 |
منتديات قصايد ليل
(http://www.gsaidlil.com/vb/index.php)
- …»●[الرويات والقصص المنقوله]●«…
(http://www.gsaidlil.com/vb/forumdisplay.php?f=12)
- - رواية جفاف وردة بيضاء في رُكن الذكريات / 1
(http://www.gsaidlil.com/vb/showthread.php?t=153135)
رواية جفاف وردة بيضاء في رُكن الذكريات / 1
..( المقدمة )..
. . . وردة جافة بيضاء مبعثرة الاوراق عثرتُ عليها وراء صف من الكتب وانا اعيد ترتيب مكتبتي . ابتسمت وانحسرت غيابات الماضي السحيق عن نور عابر . وافلت من قبضة الزمن حنين عاش دقايق خمس . وند عن الاوراق الجافة عبير كالهمس . وتذكرت قول الصديق الحكيم : " قوة الذاكرة تنجلي في التذكر كما تنجلي في النسيان ". - نجيب محفوظ - . . ..( البـ الأول ـارت ).. . . . قبل عشرين سنة من الأن .. ____ في أحد منازل الرياض الكبيره الفاخرة , الذي يتوسط حي ذا طبقة أجتماعية مُخملية , دخل رجلاً وسيماً بطريقة مظهرية خشنة، قُرابة الثلاثين يحملُ طفلة صغيرة جداً لا تتجاوز الأسبوعين من عُمرها ، اغلق الباب خلفه بقوة اقترب للأريكة ووضعها ب انفاس مُضطربة ويظهر فيها سيرة الطويل والمرعوب. تراجع للخلف وعيناه تتأملها بمهادها الذهبي الفاخر ، بعد ثواني قصيرة مسح وجهه وهو لا يعرف ماذا يفعل ، ازفر انفاسة بـصوته مُنادياً : نـــورة نـورة . نزلت السلالم بخطوات واسعه لِـتطل بهيئتها المُرتبة التي كانت تدل على طبقتها المُخملية ، وطابعها الهادئ بعض الشيئ : هلا. حركت ثغرها بعدم رضا عندما نظرت لمعصمها مُحدقه في الساعه : كان تاخرت شوي بعد. نظر لملامحها التي يعشقها مُنتظراً ردة فعلها . وقفت امامه رافعه حاجبها : ع صراخ ذا قلت فيه مصيبه . حرك عيناه مُشيراً لخلفها . استدارت بجسدها للخلف ، لتتسع حادقتيها رعُباً ، تراجعت للخلف وذاتها يرسم لها من هذه الفتاة : لاتقول سويتها ؟!. اترفع صوتها عالٍ : مايكفيك انس ؟!. سقطت دمعتها ، وتبعتها رجفت شفتيها : كَيْف سويتها ؟!. قاطعها وهو يمسك ذراعيها وبحنان : نوره والله اللي في عقلك مو صحيح ، ولا فكرت من اصل اسويه . ومسح على ذراعيها بكفيه هامساً : البنت امانه عندي ولاحد يسمعك ، ولا يدري. قاطعته ب أمتعاض حاد : عايد انت تكذب علي ؟. همس بتعب ضائق : وربك ماكذب. سحبها وجلس لتجلس جواره ، انحنى براسه على كفيه : كل شي صار فجاه. ركزت نظرها فيه مُترقبه لما يقول. تنهد بعجز ناطقاً امرها. اغلقت شفتيها مُخفيه صدمتها : وتبينا نربيها ولا وش نسوي فيها ؟!. نظر لها بأستغراب ممأهتفت : وانتي مجنونه عشان نربيها ؟!. وقفت بغضب : كلامك هو اللي يقول , ولا كيف جايبها لنا بنصف الليل. حرك براسه بأسى. سار بخطواته الصغيرة مُستغرباً ارتفاع صوت والديه في هذا الوقت من الليل. أطل من اخر السلالم بعينان واسعة ذات بؤبؤة سوداء قد ملئها النُعاس ،اقترب بجسده الصغير لهما. صرخ بُدهشه مصدومة : عندنا نونو . مسح على راسها الصغير : ماما متى تصير كبيره مثل نوره الصغيرة اخت ماجد . اغلقت ثغرها بظهر يدها بحُزن على طفلها . وقف عايد وحملها بين كفيه هاتفاً بحدة : هذي بنت الناس وبياخذونها. صرخ الطفل باكياً : ليش انا ابيها . وبدا يضرب بأقدامه الأرض اعتراضاً على ماقال والده. تنهدت نوره وجلست أمامة وبضيق : حبيبي انس كم عمرك عشان تبكي زي الصغار ؟. أشار لوالده ونحيبه العالٍ يزيد : ابيها ابيها . انزلت راسها بضيق من صوت طفلها. اقترب والده ليجلس امامه : لا تخليها تصحى من صوتك. مسح عيناه بطفولة : ليش ماتفتح عيونه. ابتسم مُخفياً ضيقة : اكيد لما تشبع نوم ، بس اذا ازعجتها الحين بصوتك راح تبكي وتزعل منك. فتح عيناه بأبتسامة وبخفوت غطى ثغره : خلاص بسكت. تكتفت والدته بأبتسامة على تصرفاته. نظر لملامحها الصغيرة ، ثُم لوالدة وبرجاء : بابا خلها تنام عندي. وقف عايد بمُسايرة له : ماتزعجها ؟!. هز راسه بحماس : ايه. نوره بهمس لزوجها : عايد اللي تسويه غلط. تجاوزها صاعداً مع أبنة الذي يقفز الخطوات فرحاً. بللت شفتيها مُتنهدة : اي مصيبه بتطيح فيها ي عايد. صعد انس السرير وأشار جواره : هنا بابا. انزلها بخفة وبهمس : انس انتبه عليها بروح شوي وارجع. حرك راسه بموافقة ، وجلس ينظر لها بتأمل سعيد وثغره يرتسم بأبتسامة عريضة . مسح وجنتها بسعادة بالغه. سحب كفه على دخول والدته. نوره اقترب وتأملت وجه الطفلة ونطقت بعد وقت قصير : تتوقع جوعانة. بتفكير : يمكن. ضحكت لتمسح على خُصلات شعره السوداء : لما كنت قدها كنت تجوع كل ساعتين. نظر لوالدته : ماما متى تصحى ؟. حركت راسها بأبتسامة : بعد شوي. اشأرت له بهدوء : راح انزل اسوي لها حليب اكيد جوعانه انتبه لها حبيبي. اقترب منها اكثر : حاضر ماما. خرجت نورة وتوسطت الصالة بغضب : عايد اللي تسويه غلط ولا انا راضية عليه. عايد نظر لها : نوره انتي اُم واللي مثلك يحس فيها. قاطعته مُشيره للأعلى : فوق كل اللي قلته هنا تقول انتي أم . واكملت مُتحركة بعدم تصديق : انت تعرضنا للخطر. وأشارت لجسدها : أنا وولدك ، وانت والعايد كلهم . وقف بغضب : نوره خلاص ، خذيها وصار اللي صار. مسكت راسها وتركته مُتجه ناحية المطبخ مُتمتمه : ليتك تخف من أنسانيتك ي عايد اللي بتوديك بداهية. . . __ الأن ، الساعه الرابعة صباحاً .. ____ وقفت فوقها ب استغراب من حركاتها. تحركت لهاتفها وسحبته بخبث ، فتحت الكاميرا وبدت بالتصوير همست : اريان . استنشقت الهواء بقوة : اممم. هند هزت كتفها بقوة : ي بنت سحبتي الهواء علينا ، كيف عاد تنتفس. فتحت عيناها لتصرخ بضيق مُغلقتها : يعع ايش هذا بعد الورد وجه عنز. ضحكت هند لتنطق بين ضحكها : تكفين لاتقولين شفطة الهواء ذي تشفطين وردة. جلست بأمتعاض : هند. رمت جسدها على السرير : عيون هند. تنهدت : اه بس لو تشوفين الحلم . رفعت راسها وبفضول غمزت : وايش كان الحلم. اريان اغمضت عيناها : تخيلي بمكان كله ورد ابيض . فتحت عيناها وبحماس : والله مكان غريب وعاد لما مشيت بين الورد لقيت ورده لحالها بعيده وقطفتها فجاه ذبلت ثم جفت . اتكت هند بذقنها على باطن يدها : وش ذا الحلم. اريان رفعت عيناها : بس تدرين وش الغريب ؟. هند تُجاريها : وايش الغريب ؟. اريان بملامح مُستغربه : الورد ريحتها كانت غريبه احس كذا وكاني طفله لما شميتها.. . قاطعتها هند : ي بنت الحلال وش الحلم ، روحي صلي وسوي فطور ابوي قبل يروح للمزرعه. تكتف بحنق : ي سلام ؟! ، وليش علي .. . قاطعتها : اسيل صلحت العشاء مكانك امس. بغضب وقفت : وع اي اساس تسويه مكاني ؟. هند اغمضت عيناها : رايح تسعسعين مع امي الأسواق من كان بيصلح لنا ؟. اريان بعدم اهتمام : ماراح تموتون لو نمتوا بدون عشاء. أشارت للأنارة : لاتنسين تطفين النور معك . غطت اختها الصُغرى لتهمس بتهديد : والله ماخليها الأسيل ذي. وتحركت جهة الباب لتضرب به من خلفها بقوة. هند بصوت عالٍ : هيه لايقوم عليك فهد. . . ___ في جهة مُقابلة في العاصمة الرياض .. ____ عاد من المسجد القريب للفُندق بخطوات ثقيلة ، فتح الباب ودخل بأستغرب من هدوء المكان . اتجه ناحية الغُرفة السوداء في نظرة ،وبحث بعيناه لتقع على فُستان الزفاف الأبيض المرمي ب أهمال واضح امام الحمام ، وتلك العروس النائمة في الوسط السرير وقد ولته ظهرها. رفع حاجبه بكُره : عاد انا اللي ميت ، زين جت منك. خرج ساحباً خطواته لغرفته المجاورة ماسحاً صدره بقهر : الله يسامحك يبه وش ذا الزواج اللي دبستني فيه. سحب الكبك الاسود بأطاره الذهبي بقرف ورماة بعيداً ، نزع ثوبة الأبيض ورماة جهة اُخرى ، تنهد بعجز وداخله يشتعل هامساً : انا ماجد العايد اخذ لي وحده مابيها ومن قرية. ضرب مُقدمة السرير كاتماً غضبه بعضه على شفته السُفلية . تحرك للخزانه الكبيرة وسحب اول سروال بجامة يسقط بين يده ، ذهب ناحية الحمام دخل تحت الدُش وغسل وجهه بقوة محاولاً محو ذكريات الليلة السيئة ، القرية ..سُكانها ، والد العريس الغليظ .. جدتها سليطة اللسان التـي ذهبت ليلتها وهي تُصي بها .. فهي كما ذكرتها حفيدتها المُدللـه . خرج بعد وقت طويل عاري الصدر وقطرات الماء تنزل من خصلات شعره الكثيفه ، اقترب لزر التكييف بـأرهاق زاد عليه ,ثم تحرك لسرير بجسده المُتعب اندس في الفراش بتنهيده راحة , اغلق عيناه بسرعه وهو يدخل العالم الاخر في سُبات طويل. . . __ السـاعة السادسة صباحاً . ___ حملت السفرة وفرشتها في منتصف ارضية الصالة تحركت ذهاباً واياباً وهي تحمل أطباق الفطور . خرجت والدتها من المطبخ حاملة طبق العريكة ( أكلة شعبيه ) المليئ بالعسل والسمن. اخذته من والدتها وبـأمتعاض : افا ي ام علي ، مايكفي عليك انك سويتها تقومين تشيلينها. جلست والدتها في مُنتصف السفره وببتسامة هاديه : يوم شفتك رايحه راجعه ماحبيت اتعبك. انحنت لظهر يدها : ي جعلني والله مانحرم من ذا الحنان. والدتها بأستفهام : الا وين هند ماتساعدك ؟. حركت شفتيها بغيض : وهي يعني بتشتغل في غير دورها ؟. ابتسمت : ومايكفيك امك تساعدك. تربعت جوارها وبتنهيده حُب : اقول ي ام علي ماودك نفطر بس ونخلي النايم نايم . ام علي ببتسامة : والله انها فكرتن مهب شينه . وقفت بضحكة : ومعنا شيخ الشباب. رفع نظرها لها بسُخرية : لاتقولين ابوك ؟!. هزت راسها مُبتعده : ومن غيره الشيخ محمد الـ صايل ! . . . __ .. (نهاية البارت الأول ).. . . البارتات الأولى بتكون اغلبها تعريف بالشخصيات ، والقادم أجمل ان شاءالله نتشرف بـقراءتكم ، ونقدكم الهادف ,ولا تحرموني تواجدكم . لكمّ ودي . ..(سُبحان الله وبحمدة ، وسُبحان الله العظيم ).. |
ماشاء الله تبارك الرحمن
ذوق في اختيارك وعافيه عليك وعلى الطرح الراقي لاحرمك الله رضاه لك كل تقديري واحترامي مجنون قصآيد |
مجهووود متميز ورااقي
سعدت بمصااافحتك هوووووون يعطيك العااافيه شاكره لك |
يسلمو ع المرور
|
آختيَآرَ جَميلَ جِدآ
سَلمتَ علىَ هذهِ الآطَروحهَ الآنيقَهَ وَسَلِمتَ يُمنَآكِ المُخمليِهَ لِ جلبهآ المُتميزَ جَزيَلِ شُكِريَ ..ْ~| http://www.tratel3asheq.com/up/uploads/153532066871.gif |
يعطيك العااافيه على الطررح الروووعه
مجهوودك كبير شكراااا لك من قلبي |
يسلمو ع المرور
|
تألق وتميز
جمال في الطرح وروعة في الاختيار اشكرك واشكر قلمك المميز يسعدني التواجد هنا وانتظر جديدك الشيق تسلم يمينك |
100
مُعجب بكل ماشاهدت وقرأت خلال تواجدي على هذا الموضوع دليل جمال ذآئقه عالية المستوى ودقه في إختيار الطرح شكري لك من القلب على مجهودك محمدالحريري |
سلمت يمناك
طرح جميل جدا |
| الساعة الآن 11:37 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية