئ مو أكثر. تلفون الزين يرن...( جنـوني يتصل بك ) الزيـن : واااي حبيبي عمره طويـل ( وشالت الخط وطلعت من الصاله وراحت غرفتها ) هلا بقلبي ورووووحي ناصر : هلا والله..انزين قلنا خريجه بس مو تشوفين نفسج علينا عاد الزيـن : لا والله في بالي من اول ما قعدت من النوم اكيــد بس اعطيك فرصه تشتاقلي ناصر : أقول أقول لا ترقعين حق روحج...انا اوله عليج وانا معاااج الزيـن : اااااخ قلبي بس ما اقدر على الكلام هذا انا....شكنت تسوي؟ ناصر : والله ماكو منسدح بفراشي أفكر فيج الزيـن : انزين نصوري ودي أشوفك اطلع بره البيت شوي خخخخ ناصر: ليش تبين تشوفيني؟ الزيـن : بتذكر شكلك !!! يعني ليش ابي اشوفك مثلا؟ خخخ يالله ولهانه عليك اطلع ابي اشووفك ناصر : هههههه الحين امبجر حيل ويرضيج اوقف بالشمس يعني الزيـن : ابي اشوفك الحين يعني ابي اشووفك ولهانه عليك ابي اشووفك اطلع يلا بسرعه ناصر : انزين وانا ابي بعد اشوفج شلون يعني الحين ؟ الزيـن : لا مو شغلي يلا نصووري لا تضيع وقت بسررعه قوم البس اطلع ناصر : يبه زين زين عطيني دقايق وامري لله طالعلج...حابه اسويلج بعد show وأغنيلج بره مره وحده دام بطلعلج الزيـن : هههههههه لا بس ابيك تطلع القي نظره عليك وتدخل ناصر : حاااضررر ( بيت ناصر قبال بيت الزين على طوول ودريشة غرفتها تطل على بيت ناصر بس اهوه غرفته ما تطل على الشارع...مع ان ناصر تكانه وشخصيته قويه بس الا الزيــن ما يقدر يرفضلها اي طلبببب ) قام ناصر بسرعه فز من الفراش ودخل الحمام ( عزكم الله ) وغسل ولبس بسرعه جينز وبلوزه ولبس تكرمون انعاله وطلع من غرفته...شاف امه واخته قاعدين في الصاله ( غرفة المعيشه ) ناصر : صباح الخيــر ام ناصر : صباح النور..ها وين رايح من صباح الله خير ؟ ناصر : اممم بس بروح اييب شغله من سيارتي ناديه : انزين نصور طلعنا انا ونور اليوم عفيه ( ناديه اخت ناصر الكبيره عمرها 24 سنه بعدها مو متزوجه مع انها مملوحه وخلوقه وخريجة حقوق..ناديه شخصيتها قويه وتحب الاستقلاليه وما تحب احد يفرض عليها شي وهذا اللي خلاها ترفض كل اللي تقدمولها...نور اخت ناصر الصغيره عمرها 16 سنه وحدها كيوووت وحبوبه حيل وقريبه من اخوها ناصر وايد..ام ناصر حوالي عمرها 45 سنه يعني مو وايد كبيره واهيه انسانه راقيه ومحافظه على نفسها...اما بو ناصر فاهوه دايما رجل اعمال ودايما مشغول وعلى طول مسافر...حالتهم الماديه اكثر اكثر من زيـنه ) ناصر : امممم خلاص ولا يهمج فكروا وين تبون تروحون وقولولي..يلا دقايق الحين راجع ( الزيـن صارلها حوالي ربع ساعه واقفه عند الدريشه تنطر وتنطر ) الزيــن : اووف ويــنه شقاعد يسووي!!! شوي جان يطلع ناصر والزين فز قلبها... الزيـن : واااي كاهوو ( صار ودها تنط من الدريشه وتروحله ) ناصرواقف في حوش بيتهم بس مو قادر يطالع صوب دريشه الزين عدل لان الشمس كانت بعينه...بيت ناصر له ارتداد كبير وفي حديقه بس سور البيت مو عالي فيبين على الزين حوش البيت الزين دقت عليه الزيـن : ههههه خلاص عمري شفتك يلا الحين ادخل عشان الشمس لا تحرقك ناصر : خلاص بس يعني شبعتي من شكلي؟ الزيـن : لا والله ما شبعت بس حرام كسرت خاطري ناصر : انزين المره اليايه دورج الزيـن : اي يصير خير خخخخخ يلا بااااي قلبي انت ناصر : خخخ يلا باااي يا قلب ناصر ( ناصر خلص مهمته ورجع البيت وراحلهم الصاله ) ناديه : ها وين الشغله اللي رايح اتييبها ؟ ناصر استوعب : اي هاا ما لقيتها تصدقين ناديه : اي اها اوكي علينا هالكلام ناصر ضحك وقالها : بس عاد مالج شغل...يمه ابي اكلمج بخصوص الزين ( كل اهل ناصر كانوا يعرفون عن الزين وانهم يحبون بعض حيل من سنتين ) ام ناصر : اي يمه حبيبي قول ناصر : يمه احنا على اساس كنا متفقين ان تتخرج الزين من الثانويه واتزوجها والحين الحمدالله تخرجت وماكو شي يمنعني اني اتزوجها ام ناصر : بس والله انا اقول لو تكمل دراستك احسن وتكون نفسك وبعدين تزوجها ناصر : لا يمه وين شنو لا لا ما اتفقنا على جذي!! ما اقدر يمه ابيييها ابيييها...وبعدين اول وتالي بتزوجها ليش نماطل بالسالفه ام ناصر : وكلمت البنت بالموضوع؟ ناصر : اي يمه كلمتها اكيييد واهيه مستعيله بعد على الزواج حيل بس خايفه من شغله ام ناصر : شنو؟؟؟ ناصر: خايفه ان ابوها ما يوافق ! ام ناصر: ما يوافق!!! ليش بالله ما يوافق؟! انت شنو قاصرك؟!! اصل وفصل وولد ناس ومتربي ووسنه وتاخذ شهادتك ووتخرج ناصر : لا يمه مو جذي بس تقولي ابوها وايد يخاف عليها وان احتمال ما يرضى بنته تتزوج الا لما تتخرج من الجامعه وتاخذ شهادتها!! ووايد 4 سنين وانا ابيها اليوم قبل باجر ام ناصر : خل نتفاهم مع ابوك ونشوف شنو نسوي والله كريم ناصر : الله كريم بيت بو عادل عادل : صباح الخيــر يا احلى ام في الدنيا ام عادل : صباح النوور حبيبي يلا تعال تريق الزيـن : احم احم صباح الخير عادل : اااه انتي اهني!! تصدقين ما شفتج؟ >> يستعبط الزيــن : يا سلام ( عادل طبعا اخو الزيـن الكبير واهوه ورفيج ناصر من عمر ويدرس في كلية الاداب طويل وتقاسيم ويهه حلوه وأبيضاني ومتروس شوي ويمووت على شي اسمه بناااااات ) عادل ما عطاها ويه وكلم امه: يمه توني كلمت ناصر رايح معاه نتريق بره الزيـن اول ما سمعت ناصر فز قلبهااا الزيـن : انت ليش طلعاتك وايد مع ناصر.؟ بعرف تطلعون شتسوون؟؟ عادل : وانتي شعليــــج؟؟ نطلع نروح نيي انتي شدخلج؟ الزيــن : لا بس ماكو شي بس قاعده استفسر لان كل يوم والثاني طالع معاه ما عندك ربع غيره ؟؟ عادل : طااع هذي وانتي كل يوم والثاني مع حنان مالج رفيجات غيرها؟؟؟ انا أصلا ليش واقف اتناقش معاك!! يلا اقول باي باي الزيـن راحت غرفتها على طول ودقت على ناصر ناصر : هلاااا والله بالزيـن كله الزيـن : هلا فيك...ما قلتلي انك طاالع؟؟ ناصر : اي والله ما كنت حاط في بالي بس دق علي اخوج وقالي امش نطلع الزيــن : وين رايحين؟؟ ناصر : احتمال نروح مارينا كرسنت نتريق الزيـن : نصوري عاد لا يخربك اخوووي انا اعرف سوالفه هذا مع البنااات ويمشي ويتحرش بخلق الله...انت دير بااالك تزل عيينك مني ولا منااااك ناصر : ههههههه لا يبه انا الزين كله عندي ما افكر اروح اكلم اي وحده غيرج الزيـن : ولا حتى تحط عينك بعين اي وحده مو بس ما تكلمهمممم ناصر : خلاص امشي وعيوني بالأرض زين جذي؟ الزيــن : اي حبيبي يكون احسن بعد ناصر : والله انتي الزيـن : عسل ادري ناصر : هههههههههه احبببببببج يا جنووووني وهوااااي الزيــن : وانا اموووووت فيييييك انت نصووري انا وبسسسسس ناصر: انا كلي لج يا بعدي....اقول حياتي ابي اكلمج بموضوع بعدين بس الحين لازم اطلع حق اخوج لان قاعد يدق علي ماشي؟ الزيــن : خلاص حبيبي اوكي ودير بالك على روحك ناصر : ولا يهمج يا قلبي بااي الزيـن : باي حبيبـي شوي جان تدق حنان رفيجتها الزين : اهلا اهلاا حنان : اهلا فييج والله...ها داقه عليج بقولج شتبين نسوي اليووم؟ الزين : وبعدين معاج كل يوم لازم نطلع؟ حنان : بعد معطلين وما عندنا شي..امشي امشي خل نطلع نروح السوق الزين : انتي عارفه نصوري ما يحب اني اطلع كل يوم..شرايج اتيين بيتنا؟؟ حنان: لاااا عااد زينوو خل نطلع فيني طلعه خل نطلع الزين : شوفي تعالي عندي بالأول نقعد شوي واذا كلش كلش زهقنا اكلم نصور ونشوف اذا يرضى اطلع او لا حنان : اوف منج انزيين ( حنان رفيجة الزين حييل حيييل من ايام الثانويه وكل شي يقولونه حق بعض..حنان برونزيه ولون شعرها بني يعني شكلها لاتيني حيل بس وايد حلووه وجذاابه وجسمها حلو وروحها حلوه وطيوبه) حنان : السلام خالتي شلوونج؟؟ ام عادل : هلا حنونه حبيبتي شلونج؟ حنان : الحمدالله بخير..خالتي زيونه فوق صح ؟ ام عادل : اي حبيبتي صعديلها اهيه بغرفتها راحت فوق حنان وطقت باب غرفتها والزين افتحتلها الباب الزين : حنووووون (وباستها ولمتها حييل) حنان : يه يه شالحب كله..شالمناسبه؟ الزين : واااي حنوون حدي طاايره من الفرحه مستااانسه حنان : دوووم يارب...انزين شنو صار قوليلي الزين : اخيـــرا تخرجت من الثانويه وناصر يقدر يخطبني من ابوووي واااي مو مصدقه ناااصر يصيير ريلييي حنان: والله تكونين احلى عرووس بالدنيا..بس زيون يعني عندج امل راح يوافق؟ الزين : مادري مرعوبه حدي خايفه انه ما يواافق بس بحاول اكلمه بالموضوع وان شاء الله يواافق لازم يواافق امووت لو ما يواافق..خلاص ابيي ناااصر ما عاد اقدر اتحمللللل حنان: انزين انزين مع ويهج ليش قاعده تصارخين علي!!خلاص يوافق ان شاء الله يوافق ( ابو عادل شخصيته وااايد قوييه ومثقف حيـل وماخذ دكتوراه في الاداره وله منصب كبير حيل في شركه معروفه بالكويت)... مارينا كرسنت عادل شاف وحده حلوه مرت وقام يغني: ما اروعك أعجب وأغرب من الخيااال ملكتي كل سحر الجماال ناصر: انت وبعدين معاك؟ والله لك خلق من صباح الله خير عادل : انت اشتبي طق في بالي اغني وغنييت فيها شي!! ناصر: لا يبه خلاص ماااا فيها شي انزيين...متخيل عادل بقالنا سنه ونتخرج خلاص عادل : اي والله الأيام تركض يا خوي ناصر: ما ودك تتزوج وتستقر؟ عادل: هههههاااااااي ضحكتني...انا اتزوج؟ شايفني ويه زواج انا؟ لا يبه تو النااس على الزوااج (دق تلفون عادل...مريم الطويله تتصل بك)...عادل من كثر البنات اللي يكلمهم كان يخربط بينهم فيكتب شغله معينه تخص البنت عشان يتذكرها عادل: هلا برووحي وحبي الأول والأخير ناصر: وليييييين الحين هذا متى يخلص؟ (قام دز مسج حق الزين) "ياريــتج انتي معااي بدال هالشي اللي مجابله,,,حبيبتي ولهااان عليــــج حيـــل" البنات صارلهم حوالي ساعتين قاعدين بالغرفه يسولفون ويطالعون تلفزيون حنان: يلا عاد زيون زهقت خل نطلللع الزين: اممم وين تبين نروح؟ (وصل المسج حق الزين وفز قلبها وقامت انقزت من فراشها بتروح اتييب موبايلها على التسريحه) حنان : شوي شوي على نفسج ما راح يطير المسج الزين : اوش جب المسج من نصوووري (وقرته وضحكت وكتبتله: وي بعد قلبي مسكين حراام بس تستاااهل محد قالك اطلع معاااه تحمل عاد ومثل ما وصيتك هااا...نصوري عادي اطلع مع حنون نروح السوق؟) (وصل المسج حق ناصر واستانس وافتحه على طول وقرا المسج وضحك بس ما اعجبه ان تبي تطلع قام دزلها: زيونه حبيبي بس عاد طلعتي وايد هالأيام قعدي بالبيت شوي اوكي قلبي؟) الزين : حنون سألته اذا يصير نطلع مو راضي حنان : اوووف هذا جذي قبل الزواج وبعدين شلون الزين : بس كيفه نصوري يحقله يتحكم فيني مثل ما يبي المارينا كريسنت ناصر: خل نروح نحدق ما ودك؟ عادل : اي والله خل نشوفلنا يوم نكلم الربع ونروح ( من بعيد ياي واحد صوب طاولتهم) عادل : هلاااااااا بالغالي شلوونك؟؟ عبدالرحمن: هلا فيك والله بخير شلونك انت؟ عادل: حياك حياك عبود وهذا رفيجي ناصر عبدالرحمن: هلا والله ( وسلم على الأثنين وقعد معاهم جنه ما صدق) (عبدالرحمن رفيج عادل بالاداب طويل بس اقصر من ناصر وعادل ومجسم وحليوي وهاااادي و خوش واحد) عادل : شالصدفه الحلوه شيايبك المارينا؟ عبدالرحمن : والله ماكو فاضي ما عندي شي قلت خل ايي اتمشى على البحر شوي...وانت شلوك وشلون الأهل؟ عادل : والله ماشي الحال كلهم بخير عبدالرحمن : وشلون الزين تخرجت صح؟ (اهني ناصر فجأه قلب ويهه وتنرفز ليش قاعد يسأل عنها اهيه بالذات والغيره كلت قلبه) عادل : اي والله تخرجت الحمدالله عبدالرحمن : اي كليه ناويه تقدم؟ ( اهني عصببببب اكثر ناصر ويبي يعرف ليييييش ليييش وايد هامه جذي وقاعد يسأل عليها!!) عادل : والله ناويه ان شاء الله تدخل علوم اداريه..ليش تسأل؟ عبدالرحمن: هااا اممم لا ماكو بس لان اختي هذي اخر سنه لها بالثانويه ومحتاره لما تتخرج اي كليه تدخل ( رد عبدالرحمن ما دش عقل ناصر وتنرفز جان يقوم من مكانه) عادل : ها وين رايح؟ ناصر : اترخص انا يا جماعه تذكرت اني مواعد خواتي اليوم عادل : لا شنو وين ماشي؟ شفيك نسيت انا ياي معاك؟! ( ناصر تذكر كان ناسي) عبدالرحمن : اشدعوه يبه انا أوصلك بعدين ناصر : متأكد؟ اخاف وراك شي عبدالرحمن: لا يا خوي ما وراي شي ترخص انت لا تحاتي ناصر : يلا تسلم ما قصرت فمان الله ( ومشى ناصر وعلى طول دق على الزين ) ..بأي وقت يرن تلفونها وتسمع الرنه المخصوص اللي حاطتها حق ناصر اغنية محمد المسباح يفز قلبهااا يفوق الوصف حبي لك يفوق الوصف... يفوق الوصف شووقي لك يفوق الوصف... يا فارق حيل عن غيرك..سطى في قلبي تأثيرك... وكل ما جيت أعبر لك...تغلبني تعابيرك الزين : هلا والله بدنيتي كلهااا ناصر : هلا فيج يا عمري...ها شتسوين؟ الزين : والله ماكو قاعده مع حنون وحاسيين بملل ناصر : اي عادي ولا تطلعين..اقول زيونتي حبيبتي بسألج؟ الزين : اسأل قلبي اللي تبيه ناصر: تعرفين واحد اسمه عبدالرحمن من ربع اخوج؟ الزيـن : اي اعرفه شايفته اكثر من مره ناصر اهني انفعل: شنووو؟؟ شنو شايفته اكثر من مره؟؟ متى؟؟ وييين؟؟ الزيـن : نصور حبيبي هدي شفيك عصبت!! صادفته جم مره بره بيتنا لما ايي حق اخوي ومره بالأفنيوز لما كنت طالعه مع اخوي بس عمري ما كلمته ناصر : انزين انزين خلاص يلا مع السلامه الزيـن : لحظه لحظه نصور شفيك؟؟ شصاار الحين؟ ليش تسأل؟ ناصر : بس عمري ماكو شي خلاص الزيـن ( بدلع) : يعني حبيبي مو زعلان مني بشغله؟ ناصر : لا يا عمري وانا استرجي ازعل منج! الزين : عيل قول انك تحبني ناصر : احبـــــج الزيـن : وبعد؟ ناصر : امووووت عليـــــــج اعشقج حد الجنوووون متيم فييييج الزيـن : بس بس خلاص لا تكثر استحييييي ناصر : امووت على اللي يستحي انا الزيـن : يالله حبيبي راد البيت؟ ناصر : اي انا بالسياره راد البيت واخوج ظل بالمارينا ومواعد خواتي اطلعهم اليوم الزيــن: وييييييين ؟ ناصر : يبه قلنالج خواتي ما قلنالج احد ثاني الزين (بدلع) : ابي انا اللي بس اطلع معاااك ما يصير جذي ناصر: بعد عمررري والله وانا ما ابي اطلع الا معااااج الزيـن : يلا بس صكر ما احبك تتكلم وتسوق ديري بالك بالطريج ناصر : يلا قلبي انتي احبببببج...بــــاي (بعد 10 دقايق طلت الزين من الدريشه تشوفه اذا وصل او لا جان تشوف سياره جاكوار حمرا صافطه بره ) الزين : لااااااا هذي شيااااابها الحييييين اووووف خل الحق ادق على نصوو ر حنان : واي شفيج تصروعتي شصاار؟؟ منو اللي شيابها؟؟ الزين : صبري صبري...الو نصور حبيبي لا ترجع البيت ناصر: ليش ما ارجع؟! توج تقوليلي ارجع البيت؟! الزيـن بعصبيه : بس ناصر لا ترجع شوفلك مكان ثاني او رد حق اخووي ناصر : حبيبتي شفيج؟؟ شصاار؟! ليش؟ الزين : بـــــــــــــس ناصر : لا اشكره في شي!!! أصلا انا اقل من 5 دقايق واووصل!! الزيــن : اووووووف

جنــــون 11-01-2016 11:49 PM الجزء الثــاني ناصر وصل البيـت وعرف ليش قالتله الزين لا يرجع وضحك ناصر : اهاااا انزيــن عشان يعني بنت خالتي جنان ببيتنا الزيـن : اي بس ما ابيــك تشوفها وتشوفك وانت تعرف ان هالبنت ما ابلعهااا ناصر : حرام عليج شسوتلج اهيه الزيـن : بس ما ارتااحلهااا!! نصور حبيبي خلاص يعني لازم تدخل البيت الحين!! ناصر: خلاص عاد زيون ما تثقين فيني انتي!! اشدعوه يعني شبيصير الزين : اووف خلاص بس لا تاخذ تعطي وياها وتعطيها ويه وايد ناصر : زين يبه زين يلا حبيبتي بااي الزيـن بحزن : بـــاي بيت بو ناصر ناصر: السلام عليــكم ردوا اللي قاعدين عليه وكانوا ناديه ونور وجنان,,,,وجناان شكلها كان جنه ماا صدقت انها تشوفه نور: هلا والله بأخووي حبيبي شلوونك؟؟ ناصر : بخيـر الحمدالله دامكم بخير...حياالله جنان جنان ( بحيا ) : الله يحيـك ( جنان عمرها 19 سنه تدرس في الجامعه الأمريكيه معجبه بناصر ولد خالتها من زمان وعلى طول تحاول تلفت انتباهه بس اهوه يعتبرها حالها حال اخته...جنان حنطاويه وشعرها أسود كاريه وحلوه وقصيره شوي فتحب تلبس الكعوب العاليه دايما) ناصر : يلا عن اذنكم يا جماعه نور : تعال تعال وين رايح ناصر : ليش شنو فيه خير؟ نور: اختي قالت ان على اساس بتطلعنا تغدينا بره اليوم !! ناصر : اي صح انا قلت هالكلام بس والله توني ماكل ودايخ وبنام شوي ميخالف مره ثانيه نور :انت كله دايخ!! لا لا ما يصير ترجع بكلامك ناديه : خلاص نور ميخالف الريال تعبان نور : اووف انزين ناصر : يلا عن اذنكم ..وصعد غرفته واخذ شاور وبعدين طلع لقى مسج من الزين ( ها حبيبي شقاعد تسوي؟ ) ورد عليها: اخذت شاور والحين يا قلبي بنام شوي احسني دايخ وارتاحت الزين من المسج وناصر نام الساعه 6 المغرب قعد ناصر من النوم وغسل وبدل اهدومه وطلع من غرفته وشاف امه بالصاله ناصر : ها يمه شلونج؟ ام ناصر: هلا فيك عمري صح النوم ناصر: والله نمت وايد ما حسيت بروحي...يمه الوالد مو في البيت؟ ام ناصر : اي يمه في البيت قاعد في مكتبه ناصر : وما كلمتيه على الموضوع؟ ام ناصر : لا بعد قلت انا ووياك نروح نكلمه...امش الحين نروحله طقوا عليه الباب وكان في رد " تفضل" ( ابوه وايد شديد وريال جاد ويحب الهدوووء والانتظااام ) ناصر : قوه يبه شلونك؟ ( وراحله وباس راسه ) بو ناصر: هلا فيكم...انا مشغول الحين خير في شي؟ ام ناصر : يا بو ناصر بغينا نكلمك بموضوع بخصوص ناصر بو ناصر : خير شنو في؟ ام ناصر: انت عارف ان ولدنا ناصر كبر واسم الله عليه باقيله جم سنه ويتخرج وحاب يكمل نص دينه ويتزوج الزين بو ناصر: شنو يتزوج؟! خل يكمل تعليمه ويتخرج ويكون نفسه بالأول!! ولا ناوي نصرف عليه وعلى زوجته!! ناصر حس باحراج من كلام ابوه ناصر : يبه انا البنت احبها وتحبني من زمان لي متى نظل جذي من غير زواج!! واذا على سالفة مصاريفنا لا تحاتي انا مستعد اشتغل وادرس بنفس الوقت... بو ناصر: لا طبعا انا ما ابيك تشتغل وتتزوج عشان تهمل دراستك اخر شي!! خلاص عطوني مهله افكر بالموضوع ناصر : يبه طلبتك...( وابوه ما عطاه فرصه يكمل) بو ناصر: قلتلك بفكر بالموضوع خلاص وطلع ناصر وامه من المكتب ام ناصر : يمه حبيبي انا اعرف ابوك يعاند بالموضوع اول شي وبروحه راح يطيخ وتعرفه صج شديد وجاف بس صدقني طيب..عسى خير ناصر : خير ان شاء الله راح غرفته وقعد يفكر ويفكر ان اهوه مواعد الزين ان يخطبها اول ما تتخرج من الثانويه وقعد يفكر ويحاتي ومتخوف من قرار ابوه ( ناصر وايد وايد يحترم ابوه وما يقدر يرفضله طلب وابوه انسان عصامي كون حياته وتعب لحد ما وصل للمراكز اللي وصلها من غير ما يعتمد على احد ) دقت نور على ناصر الباب نور : ناصر ممكن ادخل؟ ناصر :اي تعالي نور حياج نور : يلا ناصر بتصير الساعه 7 خل نطلع نغير جو عفيييه ضايق خلقي ناصر : مع ان حاس بدوخه بس يلا امشي وقولي حق اختج نور : هيـــــــااااااا ولبسوا وناصر دز مسج حق الزين قالها ان بيطلع مع خواته الزيـن ردت عليه : انزين عمري دير بالك على رووحك وطمني عليك لما ترجع أحبـــك بيت بو عادل الزين بروحها في غرفتها وحنان راحت بيتهم من فتره و قاعده تطل من الدريشه ناطره تشوفه واهوه طالع طلع ناصر مع خواتي وكان مغتر هالمره وشكله حيـــل انيـق ومرتب وحلو الزين شافته وخقت عليه ودزتله مسج: يمه ينني بنسفة غترته ناصر طل على دريشتها وبينت عليه شوي وضحكلها وراحوا تعشوا بره وارجعوا حوالي 10:30 بليل ولما دخل البيت لقى ابوه قاعد بالصاله الرئيسه تحت ودخلوا كلهم وسلموا عليه وبيمشون بو ناصر : ناصر تعال ابيك شوي ناصر تصروع : خير يبه امرني بو ناصر : انا موافق وقول حق امك تعطي خبر حق الناس ان نروحلهم السبت الياي ناصر : صجججج يبه ( وشق حلجه وكان وده يركض يلمه ويبوسه) بو ناصر : شفيك مو على بعضك اثقل شوي ناصر : اسف يبه مشكور ما قصرت وحب راسه ومشى واهوه طاير من الفرحه وعلى طووول رااح حق امه ناصر : يمممه يمـــه سمعتي الخبرر ام ناصر : خير خير شنو في قول؟؟ ناصر : ولدج راح يعررررس وانتي عطي خبر حق الناس نروحلهم السبت الياي ام ناصر( فرحت حيــل حق ولدها ولمته ولا شعوريا عيونها دمعت واهيه تشوف ولدها فرحاان ويتراقص بالبيت ويغني ) ام ناصر تضحك عليه : بس عاد اثقل شوي ناصر : مو قادر مو مصدق اخيــرا ان شاء الله الزين بتكووون لي. وراح غرفته وعلى طوووول دق على حبيبته الزيـن : هلا عمري رجعت؟ ناصر: الزيـــــــــن قلبي عندي لج خبر بمليوون دينار الزين : قول بسرعه شنو الخبر؟؟ ناصر : تقولين شنو؟ الزيـن : بس عاااااد نصور قول حرقت اعصاااابي ناصر : انزين انزين....زيون بعد أسبوع بتقدملــج الزيـن سكتت نست كل الكلام مو عارفه شتقول ناصر : حبيبتي شفيـج؟! اقولج ياي اتقدملج بعد يومين!! ويــنج؟؟ لا يكون مو موافقه؟! الزيـن : اي مو موافقه!! شنو مو موافقه؟! موافقه ونص وثلاث ترباع ناصر : بس عاد ثقلي شوي الزيـن تضحك : بعد عمري احبـــك وايــد امووت عليك ناصر : وانا اموت عليج يا رووحي رااحت ركض الزيـن على امها تقولها الخبررر وحدها مستانسه والام فرحانه من فرحة بنتها الزيـن : يمه تتوقعين ابوي راح يوافق؟ ام عادل : ان شاء الله يوافق ونحاول كثر ما نقدر نخليه يوافق وخليه علي الزيـن : الله يســــــمع منـــــــج صارت الساعه 11 جان يدق ناصر على عادل ناصر : وينك فيه يا خوي؟ عادل : هلا بالحبيب والله قاعد بالدوانيه مع الربع ناصر : يايلك عيل انا الحين عادل : حياك الله انت تييني بأي وقت ناصر قرر ان يبلغ اخوها بالأول ويستأذنه لان رفيجه من عمر ولازم يكون اول من يعرف عادل : هلا والله حياك حياك ناصر : الله يحييك وسلم عليه وقاله : شوي عادل ابيك بس بكلمه بيني وبينك عادل : اي اي تعال امش بره عيل ( طلعوا بره الدوانيه ) خير شنو في؟ ناصر : عادل انت تعرفني من عمر وتعرف انا من اكون وكل شي عني عادل : اي اكيد ناصر : انا حاب اخطب اختك الزيـن عادل : اختي!!!! ناصر : اي والله انا معجب فيها وبأخلاقها وكافي ان اختك عادل : انت والنعم فيك وهذي الساعه المباركه وبالعكس ما راح تلقى واحد مثلك وانا ما راح القى نسيب احسن منك وخذاه بالأحضان ونااصر ارتاااح ان اخوها موافق....يلا امش امش داخل ناصر : لا والله اخوي تعبان وحاس بدوخه شوي بروح انام عادل : يا اخي تعال اقعد شوي ناصر : يلا عشانك بس ( ودخلوا ) بعدين ناصر رجع البيت و ظل طول الليل يفكر ومو قادر ينام من الفرحه والزين نفس الشي مو قادره تنام وتفكر ومستاانسه بس تحاتي ابوها شنو بيقول..وأخيرا ناموا الأثنين ثاني يوم الصبح ام عادل وبو عادل كانوا قاعدين بالصاله ام عادل : يا بو عادل ابي اقولك خبر بيفرحك ان شاء الله بو عادل نزل الجريده : قولي شنو في ؟ ام عادل : بنتك الزيـن يايين يخطبونها السبت الياي بو عادل : يخطبونها ؟! منو اللي ياي يخطبها ؟ ام عادل : ولد ييرانا ناصر تعرفه بو عادل : اي اعرفه وخوش ولد بس لا انا مو موافق ام عادل : ليش يا بو عادل مو موافق؟ البنت صارت بعمر زواج! بو عادل : شنو عمر زواج!! زيونه الصغيرونه حبيبتي توها متخرجه من الثانويه!! لا لا انا مو موافق ( بو عادل على كثر ما شخصيته قويه حيـل لكن حنووون على بنته بالذات ووايد يخاف عليها ويدلعها اخر دلع واييبلها كل اللي بخاطرها فيه واذا كان تعبان او متضايق اول وحده يفكر يقعد معاها اهيه بنته لان ببرائتها تنسيه كل همومه) ام عادل : بس لازم ناخذ رايي البنت ومن حقها تقرر وتشوف اللي يناسبها بو عادل : لا هذي ياهل وما تعرف وين مصلحتها ام عادل : بو عادل الناس يايين وكلموني وقلتلهم حياهم الله ويايين السبت الياي وعلى الأقل استقبلهم واخذ واعطي معاهم ما يصير نرفض جذي على طول بو عادل قام بعصبيه : قلتلج مو موااافق يعني موو مواافق الزيـن كانت نازله واسمعت الحديث اللي دار بينهم اخر شي ونغزها قلبها لما اسمعت ابوها يصرخ انه مو موافق وعيونها دمعت..ومسحت دموعها وراحت حق امها ام عادل : الزيـن الزيـن : يمه سمعته شقال..( وبطتها بجي ) يمه ما يصير لازم يعرف اني احبه وما أقدر اعيش من دونه ام عادل : لا شفيج انتي ينيتي لو بيعرف ان كان بينكم شي يذبحج...قلتلج خليه علي الزيـن : يمه انزين ابوي عمره ما رفضلي طلب لو اكلمه يمكن يوافق ام عادل : بصبر عليه يهدى شوي واكلمه بعد شوي جان يدخل عادل ومسحت دموعها بسرعه الزين وما خلته يشوف وييها ومشت. عادل : شفيها بنتج اول ما ييت مشت؟! ام عادل : بقولك شي حبيبي عادل : قولي ام عادل : رفيجك ناصر يبي يتقدم حق اختك عادل : اي ادري كلمني امس بليل وكنت بقولج بس رديت لقيتج نايمه وناصر رفيجي من عمر واعرفه زين وخوش ولد ما تلقى احسن منه... ليش يعني زين قالت انها ما تبي تتزوج؟ ام عادل : لا البنت ما قالت شي وبالعكس قالت خل نعطيهم فرصه اييون بس المشكله ابوك مو موافق عادل : ليش مو موافق؟ ام عادل : يقول انها صغيره على الزواج ولازم تكمل تعليمها عادل : انا اروح اكلمه الحين الزين منسدحه على فراشها وتبجي وماسكه صورة ناصر وحاضنتها شوي ولا يدق ناصر بس ما تبي تشيله كاانت متضااايقه حيـــل وتبجي وما تدري شتقوله... عادل راح يكلم ابوه عادل : يبه ابي اكلمك بموضوع شوي بو عادل : اذا على طاري زواج اختك لا تتعبون روحكم عادل : يبه البنت ماهي صغيره وانا اعرف الولد واهوه رفيجي وريال خلووق ويخاف ربه وما راح تلقى احسن منه بو عادل بعصبيه : انا قلت زواج الحين لا يعني لا وصار نقاش حاد بين عادل وابوه استمر فتره واخر شي طلع عادل من البيت معصب رجع تلفون الزين يدق ( جنوني يتصل بك) وما قدرت تمسك نفسها ما تشيله وشالته الزيـن : هلا عمري ناصر : ها شفيج حبيبتي دقيت عليج 3 مرات ما شليته؟ الزيـن : سوري قلبي ما كنت عند التلفون...شلونك حبيبي؟ ولهااانه عليييك وااايد ناصر : وانا اكثرر يا عمري بشكل مااا تتصورييين ابيييج ابييج الحييين الزيـن ( وتحس قلبها قاعد يعتصر) : حبيبي بس عاد صبرت كل هالمده ما تقدر تصبر بعد؟ ناصر : لا شنو وين اصبر بعد؟ لا لا ما اقدر خلاص ترى شوفي لو ما تصيرين مرتي بأقرب وقت بتكون نهاية علاقتنا( يقولها على ضحك) الزيـن : خلاص عيل انا بنهيها قبل ما انت تنهيها زيييين ناصر : لا لا لحظه لحظه وطنيه اقصد زين خخخخ الزيـن : مليييييييق ناصر : اي ادري من زمان الله يعينج علي,,,,يبه شفيج قاعد أضحك معااج توه.. انا ما يبعدني عنج الا الموووت الزيـن : وااي اسم الله عليك قلبي ان شاء الله يومي قبل يومك ناصر : لاا تفااولين على روووحج ترى الحين احمق عليج سحبيــها الزيـن : لا ما اسحبهاا لوو شنووو؟؟ انت من صجك؟ لو انت مو في الدنيا انا شبي فييهاا!! امووت أذبح روووحي ناصر : بس بس اسم الله عليج شنو هالكلام لا تقولين جذي فال الله ولا فالج الزيـن : حبي وقلبي وعمري انت ناصر: يا بعــدي ...أحبــج الزين : مو أكثررر منيييي ناصر : باي عمري وصكوا الخط وانزلت تحت تشوف الأوضاع وشافت امها قاعده بالصاله تبجي الزيـن : يمه شفيــج تبجيـن شنو في؟ ام عادل : اخوج وابوج تهاوشوا واخوج طلع معصب وادق عليه جهازه مغلق الزيـن : لا يكون بسببي؟ ام عادل : اي كان عن موضوعج وكان يحاول يقنع ابوج وقامت الزيـن بسرعه وعلى طول راحت حق ابوها ام عادل : تعالي وين رايحه تعالي الزيـن طقت الباب على غرفة ابوها ودخلت الزيـن : يبــه بو عادل : هلا قلبي تعالي تعالي...شفيج حبيبتي عيونج محومره جذي؟ الزيـن لمته حيـــل وقاعده تبجي وتقوله :يبه ما ابيك انت واخوي تتخانقون بسببي بو عادل : لا حبيبتي عادي يصير هالشي بكل بيت...تعالي تعالي قعدي معاي صارلي يومين منشغل ما قعدت معاج وقعدوا على القفنه ( الكنبه ) وحاطه راسه على صدره بو عادل : يلا سولفيلي عنج وقوليلي شلون العطله معاج ؟ الزيـن : عادي يبه ماكو ملل...يبه بغيت اكلمك بو عادل : خير حبيبتي قولي الزيـن : يبه انت ما تبيني اتزوج عشان خايف لا تفقدني؟ بو عادل : رجعنا حق هالموضوع!!! يبه بعدج صغيره تو الناس لاحقه على الزواج الزيـن : يبه انت بتظل ابوي وتاج راسي ودنيتي كلها وتأكد انت اكثر انسان راح افقده اذا تركت البيت ويحز بقلبي ان ممكن اروح بيوم واخليك بس صدقني عمرك ما راح تخسرني بو عادل : لا انا قلتلج انتي صغيره ولا يعني لاا الزيـن دمعت عيونها : يبه بو عادل : قلتلج لا...وشاف عيون بنته تغورقت دموع واهني نغز قلبه وما يتحمل يشووف بنته الصغيره تبجي ما تحمل ولا شعوريا ادمعت عيونه وحضنها حيــــــل والزيـن مو مصدقه ابوي يبجي علي... ابوي اللي عمره ما هزه شي قاعد يبجي عشاني الزيـن واهيه تبجي : يبه أحبك الله لا يحرمني منك يو عادل ساكت ما يدري شيقول وخانقته العبره يشوف بنته بهالطريقه واهو حاس ان بنته تبي الزاوج يتم وتبي هالانسان ومو عارف شلون يجبر بخاطرها واهوه اللي عمره ما رفضلها طلب بو عادل : زيونه يبه الزيـن : عيون زيونه بو عادل : انتي شكلج تبين الريال صح؟ لا تتقصين علي الزيـن سكتت بو عادل : قوليلي حبيبتي لا تخافين الزين : اي يبه بو عادل : حبيبتي خليني افكر بالموضوع هاليومين انزين الزيـن : اللي تشوفه يبه وباست ايده وراسه وحضنته حيـل وطلعت بيت بو ناصر يوم الثلاثا الساعه 7 الصبح قام من النوم ناصر ومعرررق حيـــل وحاس انه تعباان وجسمه كله يعوره ويحس بصعوبة تنفس ويحس وقام يصرخ ينادي امه ناصر يصرخ : يمــه يمــــــه ناديه اسمعته وياته على طول : شفيـــك ناااصر شفيــــك؟ ؟ ناصر : تعباان تعبااان حران مو قادر اتنفس ناديه : يمه يمممه يات ام ناصر ونور وحتى ابوه قام من النوم مفزوع ام ناصر : يمه ولدي شفيه ولدي ؟؟ بو ناصر : بسرعه نور دقي على الاسعاف نور راحت ركض وايدها ترجف وتحاول تدق على الاسعاف وتبجي بجي بعد ربع ساعه يات الاسعاف وخذوا ناصر المستشفى بس ما حسوا في بيت بو عادل على الاسعاف لان صفارة الانذار ما كانت شغاله والوقت كان الصبح امبجر حيــل ووصلوا المستشفى ودخلوا ناصر العنايه وسووا الفحوصات الازمه عشان يعرفون شفيه ومرت ساعات وكلهم بالمستشفى قاعدين ينطرون بالاستراحه وام ناصر تبجي وناديه تخفف عليها ونور بصدمه وابوه قاعد بزاويه بعيده عنهم بعد 3 ساعات قاعدين بالمستشفى بس ينطرون ويسألون ويبون اي احد يعطيهم خبر عن ولدهم شفيه الدكتور عبدالمحسن : السلام عليكم..انتو اهل ناصر فيصل... ام ناصر : اي اي نعم ولدنا تقدرون تتفضلون الحين عند ناصر والحمدلله حالته مستقره واحسن من اول وراحوا ركض حق غرفة ولدهم وشافوا حالته كان شكله تعباان حيــل ولونه بااهت ام ناصر : يمه ولدي حبيبي وحضنته حيــل وتبجي ناصر : شفيج يمه منو مات؟ شوي شوي ام ناصر : اسم الله عليك يا قلبي انت ما تشوف شر وقاعده تقرا عليه المعوذات وايات قرانيه وكلهم سلموا عليه وقعدوا عنده والدكتور أشر من بعيد حق بو ناصر ان يبيه بره وطلع بو ناصر وراحله الدكتور : ممكن تتفضل عندي بو ناصر شوي بالمكتب بو ناصر : اي تفضل وراحوا المكتب ودخلوا قعدوا بو ناصر : خير شفيه ولدي؟ الدكتور : انا راح اكون صريح معاك واقولك كل شي بو ناصر بتوتر : اي تكلم دكتور ولدي شفيه؟ بو ناصر انصدم لما قاله الدكتور ولده شفيــه وسكت مصدوم وخانقته العبره تم الجزء الثــاني

جنــــون 11-01-2016 11:49 PM الجــزء الثــالـث بو ناصر بتوتر : اي تكلم دكتور ولدي شفيه؟ الدكتور : شوف يابو ناصر من أعراض ولدك اللي اهيه الدوخه الدايمه والحراره الشديده,,, وبعد الفحوصات الأوليه والأشعه اللي سويناها.. بو ناصر: اي دكتور شفيه قولي الدكتور: يا بو ناصر ولدك عنده لوكيــميا ( سرطان الدم) بو ناصر حاشته صدمه وقلبه كان يدق وحس بخوف عمره ما حسه بحياته الدكتور : تعرف شنو لوكيميا اخ بو ناصر؟ بو ناصر : اي اكيد اعرف بس شلوون؟!!!!!! متى ياله هالمرض ؟؟!!!! الدكتور : عندكم احد من الأهل فيه سرطان الدم الحين او قبل؟ بو ناصر : على حد علمي لا الدكتور : وايد أسباب وعوامل ممكن تؤدي لمرض السرطان بس اهم شي ان الحين شلون نعالجه وسرطان الدم يحتاج العلاج الفووري لان ينتشر بسرعه لكن يبيلنا بعد فحوصات عشان نعرف شنو نوع السرطان الدم اللي عنده بو ناصر : دكتور انصحني شسوي؟؟ اخذه بره يتعلاج احسن الدكتور : بيني وبينك اكيد يفضل العلاج بالخارج لان سرطان الدم من اخطر انواع مرض السرطان ويحتاج علاج مثكف ومطور حيـل مو متوفر بالديره..وطبعا لازم نعرف شنو نوع السرطان الدم اللي عنده و ان شاء الله راح نعرف هالشي بعد فحوصات واشعه اكثر بو ناصر : اي خلاص باخذه يتعالج بره ان شاء الله الدكتور :وأنا وصيك على مستشفيات ممتازه موجوده في المانيا توفر العلاج حق هالمرض بو ناصر : يعطيك العافيه...انزين دكتور ولدي يعرف باللي فيه؟ الدكتور : لا بعد ما خبرته قلت اقولك بالأول وانطر حالته تستقر اكثر بو ناصر : انا ابي اكون موجود بس تقوله الدكتور : اي اكيد بو ناصر..ولا يهمك وقاموا وطلعوا بره وبو ناصر حايشته صدمه باللي قاعد يصير ومو مستوعب وماشيين رايحين غرفة ناصر في غرفة ناصر بالمستشفى ناصر : لحد يقول حق الزيـن اني بالمستشفى نور : بس اكيد بتسألنا عنك...شنقولها؟؟ ناصر : انا اكلمها واقولها اي شي بس لازم ما تعرف ناديه : انزين بس مفروض تعرف شفيك ناصر : لا انا اعرفها زيـن ماا تتحمل كلش..تذكرين لما مره بس ايدي انكسرت شصار فيها...لا لا مابي احد يقولها شي ولا يحسسها بشي وان شاء الله اليوم او باجر اطلع من المستشفى ام ناصر : اللي تشوفه حبيبي ناصر : بس محتاج احد اييبلي موبايلي ام ناصر : ولا يهمك نييبلك اياه يمه شوي جان يدخلون الدكتور وبو ناصر وكان باين بو ناصر مو على بعضه ومتوتر بو ناصر: ها حبيبي شلون صرت؟ ان شاء الله أحسن ناصر بينه وبين نفسه يقول اووله كنت لازم اطيح مريض وادخل المستشفى عشان تقولي " حبيبي "!!... (ابوه كان جاف حيـــل ويتكلم مع عياله برسميه زايده بس واهوه شايف ولده جذي طايح مكسور ضعيـف حن قلبـه غصبن عليه) ناصر : الحمدالله يبه وايد أحسن بو ناصر : الحمدالله ناصر : دكتور متى اقدر اطلع من المستشفى؟ الدكتور : ان شاء الله لما تخلص كل فحوصاتك ونتأكد ان حالتك خلاص مستقره نخليك تطلع ناصر : يعني جم يوم؟ الدكتور : يعني تقدر تقول يومين اذا مو أكثر ناصر : وي دكتور يومين وايد!! لا ان شاء الله مو أكثر الدكتور : يلا يا جماعه لازم تخلون ولدكم ينام شوي ويرتاح ام ناصر : خل ينام ويرتاح انا بتم عنده وانتو روحوا ناصر : لا يا يمه ميخالف روحي البيت انتي وارتاحي وردي المغرب ام ناصر : لا لا مابي بظل عندك بو ناصر: وبعدين معاج خلي ولدج يرتاح...يلا يبه احنا ماشيين دير بالك على روحك وراجعينلك المغرب ناصر : خلاص تمام ويبولي موبايلي عفيه نور : ولا يهمـــك انت تامر امر (وكلهم سلموا على ناصر وطلعوا من غرفته وركبوا مع السايق اللي كان ناطرهم بره وردوا البيت) حوالي صارت الساعه 4:30 العصر والزيـن ينت واهيه تدق عليـه من الصبح وما يشــيييله !! الزيــن : لييييييش مااا يشييييله ليــــش!!! ولما حاولت شكثر تدق عليه الصبح وما يرد جان تدق على البيت وشالته الخدامه وسألته عنه بس الخدامه ما تدري عن شي لان كل اللي صار كان الصبح امبجر ودقت على تلفون نور بعد بس هم ما كانت تشيله لان نور كان وقتها اخر همها تاخذ موبايلها معاها!! ( الزيـن عندها رقم نور من زمان ومرات يطلعون مع بعض وفرق بينهم سنتين وكانت الزين بنفس الثانويه اللي فيها نور الحين) الزيــن تكلم نفسها: يعني مو معقوله جذي!!! سيارته موجوده واهو بالبيت ومحد يشيله ومحد يرد علي!!! نور شافت المس كولز اللي على تلفونها لما ارجعت بس ما ردت دقت عليها لان ما تدري شتقولها عن ناصر اذا سألتها عنه!!! الزيـن بينها وبين نفسها : يارب ما يكون صار فيه شي...يارب ما يكون صار فيه شي!!! صارت الساعه 5 ومشوا بو ناصر وام ناصر وخواته رايحين المستشفى وبس وصلوا ودخلوا عليه لقوه نايم وما حبوا يزعجونه جان تحط ام ناصر الموبايل يمه وراحوا يقعدون في استراحة المستشفى نور : ناديه دقت على زين مرتين بس ما رديت دقيت عليها مادري شقولها!!خفت ارتبك واقولها كل شي ناديه: والله صج صعب بس المفروض تعرف انه بالمستشفى نور: بس ترى صح كلام ناصر احتمال اذا اعرفت فيه شي تقوم اهيه تتعب بعد ومو وقته ناديه: تهقين يعني؟ نور: من صجج!! زين تموت على ناصر بشكل مو طبيــعي وانا اعرفها اكثر منج واعرف سوالفها معاه...يحليلها كانت تضحكني ايام الثانويه وتتذكر وتضحك ناديه : ليش شنو كانت تسوي؟ نور: رفيجاتي كلهم كانوا خاقين عليه ويسألوني عنه دايما واهيه شنو تغااار و تقوم تتهاوش معاهم وكان اكره ما عندها لما اخوي مرات ياخذني من الثانويه وتعصـب حيـل خخخخخ ناديه : خخخخ يحليـلها الساعه 5:30 تقريبا صحى ناصر وشاف موبايله على الطاوله اللي يمه وطل عليه ولقى 37 مس كول و5 مسجات طل على المس كولات ولقى ان 27 مس كول من الزيـن والباجي من ربعه وفتح المسجات لقى اثنين من الزيـن " حبيـــبي ليــش ما ترد علييي ويــــنك؟؟" والمسج الثاني : " ناااصر طمني عليـــك قاعده احترررق ويــــنك؟؟ رد عليييي تكفه " ناصر قاعد يفكر شيقولها من غير ما يحسسها بشي او يجرح مشاعرها جان شوي ويرجع يدق التلفون " عشـقي الزيـن يتصل بك " ناصر ارتبك مادري يشيله او لا بس قرر يشيله ويسترسل الزيـن : نااااااصر ويــــــنك؟؟حبيبي فيك شي؟؟ صارلك شيي؟؟؟؟ ناصر: هلا بالزيــن كله... لا لا ما فيني الا كل خيــر عمري الزيـن : ناصر اكيييد احس ان فيك شي وماتبي تقوولي؟؟ ناصر : يا عمري خلاص قلتلج ما فيني شي الزيــن : عيـــل ويييييينك كل هالفتره ما ترد علي؟؟؟!!! ناصر : حبيبتي توني صاحي من النوم وكنت حاطه سايلنت الزيـن : توك قاعد من النوم!!! اول مره تقعد للحزه؟! ليش اي ساعه نايم امس؟! ناصر: نمت متأخر والله وما وعيت الا توه قبل شوي الزيـن : وليش نايم متأخر؟؟ شكنت تسوي؟ ناصر: ماكو سهران اطالع ديفيديات كنت يايبها الزيــن : واااي نصور خرعتني عليك والله بغى يوقف قلبي..لا تسويــها مره ثانيه ناصر : ان شاء الله عمري انتي الزيـن : شنو ناوي تسوي اليوم؟ ناصر: والله شكلي ما راح اتحرك من فراشي كلش وانتي؟ الزيـن : اي احسنلك خلك بالبيت لا تطلع خخخخ..انزين نصور انا ودي اطلع صارلي جم يوم مو طالعه ناصر : يا سلام انا تقوليلي اقعد بالبيت وانتي تبين تطلعين!! لا لا بتصير الساعه 6 وانا ما احبج تطلعين طلعة بنات عقب هالوقت الا اذا كنت معاج...مااكو طلعه الزين: لا لا خلاص حرررمت اطلع عقب هالوقت مابي بعد تصير مشاكل ما تسوى... نصور بروح بيت رفيجتي غدوور مع حنون..عفيه نصوري من زمان مو شايفتها خل اروحلها ناصر : انزين روحي بس خل حنان اللي تمرج ولا تتأخرين عن الساعه 9 الزيــن : بس جذي!! ان شــاء الله عزز الطــلب ناصر: يلا حبــي بــاي ( ناصر يقصد " الا اذا كنت معاج" مو ان يطلع معاها بس لما اهيه تبي تطلع مع رفيجاتها وبليل اهوه يروح نفس المكان اللي اهيه بتروحله ويراقبها من بعيد عشان يحاتي احد من الشباب يضايقها او يتحرش فيها وتهاوش جم مره مع شباب من قبل بسبب جذي فعشان جذي ما قامت تحب تطلع بليل مع رفيجاتها ) شوي جان يدخلون الأهل على ناصر بغرفته ام ناصر: ها حبيبي صحيت؟ ناصر: اي اي يمه تعالوا تعالوا.. ودخلوا كلهم سلموا عليه وقعدوا معاه ودردشوا وقعدوا لحد الساعه 9 بليل وانتهت وقت الزيارات ومشوا في بيت بو عادل الساعه 9:10 كانت الزيـن بالبيت ودزت مسج حق ناصر انها وصلت وكانت قاعده مع امها بالصاله الزيـن : يمه...ابوي لحد الحين ما رد علي خبر عن قراره؟ ام ناصر: الظاهر يبي ينطر الناس اييون ويقعد معاهم الزيـن : بس اهوه قالي هاليومين راح يكلمني!!! بعرف اذا اهوه على الأقل في مجال يوافق او لا ؟! ابي اعرف يمه وارتاااااح ام ناصر : خلاص حبيبتي لا تحاتين وانا اعرفه ابوج طيب وبالنهايه راح يلين يوم الأربعا الصبح صحى ناصر من النوم الساعه 9 تقريبا وسووله فحوصات اكثر عشان يحددون شفيه بالضبط ويتأكدون من الفحوصات الأوليه والاجراءات الطبيه الثانيه الدكتور : ها ناصر شلونك اليوم؟ ناصر: والله احسني احسن دكتور الدكتور : الحمدالله ناصر: دكتور لحد الحين ما عرفتوا اشفيني بالضبط؟ الدكتور : احنا بس ناطرين نتايج الفحوصات الأكيده وبنقولك على طول صارت الساعه 11:30 الصبح وناصر حاس بملل مو طبيبعي وكان داز مسج حق الزيـن يصبح عليها بس ما ردت عليه لان بعدها نايمه وشوي جان تدق الزيـن الزيـن : صبـاح الخيــر ناصر: وين صباح الخيـر؟ بنصير الظهر الحين الزيـن : سوري حبيبي لان توني قاعده من النوم واشوف المسج ناصر: صباح الحب والشوق والاحساس وكل شي حلو الزيـن : يا روووحي ولهانه عليـــك حيــل...شنو هذا مر جم يوم من غير ما اشوفك؟!! ناصر: عشان اعطيج فرصه تشتاقيـلي الزيـن : لا والله اي اي قص علي أكثر.....شقاعد تسوي؟ ناصـر: ماكو قاعد اطالع تلفزيون...وشلون طلعتج امس؟ الزيـن : تمام والله حلوه....نصور قاعده احاتي ما يقبلوووني بالعلوم الاداريه ناصـر : لا لا انا متفائل ومتأكد ان بيقبلونج الزيـن : واي ما صدق بعدين راح اشوفك بالكليـه كل يوووم وتسمع الزيـن امها تناديها من تحت الزيـن : نصوري لازم اروح امي تناديني ناصر: يلا حبيبتي انزين وسلميلي على خالتي الزيـن : الله يسلمك مر اليوم وما كان فيه شي يديد...اهله عنده نفس كل يوم والزيـن لحد الحين ابوها ما رد عليها يوم الخميـس الصبح الساعه 10 كان قاعد ناصر يطالع تلفزيون ولا شوي ويدخل عليه الدكتور وابوه وكان باين على ويه ابوه التعب ومتضايق حيـل الدكتور وبو ناصر : صباح الخيـر ناصر ناصر : هلا والله صباح النور ( ناصر كان مخترع حاس ان في شي ) الدكتور : ناصر ان شاب ناضج وواعي وعارف ان كل شي يصير بحكمة الله وقدر الله وما شاء فعل ناصر: اي طبعا اكيد...خير دكتور قولي انا شنو فيني؟ الدكتور: انا طبعا مجبور اني اكون صريح معاك وما اخش عنك شي ناصر: اي الدكتور: بعد الفحوصات اللي سويناها عرفنا شنو المرض اللي فيك ناصر: اي شنو ؟؟؟ الدكتور : انت عندك سرطان الدم ناصر: شنو؟؟ سرطان الدم!!!! ( ناصر قلبه قام يدق حيــل وقام يتنفس بسرعه) الدكتور : ناصر شوي شوي ( وقاعد يساعده ان يهدى ويتنفس طبيعي) ناصر ظل ساكت وقاعد يحاول يستوعب وبعدين قال حق الدكتور ناصر: وشنو مدى خطورة هالمرض؟ الدكتور: اهوه طبعا مرض خبيث يصيب الخلايا اللي تكون الدم الموجوده في النخاع العظمي وله انواع مختلفه ووسائل علاج مختلفه حسب كل نوع...وللأسف اكشتفنا ان عندك سرطان الدم الحاد و الخلايا السرطانيه منتشره بجسمك وتحتاج علاج كيميائي بالخارج ناصر بعده ساكت حايشته صدمه وقاعد يحاول يستوعب كلام الدكتور بو ناصر: ناصر باذن الله انت قدها وراح تقاوم المرض وترجع احسن من اول ناصر: انزين دكتور جم نسبة نجاح العلاج عندي ؟ الدكتور: ما اقدر احددلك بالضبط وتفرق من شخص لي شخص ومدى تقبل جسمه للعلاج...واحتمال كبير انك تتعالج وفي ناس وايد قبلك تعالجوا منه لكن ان شاء الله اذا تعالجت منه راح نحتاج كل 3 او 4 اشهر انك تطل علينا ونتشيك على صحتك ونتأكد ان ما يرجع ناصر: يعني دكتور حتى لو تشافيت منه ممكن يرجعلي مره ثانيه؟؟! الدكتور : امكانية عودة المرض للمريض موجوده لكن صغيره ومو شرط ناصر: شكثر مدة العلاج الكيميائي؟ الدكتور: يختلف من مريض لي مريض وحسب تجاوب الجسم ومدى انتشار السرطان...يعني ممكن شهر شهرين او حتى سنه وأكثر ناصر: والعلاج فيه خطوره؟ الدكتور : ما اقص عليك ان هالعلاج له جوانب وايد سلبيه وتختلف هالجوانب حسب نوع العلاج الكيميائي لان هالعلاج ما يدمر بس الخلايا السرطانيه لكن ممكن يدمر الخلايا السليمه بعد لكن الأعراض ممكن تكون دائمه او مؤقته مثل تساقط الشعر , فقدان الشهيه وتشتت في التركيز وغيره ناصر: مثل شنو الأعرض الدائمه؟ الدكتور : راح اكون صريح معاك لكن ممكن هالعلاج يسبب الى العقم ناصر بصدمه : العقـم!!!! الدكتور : بس ما اقولك ان هالشي اكيد راح يصير لكن احتمال كبير يصير هالشي لان في انواع من العلاج الكيميائي تسبب العقم نسبة 80% ناصر: ممكن تخلوني بروحي الحين بو ناصر: تعوذ من الشيطان وربك الشافي ولا تهتم حق هالكلام العلمي وكل شي بأيد ربك ناصر : يبه ممكن تخليني بروحي شوي الدكتور قام وقال : ناصر اذا بحبيت تسألني وتستفسر بعد عن اي شغله انا حاضر ناصر: يعطيك العافيه دكتور وغمز الدكتور حق بو ناصر بمعنى خل يطلعون شوي بره ويخلون ناصر على راحته ناصر قاعد يحاول يستوعب الكلام اللي انقاله بينه وبين نفسه...مو قادر يصدق!!! انا فيني السرطان!!! شلون جذي!! متى!!! ليــش!!! وبعدين استغفر ربه وقاعد يحاول يستوعب ان هالشي قضاء وقدر خلاص حلمي ان اخذ شهادتي واتخرج ضاع...وزيــن اااااخ يا زيـــن شلون اقولج انا عندي المريـض الخبيــث وممكن اموت بأي لحظه وممكن اظل طول حياتي اتعالج من هالمرض!! وحتى لو تعالجت ممكن يرجعلي!!!!! شلون تتزوجين واحد ممكن يصيـر عقيــم!! وقام ناصر يبجي بحرقه على روحه وعلى كل احلامه اللي ضاعت وعلى زيــن!! زين حبيبة قلبه وعمره!!! بينه وبين نفسه...شقول حق زيـن؟؟! شقولها!!!لو تعرف ان فيني السرطان واحتمال اموت راح يصير فيها شي!!...لا لا مابي امرمط زيـن معاي واخليها تعيـش بتعاسه وطول حياتها بالمستشفيات ...لازم زيـن تكمل حياتها وتشوف مستقبلها..زيـن تستاهل واحد احسن مني..واحد ممكن يعيشها بسعاده ويكون لها أسره...لازم اخلي زيـن تتركني...لازم اخليها تكرهني,,,اااااااخ يا زيـــن تــــم الجزء الثالــث تتوقعون راح يقدر يخلي الزيـن تكرهه؟؟ تشوفون معاه حق باللي قاعد يفكر يسويه؟؟ تابعوا الجزء الرابع قريـــــباااا

جنــــون 11-01-2016 11:50 PM الجــزء الــرابــع اااااااخ يا زين ماكو حل غير اني اسوي جذي ولا انج تضيعين حياتج معاااي....والحين شلون وانا قايل بتقدملها يوم السبت!!!....ان شاء الله ابوها يتم على موقفه و ما يوافق على زواجها الحيـن...سامحيـني يا زيـن بس كله عشان مصلحتج...ولو تتعبين هالفتره احسن ما تتعبين معاي لي اخر عمرج...احبــج يالزين .... الخميــس الصبـح في بيــت بو عادل.... الزيــن : صبــاح الخيـــر يمــاااا ام عادل: صباح النوور قلبي ...يلا تعالي تريقي معاي الزيــن : لا يمه مالي نفس اكل ام عادل : على راحتج... يمه حبيبتي ما تدرين متى يعلنون نتايج القبول؟ الزيـن : والله يمه مو متأكده بس اعتقد بعد جم اسبوع ام عادل : الله يوفقج ان شاء الله دخل عليهم بو عادل واهمه قاعدين في غرفة الأكل بو عادل : صبـاح الخيــر ام عادل : صباح النور الزيـن قامت تلمه وتبوسه : يبه حبيبي ولهت عليـــــك بو عادل : مو أكثر مني والله....تعالي معاي ابي اكلمج وراحوا قعدوا في الصاله بو عادل : انتي اكيد ناطره مني قراري...وانا فكرت بالموضوع واقتنعت اني اعطي مجال حق الناس نقعد ونتفاهم معاهم والله يتمم اللي فيه الخيـــر الزيــن فرحت وباسته ولمته حيـــــل الزيـن : الله يخليلي ايااك ياااارب ولا يحرمني منك يا احسن ابو بالدنيا وراحت على طول تبشر امها واخوها الزيـن : يمه يمه ابوي كلمني ووااافق ان يقعد مع الناس ويتفاهم معااهم ام عادل : قلتلج اخرتها ابووج راح يليــن...يلا الحمدالله الزيــن : واااااااي يمه مستاااااااانسه موو قااادره أصدق ,,,بروووووح ابشـر نصووري...واااي فديـته ام عادل : بعد قلبي يلا روحي بس شوي شوي على روحج الزيـن راحت غرفتها عشان تدق على ناصر و الأرض مو شايلتها من الفرحه ودقت على ناصر في المستشفى ناصر قاعد في غرفته بروحه وقاعد يفكر ويحاول يستوعب الموضوع بكبره ( عشـقي الزين يتصل بك ) ناصر شاف الرقم وارتبك مايدري اذا يشيل التلفون او لا وقرر ان يشيله من غير ما يحسسها بشي وولا كأن صاير شي عبال ما يعرف شلون يتصرف معاها عشان تتركه وتبتعد عنه...تمالك نفسه وخذا نفس عميــق وشال الخط ناصر: هلا بالزيـــن الزيـن : نصوووور صباااح الورررد ناصر : صبااح الياسميــن الزيـن بدلع : نونو بقولك شييي ناصر: لحظه لحظه شنو نونو؟ نونو بعينج!! جم مره اقولج لا تناديني نونو الزيـن باستفزاز : خلاص خلاص...انزين نوني ناصر: والله شكلج بايعتها انتي...اقول اقول طلعيلي بره انا اوريج الزيـن : اطلعلك اطلعلك ناصر: لا لا استريحي ولا يعافيج ( ويضحك) الزيـن : انزين نصوور بقولك شي مهممم ناصر: يلا قولي شنو؟ الزيـن : كلمت ابوي واقنعته بخصوص زواجي الحيـــــــن نااصر سكت ولا كلمه...ما توقع ان ممكن يوافق الحين ابوها!!! الزيـن : ناااصر شفيـــــك اقولك اقنعت ابوووي!!! ناصــر اخنقته العبره وقلبه قام يدق بسررررعه وصك الخط!!! ناصر بينه وبين نفسه: شقووولها!!! شقووولها!!!! ( وقاعد يفكر ) وارجعت الزيـن تدق وتدق وتدق وصار 3 مس كولات ودقت المره الرابعه وشال الخط الزيـن :ناااصر شصاااار؟؟؟ ليش ما ترد علي؟!! ناصر: الزين بقولج شي الزيـن : قول حبيبي ناصـر : انتي تحبيني؟ الزيـن : بالله ناصر هذا سؤال؟ انا ما احبك انا امووت عليــك ناصـر: واذا تحبيني يعني راح تتنمين لي الخير والسعاده؟ الزيـن : اي ناصر اكيد...ناصر قولي شنو في لا تخرعني؟! ناصـر: بصراحه الزيـن انا تسرعت بخصوص الزواج الحين الزيـن : تسررعت!!! شنو تسررعت؟؟!!! انت من صجك تتكلم؟!!!!نااااصر انت شقاعد تقول؟! ناصـر: انا قررت اني اكمل دراستي بره الزيـن : تكمل دراستك بره!!! ويـن؟؟ ناصـر : انا كنت مقدم على جامعه في اوروبا وقبلوني وراح اكمل باجي دراستي فيها الزيـن : انزين وانا!!!!...خلاص ناصر اروح معاك ادرس بره ناصـر: لا زين صعب الزيـن : ليش صعب ناصر؟؟!!! كل شي ممكن ينحل ناصر بعصبيه : قلتلج انا تسرعت وزواااج الحيــن مااابي يعني مااااااابي الزيـن بخوف : انزين ناصر هدي خلاص بلاها زواج الحين...انطرك بس تتخرج وتاخذ شهادتك وترجع ناصـر: مادري عاد ساعتها يصير خير الزيـن : يصير خيـر!!!! شقصدك يعني؟ ناصـر : انا مادري شنو بيصير بهالفتره!!! ومو حاب اني اتقيد بأحد الزيـن : تتقيد!!! الحين انا صرت مقيدتك يا ناصر؟!!! ناصـر: تبين الصج الزيـن!! احسني زهقت الزيـن : زهقت مني؟؟!!!! مني انا ؟؟ ناصـر: احنا حبينا بعضنا كنا صغاار وعيشنا نفسنا بأوهام واحلام والحيـن,,,, الزيــن: الحين شنوووو؟؟ الحين شنوو يا ناصر؟؟ ناصـر: اكتشفت ان بعدني ما عشت حيااتي وما سويت كل اللي احلم فيه وكنت اوهم نفسي ان مالي غيرج بالدنيا وانتي الانسانه الوحيده لي!! والحين صحيت من الوهم اللي كنت فيه الزيـن : ناصر انا شسويتلك؟؟؟ ليــش قاعد تجرحني بكلامك هذاا؟؟ انا الزيـن اللي تحبهااا وما تقدر تعيش بدونها؟؟ وين راح كل هالحب؟؟ ناصـر : هذا حب مراهقين الزيـن : لا يا نااصر ما كان حب مرااهقيـن!!! انا احبك وانت تحبني وتعرف هالشي واللي بينا كان حقيــقي....نسيت العشره؟؟ نسيت أيامنا مع بعض؟؟ نسيت الوعد اللي كان بينا؟؟ جذي بكل بساطه تتخلى عني؟؟؟ ناصر يرد بجفاف: الحياه تجارب الزيـــن : نااصر انت قاعد تضحك معاي صح؟؟ اي اي قاعد تتغشمر اكيد ناصـر: فاضيلج انا عشان اقعد اتغشمر معاج الزيــن : نااصر حرام عليــك..انت شقاعد تسوي فيني؟؟ ناصــر: تبين اقص عليج واقولج احبج وما اقدر اعيش بدونج يعني؟؟ الزيـن : هالكلام كنت تقولي اياه دايما اول!!! شصار الحين؟؟ نسيته كله؟ ناصــر: قلتلج كنت عايش في وهم وهـــــــــم...وخلاص صحيت منه وبس زهقت منج زهقـــــــت الزيــن قامت تبجي: ناصر انا شسويت غلط؟؟؟ انا شذمبي تحطمني جذي؟؟؟ ناصر: مو مشكلتي الزيـن: ناصر حبيبي فكر باللي قاعد تقوله....ناصر انا احبــك ما اقدر استغنى عنك...ناصر انا ابيـــك وانت تبيني...ناصر انت تحبني تذكر هالشي ناصر تذكر ناصـر: بس خلااص قلتلج الحب هذا كان غلطة حيااااتي غلطة حياااتي تفهمين ولا لا؟؟ الزيــن ( قامت تبجي بقوه اكثر) : هذي نهاية علاقتنا وعشرتنا؟؟ نهايتها اني غلطه؟؟ ناصــر: اي تبين ابصملج اياها بعد؟؟ يبه غلطه اي غلطه الزيــن قامت تبجي وتبجي ومو قادره تستوعب الكلام الزيـن : انت اخر انسان توقعته يجرحني!!!! معقوله انت انت الانسان اللي حبيته؟ ناصـر : اي انا والحين شنو؟ الزيــن : ناااصر رااجع نفسك!! فكر بالكلام اللي قاعد تقوله عدل....انت تبي تذبحني؟ ناصـر بانفعال: اووووه انتي ما عندج كرامه؟؟ ما عندج عزة نفس؟؟ ماا ابيــــج...غصب اهو؟؟؟ ما ابيـــــــــج الزيـن سكتت فتره وحايشتها صدمه مو عارفه شتقول ناصـر: اقدر الحين اصك الخط؟؟ لان طولنا ووراي شغل الزيــن بصراخ : يا عديـــم الاحسااااس...خساره فيــك حبي !! والشرهه و عليك الشرهه علي انا اللي سمحت حق نفسي احب واحد نذل مثلك... الله يلعن الساعه اللي حبيتك فيها.....مااابي اشوفك مره ثانيه في حيااتي..الله ياخذك قول اميـن!!! ( وصكت الخط الزيـن وطاحت على الأرض وتبجي بحررقه واسمعتها امها ودخلت عليها الغرفه) ام عادل: وااي يمه شفيــج؟؟ الزيـن كلميني قوليلي شفيــج؟؟ الزيــن واهيه تبجي بقوه : يمه ناااصر,,,ناااصر يا يمه ام عادل : شفيه ناصر؟؟ صار فيه شي؟ الزيـن : ناصر خدعني يا يمه!!! يقول ما يبيني ام عادل: قومي حبيبتي قومي,,فهميني شنو صار؟ وقامت زين عن الأرض وكل ماله الزيـن تبجي اكثر واكثر وهسترت و بدت تتنفس بسرعه وحست ان الدنيا قامت تدور فيها وغابت عن الوعي ام عادل مصدومه : عااادل..بوو عاااادل...احد يرد علي عادل : هااا يمه خيـــر...ِشنو في....؟؟؟ شفيها الزيـن ام عادل: يمه دق على الاسعاف بسرعه عادل: لا لا انا اخذها المستشفى الحين بو عادل: شصااير؟؟؟ زيـــــن زيــــــــن عادل: يبه باخذها المستشفى بو عادل: يلا يلا خل نشيلها في المستشفى ناصر مصدوم من اللي صار توه....قلبه قاعد يدق حيـــل وادمعت عينه مو مستوعب باللي صار كله!!! سامحيـــني يا زيــن سامحيــني.. ليته انشل لساني ولا جرحتج...ااااااخ يا زين انا اســف...سامحيني لكني مجبور..هذا قراري ولازم انسحب من حياتج....... دخلوا الدكتور وبو ناصر عليه في الغرفه الدكتور: ناصر شلون تحس نفسك الحين؟ ناصـر: عادي الدكتور: تقدر تطلع اليوم اذا تبي لان وضعك الحمدالله مستقر...بس ضروري بأقرب وقت انك تسافر المانيا عشان تتعالج بو ناصـر: اي وانا راح اسوي كل الاجراءات وان شاء الله نسافر بأقرب وقت الدكتور: حاب انك تطلع او تظل بالمستشفى؟ ناصـر: لا دكتور حاب اني اطلع..حاس اني مخنوق اهني الدكتور: على راحتك....ما تشوف شر ناصر ناصـر : الشر ما اييك وصلوا المستشفى عادل وبوعادل وام عادل والزيـن لحد الحين غايبه عن الوعي عادل: لحقونا...نبي احد يساعدنا الدكتور: خير شفيها؟ عادل: مادري يا دكتور فجأه اغمى عليها الدكتور: انتو اهلها؟ عادل: اي دكتور ودوها الغرفه وقعد يفحصها الدكتور الدكتور: لا ان شاء الله ما فيها شي...وحاشها هبوط عام...اهيه انفعلت من شي فجأه؟ ام عادل: اي دكتور كانت قاعده تبجي قبل ما يغمى عليها الدكتور: حصل خيـر ان شاء الله,,,وخلوها ترتاح شوي وطلعوا بره الغرفه.... بو عادل: شفيها زين...شنو اللي صار؟؟ علميني؟؟؟ ام عادل ارتبكت : هاا بو عادل؟ بو عادل: بنتي شفيها؟؟؟ ليش كانت تبجي؟؟؟؟؟ ام عادل: مادري يا بو عادل...انا رحتلها الغرفه لقيتها تبجي بو عادل : لا حول الله.... ناصر وابوه في السياره رايحيين البيت... بو ناصر: خلاص يا ناصر ليش مزعل روحك جذي وايد؟؟ ما راح يفيد الزعل...الحين لازم تقوي نفسك عشان تقاوم المرض ناصـر ساكت وماله خلق يتكلم بو ناصـر: ناصر خل ايمانك بربك قوي,,,وان شاء الله ترجعلك صحتك وتصير احسن من اول وناصر ظل طول الطريج ساكت ومخنوق وصاكه الدنيا فيه...وصلوا البيت ودخلوا ولقوا امه وخواته عند الباب يستقبلونه ام ناصر راحتله ولمته حيـــل ناصـر: ها يمه..شوي شوي علي ام ناصر: حبيبي حاس بعوار؟؟؟ تعبان؟؟ ناصـر : لا يمه عادي وسلم على خواته ناديه: ما تشوف شر حبيبي نور: ما تشوف شر يا ناصر ( وخانقتهم العبره) ناصـر: خلاص بس ان شاء الله ماكو الا العافيه...ممكن محد يبجي جدامي؟؟ انا داخل غرفتي ام ناصر: يمه اسويلك شي تاكله؟ ناصـر : يمه مابي شي... ودخل غرفته وقط نفسه على الفراشه وحاس ان الدنيا صارت سووده بعينه حاس بالاستسلام ومو هامه يعيش ولا يموت دام الزيـن مو موجوده في حياته..... في المستشفى صحت زيــن وكانت تحاول تستوعب شنو اللي صار..؟ وليش اهيه بالمستشفى!!! وبعدين تذكرت ناصـــر وارجعت تبجي الزين بينها وبين نفسها : جذي يا ناصر تنسى الحب اللي كان بينا!!! جذي تنسى كل الذكريات والعشره!!! بكل بساطه تجرحني....جذي تفاجأني بقرارك القاسي وبكل سهوله تتركني!!! هنت عليــك يا ناصر؟؟ ليــش يا ناصر وانت عارف انك حياتي ودنيتي!!! جذي من غير سبب تجرحني!!!انت حطمتني...قضيت علي... يرضيــك اللي صار فيني؟؟!! هذا جزاي اني حبيتيك بكل ما فيني؟؟!!! هذا جزاي اني وهبتك كل روحي وعطيتك عيوني وأخلصتلك؟؟!! انت ما تستاهلني!! الله وياك يا ناصر...ما عمري توقعتك بهالقسوه!!!! ما احبــك...ما ابيـــك....اكرهــك....ما عاد لي رغبه حتى اسمع صوتك....اكرهــك....اكرهـــك.....ااااااااخ يا نــاصر....انا اكرهك اذا عشت حياتي من دونك... اكرهك اذا بعدت عني وتركتني...اكرهك اذا يوم ما سمعت صوتك...اكرهك اذا ما سمعت اسمي على لسانك....اكرهك...أحبــك..احبـك اعشقك....ناصر لا تخليــني....انا اكره نفسي وحياتي ودنيتي من دونك!!!! ناصر ويـــنك؟؟محتاجتك!!!!.... انا شلون قلتله الله ياخذك؟!! ان شاء الله اموت قبل ما اشووف هاليوم....ناصــر يا بعد كلــي أحبــك اكثر من رووحي أرجووووك لا تخليــني... وبدت تبجي بقووه...... تم الجزء الرابـــع

جنــــون 11-01-2016 11:52 PM الجــزء الخامــس الزيـن منهاااره....مو قادره توقف بجي....ودخلت عليها ام ناصـر ام عادل: زيـن يمه بس لا تبجيــن الزيــن : يمه قلبي يعورررني ام عادل: بس يا يمه قطعتي قلبي,,,خلاص بسج بجي...فهميني شنو صار؟ الزيــن : شقولج يا يمه!!! كل شي بيني وبين ناصر انتهى ام عادل: انزين ليش... شنو اللي صار؟؟؟ الزيـن: ناصر يقول ما يبيني ...زهق مني...وان كل اللي كان بينا غلطه ام عادل: صج انه وقــح ما يستحي على ويهه!!! الزيـن: ااااه يااا يمااااا ام عادل: حسبي الله عليه...حسبي الله عليــه...يمه ما عليج منه...خل يولي...انتي تستاهلين واحد احسن منه اكثر من مليون مره الزيـن : يمه بس انا احبه ما اقدر اعيش من دونه ام عادل: شتحبين فيه هالتافه!!! الزيـن : يمه لا تقولين عنه تافه ام عادل : انتي من صجج!!!! قولي الحمدالله انه بين على حقيقته الحيـن...مالـت عليــه صج انه مو متربي الزيـن:لا يمه لا تقولين عنه جذي ام عادل بعصبيه: انتي عن ابوج استخفيتي؟؟....اياني واياج تحاولين تدقين عليه او تكلمينه...خلاص وخري عنه الزيــن: يمه ما اقدر ما اقدر...مو متخيله حياتي من دونه ام عادل: شنو ما تقدرين؟؟ الا تقدرين ونص!!! شوفي انا مشكلتي كنت قبل وايد معطيتج ويه ومتساهله معاج وشوفي شنو كانت النتيجه!!! ناصـر هذا توخريــن عنه وما تكلمينه خيــر شر...ولو اكتشفت انج حاولتي توصليله ما تلومين الا نفسج الزيـن مو قادره توقف بجـــي ومخنوقه الزيـن : بس يمه خليني بروحي ام عادل: انا قلت حق ابوج واخوج ان شفتج تبجين وما ادري شفيج...ِشنو راح تقولينلهم الحين؟؟ الزيـن: مادري يمه اااخر همي الحين ام عادل: انزين بس يا يمه...بسج بجي...رحمي روحج...ما يستاهل كل هذا..خلي عندج كرامه الزيـن: بس خلاص ذبحتيني خليــني برووحي خليــني ام عادل: خلاص يا يمه خلاص راح اسكت...بس انتي هدي...انا راح اقول حق ابوج واخوج ان وحده من صديقاتج سوت حادث وطاح قلبج عليها الزيـن: يمه قوليلهم اي شي...كيــفج!!! اترجاااج خليني شوي بروحي ام عادل: خلاص حبيبتي انا بطلع اشوف ابوج واخوج وينهم طلعت ام عادل من الغرفه وشافت بو عادل وعادل قاعدين بالاستراحه بو عادل: ها شصار على الزين؟؟ قامت؟؟ ام عادل: اي يا بو عادل صحت توه بو عادل: يلا يلا خل نروحلها عيل ام عادل: تقول تبي تقعد شوي بروحها بو عادل: كلمتج؟؟قالتلج شفيها؟ ام عادل: اي قالتلي..قالولها ان صديقتها مسويه حادث واخترعت عليها بوعادل: لا حول الله.....انا بروحلها انتو خليكم اهني دخل بو عادل على بنته الزيـن شافته وارجعت تبجي: يبـــه بو عادل: عيونه ( وراح حضنها وقعد يمها) الزيـن : يبه احسني مخنوقه بو عادل: ميخالف حبيبتي وما تشوف شر ان شاء الله لا تحاتينها الزيـن : منو؟ بو عادل: صديقتج!! الزيـن استوعبت: ااااه اي الشر ما اييك بوعادل: حبيبتي ديري بالج على روحج لا تخرعينا عليج جذي مره ثانيه الزيـن: ان شاء الله يبه بوعادل: اسم الله عليج لو يصير فيج شي انا يصير فيني شي..تدرين او لا؟ الزيـن : ادري يبه.. (واهيه حاطه راسها على صدره) بوعادل: يلا ضحكي شوي عشاني الزيـن : لا يبه عاد مالي نفس كلش بوعادل: عشاني عشاني ( وبدا يدلدغها شوي من خصرها) الزيـن ضحكت غصبن عليها بوعادل : اي جذي ابيــج مو ويهج المأساوي توه الزيـن : يبه احبــك وايد لا تتركني كلش بوعادل: لا يا قلبي اتركج وين اروح!! انتي دنيتي كلهاا الزيـن حست براحه وامان واهيه بحضن ابوها وهدت شوي في بيـت بو ناصر قاعدين الأهل في الصاله وزايرينهم اخت ام عادل ( لطيـفه) وبناتها جنان ( ام الجاكوار الحمرا) و اختها الصغيره مـي عمرها 14 سنه لطيـفه : ما يشوف شر ناصر وعسى الله يشافيــه ويعافيه ويحفظه ويطول بعمره ام ناصر: اميــن يا لطيفه اميـن جنان: خالتي ناصر ويـنه؟ ام ناصر: والله حبيبتي كان قايل يبي يرتاح بس الحين اشوفلكم اياه جنان: لا خليه على راحته اهم شي صحته ام ناصر: لا بس بطل عليـه وراحت غرفة ناصر وطقت الباب وكان ناصر منسدح على الفراش يفكر ناصر: نعم؟؟ ام ناصر: يمه ممكن ادخل شوي ناصـر: اي اي يمه تعالي ام ناصـر: يمه شلونك الحين؟ ناصـر: الحمدالله ام ناصـر: نصور موجودين بره خالتك لطيفه وبناتها جنان ومي ناصر : يلا يمه الحين شوي وايي ام ناصر: انزين يا يمه ناطرينك في المستشفى دخل الدكتور غرفة الزيـن الدكتور: ها زين شلون تحسين نفسج صرتي؟ الزيـن : احسن دكتور الحمدالله بو عادل: نقدر دكتور ناخذها الحين البيت؟ الدكتور قعد يفحصها ويشوف ضغطها الدكتور: اي الحمدالله صارت احسن...تقدرون تاخذونها البيت...وما اوصيج على روحج الزيـن : ان شاء الله بوعادل: زين حبيبتي بس بروح انادي امج واخوج ونمشي الزيـن : اوكي طلعوا بو عادل والدكتور من الغرفه الدكتور: ما اوصيك على بنتك وحاولوا ما تخلونها تنفعل بوعادل: ان شاء الله دكتور وراح نادى ام عادل وولده وخذوا زين واركبوا السياره راجعين البيت في بيت بوناصر.... ناصـر: السلام عليــكم ردوا كل اللي قاعدين: وعليكم السلام (شافوا ويه ناصر كان لونه رايح وبااهت وكان باين على شكله التعب...جنان كان ودها تركض عليه اول ما يه واخنقتها العبره بس شافته جذي ) لطيفه : هلا هلا والله بولدي ناصر ناصـر: هلا فيج خالتي وسلم عليها وقعد ناصر: ها جنان ومي شلونكم؟ جنان ومي : تمام جنان: وانت ناصر شلونك؟ ناصـر: والله ماشي الحال الحمدالله جنان : ما تشوف شر ان شاء الله...متى مسافر؟ ناصـر: والله مادري بالضبط لان ابوي اللي قاعد يجهز حق كل شي جنان : بالسلامه ان شاء الله لطيـفه: أجر وعافيه والله يقومك بالسلامه يارب ناصر: ان شاء الله خالتي في السياره كان عادل يسوق وابوه قاعد يمه وام عادل والزين ورا.... عادل: ها زين احسن من اول ان شاء الله؟ الزيـن : اي الحمدالله عادل: الحمدالله على سلامتج..خطاج السو الزيـن: وشالأدب اللي عليك فجأه؟ عادل (يضحك): شوفي عاد لا تتعوديــن..بس هالفتره راح اصير حنون عشان كاسره خاطري الزيـن: يا بختي... عادل: اي عاد مو ما تصدقين تشوفيني جذي وتستغليني الزيـن ضحكت على كلامه وفجأه جان ينعفس ويهها ام عادل: شفيـه ويهج انقلب جذي فجأه؟! شصار؟! الزيـن: لا لا ولا شي صفطوا السياره بالجراج ودخلوا البيت ودخلت الزيـن دارها الزيـن راح طلت من الدريشه ومتضايقه ليـش بنت خالته موجوده وشايفه ان سيارته بعد موجوده الزين: هذي شتسوي كل يوم والثاني عندهم!!! وشااابه ناااااااار وميــته تبي تدق عليــه....وماسكه تلفونها تراجع نفسهاااا !! وحذفت التلفون على الفراش وقررت ما تدق..ورايحه راده في غرفتها متوتره ومعصبه...وترجع تطل من الدريشه وترجع تمسك التلفون وتقطه..ما تدري شنو تسوي!!! اخر شي قررت تدق على نور نور كانت قاعده في الصاله معاهم وبعدين شافت تلفونها يدق وكانت حاطته على هزاز وشافت رقم " الزيـن" وطالعت ناصر وطالعت التلفون واهوه طالعها وفهم ان في شي..وقامت راحت غرفتها وقام ناصر لحقها ناصر: عن اذنكم شوي و راجع لطيـفه: اخذ راحتك حبيبي ودخل ورا نور الغرفه نور: زين قاعده تدق علي ناصر: اي حسيت نور: ارد عليها؟ ناصر: لا لا تردين... نور: ليش؟ حرام ناصر: انتي ما تدرين شنو صار نور: شنو صار؟؟قولي ناصر: انا انفصلت عنها نور: شنوووو؟؟انفصلت عنها؟؟ ليـش؟! ناصـر: بس انا شايف جذي احسن نور: حرام عليك ناصر تحطمها جذي!!!وانت تحبها واهيا تحبك ناصر: نور هذا الشي راجعلي وهذا قراري نور: اهيه درت انك مريض؟ ناصر: لا ما تدري وما ابيها تدري ويا ويلج اذا قلتيلها...والله اظل زعلان منج طول عمري نور: بس ناصر من حقها تعرف!!! وبعدين انفصلت عنها على اي اساس؟! ناصر: بس قلتلج هذا قراري وكيفي ومحد له شغل يتدخل وانتي ما ابيج تبينين لها ولا شي وارجعت الزيـن تتصل نور: ارجعت تدق..ما ارد عليها؟ ناصـر: اممم انزين حطي سبيكر و ردي شوفيها شنو تبي ولا تقولينلها شي نور: الوو الزيـن: اهلين نور...شلونج؟ (ناصر بس سمع صوتها قلبه فززز وحس ان فقد توازنه وحس باحساس اول مره لما سمع صوتها على التلفون وكلمها) نور: هلا حبيبتي...تمام الحمدالله وانتي؟ الزيـن: بخير....نور ناصر وينه؟ نور: اممم اااه مادري والله اعتقد بالصاله الزين: نور بسألج عن شي نور: هلا سألي الزيـن: ناصر تغير علي,,,اهوه صار معاه شي؟ نور ارتبكت: لا لا ما صار شي عادل الزيـن: عفيه نور لا تخشين عني...انا صديقتج قبل اي شي نور: اي حبيبتي قاعده اقولج مافي شي...ليش؟ الزيـن بدت تبجي : نور...ناصر انفصل عني!!! ( ناصر بس سمعها تبجي حس كأن سجاجين ( سكاكين) قاعده تنغز في قلبه وحده ورا الثانيه ) نور: ليش؟؟شنو صار؟؟ الزيـن: مادري يا نور علمي علمج....يقول ان ما عاد يحبني وما يبيني!!! نور قوليلي الصج في احد غيري في حياته؟ نور توترت وايد وتدودهت وسكتت...وناصر أشر لها براسه بعنى قولي اي قولي اي ونور تأشرله براسها ان لا ماتبي وناصر عصب وعطاها العين الحمره جان تخترع نور الزيـن: نور وينج؟؟نور نور: هلا كاني الزيـن: ابيج تكونين صريحه معاي...قوليلي اي ولا لا؟ نور: اي الزيـن انصدمت...سكتت...حست انها لسانها مشدوود...مو قادره تتكلم!!! نور: زين انا اسفه الزيـن بصراخ: منو نور؟؟؟ قوليلي منووو؟؟ نور ارتبكت ناصر حرك شفايفه وقالها : جـنان نور : بنت خالته جنان الزيـن: حلفي!!....لا لا ما اصدقج...انتي جذااابه...جذااابه نور: سامحيني زين بس انتي سألتيني وانا قلتلج واذا حابه تصدقين صدقي واذا مو حابه الشي راجعلج زيـن صكت الخط ولا شعوريا دقت على ناصر...وطلع ناصر تلفونه من مخباته وشافها تتصل وراح غرفته وشال الخط...ونور قامت تبجي في غرفتها ناصـر: نعم الزيـن: ناصر قولي الصج....انت حبيت علي؟ ناصر: اي حبيت...منو قالج؟ الزيـن: بكل بساطه تجاوبني بعد...انت ما عندك احساااس ما عندك قلب؟؟ ناصر: اي ما عندي...والحين تبين شي مني؟ الزيـن: ناصر شفيك قاعد تعاملني جذي ببرود؟؟؟ انا شسويتلك؟؟؟؟ قووولي ناصر: يبه ما سويتيلي شي....وقلتلج خلاص ما ابيج زهقت منج الزيـن حست ان جسمها كله انشل وايدها ترجف و بدت تصرخ: يااا خااااين...اكرهك اكرهك وصكت الخط بويهه وبدت تبجي من كل قلبهااا مو مصدقه ان كل هذا يطلع من ناصر,,,,,,مشاعرها مختلطه حاسه بكره بخوف بغيره بضياع.... ناصر حايشته صدمه وقفل باب غرفته وتسند على الباب وما وعى على نفسه الا صار قاعد على الأرض ويبجي بقوووه... حاس انه منكسر...مخنووق...كره نفسه على اللي سواه بزيـن......وقام ومسح دموعه وغسل ويهه وطلع من الغرفه وراح حق ابوه ناصـر: يبه متى مسافرين؟؟؟ بوناصر: خلاص حجزت وتقريبا كل شي خالص...وعقب باجر نمشي ناصـر: ما كان في باجر؟ بوناصر: لا والله حاولت...بس عارف لان الصيف والكل قاعد يسافر ما لقيت حجوزات ( ناصر يبي يطلع من الديره مو قادره يتحمل حاس انه مخنووووق) في بيت بوعادل.....الزين صارلها ساعتين تبجي وبعدين شالت تلفونها ودقت على حنان رفيجتها الزيـن: حنااااااااان حنان : هلا عمري,,,,ِشفيج شفيج..؟؟ِشنو صاير؟؟ ليش تصيحين؟ الزيـن: حنان تعالي عندي الحين محتاجتج حنان: مع ان صارت الساعه 8 بليل بس يلا يلا الحين استأذن من امي ويايتج على طوووول الزيـن : خلاص حنون تعالي نامي عندي ...والله محتاجتج حنان: يلا الحين اقولها...ما اعتقد تقول شي الزيـن: يلا بسرعه حنون عفيه لا تتأخرين علي وحاولت زيـن تبطل بجي ودخلت الحمام غسلت ويهها وبعدين حاولت تلهي نفسها بأي شي وافتحت التلفزيون...وتقلب بالمحطات ولا شعوريا دموعها تنزل مو قادره توقف ام عادل تدق باب غرفتها ام عادل: زوزو حبيبتي ممكن ادخل الزيـن: تعالي يمه ام عادل: يمه سويتلج اكل,,,تعالي تحت قعدي معاي واكلي الزيـن: يمه مالي نفس ام عادل: يمه حبيبتي ما يصير جذي تموتين نفسج يوع!!! انتي طول اليوم ما كليتي شي الزيـن: يمه قلتلج مابي شي خليييني بروووحي ام عادل: خلاص يمه هدي لا تزعلين روحج...خليه يولي لا تفكرين فيه الزيـن: يمه قولي حق ابوي اني خلاص هونت على الزواج ام عادل: ايييي صح على اساس مفروض اييون عقب باجر!!! صج انه مو ريال و قليل ادب ما يستحي على ويهه...على كلامج نقول حق ابوج ان يت منج احسن الزيـن ساكته وقاعده تقلب بالمحطات ام عادل: حبيبتي ما تبيني اقعد معاج؟؟ مو حابه انج تقعدين بروحج الزيـن: لا يمه عادل روحي...الحين حنون يايتني بتنام عندي اليوم ام عادل: على راحتج...واذا بغيتي اي شي ناديني الزيـن: ان شاء الله يمه مشكوره لا شعوريا قامت الزيـن من مكانها وراحت تطل من الدريشه وشافت ان الجاكوار لحد الحين صافطه بره...شدت على أسنانها....وشدت على أصابعها حيـــل.... وحاسه بقلبها مقبووض...وبعدين بينها وبين نفسها اصحي يا زيــن اصحي...خلاص صار ما يبيج...لا تهتمين...امحيه من حياتج يا زيـن...انسيــــــــــــــه... تم الجــزء الخــامــس

جنــــون 11-01-2016 11:52 PM الجــــــــزء الســـــــادس في بيت بوناصر.... لطيـفه: وين ناصر؟ خل نسلم عليه قبل ما نمشي ام عادل: اشوفلج اياه دقيقه لطيـفه: خلاص تدرين شلون...اخاف تعبان خليه وسلميلنا عليه (جنان عصبت من اللي قالته امها وتبي تسلم على ناصر قبل ما يسافر) جنان : لا يمه فشله خل نسلم عليه قبل ما يسافر ام عادل: دقايق بس اشوفلكم اياه وقامت ام عادل ودقت الباب على غرفة ناصر بس محد يرد....وخافت وقامت تطق الباب أقوى وأقوى وبعدين ارتاحت لما اسمعت صوت ناصر ناصر عصبيه: نعممم!!! ممكن تخلوني برووحي ام عادل: يمه بس يسلم على خالتك لانها بتمشي ناصر: حااضر يمه حااضر الحين يااي وقام ناصر واهوه ماله خلق اي احد ولا يشوف اي احد وطلع من غرفته ناصر: ها خالتي ماشيين؟ لطيـفه: اي والله تأخر الوقت حبيبي ناصر: اسف خالتي اذا تأخرت عليكم بس لاني حسيت بدوخه شوي لطيـفه: لا حبيبي ولا يهمك عادي وسلم على خالته ولمته حيـل لطيـفه : الله يردك بالسلامه ان شاء الله جنان: ما تشوف شر ناصر وراح ندعيلك وان شاء الله ترجعلنا بالسلامه..(ومدت ايدها وسلمت عليه مع ان كانت ميته ودها تلمه خايفه ان ما راح تشوفه مره ثانيه) ناصر: الشر ما اييج وديري بالج على روحج ( وغمزلها ) وسلمت عليه مي بايده وطلعوا من البيـت وجنان دمعتها على طريف ام عادل: يمه عمتك لولوه دقت وتسلم عليك وتعرفها حرمه عوده ما قدرت اتيي..وخالك محمد بعده مسافر و يسلم عليك وايـد ناصر: الله يسلمهم ( ناصر عنده 3 عمات بس وابوه أصغر خواته واثنين منهم متوفيين واللي بقت لولوه بس كبيـره حيـل اما عيال عماته فعلاقتهم مقطوعه مع بعض وما يعرفون بعض وايد ومو متواصلين) ( وعنده خاله وحده اللي اهيه خالته لطيفه وخاله محمد مو متزوج ويتشغل طيار فعلى طول مسافر) ناصـر: يمه لا تقولين حق الناس اني مريض ام ناصر: يمه الناس اول وتالي راح تعرف ناصر: بس يمه قلتلج لا تقولين حق الكل ناصر ما يبي ينشر خبر مرضه بين الناس وكل ما يدق احد من ربعه عليه ويسألون عنه يقولهم انه بيسافر بالصيف وبيكمل دراسته بره لان خايف اذا قالهم ان مريض يتسرب الخبر حق الزيـن في بيت بو عادل الزيـن شافت جنان واهيه طالعه من بيت بوناصر وقلبها قام يدق حيـل ودمها قاعد يغلي وعيونها شابه ناااااااار....ودهااا تخنقهااا تذبحهاااا وشافت سيارة حنان يايه واصفطت جدام البيت....استانست انها واخيرا وصلت ونزلتلها تحت....طقت الجرس حنان وافتحتلها الشغاله...والزين على طول ركضت عليها ولمتهااا حيـــل حنان اخترعت: زين حبيبتي شفيج ؟؟ ريحيني الزيـن: تعالي معاي فوق بالأول طلعوا الفوق ودخلوا الغرفه وقفلت الباب حنان: تجحي قوليلي شفيج؟؟شنو صاير؟ الزيـن بدت تبجي حيـل وتشهق وحنان اخترعت عليها حنان: زين عفيه رحميني وقوليلي شفيج؟؟؟ قلبي طاح فبطني الزيـن واخيرا تمالكت نفسها شوي: ناصر تركني حنان: اتركج!!! يعني شلون؟؟؟ انفصل عنج؟ الزيـن: اي حناان يقولي ما ابيج ما احبج زهقت منج وكل اللي بينا كان غلطه!!! حنان: اووووووووووووف نااااصر قالج جذي!!! الزيـن: اي تخيلي!!! ورايح يكمل دراسته بره حنان: معقوله يطلع جذي منه!!!! الزيـن : اذا انتي مو قادره تستوعبين الموضوع...انا شقووووول!!!! حنان: بصراحه صدمتيني!!! الزيـن : تبين أصدمج أكثر؟ حنان: شنووو بعد؟؟ الزيـن: الخاين الحقيـر طلع يحب بنت خالته جنان حنان: اووووووف اهوه قالج هالشي ؟ الزيـن: انا عرفت هالشي من اخته نور ولما واجهته اعترفلي حنان: صج انه نذل.....والله انه ما يستاهلج هالخايس خليه يولي..ليش قاعده تبجين عليه؟ الزيـن واهيه تبجي: شلون حنان ما تبيني ابجي؟؟ ما تبيني ابجي على روحي؟؟؟ما تبيني ابجي على أحلامي اللي ضاعت؟؟؟ ما تبيني ابجي على حظي الرديي؟؟ ما تبيني ابجي على واحد كان بالنسبه لي كل شي واخرتها انصدم فيه؟؟! حنان: والله عورتي قلبي عليج....زين انتي مو اول وحده ولا اخر وحده يصير فيها جذي...والدنيا ما تسوى و حياتج ما راح توقف عليه الزيـن: الكلام سهل حناان وااايد سهل!!! والله تلاقيني اكرهه دقايق بس وارجع ابجي عليــه واتذكر كل اللي كان بينا...مو قااادره حنوون ساعديني تكفيـن ابووس ايدج طلعيني من اللي انا فيه حنان: لا تحاتين انا بكون معاج ما راح اخليج لما تنسين شي اسمه ناصر الزيـن: يـاريــت انساه حنان ياريـــت انساااه وارتااااح وظلوا البنات طول الليل يتكلموون وما ناموا الا الساعه 5 الفير.... يوم اليمعه الساعه 11:30 الصبح دخل بوناصر على ناصر ولقاه منسدح على الفراش بوناصر: صباح الخير ناصر : صباح النور يبه بوناصر: ها متى صحيت؟ ناصر: انا نمت أصلا!! بوناصر: لا تقول قاعد من امس!!! ليش تسوي بعمرك جذي؟ ناصر: مو عارف انام...حاولت موو عارف بوناصر: الله يعينك...يلا قوم معاي نروح نصلي صلاة اليمعه بالمسيد ناصـر: يلا يبه وقام ناصر وغسل وتوضى وبدل ملابسه وراحوا صلوا وحس ناصر براحه وردوا وراح ناصر يبي يدخل غرفته جان تناديه نور نور: ناصر...ناصر ناصر: هلا نور نور: ممكن اكلمك شوي ناصر: امشي غرفتي...هلا قولي نور: ليش خليتني اقول حق الزيـن امس انك تحب جنان؟؟؟ ناصر: بس احسنلها نور: انت ما تعرف الزيـن؟؟؟ما تعرف انها تحبك وايد؟ ناصر: اعرف وانا امووت عليها وعشان جذي سويت جذي نور: بس حرام عليك حطمت البنت ناصر: صدقيني حق مصلحتها نور: اذا عشان انت مريض ناصر ان شاء الله راح تتشافى وترجع بالسلامه ناصر: نور انتي ما تدرين عن شي...خلاص قلتلج القرار قراري نور: بس ناصر.... ناصر: نور اذا تحبيني سوي اللي قاعد اقولج عليه ولا تحسسين الزيـن بشي نور: اكيد كيفك والشي راجعلك بس انا مابيك تسوي شي تتحسف عليه بعدين ناصر: عاد يصيــر خير بعدين...هذا اذا في بعدين نور: ناصر لا تقول جذي ترى والله ازعل منك...ان شاء الله راح ترجع بالسلامه ناصر: ان شاء الله ..ان شاء الله....قلتي حق ناديه؟ نور: اي قلتلها عن اللي صار امس ناصر: اي تمام ووصيها باللي وصيتج عليه وانا ووصيت امي وما صدقت انها اقتنعت نور: انزين ناصر: حضرتوا اغراضكم حق السفر باجر؟ نور: اي كلنا جهزنا اغراضنا...وامي قالت راح تجهز جنطتك اليوم ناصر: تمام اليوم مر نفس اللي قبله...ناصر صاكه بويهه الدنيا وماله خلق احد وحاس بضيقه وبقمته...الزيــن متحطمه نفسيا وصارت أسوأ من اليوم اللي قبله وحايشها اكتئاب حاد وتحاول حنان تساعدها....وانتهى اليوم على جذي يوم السبت " يوم السـفر" موعد الطياره الساعه 10 الصبح فطلعوا من البيت الساعه 8:30 الصبح رايحين المطار...ناصر كان قاعد بره على الدري ينطرهم ويتأمل بيت الزيـن ويتذكر الذكريات الحلوه اللي عاشوها مع بعض...ياااااه صج الأيام تركض...يتذكر من وقت ما كان في بيتهم يلعب مع اخوها ويضايقها وايننها.....لو كنتي تدرين يا زين اني كنت ايننج اول واحنا صغار لاني كنت معجب فيج من ايامها وما كنت اعرف شلون اتصرف معاج...بعدين تذكر اول يوم بدت فيه علاقة حبـــهم الزيــن عمرها 16 سنه واهوه عمره 18 سنه.... ناصر كان رايح ياخذ اخته نور اللي كانت وقتها سنه اولى ثانوي الساعه 12:30 >> ايام المقررات تذكرون خخخخ المهم راح ياخذها لان سيارة السايق بالسيرفس و شاف وقتها بالهده اخته نور واقفه مع الزيـن وكانت الزيـن قاعده تبجي ونور وجم بنت يحاولون يكلمونها ويخخفون عنها...ناصر طق هرن وأشر حق نور خل اتيي...نور تأشرله بمعني " لحظه شوي...اصبر" ورجع أشرلها " تعالي شوي بس" وراحتله نور..... نور: ناصر بس انطر علي شوي مابي اخلي رفيجتي ناصر: بس بعرف شفيها؟؟؟ نور: بعدين بعدين اقولك ناصر: لا قوليلي الحين ابي اعرف نور: تقول ابلتها العربي ابله ميرفت النحيسه ما تبي تقبل بحثها لان تأخرت ساعتين وعطتها 0 / 10 عليه ناصر: على كيفها هذي!!!! تهقين موجوده الحين الأبله؟ نور: اي اكيد موجوده...لان ما يمشون الا الساعه 1:30 المدرسات ناصر: خلاص روحي حق زين انتي وصفط ناصر سيارته ونزل وراح حق البوابه ( البنات وقتها كلهم يطالعون فيه لان عنده جاذبيه مو طبيــعيه وكتوفه عريــضه وطويــل وحلو وعلى صغر سنه بس كله رجوله) ناصر أشر بأيده حق نور خلها اتيي شوي نور: ناصر ليش نزلت؟ ناصر: قولي حق زين خلي اتيي وتييب بحثها معاها نور: ناصر انت شبتسوي؟؟ ناصر : انتي بس قوليلها ممكن نور : الله يستر انزيــن نور:زين عطيني بحثج و تعالي معاي (زين ما كانت منتبهه ان اخو نور نازل من السياره وواقف عن البوابه) الزيـن : وين؟؟ نور: بس تعالي معاي وقامت معاها وعطت نور البحث حق ناصر ومشوا داخل المدرسه وكان ناصر ماشي جدامهم...شوي جان تستوعب ان اخو نور جدامهم الزيـن توشوش حق نور: اخوج وين راح يودينا؟؟ نور: علمي علمج!!! الزيـن: لا لا مابي مابي قوليله مابي نور: انتي امشي بس خل نشوف شنو بيسوي ودخل ناصر عند الاداره وطق الباب ودخل عند الوكيله...وقال حق نور خليكم بره شوي ناصر: السلام عليكم الوكيـله : وعليكم السلام...تفضل ناصـر: انا اخو طالبه عندكم اسمها الزيــن..... الوكيله : اي اعرفها....عسى ما شر؟ ناصـر: لا بس انا حاب اشتكي على مدرسه عندكم ظلمت اختي الوكيـله : اي مدرسه؟ ناصـر: مدرسه عربي اسمها ميرفت الوكيـله : شلون ظلمتها؟ ناصـر: مو راضيه تقبل بحث اختي عشان تأخرت ساعتين عن الموعد وعطتها 0/10 الوكيـله : اختك ليش تأخرت بالتسليم؟ ناصـر: اهيه كانت موصيتني اني اغلفه واييبه المدرسه بس انا صارلي ظرف وتأخرت وكان معاي البحث وعطيتها اياه متأخر والمسكينه عبال ما خذته وعطتها اياه مو راضيه تقبله...يعني ذنبي مو ذنبها!!! الوكيـله : اهاا ناصـر: اختي اشتغلت على البحث عدل وقعدت عليه ايااااااام تسويه وتعبت عليه وايد حتى سهرت عليه شكثر شفتها بعينـي >> كلكجي الوكيـله: الحين انادي المدرسه اتفاهم معاها زين ونور واقفين بره وزين حدها قاعده تحاااتي..ما تدري شقاعد يقولهم داخل!! شوي جان تشوف مدرستها العربي يايه ودخلت عند الوكيله زين خافت اكثر وارتبكت!!! بعد 10 دقايق جان يطلع ناصر من غرفة الوكيله والابتسامه شاقه حلجه وطلعت وراه ابله ميرفت ابله ميرفت: انا اسفه يا زين اوي ...سامحيني ما كنتش اعرف زين ساكته ولا كلمه ومو فاهمه شالسالفه!!! أبله ميرفت: لو كنتي أولتيلي كده من الأول كان ما حصلش كل ده زيـن تطالع ناصر وتطالع ابله ميرفت جان تبتسملها أبله ميرفت : يلا حبيبتي حصل خيـر ما تزعليش مني ها وزين هزت راسها بمعنى انها مو زعلانه ومشى ناصر ووراه نور وزين طاقتها البوهه...مستغربه من اللي صار!!! نور: ناصر شسويت؟؟ شلون قدرت تقنعهم؟؟ ناصر: يبه خلاص اهم شي ان خذت البحث زين حدها استاااااانست...تبي تشكر ناصر بس حدها مستحيــــه !! ما تدري شتقوله!! نور: سايقكم ما وصل؟ الزيـن: لا انا قاصه الحصة السادسه ما راح ايي الا 1:20 نور: تعالي عيل احنا نوصلج معانا!! خو بيتكم جدام بيتنا على طول الزيـن : لا لا فشله استحي نور: لا عادي اشدعوه!! انا موجوده... الزيـن : لا فشله مابي استحي نور: تعالي تعالي لا تنرفزيني ومسكت ايدها وخذتها معاها حق السياره وناصر كان سابقهم وقاعد ينطر نور نور: ناصر عادي نوصل زين معانا صح؟ ناصر: اي اكيـد عادي وقعدت الزيـن ورا واهيه حدها مستحيــــه منـــه,,,,ولا شعوريا كل شوي تطالعه وتخزه وبينها وبين نفسها: من متى جذي حلوو اهوه!!! وااااي شعره عوار قلب ضحكته عذاااااب...ريــحته اتينن شنو هذا!!!! وطول الطريج ساكته ما تكلمت ولا كلمه من كثر ما اهيه مستحيه ناصر بنفس الوقت منبهر بجمالها....بالسياره بينه وبين نفسه:هذي شنو شعرها ايننن.... شنو عليها عيوون تذبح !!! ما شاء الله جمالها يسحررر....نعومة الدنيا فيــها.... ووصلوا بيت زين ونزلت من السياره وأخيـــرا تكلمت... الزيـن : مشكورين ونزلت من السياره ناصر ذاااااااااااااب من صووتها....بينه وبين نفسه قال: عن ابوها من بنت كل شي فيها ياخذ العقل ومن يومها وناصر كله يفكر فيــها وشاغلته واهيه نفس الشي يخطر في بالها مليون مره باليوم...كله متلهف ان يشوفها وصار ياخذ نور كل يوم من المدرسه بس عشان يشوفها...واستمر الحب شهر كامل من بعيد لي بعيد بس....بعدين نور قالت حق الزيـن ان اخوها ميـت عليها وكل يوم يسألها عنها وعرفت نور من الزيــن انها نفس الشي حبته من ذاك اليوم اللي ساعدها فيه...وعطتها رقم اخوها وبدت احلى علاقة حـب كانت تجمعهم نااصر كاان ساااارح بعاالم ثااااني ام ناصر : نااصر...ناااصر...نااصر ناصر: هلا يمه هلا هلا ام ناصر: يلا قوم حبيبي بنمشي ناصـر : اي يلا يمه وركبوا السياره وطول الطريج ناصر كان ساارح ويفكر بكل الأشياء اللي راح يفقدها....الزيـــن....اهلي....ربعي....الجامعه....ا لكويـــــت....أحبـــكم كلكم راح اشتاقلكم.... هلي ون جارت الدنيا عليا .. اوصيكم على روحي وصية انا مسافر ومخلي قليبي عندكم.. غصب عني ترى لا مو بيديا عذروني اذا سالت دمعتي .. وذكروني اذا طالت غربتي يادنيا لعبة الشاطر لعبتي .. صرت للناس حمال الاسية يادهري لاتحملني البلاوي .. انا المجروح مالاقي اللي يداوي تراني عالسفر ماكنت ناوي .. حكم حكم الغدر غصب عليا قبل مااعوفكم يااهلي كأني .. اشوف بغربتي حزني وانٍي اذا انتم صفيتو بعيد عني .. اموت احسن ولا اذي الاذية هلي دمعات عيني بطرف رمشي .. وذا غمضت عيني دموعي تمشي اذا رحتم راح كل شي .. تروح الروح لو رحتم ليديا بلاكم كيف انا اتحمل بلاكم .. وانا وردة وسط صحرا بلاكم هواكم دمر قليبي هواكم .. شيصر اكثر من اللي صار بيا هلي ون جارت الدنيا عليا .. اوصيكم على روحي وصية انا مسافر ومخلي قليبي عندكم .. غصب عني ترى لامو بيديا تـــم الجـــزء الســـادس

جنــــون 11-01-2016 11:54 PM الجــزء الســابــع في بيـت بوعادل الساعه 10:00 منسدحه الزيـن بالفراش تفكـر وتستوعب بكل اللي مرت فيه هاليومين معقوله يعني خلاص..!!! معقوله خلاص كل اللي بيني وبين ناصر انتهى..!!! معقوله بكل بساطه جذي كل شي يضيـع ويروح!!! يااربي احس ناصر فيه شي صاير معاه..ناصر مو على طبيعته!!! مو هذا ناصر اللي كنت اعرفه وحبيته!!...معقوله بيوم وليله يتغير...شلووون؟! شاللي صار؟!!! اكيد هذي جنانوو اللي لعبت في مخه...بس ولو اذا كان صج يحبني ويموت علي جان ما أثر فيه شي ولا أثر فيه احد....!!! نزلت دموعها غصبن عليها....عايشـه في صراع و حالة نكران...محتااره ومو قادره تستوعب اللي صار... حست فيها حنان وقامت من النوم حنان: ها زوزو قمتي؟ الزيـن: حنون ردي نامي...ما نمتي شي حنان: وانتي ليش قعدتي؟؟ ردي نامي الزيـن: ان شاء الله حنان: زين حبيبتي خلاص بعد شنو بايدج تسوين...لا تفكرين وايد وريحي روحج الزيـن: ان شاء الله حنان: ادري بس تقوليلي " ان شاء الله" عشان تسكتيني الزيـن: ااااخ حنون تدرين اليوم كان اليوم اللي راح يتقدم فيه حقي حنان: اي ادري...خلاص زين يمكن خيـره انكم تفترقون الزيـن: قلبي قاعد يتقطع حنان..كارهه حياااااتي حنان: كارهه حياتج عشان واحد ما يسوى.!!! ان شاء الله تلقين واحد احسن منه يحبج وشاريج وما يتخلى عنج الزيـن: حنان احس ناصر صاير معاه شي...مو على طبيبعته حنان: اوووه عاد زيــن...خلاص خليج واقعيه واستوعبي اللي صار..ولا تنسين انه جرحج حيــــل..وما في انسان يجرح اللي يحبه بهالطريقه الزيـن : صح كلامج وحاولوا زين وحنان يردون ينامون في المطار....اول ما وصل ناصر راح عند فرع زيـن ودفع فواتير تلفوناته وفصل خطه واشترى خط ثاني يديد وحطه في تلفونه ودخلوا بوابة المغادرون وقعدوا في لونج المطار عبال ما يقرب موعد اقلاع الطياره ناصر : يمه كلمتي اهل زين واعتذرتيلهم؟ ام ناصر: اي كلمت ام عادل امس بليل...عاد كانت تكلمني بنفسيه خااايسه وقلتلها ان مو يايين خلاص لان ناصر انقبل في جامعه بأوروبا وما كنا متوقعين هالشي واهوه حاب يكمل دراسته بره ومسافرين اليوم وشكله مافي نصيب ناصر: يلا اهم شي عطيتي اهلها خبـر ام ناصر: والله افتشلت منها حيــل..ياريتك ناصر لو قايلهم كل شي ناصر: خلاص يمه لا تردين تفتحين نفس الموضوع في بيـت بوعادل.... عادل: من صجها زين هونت على الزواج الحين؟ شنو اللي غير رايها؟ ام عادل: بس قالت ما تبي الحين لان تو الناس..وكلامها صح....وأصلا دقت علي ام ناصر الصبح وقالت ان ما في نصيب عادل: شنووو؟؟؟ بسم الله!!! شاللي غير رايهم فجأه!!! مو كانوا على اساس يايين يخطبونها!!! شنو فوضى اهيه..!! ام عادل: مادري عاد عن رفيـجك...تقولي مسافرين اليوم وعندهم ظروف عادل: مسافرين!!!!! ما قالي شي ناصر؟!!! ام عادل: تقولي امه ان ناصر انقبل في جامعه بأوروبا وبيكمل دراسته بره وبيسافرون اليوم عادل: اوف اوف متى كل هذا صار....ناصر ما قالي شي ابداا!!! أصلا صارلي فتره مو مكلمه...خل ادق عليه ( دق عليه عادل وطلعله ان الخط مفصول عن الخدمه) عادل: ويييييه خطه مفصوول!!! مو معقوله كل هذا يصير وما يقولي ناصر شي!!! جد متضايق منه!! الســاعه 1:30 الظهر قامت زيـن وخذت شاور سريـع وصلت الظهر ونزلت تحت...وحنان بعدها نايمه الزيـن : قوه يمه ام عادل: هلا حبيبتي الله يقويج....زين انج نزلتي شوي وبنحط الغدا الزيـن: مالي نفس ام عادل: انتي وبعدين معاج؟؟ يمه راح تموتين من اليوع الزيـن: يمه عفيه مالي خلق احد يحن فوق رااسي...خليني على راحتي ام عادل: يمه بقولج شي الزيـن: قولي ام عادل: دقت علي ام ناصر امس الزيـن: شتقول؟؟!!! ام عادل: قالتلي ان شكله مافي نصيب وراح يسافرون اليوم عشان ناصر بيكمل دراسته بره الزيـن: شنووو؟؟؟؟؟ سافروا ولا بعدهم؟؟؟؟ ام عادل: والله حبيبتي مادري بس قالتلي ان بيسافرون السبت!!! وعادل دق على ناضر ولقى خطه مفصول عن الخدمه الزين قلبها قام يدق بسرررررعه خااايفه ان ناصر من صجه سواها وسافر من غير ما يسأل عليها ولا يودعها...وعلى طووول فزت من مكانها وصعدت غرفتها ومسكت تلفونها ودقت على بيت ناصر...وما كان في رد... وطلت من الدريشه وشافت كل السيارات واقفه جدام بيتهم ومحد طالع وحاولت تدق مره ثانيه على البيت على امل احد يرد عليها حست بنفسها قامت تنتفض ومرعووبه وميته خوووف ان خلاص حبيب قلبها ساافر وخلااها وما تدري متى راح ترجع تشوفه!!! وقعدت حنان الزيـن: حنان حناان قوومي قوومي حنان: هااا شنو فييي؟؟! الزيـن واهيه تبجي: حناان ناصر شكله سااافر من صجه حنان: زين يعني اهوه قالج راح يسافر وتدرين الزيـن: ما توقعت بهالسرررعه,,,حنان خلاص نااصر رااح وخلاااني حنان قامت : زين حبيبتي خلااص لازم تستوعبين هالشي...خلص لييي متى راح تظلين تقصين على روحج؟! الزيـن: شلوون جذي يسافر بكل بساااطه...شلون نساني جذي بهالسرعه؟! حنان بانفعال: بس يا زيين اصحي من اللي انتي فيــه....بس خلااص زين كل شي بينج وبينه انتهى استوعبي هالشي الزيـن مو معبره حنان و مسكت تلفونها ودقت على رقم ناصر حنان: على منو تدقين؟؟؟ مو يكوون عليه؟؟ الزيـن ما ردت عليـها حنان: لا تدقيـن عليييه زييين...انتي ما عندج عزة نفس؟ الزين : أصلا فصل خطه..فصل خطه اكيد بس عشان يفتك منييي وقااامت تبجييييي حيــــل وتشهق حنان: بس زين حبيبتي..ما يصير هذي حالتج كل يووم..خلاااص رحمي نفسج وارجعت مسكت تلفونها ودقت على نور وطلعلها الجهاز مغلق الزيـن: خلاص حنان ناصر رااح...تركني ورااااااح حنان: بس يا قلبي خلاص لا تبجين عشااني بس خلاااص عورتي قلبي الساعه 3:15 العصـر بتوقيت ميونخ في المانيا وصلوا ناصر واهله بوناصر: الحمدالله على سلامتكم ناصر وناديه ونور وامهم : الله يسلمك بوناصر: ما شاء الله العصر وعز الصيـف بس خووش جوو عندهم خذوا جناطهم واركبوا التاكسي وطلبوا ياخذهم حق المدينه اللي فيها المستشفى و تبعد حوالي نص ساعه عن ميونخ ناديـه: ما شاء الله الطبيعه اهني تاخذ العقل نور: اي والله ياريت عندنا هالمناظر بالكويت ناصر: تبيون طبيعه ولا بترول؟ ما يصير كل شي ناديه ونور: لا لا البترول البترول خخخخخ وصلوا المستشفى واهيه عباره عن مستشفى وفندق وراقيــه حيـــــل ومريــحه ومعروفه وصغيـره وملمومه فيها بس ثلاث أدوار...والمدينه هااااديــه وما فيها اماكن سياحيه لكن المناظر والطبيعه اللي فيها ولا أحلى بوناصر: وااي تحس انك قاعد تتنفس هوا فعلا نظيــف نور: اي منــعش الصرااحه ودخلوا المستشـفى وسووا تشيك ان بالفندق واحجزوا 3 غرف غرفه حق بو ناصر وام ناصر...غرفه حق ناديه ونور>>في الدور الأرضي وغرفه حق ناصر بس غرفته طبعا غير عن الباجي لان فيها كل الأجهزه والأدوات الطبيه >> في الدور الأول الريسبشن قالولهم يروحون يرتاحون في غرفهم والدكتور بعد شوي راح يروح حق ناصر ناصر: خوش مستشفى والله يبه بوناصر: الحمدالله اهم شي ترتاح فيها ودخل كل واحد غرفته...... بعد نص ساعه في غرفة ناصر...دخل الدكتور الألماني عليه ( طبعا الحوار كله بالانجليزي بين ناصر والدكتور) الدكتور: هاالووو ناصر: هالوو الدكتور: انا الدكتور بايرون...وراح اكون دكتورك طول فترة علاجك ناصـر: اوكي الدكتور: تفهم انجليزي عدل؟ ناصر: يـس الدكتور: تماام....احنا اليوم راح نسوي الفحوصات كلها من اول ويديد وما راح نعتمد على الفحوصات اللي سويتها بالكويت..اوكي؟ ناصر: اوكي الدكتور: عشان نتأكد من الحاله المرضيه اللي فيك,,,ونعرف شكثر السرطان منتشر بجسمك وشنو العلاج الكيميائي المناسب لك ناصـر: اوكي دكتور الدكتور: الحين شلون تحس نفسك؟؟؟ ناصر: والله بين فتره وفتره يصير جسمي كله يعورني بس الحين عادي شوي الدكتور: لا تحاتي وناس وايد تعالجوا من هالمرض ناصر: دكتور صحيح ان ممكن يرجع المرض بعدين حتى لو تشافيت؟ الدكتور: اي صحيح ممكن بس مع الفحص الدوري كل جم شهر...حتى لو راح يرجعلك نقدر نقضى عليه بسرعه قبل ما ينتشر ناصر: اهااا الدكتور: احنا الحين خلنا خطوه خطوه,,,واهم شي انك تتخلص من هالمرض ولا تحاتي موضوع اذا راح يرجع او لا...اتفقنا؟ ناصـر: اتفقنا الدكتور: اذا كان عندك الاراده انك تتشافى من المريض راح تقدر تقاومه ناصر: ان شاء الله...مشكور دكتور وتمت الفحوصات وكانت نفس النتايج اللي طلعت في الكويت وعنده سرطان الدم الحاد ومحتاج علاج كيميائي وبدت رحلة علاج ناصر مع الأدويه والأجهزه...شعره تساقط...وزنه نزل....لونه شاحب....ونفسيته من سيء الى أسوأ بعد مرور 3 أشهر.... نور واهيه تبجي: يمه مااابي ارجع...بوقف قيدي مابي مابي ام ناصر: نور حبيبتي لازم تشوفين دراستج..حرام تتأخرين انتي شااطره نور: ما راح اعرف ادرس أصلااا..مابي ارجع الكويت بظل معاكم ام ناصر: نور انتي مو رايحه بروحج...معاج ابوج وناديه وان شاء الله ما راح نطول عليكم نور : ومتى راح انييكم؟؟ ام ناصر: حبيبتي على اول اجازه يعطونكم حجزوا وتعالوا نور: يمه اخااف اروح وناصر يصير فيه شي وما اكون موجوده ام ناصر: بس عاد لا تفاولين على اخووج...اسم الله عليه ما راح يصير فيه شي ان شاء الله ناصر لحد الحين يتعالج من السرطان ونزل حوالي 18 كيـلو لان العلاج الكيميائي يسبب فقدان شهيه....اغلب وقته معصب ومتنرفز وفاقد تركيزه وكله يحس بتعب وارهاق وكلها طبعا من أعراض العلاج...أكثر من مره كان راح يروح ناصر منهم....أكثر من مره من التعب والألم والعذاب اللي يمر فيه يحاول يستسلم لكن على صوت امه وابوه وخواته ينادونه يرجع يقاوم المرض عشانهم.... ومع مرور كل هالوقت تظل الزيـن في باله لانها جزء منه وما مر يوم الا وخطرت في باله....ولما يوصل لأقصى حالات التعب وأقصى حالات الألم يفتح تلفونه ويشوف مسجات الزيـن ويحس برااحه مو طبيعيه.... ناصر في غرفته ودخلت عليه نور نور: نااصر ما ودي اساافر واخليك ناصر: من صجج انتي!!! ما مليتي من المستشفى؟!! ضيـقة خلق روحي الكويت واستانسي وطلعي وشوفي دراستج احسنلج من اهني نور: بس راح افقدك واااايد ناصر: اوووف وانا اكثر فوق ما تتصورين بس ان شاء الله على الاجازه اللي يايه تييوني نور: ان شاء الله ناصر: وما أوصيج على دراستج هاا؟ نور: ان شاء الله ولا تهتم ناصر: نور نور: هلا ناصر: طلبتج بس توصلين الكويت طمنيني على الزيـن نور: ان شاء الله ناصر: شوفيها شلونها...وشالدنيا فيها...وعفيه قوليلي اذا انقبلت بالكليه اللي تبيها ولا لا نور: ان شااااااء الله وبعد؟؟ ناصر: امممم بس خلاص و امانه اول اول ما توصلين الكويت سأليلي عنها نور: انزيــن ناصر: ونور مثل ما وصيتج اول مااا تقوليلها اني مريـض وقاعد اتعالج ولا تحسسينها بشي واذا اذا اذا سألتج عني بس قوليلها ان قاعد يدرس ووايد مرتاح هناك نور: اوووف منك...انزين راح اقوولها ناصر: توعديني؟؟ نور: اوعدك ناصر: متى طيارتكم؟ نور: الساعه 6 المغرب ناصر: بالسلامه ان شاء الله وديري باالج على نفسج نور: لا توصي حريص ( ولموا بعض حيــــل) ودخل بو ناصر عليهم بوناصر: لا تحاتي موضوع دراستك وانا راح اوريهم حالتك المرضيه واوقف قيدك لحد ما ترجع ناصر: ان شاء الله...يعطيك العافيه يبه بوناصر: ناصر ابيك تشد حيلك هاا ولا تستسلم لوو شنوو ناصر: ان شاء الله يبه لا تحاتي بوناصر: ان شاء الله نييلكم بأقرب فرصه ناصر: ان شاء الله...بالسلامه يبه سلموا بو ناصر ونور وناديه على ناصر قبل ما يسافرون وراجعين الكويت وراح تظل ام ناصر معاه في الكويــــت.... حنان: يلااااااااااااااا نزلييي راح نتأخرررر الزيـن: اووف بسج حنه قلتلج عطيني بس 5 دقاايق حنان: صارلي 10 دقايق انطرج بره خلصييينيييي الزيـن: اوووف انزين نازله نازله ونزلت الزيـن بسرعه واركبت سيارة حنان حنان: اشدعوه كل هذاااا؟!!! هذا واهيه هلاقه باارتي,,,يعني تتهلقين وتلبسين اي شيي الزين: اووف عاد حنان حمدي ربج اني اصلا بروووح ولا انا قلتلج مااابي ماالي خلق حنان: اي بتروحين غصبن عليــج...بس لازم تطلعين تشوفين الأوادم وتقعدين معاهم مو بس حاابسه نفسج بغرفتج!!! الزيـن: بس حنان انتي وعدتيني اول ما اقولج خل نمشي نمشييي حنان: انزين انزين....الدوام عقب باجر يعني لازم نطلع حرتنا اليوم عدللل ونرقص رقص ونهييييييص الزيـن: اي اي يصير خير حنان: واااي تكفين كأبيني اكثر...وبعدين شنو هالعزا اللي لابسته؟ ما لقيتي الا أسود بأسود؟ الزيـن: اووه عاد حنانووو يرحم امج فكيني حنان: يا معوده اهم شي انج رضيتي تروحين ( الزيــن بهالثلاث أشهر عاشت أسوأ ايام حياتها...كل يوم قبل ما تنام تبجي لين تجف دموعهاا...نفسها كله مسدوده عن الأكل وبس حابسه نفسها بغرفتها مقطوعه على العالم مالها خلق اي احد...تحس ان فاقده شي...فاقده روحهاا...فاقده جزء كبير من قلبها...تعيسه...مجروحه...مهمومه...تغيرت عن اول...مو الزيـن المرحه اللي كلها نشاط و حيويه....يت ايام حست انها راح اتين من كثر التفكيــر...ذبحهااا التفكيـر...تعبت واهيه دايما تتأمل ان ناصر راح يرجعلها نادم ويترجاها تسامحه...!!!) في الحفله.... الزيـن قاعده في مكانها طول الحفله ما تحركت,,,ودها تقوم ترقص وتستانس لان الوضع كان موو طبيعي ووناااسه وكل ما تبي تقوم عشان تطلع نفسها من اللي اهيه فيه تهون... حنان: زيين والله والله لو الحين ما قمتي معاي راح ازعل منج حيييييل الزيـن: لا حنان قلتلج لا تغصبيني على شي حنان: انتي محتاجه تقومين وترفهين عن نفسج شوي الزيـن: لا مابي مالي خلق حنان بعصبيه: زيين خلاص انسيه انسيييه ساعدي نفسج تكفيييين ...الدنيا ما تسوى صدقينيي الزيـن: بس حنان.... حنان: لا بس ولا شي...تلاقينه اهوه مستاانس وعاايش حياااته ولا يدري عنج وانتي لحد الحين زعلانه عليه...مو حرام عليج تسوين بنفسج جذي؟ الزيـن: اي بس... حنان: قاعده تظلمين روحج وكأنج قاعده تعاقبين نفسج وانتي مو غلطانه والذنب مو ذنبج صح او لا؟ الزيـن : صح حنان : يلا عيل قوووومي واسحبتها معاها وقاموا يرقصوون...والزيـن اول شي ترقص واهيه مالها خلق وبعدين لا شعوريا دخلت بالجووووو صارت الساعه 10:30 واركبوا السياره رايحين البيت الزيـن: اوووف وناااااااااااسه حنان: شفتي شلوووون..قلتلج بس انتي ما كنتي تبين تعطين نفسج فرصه الزيـن: اي والله كان الوضع خياااااال حنان: اووف الوقت وايد تأخر...اشوه ان امي رضت انام عندكم وطول السياره يضحكوون ويتذكرون الهبل اللي استهبلوه بالحفله ومستانسيــن وبس وصلوا بيت الزيـن جان فجأه يدق قلبها حيـــــل وايدها ترجف الزيـن : ردوا ردواا حنان: منو؟؟ ( جان تشوف نور وناديه وبو ناصر قاعدين يدخلون البيت) الزيـن: يمكن ناصر معاهم حنان: لا لا مو معاهم...ما شفته الزيـن: يمكن سبقهم دااخل حنان: بس عاد زين معاهم او لا...انتي شعليج؟؟ الزيـن: واااي حنان احس قلبي راح يوقف حنان: رديييييينااا صعدوا فوق غرفة زيـن...والزين ميته تبي تعرف اذا ناصر معاهم او لا الزيـن: ما راح اعرف انام الا لما اعرف اذا ناصر رجع او لا حنان: يعني شلون الحين؟!!! ما راح نخلص الزيـن: بدق على نور حنان: الوقت متأخر وتوها البنت واصله خليها ترتاح الزيـن : لا لا ما اقدر أصبر لي باجر بدق بدق (نور كانت توها فاتحه تلفونها) نور تكلم مفسها: بسم الله منو اللي داق الحين...اوف الزيــن!! ارد او لا..ارد او لا!!! خل ارد نور: الووو..اهليـــن الزيــن حبيبتي شلووونج؟؟ الزيـن: هلا والله فيــج....لج وحشه والله..ما تسألين كلش عني!! اشدعوه مو صديقتج انا؟ نور: اي والله انا غلطانه ادري بس تعرفين انشغلت بالسفر وكل يوم طلعات وجذي الزيـن: اي الحمدالله على سلااامتكم....شفتج بره وقلت لازم ادق اتحمدلج بالسلامه نور: الله يسلمج يا قلبي...وانتي شلوونج؟؟تعالي بشريني انقبلتي او لا بالعلوم الاداريه؟ الزيـن: ايييييي الحمدالله انقبلت نور: مبرووووووك الزيـن: الله يبارك فيج حبيبتي والفال لج نور: وشلونج؟ شمسويه؟؟ الزيـن: والله ما اقص عليج كانت حالتي حاله بس عايشه الحمدالله نور تحاول تغير الموضوع: بعد عمري والله ولهانه عليييج وااايد الزيـن: وانا اكثرررر...ها مستعده حق الدوام عقب باجر؟ نور: والله يعني...مااالي خلق الزيـن: كلكم رجعتوا؟ نور: لا والله بس انا واختي وابوي وامي ظلت مع ناصر ( اهيه بس قالت نااصر الزيـن حست بنفسها تنتفض) الزيـن: نور شلونه ناصر؟ نور: والله الحمدالله مستانس وااااايد بره ومرتاااح الزين: صج!!! نور: اي الزين: دوم يارب...يلا نور اشوفج على خيـر نور: اشوفج حبيبتي ومشكوره على اتصاالج الزين: ما سويت شي...مع السلامه نور: مع السلامه (الزين حاشها احبااااااط من اللي قالته اخر شي نور) حنان: هااا ارتحتي؟ الزيـن: الصراحه لا حنان: وشتقولج عن ناصر؟ الزيـن: تقول ناصر وايد مستانس بره ومرتاح حنان: شفتي قلتلج ما يدري عنج...خلاااص انسيــــه...لي متى زييين لي متى؟؟؟ يعني قالج ان مايبيج وزهق منج....قالج ان يحب غيرج...تغير عليج ومو سائل عنج....ومو راضيه تفهمين كل هذااا؟؟ زييين اصحيييي الزيـن: خلاص خلاص حنان اخذي مني وعد اني من يوم ورايح راح احاااول انسااااه...راح ادوس على قلبي واسوي المستحيــل عشان انساااه هذاك إللي تبي له الخير عشق غيرك وصار للغير ياقلبي ابتعد وارحل ياقلبي عنه لاتسأل كفاك تعيــد... وهو بعــيد حبيبك لاخبر..لاخير قدر يصبر عن عيونك ويزيد أكثر من ظنونك تحسب انه يبي عونك وهو تغير كثير..كثير تناسى حبه وطاريه وبلاش أكثر تفكر فيه وش إللي تقدر تسويه مادامه مهتني بالغير ياقلبي ابتعد وارحل ياقلبي عنه لاتسأل كفاك تعيــد وهو بعيــد حبيبك لاخبر..لاخير تـــم الجـــزء الســـابع

