 |
منتديات قصايد ليل
(http://www.gsaidlil.com/vb/index.php)
- …»●[الرويات والقصص المنقوله]●«…
(http://www.gsaidlil.com/vb/forumdisplay.php?f=12)
- - رواية /ما توقعت بعد الخيانات يلي عشتها ارجع لاقي حب جديد /البارت الثاني
(http://www.gsaidlil.com/vb/showthread.php?t=163646)
رواية /ما توقعت بعد الخيانات يلي عشتها ارجع لاقي حب جديد /البارت الثاني
البارت الثاني :
~~~~~ و فجأة صارت رؤى بالارض عم تسبح ببركة من الدم اتفاجأ الكل و راحو لعندها و كل واحد يشوفها بيقول هي مستحيل تعيش كانت حالتها سيئة و كانت مغطاة بالدم نادو للاسعاف و اجو و اخذوها و بعد فترة امها لاحظت غيابها فاتصلت فيها ظل يرن و يرن بس مافي رد خافت كثير و رجعت اتصلت بس هالمرة اجاها الرد بعد رنات عديدة ليلى بخوف / ألو بنتي وينك شو صار معك ليش تأخرتي ردت الممرضة / ألو حضرتك امها للآنسة رؤى ليلى / نعم انا امها وين رؤى وين بنتي الممرضة / يا مدام بنتك عملت حاذث سيارة و هي هلأ بمشفى........... كان الخبر مثل الصاعقة لليلى و سقط الموبايل من ايدها صارت تبكي و تصرخ و تقول / بنتي بنتي ليييش يا ربي بنتي ليييش هيييك اجا محمد و شافها بهي الحالة ما فهم شي و سألها / خير شو صاير شبها رؤى ليلى / ....... ( تبكي و تصرخ ) محمد مسك الموبايل و قال / ألو نعم مين معي الممرضة / ألو حضرتك بتكون ابوها للآنسة رؤى محمد : نعم انا ابوها هي وين و مين انتي الممرضة : سيدي بنتك صار معها حاذث و نقلناها لمشفى............. محمد انصدم و سكر عليها فورا و نزلت من عيونه دموع و صار يحاول يهدي ليلى رغم انه هو يلي كان محتاج يلي يهديه و راحو فورا للمشفى و ليلى طول الطريق تبكي وصلو للمشفى و راحو سألو على بنتهم و قالولهم انها بغرفة العمليات و ظلو يستنو لحتى طلع الدكتور بعد شي ساعتين قامت ليلى و محمد فورا محمد / كيفها رؤى شو صار معها الدكتور / استاذ المريضة حالتها مستقرة لكن الحاذث اثر على رجلها و ما رح تقدر تمشي الا بصعوبة بهي الفترة بس بعد فترة قليلة بتتحسن ليلى / طيب بقدر شوفها الدكتور / رح ننقلها هلأ لغرفتها و لما تصحى تقدرو تشوفوها رجعت ليلى قعدت و بعد شوي طلعو رؤى من غرفية العمليات مسكتها امها من ايدها و صارت تبكي / بنتي بنتي رؤى لا تتركيني لا تتركيني لا تعملي مثل ما عمل اياد يا بنتي لااااااا و الممرضات اخذوها لغرفتها و امها و ابوها لحقوها و ظلو قاعدين جنب الغرفة و بعد فترة طلعت ممرضة و قالت / تقدرو تدخلو عندها بس ما تطولو ليلى فرحت و دخلت بسرعة و مسكت ايد بنتها و ضارت تبكي اما محمد فكان يطلع على حالتها و دموعها تنزل مثل الشلال و بعد شوي طلعو بعد شي ساعة دخلت ليلى عند رؤى و قعدت بالكرسي يلي جنب سريرها و بعد شوي قالت رؤى و هي نايمة / ماما بابا....... اياااد يا اياد لا تتركني اياد انا بحبك كثييير لا تتخلى عني اياد بترجاك لا تروح و بعدها سكتت و امها كانت تسمع كلامها و تبكي و فجأة حركت رؤى ايدها و فتحت عينها بصعوبة و قالت / ماماا وين انا امها فرحت و قالت / لا تقلقي بنتي كلشي منيح رح روح نادي للدكتور بعد شوي اجا الدكتور و فحصها و طلع لبرا و قال لليلى و محمد / تعالو على مكتبي استغربو و تبعوه للمكتب قعدو و قال الدكتور / الحمد لله بنتكن منيحة و وضعها مستقر و ما صار معها اي كسور و هي بحد ذاتها مشكلة بالنسبة لصحتها هي منيحة و رح تقدر تمشي بعد فترة قصيرة بس الحادث يلي صار اثر عليها من الجهة النفسية و هي الصدمة مو سهل تتخطاها لهيك لازم تنتبهو و ما تظغطو عليها ابدا و ما لازم تزعل او تتوتر محمد / طيب و متى نقدر نخرجها الدكتور / بعد يومين انشاء الله طلعو من عنده و راحو لغرفة رؤى رؤى كانت تحاول تحكي بصعوبة بس وقفها صوت امها / لا تعبي حالك بالحكي حبيبتي ظلو شوي عندها و بعدها طلع محمد لبرا و ظلت ليلى معها و بعد شوي وصلو كل اعمامها و أخوالها و أولادهن بعد ما خبرهن محمد دخلو للغرفة و سلمو عليها و اطمنو على حالتها و بعدها طلعو كلهن و ما ظل غير الشباب و البنات اميرة / رؤى حبيبتي كيفك كيف حاسة حالك سلمى / اوووو بعديلي تركيني مع حبيبة قلبي اميرة / بالله لا ما حزرتي يا حلوة بعدي ملك / ههههه شو هاد عم تتشاجرو عليها لكان انا كمان بجي بدخل بالشجار سليم : اوهووووو اكلتوها للبنت يلا بعدو بعدو البنات مع بعض / و انت شو دخلك ملك / بالاساس انتو مو لازم تظلو هون نحنا البنات و نحن يلي لازم نظل معها سليم / اي دخيلك بعدي و التفت لرؤى يلي كانت تشوف فيهن و تبتسم / شو رؤى كيفك اكيد جننوكي هدول البنات صح البنات / شووووو نزار / ايي بكفي صراخ ثقبتو ادني اففف رامي / شو يا حلوة كيف حاسة حالك سليم / اوهووو بلشت تتغزل بالبنت رامي / و انتي شو دخلك انا عم بحكي مع بنت عمي سليم / اي مو بنت عمك لحالك هي بنت عمي كمان رامي / اهاا عنجد كنت مفكرها خالتك يلا يلا حل عني رامي التفت لرؤى وقال / شو بنت عمي الحلوة كيفك رؤى ابتسمت / منيحة بوجودكن رامز / قصدك بوجودي لانو هدول مو مهمين سليم / لا يا حلو بوجودي اميرة / اي خلص حلو عن البنت ياااا رؤى ضحكت عليهن و هنن فرحو لما شافوها عم تضحك و فجأة سمعو صوت الباب انفتح التفتو و كان رامز نزار / اوهووو و اخيرا شرفت حضرت رامز / لا تخاف ما اجيت لشوفك. ....... شو كيفك حبيبتي رؤى رؤى / منيحة بوجودك يا حلو سليم / اهااا هو بتحكي معو هيك و نحنا بتضحكي علينا موو اي انا بفرجيكي رؤى / اي هو مو مثلكن هو ابن خالتي يلي تربيت معو يعني تقدر تقول اخي نزار : عنجد يعني نحنا مو اخوانك رؤى / لا يا قلبي سلمى / اووووف منكن يعني ما تقدرو تسكتو يلا اطلعو اتركوها ترتاح الشباب / طالعيييين بس ما بنطول و طلعو الشباب و ظلو البنات معها ~~~~~ ( ما عرفتكن على عائلة رؤى : خديجة : هي خالتها لرؤى و عندها ولولد واحد و هو رامز هو شاب هادئ و ما بيحكي كثير رؤى كانت تظل عندهن كثير بصغرها يعني هو وياها تربو مع بعض و مثل اخوها حاتم : خالها و هو لطيف كثيير عندها بنتين توأم ملك و سلمى بنتين حبوبتين و حلوين يعني جمال عادي و عندو ولد اسمو رامي حلو احمد : و هو عمها عندو بنت اسمها اميرة و ولد اسمو سليم خالد : و هو كمان عمها و عندو ولد و اسمو نزار ) لما اجا الليل راح الكل و ظلو امها و ابوها معها ~~~~~ يوم جديد خلونا نشوف كيف مر على ابطالنا صحت رؤى من النوم و شافت بامها و كانت نايمة على الكرسي و بعد شوي قامت ليلى و حكو شوي و المسا طلعت رؤى من المشفى و راحت للبيت و طبعا ما كانت تمشي بسهولة لهيك كانت تظل معظم وقتها بغرفتها ~~~~~ بعد شي اسبوع تحسنت رؤى و صارت تقدر تمشي و كانت قاعدة مع امها بالمطبخ و فجأة تذكرت موضوع السفر و انو بعد يومين فقالت / مااميي مو قلتولي انو رح سافر عند عمي ليلى / اي بنتي بس انتيي قاطعتها رؤى / ماما انا كثيير منيحة و بدي روح امها حاكت ابوها و هو وافق و حجزلها ~~~~~ بنفس الوقت كان عمر يحكي مع عيلته و قال / بعد يومين رح تجي لعندنا رؤى منال / يااااي رؤى رح تجي كثييير حلو إلين / عنجد اهلا و سهلا فيها إلياس / اي كثييييير حلو و الله كثييير اشتقتلها لهديك المجنونة منال / اي و انا كمان إلياس / منيح انها رح تجي هي افضل منك منال / غبي ~~~~~ بيوم السفر راحت رؤى للمطار و لما كانت تستنى موعد الطائرة اتفاجئت بشخص ما كانت متوقعة ابدا انها تشوفو قامت بسرعة و ضمته و كان.......... ~~~~~ نهاية البارت بانتظار ردودكم و توقعاتكم و الى اللقاء في البارت القادم |
طرررحك رووووعه للموضوووع
والله انك ذوووق يعطيك العاااافيه |
ماشاء الله تبارك الرحمن ذوق في اختيارك وعافيه عليك وعلى الطرح الراقي لاحرمك الله رضاه لك كل تقديري واحترامي مجنون قصآيد |
طرح جميل
|
*،
آنتقاء مميز .. مَ ننحرم من جديدك |
اقتباس:
|
اقتباس:
|
اقتباس:
|
اقتباس:
|
سلمت يمنآكـ على مآحملتهـ لنآ
موضوع عآلي بذوقهـ ,, رفيع بشآنه مودتي |
| الساعة الآن 11:24 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية