ما كسرني في حياتي غير صوره
مات راعيّـه وهي للحين ... حيه


الشاعر / عبد الرحمن بن حمدان الصالحي
احد سكان مدينة الرس بمنطقة القصيم ،
دعى على ولده حمدان بدعوه قاسيه
أثناء خروجه من البيت
وقال : *(الله لا يردك)* !!
وإستجاب الله الدعوه وحصل لـ(حمدان) حادث وتوفي،
وأصاب الوالد بعد دفن إبنه حزن شديد
الى درجة أنه كان يتصل على جوال إبنه ويردد
\وأنشد يقول :
👇🏻👇🏻👇🏻

أدق لي رقم وراعيه مدفون
حسبت جواله ليا دق يوحيه

ما قول لا صاحي ولا أقول مجنون
أقول ملهوف على صوت راعيه

ما في عيوني غير زوله بهالكون
وصوته يناديني وأنا أقول لبيه

تكفون ياللي في سميه تنادون
تكفون يكفي ما بقلبي مكفيه

كان العرب للي يموتون ينسون
والله لا داله ... ولاني بناسيه

وبعد شهرين من وفاة حمدان لحق والده به
حزنا عليه وتوفي رحمه الله ،،،

لا تدعوا على أبنائكم وأحبابكم
إلا بالهداية والصلاح وأستودعوهم الله