جنــــون 11-01-2016 11:54 PM الجــزء الثــامن في بيت بوناصر,,, بو ناصر قاعد يكلم ام ناصر عشان يطمنها انهم وصلوا بوناصر: اي والله وصلنا يالسلامه الحمدالله ام ناصر: الحمدالله على سلامتكم بوناصر: شلون ناصر؟ ام ناصر: الحمدالله بخير كاهو يمي بوناصر: عطيني اياه ام ناصر: ناصر اخذ التلفون ابوك يبي يكلمك ناصر: هلاااا يبه... الحمدالله على سلامتكم بوناصر: الله يسلمك حبيبي ناصر: هااا قووولي شلوون الكويت واهلهااا؟؟ بوناصر: والله الكويت بخيـــر بس ناطرتك اتيي وتنورها ناصر: اوووف ولهااان عليييهاا حيييل بوناصر: يلا هانت هانت نور : يبه يبه ابي اكلم نااصر بوناصر: اك ناصر اختك نور تبي تكلمك نور: نصوووووووور ناصر: نوووووووور نور: ولهت علييييييك...شلون المانيا بدوني؟ ناصر: اوووف تضيق الخلـــق ونور مشت عن ابوها ودخلت غرفتها نور: ناصر ترى الزين دقت علي قبل شوي (ناصر بس سمع اسمهااا حس بالنشوه والفرحــه) ناصر: والله؟؟ شلووونهاا؟؟ طمنيني عليهااا؟؟؟ شقالت؟؟ نور: ناصر شوي شوي على نفسك ناصر: يلا قووولي خلصيني نور: اهيه صادفتنا عند الباب احنا وداخلين وكانت توه راده البيت ناصر: توه راده البيت؟؟!!! يعني اي ساعه؟؟ نور: مادري على الساعه 10:45 تقريبا ناصربانفعال: اوووووله شقاعده تسوي بره لحد هالوقت؟؟!! كانت راده بروحها او معاها احد؟؟!! نور: ناصر شفيــك!!! هدي مو زين عليك تنفعل ناصر: انزين انزين الحين قوليلي نور: كانت راده مع حنان رفيجتها ناصر: اهااا...انزين قوليلي شقالتلج لما دقت؟ نور: يعني سولفنا شوي وأبشرك انقبلت بالعلوم الاداريه ناصر: خوش خوش الحمدالله...وبعد؟؟ نور: وسألتني عنك ناصر: صججججج!!!! (ناااصر حس بفرحه موو طبيعيه انها لحد الحين تذكره,,,,,بس بنفس الوقت متضايق ان لحد الحين مجروحه ومو قادره تنساه وتعيش حياتها) نور: اي سألتني ناصر شلونه ناصر: شقلتيلها؟ نور: قلتلها نفس ما قلتلي,,,,انك مستانس ومرتاح وبيني وبينك احسها تضايقت من اللي قلته ناصر: زين سويتي...مشكوره نور نور: ما سويت شي على شنو تشكرني....وسألتها شلونها وشمسويه ناصر: اي؟! نور: تقول والله كانت حالتي حاله بس الحمدالله سكت شوي ناصر ورد عليها..... ناصر: نور مو حاب ادوخج معاي بس عفيه طلبتج بس بين فتره وفتره طمنيني عليها نور: ناصر مادري شنو راح تستفيد من هالشي!!! ناصر: بس جذي نور: انزين....تامرني على شي ثاني بعد؟؟ ناصر: لا حبيبتي مشكوووره وتصبحين على خيــر وسلميلي على ناديه نور: الله يسلمك.. اهيه اول ما يات دخلت نامت من التعب ناصر: الله يعينها...مع السلامه نور: مع السلاااامه ناصر صك الخط وقعد يفكررر....ياااااه زين لحد الحين تذكرني وما نستني...زيـــن احبــــــــــج مشتاقلج...امووووت وأسمع صووتج الحيــــن امه ارجعت غرفه ناصر ام ناصر: هااا بشنو تفكررر يا حلوو؟؟ ناصر: يمه الله يهداج اي حلوو؟؟؟ ويهي صاير ما فيه ملامح ام ناصر: لوو شنوو انت بيعيني بتظل حلوووو يعني حلوو ناصر: خخخخ والله عيووونج الحلووه ام ناصر: بشنو تفكر؟؟ ما قلتلي؟ ناصر: أفكر بالسكسوكه...ولهت عليها مو عاجبني ويهي جذي فاضي ام ناصر: ههههههههه الله يخس ابليسك عبالي عندك سالفه ناصر: هههههههههههه بيت بوعادل.... الزيــن: حنان انا راح اتغيرر خلااااص بتشوفيني انسانه ثاانيه من بااجر حنان: نشوووووووف الزيـن: لا جد هالمره من صجيييي حنان: جان زيييييييين الزيـن: احلى شي اليوم بالحفله لما فطوم كانت قاعده على الأرض ترقص بعدين لطوف ارجعت عليها و قلبت فوقهاا,,,مت من الضــحك واهمه طايحين فوق بعض عالأرض حنان:هههههههههههههههه ايييييي والمشكله ما طاحت عليها الا لطوف البطه....امبيه اليوم البنات استهبلوا بالرقص عدل. الزين: اي يحليلهم يضحكوووووون ونسوني حيــل حنان: اي خصوصا فطوم عليها حركااات واهيه ترقص تموت من الضحك الزين : حددددده حنان: راح اوله عليهم والله بنات الثانويه..حسافه راح نفترق الزيـن: اي والله بس اهم شي انج معااي بنفس الكليه حنان: وانا اصلا استغنى عشان اروح كليه ثانيه الزين : بعد قلبييي..الله لا يحرمني منج ان شاء الله حنان: حبيبتي والله يخليج لي ياارب وظلوا البنات طول الليل يسولفون ويضحكون....ولا تغركم ضحكة زيـن ترى كلها هموووم وأحزاان....واهيه ما نست اهيه قاعده تتناسى...تضحك عشان لا تبجي...تحاول تلهي نفسها بأي شي عشان ترتاح وتعيش حياتها.... ثاني يوم الصبـح....قامت الزين وخذت شاور وحست بنشاااط ما حسته من فتره ولبست جيـنز لو ويست وجبنيز وردي وداخل فيه أزرق يعني لبسها صاير يعكس مزاجها الزيـن: صباااح الخيـــر حنووون حنان: اي صباح الخير؟؟ انا بعدني ناايمه الزيـن: يلااا قوووومي عاااد حنان: الساعه جم؟ الزيـن: الساعه 10 الصبح حنان: اووف 10 الشكووو تقعديني الحييين؟؟!! خليني بناااام الزيـن: حنون قومي عشان نعدل نومتنا باااجر اول يوم دواااام حنان: خليني على الأقل انام بعد ساعه عفيه الزيـن: لا لا الحين تقووومييين يلااااااا حنان: وااااي منج....اووف بقوووم...هذي ااخر مره بناام عندج زييين الزيـن: ههههههههههه حنووون امشي خل نتريق بره حنان: عبال ما اقوم ونلبس الا صارت 11 الزيـن: امممم خلاص عيل نتغدا بره حنان: اممم خلاص عيل خليني ارجع اناام بعد ساااعه الزين: ياااربي منج...ناامي انخمدي زيين حنان : أشكرج نزلت الزين تحت ولقت امها وابوها الزيـن: صباااح الخيـــر يا احلى اب وام فالدنيااااااا ام عادل وبوعادل متفاجئين من بنتهم!!! صارلهم فتره ما شافوها جذي كلها حيويه بوعادل: هلا والله بالزيــــن الزيـن : هلا فيك يبااااا وباست امها وابوووها بوعادل: ها شلون مستعده حق الدوام باجر؟ الزيـن: والله يبه يبيلي ارووح السوووق لان صارلي فتررره موو راايحه بوعادل: افاا عليج...الحين اعطيج كرتي البنك تحت تصرفج واشتري اللي تبينه الزيـن: بعد عمرررري يبه ام عادل: بس مو الحين تخمين السوق بوعادل: يبه خليها على رااحتها انا رااضي وزين ارفعت حواجبها حق امها بمعنى حررره وقالت: من قدي ام عادل: لا والله الزيـن: يبه عدول بعده بالشاليه صح؟ بوعادل: اي توني مكلمه يقول راجع بليل الزيـن: احسني ولهااانه عليييه من زمااان عنه ام عادل: مسكين على طول كان يسأل عليج وانتي كله قاعده بغرفتج الزيـن: مسكين....يلا يا جماعه انا بروح البس حق السوووق ام عادل: ما تبين تتريقين؟؟ صايره شضعفج الزيـن: اممم لا لا مشكوره باكل شي بره مع حنون في بيت بوناصر..... نور: يبه تتوقع متى راح يتحسن ناصر؟ بوناصر: الله اعلم....بس الدكتور قالي ان شكله راح ياخذ وقت ان يتعالج اكثر مما تصور نور: اووووف....الله يعينه بوناصر: اي والله.....مفكر بس يرجع الديره بالسلامه اشتريله السياره اللي كان بخاطره فيها...الموزراتي نور: شغل عدددل...اي اتينن السياره ونصوووور يستاهلها بوناصر: اي والله في بيت بوعادل..... الزيـن: يلا عااد حنونوو قووومي لبسي خل نرووح السووق حنان: اووف يلا بقوم بقوم الزيـن : هيااااااااا دخلت حنان تغسل ولبست والزيـن غيرت هدومها وكشخت دام فيها سوق ومجمع وسوت شعرها ويفي,,,وكان شكلها وايد حلوو الزيـن : انا بسوق فيج هالمره حنان: احسن بعد...ما احب اسوق من الصبح أصلا الزيـن عندها ريــنج سبورت لونه لون دم الغزال) الزيـن: شرايج اي مجمع نروح؟؟ حنان: امممم نروح الأفنيوز؟ الزيـن: اي احسن لان كل شي فيه حنان: والله عاجبتني اليوم الزيـن : شلون؟ حنان: لا يعني متغيره علي الزيـن: للأحسن ولا للأسوأ؟ حنان: لا اكيييييد للأحسن,,,يعني صرتي تقريبا الزيـن اللي كنت اعرفها اول الزيـن: الحمدالله وصلوا المجمع وتغدوا وفرووه فرررر وشايلين جياس (كياس) الدنيا معاهم الزيـن: واااي انهد حيـلي تعبت حنان: بس بس خل نمشي...صارلنا 5 ساعات بالمجمع الزيـن: اي يالله.....لاااااااااااااااااااه حنان: شنو؟؟ شنو؟؟ شصاار؟ الزيـن : احنا الحين بأول المجمع وصافطين بااخر المجمع يعني راح نمشي لي محل سيفورا حنان: واااي صروعتيني...شفيج جذي ما عندج ليااقه!! الزيـن: عندي بس مو وانا شايله اكثر من 10 أجياس بأيدي حنان: يلا يلا امشي بلا دلع بعد 5 دقايق,,,, حنان: اوووف تعبـــــــت,,,,احنا شلوون لحد الحين ما وصلنا؟؟! الزين: قلتلج قلتلج انا بعيـــد حنان: بس بس خل نقعد بكافيه ولا شي نريح الزيـن: لا لا خل نكمل مالي خلق اقعد واقوم حنان: جان زين يوفرون غولف كاارز هني الزيـن: هههههههه تخيــلي حنان: هالمجمع ماله اخر الزيـن: ماراثون وانتي الصاجه حنان: طاااح حيـــلي بموووت ...احس اليوم اخر يوم بحيااتي خخ...بس بس خل نوقف على جنب شوي ونحط الجياس بالأرض الزيـن: يلا امشي شوي ولا واحد اييلهم ......: السلام عليكم الزيـن استوعبت شكله وعرفته: وعليكم السلام عبدالرحمن: عرفتيني؟ الزيـن: اي عرفتك...انت رفيج عادل صح؟ عبدالرحمن: صح....تحبون اساعدكم؟؟؟ ما شاء الله اشوفكم شايلين وايد بأيدكم الزيـن: لا لا مشكور ما تقصر ما يحتاي عبدالرحمن: لا لا عطوني اشيل وياكم...افاا عليج بس اعتبريني بحسبة اخوج الزين: لا والله مشكور ماله داعي عبدالرحمن: لا انا مصر اساعدكم...انتو شكلكم كان شوي وبتطيحون ...ما راح امشي الا لما اساعدكم الزيـن طالعت حنان...وحنان غمزتلها بمعنى خل يشيل عنا شوي الزين : لا لا ميخالف ماله داعي عبدالرحمن: يبه عطيني عطيني ( وخذا أجياس من ايد الزين وحنان) عبدالرحمن: وين صافطين؟ الزيـن: بعد جدااام... النزله اللي صوب محل سيفورا عبدالرحمن: الله يعينكم كنتو راح تمشون كل هذا مع اللي شايلينه عبدالرحمن كان ماشي طول الوقت جدامهم لما وصلهم لحد السياره وحطلهم الأجياس بالدبه عبدالرحمن: تامروني بعد على شي؟ الزيـن: لا مشكور يعطيك العافيه ما قصرت عبدالرحمن: الله يعافيج...الا عادل شلونه؟؟من زمان عنه الزيـن: بخيـر...اهوه بالشاليه الحين عبدالرحمن: اهااا الزين قاعده بينها وبين نفسها: ويــيييه هذا شكله يبي يسووولف عبدالرحمن: انقبلتي بأي كليه؟ الزيـن : العلوم الادرايه عبدالرحمن: اهااا يلا بالتوفيق ان شاء الله الزيـن: تســلم عبدالرحمن: أشوفكم على خيـر ومشى..... الزيـن: اوووف وأخيـــرا مشى!!! ما بغى يرووح حنان: شحلاته يهبل,,,,ومؤدب الزيـن: اووووف حدج فاااضيــه حنان: والله ما قصر,,,,لو مو اهوه جان ما وصلنا السياره الا بااجر الزيـن: اي ما قصر ما قصر...بنظل نسولف عنه طول اليوم؟؟ حنان: لا بس خلااص الزيـن وحنان ردوا البيت وحنان خذت سيارتها وأغراضها ومشت.... يوم الأحد الصبــح..... الزيـن كشخت على الاااااخر وكانت لابسه نفنوف داخل فيه أكثر من لون وشكلها مرتب وحلوو الزيـن : صبااااح الخيــر يمه....حدي مستعيـــله لاني تأخرررت ام عادل: بسم الله من اول يوم تأخير...!! الله يعينج روحي روحي وركبت سيارتها وراحت الجامعه اول ما دخلت الكليـه..طبعا جنه عرض أزيااء وكل بنت بكامل أناقتها وكل وحده ستايلها احلى من الثاني....والشبااب طبعا هم كل واحد كاشخ ومرتز يعني انا كلش والكليـه وايد حلووه ومرتبه وراقيه .....ودقت الزين على حنان الزين: ها حنان وينج؟؟ حنان: اوووف سكتي لحد الحين واقفه عند الاشاره الزيـن: واااي شنو باارده انتي حنان: يايه يايه بالطريج الزين اهيه وقاعده تدور قاعة محاضرتها....وخطر في بالها: ياااي هذي كلية نااصر وهذي الممرات اللي كان يمشي فيهاا,,,وهذي الكافتيريا اللي كان يتريق فيها بعدين استوبعت....بس زيــن شيـليه من مخج..مو بكل زاويه تشوفينه!!!! وخلصت زيـن ن محاضراتها وردت البيت.... ام عادل: هاا يمه شلون كان اول يوم؟؟ الزيـن: والله يمه وايد ونااسه ام عادل: الحمدالله وما ضعتي؟ الزيـن: لا عادي ساعدوني بنات من القوايم ام عادل : الحمدالله الزيـن: يمه انا بروح انااام حدي دااايخه وراحت الزيـن غرفتها وناامت..... مرت الأيااام.....وناصر لحد الحين يتعالج....وزين يوم عن يوم بدا يقل تفكيرها بناصر وما قام يخطر في بالها كثر اول....اما نااصر كل يوم يحبها اكثر من اول..كل يوم يحس ان متعلق فيها اكثرر ومحتاجها اكثررر... مرت سنــه وشهريـن.... الوقـــت الحــالــــي 2009 ام ناصـر: الحمدالله على سلامتك ياا يمه....( وتلمه حيــل وتبووسه وتبجيي) ناصر يبجي ويلمها: الله يسلمج... ام ناصر: الحمدالله....الحمدالله ناصر: يمه مااني مصدق...وأخيــرااا ام ناصر: شفت شلون ربك كبيــر...وكل شي بأيد ربك والحمدالله انكتب لك عمر يديد ناصر: الحمدالله يمه الحمدالله ام ناصر: بروح ادق على ابوك وخواتك وأبشرهم ناصر: ايي يمه وعفيه حجزيلنا اليوم قبل باااجر...ابي ارجع الكويييييت ( اي نعم ناصر تعالج و تشافى كلياا من سرطان الدم بعد معاناة سنه ونص...مرت سنه ونص على ناصر كأنها دهررر...ناصر بينه وبين نفسه: اااااخ وأخيــرا برجع الكويــت وأخيـــراااا....يا كثر حبي لكم يا اهل الكويـــت..يااااني لكم مشتااااااااق) مشاعر ناصر حق زيـن ما تغيرت عقب كل هالفتره....بس زيــن يا ترى شنو وضعها الحين؟؟ تـــم الجــزء الثامــن ترقبوووااا الجزء التــــــــاسع

جنــــون 11-01-2016 11:54 PM الجــزء الــتاســع الدكتور: مبروك ناصر تخلصنا من الخلايا السرطانيه اللي في دمك وانت شفيت بالكامل ناصر: مشكوور دكتورر..مشكوور الدكتور: شعرك راح يرجع يطلع...وحاول انك تزيد وزنك حوالي 20 كيلو وتغذى أكلات صحيه وابتعد عن التدخين مره وحده ناصر: اي دكتور انا ما ادخن أصلا الدكتور: تمام....طبعا لازم كل 3 أشهر اتيي المانيا حق الفحص الدوري ونتأكد ان هالخلايا السرطانيه ما ارجعت ناصر: اوكي دكتور....متى اقدر اطلع من المستشفى؟ الدكتور: خلال أسبوع او اقل شوي بس عشان نتأكد ان المناعه عندك ارجعت ناصر: دكتور....وبالنسبه للعقم...انا الحين اعتبر عقيم؟ الدكتور: اكون صريح معاك نعم....نسبة قدرتك انك تنجب بالمستقبل ضئيله جداااا وما أوعدك بشي...لان فترة علاجك بالكيميائي كانت طويله وعشان جذي ممكن يكون عندك عقم دائم ناصر: الحمدالله على كل حال الدكتور: انت الحين افرح انك قضيت على المرض اللي عندك وتقدر تعيش حياتك وتكمل دراستك ناصر: اي بس دكتور شلون اكمل دراستي وانا قدرتي على التركيز شوي وانسى واايد الدكتور: ادري ان صعب بس مع مرور الوقت راح تتحسن...انت اول ما توصل الكويت ارتاح جم شهر وبعدين عطي نفسك فرصه يمكن تقدر تاخذ شهادتك ووتتخرج ناصر : خايف دكتور ارجع اوقف على ريولي وبعدين ارجع امرض ويضيع كل شي من اول ويديد الدكتور: لا ناصر خلك طموح ومتفائل ولا تفكر في بعدين...عيش كل يوم بيومه ناصر: اوكي دكتور...أشكرك على كل شي الدكتور: لا تشكرني اهم شي انك قمت بالسلامه دخلت ام ناصر عليهم الدكتور: يلا اخليك مع امك الحين ام ناصر: ثنكيو دكتور ثنيكووو الدكتور: يو ار موست ويلكم ( العفو) ام ناصر: يمه كلمت ابوك وخواتك طايرييين من الفرررررحه ناصر: ولهاااان عليــــهم واحد واحد ام ناصر: واهمه اكثرررر....متى قالك تقدر تطلع من المستشفى؟ ناصر: يقول يبيلي حوالي اسبوع عبال ما ترجع مناعتي ام ناصر: اهاااا,,,,انا على بعد جم يوم بروح السوق اييب هدايا حق الدكتور والممرضات ما قصروا معانا كلش كل هالفتره ناصر: اي والله يمه يستاهلون... في الكويــت.... نور: مااااااااني قادر أصدق نااااصر راااجع الكويـــت وأخيـــــــــرااااا ناديه : اييييي والله.....بعد قلبي ناصر ولهانه عليه وايد نور: اناا اكثررررر ناديه: الحمدالله وعسى الله يديم الصحه ويحفظه ان شاء الله نور: ان شاء الله.....ناديه ناديه: هلا نور: تتوقعين شنو راح تكون ردة فعل ناصر لما يعرف عن الزيـن؟ ناديه: اوووف نور عاد انا قلتلج وقتها لازم نقوله احسن بس انتي ما رضيتي نور: لا ناديه من صجج...خفت الخبر يأثر على صحته ناديه: اي بس كان من حقه يعرف وبعدين راح يتضايق وايد وايد ليش ما قلناله وقتها نور: اووووف ناديه: شوفي يمكن فتره راح يتضايق بس اهوه كان يبي هالشي يصير واكيد راح يفرحلها نور: مادري ناديه مادري,,,خايفه من ردة فعله ناديه : الله كريم في كليـة العلوم الاداريه.....بقى تقريبا أسبوعين ويخلص الكورس الأول والزين الحين سنه ثانيه الزيـن: هااااااي غدوور غدير: هلا بالزيـــن الزيـن: يالخايسه عندج بلاك بيري وما تقولين!!! ضيفيني عندج غدير: توني شاريته من يومين...مو عارفتله كللللللش الزيـن: اووف حده سهللللل,,,,ركبتي خدمة ال bb غدير: لا بعد بروح احط الخدمه اليوم الزيـن: شوفي انا دخلت الpin مالج عندي واول ما يوصلج شي دووسي اكسبت غدير: اوووكي الزيـن : يلا حبي بروح محاضرتي أشوفج على ال بعدين,,, bb غدير: هههههه يلا قلبي باااااي شوي جان يدق تلفون الزيـن... الزيـن: هلا حبيبي شلونك ......: هلا بعمررري...ها وينج؟؟ الزيـن: انا بالكليه...شوف ما اقدر اتكلم الحين عندي محااضررره .....: انزين اول اول ما تخلصين كلميني الزيـن : انزين انزين يلا باااااي .....: باااااي ( اللي كان معاها على الخط ظل ظل يركض وراها سنه كاااامله يموووت عليــهاا واهيه ما تعطيه ويه وما تبيه بس ظل وراها ظل وراها لما حبته....واهوه عبدالرحمن رفيج عادل اللي بالاداب...لا تخترعوووون....بعدهم ما تزوجوااا ولا حتى املجواااا....اهيه بس مخطوبه حقه واتفقوا على الزواج عقب ما يتخرج عبدالرحمن...يعني بقاله بعد كورس كامل.... ووافق عليه ابوها لان انعجب بالولد حيـل وشاف نفسه فيه واهوه ولد عايله ومحترم ومؤدب وطموح وخوش واحد.... واهيه انخطبتله من حوالي شهر...وراح يظلون مخطوبين بعد حوالي شهرين ونص او اكثر شوي على أساس بعدين يملجون ويتم الزواج عقب الملجه بشهرين....اهل الزيـن متحررين و ما عندهم مانع ان الخطوبه تطول وبالعكس ابوعادل كان يبي الخطوبه تطول عشان يتأكد ان بنته مقتنعه بالولد 100/100 لان خايف عليها وما يبيها تتسرع بموضوع الزواج....الزيـن مع الوقت انعجبت فيه وفي شخصيته وحبته و طبعا ما كانت تكلمه كلش قبل الخطوبه لكن بعد الخطوبه اهلها ما كان عندهم مانع ان تكلمه بالتلفون بس ما تطلع معاه طبعا وولا شي الا اذا تطلع معاه بوجود اخوها... ) (أذكركم بشكل عبدالرحمن...قلنا طويل بس أقصر من ناصر ومجسم و أبيضاني مملوح و طبيعته ان هاااادي ) في المانيا..... ناصر ااااخ يا زين مشتاااااااااقلج مووووووت...نفسي بس لو المحج من بعيد...اسمع صوتج....احضنج...اشمج...اتنفسج....ويـــنج يا زيــن.... يا ترى شلون عايشه ايامج؟...شقاعده تسوين الحين..؟ شالدنيا فيـــج؟؟! قولوا لها قلبي مـن العـام مجـروح قولوا لها لو كل الاسـرار باحـت ياما سهرت الليل مـن حـر مانـوح ومن نوحتي حمامة الورق ناحـت هذا الغـلا ماهـو تلاعيـب ومـزوح عاشق وغصب ٍ دمعته يوم طاحت قولوا لها اني تالـي الوقـت مطـروح واصيح لا قالوا ترى البنت صاحت يامـن تبـدل همـي بخيـر وفـروح ابذكرك لو كل الاشـواق ماحـت وامشـي وادوّر واخـذ العلـم واروح واقول للي شافها .. وين راحت ؟؟ ( أغنية نبيل شعيـل) في الكويـت...الزيـن طلعت من محاضرتهاااا الزيـن: قوووه حمني عبدالرحمن: الله يقويـــج الزيـن: هاااا شبغيت.؟؟ عبدالرحمن: افاااا...الحين انا حبيبج حمني تقوليه شبغيت!!! الزيـن: لا انت قلتلي دقي علي ابي اكلمج...عبالي في شي!!! عبدالرحمن: لا بس كنت ابي اسولف معاج وانتي كنتي مستعيله ما قدرت الزيـن: اهااا...يلا سوولف عبدالرحمن: أحبـج الزين : حبتك العافيه عبدالرحمن: ااااخ لسانج ينقط عسل...كلج رومانسيه الزيـن بدلع: ههههههههه شتبي أقولك يعني؟ عبدالرحمن: قوليلي أحبك مو حبتك العافيه الزين: لا مابي عبدالرحمن: ليـيييش؟؟!! الزيـن: بس انا بالكليه صعب اقولها اهني عبدالرحمن: انزين انا بسألج...تحبيني او لا؟ الزيـن: انت عارف عبدالرحمن: واااي منج...ردي علي الزيـن: اي ايييي أحبــك...اررتحت؟؟ عبدالرحمن: مشكوره ما تقصرين حبتج العافيه...هههههههه الزين: لا والله ههههههههه عبدالرحمن: وين رايحه الحين؟ الزيـن: بمر حبون البيت واطلع اتغدا مع حنون بره عبدالرحمن: مساكين الساعه 3:30 الحين راح تتغدون الزيـن: اي بعد عبال ما خلصت محاضراتي عبدالرحمن: وبعدين وين رايحين؟ الزيـن: مادري يمكن نروح المجمع او ندخل سنما بنشوف عبدالرحمن: يعني على اي ساعه بتردين البيت؟ الزيـن: مادري حسب بس مو قبل 8 عبدالرحمن: يلا حبيبتي بس تردين عيل عطيني خبر الزيـن: ولا يهمك عبدالرحمن: احبـــــج الزيـن: وبعديـن؟؟ بس ترى استحي عبدالرحمن: يلا حبيبتي باي الزيـن: بااي الزيـن واقفه جدام بيت حنان تنطرها تطلع حنان: هااااااااي الزيـن هاااي انتــي حنان: يلا وين تبين نروح نتغدا؟ الزيـن: امممم شرايج تبين سلايدر ستيشن؟ حنان: خو هالمكان مساحته شبرين وكله زحمه...لا لا خل نروح واحد من مطاعم البحر الزيـن: يلا نروح البحر وبعدين نقرر...وخل ندخل فلم بعدين من زمان ما رحنا حنان: اي يالله...عبدالرحمن يرضى؟ الزيـن: اي قلتله مو قبل ال 8 رادين ما قال شي حنان: يا حلاته مو معقد كلش الزيـن: يعني لو كان واحد يخاف علي وما يبيني أتأخر بليل يصير معقد؟! حنان: ما أقصد جذي بس ان حلو ان مخليج على راحتج مو شاد عليج الزيـن: انزين ما علينا حنان: اي خل نغير الموضوع...شلونه حبيب القلب قوليلي؟ الزيـن: تمام الحمدالله حنان: واااي زووزوو سولفيلي تكلمييي ابي حماااااس اكثر الزيـن: اشتبين اقولج يعني؟ حنان: قوليلي كل شي...خو انا كل ما ادق عليج بليل يطلعلي " يرجى الانتظار " عن شنو تسوولفوون؟ الزيـن: سوالف عاديه حنان: سوالف عاديه وما تدرين علي لما ادق!! الزيـن: الحين قوليلي وين تبين ناكل؟؟ قربنا نوصل البحر حنان: اممممم شرايج تبين فرايديز؟ الزيـن: يلا من زمان ما كلينا فيه بعد أسبوع..... نور: يلا يلا يبه خل نروح المطار الحيـــــــــن لا نتأخررر بوناصر: يبه شفيج الطياره بقالها ساعتين وتوصل نور: اييي عادي نقعد بكافيه ننطر بوناصر: بعد نص ساعه نمشي ولا يهمج....ناديه جهزتي كل شي؟ ناديه: اي اي يبت بوكيهات ورد يهبلوون....وطوق ورد روووعه... نور: يبه كلمتني جنان تقول راح يكونون هناك بالمطار اهيه واهلها بوناصر: اي خوش وخالج محمد راح يكون بعد بالمطار في المطار.... بوابة القادمون في المطار.....كل اهل ناصر ناطرينه احر من الجمر وربعه لان كان قايل حق خمسه من ربعه اللي اهوه حيــل معااااهم ان راح يوصل الكويت .....واول ما شافوا ناصر بدا اليباب والصراخ واركضوا على ناصر وقطوه عليه الورد ولبسوه الطوق وافرحوا فيه فرحه مو طبيعيه واهوه اخنقته العبره ومو مصدق ان صار بالكويـت أخيــرا بعد هالفتره الطويله بين اهله وربعه...وايد كان منكسر خاطرهم على ناصر..لان صاير ضعيف...هزيــل...لونه شاحب أصفر...وبعده شعره ما طلع....كانوا حاجزين ليموزين حق ناصر وركب فيه اهوه وربعه وقاعدين يفترون شوي على البحر واهوه يحس الأرض موو شايلته من الفرررحه ناصر: هااا شبااب سولفولي شنو الأشياء اللي تغيرت بالكويت يوسف: والله ماكو وسعوا الأفنيوز خخخخ ناصر: ههههههه وبعد سولفولي احسني ولهااان على الكويــت حيل وكل الأماكن اللي فيها جاسم: أفا عليــك بس...راح نوديك كل الأماكن اللي انت من زمان عنها وهم الأماكن اليديده اللي افتحوها ناصر: وشخبار الجامعه؟ يوسف: والله مكانك كاان خاااالي راشد: اي والله فقدناااك حيــل يوسف: ها عيل راجع على الكورس الياي؟ ناصر: والله ان شاء الله راح احاول فيصل: اي يبه تعال كمل دراستك وارجع اشتغل بالرابطه معانا ناصر: اي ان شاء الله...يه يه الحين كلكم خريجين خلاص جاسم : الا انا شكلي بعفن بعد جم كورس راشد: ههههه مسكين قاعد يعدي المواد بطلعة الرووح جاسم: طاع من يتكلم...يعني اللي يقول الحين انت اللي مقطع المواد ناصر: زين عيل خلك ويااي جاسم: اي أصلا انا متعمد اتأخر عشان أظل معاك ناصر: هههههههه والشباب فرحااانين بناصر ويغنونله ويرقصوله بالليموزين ووصلوا بيـــت ناصـــر.... ناصــر كاان ملهوووف على بيته....على منطقته....نزل من السياره وودع ربعه ومشوا عشان يخلونه يرتاح....ووقف يطالع بيت الزيــن...يااااه كل شي على حطته...بس سيارة الزين وينها؟؟ مو شايفها!!! صارت الساعه 7 وبعدها مو في البيت!!! ليش؟!! شعدنها!! ومع منو؟!! ودخل ناصر بيته ونطت عليه نور لمته مره ثانيه ام ناصر: يمه شفيج..شوي شوي عليــه ناصر: خليها عااادي... ها نور سولفيلي شلون الدراسه؟ نور: الحمدالله بخيــر بس ما بقى شي على الفاينل!!! ناصر: يلا شدي حيــلج هاانــت...ما بقالج شي ووتخرجين من الثانويه نور: ايييييي وأخيــرا بصير جااامعييه ناصر مسك ايد نور وخذاها غرفته ناصر: نور قوليلي الزيـن شلونها؟؟ من زمان ما كلمتيني عنها نور: الحمدالله تمام ناصر: تغيرت؟؟ نور: امممم بصراحه احسها احلوت شوي ناصر: صج!!!! (واخذ نفس عميـق وسرح قاعد يحاول يتخيل شلون صار شكلها ) نور: ناصر ناصر: هلا حبيبتي نور: لا خلاص خلاص ناصر: لا شنو قولييي نور: مو مهم خلاص ناصر: نور تكفين قولي نور: اخاف اقولك ناصر: ليش تخافين؟؟؟ نور: اخاف تتضايق وتتعب مره ثانيه ناصر: لا يبه شفيج خلاص صرت زين انا ما فيني شي...قوليلي شنو في ؟؟!! نور: ناصر الزيـن انخطبت ناصر انصدم وانعفس ويهه والخبر هز كياانه ناصر: متى..؟؟ حق منوو؟؟ نور: مادري حق منو؟؟ بس اللي اعرفه ان انخطبت من حوالي شهر ناصر: ومن متى تعرفين؟ نور: من حوالي أسبوعين ناصر: وليش ما قلتيلي؟ نور: ما كنت ابي أضايقك بالخبر ناصر سكت و قاعد يحاول يتمالك نفسه ناصر: بالعكس نور كان الأحسن انج تقوليلي لان الخبر واايد واايد يفرحني..وانا كنت ابي الزيـن تنساني وتعيش حياتها وتاخذ واحد يستاهلها عشان انا ارتااح واتطمن عليها نور: صججج!!! ناديه قالتي هالشي بس انا خفت ناصر: نور انا ما تركتها الا كنت ابي هالشي يصير...لو ابيها بس لي جان ما تركتها من الأساس بس الحمدالله انها كملت حياتها نور: بس والله ناصر انا ادري انها اتعبت واايد بالفتره اللي تركتها فيها وخذااها وااايد وقت عشااان تنسااك وتعذبت من فراقك...صدقني ما كان سهل عليها ناصر: ادري نور..خلاص كانت فتره وعدت وانا ما يهمني الحين الا سعادتها طلعت نور من غرفة ناصر...وانسدح على فراشه يفكر ويحس بعواار موو طبيعي في قلبه...وقاعد يحاول يقنع نفسه ان لازم لازم ما يتضايق ان الزيـن انخطبت...بس بنفس الوقت مو قادر يتخيل ان الزيـن الحين حق واحد ثاني...حاس الغيـره قاعده تاكل بجسمه.... بينه وبين نفسه: ناااصر خلاص صار اللي انت تبيه...تطمنت على الزيـن وعلى صحتها وعلى مستقبلها...لازم تفرحلها ما يصير تتضايق..مو من حقك أصلا تزعل...الزيـن نستك وكملت حياتها....وانت عيش على ذكراها... ناصر دخل الحمام عزكم الله وأخذ شاور وطلع من غرفته لي الصاله يطل من الدريشه يشوفها اذا يات الزين ولا بعدها.... ناصر يكلم نفسها: هذي من صجها بعدها ما يات!!! صارت الساعه 8:30 وبعدها بره!!!! ويــنها؟؟!.....بينيه وبين نفسه: انت شعليــك..!! الحين اهيه انخطبت اهوه اللي لازم يحاتيها مو انت..!!...بس مو يكوون معااه اهيه الحين!! اووف نااصر خلااص بسك تفكيــر.... شوي جان توصل الزيـن بسيارتها الريــنج.... اول ما شاف سيارتها حس بجسمه ينتفض...مو مصدق ان وأخيـــرا راح يشووفها عقب كل هالمده....اصفطت سيارتها بالجراج بس ما يقدر يشوفها الا لما تنزل من السياره وتوصل عند مدخل باب بيتهم....وقاعد ينطرها... يكلم نفسه: ويــنج؟؟! ويــنج؟؟ وبعديـــــن شاافها واهيه تمشي.... ااااااااااااااااااااااااااااخ يااا قلبـــي.....شنو حلوت شوي!! الا احلوت عن اول الف مرره....فعلاا متغيره عن اول..اهيه نفسها بس محلووه...فيها شي متغير..يمكن قصة شعرها المدرجه مغيرتها....او ستايلها...او جسمها...!!! مادري بس باختصار شكلها صاير قمررر.... الزيـن دخلت البيت واهوه بعده واقف سرحااان هااااايم.. ما تحرك من مكااانه... بينه وبين نفسه: ناصر الله يعيــنك تم الجــزء التــاسع

جنــــون 11-01-2016 11:56 PM الجزء العاشــر خلص الكورس الأول وبلشت عطلة الربيع يعني مر حوالي أسبوعين وشوي من وصول ناصر الكويت,,,,ناصر طول هالفتره ما طلع من البيت الا مرتين لان كان خايف يصادف الزين بهالشكل واهوه بعده ما استعاد شكله وصحته وما كان يبي يصادف وايد ناس ويدرون عنه ان كان مريض ولان الدكتور موصي عليه يحاول كثر ما يقدر ما يطلع وقت فيه شمس عشان مو زينه حق صحته... وقاعد يحاول يكثر أكل باليوم عشان يلحق يزيد وزنه قبل ما يداوم بالكليه الكورس الياي ورجع شعره يطلع...وفرحان انه شكله بدا يتحسن ولونه بدا يرجع ونفسيته صارت أحسن .... ناصر: يمه يووعاااان متى الغداا؟؟ ام ناصر: اسم الله عليك ناصر توك متريق...وبعدين تو الناس الساعه 12:30 ناصر: يمه خليني اكل على رااحتي خو غداكم انحرمت منه اكثر من سنه ام ناصر: اليوم مسويينلك أحلى مطبق زبيدي ناصر: الاااااااااااه...شنو مشتهيييييييه وراح ناصر طل من الدريشه يشوف الزيـن في البيت او لا!!! هذي حالته طبعا كل هالفتره بس يفكر فيها ويحاتيها ولما يطل من الدريشه ويشوف سيارتها موجوده يرتاااح نفسياااا.... الزيـن لحد الحين ما حست فيه ان وصل ولا تدري انه بالكويت واهيه اللي تعرفه أصلا ان ما راح يرجع الكويت الا بعد سنتين من وقت سفرته.... في بيت بوعادل... الزيـن : صباااح الخيـر يمااا ام عادل: هلا قلبي صباح النوور الزيـن: وين عادل؟ ام عادل: والله حبيبتي شكله بعده نايم الزين : من صجه!!! امبيه فشله عبدالرحمن ياي بعد نص ساعه واهوه بعده نايم ام عادل: بعد ما تعرفين اخوج اذا كان عنده عطله اي ساعه يناام الزين : خل ارووح اقعده وراحت الزين غرفة عادل وتطق الباب وتطق الباب لما اخيرا رد عليها عادل بعصبيه : نعمممم....يعني الواحد بهالبيت ما يعرف ينااام الزين : عاادل يلا قوووم بعد شوي ياي عبدالرحمن عادل: لييييش؟؟! الزين :شنو ليش؟؟! اليوم على أساس راح يتغدا عندنا نسيييت عادل: وييييه راح عن بااالي الزين: يلا عفيه قوووم عادل : اووف انزين قايم قايم وراحت الزين ومسكت تلفونها ودقت على عبدالرحمن الزيـن: هاااااي حمني عبدالرحمن: هلا والله هلااا الزيـن: ها حبيبي متى ياي؟ عبدالرحمن : على الساعه 1 اكون عندكم الزيـن: يلا تمااام عيل ..باااي أشوووفك ان شاء الله عبدالرحمن : بااااي يا روح عبدالرحمن في بيت بوناصر.... ناصر: يلا عاد يمه صارت الساعه 1:10 وين الغداااا؟؟؟؟؟ ام ناصر: يلا يلا حبيبي دقايق ونحطه ناصر: صارلج ربع ساعه تقوليلي دقااايق..يووعاااان..احسني مفجوووع من زماان مو مااكل ام ناصر: انزين انزين يمه منك لجيتني وراح ناصر وقف عند الدريشه جان يشوف سياره توصل وتصفط جدام البيت...كانت سياره كورفيت سوده...ناصر مستغرب السياره اول مره يشوفها اتيي عندهم...وبعدين نزل من السياره وناصر ظل يطالعه قاعد يحاول يتذكر شكله!! ناصر يكلم نفسه: اييي عرفته هذا رفيج عادل!! شيايبه عندهم هالحزه؟! شوي جان يشوف الباب ينفتح وتطلعله الزيـن وتضحكله وتناديه..واستوعب ناصر انه اهوه احتمال يكون خطيـب الزيـن دمه غلى...انفعـل...هاااج...ثاااار...انفجرررر...ما كان قادر يتحكم بأعصاابه...وخذا فازه كانت على الطاوله وحذفها بالأرض ام ناصر كانت بالمطبخ تحت ما اسمعت شي لكن نور طلعت تركض من غرفتها نور: ناااصر شفييييييييك شصاااار؟؟ ناصر كان يتنفس بسرعه وويهه احمررر وحتى عيوونه كانت حمرره نور: نااصر رد علي,,,شصار؟؟ ناصر: تعرفين صاحب الكورفيت السوده منو؟ نور: اممممم كنت اشوفه بين فتره وفتره اول....ااااه امممم اعتقد هذا خطيب الزيـن لان مرات اهيه واخوها يركبون معاه السياره ناصر حاس نفسه قاعد يتقطع من الداخل... نور: ناصر أذكر الله...شنو نسيت كلامك اول؟؟ مو كنت تقول انا ما تهمني الا سعادتها وانك فرحان انها كملت حياتها ناصر: اييي نوور اييي ادررري ادرري نور: يعني ناصر خلاص انسااها...مو هذا اللي كنت تبيه؟؟؟ مو كنت تقول القرار قراري وخلوني على كيفي...والحين شنو النتيجه؟؟؟ النتيجه انك تظل زعلان عليها لي اخر عمرك؟؟ ناصر: غصبن علي نور قاعد احاول اني امسك نفي بس غصبن علي مو قاادر..ما تخيلته راح يكون بهالصعوبه جذي نور: لا ناصر انت للأسف انك كنت حاط في بالك انك ما راح تعيش وما حسبت حساب انك اذا عشت شنو راح يصير بعدين ناصر: نوور انا كنت خاايف عليييها..ما كنت ابيي اظلمها معاااي....كنت خايف اذا صار فيني شي تضـيع البنت او يصير فيها شي...وبعدين نور تدرين اني صرت عقيم تدررييين؟؟ نور: شنوو؟؟ عقيم!!! ناصر: ايي نور العلاج اللي كنت ااخذه سبببلي العقم...يعني الزين ما تستاهل واحد يكون لها اسره؟؟....نور تدرين في احتمال كبير يرجعلي السرطان مره ثانيه؟؟ لييي متى نووور لي متى بظل عايش بالمستشفيات...شلون اقدر اهتم بزوجتي وانا اللي دايما احتاج من يهتم فيني؟؟؟ نور انصدمت..اسكتت مره وحده..ما تدري عن كل هالأشيااء وقامت تبجي ناصر: نور انا اسف ما كان قصدي أضايقج بكلامي بس ابيج تعرفين وجهة نظري وتعرفين ليش انا سويت جذي وحضن نور وقاعد يحاول يخفف عنها... مرت الأياام وناصر كل ماله يتحسن ويرجع نفس شكله اول وكان على طول يحاول يشغل نفسه بأي شي عشان لا يفكر في الزين واشترك بنادي رياضي وكان ما يطلع من البيت الا الصبح امبجر حيل او بليل متأخر حيـل عشان لا تصادفه الزيـن...واذا طلع ما يطلع بسيارته لكن ياخذ سيارة البيت....اما الزين تحس كل يوم عن يوم قامت تتعلق بعبدالرحمن اكثر.... وبقى أسبوع واحد على دوام الكورس الثاني....ناصر وابوه راحوا الكليه عشان يرجعون يقيدونه لان كان موقف قيده طول هالفتره...وسجل المواد اللي يبيهاا وارجعوا البيت... ناصر طق على نور الباب... نور: تفضللل ناصر: قوووه نور: هلا والله..الله يقويييييك ناصر: نور ابيج تساعديني بشي نور: أساعدك ليش لااا...قول شعندك ناصر: في وايد ناس قلتلهم على أساس بكمل دراستي بره صح نور: صح ناصر: والأسبوع الياي بداوم بالكليه...بالله اذا سألوني شقولهم؟!! نور: اي صح وهقه...امممم شتقولهم شتقولهم؟!! ناصر: تدرين فكرت اقولهم ان صارتلي مشاكل بره ورجعت اكمل دراستي بالكويت وان عادلولي جم ماده بس.. شرايج؟؟ نور: امممم اي صح أصلا ماكو غير انك تقولهم جذي ناصر: اي عاد اذا مشت عليهم مشت ما مشت كيفهم نور: بس ناصر اول وتالي الناس راح تعرف انك كنت مسافر بره تتعالج ناصر: اي ادري بس بحاول كثر ما اقدر ان ما اخلي هالخبر ينتشر عشان لا يوصل اخر شي حق الزيـن نور: تتوقع الزيـن لحد الحين ما تدري انك ييت؟ ناصر: والله ما اعتقد لان ما صادفنا بعض ولا مره...بس يمكن شافتني وانا ما شافتها!! مادري والله نور: اول وتالي راح تتصادفون بالكليه اكييييد ناصر: اي ادري نور: شنو بتسوي اذا شفتها؟ ناصر: ولا شي..شبسوي يعني!! شوي جان يسمعون احد يطق الباب.... بوناصر: نور ناصر عندج؟ نور: اي اي تفضل يبه بوناصر: ناصر تعال معاي ناصر: خير يبه شنو في؟ بوناصر: وصلت ناصر: شنو اللي وصلت؟؟ بوناصر: اللي طلبتلك اياها من بره ناصر: اللي اهيه شنوو؟؟ بوناصر: انت بس قوم تعال معاي وقام ناصر معاه وانزلوا تحت وطلعوا بره البيت جان يشوف ناصر سياره موزراتي كوبيه ااخر مودييل لونها سيلفر ومن داخل أحمر يعني السياره كانت شي شي ناصر طااااح قلبـــه...مو مصدق...هذي السياره اهيه سياره أحلامه نور: واااااااااااااااااو ناصر بانبهار: يبه شنو هذا؟؟ حقييي؟!! بوناصر: لا حق يدتك..اكيييد حقك ناصر: أيبااااااااااااااا...والله صج!!! بوناصر: اي يبه انت تستاهلها ناصر حضن ابووه حيـــــل وباس راااسه... ناصر: ماااني مصدق..!! مشكووور يبه بوناصر: يلا عاد طلعنا فيها ناصر: افا عليكم بس جذي وركبت نور ورا وبوناصر جدام وساق فيهم ناااصر وافتروا بالمنطقه وخذوا من عصير الضاحيه وبعدين ارجعوا البيت,,, الزيـن في غرفتها قاعده تلبس وتجهز نفسها لان بتطلع مع عبدالرحمن واخوها ....دق تلفونها ( حمني يتصل بك ) عبدالرحمن: هاا شلون قلبي اليوم؟ الزيـن: تمااام...انت تحت؟؟ ( وراحت طلت من الدريشه) عبدالرحمن: دقيقتين واكون تحت الزيـن شافت الموزراتي وقاعده تفكر حق منو ممكن تكون السياره عبدالرحمن: زيــن...زيــون الزيـن: اي هلا هلا حمني عبدالرحمن: شفيج سكتي؟ الزيـن: لا ماكو...شنو كنت تقول؟؟ عبدالرحمن: اي اقولج يلا طلعوا بره انا قربت حيل الزيـن: اي يلا يلا وصكت الخط وطلعت من غرفتها وناديت اخوها الزيـن: يلا عادل عبدالرحمن برره عادل: يلا يلا وطلعوا من البيت وركب عبدالرحمن جدام والزيـن ورا عادل: السلااام عليــــكم... عبدالرحمن: وعليــكم السـلام ..هلا والله الزيـن: عبدالرحمن شلونك؟ عبدالرحمن: بخير دامكم بخيـر عادل : هالموزراتي مالت منو؟؟ لا يكون هالخايس ناصر رجع وانا مادري!! الزيـن اول ما سمعت الاسم ارتبكت شوي بس حاولت تتمالك نفسها وجنه اسم عادل ما يعنيلها اي شي عادل: هالانسان اختفى مره وحده ما اعرف عنه شي,,,,عبدالرحمن اعتقد انت شايفه مره؟ عبدالرحمن: اي واحد ذكرني فيه؟ عادل: اللي مره ييتنا وانا قاعد معاه بالمارينا كريسنت...طويل حنطاوي عنده سكسوكه عبدالرحمن : اي اي جنه عرفته...شخبااره؟ عادل: والله مادري على أساس راح يكمل دراسته بره ولا حس ولا خبره!! فاقده والله ( الزيـن صارت تبي تغير الموضوع بأي طريقه) الزيـن: وين راح نروح؟ عبدالرحمن: كيـفكم وين تحبون؟ الزيـن: انا كله واحد عادل: اممممم نروح الأفنيوز نشوفلنا مطعم هناك عبدالرحمن: يلا عيل الأفنيوز وصلوا الأفنيوز وادخلوه وتمشوا فيه شوي وقرروا ياكلون في نينو....عادل طول الوقت يسولف ما سكت كلش وعبدالرحمن وده يتكلم مع الزيـن شوي لكنها طول الوقت ساكته مندمجه بسوالف اخوها وتضحك...عبدالرحمن مللل وحاول يفتح اي موضوع مع الزيـن عبدالرحمن: زيـن جم ماده ماخذه في الكورس الثاني؟ الزيـن: باخذ أربع مواد ان شاء الله عبدالرحمن : موفقه ان شاء الله.... عادل: انا باخذ 5 مواد الله يستر (عبدالرحمن بينه وبين نفسه: اووف انت من حاجاك الحين) عبدالرحمن: اي ساعه تخلصين دوامج؟ الزيـن : امممم حسب في ايام اخلص الساعه 1 وفي ايام اخلص الساعه 12:15 عادل: انا تخيل عندي ماده الساعه 8 الصبح...شكلي بسحب عليها عدل عبدالرحمن: اقول يا جماعه خلصتوا؟ شرايكم نقوم عادل : اي يلا زهقت من القعده...خل نطلب الحساب وقاموا افتروا شوي بالمجمع وعبدالرحمن شاف الزيـن وقفت شوي طلت على الباترينا على ساعه وايد اعجبتها بعدين كملت مشي معاهم... عبدالرحمن: عن اذنكم شوي واييكم؟ الزيـن: وين؟؟ عبدالرحمن : شوي وراجع عادل: يلا اوكي ورجع التقى فيهم عبدالرحمن وخلصوا من الأفنيوز وردوا البيت بليل عالساعه 9 وقبل ما تنزل الزيـن من السياره عبدالرحمن: زيــن...هذا لج الزيـن استغربت الزيـن: شنو هذا؟ عبدالرحمن: هذا شي بسيط مني الزيـن: بس شنو المناسبه؟ عبدالرحمن: يعني لازم اذا بعطيج شي مني يكون في مناسبه؟ الزيـن: لا بس.... عبدالرحمن: يلا الحين راح تاخذينه او لا؟ الزيـن : دام منك لازم اخذه,,,مشكووور عبدالرحمن: ولوو وانزلت من السياره ودخلت البيت وراحت غرفتها ووطلت بالجيس وافتحت العلبه الزيـن: يااااااااااااي ودقت على عبدالرحمن الزيـن: بعد قلبيييي..ِ..شلون عرفت هالساعه بالذات كانت عاجبتني؟؟؟!!! عبدالرحمن: شفتج كنتي واقفه تطالعينها وقلت ما يصير اخلي شي بخاطرج فيه الزيـن: واااااي حبيـــبي وحياااتي انت... عبدالرحمن: حبيبتي انتي تستاهلين اكثر أصلا الزيـن: حياااااتي...أحبـــــك عبدالرحمن: ااااخ يا قلبي...قوليها بعد مره الزيـن : لا بس عبدالرحمن: يلا المهم سمعتها من غير ما اطلبها منج خو انا هالكلمه بالذات اطرها منج طراررره الزيـن: ههههههههههه عبدالرحمن: يلا حبيبتي تصبحين على خيـر الزيـن: وانت من اهله الزيـن واااااااااايد كانت فرحانه من اللي سواه عبدالرحمن..مو علشان الساعه..عشان كافي فكر يسويلها هالشي وييبلها اياه.... ( عبدالرحمن يعشق الزيـن متيم فيــها...بجمالها...بشخصيتها...وبكل شي يخصها ومستعد يسوي المستحيل عشانها) ثاني يوم الصبـح في بيت بوناصر..... بوناصر: يلا جهزتوا أغراضكم؟ ناصر: اي انا جاهز ناديه : وانا خالصه بس مادري عن امي ونور ( كانوا قاعدين يستعدون ويجهزون أغراضهم لان ناويين يقعدون في الشاليه أسبوع قبل ما يبلش الكورس الثاني) بوناصر: ام نااصر يلا وينج؟؟ خل نمشي عاد ام ناصر: يلا يلا خلصت وطلعوا من البيت كلهم وناصر ونور اركبوا بالموزراتي...وبو ناصر وام ناصر وناديه اركبوا مع السايق ومشووا.... بعد حوالي ساعه وصلوا شاليهات بنيدر... ناصر: ياااني ولهاان على البحرررر ام ناصر: بس دير بالك تنزل بالشمس... ناصر: اي يمه اول ما تبدا تغيب شوي الشمس بنزل البحر سووا كل شي بالشاليه,,,تسبحوا,,اربكوا الجيتسكيات,,,تمشوا على البحر,,,اركبوا القواري,,,,يعني حس ناصر فعلا صارله فتره ما استانس هالكثر اهوه ونور قاعدين يتمشون جدام الشاليهات,,, نور: ناصر تشيك تشيك هالبنت اللي قاعده,,,اوف قاعده تخزك خززز ناصر: انزين وويعني نور: شوفها ترى حلوه ناصر شافها وفعلا انعجب بشكلها بس ما اهتم ناصر: اي اوكي نور: ناصر شفيك يعني معقوله جذي بتعيش حياتك كلها من غير حب ناصر: ومن قالج انا الحين ما احب نور: ناصر خلاص انسى الزيـن...بتظل تحبها لي متى؟ ناصر: لي اخر يوم بعمري نور: نويصر انت صج مسكيييين ومر حوالي أسبوع واهمه بالشاليه وردوا البيت عشان ثاني يوم دوام... ناديه : شفيك ناصر أحسك على أعصابك؟ ناصر: والله متوترررر ناديه: ليش؟؟ ناصر: باجر اول يوم دوام...احس بشعور جني مستجد ناديه: ويييي عادي طبيبعي لانك صارلك فتره مو مداوم ناصر: اييييي ادري,,,,واللي موترني أكثر اني يمكن أصادف الزيـن باجر ناديه: اهااا صح..... ناصر بالغصب نااااام بليل واهوه بس يفكررر شلون راح يكون الدوام باجر وراح يصادف الزيـن او لا!!!! ثاني يوم الصبـح الساعه 9 قام ناصر لان عنده محاضره الساعه 10 واخذ شاور ولبس بلوزه حمره مع جيـنز وشكله كان وايد حلوو وركب سيارته وطل اذا سيارة الزيـن موجوده او لا...وشافها كانت موجوده وراح الكليه دخل الكليه حس ان صج من زمااااااان عنهاااا...وكل شوي يوقف يسلم عليه احد وحس بفرحه مو طبيعيه انه رجع الكليه وحضر محاضرة الساعه 10 وكان عنده بعد محاضره الساعه 11...ودخل القاعه وقعد جدام ثاني سطره الصوب الثاني من القاعه وكانت قاعه كبيــره حيـــل وفيها حوالي 100 طالب وطالبه ...شوي جان تدخل الزيـن القاعه مع رفيجتها حنان بس ما لاحظت ناصر ولا حتى اهوه شافهاا...ودخل الدكتور الدكتور: السلام عليكم....انا الدكتور محمد...اتوقع اغلبكم يعرفني طبعا مثل ما انتو شايفين القاعه مختلطه لان في نقص في هيئة التدريس لان الدكتورين اللي يعطون هالماده رايحين تفرغ علمي واضطرينا نفتح شعبه وحده....اليوم راح اعطيكم بس فكره عن الماده وباجر نبلش بالجابتر الأول...بس خل اخذ الحضور اول شي.... ( الدكتور قام ينادي اسم اسم عشان يشوف منو الحاضرين) الدكتور: مساعد جابر مساعد: نعم الدكتور: راشد أحمد راشد : نعم ( الزيـن كانت قاعده تكتب مسج بس اول ما اسمعت..... الدكتور: ناصر يوسف ناصر: نعـم تصروعت.....تدودهت...ارفعت ويهها قاعده تدور على الشخص اللي اسمه ناصر يوسف.....قلبها قام يطق بسرررررعه...حست جسمها كله قاعد ينتفض...وايدها بدت ترجف....وتدور وتدور ومو لايقه هالشخص الزيـن: سمعتي الاسم اللي سمعته؟ حنان: اي سمعت...بس يمكن تشابه أسماء الزيـن: حتى الصوووت....الصوت نفسه!!!! حنان: مادري بس مو ملاحظته بالقاعه الزيـن : حنااان شكله ناااصر... والله شكله ناااصر تم الجزء العاشـــر

جنــــون 11-01-2016 11:56 PM الجــزء الحادي عشــر الزيـن: صدقيــني انه نااااصر حنان: ممكن تهدين شوي شفيج اختبصتي جذي...حتى لو ناصر يعني شنو؟ الزين مو كانت مركزه بكلام حنان وقاعده تحاول وتلف ويهها يمين ويسار تحاول تلقاه الدكتور : الزيـن بدر....الزيـن بدر حنان واهيه تهزها: زين قولي قولي نعم...الدكتور قاعد يقول اسمج الزيـن: ااااه نعــم ( نااصر لف ويهه ورا على طوول يدور من وين يه الصوت......ارررتبــك....انعفـــس....ويهه قلب الف لوون.... وقلبه بدا يدق يدق بسررعه... وبعدين جان يرد يلف ويهه جدام خاف يشوفها ويروووح فيــها) حنان: بسج تدورين الزيـن: اووف بس بعرف اذا اهوه او لا حنان : واذا عرفتي...وبعدين؟؟ الزيـن : بعدين ولا شي...بس ابي أتأكد الدكتور: عرفتوا الحين الفكره من الماده وان شاء الله أشوفكم المحاضره اليايه قاموا كل الطلبه مع بعض.... الزيـن ظلت قاعده تنطر الكل يطلع من القاعه وقاعده تدور بينهم...وناصر نفس الشي ظل قاعد ينطرها تطلع قبله....وشوي شوي كانت قاعده تفضى القاعه..والزيـن طول الوقت عيونها على اللي طالعين من الباب وبعدين شافت واحد قاعد بروحه على الطرف وبعدين قام من مكانه ورفع راسه فوق.... وشااافهااا....وشافتــه..... ( ناصـر والزيـن حسوا ان الزمن كأن فجأه وقف...كانت كأنها أطول لحظه في حياتهم....اهوه تجمد بمكانه واهيه حست ان الدم في عروقها وقف....ومووووجه من الذكريااات اجتاحتهم لما طاحت عينه بعينها.....بعدين ناصر استوعب وكمل مشي....واهيه ظلت تطالعه طول ما كان ماشي لما طلع من القاعه.....) حنان: زيـــن زيييييين الزيـن: هلا هلا حنان : شفيـــج؟؟؟ الزيـن: ولا شي خلاص حنان: الزيـن شوفي عاد...ناصر خلاص انتهى وطلعتيه من حياتج الزيـن: ادري حنان: اذا تدرين عيل شنو توه كل هذا؟؟! الزيـن: حنان يعني انا مو انسانه؟؟ ما تبيني أحس؟؟؟ ما صار شي بس لاني تفاجئت انه موجود حنان: زييين ابيج اقوى من جذي الزيـن: انتي من صجج عبالج راح أضعف جدامه؟؟ خلاااص ماما هذا كان اول..الحين كل شي تغيرر حنان: اي وااااااضح الزيـن: بس لحظتها لاني اول مره اشوفه وخلاص بس ماكو شي حنان: انزيـن...ان شاء الله نطلع من القاعه الزيـن: اي يلا قوومي امبيه ورانا محاضره حنان: موو انا من الصبح قاااعده اقوولج قومي ورانا محاضره وانتي مشغوله تطالعينه ولا تدرين عنييييي الزيـن: وااااااي يا كثر ما تتحلطمييين وراحوا المحاضره اللي بعدهاا...الزين طول المحاضره كانت سرحانه تفكررر حنان: هاا لا يكون سرحانه بحبيب القلب؟؟ الزيـن : لاا لا الشكووو...مادري عنه أصلا ولا على بالي كلش حنان: حرام عليج...تلاقينه اهوه قاعد يفكر فيج الحين الزيـن: تهقين؟؟ حنان: اي اكيييييد خو الريال يمووووت عليييج الزيـن متفاجئه: وانتي شدراج؟؟ حنان: شنو شدراني؟؟! الزيـن: لحظه انتي عن منو تتكلمين؟ حنان : انتي اللي عن منو تتكلمين؟؟؟! هاااالوووو عبدالرحمن منو غيره؟! الزيـن: ااااه اييي حمني حبيــبي حنان: لا والله!!!! أقول قلبي ويهج بركز بالمحاضره احسنلي الزيـن: ركزي احد ماسكج صارت الساعه 1 وخلص دوام الزيــن وراحوا المواقف وكل وحده ركبت سيارتها وردوا البيت.... اول ما وصلت البيت الزيـن شافت السياره الموزراتي بره الزيـن بينها وبين نفسها : أكيد عيل هذي سيارته...وااااي لايقه عليه وراحت غرفتها وانسدحت بالفراش تفكررر.....كانت مشاعرها متضاربه...فرحانه ان شافته وبنفس الوقت متضايقه لانها بعدها مجروحه منه.... ناصر شيايبه الكويت امبجر؟!!....مو على أساس بيكمل دراسته بره!!!.....اووف شالصدف يرجع الكليه ويطب معاي بنفس المحاضره!!!....شكله متغير!! ضعفاان...بس هم حلوووو...يا ترى لحد الحين في باله انا؟!!...غريبه شلون تجمد في مكانه وظل يطالعني وشكله كان مختبص حيـــل !!!....اممممم يمكن بعده يحبني.!!! انا أوريـك يا نااصر....عبالك راح ارجع اطيح عند ريولك أترجاااك وأقوولك ابيييك...لا مو انا الزيــن اللي يقدر يهزها أحد...الزيـن اللي كانت ياهل كبرررت....ما اكوون الزيــن اذا ما خليــتك تتحسف انك حتى فكرت بيوم انك تتركني....ما اكون الزيـن اذا ما خليتك تندم انك في يوم حبيت علي....ما اكون الزيــن بنت بدر اذا ما يننتك وخليتك تلعن الساعه اللي قلت فيها اني غلــطه...... يــا أنااا يــا أنت يا نااصــر!!!! في بيت بوناصر..... ناصر قاعد في غرفته يفكررر.....اووووف اليوم قلبي مو بس وقف بس طاحت عيني بعينها الا نط من مكانه.... هالبنت راح اتيننييي....راح تهبللللني...راح تطلعني من طوووري!!! اناا مادري شلون بكمل باجي الكورس واهيه معاي بنفس المحااضرره!!!! نور قاعده تطق باب غرفة ناصر.... ناصر: منوو؟؟ نور: اناااا ناصر قام على طول وفتحلها البااب نور: هااا شلوون كان اول يووم؟؟؟ ناصر: نووور ما تصدقيــن.....الزيـن في محاضره معاااي نور: احلللف ناصر: وقسمااا بالله نور: اوووف شالصدفه ناصر: شفتي شلوووون مقرووود انااا نور: ههههههههههه اي والله ناصر: مادري شسوي بعمري..... نور: اشوه ان يت على محاضره وحده مو نفس جدولك ناصر: اوووف هذا اللي كان نااقص في بيـت بوعادل.... ( الزيـن دقت على عبدالرحمن) الزيـن: هااااااي عمرررري عبدالرحمن: هلاا والله هلااااا الزيـن: حبيبي شلونك؟؟ عبدالرحمن: تمام والله بخيــر وانتي؟ الزيـن: الحمدالله بخيــر....حبيبي بغيت أسألك؟ عبدالرحمن: هلا عمري سألي اللي تبينه الزيـن: انت كل أثنين وأربعا عندك ماده بالاجتماعيه صح؟ عبدالرحمن: ايييي أصلا انا مسجل هالماده مخصوووص عشان أكون قريب منج الزيــن: حلوووو....عيل راح أشوفك باجر في كليتنا؟؟ عبدالرحمن: اكيييييييد راح امرررج.... الزيـن: انا عندي محاضره الساعه 9:30 ومحاضره الساعه 11 واخلص 12:15 وانت؟؟ عبدالرحمن: الماده اللي بالاجتماعيه من الساعه 11 لحد 12:15 واييج بعدين على طووول الزيـن : وااايد تمااام عبدالرحمن: ايييي الزيـن ( بدلع): راح اعد الدقايق لما أشوفك باجر عبدالرحمن: يبه انا أصلا بعد الثوااني الزيـن: هههههههههه عبدالرحمن : قلبي انتي الزيـن : يلا عمري تامرني على شي؟ عبدالرحمن: ابي بس سلااامتج الزيـن : الله يسلمك حبـي...يلا باااي حمني عبدالرحمن: بااااي يا روووح حمني الزين راحت حق كبتها وقاعده تجهز حق هدوم بااجر...ولبقت لبس على بعض وجهزت كل شي.... بينها وبين نفسها: ان شاء الله بس أصادفه بااجر ان شاء الله واسمعت احد يدق عليها الباب.... الزيـن : منووو؟؟ بوعادل: أبووج الزيـن ركضت على الباب تفتحه الزيـن: يبه حبيــبي ولهانه علييك بوعادل: اي عشان جذي ييتيني غرفتي سلمتي علي الزيـن: لاا والله كنت توني راح اييك بوعادل: عن العيااره....ها قوليلي شلون دوامج اليوم؟ الزيـن: والله كان حلووو بوعادل: زين اشوه الحمدالله الزيـن: وانت شلون كان دوامك؟ بوعادل: والله نفس كل يوم...انا رايح الحين شوي عندي شغل..بغيتي شي؟ الزيـن: لا مشكووور يا بعد جبدي ثاني يوم الصبـح الساعه 8....الزيـن كانت قايمه من ساعه ولبست بمزاااج واكشخت على الااااخر....لابسه نفنوف لونه لون دم الغزال وكله مدخله معاه اكسسوارات ذهبيه ولابسه تاج ذهبي ومكياجها كان اينن...وشكلها كان وايد راقي وروووعه....طلت من الدريشه شافت سيارته بعدها بره.. الساعه 9 الا عشر اركبت سيارتها وحركت.... ناصر كان قاعد يطل من الدريـشه وقتها....ويفكرر: لا يكون بس معاي بمحاضرة الساعه 11 ومحاضرة الساعه 2....الله يسترررر...اوووف تعبــت وانا أفكرر... يوم واحد دوام وتعبت جذي بعديـن شنو راح يصيــر فييني!!!! الزيـن طول ما اهيه ماشيه بممرات الكليه تتلفت يمين ويساار...ووشافت حنان واهيه قاعده تمشي... حنان: يـه يـه يـه شالزيـــن الزيـن واهيه تغمزلها: اي بعد انا الزيـن كلــه حنان: قمة التواضع انتي....هالكشخه كلها مالها علاقه بفلان؟؟ الزيـن: أبدااااااا حنان: اي طل بعيـني أبدا الزيـن: هههههه انتي شفيــج اليوم راح اشوف حبيبي حنان: بس عشان لا يصير سوء تفاهم نفس ذيك المره...حبيبج حمني صح؟؟ الزيـن: اييي عيــل منوو يعني حنان: لا بس أتأكد لانج مو على بعضج من أمس الزيـن تكلم حنان وتتلفت يمين ويسار... حنان: زيـن انتي مضيعه شي؟ الزيـن: هاا!! لا مع ويهج حنان: زين قوليلي شنو اللي في بالج؟ الزيـن: ولا شي حنان: زين خلصيني مو علي هالكلام الزيـن: بحرررررره حنان: هههههههههه يعني شفتي شلون قلتلج له علاقه بفلان الزيـن: اي ابيه يعرف شنو اللي راح عليـــه حنان: دام جذي حريه على كيف كيـفج بس مو أكثر الزيـن: لا طبعااا...ناصر خلاص مالي له اي مشاعر حنان: والله أشك وانتي قاعده تتعنين بس عشان تحرينه الزيـن: لاا انا بس يحس بقيمة الشي اللي خسرره حنان: أقول يلا امشي المحاضره لا نتأخر ودخلوا القاعه وقعدوا وبلشت المحاضره....بعد ساعه وربع طلعوا من القاعه حنان: متى راح تشوفينه؟؟ الزين: منو؟ حنان بنرفزه: وبعدين معاج؟؟ عبدالرحمــــــــن الزيـن: اي ان شاء الله عقب هالمحاضره...الساعه 12:15 حنان: اهوه راح اييج اهني صح؟ الزيـن: اي يعني مثلا انا اللي بروحله حنان: انزيـن الزيـن : امشي خل ناخذلنا شي من ستاربكس حنان: يلا بعدها راحوا المحاضره وصارت الساعه 12:15 وطلعوا الزيـن دقت على عبدالرحمن الزيـن: ها حبيبي وينك؟ عبدالرحمن: كاني دقايق واكون عندج...قلتيلي راح تكونين بالسكوير صوب الكافتيريا صح؟ الزيـن: اي صح يلا انطررك وراحوا الزيـن وحنان وقاعدين بالكراسي اللي في السكوير... الزيـن : ويــنه؟؟ ويــنه؟؟! حنان: اي واحد فيهم؟ الزيـن: قاعده تتمسخرين انتي صح,,,عبدالرحمن زييييين حنان: انزييييين الزيـن: اوووف حنان: كاااهو كاااهو الزيـن: منوو؟؟ ويــن؟؟ حنان: الأخ نااصر الزيـن: والله...ويــن؟؟ حنان: هناك واقف مع واحد يتكم معاه الزيـن: اي اي شفته... ( كان لابس جيـنز مع بلوزه زرقه بأبيض وشكله كان بقمة الجاذبيه) الزيـن : شكله ما انتبهلي حنان: مادري تبين أسأله؟ الزيـن: لا استريحي حنان: اوقفي أحسن عشان اذا شافج يشوفج عدل الزيـن: اي على رايج وقامت الزيـن الزيـن: ان شاء الله بوقف بروحي؟؟؟ تعالي قومي معاي وقاموا وقفوا على جنب وطول الوقت الزيـن تطالعه من تحت لي تحت جان يلاحظها ناصر وارتبك وبعدين على طول لف ويهه سوا روحه ما اهتم...وقاعد يتكلم مع الريال...بس لا شعوريا يرجع يلف ويهه بسرعه ويطالعهااا ويرجع يطالع رفيجه وقلبه يطق يطق حيــل بينه وبين نفسها: اااخ طااالعه قمررر اليـــوم....تهبـــل واللون هذا عليها ياخذ العقـــل...حلو جذي شعرها مروفوع بالتاج... شوي جان اييي عبدالرحمن وكان لابس بلوزه كحليه مع جيـنز... عبدالرحمن : السلام عليـكم الزيـن: هلا والله...وعليـكم السلام حنان: وعليـكم السلام عبدالرحمن: شالجماال...اليوم شكلج طالع شي غيـــــر الزيـن: يعني شقصدك؟؟ باجي الأيام شكلي مو شي ؟ عبدالرحمن: لا حشااا... كل يوم شكلج حلو بس اليوم بالذات شكلج رووعه الزيـن: عيونك الحلوه ( ناصر بس لف ويهه وشافها واقفه معاه تكلمه حس بدمه يغليييييي...وويهه قلب أحمررر...واختبص حيــل...وولا يدري عن رفيــجه....وده يقطع عبدالرحمن تقطع....وظل بس يخزهم خززز وعيونه حمرره تشب ناااار والزيــن لاحظه واهوه يطالعهم وكل ما تلف ويهها تشوفه قاعد يطالع تزيد ضحكاتها مع عبدالرحمن....) محسن: نااصر..ناصر ناصر: هلا هلا محسن: شفيك يا رجل؟؟ ولا كأنك معااي ناصر: لا ولا شي,,,,اقول محسن حبيبي انا ماشي عندي شغل..تامريني على شي؟ محسن: لا تسلم....خلصت محاضراتك اليوم ولا بعد ؟ ناصر: والله عندي الساعه 2 محسن: الله يعينك...يلا نشوفك على خير ناصر: مع السلامه ومشى على طول ناصر ما كان متحمل يوقف بعد اكثر وشايفها مع واحد غيـره تضحك وتسولف.... وركب سيارته يبي يرجع البيت حتى صار ماله خلق يحضر محاضرة الساعه 2 وعلى طول حرررك وطاااااار بالسياااره واهو دايس على 130 الزيـن لما شافته بهالحاله حست انها انتصــرت...فابتسمت ابتسامه خبيـثه واهيه تطالعه يمشي بسرعه....شعورها ما كان ينوصف.... حنان : زيــن...زيـــن الزيـن: اي هلا حنان: عبدالرحمن يسألج لأي ساعه راح تظلين بالكليه؟ الزيـن: اااه ايي الحين بمشي ان شاء الله وانت؟؟ عبدالرحمن: يلا عيل انا بعد ماشي الزيـن: تمام ووصلهم عبدالرحمن حق المواقف وراح حق سيارته الزيـن وحنان قاعدين يمشون حق سياراتهم حنان: الزيـن لا تستغلين عبدالرحمن عشان تثبتين شي حق ناصر..حرام عليج الزيـن: شلون استغله؟؟؟ ناصر خطيبي حنان: قصدج عبدالرحمن خطيبج الزيـن: اي اي عبدالرحمن حنان: بس مو تغلطين وتقولين اسمه جدام عبدالرحمن الزيـن: لا ما اسويها حنان: ترى واضح عبدالرحمن يموت عليـج الزيـن: ادري وانا اموت عليه حنان: متأكده ؟ الزيـن: متأكده ونص حنان: انا خايفه ناصر يصير هوس بالنسبه لج الزيـن: لا لا حبيبتي لا تحاتيــن حنان: انزين وكل وحده اركبت سيارتها وارجعوا البيـت الزيـن في قمة سعادتهااا....حاسه اليوم انها ارضت نفسها وغرورهااا عدل واهيه تسوق قاعده تفكر: والله شكله بعده يحبــني....لو ما يحبني جان ما اهتم اني قاعده اكلم غيـره...بس اصبر علي يا ناصر ما شفت شي بعد.... في بيت بوناصر..... ناصر قاعد يرقع بالأشياء في غرفته ومعصــب ومتضايق حيييييييل وكاره الدنيا ام ناصر دخلت عليه الغرفه... ام ناصر: يمه شفيـــك؟؟؟هدي ناصر: ما فيــني شييي...الله يعافيج خليني برووحي ام ناصر: لا ما راح اخليك بروحك وانت جذي ناصر: يمه طلعي ما ابي احط حرتي فييج ام ناصر: يمه حبيبي انت تعرف ان اذا كانت نفسيتك تعبانه ممكن يرجعلك السرطان بسرعه ناصر: اااااااخررر همييييي..خل يرجعلي وارتاح من اللي انا فيه ام ناصر بانفعال: يمه لا تقووول جذي..اسم الله عليك الله يكافيك الشر ...قولي شفيــك؟؟؟ ناصر: يمه انا تعبااان..مو قاادر راح انفجرررر ام ناصر: انزين يمه قولي شفيك يمكن اقدر أساعدك؟؟ ناصر: محد يقدر يساعدني يمه محــد ام ناصر: انزين يمه بس لا تزعل رووحك خلاص اهدى ماكو شي يسوى ناصر: يمه انا بطلع مو قادر اقعد بالبيت ام ناصر: لا لا وين رايح؟؟؟ خلاص اذا تبي اطلع اطلع ناصر: يمه سامحيني بس والله محتاج اقعد بروحي ام ناصر: على راحتك حبيبي...بس لا تعور قلبك عشاني ناصر: ان شاء الله يمه طلعت امه من الغرفه..... ناصر بينه وبين نفسه: رااح تذبحيــني يا زيـــن....راح تذبحيـــني....انا اللي كنت خايف عليــج وضحيــت عشاان لا يذبحج خبر مرضي...وانتي الحين راح تقضيــن عليييي....بس اهيه شذنبها أصلا!!! اهيه ما تدري انك ضحيـت عشاانها...اهيه حاطه في بالها انك خاين نذل عديم احساس...اكيد الحين تكرهك على اللي مررتها فيــه...وما تنلام...لو انا بمكانها جان سويــت نفس اللي قاعده تسويــه... اااخ زيـــن ارجووووج رحميـــني.....شنو هاللعبه اللي قاعده تلعبيــنها؟!!! بس تدرين...اثنيـن يقدرون يلعبون هاللــعبـه تم الجزء الحادي عشــر

جنــــون 11-01-2016 11:57 PM الجـزء الـثاني عشـر لا لا ناصر اذكر الله...انت أكبر من جذي والزيـن ما تهون عليـك...اصبـر يا ناصـر هذي نتيجة اللي انت سويـته والزيـن مالها ذنــب بأي شي...وانت كنت متوقع ان هالشي راح يصيـر وانت كنت تبيها تكمل حياتها...بأي حق تتضايق...بأي حق تعترض....المهم اهيه...المهم الزيــن تكون فرحانه ومرتاحه... الله يوفقج يا الزيـن.... في بيـت بوعادل....الزيـن منسدحه على فراشها تفكر بكل اللي سوته اليوم... ااااخ نااصر ليــش عقب كل هذااا وعقب كل اللي سويته فيني لحد الحيـن أفكر فيــك...لحد الحيـن في بالي....ما يصيـر يا زيـن..ما يصيــــر خلاااص انسيــه...ليش مو قادره تنسيــنه!!! زيـن انتي ما تحبينه..انتي بس تحاولين تردين اعتبارج...بس لو ما احبه ليش عيل كل ما اشوفه...قلبي تزيد دقاته...ايدي ترجف...معقوله بعدج تحبينه!!! حتى لو بعدج تحبيـنه...مستحيــل ترجعيله حتى لو بعده يحبـج ويبيـج....انتي ما عندج عزة نفس!! انتي مو لعبه متى ما يبيها خذاها ومتى ما مل منها قطهاا وشاف غيـرها....لا زيــن لاااا خليـج على موقفج لا تضعفيــن.... طحت بيده وآتصـدد وآتباهـى بالجمـوح حايره بالحيل وادري دقـة الخفاق مِيـــح كل ماهدّيت بيتٍ عمّرت عقبـه صـروح كل ماقوّيـت قلبـي ألمحه-فجأه-يسيـح وين أخبي هالمشاعر والمشاعر بي تنـوح ربكة الأيام تلفت كل مـن هـو مستريـح خايفه أبعد وينسى خايفه أقـرب ..يـروح خايفه أجلس ويقسى..خايفه أوقف واطيح خايفه والله اضيع وتنهش ايدينـي جـروح خايفه أعلن جنوني..خايفه أسكت واصيـح وين مالدّيت ألقى للذكـا أحلـى شـروح كل من جاني يداوي..طاح باسبابي جريح حارت الأيام فيني حارت بهالـروح روح وامتلى صدر الغمامه(ياهلي)باوجاع ريـح من هنا بيت القصيد يشتكـي ودّه يبـوح يرتجي طير المعاني في غنا لحن الفصيح كَيفَ لي اُبدِي شُعُوراً كَانَ للصَمتِ طَمُوح كَيفَ لي أخفِي نَحيباً هدّه الشوق طَرِيـح ذلكَ المَجنونُ بَانت فِي خَوَافيـهِ قـرُوح كيفَ لي اسقيهِ عُنفاً وهوَ بالحبّ ِذبيـح قامت الزيـن وطلت من الدريـشه وشافت سيارته واقفه بره....يا ترى شقاعد يسوي الحيـن؟! قاعد يفكر فيني مثل ما انا قاعده افكر فيه؟! فكري زيـن شنو بتسوين باجر....لازم اتيننيـــــنه!!!! ثاني يوم الصبـح قامت الزيـن ولبست نفنوف أبيض قصيـر فوق الركبه بشوي مع كعب وشكلها كان صــج حلوووووو ويلفت حيــــل.... وصلت الكليـه حوالي الساعه 10:40 والتقت بحنان بره... حنان: زينووو حلو لبسج بس كأنه قصيـر الزيـن: ادرري حنان: انزين مو عادتج تلبسين نفانيف فوق الركبه الزيـن: عجبني وخذيته حنان: والله شكلج متعمــده الزيـن: انتي الحين ليش قاعده تحققين معاي!! حنان: انزين يلا امشي ناخذلنا شي من ستاربكس قبل المحاضره الزيـن: يلااا وراحوا خذولهم شي يشربونه من ستاربكس وراحوا المحاضره وقعدوا ورا نفس مكان ذيك المره...اول ما قعدت قامت تدور عليه تشوفه وين قاعد... حنان: اللي قاعده تدورين عليه مو موجود الزيـن: شدراج؟؟ حنان: ما اشوفه قاعد بمكان الزيـن: تتوقعين سحبها؟ حنان: والله مادري يمكن الزيـن حست باحبااااااااط....دخل الدكتور وشوي جان يدخل وراه ناصر الزيـن: كاهو كاهو يه عضت على شفايفها بس شافته وكانت حييييل فرحاااانه انه ما سحبهاا... نص الوقت بالمحاضره تطالع ناصر وسرحاانه تفكررر..... يحليله شاد حيله وماسك القلم يكتب مع الدكتور...حلو عليه الأزرق اللي لابسه....طريقة قعدته حلوووه.... يا حلاته واهوه مركزززز.... وخلصت المحاضره وقاموا تطلعوا من الباب....وناصر شافها واهيه تطلع... ناصر بينه وبين نفسه وكان معصـب: اوووف شاللبس اللي لابسته!! واايد قصيـــر..!!! اهيه لفت ويهها وشافته كان قاعد يخزهاا وعافس ويهه...وارجعت لفت ويهها جدام وضحكـت... جان ناصر يقوم يمشي بسرعه ويسبقهااا....وصار جدامهم شيـخه: ناصر!!! كان في بنتين واقفين على جنب ناطرين يدخلون القاعه....بس ما سمعها لان كان قاعد يمشي بسرعه وردت نادته... شيـخه: نااصر ناصر على طول لف ويهه ناحية الصوت... ناصر: هلا والله....اهليـــن شيـخه وساره شيخه: اهليـن فيـك.. انت ويــنك!! غطيت علينا مره وحده!! اشدعوه تمشي و ما تسلم!! ناصر: والله اسف كنت مستعيل ما انتبهت...المهم شلونكم؟؟؟ شيـخه وساره: تمام بخيــر الحمدالله... ساره: قولنا وين اختفيت مره وحده جذي؟! ناصر: على أساس بكمل دراستي بره وصارتلي مشاكل ورجعت شيـخه: أفاا وتروح جذي من غير ما تقول حق احد!!! ناصر: والله سامحوني لان كل شي صار بسرعه... ساره : يعني الحين ان شاء الله راح تتخرج معانا او لا؟ ناصر: والله شكلي بعد سنتين ان شاء الله بس بحاول اخليهم سنه ونص شيخه : بالتوفيق ان شاء الله ناصر:شلون المستقله والباجي كلهم؟ شيـخه: الحمدالله تمام..ما تدري صرت منسقه ناصر: لااا حلوو والله ساره: ما راح ترجع تشتغل معانا؟ ناصر: والله قاعدين يحاولون يقنعون فيني الربع...بس مادري مضغوط شوي هالفتره شيخه : لا عاد حاول ترجع وبعدين احنا اذا تخرجنا انت تكون موجود تمسكها ناصر:على راسي المسقله بس يصير خيـر ان شاء الله ( الزيـن اول ما شافته واقف يسولف مع البنات غااااارررت....وعصـبت...وحست بعوار في بطنها....وظلت طول الوقت واهيه ماشيه تخززهم...ورافعه حاجب واحد بمعنى ان موو عاجبها...ولما صارت يمه واهوه لف ويهه وعينها صارت بعيـنه...وبعدين لفت ويهها وكملت طريجها... ناصر شاف الف تعبير وتعبير في ويهها....شاف بعيونها كلااااام...شاف حزن..شاف خوف...شاف تساؤلالت.... والنظره اللي عطته اياها هزته هزززز..أربكته... ساره: نااصر..ناصر ناصر: هلا والله شيخه: بشنو سرحااان؟؟؟ ناصر: لا معاكم والله ساره: والله ولا تدري عنااا شيخه: يلا لازم نروح المحاضره...عاد خلنا نشوفك ناصر: اي ان شاء الله شيخه: اوه عندك بلاك بيري...ضيفنا عندك ناصر: يلا اوكي عطوني الpin شيخه وساره: يلا مع السلامه ناصر: مع السلامه ناصر راح محاضرته والزيـن راحت محاضرتها.... طول المحاضره يفكر بالنظره اللي عطته اياها...هزت كيااااانه...حس بتأنيب الضميييييير...حس ان ظلمها واااايد معاااااه.... بينه وبين نفسه: يمكن غلط اللي سويته....يمكن كان مفروض اقولها كل شي من البدايه....بس خفت عليــها....ما كنت راح اتحمل ان يصير فيها شي....ااااخ الزيـن شكلج بعدج تحبيــني...بس والله انا ما استاهلج...ما استاهلج....انتي تستاهلين واحد احسن مني..... وخلصت المحاضره والتقى مع ربعه ووقف سولف معاهم شوي حنان والزيـن رايحين مواقف السيارات...والزيـن طول ما اهيه ماشيه ساكته مالها نفس تتكلم كلش... حنان: الزيـــن حبيبتي شفيــج؟؟؟ ليش ساكته؟ الزيـن: ما فيني شي حنان: انتي من وقت ما شفتيه واقف مع البنات وانتي مو على بعضج الزيـن ساكته ما ردت عليها... حنان: زين ابيج تديرين بالج على نفسـج الزيـن: ادري لا تحاتين حنان: ما ودج تطلعين مكان اليوم؟ الزيـن: لا والله خليها غيـر مره حنان: على راحتج الزيـن: اووه تلفوني انطفى ما فيه شحن حنان: ترى هالبلاك بيري بسرعه بطاريته تخلص حتى انا نفس الشي الزيـن: اي بعد ما اطفيه كلـش حنان: يلا حبيبتي مع السلامه الزيـن: بااي قلــبي أشووفج وركبوا سياراتهم ومشووا.... الزيـن في سيارتها رايحه البيـت....سرحانه...بالها كلش مو معاها....ضايق خلقها...تحس انها مخنووقه..مكبووته... شوي جان تصفر سيارتها ( بمعنى ان خلاص ما فيها بانزين كلش) وشوي شوي قاعده تخف السرعه.... الزيـن: اوووووف ماا فييييييها باانزيـــن!!!!! وخذت الزيـن حارة اليمين ووقفت على جنب,,,وقاعده تدور على تلفونها في الجنطه تبي تدق على احد الزيـن: امبيييييييه تلفوني ما فيه بطاريه!!! شسووووويييي الحيــن.... ناصر في سيارته..... ناصر بينه وبين نفسه: اووه هذي كأنها سيارة الزيـن؟!!! ليش واقفه؟؟! اوقفلها ولا لا...اوقفلها ولا لا!!!! ناصر احترم نفسك واوقف يمكن تحتاج احد يساعدها!!! انت ولا يوقفلها احد غريب.... ناصر وقف سيارته ورا سيارتها ونزل....اهيه ما كانت منتبهتله كلــــش قاعده تحاول تطلع بطارية تلفونها وترجع تحطه يمكن يرد يتشغل لوو شوي.... ناصر وقف جدام دريشتها ينطرها تشوفه...جان يطق على الدريـشه.... الزيـن تصرررروعت وارفعت راسها وشافته واقف يم باب السياره....قلبها قام يدق بسررررررعه....تدودهت.....اختبـصت....وبعدين حاولت تمالك نفسها...وافتحت دريشة السياره... الزيـن: نعم؟؟ ناصر: تبين أساعدج بشي؟؟؟ الزيـن ردت عليه بعصبيه: لا مشكور مابي شي منك ناصر: السياره فيها شي؟ الزيـن: مالك شغل ناصر: انزين قوليلي على الأقل في احد راح اييج؟؟ الزيـن خاف تقوله اي وتتوهق ويرورح.... الزيـن: ممكن استخدم بس تلفونك لان تلفوني ما فيه شحن ناصر: اي اكيد ممكن تفضلي الزيـن: مشكور وخذت تلفونها وقعدت تفكر تدق على اخوها او خطيبها!!! وقررت تدق على خطيبها!!!! ناصر كان واقف بره بالشمس ينطرها...... تلفون عبدالرحمن كان يرن ويرن ومحد شاله لان كان عنده محاضره وحاطه سايلنت....ودقت على عادل نفس الشي ما يرد لان عنده محاضره مع اخوها الزيـن توهقت....وقالت ماكو الا ادق على سايقنا!!! بس وي مو حافظه رقمه...عيل خل ادق على امي تقوله.... ناصر ناطرها وشايف ان محد قاعد يرد عليها.... ناصر: بس لو تقوليلي شفيها السياره؟؟؟ بس لو اعرف اذا بطاريتها مخنسه او فيها بانزين او لا؟ وانا أساعدج الزيـن: اوووف قلتلك مالك شغل ناصر: الزيـن الحين لو احد راح اييج يمكن ياخذ وقت وايد عبال ما يوصل وبهالزحمه...خليني أساعدج الزين اسكتت... ناصر: شكلها ما فيها بانزين صح؟ الزيـن: صح ناصر: انزين اشوه في محطة بانزين قريبه....انزين عيل 10 دقايق اروح اييبلج بانزين وارجع الزيـن بنفسيه: انزين ناصر: خلي تلفوني عندج اخاف تحتاجينه او شي الزيـن: لا لا اخذه ناصر: ميخالف ميخالف بس ارجع اخذه يمكن يرجعون يدقون اللي دقيتي عليهم توه اهوه ركب سيارتها ومشى..... اول ما مشى ناصر لاحظت الزيـن ان ايدها طول الوقت كانت ترجف....وقعدت تنطره .... واهيه ماسكه تلفونه قعدت تطمش على المسجات بينها وبين نفسه: ما في مسجات فيها شعر وكلام حلو!!! كلها مسجات عاديه!!! بس يمكن عنده تلفون غيره فيه كل البلاوي عشان جذي تطمن يخلي هذا معاي...!!! وتطمش على الأسماء الموجوده... ودخلت على البلاك بيري contacts تكلم نفسها: يا سلاااام .. شوشو و سارونه و دلول وبعدين جان تطلع رقم ال pin ماله وتسجله عندها على ورقه...وما تدري ليش سوت جذي!!! مر حوالي ربع ساعه وبعده ما وصــل وكل شوي كان يوقفلها احد بس تقولهم ان في احد راح ايي يساعدها.... الزيـن: امبييييييييه من صجه هذاااا!!! زرعنيييي شوي جان اييي ناصر ومعاه البانزيـن ومشتري بطل ماي كبيـر وسجيـنه ( سكيـنه) ناصر: اسف اسف اذا تأخرت عليـج الزيـن: جان بعد ما ييت ناصر: لان رحت الجمعيه بعد اييب الأغراض الزيـن تفاجئت من البطل والسجيـنه اللي طلعهم من الجيـس ووقف على الرصيف وفضى البطل الماي كله على الزرع وحط البطل على الأرض وقام يقـصه بالنص الزيـن بينها وبين نفسها: هذا شقاعد يسوي؟! ناصر خلص.... ناصر: مضطر استخدم البطل لان ما لقيت الشغله اللي كنت ادورها وخفت اتأخر عليج وايد.... الزيـن: مو مشكله وثبت راس البطل في مكان تانكي البنزين في السياره وقام يعبيــها....وخلص ناصر: بس خلاص شغلي السياره... الزيـن قامت شغلت السياره واشتغلت.... ناصر: يلا خووش الزيـن: انزين دقيقه... هاك تلفونك ناصر: اي مشكوره الزيـن: لحظه...جم طلع البانزين؟؟ ناصر: ما طلع وايد بس ديري بالج مره ثانيه الزيـن: لا لا قولي وطلعت 5 دناينر من بوكها تبي تعطيه ناصر بس شاف الفلوس عصــب...تنرررفززز ناصر بنرفزه: بس قلتلج ماله داعي.....وركب سيارته ومشى الزيـن تضايقت ليش نرفزته جذي وتذكرت ان المسكين حتى ما اشكرته كلش... وشافته مشى بسيارته وتحس بروحها تصرررخ تقول: وين رايح؟؟ تعاااال...أخذني معااااااك قلت ما أحبـه وأنا مجنون فيه ما بـيه يـــشوف حالـه من غلاهـ قلت ماهمني لوفكر بغيري ويبيه ماأبي أحرق قلبي وضلوعي بهواهـ دوووم أكذب ودقات قلبي تناديه أكابر حتى بأشواقي وأعاني معاناه هذا حالي لا قرب قلت:لأ ما أبيه ولابعـًـد قلت ياويل حالى على فرقاهـ والله أحبه وأعشقه عشق وأموت فيه حفرت بقلبي حروفه وهو مطلبه ومناهـ مابي أكشف له عن داخلي وأني أغليه خلوهـ يتوهـ بعيوني يشوف الحب والااهـ أحبه حب لويدري يقول غيره وش أبي فيه يقول هذا مناتي ومطلب فكري ورجواهـ أحبه بصمت وأعانـي من اللي أسويه أتعذب حتى برقادي كل ما ألتفت ألقاهـ صورته تسكن خيالي وبروحي أفتديه يشهد على الله مهما أبتعدنا مستحيل أنساهـ حسبي على طبعي كيف يأذيني وأذيه عمركم شفتوا إنسـان جاحد بمـحتـواه هذا أنا لا أقبل قلت: من قال اني أبيه وإلى منه أبتعد صرخت ضلوعــي أهـوااهـ تــم الجــزء الـثاني عشــــر والأشعار اللي حطيتها اهيه كلها أشعار اعجبتني ونقلتها من النـت

جنــــون 11-01-2016 11:57 PM البارت الثالث عشـــر ناصـر وصل البيـت واهوه داخل جان يرن تلفونه.... ( عادل.... يتصل بك ) اهوه كان ناقل كل الأرقام حق خطه اليديد بس استغرب شلون عادل يعرف هالرقم لان عمره ما دق عليه منه...بعدين تذكران الزين دقت من تلفونه...وشال الخـط... عادل: السلام عليـكم ناصر: وعليـكم السلااام...هلا بالحبـيب عادل باستغراب: هلا والله!!! منو معاي؟؟ ناصر: افاا ما عرفتني من صوتي؟! عادل: امممم والله جني عرفت بس مو متأكد!! ناصر؟! ناصر: ايووه يبتها صح....شلوونك؟؟ عادل: اووووله ناصر بشحمه ولحمه داق علي!!! ناصر: ههههههه والله سامحني ادري اني قطعتك فجأه عادل: زين والله فكرت تدق علي,,,,انت الحين بالكويت؟ ناصر: اي والله بالكويت عادل: اووف من متى؟! ناصر: من حوالي شهر وشي عادل: أفااااا يعني يا أخي تغير خط تلفونك وتسافر فجأه تكمل دراستك بره وبعدين ترجع الكويت وولا تقولي؟! ناصر: والله سامحني لان صارت معاي ظروف وانشغلت وايد عادل: انت تدري ان بيتكم اقبال بيتنا على طول؟! اشدعوه مرني الدوانيه.. سلم علي مو رفيجك انا؟ ناصر: عزيز وغالي والله وصح كان مفروض اعطيك خبـر بس لاني كانت حايس هالفتره عادل: يعني هالموزراتي مااالتك؟؟؟ ناصر: اييي شفتهاا عادل: ايي اكيد شفتهااا...خووش سياره والله...عاد طلعني فيها مره؟ ناصر: افااا عليـك بس جذي...اذا تبي أسلفك اياها بعد عادل: تعجبـني... ياريــت والله ودي اجربهاا!!!! ناصر: ما عندي مانع...السياره تحت أمرك عادل: تسلم والله ...راجع زياره انت او شنو؟ ناصر: لا ويـن...خلاص رجعت اكمل دراستي بالكويت عادل: لا والله!! ما مشى الحال بره؟ ناصر: لا صارتلي مشاكل وجذي فسحبت اوراقي ورجعت جامعة الكويت عادل: زين والله وجامعة الكويت ما قالوا شي؟ ناصر: لا عادي اشوه خلوني ارجع اكمل دراستي اهني بس في وايد مواد راحت علي ما احتسبوها.. عادل: وي حسافه...يلا ما عليه ناصر: الله كريم عادل:انزين تعال تعال الحين الدوانيه بقعد معاك أكلمك شوي ناصر: الحين!! والله توني راجع من الكليه...شرايك نخليها بليل؟ عادل: يلا اوكي...انا من بعد الساعه 9 راح اكون بالدوانيه ناصر: اوكي تمام عادل: عاد مو تكشت فيـني ناصر: لا لا ان شاء الله اكيد ياي عادل: يلا أشوفك على خيـر ناصر: مع السلامه شاف ناصر امه قاعده بالصاله وراح سلم عليها وحب راسها.... ام ناصر: ها شلون كان دوامك اليوم؟ ناصر: الحمدالله بخيـر ام ناصر: شوي وراح نحط الغدا ناصر: لا يمه ميخالف مالي نفس اكل وصعد ناصر غرفته وعلى طول قط نفسه على الفراش من التعب ونام.... الزيـن وصلت البيت وشافت عادل وامها قاعدين في الصاله... الزيـن: السلام عليـكم ام عادل وعادل: وعليـكم السلام وعلى طول قطت نفسها على القنفه ( الكنبه) من التعب... ام عادل: شلون الدوام؟ الزيـن: زين الحمدالله عادل: اي يمه شكنت بقولج..شكنت بقولج!!! نستني هذي...اي عرفت..تدرين ناصر ولد ييرانا رجع من السفر واليوم يايني الدوانيه ام عادل انعفس ويهها: اهاا وشاللي رجعه؟ ( الزيـن عدلت نفسها بالقعده وطالعت عادل تنطره يرد على امه لان صج تبي تعرف ليش رد) عادل: مادري يقول صارتله مشاكل اهناك ورجع يكمل دراسته اهني ام عادل: اي الله ما يرضى عادل: ليش؟! على شنو ما يرضى؟! ام عادل: هااا!! لا لا ولا شي...يلا ما يعتوا؟!....خل احطلكم الغدا عادل: اي يمه تكفيييين حدي يووعااان الزيـن : انا صاعده ابدل هدومي وراده صارت الساعه حوالي 6 المغرب وقام ناصر من النوم ولبس وطلع رايح النادي.... طول الطريج يفكر باللي صار مع الزيـن اليوم....ما كان عاجبه الطريقه اللي عاملته فيها بس ما يلومها....وبنفس الوقت فرحاااان انه خذا وعطى معاااهاا...تذكر اول واشتاق حق ذيج الأيام الحلوه لما كانوا يسهرون بالساعات بس يسولفون..... ناصر: أحبـــــــــــج الزيـن: شكثرر؟؟ ناصر: احبــج كثـر دوس الأرض الزيـن: بس؟ ناصر: كثر ما ارمشت عيون الناس الزيـن: وبعد؟ ناصر: كثـر ما تنقال الكلمه الزيـن: أي كلمه؟؟ ناصر: أحبـج أحبج أحبج في بيت بوعادل..... الزيـن دقت على حنان الزيـن: حنون خل نطلع مكان حنان: الحين يايه تقوليلي...الساعه 6:30 عبال ما نلبس ونوصل الا صارت الساعه يمكن 8 الزيـن: ويعني؟؟ حنان: مادري عادي انا اهلي ما يقولون شي بس لا نتأخر عن الساعه 10 الزيـن: اي بس نتعشى ونرجع حنان: اوكي...انتي تمريني ؟ الزيـن: اي انا امرج ولبست الزيـن وكشخت وبعدين تذكرت انها ما قالت حق عبدالرحمن...ودقت عليه الزيـن: الوو...عبدالرحمن قلبي انا بطلع الحين اوكي عبدالرحمن: وين بتروحين؟ الزيـن: بروح بس اتعشى مع حنون وراده عبدالرحمن: اوكي حبيبتي عاد ديري بالج على نفسج وحاولي ما تتأخرين بره الزيـن: اي اي بس عشا ورادين عبدالرحمن: انا بمر دوانية اخوج اليوم الزيـن: اها صج!! الساعه جم؟ عبدالرحمن: مادري والله يمكن على 9:30 او 10 الزيـن: اها اوكي...يلا حبيبي تامريني على شي؟ عبدالرحمن: لا قلبي تسلميــــن ابي بس سلاامتج الزيـن: مع السلامه عبدالرحمن: مع السلامه حبي وطلعت الزيـن من بيتها ومرت بيت حنان وخذتها.... الزيـن: ما تدرين شنو صار معاي اليوم حنان: شنو صار؟؟؟ الزيـن: تخيلي مو صح انطفى جهازي وما فيه شحن حنان: اي الزيـن: وانا ماشيه بالسياره جان توقف علي فجأه ما فيها بانزين وكنت متوووهقه مو قادره ادق على احد حنان:وييييييي,,,ومحد وقفلج؟ الزين: امبله وقفولي بس ما تتوقعين منو اللي ساعدني حنان: منووو؟؟؟ الزيـن: ناصر حنان: حلللفي الزيـن: والله تخيلي حنان: شصار قوليلي الزيـن: اهوه اول شي ياي يبي يساعدني بس ما عطيته ويه وقلتله ما ابي منك شي وطلبت منه تلفونه ادق على احد حنان: اي وبعدين؟ الزيـن: على حظي لا عادل ولا عبدالرحمن قاعدين يردون علي فاخر شي خليت هالحقير يساعدني حنان: ههههه وبعدين شصار؟ الزيـن: بس ما صار شي سوالي السياره...بس كسر خاطري ما كنت قاعده اعامله زين ولا حتى شكرته حنان: يستاهل هالحقير الزيـن: حنان لا تقولين عنه حقير حنان: بسم الله انتي توج قايله عنه هالكلمه الزيـن: انا اقول عنه عادي بس انتي لو سمحتي لا تسبينه حنان: امبييييييييه بذبــــحج....زينوووو لا يكون رجعتي تحبينه؟ الزيـن: انا متى أصلا ما حبيته حنان: زيــن انتي من صجج؟؟!!! شفيييج انتي مخطوبه حق واحد ثاني الزيـن: ادررري يعني بس شسوي غصبن علي حنان: ماكو شي غصبن عليج....زين وين كلامج اول؟؟ ما قام يعنيلي وما احبه وما ابيه وخل يولي الزيـن: زين اذا انا الحين احبه مو معانته اني ابيه وابي ارجعله حنان: عيل شنو؟ الزيـن: احبه غصبن علي...حنان كان بينا عشره وذكريات وايد ما اقدر اتخطاها بسهوله حنان: المهم انتي ساعدي نفسج الزيـن: ادري حنان...مستحيل اسامحه على اللي سواه فيني...وانا مو بكيفه متى ما يبيني يبيني....وبعدين أصلا يمكن حتى ما يبيني وما قام يحبني حنان: مادري والله على نظراته لج شكله بعده يحبج الزيـن طالعت حنان بسرعه فرحانه من اللي قاله الزين: والله؟؟؟ حسيتي بهالشي؟ حنان: الله يهداج شفيج تصرقعتي؟؟ الزيـن: هااا!! لا انا عادي كلش حنان: والله انتي مشكلتج مشكله ووصلوا المطعم وقعدوا ياكلون.... ناصر كان راجع البيت وتسبح وبدل وصارت حوالي الساعه 9:30 وطلع رايح دوانية عادل.... بينه وبين نفسه: غريبه وين سيارة الزيـن!! الساعه 9 وشي وبعدها مو في البيـت!! ودخل الدوانيه وقامله عادل... عادل: يا حيالله نويصر ناصر: هلا والله هلا وسلموا على بعض وقعدوا يسولفون.... ناصر: والله لك وحشه عادل: وانت اكثر والله...جذي يا ناصر جذي ناصر: شنو؟ عادل: جذي تقولي بتقدم حق اختك وانا معجب فيها وابيها وبعدين اكتشف من امي انك هونت على الزواج؟!!! صدمتني فيك الصراحه ناصر ارتبك شوي:لان انقبلت فجأه بالكليه عندهم وما كنت متوقع يقبولني وكل شي صار بسرعه واضطريت أسافر على طوول عادل: انزين اشدعوه جان كلمتني..عطيتني خبر ناصر: الصراحه ما عرفت شقولك!! كنت مفتشل عادل: لا من صجك!!! الزواج قسمه ونصيب وما صار شي ناصر: ميخالف سامحني عادل: لا عادي خلاص يبه شي قديم وطااف بس وقتها تضايقت شوي منك اعتفس ويه ناصر فجأه لما شاف عبدالرحمن داخل.... عبدالرحمن: السلام عليــكم ناصر بينه وبين نفسه: هذا اللي بنتفه الحيــن....شيايبه!! واضطر ناصر يقوم يسلم عليه لان شافه ياي صوبه وقعد مع عادل وناصر.... عادل: منور منور يالعبد عبدالرحمن: بوجودك حبيبي عادل: شلونك؟؟ان شاء الله كل شي تمام؟ عبدالرحمن: اي الحمدالله تمام التمام ناصر طول الوقت ساكت ماله خلق ياخذ ويعطي معاه... عادل: ناصر تدري ان عبدالرحمن خطيب الزيـن اختي ناصر يسوي روحه متفاجئ من الخبر: لااااه صج!! مبروووك عبدالرحمن : الله يبارك فيــك...والله احسن شي سويته اني خطبت...عايش احلى اياام حياتي ناصر حس بدمه يغلي من كلام عبدالرحمن.... ناصر: ومتى الزواج؟ عبدالرحمن: بعد راح نملج بعد حوالي شهرين وبعدين الزواج عقب ما اتخرج ناصر قام يحس انه حرررااان...ومخنووق....ومو قادر يقعد بعد ناصر: موفقين ان شاء الله....عن اذنكم حاس اني دايخ شوي عادل: أفا يا ناصر....ما صارلك الا ثلث ساعه قاعد ناصر: ميخالف لان وراي محاضره من صباح الله خير عادل: على راحتك...عاد خلنا نشوفك ناصر: اي ان شاء الله ولا يهمك ناصر: أشوفكم على خيـر عادل وعبدالرحمن: على خير ان شاء الله ناصر طلع على طول من الدوانيه واهيه يمشي بسرررعه والزين قاعده تدخل سيارتها من مدخل البيت عشان توصل حق الجراج اللي صاير داخلي شوي...والدوانيه قريبه من مدخل البيت الرئيسي اللي تدخل فيه السيارات >> عاد تخيلو مو عارفه اشرح عدل خخخخ المهم ناصر اهوه وطالع بسرعه جان على طوول اتيي بويهه السيااره وكانت دايسه وتصروع بغت تدخل فيـــه واهيه وقفت فجأه كانت على وشك تدووووسه خلاص....وقلبها يرقع يرقع حيـــل وجسمها كله ينتفض من الخوووف ونزلت من السياره الزيـن: امبيه حشتك؟؟؟ ناصر قلبه قاعد يطق بسرعه من الخرعه وقاعد يتنفس بسرعه: اشدعوه جذي داايسه؟!! الزيـن واهيه مخترعه عليه: مادري يعني!! ما شفتك!! اسفـه ناصر بعصبيه: كنتي بتدوسيني خلاص الزيـن تتكلم واهيه خايفه: يعني انت بعد ما شفتني يايه!!! ناصر بعده معصب: والله ما توقعت في سياره راح تدخل الحين الساعه 10 بلييييييل الزيـن انحرجت وعارفه ان اللي قاله نغزه حقها.... الزين بنرفزه : والله عاد انا أرجع البيت بكيفي وبأي وقت ابي....على العموم حصل خيـر...مت؟؟مت؟؟ لا ما مت!!! ناصر : ان شاء الله تسوقين عدل مره ثانيه وعطاها نظره ومشى...... واهيه دخلت البيـــت وصعدت غرفتها وقلبها بعده يدق يدق حيــــــــل وبعدين فجأه قامت تضحك على اللي صار توه.... وفصخت هدومها وخذت شاور وخلصت...وطول الوقت في بالها الموقف... بينها وبين نفسها: يا حلاته واهوه معصـــب....مو عاجبه بعد اني راده متأخرر...وااااي هذا ناصر نفسه ما تغيـــر... امبيــه شلون بغيـت ادوسه توه!!! اسم الله عليــه اشوه ان ما صار فيـه شي جان والله مـت... وانزلت تحت وراحت الصاله شافت امها.... الزيـن: قوه يمه شلوونج؟؟ ام عادل: هلا حبيـبتي...تمام..شلون طلعتج مع رفيجتج؟؟ الزيـن: تمام والله ونااسه ام عادل: تمام الحمدالله....زين بغيت أسألج الزيـن: هلا يمه قولي ام عادل: شنو شعورج لما عرفتي ان ناصر رجع؟؟؟ الزيـن: امممم عادي ولا همني الموضوع ام عادل: والله؟؟؟ الزيـن: اي يمه خلاص نسيته ام عادل: اشوه الحمدالله حبيبتي ريحتيني دق تلفونها ( حمني يتصل بك) وقامت من مكانها رايحه غرفتها الزيـن: هلا حمني عبدالرحمن: ها رجعتي البيت؟ الزيـن: اي انا بالبيت عبدالرحمن: حسافه جان قلتيلي انج يايه جان طلعت من الدوانيه اول ما تيين عشان أشوفج,,,ولهااان عليييج الزيـن: امبيه لا يكون اخوي يمك؟ عبدالرحمن : لا لا لاهي مع الربع...بعيد عنه انا الزيـن: اي اشوه....مادري والله ما حبيت أزعجك انت وقاعد مع ربعك عبدالرحمن: انتي انتي تزعجييني!!!! من صجج!! انا ما اصدق اسمع صوتج او أشوفج الزيـن: يا بعد عمري...ميخالف باجر راح أشوفك بالكليه عبدالرحمن: اي ان شاء الله...نفس المكان؟؟ الزيـن: نفس المكاان عبدالرحمن: تمااام...يلا حبيبتي تصبحين على خيـــــر الزيـن: وانت من أهله قلبي وصكت الخط و انسدحت على الفراش.....قاعده تشوف المسجات اللي واصلتلها بالبلاك بيري ماسنجر بعدين فجأه جان تتذكر الورقه اللي كتبت فيها رقم ال pin حق البلاك بيري ناصر...وراحت على طوول حق جنطتها تدور الورقه ولقتها وقعدت تطالعها وتفكررر...أضيــفه عندي او لا؟!؟! أضيــفه او لا!!! خل أضيــفه ما راح يعرف أصلا منو اناا ( طبعا كلكم اعتقد تعرفون تلفون البلاك بيري وسوالف البلاك بيري ماسنجر وكل واحد عنده بلاك بيري يقدر ياخذ الpin حق بلاك بيري ثاني ويضيفه عنده بالبلاك بيري ماسنجر ويعرفون بعض بالنكات اللي حاطينها...وصاير تقريبا نفس المسن قررت تضيـفه بس اول شي شالت الاسم اللي حاطته ( ZoOZOo) وحطت بداله نك ثاني عشان لا يعرفها ( DaLa3 ) و تقوم تضيفه عندها وناطره الأكسبت منه....دقايق جان ينضاف عندها بال ....contacts يطلع !!! ناصر: منو Dala3 بعدين اهيه دخلت كلمته....( طبعا الكلام كله بالانجليزي معرب) >> عشتو Dala3: هاااااااي NaSser: هااي Dala3: شلونك؟؟ NaSser تمام... عفوا بس منو معاي؟ Dala3: معجبـه NaSser: من وين خذيتي ال pin مالي؟ Dala3: من احد NaSser:اهاا!! انزين منو معاي؟؟ Dala3: يعني ضروري تعرف؟؟؟ NaSser : اي أبي أعرف Dala3:مابي أقول NaSser: شوفي انا مو فاضي حق هالسوالف.. بحذفج يلا باي Dala3 :لحظه لحظه NaSser :نعم!! اشتبين؟؟ Dala3 : أبيــك NaSser: اشتبين فيني؟ Dala3: أحبـــك.... تــم الجــزء الثـالث عشر

جنــــون 11-01-2016 11:58 PM الجـزء الـرابـع عشــر انتي مينونه؟؟ :NaSser مينونه فيـك يا جنوني : Dala3 : الحمدالله والشكر...ترى شكلج وحده وايد فاضيه وانا مالي خلق :NaSser انت يعني عشان حلو تشوف نفسك علينا؟ : Dala3 اي انا شايف نفسي....: NaSser : يحقلك يا حلو Dala3 : انزين يلا ماما روحي تغطي عدل ونامي أحنسلج: NaSser: ليش تبي تفتك مني؟؟ قاعده اقولك والله أحبك : Dala3 انزين وانا شنو المطلوب مني؟!!! بس ترى زهقتيني..يلا باي :NaSser وحذفها ناصر من اللسته!!! الزيـن لما شافت انها قاعده تكتبله بس مو قاعد يندزله شي عرفت ان مسحها من اللسته وفرررررررحت..... الزيـن تكلم روحها: واااااي حبيــبي مو مال هالسوالف كللللش...يهبللل...يهبللل ولا حتى حاول يتعرف عليــهااا....ولا عطاها ويه كلـــش...فديــته الزيـن نامت واهيه مستااانسه حيــــل وبس تفكر بكل الأحداث اللي صارت اليوم مع ناصر.... ناصر منسدح بفراشه يفكررر.... الحيـن أقل من أسبوع صادفت الزيـن مليون مره....بس ما راح اقدر اتحمل أكثررر!! وين ما اروح قاعد القااهااا!! من غيـر شي واهيه دايما في بالي وشاغلتني!!! بس كافي تعبــت...تعبـــت ثاني يوم الظهر في الكليه الساعه 12:20 حنان: والله سويتي جذي!!! الزيـن: اي عادي يعني ما يدري ان اناا حنان: انزين لييييش!!! شنو استفدتي من هالحركه؟! الزيـن: بس قاعده اتسلى حنان: ترى شوفي بديتي تنرفزيني بتصرفاتج!! ترى بهالطريقه جنج قاعده تخونين خطيبج الزيـن: لا الشكووو!! مو صاير بيني وبين ناصر شي حنان: بس خلاص بطلي هالحركات الزيـن: بس بس عبدالرحمن يه عبدالرحمن: السلام عليكم الزيـن وحنان: وعليكم السلام.. وكانوا واقفين يسولفون وبعدين راحوا يمشون حق مواقف السيارات... واهمه ماشيين جان يصادفون ناصر ياي بويههم.... عبدالرحمن: هلاااا ناصر ويهه انعفس وكان وده يغير طريجه بس شافه ما لحق!! ناصر: هلا والله عبدالرحمن: شالصدفه أشوفك امس واليوم ناصر: اي والله خوش صدف >>> كلش مو قاصدهاا ( تفاجئت الزيـن ان يعرفون بعض....وما كانت مرتاحه بالوضع اللي فيه) عبدالرحمن: نشوفك اليوم بالدوانيه عيل؟ ناصر: والله مو أكيــد عبدالرحمن: أعرفك ناصر بخطيبتي الزيـن اللي اهيه اخت عادل ناصر: اي اعرف انها اخت عادل...السلام عليكم الزيـن بارتباك: وعليكم السلام عبدالرحمن: اي صح اكيد تعرفها دام ييرانكم من سنين ناصر: يلا عن اذنكم مضطر امشي عبدالرحمن: اذنك معاك...مع السلامه ناصر: مع السلامه نااااصر من هالوقت قررر ان خلااااااااص ما راح يقدر يتحمل أكثرر من جذييي...من اول ما قال عادل ( خطيبتي الزيـن) استوعب ان خلاااااص ممكن يخسرها للأبد.....اذا تزوجت رااح تضيــع منه...و ما يقدر يتخيلها مع انسان ثاني غيـــره.... بينه وبين نفسـه: الزيــن انتي لي... بس لي اناااا صارت الساعه 3:15 وطلع ناصر من محاضرته رايح البيـــت وصل البيـت وصعد غرفته ومسك تلفونه قاعد يفكررر... لازم ادق على الزيـن...لازم اكلمهااا...ما اقدر اتحمل اكثر من جذي...احبهاااا...احبهااااا.. .سامحيــني الزيـن على اللي خليتج تمرين فيه...حاولت أنسااج واخليج تعيشين حيااتج بس خلاااص ماني قااادر...ابيـــج... طلبتك بس لو تسمح تناسى غلـــــــــطتي واسمح ترى والله مو قصدي أكــــــــــــدّر خاطرك وأجرح أنا أحبك أنا أغليك أنا كلـــــــــــــــــي متيم فيك يا كيف أزعلك مني وأنا اللي همي بس أرضيك تأكد أني مـا أقدر على بعـــــــــــدك ولا أصبر إذا تبعد أنا بجيك وإذا تــــــــــــزعل أنا أتكدّر أوقّع وأعترف وأبصم بأنـــــــــك في عروقي الدم وفي كوني وتكويني حبيبي حبـــــــــــــــك الأهم تقبّل يالغلا عذري جرحتـــــــــك دوم ما أدري وانت تدري بقلبي غلاك كبــــــــــير يا عمري ناصر وأخيــــرا دق على الزيـــن..... (جنووني...يتصل بك) الزيـن تفااجئت...اختبصت....توتررت....مو مصدقه انه داااق عليهاااا!!!! وقررت تشيله الزيـن: نعم؟؟ ناصر: مساء الخير الزيـن: مساء النور...منو معاي؟؟ >>> يعني ماسحه الرقم وناسيته ناصر: زيـــن الزيـن: هلا ناصر: يعني ما عرفتيني؟ الزيـن: ناصر؟؟ ناصر: اي ناصر الزيـن: ليش لحد الحين محتفظ برقمي؟؟؟ ناصر: الزيـن انا محتفظ بكل شي يخصج الزيـن قلبها قام يدق بسررررررررعه....وايدها تررجف الزيـن: شتقصد يعني؟ ناصر: زيـن انا أحبــج الزين: يا سلاام....ومن متى تحبني؟؟ ناصر: احبج من وقت ما حبيتيني الزيـن: لا حبيبي انت نسيت!!! مو على أساس انا غلطه في حياتك!!! ناصر: الزيــن.... الزيـن قاطعته: اسمعني زييييين...انا مو على كيفك متى ما بغيتني راح ايي عليك أركض!!! انت جرحتني....جرحتني لدرجه خليتني فتره كارهه حياااتييي...صدمتني فيـــك وكلامك ذبحنيييي...وياي الحين بكل بساطه تقولي أحبج!!! أحبج!!!! شنو ناطر مني أقولك؟؟؟؟ أقولك وانا بعد أحبك؟؟؟ ناصر: زين انا اسف بس.. الزيـن: ااسف!!!! اااسف على شنووو؟؟؟؟ على العذاااب اللي عيشتني فييه!!! ياما بجيت عليك...ياما سهرت... ناصر انت حطمتنييي...كسرتني...من غير أي سبب!!! الحييين..الحين قدرتني وعرفت قيمتي؟؟!!!وياااي بكل برود تقولي " أحبـج" عقب شنوو نااصر؟؟؟ الزيــن قااامت تبجــي وناصر بدا يبجي معاها.... ناصر: زييين سمعييني حبيبتي...انا كنت غلطان اني تركتج بس انا سويت كل هذا عشان.... الزيـن: ماااكو سبب ناااصر...مالك أي عذررر تسوي فيني اللي سويته!!! ناصر: صديقيني يا زييين كان حق مصلحتج الزيـن واهيه تضحك باستهزاء: مصلحتي!!! تبي تقنعني انك تركتني حق مصلحتي!! انت شقاعد تقووول؟؟!! اذا تبي تتعذر وتقص علي..قص علي عدل ناصر واهيه يبجي: زيييين انا ماني قاادر اعيييش بدونج صدقيني...كنت أحبج ومازلت أحبببج وراح اظل طول عمري احبج الزيـن: تدري شنو اللي يضحك ناصر؟؟ اللي يضحك انك واثق من نفسك وياي بكل جرأه تقول انك تحبيني!!! انت ما تدري اني مخطوبه؟؟! عقب ما شفتني صرت حق غيرك صرت تبيني؟؟؟ مثل الياهل ما يبي الا اللعبه اللي عند رفيجه واللي بايده عقب ما يشبع منها تطيح من عينه ويقطها ناصر: زيييييين انتي تعرفيني انا موو جذي!!! طبعي موو جذي الزيـن: ناصر انا نطرتك أكثر من سنه!! اكثر من سنه وانا اوهم نفسي انك راجعلي....انك ما زلت تحبني...وبيوم راح اتيي وتاخذني...لكن لي متى؟؟؟ كنت متوقع بظل أنطرك لي اخر عمري؟؟ ناصر: زييين بس بحاول أفهمج الموضوع... الزيـن: رجاء اسكت ولا كلمه...خلاص ما في كلام بيني وبينك ناصر: ارجووووج زيييييين سمعييينييي الزيـن: ارجع حق اللي تركتني عشانها ناصر: عمره ما كان في احد غييرررج صدقيني الزيـن: ناصر ما راح يمشي على هالكلام الحين ناصر: زيييييييييييين انتي تحبيني الزيـن: كنت....كنت يا ناصر أحبك ناصر: لااا زيييييين انا شايف هالشي بعيوووونج وبتصرفاتج ...انتي بعدج تحبيينييي الزيـن: لا ما أحببببك...ما ابيييييك خلااااص كل شي بيني وبينك انتهى ناصر: زين عطيني فرصه اتكلم الزيـن: كانت عندك فرصه وضيعتها....الله يوفقك ناصر وصكت الخــط..... ناصر حس الدنيا دارت فيـــه...طاح عالأرض وقعد يبجيي ويلوم نفسه نااصر انت شسوييييت!!!....خلاااص ضاااعت البنت من اييدك...زييين راااحت حق غيــرك...كله منك...انت السبب ناصر تمنى الأرض تنشق وتبلعه...تمنى ان يمووووت... الزيـن بعدها واقفه مصدومه من كل اللي قالته!!! حست ان هالكلام كله كانت كابتته في قلبها من زماااااااان وانفجرررت....وحست انها ردت اعتبااارهاااا...طلعت حرتهااا والكلام كله كان من قلبها الا.... بينها وبين نفسها:: بس انا بعدني أحبــه...بعدني أبيـــه...شلون قلتله اني ما احبه!! شلون قلتله ان كل شي بيني وبينه انتهى!!! لا لا عمره ما راح ينتهي لاني بتم أحبه لي اخر عمري....بس لازم يكسبني....مو بمكالمه وحده يرجعني!!!! زين سويتي فيه زين واذا صج على كلامه ما يقدر يعيش بدونج وبيتم لي اخر عمره يحيج!! خل يسوي المستحيل عشان يرجعج!!! وقامت تبــجي حيـــــــل...... كل اللي جرحوني جرحهم يطيب.. إلا أنت جرحتني وجرحك للحين ماطاب آآهـ منك بس جرح و جرح إلى أن صارت جروح.. حتى تعب القلب من الجروح.. جرح من غريب.. مو مهم.. يبرى و أنساه.. جرح من صديق.. مو مهم.. بعالجه و أكتم في قلبي.. أما جرحك يا.. كيف بنساه!!.. كيف يبرى!!.. قولي كيف؟!.. سلمتك قلبي وجرحته.. و كنت أظن أنك آخر من يجرح.. سلمتك قلبي و دمرته.. و كنت أظن أنك أطيب قلب عرفته.. سلمتك روحي بين أيديك.. آآآآهـ ما لقيت غير جروح منك لروحي.. سهرت والدمعة في عيني.. سهرت أناجي ربي أنه يرحم قلبي .. سهرت و أنا ادعي على كل من جرحني.. أنا أدعي عليك..!! لا وربي ما دعيت عليك.. دعيت ربي يغفر لك غلطاتك علي.. دعيت ربي يلين قلبك القاسي علي.. دعيت و دعيت.. أنا صحيح أنجرحت كثير.. بس مثل جرحك ما نجرحت.. كل جروحي تطيب.. إلا جرحك ما يطيب لو تعالج فيه سنين وسنين.. تـــم الجـزء الرابع عشــر

جنــــون 11-01-2016 11:58 PM الجــزء الخــامــس عشــر نـاصر حاس قلبه قاعد يتقــطع.... لازم أرجعهااا....لااازم....حياتي بدونها ما تسوى شي.... زيــن بظل وراج لما تسامحيني....لو أظل طول حياتي بس أتأسفلج....لو أترجاج وأذل عمري واكون لج مــداس...بس تسامحيني وترجعيـلي وناصر رجع يحاول يدق عليـها لكن ما تشيـله وظل يحاول يدق ويدق ليـن صكت جهازها.... وكتبلها مســج.... حبيــبتي سامحيــني على كل شي...ادري اني قسيت عليج...ادري اني كنت غلطان بحقج...ما تتصورين شكثر كان علي صعب اللي سويته فيج...انتي تهميني أكثر من ذاتي...والله ما تهونين علي...انتي حبـي وروحي ونبضي ودنيتي كلها... انا مستعد أعتذرلج مره...مرتين...عشر...مليوون بس تكفيـن عطيني فرصه وسمعيني...عطيني لو دقيقه من وقتج أفهمج كل شي... في سبب من ورا اللي سويـته...يمكن غلطت بس كان كله عشـانج.......قسما بالله من يوم ما تركتج احس اني قاعد أحتضر.....تذكرين حبـي لـج ؟؟؟ ترى مو نفسه الا زاااااااد ظل ناصر سهراان مو قادر ينام لحد الساعه 7 الصبح بالغصب ناااام.... اما الزيـن من وقت ما صكت التلفون منه واهيه عايشه صراااع مع نفسهااا...ما تدري شتسوي؟؟؟ تشوف ناصر يدق عليها بس مو متحمله ترد عليه.... بهاللحظه تحس انها تحبه وما تحبه!!!! كارهته على اللي سواه فيهااا...بس تبيــه ومو متخيله حياتها بدونه... الزيـن تفكر...: لازم اخليه يحـس بكل اللي حسيته...يحس بالمررر...بالألم...وعلى الأقل يتعذب نص العذاب اللي تعذبته.... يااااااربي حاااسه بضيااااع....شسوي؟!! بين وناصر وعبدالرحمن؟!! عبدالرحمن متعلقه فيه ويمكن أحبه....بس ناااصر...ااااخ من ناااصر...ناصر هنااي وعذاابي...حبي وجرحي....تعبي وراحتي....حزني وسعادتي....مراري ودواي... ياربي أحبه...مو بس أحبه..أعشقه...مو بس أعشقه...الا أموووووت فيـــــه ويـــنك عني من زمااان نااصر......تأخررررت و الزيـن نامت بالغصـــب عالساعه 5 الفير,,,,, الخميـس الصبـح قامت الزيـن حق محاضرتها ولبست وطلعت من البيـت...كانت ما تبي تداوم بس قامت عشان تبين حق ناصر ان ما ضعفت ولا تعبت عقب أمس ولا هامها الموضوع بكبرره.... اركبت السياره جان تتذكر انها صاكه تلفونها وافتحته....وشافت المس كوولز وافتحت المسجات اللي وصلت من ناصر وقرتهم واخقتها العبرره من مسجاته وعيونها دمعواا....بس مسكت نفسها عدل وحركت السياره وصلت الكليـه.... حنان: شفيها جذي عيونج متورمه؟؟؟ الزيـن: من البجي اللي بجيته حنان: اووف ليش؟؟ الزيـن: اااخ ياا حنان طافج شصار أمس حنان: شصار؟؟ قولي الزيـن: ناصر دق علي أمس بليل حنان: اوووووف ليش؟؟ شكان يبي الزيـن: يقول انه يحبني ويبيني أرجعله حنان: مالت عليييييه...صج ما يستحي على ويهه!! مو عارف انج مخطوبه!! وانتي شقلتيله؟ الزيـن: انا انفجرررت عليييه....طلعت كل اللي بقلبي...وقلتله اخر شي اني ما احبه ولا ابيه وخل يبتعد عني لان كل شي بينا انتهى حنان: تعجبيني والله...اشوه عبالي بعد قلتي شي غير جذي الزيـن: بس حنان انا قاعده اخدع روحي...أنا أحبــه أكثر من أي شي بالدنيا حنان: زين اهوه لان كان حبج الأول عشان جذي صعب عليج تنسينه...بس صدقيني مع الوقت ولما تتزوجين عبدالرحمن راح تنسينه... الزيـن: المشكله ان انا مابي انسااه... حنان: شلون يعني الحين.؟؟؟ من صجج تبين تردينله عقب كل اللي سواه فيج؟! الزيـن: لا مو الحين أرجعله!! بشوف صج شكثر يحبني وشنو مستعد يسوي عشان يردني حنان: وعبدالرحمن؟؟؟ ستاند باي؟! الزيـن ما ردت على حنان لان ضميرها قاعد يأنبها حنان: حرام..لا تظلمين الريال معاج الزيـن: انا ما اقولج اني ما احب عبدالرحمن بس لان ناصر بالنسبه لي شي ثاني حنان: الزين فكري عدل قبل ما تسوين اي شي الزيـن: والله محتاااااااااره حنان: وااي انتي عندج يحبونج ناصر وعبدالرحمن...انا ليش جذي طااايح حظي!!!! مالت علي الزين: هههههه صدقيني مو سهل علي...والله محتااره حيييل مو عارفه شسوي حنان: والله اثنين أحسن من ولا شي نفس حااالتي... الزيـن اول ما دخلت القاعه امسكت نفسها ولا دورت عليه عشان تشوف اذا موجود او لا... الزين بينها وبين نفسها: المحاضره طافت عليها ربع ساعه وبعده ما يه!!! وقامت تحاتي شوي... خلصت المحاضره وطلعوا... الزيـن: ما حضر اليوم!! اخاف صارله شي حنان: لا عادي شنو بيصيرله يعني!!! الزيـن: ان شاء الله خير حنان : زين والله اني خايفه عليج ياريتج تنسينه وبعدين الصراحه واحد مثل هذا ما يستاهلج الزيـن انفعلت: حناان حاولي تفهمينيي انا أحبه غصبن علييي...شوفي مسجاته شوووفيهم...بذمتج كلام مثل هذا ما يلين قلبج؟؟؟ حنان قعدت تقرا المسجات... حنان: شنو يقصد ان في سبب من ورا اللي سوااه؟! ما قالج؟ الزيـن: مادري عنه!! ما عطيته فرصه يتكلم من كثر ما كنت منفعله حنان: وما راح تحاولين تسمعينه؟؟ الزيـن: لا بعد ابيه يتعذب شوي قبل ما يحاول يبررلي حنان: اووف وأخيرا صرنا ويـك اند الزيـن: اي والله وراحوا حق المواقف وكل وحده اركبت سيارتها ومشت..... ارجعت البيت وشافت سيارته واقفه بره.... ادخلت غرفتها وبدلت وصلت وعلى طول قطت روحها على الفراش وناامت.... ولما قعدت المغرب لقت بتلفونها 14 مس كول من ناصر و 2 من عبدالرحمن الزيـن : اووف والله داق وايد ناصر...خل ادق على حمني الزيـن: هااااي عبدالرحمن: يا هلااا والله...وينج كنت ادق عليج ما تردين!! الزيـن: اي كنت نايمه...شلونك؟؟ عبدالرحمن: نوم العوافي...شبتسوين اليوم؟ الزيـن: والله شكلي بقعد بالبيت..مالي خلق اطلع عبدالرحمن: يوم الخميس وما راح تطلعين الزيـن: والله مالي نفس كلش عبدالرحمن: ليش قلبي؟؟ في شي مضايقج؟؟ الزيـن: عبدالرحمن انت تحبني؟؟ عبدالرحمن: أحبج ونص الزيـن: شكثر؟ عبدالرحمن: وااايد واايد وااااااااايد الزيـن: عمري عبدالرحمن: هلا الزيـن: شنو تحب فيني؟ عبدالرحمن: أحبج كلج على بعضج... الزين: يعني ما في شي محدد؟؟ عبدالرحمن: لا احب كل شي فيــج الزيـن: احرجتني خخخ....يلا حبيبي بروح لان اهلي ينادوني عبدالرحمن: اوكي قلبي...مع السلامه الزيـن: باااااي وانسدحت على الفراش تفكر وتتذكر... الزيـن: نصوري.. ناصر: عيوونه الزيـن: شنو تحب فيني؟؟ ناصر: زين قولي " شنو ما تحب فيني" الزيـن: هههه لا صج قولي شنو تحب فيني؟؟ ناصر: أحب فيج شلوون بحبج تحتويني...شلون بصوتج تتوهيني...أحب فيج شلون تحلين أيامي...أحب نظراتج لي....أحب احساسج....أحب قلبج...عقلج...وجودج...قربج...دلعج...اسمج...عيونج.. .جمالج....ضحكتج... الزيـن: بس بس بس هههههههههه ناصر: روحج....شطانتج....عصبيتج....برائتج الزيـن: بـسسسسس خلااااص ناصر: شسوي لا حبيت فيج مليون شغله وشغله الزيـن: أحبـــــــــــك روحي تحبك غصب عني تحبك والمشكله حبك بروحي جرحني و إذاشكيت تقول إش كان ذنبك ذنبي هويتك يوم حبك ذبحني ونيت من قلبي تلوعت عقبك سلبت لي قلبي و جرحك سرقني أقول قلبي تقول وش عاد قلبك وإن جيت أبخفي الحب جرحك فضحني أجيك أنا عاني أدور لقربك تبعد كأن القلب ما قد عرفني وإن رحت عنك تموج و الريح دربك وتقول شفت اليوم قلبك تركني يا قوتك ترضى أجاريك لعبك ترضى أهد الحب لو كنت تبني إن كنت تهواني فأنا اليوم جنبك سلمت لك أمري وحبك سكني ناصر طول اليوم حابس نفسه بغرفته ماااله خلق اي انسااااااان....واذا دخل عليه احد تهاوش معااه.... ناصر رجع دز مسج حق الزيــن.... زيــن أرجوووج ردي علي محتاااج أكلمج أرجووووج ورجع دق عليها مره...مرتين....ثلااث وشالت الخط الزيـن: وبعدين معاك؟؟؟ ناصر: زييين سمعيني الزيـن: بس خلاص دوختني!!! لا تخليني أعلم اخوي عليك ناصر: زيييين ليش مو راضيه تسمعيني؟؟ لهاالدرجه صرت بالنسبه لج ولا شي؟! الزيـن: بأي حق تسألني هالسؤال؟!! شنو بتكون بالنسبه لي بعد اللي سويته فيني!!! اقول لا تنسى اني مخطوووبه وبعد أحب خطيبي...بس لا تدوخني وصكت الخط.... ناصر هاااااااااج...عصـــب.....طق ايده بالمنظره وانكسرت....ايده انشقت وقام يشررر الدم بكل مكاااان....وكانت ذابحته عواااار وصررخ يت امه تركض عليييه ودخلت..... ام ناصر: نااااصر...نااااااااصر افتح البااااااااب...ِشفييييييك؟؟؟ ناصر راح حق الباب وفتحلها ام ناصر: ويييييه يمه شسويت بروووحك؟؟؟!!!! وراحت بسرعه خذت فوطه من الكبت ولفت ايده ام ناصر: امش امش معاي المستوصف ومسكت ايده الثانيه واسحبته معااهاا....اهوه من كثر العوار حاس انه متخدررر...دااايــخ....وطلعوا بره واركبوا السياره مع السايق ومشوااا.... ام ناصر: شصار قولي؟؟؟ ناصر: يمه بس مالي خلق اتكلم دااايخ ام ناصر: يمه شفييييك صاير لا تاكل...وكله بغرفتك مالك أحد..مو زين حقج جذييي!! ما سمعت الدكتور لما قالك انت بحالتك لازم تهتم بصحتك زياااده وما يصير اتعب نفسيتك ناصر: اااخر همي صحتي ام ناصر: اسم الله عليك يمه ليش تقول جذي!!! في بيت بوعادل..... الزيـن : امبيييه ليش قلتله بعلم اخووي!!! أخاف الحين يقوم ما يدق كلش!!! مسكيــن جنه زودتها معااه...بس لا لا يستااهل...أحسن خل يتمرمرررر.... ارجعوا البيت ام ناصر وناصر.... بوناصر: هااا سلااامااات!!! شصااار؟؟ ناصر: ما صار شي يبه بوناصر: ناصر شفيك قولي؟؟ ناصر: ما فيني شي...بس خلوني بروحي بوناصر: انزين ممكن تهدي....ترى مر أكثر من 3 أشهر لازم نروح المانيا عشان يفحصونك... ناصر: يبه قلتلك مو الحين ما صارلنا أسبوع مداومين بوناصر: بس ناصر لازم عشان اذا في شي لا سمح الله ما ينتشر نفس ذيك المره...ما يصير كل ما أقولك تأجل الموضوع ناصر: اوووووه ترى دوختوووني.... ( راح غرفته ناصر وصك الباب علييه) ( ناصر ما يبي يسافر لان كان خايف يقولوله انه السرطان رجعله...واللي فيه كافيه...وما يبي يعيش كل اللي عاشه قبل من أول ويديد) يوم الأحد الصبح...... من وقت اخر مره ما دق عليها ناصر كلـــش....واهيه حاايشها احباااااااط قووووي وكل شوي كانت تطل على تلفونها تشوف مس كول...مسج...اي شي منه...ماكو!!! بالكليه..... حنان: ها شصار على ناصر؟ الزيـن: بطل يدق علي عقب اخر مره لما هددته بأخوي حنان: زين أحسن الزيـن: اووف ضااايق خلــقي... حنان: وكلش ما صادفتيه بره بيتكم؟؟ الزيـن: لا كلش!! أصلا جنه ما طلع خير شر بالويك اند حنان: يعني لي متى راح تظلين جذي معاه؟؟ الزيـن: مادري بس جني بديت أطخ حنان: لا لا تطخيييين بعد تو النااااس خليه يتعذب اكثرررر الزيـن: مادري كاسر خاطري مو قادره بعد امسك نفسي أكثر حنان: لا والله استمرري باللي انتي فييه....خلييج أقوى من جذي بعد الزيـن: اخاف بعدين يضيع مني وساعتها شبسوي؟!!! راح اخسره حنان: لا حبيبتي اهوه اللي راح يكون الخسران....يا كرهه هالمليييق الزيـن: انتي ليش تكرهينه وايد؟!!! حنان: هاااه!! لا اكرهه عشان اللي سواه فييييج الزيـن: مادري احسج تكرهينه كره موو طبييعييي حنان: بعدين بعدين نكمل كلامنا الزيـن: حنان شفيج؟ حنان: ما فيني شي.... يلا راح تبدي المحاضره.... واهمه داخلين المحاضره جان عند الباب تصادف ناصر.....كان شكله تعبااااااااان شعره معفس...لحيته طالعه صايره على ديرتي....ولابس أي كلام واهوه بالعاده يهتم بنفسه وبلبسه....وتحت عيونه سواااد....كان شكله تعيييييييس...مهمووووم... الزيـن طالعته جذي وقلبها عورها عليييه...وده تاخذه تحضنه وتطمنه انها بعدها تحبــه وتبيـــه وما تبي أي أحد غيــره....وبس شافت ايده ملفوفه بشاش اخترررعت عليه اكثرررر.... اما ناصر طول الوقت يطالعها...تعابير ويهه كلها حزن...وعيونه فيها رجاا...اهيه ما تحملت لما صارت عيونها بعيونه وكملت طريجها ودخلت القاعه...واهوه نزل راسه بعديــن قعدوا بالمحاضره....ناصر كان قاعد في السطره الخامسه والزين قاعده في السطره الثامنه.....طول الوقت تطالع نااصر....وتحس انها مو قادره تمسك نفسها بعد أكثررر...تبي تصرررخ بنص القاعه تناااااديه....تقوله أحبـــك ... اهوه كان سارح طول المحاضره....ويحس انه مخنوووووق....وقام يحس انه حررااااان وبدا يعرق يعرق حيـــــــل...مو قادر يتحمل اكثررر المحاضره ما خلصت بعدها بقالها نص ساعه وصار يبي يطلع...ما كان قادر يتحمل اكثررر....حاس بصعوبة واهوه يتنفس وقلبه يدق يدق يدق حييييييييل قام من مكانه ونزل بالدري ( السلم)....واهوه قاعد ينزل حس بدوخه...حس الدنيا قاعده تفتررر فييييه....وطااااااااااااااح الزيـــن بأعلى صوتها صرررخت: نااااااااااااصر تم الجــزء الخامــس عشـــر

جنــــون 11-01-2016 11:59 PM البـارت السادس عشـــر الزيـن صرخت لدرجه ان عروقها طلعت: ناااااااااااااصر وبسرعه قاموا له الطلبه والدكتور راحله وقاعدين يشوفون شفيه!!! الدكتور يطقه شوي على ويهه: ناصر...ناصر... بس ناصر مغمى عليـــه...مو قاعد يرد عليــهم الدكتور: بسرعه احد يدق على الاسعااف طالب: اي دكتور قاعد ادق عليهم الزيـن كانت تررررتعش....وقلبهااا يدق بسرررعه ولولا ما مسكتها حنان جان ركضت عليييه الزيـن: مو قادره لازم اروحله لااازم حنان: لا بس ما يصير جدام كل هالنااس..فشله خليييج الزيـن تدز ايدها: بس خليني بقوووم بروح اشوف شفييه حنان ماسكتها: زييين قعدي...وين تدخلين بين كل هالشباب الزيـن ميـــته خووووف...وايدها قاعده ترررجف.... الزيـن: حناان خااايفه خااايفه لازم اعرف شفيييه الزيـن لا شعوريا دمعت عيووونهااا الزيـن: كله منييي...كله منييي صار فيه جذي حنان: مو انتي بعد طحتي بالمستشفى يوم اصدمج فيه الزيـن: اييي بس عمري ما تمنيت هالشي يصيرله حنان: خليه يمر بكل اللي خلاج تمرين فيه الزيـن: لااا حرااام عليييج!!! بس خلاص بقوله اني أحبه.....ما راح أكابر أكثر من جذي الشباب شالوا ناصر من الأرض وحطوه على كرسي الدكتور وقاعدين يحاولون يقعدونه بس مو قاعد يستجيب لهم... شوي جان اييون يدخلون المسعفين القاعه....قاعدين يفحصونه ويشوفون شفيه وحطوله الأكسجين وقاموا حطوه على العربانه وطلعوه بره القاعه.... الزيـن: بقوم الحقهم حنان: صبري صبري وقامت الزين ومشت ولا ردت عليها.... وقامت وراها حنااان.... حنان: وين بتروحين؟؟ الزيـن: بسرررعه بروح الحقهم بسيارتي حنان: انتي من صجج!!! تروحيله حق شنو؟! الزيـن: شفيييج برووح اتطمن عليه!! اشووف شفيييه حنان: تلاقين صار معاه بس هبووط نفس اللي صار فيج اول الزيـن: انزين حتى لوو لازم اروح اتطمن عليه وأقوله اني أحبه حنان: صبررري...صبررري ووراحت بسرعه ووقفت جدامها... الزيـن: شفيييج؟؟! اشتبين!! وخري بطوف حنان: تدرين ليش انا اكرهه؟؟! الزيـن: مو وقته حنان الحين حنان: صبررري بقوولج...اكررهه لان مره تحررش فيني الزيـن فجأه وقفت...اللي قالته حنان كان مثل صفعه لهااا... الزيـن: شنوو؟؟؟ حنان: كنت بقولج هالشي من زمااان بس بعدين قلت دام كل شي بينج وبينه انتهى خلاص ماله داااعي والحين لما شفتج رايحلته تقوليله انج تحبينه قلت لازم اقولج الزيـن: حناان انتي شقاعده تقوولين؟!؟!! حنان: ترى عشان جذي اتركج...لاني هددته راح اقوولج كل شي وخاااف وانفصل عنج الزيـن من الصدمه تجمدت بمكااانهاااا....مو قاادره تصدق اللي قاعده تقوله رفيجة عمرها حنان الزيـن: لا لا ما أصدق حنان: ما تصدقيني انا!!! انا رفيجتج ليش بقص عليج!!! الزيـن: لا لا مو صحيح اللي قاعده تقولينه حنان: صدقيني مو قاعده اقص عليج...عشان جذي أكرررهههه وما أبيج تردييينله الزيـن قام قلبها يدق يدق حيييييييل وقامت تتنفس بسرعه وحست الدنيا قاعده تدور فيها حنان: زين قعدي قعدي الزيـن: معقووله ناصر يتجرأ يسوي جذي!!! يتحرش برفيجة عمري!!!! ما أصدق مستحييييييل حنان: يعني شقصدج؟؟؟ انا جذااابه؟؟؟!!! وقامت حنان من يمهااا معصــبه وقامت وراها الزيـن الزيـن: لا حنان تعالي مو قصدي جذي بس لاني مو قادره استوعب حنان: شلووون مو قادره تصدقيين!!! اذا اهوه مرره جررحج وقااالج ان يحب بنت خالته!!! وتبين تعرفين شي بعد ؟ الزيـن: شنووو؟؟؟ حنان: قالي انه يحبني وانه كان معاج عشان يحاول يتقربلي وسالفة جنان بنت خالته مووو صج كانت تأليييف منه الزيــن طالعت حنان واهيه مصدووومه وساكته ولا كلمه وبعدين بطتهااا بجيييي حنان: انا اسفه قاعده اقولج كل هالكلام بس عشان مصلحتج لاني ما ابي تهينين نفسج وترجعيله وكنت لازم الحق عليج قبل ما تروحيله الزيـن بس تبجي تبجي مو قادره تصدق كل هالكلام اللي قاعده تقوله حناان اللي كان مثل صاااعقه لهااا حنان: بس زين ما علييج منه.....خلييييه يووولي اشتبين فييييه...انتي عندج عبدالرحمن واايد احسن منه وتستاهلون بعض حنان: بس زين حبيبتي بسج بجيييي....الناس قامت تطالعنا امشي خل نقووم ومسكت ايدها وقومتها ومشوا..... ووراحولها بناات يعرفونها أبرار وفرح: زيين شفيييج؟؟؟ الزيـن بس تبجي ومو قاعده ترد علي احد حنان: ميخالف عندها ظرووف أبرار: انزين يمكن نقدر نساعدها حنان: لا ميخالف حبيبتي...مشكورين ما تقصرون ومشوا حق المواقف.... حنان: زين ركبي معاي سيارتي ما راح اخليج تسوقين بهالحاله والزيـن ماشيه معاها مستسلمه....وبعدها تبجي مو قادره توووقف حنان: زييين خلااااص ليش تبجين على احد ما يستااهل!!! الزيـن: ليش ما قلتيلي هالشي من زمااان؟؟؟!! حنان: قلتلج ما كنت حابه اني اتعبج أكثر ما كنتي انتي تعباانه واهوه اصدمج فيه كفاايه الزيـن: بس شلوون قدرتي تخشين شي جذي علي كل هالفترره!!! حنان: بعد انتي صديقتي وعشانج اسوي اي شي الزين : ااااااااه الزين كل ما استوعبت كلام حنان أكثررر كل ما زادت بجي لدرجه انها قامت تشهق... في جزء من قلبهاا بعده قااعد يحااتيه وتبي تعرف شصار علييييه..لكن أغلب قلبها مجروووووح...قاعد يتقطـــع....تبي تصرررخ....حاسه انها مخنوووقه ووصلوا بيـــت الزيــن...وحنان مسكتها ونزلتها من السياره ودخلتها البييت ام عادل: زييين...شفيييج؟؟! حنان: خالتي تعبانه شوي خل نصعها غرفتها أحسن ام عادل: وي بعد قلبيي وصعدوا الغرفه وسدحوها بالفرااش...وعلى طول الزيـن حطت راسها على المخده من كثر ما اهيه دايخه ام عادل: قوليلي شفيها؟؟! حنان: خالتي الحين أقولج بس خل نطلع بره نخليها ترتاح وطلعوا من الغرفه...وقالتلها حنان كل اللي قالته حق الزيـن ام عادل: صج انه موو متربي وقــح حنان: اي خالتي للأسف ام عادل: انا هذا الانسان موو مرتاحتله من زمااان حنان: اشوه انه الزيـن الحين مع عبدالرحمن ام عادل: اي والله الحمدالله وافتكينا منه حنان: اي ام عادل: بس ليش توج تقولين؟! حنان: اممم لان ناصر اغمى عليه بالمحاضره وشفتها كانت رايحتله المستشفى واضطريت أقولها قبل ما تروحله ام عادل: اوووف وحق شنو هالمينونه بتروحله؟! حنان: هاا!! اممم اهيه بس كانت تبي تطمن عليه ام عادل: خل يولي زين..شنو تطمن عليه!!!! انا اوريها حنان: لا لا خالتي تكفييين...بعدين راح تعرف اني قلتلج وراح تزعل مني وايد..اهم شي ان الحين خلاص عرفت ناصر على حقيقته ام عادل: بس هم ما كانت مفروض تروحله من البدايه حنان: خلاص خالتي اهيه غير شي تعبها الكلام اللي قلتلها اياه واكييد خلاص عقب كلامي ما راح تفكر تكلمه او تروحله ام عادل: خلاص راح اعديها هالمره بس والله يا ويلها لو تعيدها مره ثانيه في المستشفى..... بوناصر: ولدي ناصر يبتوه المستشفى اليوم بالاسعاف وينه؟؟ ممرضه: اي اي عرفته...موجود في غرفه 2 في الدور الثاني ام ناصر : انزين شفيه؟؟فيه شي؟؟ ممرضه: لا الحمدالله صحى ماكو الا العافيه ان شاء الله وراحوا ام ناصر وبو ناصر حق غرفة ناصر بسرعه.... ام ناصر: اسم الله عليك حبيبي!!! شصارلك؟! ناصر: ماكو شي يمه بوناصر: بس خلاص لازم من باجر احجز حق المانيا ناصر: يبه قالولي ما فيني شي بس ياني هبوط بوناصر: لا لا خو اهني المستشفيات يقولونلك اي شيي...لازم من باجر نروح المانيا ومن اليوم احجز ناصر: يبه والكورس بوناصر: بالطقاق بالكورس اهم شي صحتك ناصر: يبه ماابي اروح المانيا الحين ماابي بوناصر: ادري انك خايف انك تكتشف شي انت ما تبيه تكتشفه بس لازم ناصر عشان قبل ما يفوت الفوت ناصر دمعت عيونه: يبه تعبت...تعبت بوناصر: ادري والله ادري حاس فييك وما تنلام بس ناصر لازم اهم شي صحتك ناصر: انزين يبه مو باجر عشان استأذن من الدكاتره عشان يمكن يطلع ما فيني شي وارجع واكمل الكورس من غير ما تنزلي انذارات بوناصر: انا مستعد اروح بنفسي حق العماده واشرحلهم حالتك ونمشي باجر...لا تحاتي في غرفة الزيــن.... الزيــن تهدى وترجع تبجي...تهدى وترجع تبجي...مو قادره تصدق كلام حنان!!! بس حنان صديقتهااا حييييل مو معقوله راح تقص عليييهاااا!! وليييش أصلا راح تقص عليييهاااا!!!! بس همم موو قااادره تصدق هالشي من ناااصر!!! وقامت تربط الاحداث كلهاا.... صح ناصر تركني فجأه من غير مقدماات....يمكن فعلا تحرش فيها واعترفلها بحبه ولما شافها صدته وهددته قام تركني....بس لحظه كان راح يتقدملي!!!! بس أكييد قالي ان راح يتقدملي عشان يسكتنيي لاني تخرجت وكان مواعدني وبس قلتله ان ابووي واافق واكييد ما كان متوقع هالشي فوهقته وعشاان جذي تركني!!! اااااااااخ ناااصر للهدرجه طلعت انسان واااطي نذل حقييييير!!! شلون كنت منخدعه فييييك كل هالفترررره!!!! شلووووووووون!!! بس يكفييييني جروووح...انجرررحت منك بما فييييييه الكفااااايه....خلااااااااص بسسسس!!! وانا الخبله رايحه كنت أركضلك...لي متى يا زييين بتظلين غبيه جذي!! لي متى!!! خلااااااص ابــتعد عنـــي!! جرحتني جرح نساني حتى زماني أهديتك الحب في زمن للحب خواني وإنت اهديتني جروحي وباقي أحزاني بديتك على نفسي وما دريت إنك أناني بكيت الدمع لعيونك لين دمعي عصاني مانكرت حبك لي وإللي سويته عشاني لكن بالنهايه صرت إنسان ثاني نسيت حبي لك وجنوني وحناني نسيت كل الوعود إللي بيننا والأماني تركتني اليوم بجروحي أعاني وهذا أنـــا اكتبها بـ أشعار وأغاني بوناصر وام ناصر وناصر طلعوا من المستشفى.... بوناصر: انت لازم تقولي شفييك!! صاير معاك شي؟! ناصر: لا بس صاكه الدنيا بويههي بوناصر: انزين فضفض قولنا...ليش تكبت تروحك؟! ناصر: مادري يبه !! مشتاق حق حياتي قبل ما أمرض...كل شي تغيررر الحيين بوناصر: شاللي تغير؟! كلنا حواليك...وعندك صحتك...ودراستك قاعد تكملها ناصر: لا يبه...اكثر شخص ابيه مو معاي....صحتي!! ( ويضحك ضحكه قصيره باستهزاء) انا راح ارجع اطيح في يوم وهذا بعد اذا ما رجعلي المرض الحيـن...ودراستي!! يبه انا مادري متى بتخرج!! اذا شكلي كل كورس والثاني بوقف قيدي..وبعدين تدري شكثر قاعد اعاني بالدرااسه؟؟ مووو قادر اركززز واحضر المحاضره وانساااهاا بوناصر: الدكتور قالك بس عشان توك مخلص العلاج لكن مع الوقت الذاكره عندك راح ترجع نفس ما كانت وتركيزك راح يزيد ناصر: يبه ابي ارتاااح خلاااص ماني قادر استحمل!!! اذا اكتشفت ان فعلا المرض رجعلي مابي اتعالج خلاص بوناصر: ناااصر انت شقااعد تقول؟؟! ام ناصر: لا تقول هالكلام ناصر اسم الله عليك ناصر: يبه ملييييت..زهقت من حياااااتي....والدنيا ما تسوى أكافح كل هذا عشانها بوناصر: لا تعيد هالكلام مره ثانيه ناصر: يبه فكر فيها!!! ليش استمر طول عمري بس اكافح المرض عشان يرجع يردلي مره ثانيه خلاااص خل مابي اعيييش حياااتي جذي!! ابييي ارتاااح بوناصر: انت الحين ليش حاط في بالك ان المرض رجعلك؟؟! ناصر: حتى لو ما رجعلي الحين راح يرجعلي بعدين بوناصر: ناصر انت تعرف علم الغيب واحنا ما ندري؟!! كل شي بايد ربك والله كريم ناصر: انزين يبه خلاص يصير خيـر بوناصر: انت لان نفسيتك من اول ما رجعت واهيه تعباانه حيييل !!! موو قاعد تسااعد نفسك!!! واذا نفسيتك تعبااانه راح تنشط الخلايا السرطانيه اللي عندك ناصر: غصبن علي يبه...غصبن عليييي بوناصر: قووولي شلووون تبينا نساعدك ونسااعدك...ناصر مو سهل علينا نشوف جذي حالتك ونسكت ناصر: محد يقدر يساااعدني...خلاااص بو ناصر: شفيك تتكلم جذي وانت يائس من حياتك؟؟ توك صغييير وبعد ما عشت حياتك عدل وان شاء الله العمر طويل جدامك ناصر واهوه يضحك باستهزاء: هذا اذا بقى فيني عمر اعاني من الشقاء وكتم بصدري همومن ساقته سود الليالي اعاني من العناء في زهر عمري ولاحد حسبي ولاي جرالي اعاني حزني والامي ولاادري درته الناس مارافت بحالي اعاني من الظروف ليت قبري طوى جسمي قبل ينغث بالي اعاني وشوف الايام تجري وتسرع لي بساعات الزوالي اعاني وتمنا الموت بدري يجي ويريحن طال احتمالي اعاني ياهلي ماعا د صبري يساعدني زماني ماصفالي اعاني وختم ابياتي وشعري وقول انا ردولي عزالي تـــــم الجــزء الســادس عشـــر رجع السرطان حق ناصر ولا لا؟؟!! الزيــن شنو راح تسوي؟؟ شنو اللي خلى حنان تقول هالكلام كله حق الزيـــن؟؟؟!! ترقبوا الجزء السابـع عشرررر

جنــــون 11-01-2016 11:59 PM الجــزء السـابع عشـــر الزيـن صارلها في غرفتها حوالي 3 ساعات منسدحه بالفراش بس تبجي.... قاعده تفكر بكلام حنان,,,,مو قادره تصدق,,,بس لازم تصدقهااا...اهيه وحنان رفيجات من أيام الابتدائي....مستحيل تقص عليها بجذي موضوع كبيـر!!! الزيـن ودها تواجه ناصر...بس بعدين تهون...تخاف يقص عليها بجم كلمه وتطخ...وبنفس الوقت ودها تعرف شصار عليه!!! بعده تعبان!! بعده بالمستشفى!!! قررت تدق على نور.... نور: أهليـن الزيـن: هلا نور...شلونج؟؟ نور: بخير حبيبتي الحمدالله...وانتي شمسويه؟؟؟ الزيـن: والله ماشي الحال...نور بسألج نور: سألي حبيبتي الزيـن: بس بالأول قوليلي انتي تدرين شنو اللي صار في المحاضره اليوم ؟ نور: اي دريت انه اغمى عليه الزيـن: وشلون صار؟ نور: والله اهوه بالبيت والحمدالله أحسن (الزيـن حست ان قلبها ارتاح شوي ان قام بالسلامه) الزيـن: ليش شنو كان فيه؟؟ نور: اممم...قالوله من قلة النوم والأكل الزيـن: اهااا.....نور بسألج وابيج تكونين صريحه معاااي وحلفتج بالله وحلفتج وغلاة أعز الناس عندج انج تجاوبيني وتقولين الصج نور خافت: لا الزيـن ما يصير جذي الزيـن: خلاص انا حلفتج....والكلام بس راح يكون بيني وبينج نور: اممممم الزيـن: صج ان ناصر يحب جنان؟؟ او صج كان يحبها؟؟ نور: هاااا؟!! ليش قاعده تسأليني انا السؤال؟؟!! الزيـن: نور قوليلي نور: الزيـن عفيه مو من حقي أقولج هالشي...سألي ناصر الزيـن: يعني صج الكلام ان ما يحبها وعمره ما حبها ؟!! نور استغربت: شلون عرفتي؟؟؟ الزيـن: خلاص المهم عرفت...مشكوره نور...يلا مع السلامه نور: دقيقه زيين وصكت الزيـن الخط,,,,,, الزيـن تذكرت كلام حنان.... حنان: شلووون مو قادره تصدقيين!!! اذا اهوه مرره جررحج وقااالج ان يحب بنت خالته وتبين تعرفين شي بعد الزيـن: شنووو؟؟؟ حنان: قالي انه يحبني وانه كان معاج عشان يحاول يتقربلي وسالفة جنان بنت خالته مووو صج كانت تأليييف منه الزين بينها وبين نفسها: يعني صج كلاااام حنااان...عمره ما كان في جنان بالموضوع وهالقصه كانت كله تأليف بتأليف مننننه!!!! شلون ناصر تجرأت شلوووون؟؟!! وانت عاارف انها صديقتي حيييييل وتقولي كل شي!!! شلون طاوعك قلبك؟!! وانااا؟؟!! انا كنت شنوو بالنسبه لك؟؟!! وقاامت تبجيييي...تبجي على الليالي اللي سهرتها عشانه....تبجي على السنين اللي ضيعتها معاه...تبجي على عمرهااا.... في بيت بوناصر.... نور: ناااصر.... نااااصر ( قاعده تطق على غرفته الباب) ناصر: نعممم؟؟ نور: عفيه دخلني...محتاجه اكملك ضروووري ناصر: انزين دقيقه وقام فتحلها الباب ناصر: خير شنو في؟؟؟ نور: الزين شكلها تعرف عن كل شي ناصر: شنووو؟؟ نور: توه دقت وقالتلي ان واصلها كلام ان عمرك ما حبيت جنان ولا تحبها ناصر: والله؟؟!! شلون عرفت؟؟!! نور: مادري.؟؟ اهيه اول شي كانت قاعده تسألني تبي تتأكد وانا خفت ما رديت عليها عشان انت كنت محلفني بس اهيه حست وقالتلي يعني ان الكلام طلع صج انك ما تحبهاا ناصر: وبعدين؟؟؟ شصار؟؟ نور: صكت الخط ما عطتني فرصه اكلمها واعرف منها شلون عرفت وردعت دقيت عليها ما ردت علي!!! ناصر: انزين ما قالتلج بعد شي ثاني؟؟ نور: اممم بس سألت عنك وشلون صرت ناصر استاااااااانس......فرح فررررحه حس ان من زمااااااان ما فرح جذي ناصر: والللللله نور: اي والله ناصر حس ان في أمل ان ترجعله وانها ما زالت تحبه... ناصر: خلاص اوكي اوكي...مشكوووره يا احلى اخت بالدنيا نور: العفوو!! اشوه يعني مو معصب؟! ناصر: لا لا عادي نور: اشوووه وطلعت نور من غرفة ناصر...وناصر خذا تلفونه عشان يدق على الزيــن.... بس طلعله ( يرجى الانتظار..المشترك لديه مكالمه اخرى) حنان: زين... انتي كارهتني؟؟ الزيـن: لا والله حنااان مستحيييل اكرهج حنان: ما كان قصدي أجرحج بالكلام جذي بس كنتي لازم تعرفين الزيـن: ادري حبيبتي حنان: انتي مصدقتني؟؟؟ الزيـن: اي اكيييييد مصدقتج حنان: اشوه عبالي بعد لحد الحين شاكه بكلامي!!! الزيـن: اووووف حنان: شفييييج؟؟ الزيـن: قاعد يدق علي!!! حنان: منووو؟؟؟ الزيـن: الزفت ناصر حنان: لا والله!!! لا تردييين عليييه لو شنوو الزيـن: لا مابي مابي اكلمه...أصلا مو متحمله أسمع حتى صووووته حنان: اي زيين خليه يولي الزيـن: بس مفكره بعدين اواجهه واوهقه حنان: لا لا...اكيييد راح ينكر ويقص عليج بجم كلمه وبعدين اخرتها تطخين واخاف يخليج تقلبين علي الزيـن: لا لوو شنوو ما يقوول مستحيل أقلب عليييج...انتي صديقتي من سنيييين قبل ما يكون في اي شي بيني وبينه...مستحيل أصدقه اهوه وأجذبج انتي !!!خصوصا بعد اللي سواه فيني قبل ما قمت أثق فييه كللللش حنان: بس راح ينكر صدقيييني واخرتها شنو راح تاخذين منه غير حرقة الأعصاب؟! الزيـن: مادري والله حنان بس قااهررني قاااهرني حنان: ادري حبيبتي اكيد ما تنلامين الزيـن: تدرين حنان كلمت اخته نور وقالتلي ان فعلا عمره ما حب جنان نفس قلتي حنان: هااا؟؟!! جذي قالتلج؟؟ اي شفتي شلووووون عشان تعرفين اني مو قاعده اقص علييج الزيـن: بس انتي شلون عرفتي هالشي؟؟ حنان: لان سالفة جنان ما كنت داخله مخييي,,,وبعدين صادف ان تركج يوم ما صديته الزيـن: بس ويين؟؟؟متى صار هالشي؟؟؟ اهوه شسوى بالضبط؟؟ حنان: لا تذكريني الزيـن تكفيييين...وبعدين شنو راح تستفيدين اذا قلتلج؟؟! خلاص المهم عرفتي شسوى الزيـن: اااااخ يا حناااان...والله احس ان راح يذبحني بتصرفاااته!! وكل مره قاعده انصدم فيه!!!! ولا كأن نفسه ناصر اللي كنت أعرفه حنان: الزين خلاص حبيبتي حمدي ربج ان عرفتي كل شي قبل ما تخربين اللي بينج وبين عبدالرحمن...ونفس ما قلتلج لا تعطينه فرصه ولا تكلمينه هالنااصر ولا تردين عليييه...اتفقنا؟؟؟ الزيـن: اتفقناا ناصر كان قاعد يدق ويدق بس الزيـن مو قاعده ترد عليــه!!! بينه وبين نفسه: ليييش مو قاعده ترد علي!!! زييين تكفييين ردييي بس شكلها بعدها تحبنييي...لو ما تحبني جان ما تعبت نفسها ودقت على نوور تسأل علييي....ااااخ زيييين تكفيييين رحميييني وردييي شوي جان احد يطق الباب على ناصر.... بوناصر: ناصر ناصر: تفضل يبه تفضل بوناصر: ها شلون صرت؟؟ ناصر: الحمدالله أحسن بوناصر: خلاص انا حجزت وكل شي وان شاء الله راح نمشي باجر المغرب..تمام؟؟ ناصر: انزين ومتى رادين؟؟ بوناصر: ان شاء الله باذن الله لما ما يلقون فيك شي ما راح نطول أكثر من أربع او ثلاث أيام... ناصر: والكليه؟؟؟ بوناصر: قلتلك انا باجر اروح واتفاهم معاهم وماكو الا الخير ان شاء الله ناصر: خلاص يبه انا اداوم الصبح واكلمهم بوناصر: لا لا اخاف تتعب بعد نفس اليوم ناصر: لا يبه مو مشكله...انا ابي ارووح بوناصر: على راحتك ناصر: مشكور يبه...ادري اني تعبتك وااايد معاي وانت وراك شغل وبلاوي بوناصر: لا يا نااصر..انت ولدي.. لا تقارن نفسك مع شغلي...انت اهم من أي شغل ناصر: الله يخليك لي يبه ويطول بعمرك بوناصر: والله يحفظك لنا ان شاء الله ولا يحرمنا منك وحضن ناصر ابووه... ناصر أصر ان يروح الكليه باجر عشان يشوف الزيـن ويحاول يكلمها....ما وده يسافر ويخلي كل شي بينه وبينها معلــق...يبي يساافر مرتاااح بس بنفس الوقت خاايف...خايف يقولها كل شي وبعدين يكتشف ان السرطان رجعله....ساعتها ما كان له اي اي دااااااعي كل اللي سوااه اول مره....وراح يخليها تمر بكل اللي ما كان يبيها تمر فيه....!!! واهوه ما يبي هالشي يصييرلها لو شنوو!! فقرر ان ما يكلمها باجر ويحاول يكلمها لما يرجع من السفر عشان يكون متطمن على نفسه بالاول... ناصر بينه وبين نفسه: الزيـن شلون عرفت ان سالفة جنان مو صج؟!! معقوله من جنان نفسها؟؟! بس ما يعرفون بعض؟؟!! يمكن تدري بعد اني كنت طايح مريض!! بس لو كانت تدري جان اعذرتني و ردت علي لما دقيت عليها...!!! الزيـن دقت على عبدالرحمن.... الزيـن: قووه عبدالرحمن...شلوونك؟؟؟ عبدالرحمن: هلا والله بالحب كله....تمام بخيــر..وانتي قلبي شلونج؟؟؟ الزيـن: الحمدالله عبدالرحمن: شفيج حبيبتي؟؟ احس من صوتج انج تعبانه؟!! الزيـن: اي والله تعبانه شوي عبدالرحمن: لاااا!! سلامات..عسى ما شر؟؟ الزيـن: والله مادري فيني صداع فضيييع واحتمال باجر ما اداوم عبدالرحمن: بعد قلبي ما تشوفين شرر...يعني باجر ما راح اشوفج!! حسافه الزيـن: اي والله حبيبي لان احس ما فيني حيل حق باجر كلش عبدالرحمن: سلامات حبيبي...صح ارتاحي باجر احسن الزيـن: اي....اممم حبيبي عبدالرحمن: هلا والله الزيـن: تحبني؟؟ عبدالرحمن: أمووت عليج الزيـن: يعني ما راح تتركني بيوم؟؟ عبدالرحمن: انسييي...أصلا ماكو شي راح يفكج منيي الزيـن: متأكد؟؟!! لان المشكله الكلام سهل واايد عبدالرحمن: زين حبيبتي شفيج؟؟؟ ليش كل هالأسئله؟؟! الزيـن: بس ابيك تريحني عبدالرحمن: لا زين لا تحاتين انا أحببج وايد مستحيل أقدر أتركج بيوم الزيـن: اوكي حبيبي عبدالرحمن: وانتي ما تحبيني؟؟ الزيـن سكتت شوي... الزيـن: اي أكيد أحبك ثاني يوم الصبـح الساعه 12:20..... يوسف: هاا نويصر سلاااماات!! يقولون طايح امس بالمحاضره؟؟ ناصر: اي والله ياخوك كنت تعبان شوي.. يوسف: خطااك السوو...يا أخي حط بالك على روحك...مادري شفيك هالأيام!! شكلك كله تعباان؟!! ناصر: والله عندي ضغط شوي وصايرتلي ظروف بس الله كريم يوسف: الله يعينك والله ناصر طول ما كان يكلم يوسف قاعد يدور على الزيـن!! عادة يشوفها بالسكوير بهالوقت!! بس مو لاقيها اليوم...جان يشوف حنان قاعده مع وحده على الطاولات اللي بره وما كانت الزين معاهم وقام يحاتي....!!! خلص من كل محاضرته وراح البيت.... ناصر: نور عفيه ابيج تدقين على الزين نور: ليش؟؟ ناصر: سألي عنها...لانها ما داومت اليوم نور: اممم اوكي ودقت على الزيـن بس مو قاعده تشيل الخط.... الزيـن: ليش داقه نور علي؟!! غريبه!! صارلها فتره ما دقت علي!!! اخاف أشيله ويطلعلي ناصر لاني مو قاعده ارد عليه....مابي مابي أشيله.... نور: مو قاعده ترد علي!! ناصر: اوووف انزين عفيه حاولي بعد شوي نور: خلاص اهيه اذا شافت امس كول ترجع تدق ناصر: تدرين شلون...بس دزيلها مسج سألي عنها نور: ناصر من زمان ما في بيني وبينها مسجات واذا شافت مسجي راح تشك!! ناصر: نور ميخالف بس كافي ترد عليج عشان أتطمن ان ما فيه شي نور: انزييين دزتلها نور مسج.... الزيـن شلوونج؟؟ ان شاء الله تمام حبيبتي؟؟ بغيت أسأل عنج لانج اخر مره بالتلفون صكيتي الخط على طول ولما دقت ما رديتي علي!! حبيبتي فيج شي؟ بعدين الزين عقب 10 دقايق ردت عليها.... هلا حبيبتي...لا ما فيني شي لا تحاتين واسفه ما رديت عليج بس لاني مشغوله.... نور: ارررتحت؟؟؟...ما فيها شي ناصر: ايييي الحمدالله ارررتحت...مشكوره يا عسل نور: العفووو....اقول ناصر خلاص باجر بتسافر؟؟ ناصر: اي والله مضطر نور: ان شاء الله ترجع بالسلامه بأقرب وقت ناصر: ان شاء الله اليوم كله كانت الزيــن حابسه نفسها بغرفتها....ما تبي تطلع ولا تشوف احد!!! ام عادل: يمه حبيبتي اكليلج شي الزيـن: تصرخ: يممممه بسسس مااابي ااااكل...خلووووني برووووحي بس خلاااااص ام عادل: وي وي شفييييج؟؟؟ هدي هدي الزيـن: ذبحتووووني وانتو تحنووون علييي بس يننتووونييي ام عادل: خلاص خلاص...كيفج عنج ما كليتي يوم الثلاثا الصبح..... راح الزيـن الكليه ولما دخلت المحاضره شافت الانظار كلها عليها...وتسمع الناس توشوش بس مو قادره تلقط كل الكلام.... *شفتيها شلون صرخت لما طاح ناصر؟؟؟..... *اكيد في بينها وبينه شي؟؟!! جان ما صرخت جذي!!!... *هذي هذي البنت اللي صرخت...... *ما شفتيها امس طلعت من المحاضره عقب ما شالوه بره وفي ناس شافوها تبجي...اكيد كانت قاعده تبجي عليه!!... *انا شفتها بعيني بره قاعده تبجي حيييل الزيــن واايد تضاايقت من الكلام ....كرهت نفسهاااا....تمنت الأرض تنشق وتبلعهااا...ودها تطلع من المحاضره وكانت راح ترجع تطلع لولا ما دخل الدكتور القاعه... وراحت وقعدت... الزيـن: شفتي اخررتها حنااان؟؟ صرت حجوه بلسان البشر...الناس قاعده تتشمت فيني حنان: مالج شغل بأحد الزيـن عيونها دمعت....تحس نفسها صارت مهززله....!!! وبس الدكتور قاعد ينادي على الأسامي عشان ياخذ الحضور استوعبت ان ناصر مو حاضر.... حنان: أحسن مو حاضر... الزيـن: اي والله ما كان ودي اشوفه اليوم ( قالت جذي وفعلا قاصدتهاااا بس هم كان عندها فضول ودها تعرف ليش ما حضر اليوم!!) في المطار قاعدين في اللونج على القنفات بوناصر وناصر,,, وام ناصر قاعده تطمش على البوفيه.... ناصر: يبه... بوناصر : هلا ناصر: مادري ليش حاس اني ما راح ارجع مره ثانيه الكويت بوناصر: رجعنا حق هالكلام اللي ماله طعم؟!! لا بأذن الله راجع ناصر: مادري يبه بس مو متطمن كلش بوناصر: خلاص ناصر اذكر الله وان شاء الله ماكو الا العافيه.... ناصر: ان شاء الله بعد حوالي 6 ساعات طيران وصلوا المانيااا....واتجهوا حق المستشفى وبعد حوالي نص ساعه وصلوا المدينه.... ناصر: هالووو الدكتور : اووه هاالو ناصر ناصر: في قيي إس ديغ؟ ( شلونك) الدكتور: ههههههههه زين أشوف ما نسيت الألمانيه ناصر: خخخخ أتذكر شوي جم جمله الدكتور: شلونك ناصر؟؟ وشلون صحتك؟؟ ناصر: تمام بس أمس دكتور حسيت بحراره وعرقت فجأه واغمى علي الدكتور: ااااه...راح نفحصك باجر وراح تطلع النتايج بعد جم يوم ونتطمن عليك وترجع ديرتك... ولا تحاتي اذا اكتشفنا ان فيك اي شي ما راح يطول علاجك نفس ذيك المره لان راح يكن توه في بدايته ناصر باحباط: اوكي دكتور.... بعد مرور ثلاث أيام..... الدكتور: مبروووك نااصر طلعت سليييم وما فيك ولا شي ناصر تفااااجئ...كان حاس ان مليووون بالميه رجعله السرطاان...مو قادر يصدق!!! ناصر: رييلللييي؟؟؟ really الدكتور: يس نااصر...الفحوصات كلها طلعت سلبيه والسرطان ما رجعلك وتقدر تسافر ترجع الكويت ناصر قام باس الدكتوور ولمه,,,,,مووو قااادر يصدق....حاس الأرض موو شايلته من الفرررحه... ناصر: دانكشن داانكشن دكتور ( مشكوور...مشكوور) رجعله الأمل في حياااته....صار يبي يعيـــش....صار يبي ما يضيع ولا دقيقه من عمره.... ناصر : يمه ما فيني شي...ما فيني شي!! برررجع الكوييييييييت ام ناصر واهيه تبجي: اي يمه الحمدالله الحمدالله بوناصر: شفت شلوون؟؟؟ قلتلك ان العلم عند الله وكل شي بايد ربك بس انت كله محبط.... ناصر: الحمدالله...الحمدالله

جنــــون 11-02-2016 12:00 AM وسجد ناصر على الأرض يشكر ربه..... في الكويــت...بيت بوعادل الزيـن بنفس الحاله...بس تبجي...وحابسه نفسها بغرفتهااا...وصاكه فيها الدنيااا... الزيـن بينها وبين نفسها:: وين ناصر؟؟!! صارله 3 ايام مو مداوم!! شفيه؟؟! وعصبببت بعدييين ليش لحد الحييين قاعد تفكر فيييه!!! الزيـن تكلم نفسه:: انتي بعدج مااا تتوبيييين!!! لحد الحين يهمج!!! لحد الحين عقب كل هذااا تفكرييين فيييه!!! خلاااااص....بسسسس...اصحي من اللي انتي فيييييه!!! ليييي متى بتظلييين جذيييي!!! ليييي متى!!!!! وقااامت تبجيييي تبجيييي حيييييييييل يادمـع عيني خـفّ .. جّرحـت .. / عيني .. والعين تبكي .. خوف .. تفقد بصرها ../ كفّ يادمع .. ماودي انك تجيني ..! بنسى .. عسى نفسي ../ تدارى خطرها .. ودّي الصبر .. / والوقت .. يرحم انيني ! والنفسـ .. من ذا الصبر .. تجني ثمرها .. ياغير .. صبري ملّ .. والله يعيني .. والروح تبكيـ .. / ضايقهـ من صبرها .. هو صاحبي .. كفّــى . . ! ودمّر سنيني .. كان الأمل .. كان لـ حياتي عمرها .. /كان الوفا والشوق ../ يموت فيني .. هو دنيتي .. / ملهم عيوني نظرها .. هو غايتي .. هو راحتي .. هو ضنيني .. / هو مهجتي بالحب .. / .. نفسي غمرها ياحيف .. وقتـ(ن) حالـ .. بينه وبيني ! وتبدلت الاحلامـ .. / لحظة سفرها !! واللي انكتب وانصاغ ..بوسط الجبيني .., لابد هالايام ../ تكشف خبرها ..! بينها وبين نفسهاا: بس ياا زيييين!! بس!! خلاااص كااااافي...كااااااافي....لازم تطلعين نفسج من اللي انتي فيييه....لازم تنسييييييينه لاااااااااازم لاااااااااازم..... ودقت على عبدالرحمن الزيـن: الوو عبدالرحمن: هلا حبيبتي,,,شفيج؟؟ ليش تبجين؟؟ والزيـــن قاعده بجي حيــــل وتشهق..... عبدالرحمن: هدي هدي زيييين..طيحتي قلبي شفييييييج؟؟؟ الزيـن: عبدالرحمن...شرايك نقرب موعد الملجه؟؟؟ عبدالرحمن:............... تــــم الجـــزء السابــع عشـــر

