 |
منتديات قصايد ليل
(http://www.gsaidlil.com/vb/index.php)
- قصايدليل للقصص والروايات "حصــري "
(http://www.gsaidlil.com/vb/forumdisplay.php?f=114)
- - روايه عودة الم ..9
(http://www.gsaidlil.com/vb/showthread.php?t=124636)
روايه عودة الم ..9
ماجد كان نايم بغرفته ...دخل مجد كانت بارده ..وظلام طالع فيه وعاض يده بقهر : ماشاء الله ناس ماخذه اجازة لها اسبوع .. وناس تكرف زي الثور ...دور لعطر وشاف الغرفه حوسة والدولايب مفتوحه .. استغرب مجد ..ماجد انسان مرتب ولا يحب غرفته حوسة ..طلع مجد لدوامة .. الظهر نزل ماجد شافته امه وانفجعت . ليش غايب ؟؟..ماجد بكسل وخمول : ماقدرت انام ..والحين راسي يوجعني ...دخل ماجد الصالة سلمى : طيب تعال افطر ..ماجد بضيقه : مابي مالي نفس فيه ... مجد طلع من الدوام على البيت .. جته رسالة ( دور بغرفه ماجد وبتشوف انه مايفرق عن هيثم ) مجد انصدم من الكلام دق على الرقم بس مغلق .. وراح للبيت طيران دخل البيت سلم على امه وماجد .. طلع فوق ودخل غرفه دور زي المجنون فيها ..الدولاب الطويل فوقه دولاب صغير فتحه ولقى كيس ازرق صغير شاف فيه بودره وحبوب ....مجد جن وحس ان عقله ماستوعب .. مايبي يصدق ان اخوه يتعاطى ..الشيء ذا هو اللي قلب حياتهم فوق تحت وشتتهم .. اخذا مجد الكيس وركض لاسفل .. هجم على ماجد ومسكه من فانيلتة ويهزة بيد ويده الثانيه شايلة الكيس وبصراخ :: انت حماااار ..؟؟ دللخ ؟؟ .. ماكفاك اللي سوا ابوي فينا تبي تزيده علينا يعني ؟! هذيي اييييييش ؟؟ ويهز بالكيس الازرق قدام عيونه .. سلمى ماتدري وش صاير وفي نفس الوقت خايفة من اللي بيصير ... ماجد كان يطالع الكيس ومصدوم فك يد مجد بعصبية : وانا شدرااني ؟؟ مجد رمى الكيس على الكنب .. امي شوفي... سلمى خذت الكيس وفتحته وطالعت ماجد مصدومة ... .. ماجد باللحظه ذي طاح بالارض وتشنج مجد صاح لامه :: امي عطيني علاجه بسرعه.. وحاول يمسكه ...ودموعة تنزل .. ماجد صار خشمة وفمه ينزف .. امه جات وراح لغرفتة سكر الباب ودخل في دولاب ملابسة .. حاط يده على فمه ويبكي مثل الصغير .. ويتذكر ابوة ..باختصار حس نفسه ضعيف ووحيد ولا قدر يسوي شيء لاخوه اللي يتعذب قدامة .. كان يتمنى ابوة باللحظه ذي معه ويقويه .. تحمل فوق طاقته وشال الهم من بدري عشان خاطر امة وخاطر مايشوف دمعتها وخاطر اخوه ماينقصه شيء .. وفوق كذا ما قدر يحسسهم بالامان ... .... بعد فترة ... ماجد كان نايم على الكنب ... سلمى كانت في الكنبه الثانية نايمة ... نزل مجد ... .. شافهم نايمين راح لماجد .. باس راس اخوه وامة .. وطلع مجد قعد يدور ورى اللي ارسل له وعرف انه هيثم ..... وراح له للبيت .. ... دق جرس الشقه .. قام هيثم بكسل وفتح الباب بدون مايشوف مين ... دف الباب مجد ودخل ...وصفق الباب ..هيثم طالع فيه ومو مصدق انه شايف ولده الكبير اللي من سنين ماشافه .. راح بيضمه دفه مجد : بعد لك عين تسلم علي يامريض ... هيثم : وشفيك ماشتقت لابوك مججد : لا .. ولا فكرت اشتاق لك اصلا ماصدقت انك ذلفت من حياتنا ... اسمع .. علم يوصلك ويتعداك .. اخوي ورب البيت تقرب عليه او تحاول انك تستغله او تاذية ..بتشوف مني شيء مايسرك .. سمعت ؟؟ هيثم يناظر مجد ويشوف جديته في الكلام ... هيثم يضحك : طيب هد هد تعال اجلس ... مجد : مانيب جالس .. جاي اقول الكلمتين اللي عندي وبس ... ولف بيطلع .... هيثم .. :: شلون زوجتي سلمى .... عصب مجد وهجم عليك ودفه على ورى لحد الكنب والكنب طاح على ورى وانقلبو هيثم منسدح وفوقه ماسكه مجد بقوة من فانيلته ..بصراخ : امي لاتجيب سيرتها على لسانك فهمت ؟؟ هيثم بخبث : طيب طيب وش فيك عصبت خلاص .. قام ولف ..هيثم بسرعه اخذ سكينة صغيرة كانت على الطاولة وضرب فيها مجد في ظهره جهة اليمين بقوة .. وقف مجد وكان يتاوه .. من الالم .. لف على هيثم وبدا نظرة يشوش ..هيثم بابتسامة : على بالك اني باترك سلمى لحالها ..لاربيكم ياعيال اللذينا واولهم امك ... مجد طاح على الارض مغمى عليه ... سلمى صحيت مفزوعة ..ناظرت المكان شافت ماجد باقي نايم .. شافت الساعة كانت 1 ونص الليل .........اخذت جوالها وقلبها ناغزها ..دقت على مجد .......مايرد .. استودعت الله فيه وقامت هيثم سحب مجد من شقته لعند سيارته ..قعده على الارض وسند ظهره على السيارة وباقي ينزف ..........وراح ... بعد فترة شافوه ناس مارين في الشارع وطلبو الاسعاف .. يتبع .. |
مكاني
|
الله الله عليك يا ساره
جزء هذا تشقوه سبب هذا اب مجد عطيه يأخذ هذا سم اعوذ بالله من هايك بشر بس شوي فيه حزن هذا بارت انتظار البارت 10 بكل شوق اعجاب وتقيم وختم وتنبيهات |
مازال الابداع مستمر ،
بانتظارك ياجميلة .. لقلبكِ الفرح .. |
قصه قصيره رائعة
جميل قلمك وأصلي ذلك الإبداع لروحك الفرح |
جميل مآخطه قلمك
يعطيك آلف عآفيه ودي الروحك |
جميله جدا
احسنتي |
موضوع رائع ومميز
طرحتى فابدعتى دمتى ودام عطائكِ سلمت اناملكِ على ماقرئت هنا اعذب التحايا لكِ لكِ خالص احترامي |
ي جمالك ي بنت
رائعه حد الاكتفاء فيني لهفه للنهايه ي بنت |
جممميل ي حب
اعجابي وتقييمي |
| الساعة الآن 12:08 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية