رواية غضب وإنتقام طفلة/ 1
 

بسم الله الرحمان الرحيم

روايه غضب وإنتقام طفلة
الكاتبه شــيــخة بــطبــعي


*حياتي بدونكما لاتعد حياه*

*وقلبي بدونكما كعطشانٍ يحتاج الى المياه*



لتين: يممممه مِِـتــ ؟؟! ـى بنروح للسوق
أم لتين:وش فيك مستعجله
لتين:يمه ابي اشتري اغراض العيد بسرعه قررب يجي
أم لتين:طيب باقي شهرين على العيد لسى فيه وقت طويل
لتين كشرت:طيييب
أم لتين:ماعليه حبيبتي لا تزعلين اذا تبغي نروح بكره للسوق بنروح
لتين تعلقت بامها:صدق يمه
أم لتين ابتسمت:اي كله علشانك
لتين باست خدها:تسلمين يا احلى ام بالعالم
شويه سمعو احد يفتح الباب
ابو لتين:السلااام عليكم
لتين وام لتين:وعليكم السلام والرحمه
لتين شافت ابوها حامل شي وراحت له
لتين بفررحه:واااااااو كرتون اندومي احبك احبك يا بابا. ..وضمته
ابو لتين بضحكه:مو لله المحبه كله علشان الاندومي
لتين:لا افااا انت بابا حبيبي
ابو لتين:اممم قررت اقولكم شي
لتين اشتغلت اللقافه عندها:ايش قول
أم لتين:عساه خير
ابو لتين:قررت اخذكم للسعوديه العيد علشان ناديه تزور صديقتها
أم لتين بفرررح كبير: صدددق ياأحمد
أبو لتين:ايه وبنعيد هناك
أم لتين والدموع بعينها:شلون عرفت اني ابي اشوفهاا صار لي 18 سنه ماشفتها
ابو لتين: سمعتك وشفتك يوم تناظرين صورتكم وتقولين ليتني التقي بك
لتين:فهموني ايش فِيَھ
أم لتين:يوم كنت صغيره كانت عندي صاحبه من السعوديه وكنا اكثر من اخوات واهلنا دايم مع بعض ومن يوم تزوجت ابوك معاد شفتها ورجعت هي للسعوديه مع اهلها
لتين: طيب تعرفين عنونها
ام لتين:ايه
لتين:ونااااسه يعني بتعرف على ناس جدد
ام لتين ضحكت
أعرفكم على عايله لتين
ابو لتين:رجل اعمال مشهور باليمن وبكل مكان طيب وحنون على اهله ويحب الكل شعره اسود وعيونه لون ذهبي وطويل القامه عيونه كبار وابيض البشره عمره 38

أم لتين:حنونه طيبه وتحب بنتهاا جميييله بشكل لايوصف عيونها كبار ورموشها طوال وكثيفات ولون عيونها نيلي شعرها قصير لين رقبتها وبيضاء البشره معتدله الطول عمرها. 27
لتين:بنوته حبوبه مره وفيهاا لقافه رهيبه عربجيه درجه اولى بنت فللله مره وتنحب بسرعه ماتحب تجلس مع البنات حتى من وهي صغيره طول وقتها تلعب مع العيال
نسخه طبق الاصل من امها عيونها كبار ورموشها كثيفه وطويله ولون عيونها نيلي فاتح لو بشرتها ابيض معتدله الطول فمها صغير وشفايفها منتفخه وورديه وحوجبها مرسومات رسم وخشمها صغير وحاد شعرها طويل لين فخذها ولونه بني مايل للاشقر جمااالها يذبح عمرها 17

نرجع للروايه

لتين: والله حمستوني مِِـتــ ؟؟! ـى بنروح
ابو لتين:ان شاءالله اخر الايام برمضان
ماحسو الا على احد يدق الباااب بقووووه من قوه الدق حسو ان الباب بينكسر
ابو لتين راح يبي يفتح الباب
لتين حضنته وقالت بخوف: لا بابا لاتروح واالله خايفه
أم لتين بخووف:والله احس احس قلبي ينغزني لا تفتح
ابو لتين:لا تخافو انا معكم
ماحسو الا بالباب طاار من مكانه وانكسر
وقفو مرعوبين من اللي صار
فجاه دخلو لهم سته رجال متلثمين ومعهم اسلحه
أبو لتين:ناديه خذي لتين وادخلو داخل
واحد من الرجال المتلثمين(هشام):لا لا مايصير يروحو قبل مانضيفهم
ابو لتين: اسكت ياحقير
هشام: تو تو تو حاسب على الفاضك تراك تحت رحمتي
ابو لتين:مانحنا تحت رحمه حد الا الخالق
هشام:لسانك يحتاج قص. ...واشر على رجاله راحو اثنين بسرعه وثبتوه
هشام: تبي تعرف مين انا
ابو لتين: ما ابغا اعرف ولا يشرفني اعرف
هشام تجاهل كلامه ونزع القناع:هااه ايش رايك بالمفاجاهه يا احمد
ابو لتين: هشااااام
هشام:ايه هشام بشحمه ولحمه
ابو لتين بحقد: ليش تسوي كذا
هشام:نسيت انك. خسرتني وفلستني قبل سنه
ابو لتين:هي كذا التجاره احد راحبح واحد خسران
هشام:بس انت كنت السبب في اللي صار لي انت اخذت مني الصفقه ودمرتني بس اوعدك ادمرك وانهيك للابد. ......ورفع المسدس جه ابو لتين
لتين بصراخ: لاااااا اقتلني انا بداله
هشام ببرود وجه المسدس للتين
ابو لتين:ياحيوان حسابك. معي انا اتركهم لاتلمس شعره منهم
هشام التفت للتين:انتي لا تستعجلين الحين اخلص على هذا وارجعلك .....ووجه المسدس لابو لتين وابو لتين غمض عيونه وماسمعو الا طلقه نار
لتين بصراخ والدموع في عينها:لااااااااا ماما
ابو لتين استغرب لساته عايش فتح عيونه لقى ام لتين جثه هامده على الارض قدامه
أبو لتين صرخ ودموعه في عينه:ياااااااحقير والله اوريك فكوني ياكلاب خليك رجال تعال وواجهني
هشام ضحك ببرود:غبيه مستعجله كان تركتك تموت ممكن كنت رح اعفو عنها
ابو لتين والعروق باينه في وجهه:نذلللل والله اوريك فكوني عليه حاول يحرر نفسه منهم بس ماقدر
هشام رجع لملامحه الصلبه والقاسيه ووجه المسدس لابو لتين:والحين وين تبي الرصاصه تجي برجلك ولا يدك ولا ...
ماسمعو الا صوت اطلاق النار واستقرت قريب من قلب ابو لتين
لتين بصراخ:لاااااااااااا بابا حرام عليكم انتم مو بشر انتم وحوش
هشام بصراخ:غبييي ليش قتلته كنت ابي اعذبه
واحد من الرجال اللي معه(مازن): لا تنسى انه انا كمان عندي حساب معه وبعدين شله تعذبه يكفيه اللي جاه
هشام ضحك ببرود:ماهقيتك رحيم
لتين زحفت لعند ابوها بدون مايحسون عليها
لتين:بابا قوم الله يخليك لا تتركني
ماحست الا بيده على وجهها
ابو لتين بصوت متقطع وتعبان: بنتي خليك قويه لاتضعفين لا تنسيني ااااااااه
لتين: بااااااابا
ناظرت لقت هشام داعس على رقبه ابوهاا ويناظره ببرود ويظحك
هشام:لساتك مامتت يا الحقير
ابو لتين بصوت متقطع وبتعب:استودعك كك الله هه يابنتي
هشام زاد بالدعس
لتين ضربته على رجله:ابعد عن بابا يانذل
هشام دفها بعيد وصااار يخنق ابو لتين ويدعس على صدره
ابو لتين بنفسه:اشهد د انن لا اله الا الله واشهد ان محمد رسول الله وشههههق بقوه
لتين بصررراخ ودموعها تسيل على خدها:لاااااااا بابا اهيي اهيي
هشام وجهه المسدس للتين:والحين جاء دورك
لتين وقفت:عادي اقتلني مابقي شي اعيش علشانه
هشام كان بيطق الرصاصه بس مازن مسكه واخذه بعيد شويه عن لتين
مازن:اقولك لا تقتلها ماحنا مستفيدين شي من قتلها بقولك بشي تسويه يذلها طول عمرها بعد العز اللي كانت عايشه فيه
هشام:والله فكره ماهيب شينه .... طيب ايش ببالك
مازن قرب منه وقاله كلشي باذنه
هشام: حلووووو اول مره تفيدني ترا
مازن:تراك شفت نفسك مررا
هشام:يحق لي انا هشام ال ....
مازن:مو وقت غرورك امش كلم البنت تجهز اغراضها
هشام:بس انت روح احجز لنا بالطايره لبكره
مازن:طيب لين بكره وين بتحط البنت
هشام:ماعليك انت روح بس
مازن:طيب ..... وراح
وهشام راح للتين
هشام:قومي جهزي اغراضك بتجين معي
لتين وهي تبكي:لا مارح اجي معك
هشام:قومي بالطيب واحمدي ربك اني بخليك تاخذي اغراضك هذا من كرمي الزايد عليك
لتين قامت بصعوبه واتجهت لغرفتها التفت له:لا تدخل معي احد من حراسك انا مارح اهرب
ودخلت غرفتها وقفلت بالمفتاح
هشام بعصبيه:ياحقيره افتحي الباب والله اكسره فوق راسك اذا مافتحتي
لتين:والله العضيم مارح اهرب بس ابغا ارتب اغراضي برتحتي ورح اخرج
هشام زفر بضيق:لك ساعه بس اذا تاخرتي بكسر الباب
لتين طنشته وراحت تحط ملابسها بشنطه وهي تبكي وراحت لبست لها بنطلون اسود سترتش وبلوزه بيضاء طويله اكمام وفيها كتابات انجليزي بالاسود فجاه وهي ترتب ملابسها خطر على بالها شي وراحت لمكان المكتبه واخذت كتاب وانفتح لها باب دخلت منه وكان عباره عن مكان في اجهزه وكمبيوترات للمراقبه
لتين تذكرت كلام ابوها وبكت
ابو لتين:لتونه حبيبتي انا بسوي غرفه مراقبه بالبيت ترصد كل شي يصير لو مثلاً صار اي شي بتسجله ورح اسويها بغرفتك علشان ماحد يخطر على باله مكانها
لتين:طيب بابا بس انا ما اعرف استخدم هالاشياء
ابو لتين:اذا سويتها بعلمك كيف تستخدمينها
لتين:اوك بابا
رجعت للواقع مسحت دموعها وجلست على الكرسي وصارت تضغط على الازرار باحترافيه نزل لها شريط (سيدي) واخذته وحطته بكيس وخبته بمخباتهاونزلت وصكرت الباب وراها
شافت صورتها مع امها وابوها اخذتها وحطتها بالشنطه وراحت تدور على على صوره لامها مع صديقتها كانت قد اعطتها اياها من يومها صغيره
اخذت االصوره وحطتها بالشنطه ولبست عبايتها وطرحتها والنقاب ونزلت لهم لقيت واحد يبغا يحمل امهاا بسررررعه راحت له طياران و وضربته على رجله
لتين:لا تلمس ماما ياحقير
الرجال عصب وكان رح يضربها بس وقفه صوت هشام:ابعد عنها
لتين ناظرته بحقد:ليش هذا واقف عند امي
هشام:من زود كرمنا حفرنا قبر لامك وابوك بالحديقه والرجال كان يبي ياخذ امك ويحطها بالقبر ...ابتسم ببرود
لتين وهي تحاول تمسك دموعها:بليز لاتخلي رجالك يقربون من امي وابوي انا رح احملهم بنفسي
هشام:عشانه اول طلب لك ياحلوه بنفذه
لتين ناظرته بحقد بس ماتكلمت علشان مايفرش،شراعها
لتين راحت لغرفتها وجابت شرشفين قربت من امها باست راسها وغطتها والعبره خانقتها
هشام:احمليها تراهم قد حفرو الحفر
لتين كتمت غيضها وحملت امهاا بصعوبه ومشت بها لين وصلت للحديقه نزلتها وحطتها بالحفره وصارت دموعهاا تقطر على خد امهاا
غطتها تمام بالشرشف ورمت التراب على الحفره
وقامت بصعوبه وراحت لابوها جلست عنده وحضنته وصارت تبكي
هشام:يلا خااارجي
لتين ناظرته ببرود ورجعت نظرها لابوها باست راسه وغطته بالشرشف وحملته بصعوبه ماقدرت تحمله صارت تسحب عليه لين وصلت للحديقه ونزلته للحفره وصارت ترمي بالترابه على الحفره وهي تبكي وتشهق من البكاء
لتين بحزن:الله يرحمكم ودخلكم فسيح جنااته استودعكم الله التى لا تضيع ودائعه
وراحت للبيت
هشام:يلا معي
لتين ناظرته بخوف
هشام:لاتخافين انا رجال بعيالي مارح اقرب من بنت مثل بنتي بالعمر مع انك تطيحي الطير من السماء
لتين ناظرت فيه بسخريه ولزمت الصمت
هشام سحبها من يدها:اقول لك قومي ماتفهمين
لتين قامت
هشام:نزلي هذا من وجهك
لتين بحقد:لا مارح انزله
هشام:اقول نزليه ولا تشوفي شي مايسرك
لتين نزلت النقاب وهي خايفه من
هشام:اي خليك مطيعه كذا وامشي معي
لتين مشت معه بدون اي نقاش
هشام:هي انت جيب شنطتها معك
الرجال:حاظر
لتين مشت معه وركبت السياره والرجال حط الشنطه بالسياره وركب بجنب هشام
انطلق بالسياره لين وصل عند قصر كبييير

*ملاحظه:لتين دخلت دورات فنون الدفاع عن النفس ومعها حزام اسود بالكارتيه ومتعلمه التيكوندو كمان*

هشام:انزلي يلا
لتين نزلت بدون ماتتكلم
هشام مشى هو والرجال اللي معه ولتين بجنبهم دخل لحديقه القصر وراح. ورا القصر وفتح باب الخلفي ودخل وسحب لتين معه ورماها على الارض
هشام بتهديد:ان فكرتي بس تصرخي او تخرجي والله لتشوفي شي اشد
لتين ناظرت فيه ببرود:طيب على الاقل شغل لي النور
هشام شغل النور:شكلي زودت بالكرم معك يلا انقلعي من وجهي ولا اسمع لك صوت نزل وصكر الباب بالمفتاح لتين ناظرت المكان وكان عباره عن مستودع فيه من كل الاشياء لاحضت موجود فيه ادوات رسم ولوحات لتين جلست تبكي وتدعي ربها يفكها من اللي وقعت فيه وصارت تبكي الين تعبت وهدت شويه قامت لعند ادوات الرسم ومسكت الفرشه والالوان جلست على الكرسي نزلت الطرحه على رقبتها واخذت لوحه وصارت ترسم
رسمت صورتها والدموع بعيونها وامها وابوها على الارض ميتين خلصت اللوحه وحطت توقيعهاا

*ملاحضه: لتين فناااانه بالرسم ولحزنت او زعلت تعبر عن مشاعرها برسمه*

صارت ترسم والدموع بعيونها فجاه سمعت صوت احد يفتح الباب خافت وتجمدت مكانها وماقدرت تتكلم
دخل للمستودع ناظر لتين بتعجب وهو منبهر من جمالها مسحور من شكلها وشكل الدموع بعيونها النيليه لتين نسيت نفسها من كثر الخوف
لتين بخوف وعيونها متعلقه فيه:م مين انت
الشاب باستغراب:انتي اللي مين وايش جابك لبيتنا
لتين بدون سابق انذار صااارت تبكي وتشاهق الشاب صكر الباب ونزل للتين

اعرفكم على عايله هشام

هشام(ابو فارس):انسان متصلط وكلمته دايم فوق يحب عياله وانسان مايخاف ربه قليله عليه كلمه حيوان عيونه حاده ولونهن بني شعره اسود ابيض البشره وطويل القامه وعمره 40

مريم (ام فارس):انسانه ماتهتم بعيالها طول وقتها بالعرسات مستهتره وماعندها مسؤليه بس احيان تكون الام الحنونه والرحيمه ماحد يقدر يفهمها هي اصلها سعوديه شعرها قصير لين رقبتها وصابغته اشقر عيونها حلوات ولونهن اسود بيضاء البشره طويله القامه عمرها31 عندها بنت وولد

راما:حبوبه وتحب المزح واحيان غبيه بس مررره عصبيه عيونها كبار ولونهن بني فاتح وشعرها لين اخر ضهرها لونه اسود وخشمها حاد فمها صغير متوسطه القامه وبيضاء البشره عمرها 18
فارس:انسان جدي بس يحب المزح شويه دايم مهاوشه هو واخته فلاوي عيونه كبار ولونهن عسلي فاتح وشعره طويل لين رقبته وابيض البشره طويل القامه خشمه حاد وحواجبه مرسومه رسم عمره 22





*🌸..نهاية البارت..🌸*

قصه جميله
يعطيك العافيه على الجلب

صمت
لِرُوحكْ وَردْ مُخْمَلِي’..يَ عَبقِ البَسآتِين ...’♥

يعطيك العااافيه على الطررح الروووعه
مجهوودك كبير

شكراااا لك من قلبي

سلمت يمناك
طرح جميل جدا

اطيافي
لِرُوحكْ وَردْ مُخْمَلِي’..يَ عَبقِ البَسآتِين ...’♥

نجم
لِرُوحكْ وَردْ مُخْمَلِي’..يَ عَبقِ البَسآتِين ...’♥

الغند
لِرُوحكْ وَردْ مُخْمَلِي’..يَ عَبقِ البَسآتِين ...’♥