جنــــون 11-02-2016 12:00 AM البـــارت الأخيـــر 18 + 19 + 20 يوم الخميس المغرب.... عبدالرحمن: هدي هدي زيييين..طيحتي قلبي شفييييييج؟؟؟ الزيـن: عبدالرحمن...شرايك نقرب موعد الملجه؟؟؟ عبدالرحمن : هااا!! نقربها!!! الزيـن: اي عبدالرحمن ليش ما نقربها؟؟ انا ابيك وانت تبيني..صح؟؟ عبدالرحمن: اي صح الزيـن: خلاص ليش نضيع وقت عيل؟! عبدالرحمن: اممم مادري بس على أساس أهلنا حاطين في بالهم بعد شهر ونص الملجه الزيـن: اي مو مشكله نقولهم ان نبي نقرب الموعد عبدالرحمن: اممم يعني نخليها متى؟؟ الزيـن: اممم شرايك بعد أسبوع؟ عبدالرحمن: اسبووع!! امممم ما عندي مشكله...بالعكس أبي أكون ريلج اليوم قبل باجر..انتي كلمتي أهلج بالموضوع؟؟ الزيـن: لا بعد...قلت اخذ رايك بالأول عبدالرحمن: انزين بس قوليلي بالأول ليش قاعده تبجين؟؟؟ الزيـن: عبدالرحمن أحس نفسيتي تعبانه مادري شفيني عبدالرحمن: من شنو حبيبتي؟؟ الزيـن: مادري..... عبدالرحمن: يعني شايفه اذا تزوجنا نفسيتج راح تتعدل؟؟ الزيـن: اي ان شاء الله عبدالرحمن: يا بعد قلبي...يعني طلع كل هالبجي عشااني..اي والله كلامج صحيح ليش نضيع كل هالوقت وعلى أقل لما نملج ناخذ راحتنا مع بعض أكثر الزيـن: اي عبدالرحمن: انا الحين الحين بروح اكلم اهلي الزيـن: وانا بعد عبدالرحمن: يلا قلبي لا تبجين انزين الزيـن: انزين...يلا مع السلامه عبدالرحمن: مع السلامه راحت الزيـن حق أبوها.... الزيـن: يبه ممكن ادخل؟؟ بوعادل: اي حبيبتي تعالي اكيد ممكن الزيـن: يبه بغيت اكلمك بموضوع بوعادل: اي والله وانا بعد ابي اكلمج...صارلج جم يوم مو على بعضج وكله حابسه نفسج بالغرفه!!! شفيج بابا؟؟ الزيـن: مادري يبه نفسيتي تعبانه بوعادل: صار شي مع عبدالرحمن؟؟ الزيـن: لا ما صار شي كلش بوعادل: عيل شفيج؟؟ الزيـن: يبه خل نقرب موعد الملجه بوعادل: ليش؟؟ الزيـن: بس يبه انا ماني شايفه ليش نضيع كل هالوقت وانا مقتنعه بعبدالرحمن واهوه مقتنع فيني بوعادل: اي بس حبيبتي ما ابيج تسوين شي وتندمين عليه..وبعدين اذا ملجتي يعني هذي فيها زواج وراح تعتبيرين زوجته خلاص يعني المسأله مو لعبه الزيـن: ادري يبه وانا مقتنعه باللي ابي اسويه بوعادل: يعني نقربها حق أي موعد؟؟ الزين: نخليها بعد أسبوع بوعادل: اممممممم....ويمديكم تحضرون كل شي بأسبوع واحد؟؟ الزيـن: اي عادي يبه يمدي وانا أصلا ابي الملجه تكون بسيطه بوعادل: ليش حبيبتي؟؟؟ انتي بنتي الوحيده وابي أسويلج ملجه تستاهلينها ويصير الكل يتكلم عنها وما تكون شي بسيط الزيـن: لا يبه ميخالف خل نخلي الملجه بسيطه والعرس ممكن تسوي اللي تبيه بوعادل: امممم طيب... انا ما عندي مانع وابيج تسوين اللي يريحج...بس كلمي أمج بعد الزيـن: مشكوور يبه..الله لا يحرمني منك بوعادل: زين الزيـن : هلا يبه بوعادل: في شي حابه تقوليلي اياه؟؟ الزيـن: لا يبه تسلم..ماكو شي بوعادل: اذا في شي مكدرج وحابه تقوليلي اياه!! انا موجود الزيـن: ادري يبه..الله يخليك لي ياارب وراحت الزين حق أمها وكلمتها عن الموضوع وامها وايد فرررحت واقتنعت ان الموعد يتقرب..... وارجعت دقت الزيـن على عبدالرحمن... الزيـن: ها كلمت أهلك؟؟ عبدالرحمن: حايلتهم واقتنعوا... الزيــن: حلوو عبدالرحمن: ياا سلاااام...يعني بعد أسبوع راح تصيرين زوجتي خلاص الزيـن: ان شاء الله عبدالرحمن: راح اكون اكثر شخص محظووظ في الدنيا الزيـن: بعد قلبي وانا راح أكون أسعد انسانه في المانيا.... ناصر: يبه يلا احجزلنااا خل نرجع الكويت باجر بوناصر: يبه بما ان اليوم الخميس خل نظل لي السبت دام ما عندك دوام ونطلع نحتفل فيك بميونخ ناصر: لا يبه ودي أرجع اليوم قبل باجر أصلا بوناصر: يبه لاحق على الكويت...وكلها يومين ونرجع ان شاء الله ام ناصر: اي نصور دام احنا اهني خل نستانس شوي ناصر: وخواتي؟؟ ام ناصر: خالتك لطيفه عندهم في البيت لا تحاتيهم وما راح يقولون شي ناصر: اممممم... يلا انزين ما ابي أجبر بخاطركم ام ناصر: يلا عيل خل نحجزلنا فندق في ميونخ ( مع ان الناصر مو مقتنع كلــش ومتلهف يروح حق الزيــن يكلمها بس وافق) في الكويـت.... الزيـن: حنوون بقولج شي حنان: هلا عمري قولي الزيـن: ابيج تساعديييني حنان: بشنوو؟؟ الزيـن: احضررر حق ملجتييي حنان: واللللله!!! صججج!!!...مبروووووووووك الزيـن: الله يبارك فيج حنان: فرررحتيييني واايد حبيبتي...شلون خليتوها عقب أسبوع؟! الزيـن: بس انا قررت حنان: والله زين تسوييين الصراااحه الزيـن: اي حنان: يلا متى تبين نروح السوق؟؟ الزيـن: باجر الصبح...عندج شي؟ حنان: لا أبدا ما عندي شي كلش...انا هالأسبوع كلي لج الزيـن: تسلمين حبيبتي...الله لا يحرمني منج حنان: ولا منج يا قلبييي يوم السـبت.... الزيـن كانت هاليومين قاعده تلهي نفسها بتحضيرات الملجه كثر ما تقدر وكل ما يخطر في بالها ناصر تحاول تلهي نفسها بأي شي ثاني.... ناصر وأهله ارجعوا من السفر.... في بيت بوناصر... نور: شلون شعوووورك نااصر عقب ما عرفت ان ما فيك شي؟؟ ناصر: شلون شعوري يعني بيكوون!! أحسني أسعد انسان بالدنيااا...والله كنت مرعوووب نوور..كنت خاايف يقولولي ان راح لازم أرجع أتعالج ناديه: اشوووه الحمدالله ان مافيك شي ناصر: حااس اني انولدت من يديد...صار ودي أعيييش حياااتي...ودي اشوف الدنياا نور: واااي فررق انت عن أوول...كان مفروض من أول مره لما رجعت من السفر تحس بهالشي...اشمعنا هالمره غير؟؟ ناصر: مادري تصدقيين...اول مره بس رجعت كنت حاط في بالي ان المرض راجعلي راجعلي بس الحمدالله الحين حسيت ان في أمل اعيش حياتي وخصوصا لما طمني وااايد الدكتور ناديه : ربك كبير ناصر وانت صبرت وصبرت وبالنهايه كل شي بايد الله ناصر: الحمـدالله ناصر راح غرفته واهوه مرتااااااح وصدره منشررررح وقرر يدق على الزيـن... بس الزيـن مو قاعده ترد على التلفون مع ان دق حوالي 10 مرات ورا بعض... يبي يقولها كل شي....كل اللي طافها من عمره.... الزيـن وحنان في السوق.... حنان: شوفي هالنفنوق يهبـــل الزيـن: اممم اي حلوو بس ما ودي بهاللون حنان: وااي منج زين انتي أصلا مو قاعد يعجبج شي كلش الزيـن: ميخالف تحمليني.... اوووف حنوون رجع يدق....!! حنان: منو؟؟ ناصر الزيـن واهيه معصبه: ايييييييي حنان: وييييه وبعدين معاه هذاا....يعني لي متى؟؟!! ما يدري ان ملجتج بعد جم يوم!! الزيـن: مادري والله عنه!!! أصلا شفتيه صارله جم يوم مو قاعد يداوم!! مادري شفيه؟! حنان: وانتي شعليج اهوه شفيه!!! كيـفه...عنه ما داوم....تدرين شلون؟؟ خلاص غيري خطج واشتري غيره عشان ترتاحين الزيـن: ماكو الا أسوي جذي....بس ودييي ارد عليه اقوله ان ملجتي بعد جم يوم عشان اقهررره حنان: لا لا وليش تبين تقهرينه!! خلاص زينووو لا يهمج الزيـن: اممم اي صح كلامج...ماله داعي ارد عليه وبعدين اول وتالي راح يعرف اني ملجت حنان: صح الزيـن قلبها يقولها ردييي..سمعييه..عطيه فرصه يتكلم....بس عقلها يقوولها لااا لا تردين...كافي حرقة أعصاب...ما تسوى عليـج ترديـن... يوم الأحد الصبـح... ناصر كان ناطر الزيـن بالمحاضره بلهفه...وده يشووفها..ولهان علييهاا لان صارله فتره مو شايفهااا... دخلت الزيـن القاعه مع حنان وشافته قاعد!! اهوه شافها صار وده يقوم من مكانه يروحلهاا..ابتسم غصبن عليه واهوه يطالعها...اما اهيه وقفت شوي بمكانها تجمدت وبعدين تذكرت كلام حنان عنه وطالعته بنظرة اشمئزاز وكملت طريجهاا!! ناصر بينه وبين نفسه: هالنظره اول مره أشوفها!!! بس معذوره حبيبتي... خلصت المحاضره وطلعوا من القاعه...اسمعت الزين احد يناديها ناصر: زين الزيـن لفت ويهها على طوول لان روحها مبرمجه ترد على هالصوت بالذاات اول ما ينادي عليها... شافته جان تطالعه من فوق لي تحت وترجع تتلف ويهها وتمشي رجع نادها.... ناصر: زين....زيـن ممكن أكلمج شوي حنان: اووه زين امشي امشي مالج شغل فيه اهيه انكسرر خاطرها حيييل علييييه...كان ودها توقف تسمعه لو ما مسكت ايدها حنان واسحبتهااا... ناصر: زيين أرجووج بس سمعيني!! عطيني فرصه..ما راح تخسرين شي حنان: ترى دوختنااا!! والبنت على فكره ملجتها الخميس الياي..استح على ويهك... ومسكت حنان ايد الزيـن ومشت... ناصر انصدمممم...تبققت عيوونه من كثر ما تفاجئ من الخبر...حس ان لسانه انشدد مو قاادر يتكلمم...مشوا.. وبعدوا.. ولحد الحين واقف بمكانه متفاجئ بالخبر... مكسوور خاطر... مصدووم.... الزيـن واهيه تمشي قلبها طول الوقت يدق بسررعه مو مطاوعها شلون خلته جذي ومشت,,,ودها تلف ويهها بس تشوفه بعده واقف او لا!!! بس امسكت نفسهاا ناصر عقب ما استوعب الخبر..ادمعت عينه...ومشى: قاعد يفكر شيسوي؟؟!!! يمسكها غصبن عليها ويقعدها ويكلمها ويفهمها كل شي!!! بينه وبين نفسه: شلوون شلوون اخليج تسمعيني!! بس ليش أخليج تسمعيني وأفرض نفسي عليج دامج تحبين غيري!! خلاص زيـن ضعتي مني وانا السبب...كنت اتمنى انج تكملين حياتج ووتتزوجين غيـري,,,والحين صرت العن الساعه اللي تمنيت فيها هالشي!! اااخ ياريت لو بس الزمن يرجع مثل ما كاان...ياريت يرجع كل شي مثل اول وما صار كل اللي صاار...تحمل ناصر نتايج غلطتك ولا تلومهااا!!! رجع ناصر البيـت واهوه مهمووم...ضايق خلــقه...صاكه فيه الدنياا نور: شفيك نااصر؟؟؟ بسم الله توك أمس ما فيك شي وفرحاان!! ناصر: لا بس متضايق من شغله نور: اووه عاد خلاص ناصر ترى الدنيا ما تسوى ناصر: ادرري نور نور: قولي شفيك؟؟! ناصر: ملجة الزيـن الخميس الياي نور: والللله!!!!! مو على أساس بعد شهر وشي؟!! ناصر: مادري هذا اللي قالته رفيجتها نور: اووه خلااص ناااصر لازم تقولها كل شييي...لازم تلحق عليها من الحييين قبل ما يفووت الفووت وما تقدر ترجعها كلش ناصر: شالفايده نور؟؟! خلاص قالتلي انها تحب خطيبها وادق عليها ما ترد علييي وبعدين يمكن عبدالرحمن أخيرلها مني نور: ناااصر بس من حقها تعرف الحين ناصر: صدقيني لو اهيه ما تحبه ومقتنعه فيه جان ما قربوا الملجه!! وصراحه نور كل اللي ابيه من هالدنيا سعادتها نور: انزين بس ناصر حاول أكثر معاها...عشاني ناصر: خلاص نور كل شي نصيب والمكتوب راح يصير نور: اوووف لما مشى اخوها جان تقوم نور تدق على الزيـن...بس الزيـن مو قاعده ترد عليهاا!! قررت انها تروحلها البييت بس شافت سيارتها مو بره!! في المطعم الزيـن وحنان قاعدين يتغدون...والزيـن طول الوقت سرحانه وتفكرر حنان: الزيــن شفيييج ساااكته؟؟!! الزيـن: هااا؟؟ لا ولا شي حنان: عيل قوليلي شكنت أسولفلج توه؟! الزيـن: هاا!! سامحيني حنان بس لان وايد أشياء في بالي حنان: تحاتين الملجه؟؟ الزيـن: اييي...مادري اذا اللي قاعده اسويه صح او لا ؟! حنان: شقصدج؟؟ الزيـن: مادري حنان بس احس اني قربت الملجة كردة فعل من اللي سواه ناصر!! حنان انا مو متأكده اذا صج أحب عبدالرحمن او لا !!! حنان: شنو اللي فيه عبدالرحمن وما ينحب؟؟؟! مملوح وجسمه اينن وشخصيته حلوه وكافي انه يمووت عليج!! اشتبين أكثر من جذي؟! الزيـن: ماادري حنوون ماادري شفينييي!!! حنان: حتى حتى لو ما تحبينه الحين اكييد راح تحبينه بعد الزوااج...زينوو حمدي ربج عندج ريال على قولتهم لقطه!! لا تضيعينه من ايدج...في ناس اللي مثل حالتي طايح حظهم الزيـن قاعده تفكر في كلام حنان وتحاول تقنع نفسها ان فعلا اذا ما حبته الحين راح تحبه عقب الزواج والعشرره...ويمكن يقدر ينسيها ناصر وترتااااح.... وصلت الزيـن حنان بيتها وارجعت البيـت ودخلت غرفتها.... نور اول ما شافت سيارتها موجوده بالجراج راحتلهم البيت وطقت الجرس...طلعلها ام عادل على السبيكر... ام عادل: نعم...؟؟ نور: خالتي شلونج؟؟؟ انا نور..ممكن ادخل شوي؟ ام عادل: هلا نور...شبغيتي؟؟؟ نور: بغيت الزيـن..محتاجه اكلمها ضروري ام عادل حست من نبرة نور ان في شي خطيـر وخافت ان يكون له علاقه بناصر اللي ما قامت تواطنه... ام عادل: لا حبيبتي صعب لان الزيـن نايمه نور: امممم انزين خالتي ممكن تقوليلنها اني مريت عليها وخل تدق علي محتاجه اكلمها ضروري ام عادل: انزين ام عادل بينها وبين نفسها: اوووف هذيله شكله ما راح نخلص منهم!! اشوه ان ملجتها بعد جم يوم... الزيـن كانت في غرفتها قاعده تطالع تلفزيون.... جان تشوف تلفونها يرن...( نور يتصل بك) الزيـن: اوووف خلاص يعني ما ابي ارد...ماا ابي!!! دوختووني انتي وأخوج! وخذت جهازها وصكته...وحطت خطها اليديد اللي اشترته في تلفونها وافتحته ونشرت حق الكل رقمها اليديد طبعا ما عدا ناصر وأخته.. وخطها القديم حطته في تلفونها القديم.... كانت تبي تفتح صفحه يديده...صفحه مالها علاقه بنااصر... نور كل ما تحاول تدق عليها يكون جهازها مغلق...وكل ما تروحلها البيت يقولنلها يا اما مو موجوده او نايمه او مشغوله يعني يصرفونها بأي طريقه!! فقررت تكتب لها مسج.. زيـن ترى في سرر ورا اللي سواه ناصر...لو تعرفينه راح تعذرينه ليش تركج وقتهاا...تخلى عنج عشانج...عطيني فرصه اكلمج....صدقيني ناصر يحبــج... بس ما كان في رد.... دقت الزيـن على عبدالرحمن... الزيـن: هااي حبيبي عبدالرحمن : اهليـن!! زين؟ الزيـن: اي عمري هذا خطي اليديد واذا بغيت اي شي كلمني منه عبدالرحمن: اهااا وليش غيرتيه؟ الزيـن: بس مليت من ذاك....ها شنو شعورك والملجه ما بقالها شي؟ عبدالرحمن: شعووري ما ينوصف....فرحااااااان مو قادر أصدق الزيـن:........بعد عمري وشلون امتحانك الأربعا؟؟ قاعد تدرسله؟ عبدالرحمن: اي مع ان كلــش مالي خلــقه...هالامتحان صج مو وقته الزيـن: ميخالف حبـيبي موفق ان شاء الله عبدالرحمن: تسلميـن يا قلبي يوم الأربعا المغرب... الزيـن في سيارتها رايحه تخلص شغلها حق الملجه اللي اهيه عقب باجر ياها تلفون.... قاعده تدور على سماعة تلفونها عشان تركبها وما تتخالف بس مو قادره تلقاها وشالت الخـط... الزيـن: أهليــن أبراار أبرار: هلا والله حبيبتي..شلونج؟؟ الزيـن: بخيـر..وانتي؟ أبرار: والله انا يا زيـن طايحه بالمستشفى الزيـن: اوووف حبيبتي...لييش؟؟ أبرار: عندي فقر دم واليوم تعبت.. الزيـن: ويي بعد قلبي ما تشوفين شرر أبرار: اي والله حبيبتي فـ داقه أقولج ما أعتقد راح أقدر ايي باجر سامحييني الزيـن: لا حبيبتي أهم شي صحتج وان شاء الله تقومين بالسلامه أبرار: والله كان ودي ايي بس غصبن علييي...لو تشوفيني حالتي حاله الزيـن: اي الله يعينج والله...اكيد غصبن عليج وفقر دم ادري يتعب أبرار: يلا الحمدالله على كل حال..على الأقل حالتي اهون من اللي طاح بالمحاضره ذاك اليوم مسكـين الزيـن: قصدج ناصر؟ أبرار: اي ناصر الزيـن اختررعت وما فهمت شنو قصد أبرار... الزيـن واهيه مستغربه: ليش شفييه؟؟؟ أبرار: ما تدرين؟؟ الزيـن انفعلت: لا شنووو قووولي؟؟؟ أبرار: المسكين كان عنده سرطان بالدم بس الحمدالله تعالج منه الزيـن بس سمعت سرطان قشعرررت...حست جسمها كله قاعد ينتفض...قلبها قام يدق بقووووه....قامت تتنفس بسرررعه....تركيـزها تشتت أبرار: زيين؟؟ زيين فيج شي؟؟؟ الزيـن كل ما استوعبت الكلام اللي قالته أبرار أكثر قلبها دق أكثر..ايدها قامت ترجف أكثرر. الزيـن: انتي انتي متأكده من كلامج؟؟ أبرار: اي متأكده...رفيج ناصر قال حق رفيج أخوي اللي قال حق أخوي وبعدين اخر شي اخوي قالي الزيـن سكتت...من قوة الخبـــر ما كانت مركزه بالسياقه كلش...نست أصلا ان اهيه بالسياره قاعده تسوق...وحست ان جسمها كله مخدررر... جان تكسر عليها سياره ما كانت منتبهتلهاا...بعدين لما استوعبت لفت السياره بسرعه تبي توخر عنهااا قبل ما تدش فيهاااا جان تدخل السياره اللي بالحاره الثانيه فيها ومن قوة الضربه فرررت سيارة الزيـن ودخلت فيها سياره ثانيه بعد...... أبرار: زيــــــن....زيـــــن الزيــن:..................... في بيـت بوناصر........ ناصر ما حاول بأي طريـقه ان يكلـم الزيـن لان خلاص حس ان فقدهاا...وماله داعي يسوي شي او يقولها اي شي دام كل اللي فات مات....مع ان حاس انه قلبه قاعد يعتصرررر.....قاعد يحتررق من داااخل... قاعد يموت بالبطيء ونور مو متحمله تشوفه جذي...قاعده تحاول تسوي المستحيـل عشان تكلم الزيـن بس مو قادره توصلها!!! نور: ناصر عشاني خلااص بس لا تضايق رووحك ناصر: خلاص نور عادي ما فيني شي نور: شلون ما فيك شي ناصر!! ناصر: نور دامج لابسه... امشي تبين نطلع؟؟ نور: يلا اوووكي أحسسسن شي...وين تبي نرووح؟؟ ناصر: مادري أي مكان المهم نطلع موقع الحادث....... وقفت السيارات وانزلوا الناس قاعدين يحاولون يطلعونها من السياره...ويات الاسعاف والشرطه والشارع تصكررر مره وحده لان دخلوا 3 سيارات في بعض.... طلعوا الزيـن من السياره...كانت كلها جرووح ورضوض...ايدينها...ريولها...وجروح في ويهها بس كانت بسيطه... حطوها بسيارة الاسعااف ومشوووا.... في الشارع اللي راد يعني الصوب الثاني كانوا ناصر ونور في السياره... شاف سيارة الاسعاف يايه من ورااه وحررك عشان يوخر عنهااا.... نور: امبييه ناصر شوف شوف شلون السيارات داشين فبعض!! ناصر: اوووف لا حول الله ( نغز قلبه لما شاف انها ريــنج وبنفس لون سيارة الزيـن وتصروع خاف ان ممكن تكون اهيه....) نور: اوووله شوف الشارع اللي رايح شلون متصكرر عدل ناصر سرحان قاعد يفكرر... نور: ناصر شفيك؟؟؟ ناصر: مو جنه نفس سياره الزين؟؟ نور: اشدعوه ناصر حتى لو نفس سيارتها مو شرط تكون اهيه!! ناصر: اي بس حتى سيارتها ما كانت موجوده بالبيت؟؟!! نور: ناصر خلاص عاد لا تتشائم جذي وتفاول على البنت!! لا لا ما اعتقد اهيه ناصر: مادري نور خاايف...قلبي مو متطمن كلش نور: يعني شلون الحين؟؟! ناصر: مادري!! حاولي تدقين عليها عشاني نور: ناصر انا صارلي من فتره احاول ادق عليها وكله جهازها مغلق!!! ناصر: ليش كنتي تدقين عليها؟ نور: بس بغيت اكلمها ناصر: انزين انزين حاولي الحين عشاني نور: انزين بحاول... ناصر بدا يحس بخووف أكثررر.... نور: شفت يطلعلي مغلق ناصر: ما أقدر لازم اتطمن عليها الحين لازم نور: ناصر خلاص ان شاء الله ماكو الا العافيه ناصر: خل نرجع البيت نور: لاااااااا لييييش؟؟؟ ناصر بانفعال: برووح أشوف يمكن ردت البيت نور: اوووه في المستشفى.... الزيـن كانت في غرفه في المستشفى غايبه عن الوعي....بعدين افتحت عيونها وشافت امها وابوها وأخوها بالغرفه.. ام عادل: زيــن حبيبتي... تسمعيني؟؟ الزيـن واهيه باليالله قادره تتكلم: يمـه ام عادل واهيه تدمع عيونها: الحمدالله على سلامتج يا قلبي الزيـن قامت مو مستوعبه شي: انا وين؟! بوعادل راحلها وحط ايده على شعرها: حبيبتي انتي بالمستشفى الزيـن قاعده تحاول تتذكر شنو صارلها!! لانها مو قادره تجمع.... بوعادل: حبيبتي انتي سويتي حادث بس الحمدالله عدى على خيـر الزيـن بعدين حست على ايدها اليمين ملفوفه بجبـس...وفي رضوض على فخوذها وكتر زنودها وبالغصب قادره تتحرك.... الزيـن تتكلم واهيه دايخه: احس ان جسمي كله يعورني بوعادل: اي يبه ميخالف لان الحادث كان قوي بس الحمدالله اهم شي انج قمتي بالسلامه بعدين تذكررت,,,تذكرت السببب اللي خلاها ترتبك بالسياقه وتدعم...تذكرت كلام رفيجتها أبرار عن ناصر...عقب ما تذكرت فز قلبها الزيـن: يمه...تلفوني مو عندج ؟؟ ام عادل: ليش؟؟ لا والله ما عطوني بعد شي من أغراضج الزيـن: انزين يمه ممكن تلفونج شوي ام عادل: ليش حبيبتي؟؟ الزيـن: ممم ابي اكلم رفيجتي ام عادل: حنان؟؟ كلمتها وتقول يايه الزيـن لما عرفت ان حنان يايه قررت تستخدم تلفونها لانها مالها خلق تحقيق امها وما راح تقدر تتكلم فيه أصلا جدامهم... الزيـن: انزين في بيت بوناصر.... ناصر: بعدها ماا ياات!!! نور: توه ما صارلنا ساعه وبعدين الوقت بعده امبجر توها الساعه 6:30 ناصر: ماني قادر اصبررر....بروح اشوف اذا اهيه بالمستشفى نور: لا من صجك بتقعد تدور عليها!!! وفي احتمال كبير ان مو سيارتها بعد!! دق على عادل وشوف يمكن تقدر تحس منه اذا صاير شي او لا! ناصر: صح...بدق عليه في المستشفى.... عادل: عن اذنكم شوي بس اشوف التلفون وطلع بره الغرفه... عادل: الوو ناصر: هلاااا والله هلاا...يا اخي وينك انت؟؟ من زمان عنك عادل: اي والله وانت بعد مره وحده صايرين مانشوفك!! ناصر: لك وحشه والله....موجود انت بالدوانيه الحين؟ عادل: لا والله...مو فالبيت أصلا ناصر: حسافه كان ودي أشوفك...متى راح تقعد بالدوانيه؟ عادل: والله مو متأكد لان اختي سوت حادث والحين انا معاها بالمستشفى ناصر اول ما سمع جذي تكهرررب بمكانه....حس برهبه مو طبيعيه وقلبه قام يدق يدق حيـــل ناصر بانفعال: سلاااماات...شلوونها؟؟؟صار فيها شي؟؟؟ عادل: لا الحمدالله ماكو الا العافيه ان شاء الله ناصر بعده منفعل: متأكد ان ما فيها شي؟ عادل: يا اخي شفيك قاعد اقولك الحمدالله ما فيها شي بس ايدها اليمين انكسرت ورضوض وجروح بسيطه ناصر أخذ نفس عميــق واحس ان ارتااح بس مو هااين عليه كلش ان حبيبة قلبه وروحه متعوره وطايحه بالمستشفى!! ناصر: خطاكم السوو..والحمدالله انها يت على جذي عادل: اي والله ناصر: في أي مستشفى انت؟ عادل: مستشفى الأميري ناصر: اهاا يلا عيل أخليك انا الحين...أجر وعافيه وأشوفك على خيـر ان شاء الله عادل: على خيــر حبيبي مشكوور في بيت بوناصر.... ناصر: ااااااخ نووور طلعت اهيه الزين اللي مسويه الحادث نور: اي بس قالك ان ما صارلها شي صح ناصر: اي الحمدالله...الحمدالله نور: مسكينه ما تشوف شر ناصر: رااااح اموووت ابييي اروووحلهااا مووو قااادر نور: بس ناصر تروحلها على أي أساس!!! وأهلها؟!! ناصر: اااااخ هذي المشكله!! مادري شسويييي نور: خلاص على الأقل تطمنت على حالتها ناصر: ولوو..محتاج أشووفها بعيني في المستشفى.... يات حنان تركض على غرفة الزيـن واول ما دخلت وشافتها على الفراش قامت تبجي وتبجييي بقووووه.....اما عادل وابوه لما شافوا حنان يات طلعوا من الغرفه عشان تاخذ راحتها مع رفيجتها.... الزيــن: حنان حبيبتي شفيج؟؟؟ خلاص ما فيني شي حنان مو قادره تبطل بجييي وقامت تشهق الزيـن: حنوون شفيييج عادي كله كسر ورضوض وبس ام عادل لما شافت حنان جذي راحتلها... ام عادل: يمه حنان شفيج؟؟؟ الحمدالله ان شاء الله ما فيها الا العافيه والدكاتره طمنونا عليها حنان: خالتي ما عليج أمر ممكن تخليني مع الزين شوي ام عادل: هاا!!! انزين حبيبتي...اخليكم على راحتكم وارجع بعد شوي حنان: مشكوره خالتي وطلعت ام عادل من الغرفه.... حنان بس ارجعت شافت الزيــن ارجعت تبجيي.... الزيـن: حنوونه قلبي بس حنان: الحمدالله على سلامتج عمري الزيـن: الله يسلمج يا قلبي حنان: زين اناا اسفه ااااسفه سااامحييينييي الزيـن: على شنو؟؟؟!!! حنان: والله مادري شلون سويت جذي بس أرجووج أرجووج حاولي تعذريني الزيـن: شنو سويتيي؟؟؟ حنان شنو في؟؟؟ حنان قامت تتنفس بسررعه وقلبها يدق حيــل حيــل.... حنان: زين انا جذبت عليج الزيـن اخترعت وحست ان قلبها طاح في بطنها الزيـن: بشنوو جذبتي؟؟؟ حنان: مو صحيح ان ناصر تحرش فيني ولا صحيح ان قال يحبني وكله كان جذب بجذب وقامت تشهق حنان وكل ماله تزيد بجي الزيـن انصدمت:: شنووو؟؟؟؟؟ حنان: سامحيني الزين بس انا سويت جذي لان كنت أغاار..... الزيـن من الصدمه ما تكلمت ولا كلمه حنان واهيه تبجي ومنفعله: من احنا وصغار وكله مع بعض وبعدين بالثانويه يه اهوه وخذاج مني وانشغلتي عني وكان محور كلامج كله نااصر...نااااصر...ناااصر.... فصرت أغار من العلاقه اللي تجمعكم....سوالفج وكلامج على طوول عنه لما يه اليوم اللي صرت اتمناه حق نفسي !! وبعدين لما تركتيه رجعتي الزين اللي كنت اعرفهاا اول...رجعتي الزيـن صديقتي اللي تسأل علي قبل ما أسأل عليها...رجعتي صديقتي اللي فقدتها سنيــن..وبعدين لما صرتي تبين ترجعينله خفت أخسررج!! وانتي كنتي من غير ما تتزوجينه وجذي لو صار زواج راح تنسيني مره وحده وتمحيني من حياتج!!! الزيـن مذهوووله من كلام حنااان...مو قادره تصدق ان رفيجة عمرهااا تجذب عليها بجذي مسأله كبيـره!! مو قادره تصدق ان يطلع من حنان جذي!!! يطلع من الانسانه اللي عمرها ما توقعت ان ممكن تجرحهاا بهالطريقه!! الزيـن بينها وبين نفسها: انتي يا حنان...معقوله انتي تسوين جذي؟؟!! انا اللي عطيتج عمري!!!بكل بساطه جذي تخدعيني!!! خيبتي ظني فيج للأسف الزيـن صارت مو قادره تشوف حنان...مو قادره تحط ويهها بويه حنان...طاحت من عينها خلاص... حنان: أرجووج زين ردي علييي...طالعينييي...صدقيني قاعده أتاااكل من داخل...من وقت ما جذبت عليج وانا حاسه بتأنيب الضمييير وكل ما ابي أقولج أترااجع...كنت خايفه أخسررج الزيـن كانت طول الوقت تطالع تحت ودمعت عيوونها.... حنان: زييين أبووس ايدج تسااامحيينييي....انا ادري اني غلطت بحقج بس اعذريني بعدين الزين قررت تتكلم...لان قامت تحس بحرقه في قلبها..تحس بقهررر الزيـن: انتي تدرين ان ملجتي كانت على الأساس باجر؟؟؟؟ حنان طالعت تحت...كارهه رووحهااا...ما عندها شي تقوله الزيـن: انتي تدرين اني كنت راح اتزوج عبدالرحمن كرد فعل من كلامج القوي اللي قلتيه عن ناصر....انتي تدرين اني احب نااصر اكثر من نفسي وبعته عشااانج !!....يعني لو مو الحادث جان متى قلتيلي؟؟؟ عقب ما أتزوج؟؟؟!!! حنان ساكته ... منحرجه...حاسه نفسها انساانه وااااطيه.. الزيـن: لو سمحتي طلعي بره حنان: لاااا زيييين حاولي تعذرييينيي....انا سويت كل هذا من كثر ما احبج ومتعلقه فيج الزيـن: لما صديقة عمري تجرحني بهالطريـقه ما اعتقد انها تحبني حنان: لا زين ارجووج اعذريييني ...انا ااااسفه غلطت وتعلمت من غلطتي تكفيـــن ساامحييينييي الزيـن : حنان انتي ظلمتيييه وظلمتييينييي وكنت راح اظلم عبدالرحمن معااي..انتي ما تحسين؟؟ ما عندج قلب؟؟؟ شلون اهوون علييج تسوين فيني جذي؟؟!! خساره فيج صداقتي.... حنان: ............ الزيـن: مو قادره اطالع بويهج...خلاص صرتي مو نفسها حنان اللي كنت اعرفهااا..تغيرتي علي وصرت أشوفج بنظره ثانيه للأسف حنان قامت تبجييي تبجييي حيـــــــل الزيـن قامت تصرخ: حنان خليني وطلعي بره مااا ابي أشووفج طلعييي بررره بررره ومن الخرعه قامت حنان على طوول وطلعت بره.... الزيــن قامت تبجيي بقووووه.... آه يادنيـا وشــلون انج عـجيبه وكل شي فيج تتغير الوانه حتى القلوب عن بعضها غريبة وكلن فيج عايش لوحده في زمانه الصديق يكذب والخل ينسى الحبيبة والناس تظلم والزمن يزيد حرمانه وهذا زماني القاسي وهذا نصيبه وهذا حبيب خان وهذي أنا ندمانه خلاص ياقلبي ابعد ربك حسيبه يذوقه مرارة غدر وعيون سهرانه بجيله يوم يلاقي بس ونـته قريبه ويلقى كل من حوله نسى عنوانه لافكرت فيها قلت أنا وشلي به وليه اقضي عمري ارتجي حنانه قال قلبي عقب مازاد فـ نحيبه علميني الصبر وقولي وشلون نسيانه وين الغلط فيك والا فيني المصيبه ولا كوني ماعرفت وين الغلط مكانه ماهي غلطتك يوم قلبي زدت تعذيبه هذي غلطتي تعلمت الوفا والناس خوانه ناصر: نور امشي معاي المستشفى ماني قادر أصبر لازم اشووفها نور: بس ناصر شلوون؟!! ناصر: انتي بس امشي معاي نور: انزين يلاا يلا في المستشفى.... ام عادل: حبيبتي شفت بره حنان تبجي!! شفيها؟؟؟ وشفيج بعد انتي قاعده تبجين؟؟ الزيـن: يمه لا تقولين اسمها جدامي اكرههااا ام عادل: هاو هاو شصار؟؟ الزيـن: يمه اجرحتني...تخيلييي و بكل بساطه قدرت تخدعنيي ام عادل: ليش شسوت؟؟؟ الزيـن: جذبت عليييي وظلمت ناصر ام عادل: ناصر؟؟؟ ناصر الشكو!!! جان يدخلون بوعادل وعادل الغرفه.... بو عادل: زين حبيبتي شفيج تبجين؟؟؟ ام عادل: بو عادل الله يعافيك البنت تعبانه ومحتاجه ترتاح...خلوني معاها وانتو روحوا البيت ريحواا بوعادل: لا لا ميخالف نظل احنا ام عادل اغمزت حق بوعادل بمعنى خلاص روحوا : ميخالف يا بو عادل باجر تعالوا بوعادل حس ان ام عادل تبي تكون مع بنتها بروحهااا فرضى يروح البيت وسلموا على الزيـن ومشواا.... ام عادل: اي كملي!! شسالفة ناصر؟؟ شلون ظلمته!! الزيـن: تقول ان اهوه في مره تحرش فيها وانه يحبها وطلع كله جذب بجذب ام عادل: اوووووف حنان تقص علينا بشي كبير جذي !! الزيـن: انتي بعد قالتلج هالكلام عن ناصر؟؟؟ ام عادل: اي قالتلي الزيـن: مالت عليها...باطه جبدي قاااهرتنييي!! شلون حنان تسوي جذي شلوون!!! ام عادل: اي والله ماني قادره أصدق!! وليش قالت جذي اصلا؟؟ الزيـن: تقول عشان خافت تخسرني!!! وبكل جرأه بعد تقولي لانها بعد تمنت ناصر حق نفسها!!!! ام عادل: والله قوية عين الزيـن : يمه بقولج بعد شي عن ناصر صدمنيييي بس افتحت الموضوع الزيـن اخنقتها العبرره.... ام عادل: شنو بعد؟؟؟ الزيـن: أبرار رفيجتي تقول انها سمعت انه كان مريض فيه السرطان وكان يتعالج بره!!! ام عادل انصدمت: شنوووو؟؟؟؟؟ والله؟؟!!! الزيـن قامت تبجي: اييييي يمه!! مااااني قااادره أصدق!!! ام عادل: معقوله!! الزيـن: يمه لازم اعرف منه كل شي لازم ام عادل: يمه وعبدالرحن؟! الزيـن: يمه الحين مو وقت عبدالرحمن... امبيييه يمه شلون الملجه على أساس بااجر!!! ام عادل: وي وي ذكرتينيي..خل نقول حق الناس ان الملجه مو باجر ناصر ونور وصلوا المستشفى واسألوا عن اسم الزيـن ودلوهم على غرفتها.... ناصر ونور واقفين بره باب غرفتها.... ناصر: نور يلا دخلي عليها نور: وانت؟ ناصر: بتم واقف بره...بس شوفيها شلونها؟؟ نور: انزين وطقت الباب نور وادخلت.... نور: السلام عليكم الزيـن حست بفرحه مو طبيعيه بس شافت نوور.. ام عادل: وعليكم السلام الزيـن: نووور!!! نور: سلامات الزيــن..خرعتينا عليج واااااااايد الله يهداج الزيـن ودها تسألها عن ناصر...تسألها اذا ياي معاها او لا!!! الزيـن: الله يسلمج حبيبتي...يمه حبيبتي ممكن تخليني مع نور شوي؟ ام عادل: علامكم كل شوي طارديني من الغرفه!! انزين بطلع بطلع بروح اييبلي شي اشربه...بغيتوا شي؟؟ الزيـن ونور: لا مشكوره طلعت ام عادل وشافت ناصر واقف بره.... ام عادل: ناصر؟؟!! شيايبك اهني؟!! ناصر ارتبك: هاا خاالتي!! اممم بس يبت نور كانت تبي تطمن على الزيـن ام عادل: اهاااا ام عادل شافته واقف بره ينطرها وباين عليه متوتر حيـــل...انكسر خاطرها عليــه خصوصا عقب اللي قالته الزيـن عنه.... ام عادل: ناصر....تبي تدخل تشوفها؟؟ ناصر انفعل: ياريـــت بعدين استوعب على روحه ان صرخ ناصر: اقصد اي خالتي ياريت اتطمن عليها ام عادل: انزين يلا عيل امش ندخل نور: اي ناصر بره ناطرج الزيـن: والللله!! انزين ابيه يدخل شلووون!! نور: وي امج طلعت بره...امبيييه اكييد شافته شوي جان يدخلون ناصر وامها.... الزيــن بس شافت نااااصر حست جنها ما كانت شايفته صارلها دهرررر...انشرح صدرهاااا....حست قلبها راح ينط من مكانه من قوة دقاااته... اما اهوه...اهوه كان نفسه يركض عليييهااا....ياخذها بحضنه ويضمها حيييييل....حس برجفه...وجسمه قشعررر...مو هاين عليه يشوفها بهالوضع.... تموا فتره بس يطالعون بعض...لحظة صمت...نور قامت من يمها وراحت عند ام عادل اللي واقفه قريب من مدخل الغرفه... ناصر قرب من فراش الزيــن وقعد على الكرسي يمها اللي صاير على يسارها...وطول الوقت بس يطالع فيها مو عارف شلون يبدي بالكلام....حس ان كل الكلام اللي صارله شهووور نفسه يقوله لها ضاااااع.... ناصر: سلامتج زيـن الزيـن: الله يسلمك ناصر: قاعده تتألمين الحين؟؟ الزيـن: انا قاعده أتألم من وقت ما خليتني ورحت والزيـن فجأه بدت تبجي.....تبجي على كل الأيام اللي فيها كرهته...تبجي على كل الوقت اللي ضااااع واهمه بعاااد عن بعض...وبس شافته يمها ولهت على ذيــج الأيااام...اللي كانت كل ما تتضايق لو شوي بس يكفيها تسمع صوته وترتااااح.... ناصر بس شافها تبجي كان نفسه يحط ايده على ايدها بس تذكر امها واقفه تراجع...اما اهيه كل ما فيها يصررررخ يقول تكفى اخذنيييي فحضنك ولا تتركني.... ناصر وعيونه كلهاا دموووع : خطاج السوو...ياريت صار فيني ولا فيــج الزيـن قامت تبجي أكثر: ناصر صحيح ان كان فيك سرطان بالدم؟؟؟ ناصر تفااااجئ....ما يدري شلون عرفت بهالشي بس هز راسه بمعنى اي الكلام صحيح الزيـن: متى يااااك هالمرض؟؟؟شلووون مااا تقووولي هالشي؟؟؟!!!! ناصر: اليوم اللي تركتج فيه كان اليوم اللي اكتشفت فيه اني مريض....سامحيني الزيـن بس كنت خايف عليــج لو صار فيج شي بسببي جان عمري ما سامحت نفسي الزيـن: بس....بس هذا شي كبييييير شلووون تخشه عني؟؟!!!! ناصر: ما كنت اعرف شنو راح يصيرلي وما كانوا معطيني أمل كبير اني ممكن أتعالج منه..!! الزيـن قلبهاا ذااابحهااا عواااار...من كثر ما كانت قاعده تبجي ما كانت قادره تتكلم... ناصر وده يحتوي ويهها بكفوفه ويمسح دموعهااا.... ناصر: ارجوج زين بس كافي لا تبجيــن...دموعج تسوى عندي الدنيا وما فيها واهيه تبجي ...اهوه قام يبجي معاها...... الزيـن بس شافته يبجي جدامها....حست ان قلبها قاعد يتقـــطع...اول مره تشوفه بعينها يبجي....!!!! بعدين الزيـن تمالكت نفسها شوي وقدرت تتكلم... الزيـن: يعني شنو ناصر؟؟؟ معقوله يعني انت كل هالفتره قاعد تتعالج بره وانا مادري عنك؟؟؟ ناصر: اي الزيـن: يعني مو صحيح الكلام انك ما قمت تحبني وانك زهقت مني وانك تحب جنان بنت خالتك؟؟؟ كله كان موو صحييح!!! ناصر: اي الزيـن: ليش يااا ناااصر؟؟؟ليش تسوي جذي؟؟ لييييش؟؟؟؟ليش توهمني وتخليني أصدق كل هالكلام؟؟!! انت من وقت ما تركتني وانا تعباااانه.... بجيــت دم عليـــك لما صدمتني فيـــك...واخر شي اكتشف هالشي!! ليــش يا ناصر حرمتني اني اوقف معاك؟؟؟ ليش حرمتني منك؟؟! ناصر: صدقيني ما كنت راح اقدر اتحمل أشوفج تتعبين عشااني...ما كنت ابيج تتعذبييين وأظلمج ويااااي!! الزيـن: يعني انت اخترت انك تخليني اتعذب بروحي ولا أتعذب وياك؟؟!! ناصر:......انا كنت ابيج تكملين حياتج وتعيشينها...انتي تستاهلين انسان يقدر يسعدج الزيـن: ليش ناصر ما عطيتني فرصه أقرر عن نفسي؟؟ ليش تقرر عني؟!!! ناصر انت ما تعرف شكثر قيمتك عندي؟؟؟ انت ما تعرف شكثر أحبـــك؟؟!!! انا حتى كنت راح اخذ غيرك بس عشان يساعدني أنساك لكن قلبي وروحي من وقت ما حبيتك واهيه معاااك ناصر: ادري زين بس كنت خايف عليــج...اذا رحت كنت ابي اروح وانا متطمن عليج الزيـن: معقوله ناصر انت تفكر جذي؟؟؟!! يعني في أحد في الدنيا ضامن عمره؟؟؟ انا وانت ممكن نموت بأي لحظه!!! كان ممكن اروح اليووم بس اليوم ما كان يومي ومكتوبلي أعيش!! شلون تفكر بهالطريقه؟؟!! انا ما عندي ايمان بربي؟؟! ناصر سكت ما توقع يكون تفكيرها جذي....تغيرت عن أول...كبرت...انضجت...وين الزيـن ام ال18 سنه!!! ناصر: زيــن انا غلطت سامحيـــني....والله ندمان على كل اللي سويته فيج !! وحط راسه على الفراش وقام يبجي... الزيـن حطت ايدها اليسار على شعره...على كل دمعه تنزل من عيونه كانت سجاجين في قلبها....وبس رفع راسه وطالعها...حطت ايدها على خده... الزيـن: يعني انت الحين تعالجت من المرض خلاص؟؟ ناصر هز راسه بمعنى اي الزيـن خذت نفس عميق: الحمدالله.... سلامة عمرك ناصر( وقالتها بكل نعومه ) ناصر: ااااخ يا حلو اسمي على لسانج..... زين أحبـــج...أموووت فيـج....من وقت ما تركتج وانا حياتي ما هي حيااااة....كل شي كنت احسه ناااقص من غيـــرج...كرهت الدنياااا وما فيها....يشهد علي ربي اني عمري ما نسيتك وعمره ما تغير مكانج في قلبي الزيـن كل المشاعر في قلبها تحرررركت....فقدت منه هالكلام الحلووو... الزيـن: اصلا من وقت ما تركتني وانا فاقده الدنيا كلها....لو قلت أحبك ما أعطيك حقك بهالكلمه يا بعد يوفي.... بس اوعدني اوعدني ما تعيد اللي سويته فيني قبل.... ناصر: لا بس خلاص توووبه ( قالها واهوه حاط ايدينه الثنتين على أذونه مثل الطفل) الزيـن: ههههههههههه ناصر: بس الزيـن لازم اكون صريح معاج و بقولج كل شي من الحين الزيـن: هلا...قول ناصر: زين المشكله ان اللوكيميا بالذات ممكن ترجعلي بأي وقت مره ثانيه الزيـن: اسم الله عليك..الله لا يقوله!! ان شاء الله عمرها ما ترجعلك... واذا لا سمح الله صار وارجعت... فدااك روحي...معاك خطوه بخطوه لي اخر يوم بعمري ناصر: بس الحياه بتكون صعبه وتعب طيعيني الزيـن: بدونك أصعب ناصر: بس زيـن....العلاج اللي كنت اخذه احتمال سببلي عقم دائم الزيـن سكتت شوي.... الزيـن: حياتي دام انت فيها تكفيــني ناصر: والله خايف تندمين بعدين الزيـن: ناصر انت متى راح تفهم ان حياتي من غيرك مالها أي معنى؟! ناصر: اي بس.... الزيـن: أقول...شرايك نعيش كل يوم بيومه وكل لحظه بلحظتها وما نفكر ببعدين ناصر ابتسم : يا بعدي....أحبـج >>> قالها بكل هداوه وصوت خافت ونظراته لها كانت تذبح الزيـن عضت على شفايفها واستحت ونزلت راسها.... ام عادل: احم احم...انتو تدرون ان احنا طول المده واقفين اهني صح؟ نور: ههههههههههه ( ام عادل ونور كانوا وايد متأثرين بالموقف والعبرره كانت خانقتهم... ام عادل خذت بوعادل عن حـب وعارفه شلون احساس الحب يكون ومتفهمه) ناصر والزيـن انحرجوا ما كانوا حاسين الا ببعض...امسحوا دموعهم وضحكوا... ناصر: اممم زين.... وعبدالرحمن؟ الزيـن تذكرت ان عندها خطيـب اسمه عبدالرحمن...كانت ناسيه موضوعه مره وحده الزيـن: وييييه...امبيــه صج حرام شقوله ناصر: شتقوليله بعد؟؟! بس قوليله ما أبيك عندي حبيبي ناصر الزيـن: حرام عليـك...مسكين يحبني ناصر: حبته القراده...قوليله اليوم دقي عليه الحين جدامي الزيـن: امبيه حرام على التلفون اقوله!! لازم اقعد معاه واقوله ناصر: لا والله!!! لا طبعا ما تقعدين معاه الزيـن: بدينا ناصر!!! عبدالرحمن وأخيــرا وصل...كان عنده ميدتيرم من 5:30 – 7 المغرب واول ما خلص من الامتحان وقالوله راح المستشفى... رن تلفون ام عادل.... ام عادل: قاعد يدق علي عبدالرحمن...شكله وصل الزيـن: وييي ناصر: وقته هذا!!! الزين : ناصر حبيبي بس عطيني فرصه معاه اكلمه وانهي اللي بيني وبينه ناصر واهوه مو عاجبه: انزين...بس انهي الموضوع اليوم وانا راح اكون في الاستراحه لما يطلع من الغرفه الزيـن واهيه تغمزله: راح اوله عليك ناصر: وانا أكثررر...بس مووو تاخذين راحتج معاااه الزيـن: عززز الطلــب طلعوا ناصر ونور.... عبدالرحمن: سلامات حبيبتي ما تشوفين شر ان شاء الله الزيـن: الشر ما اييك عبدالرحمن: شالحظ!!! حسافه تأجلت الملجه الزيـن: يمكن خيـره عبدالرحمن: شلون يعني؟ الزيـن: عبدالرحمن سامحني...بس ما اعتقد ان احنا نناسب بعض وانت تستاهل وحده احسن مني عبدالرحمن انصدم: شنوو؟؟؟ زين انتي شقاعده تقولين؟؟؟ شنو اللي تغير فجأه؟! الزيـن: مادري عقب ما سويت الحادث قمت أفكر و حسيت ان احنا مو لبعض وما في توافق بيني وبينك....سامحني عبدالرحمن: بس زين انا أحبج,,,,وانتي ما تحبيني؟؟ الزيـن: سامحني عبدالرحمن بس كل شي نصيب,,,وما في نصيب ناخذ بعض... عبدالرحمن: بكل بساطه تنهين كل اللي بيني وبينج؟؟؟!! الزيـن: عبدالرحمن انت خوش انسان والف بنت تتمناك....وانت تستاهل الانسانه اللي ممكن تسعدك...وصدقني عبدالرحمن انا مو هالانسانه عبدالرحمن طلع من غرفتها مكسور خاطر...مجروووح...بس ما كان بايده يسوي شي غير ان يمشي ويستسلم للواقع... بعد مرور حوالي سنتيـن.... ناصر والزين كانوا يساعدون بعض في الدراسه وكانوا يحاولون ياخذون موادهم مع بعض عشان يساعدون بعض كثر ما يقدرون...... في الكليــه....قاعدين يشوفون درجاتهم معلقه على باب الدكتور ناصر: هيااااااااا نجحت طلعت فيها b.....وأخيــــرااا تخررررجت الزيـن: حبيبي مبرووووووووووووك تستاااااااااهل والله ناصر: الله يبارك فيج يا عمررري....وانتي جم طلعتي فيها؟؟ الزيـن وعيونها قاعده تدمع: عطاني b+ ناصر: انزين ميخالف حلوه ال !! أحسن منيييي b+ الزيـن: لاااا نااصر انا قاعده احاول ارفع معدلييي ناصر: امممم تعالي تعالي خل نتفاهم مع الدكتور الزيـن: لا ناصر مابي ناصر: مالج شغل تعالي معاي الزيـن: صدقني نحيس ما راح يرضى يرفعني ناصر: يبه اقدر اقنع اللي ما يقتنع,,,ولا نسيتي سالفة بحثج في الثانويه ( يقولها واهوه يغمز) الزيـن وناصر في مكتب الدكتور..... ( الدكتور محمود أصلـع ومكرش وعصبي بس شكله مسكين مضحك ) الدكتور: بس يا بني...ما ينفعش كده ناصر: دكتور صدقني الزيـن تستاهل a الدكتور: لااا لاااا مأدرش ناصر: دكتور انا زوجها ودايما اشوفها المسكينه سهرانه على مادتك....كل ما أقولها امشي يا زين خل نطلع...تقولي لا بدرس حق مادة الدكتور محمود...أقولها امشي يا زين نتعشى ميت يوع...تقولي لا لا مادة الدكتور محمود أهم!!! الدكتور: يا سلااام ناصر: اي دكتور تخيل انا المسكين شلون شعوري..... الدكتور يتمسخر: ايوه حرااام ناصر: وبعدين دكتور اهيه حامل وهذا اللي تعبها هالكورس الدكتور: حامل!! مش باين يعني...هيه موديه العيل فين؟ ناصر: هههههه لا دكتور لان توها في الأشهر الأولى !! وانت اكيد عارف بهالفتره شلون تكون الحامل...الهرمونات عندها هايجه وقاعده تأثر على حالتها النفسيه وااايد وتكون وايد حساسه ومو قاعده تنام عدل و معدتها المسكينه على طول تقلب وبس ترجع وترجع وترجع الدكتور: بس يا بني أرفتني..أرفتني....خلاص خلاص الa اهيي...اررتحت؟؟ كلو تمام دلوأتي؟؟؟ ناصر: مشكوور دكتووور مشكووور...يعطييك العاافيه الزيـن استاانست: مشكوووور دكتور ما قصررت الدكتور: طيب طيب.... يلا يا أخي أخرج بره بأى ناصر: دكتور.... الدكتور: اييييه تااااني؟!!!! ناصر: وانا؟ الدكتور: انت ايه؟؟ ناصر: انا ما راح ترفعني؟ الدكتور: لييييه؟؟ ما تكونش حامل انت الاخر!! ناصر: هههههههههههه يحليلك دكتور والله تضحكني الدكتور: اااه ما انا فاتحلك مكتب نكت ناصر: ههههههههه حلوه منك الدكتور: شكرا ناصر: صدقني دكتور بالي كان طول الوقت مشغول عليها واحاتيها الدكتور: لا يا روح أمك؟! وانا مالي يعني الزيـن: اي دكتور حرام والله... طول الوقت مسكين سهران معاي ويقعد يجابلني لما اتعب ناصر: يلا دكتور عاد هذا كان اخر كورس لي وابي ارفع معدلي...وحاولت بهالماده وايد بس أغلب وقتي ضاع مع زيـن المسكينه اللي كانت بس معدتها تقلب و ترجع وترجع وترجع الدكتور: بس بس أرفتني الله يأرفك.... اهييي نااصر وجمبها ِa- ...كويس كده؟؟ ناصر: والله دكتور انك عجيــــب ...مااا قصرررت...انت أحسن دكتور بالكليه...اذا تخرجت ما راح انسااااك...اصلا لازم أرجع أسلم عليك الدكتور: لا متعبش نفسك..انا مش عايز أشوف وشك تاااني...يلا خلصني..ارحمني وأخرج بره ولا في حاجه تانيه؟؟ ما تكونش عايز مكتبي كمان؟؟ انا تحت أمرك ناصر: هههههههه لا لا دكتور يعطيك الف عافيه...مع السلامه طلعوا الزيـن وناصر من مكتب الدكتور.... ناصر: شفتي شلوووون...بذمتج مو أعجبج الزيـن: هههههه اي تعجبني... بس لو مو فهودي جان ما رفعنا ناصر حط ايده على بطنها: يا سلام عليك يا فهوودي...يا أحلى فهودي بالدنيااااا.. أحبــــــــــك الزيـن: وانا؟ ناصر واهوه يغمزلها : انتي عشقي..... ناصر والزيـن تزوجوا عقب حادث الزيـن بشهرر...ما كانوا فاقدين الأمل بموضوع الانجاب وأملهم بربهم كان كبيــــر... وفعلا بعد محاولات دامت تقريبا سنتين حملت الزيـن بفهودي...وعقب ما يابوا فهودي يابوا وراه عقب جم سنه فجوره وبعدها فروحه...والسرطان لحد الحيـن ما رجعله أبداااا.... الزيـن وناصر عايشين أسعد أيام حياتهم مع بعـض متماسكيـن... متفاهميـن.... هايـمين ببعض.... تـــــــــــــــمــــــــــت

الغنــــــد 11-02-2016 10:16 AM راقى لي ما شاهدت هنا من تميز ننتظر جديدك القادم مودتي:0_c7f01_1194c319_S:

RioO 11-02-2016 10:45 AM طرح متميز وانتقاء زاد به التميز دوما يحتل صفحاتك عنوان الرقي والابداع كلنا بشغف لمزيد مما يأتي من اناملك سلمت بحجم هدا الكون واكتر لا حرمناك ابدا مودتي

عـــودالليل 11-02-2016 02:19 PM 400 اختيار كامل العذوبه ودقه متناهيه في جلبه لنا بهذا الشكل الانيق والمتكامل يدل على ذوق عالي الف شكر من القلب على ماشاهدت اخوك ‏محمد الحريري ‏http://www.rea77.com/up/uploads/13695315293.png همسه: غالي غالي ياوطن ‏http://vb.qloob.com/upload/post/qloob_com_vb41.gif

ورده 11-02-2016 06:37 PM طررح يفوق آلجمآل , كعآدتك إبدآع في صفحآتك , يعطيك آلعآفيـه يَ رب , وبِ إنتظآر المزيد من هذآ الفيض , لقلبك السعآده والفـرح ..

سيرين 11-02-2016 11:07 PM باقات شكر وتقدير لجهودك ولهذا الجلب المميز رواية مميزة احسنت الانتقاء يعطيك الف عافية

جنــــون 11-03-2016 05:26 PM يسلمو ع المرور

دلع 11-04-2016 03:23 AM يعطيك ألف عافيه ننتظر جديدك.........

mns!mh 11-05-2016 11:49 AM صـآفحتم النجوم بــ روعتكم زخاتٌ عاطرة بالجمآل وهطول مترف حد الدهشة فيض من ود يغمر قلوبكم http://img08.arabsh.com/uploads/imag...41496df603.gif

مجنون قصايد 11-05-2016 11:12 PM ماشاء الله تبارك الرحمن ذوق في اختيارك وعافيه عليك وعلى الطرح الراقي لاحرمك الله رضاه ‏لك كل تقديري واحترامي مجنون قصآيد ‏http://i18.servimg.com/u/f18/12/38/24/05/4afakk10.jpg

هدوء 11-06-2016 12:03 AM سلمتي قلبي

إرتواء نبض 11-06-2016 06:00 AM لا جديد سوى رائحة التميز تثور من هنا ومن خلال هذا المتصفح الجميل والمتميز ورقي الذائقه في استقطاب ما هو جميل ومتميز تقديري وودي

ضامية الشوق 11-06-2016 10:58 PM سلمت يمنــآك طرح جميل جدا

جنــــون 11-07-2016 08:37 PM يسلمو ع المرور

جنــــون 11-07-2016 08:37 PM اقتباس: المشاركة الأصلية كتبت بواسطة إرتواء نبض (المشاركة 2288740) لا جديد سوى رائحة التميز تثور من هنا ومن خلال هذا المتصفح الجميل والمتميز ورقي الذائقه في استقطاب ما هو جميل ومتميز تقديري وودي يسلمو ع المرور

جنــــون 11-07-2016 08:38 PM اقتباس: المشاركة الأصلية كتبت بواسطة دلع (المشاركة 2285773) يعطيك ألف عافيه ننتظر جديدك......... يسلمو ع المرور

جنــــون 11-07-2016 08:38 PM اقتباس: المشاركة الأصلية كتبت بواسطة مشتاقه لضمته (المشاركة 2286949) صـآفحتم النجوم بــ روعتكم زخاتٌ عاطرة بالجمآل وهطول مترف حد الدهشة فيض من ود يغمر قلوبكم http://img08.arabsh.com/uploads/imag...41496df603.gif يسلمو ع المرور

جنــــون 11-07-2016 08:38 PM اقتباس: المشاركة الأصلية كتبت بواسطة مجنون قصايد (المشاركة 2287422) ماشاء الله تبارك الرحمن ذوق في اختيارك وعافيه عليك وعلى الطرح الراقي لاحرمك الله رضاه ‏لك كل تقديري واحترامي مجنون قصآيد ‏http://i18.servimg.com/u/f18/12/38/24/05/4afakk10.jpg يسلمو ع المرور

جنــــون 11-07-2016 08:38 PM اقتباس: المشاركة الأصلية كتبت بواسطة هدوء (المشاركة 2287606) سلمتي قلبي يسلمو ع المرور

عازفة القيثار 11-07-2016 09:33 PM يعطيك العافيه .. طرح رائع لاعدمنا عطائك المميز شكرآ لك..من القلب ..

جنــــون 11-09-2016 04:00 PM يسلمو ع المرور

الساعة الآن 02:47 AM

صفحة 1 من 2 1 2 > عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية