 |
منتديات قصايد ليل
(http://www.gsaidlil.com/vb/index.php)
- …»●[الرويات والقصص المنقوله]●«…
(http://www.gsaidlil.com/vb/forumdisplay.php?f=12)
- - رواية جفاف وردة بيضاء في رُكن الذكريات /3
(http://www.gsaidlil.com/vb/showthread.php?t=153370)
رواية جفاف وردة بيضاء في رُكن الذكريات /3
..( البارت الثالث )..
. . . لله در الوقت ! عدداً هائلاً من اللحظات من الساعات من الايام والسنين , وبالنهاية يخلقُ هكذا حياة مرهلة ، ضئيلة ، و مذعنةٌ للأسى .؟ ! .. . . .. ( الساعه 11 ظهراً ) .. فتحت عيناها ب انزعاج لصوت هاتفها الذي يرن لتستوعب اين هي الان ، لتعود لاغلاقها بضيق مما يجري ورفع اللحاف فوق راسها ليعود الهاتف لرنين لتجلس بغضب وهي تصرخ : الله ياخذك ي مها . ليعود الهاتف لرنين مجدداً لتنزل من السرير وهي ترمي اللحاف عنها لتسمع صوت هاتفها في الجهه اليسار من الغرفه لتمشي بسرعه جهة الصوت لتصطدم بحقيبتها الكبيره وهي تقف بشكل صحيح بعد ان كانت ساتسقط لتهمس بغضب : اذا خليتك حيه م اكون ابرار . لتتوجه بخطوات سريعه لشنطتها المُلقاة فوق الكرسي لتخرج الهاتف و بالفعل كانت المدعوة ام الازعاج مها لتهتف وهي تُجيب : نعم خير وش تبين الحين دقيتي مره وحده مارديت ليش الازعاج يمكن مابي ارد ي الحيوانه ؟! مها وهي التي لا يهمها شي لتهتف بضحك : اولاً الف مبروككك الصباحيه ي عروس لتهمس بجراءه ليكون بحضنه وازعجتك . ابرار وهي تعود لسرير لتجلس وهي تهتف بغضب : الله لا يبارك بعدوك ، ايه بحضنه وازعجتيني ماتستحين حتى قال لي جوالك طفيه للابد وصديقتك ذي قاطعيها لتضحك مهااا بشكل مزعج لتغضب ابرار اكثر لتهتف : وجع مو صوت بنت . مها تعود لطبيعتها بعد موجة الضحك : ودي اصدقك بس ماقدرت ، ومتاكده لو طلبك هذا الطلب تركتيه عشاني، الا كيف كانت ليلتك البارح ؟! ابرار بضيق : اموت ي الواثق . مها وقد احست ان صديقتها ليست طبيعية لتنطق : ابرار وش صاير ؟! ابرار تهمس بضعف : ابي ارجع لديره الرياض ماهيب زينه . مها تعود لضحك لتنطق بين ضحكاتها : مين اللي كان يبي الرياض . ابرار بغضب : مها وقفي ضحك ولا سكرت . مها وهي تغلق فمها كان ابرار تراها لتنطق : هاه سكرته تكلمي وش عندك ي بنت الرياض . ابرار : اول مامشيت من عندكم ماقال ولا شي ونزلني بالفندق وراح . مها بعد تفكير تهتف : متى نزلك ؟! ابرار وهي ترجع للخلف لتنسدح بشكل عرضي على السرير وقدميها باقيه بالاسفل لتهتف : 12 . مها وهي تشهق لتمسك صدرها لتهتف : والله وجهه مو وجه عرس ليش يورط بنات العالم فيه ، وللحين برا ؟! ابرار وهي تنطق بعد تفكير : وش دراني عنه . مها نطقت بعد تردد : تتوقعين مجبور عليك ؟ ابرار التي لم تشك في هذا الموضوع ابداً فقد كان ظاهراً من اول لحظة : اكيد . مها لتعود لتسال : غني مثله يجبرونه ع وجه فقر زيك ومن قريه ليش ؟! . ابرار وهي تقف متوجه لزر الانارة وهي تهتف : وش رايك تذلفين وتخلين وجهه الفقر ابي اروح اتسبح قبل الصلاه وادور لي اكل . مها تبتسم لتنطق : اسمعي اذا دقيت تردين مره ثانيه على طول . ابرار تهز راسها كانها تراها : طيب ي الازعاج . مها تضحك لتنطق : مع السلامه ي عروس . لتغلق الخط بوجهها لتنظر ابرار لها وتهز راسها ب اسف ع حالها ، لتضع الهاتف على الكنبه التي امامها وتشغل الانارة لتعم داخل الغرفه التي تراها اكبر من منزلهم مرتين لتعض شفتاها بعدم رضا لما يجري لتقترب من حقيبتها وتجلس نصف جلسه لاخراج ادوات الاستحمام وبجامه لها لتقف وهي تحملها وتتوجه للحمام وتغلقه عليها لتبدا بنزع بجامتها السوداء بعد يوم اسود بنظرها ورميها . ..( الساعه 11 والنصف ظهراً ).. بالمطبخ هند تُقطع السلطه لتلتفت بعد سماع صوت روان : هلا وش تبين . روان وهي تفتح القدر لتشم الرائحة ولتهتف : اللي ماخذ عقلك يتهنى . هند وهي ترفع السكين لتقترب بها لروان وهي تمثل انها تقتلها : اعترفي وش تقصدين ولا ببطنك . روان تهتف بعد ان اعادة اغلاق القدر : نهى صلى الله عليه وسلم عن الإشارة لمُسلم بالسلاح و قال : (من أشار إلى أخيه بحديدة فإن الملائكة تلعنه، حتى وإن كان أخاه لأبيه وأمه) . هند وهي تعود وتهتف : عليه الصلاة والسلام ، بس كنت امزح . روان وهي تبحث عن سكين اُخرى لتساعدها : حتى لو مزح ، الشيطان مامات . هند تهز راسها بمعنى فهمت لتنطق بعد صمت : بتطلعين معنا السوق ؟! لتهز راسها روان دلالة الرفض وهي تقترب لتساعد هند بالتقطيع . لتهتف هند : لاتسوين انك بتساعديني وماتغسلين المواعين . لتضحك روان : والله مافكرت خليني اساعدك ولا رحت على جوالي . ابتسمت هند لتسأل : ليش ماتبين تروحين بالعكس نغير جو مو كل مره نطلع . اجابت روان وهي تكمل تقطيع : لا مابي اروح . لتهمس هند : ليكون زعلانه من اريان . لتضحك روان وتنطق : لا والله مو عشانها وبعدين جات وحبت لي راسي ويدي تطلب العفو وسامحتها . هند وهي ترفع حاجب وب استغراب نطقت : ودي اصدق الا صدق ليش بتجلسين ؟! اجابت روان بمرح : نجلاء بتجي ومعها بناتها . لتضحك هند وتنطق : قصدك نجلاء بتجي هي وبنتها واختها . روان وهي تضحك لتنطق : كيف امي ارضعت بنت بنتها . هند وهي تحمل صحن السلطه لتُجيب ب ضحك : انا م اشيل هم الا نجلاء اذا هاوشت الجوهره تقول م اهاوشها الا تنط بحلقي وتقول لاتنسين اني اختك . روان وهي تضحك لتنطق : امي اصلاً ارضعت العالم . هند تلتفت ب استغراب : من العالم . لتنطق روان : ارضعت اريان مع تركي ، والجوهره معي . لتجيب هند بغضب : لاتسمعك اريان والله تزعل ، قالت العالم قالت . روان وهي تغسل كفيها لتهمس : والله من الحماس تكلمت . هند تهز راسها بضيق وتخرج لتتبعها روان . ليجدو بالصاله اسيل واريان تدلك اقدام امها وتضحك . لتنطق هند ب استغراب : وش فيكم . لتهتف اسيل بضحك : تكفون لاحد يتكلم خلوهم يموتون . لتتكلم الام وهي مغتاضه : اريان تقول دام رجيلاتي يوجعوني بتزوج ابوها . هند واعجبها الموضوع لتهتف : وهي صادقه ليش مانزوج ابوي . روان تنطق بضحك : حرام عليكم لاتزعلون امي . الام تدفع كفوف اريان عنها وتبتعد ب اقدامها بزعل . لتضحك اريان وهي تقبل راسها قبلة طويله لتنطق : والله مايدخل عليك مره وانا حيه . لتهتف هند ب استغراب : الا اريان تقول روان انك رحتي تطلبينها تسامحك ووصلت فيك تحبين لها يديها . لتفتح اريان عيناها بصدمه . وتصرخ روان بُذعر لتنطق : والله امزح . لتعود اريان تجلس وهي تعض شفاتها السفليه : ايه حسبت شي ثاني . روان وهي تنطق بخوف : مافيه شي ثاني . اسيل وهي تنظر لروان لتسال : وش ذا الخوف كله ؟! روان وهي تقول بصدق : من عيونها اللي كانها قطوه . لتُجيب امها وهي تمسح على شعر اريان الطويل : ي زين عيونها و ي زين لونها . هند وهي تنظر للون عدساتها لتنطق : اريان شفتي اجياد . اريان تهز راسها لتجيب : ايه اللي تمشي مع نوره صديقتك ؟! هند تنطق : ايه هي قالت لي اختك من وين تشتري عدساتها قلت لها هذا لونها طبيعي وكذبتني وحلفت لها وورتني صورة عدسات كانها لون عيونك صدق وقلت لها والله مالومك يوم كذبتيني . اريان تسال : وش اسمها العدسات . هند وهي تنطق بعد تفكير : عدسة انستازيا دريم جراي . لتخرج روان هاتفها لتبحث عن الاسم لتشهق بصدمه : سبحان الله . لتنهض اريان واسيل ليقتربو لتنظر لها اريان بصدمه ثم ضحكت : سبحان الله جاتني طبيعي والناس يشترونها بفلوس . اسيل تضربها لتهمس : ي حظك . لتهتف الام : وروني اشوف . قالت هند وهي تنهض : يمه ابوي ننتظره للغداء . الام ترفع عينها من الهاتف الذي بين كفها لتنطق : ابوك راح للمزرعه وبيتغداء هناك مع علي . روان وهي تسال ب استغراب : ليه علي جاء ؟! امها تجيب : ايه امس الليل بس جلس بالمزرعه . اسيل وهي تندب حظها : فالها مع اخوياه و صيد واحنا محبوسين متى بس تبدا الدراسه . هند تغيرت ملامحها لتقزز وهي خارجه : ليتك جلستي ساكته ، روان روحي نادي العيال . اسيل وهي ترفع صوتها : ازين لي والله من الحبسه ذي . لتضربها اريان بضحك : ماجربتي الجامعه عشان تقولين كذا ي بنت الثانوي . روان تنهض وهي تهتف : ع الاقل بنت ثانوي مو للحين بالمتوسط . لتضحك اريان لتنطق : طيب ي بنت المتوسط جيبي ريوم معك تحصلين تركي يكفخها الحين وتضحك له بيخربها الولد ذا . ..( عند ابرار ).. خرجت من الحمام وهي تلبس بجامه لونها كحلي ، وتجفف شعرها بمنشفه ، لتنزعها وتضعها فوق الطاوله وهي تتجه بخطوات بطيئه لاغلاق التكييف ورفع رداء الصلاة المرمي جانباً للبسه وهي تدخل شعرها بشكل جيد لتكبر بعد , اتمامها لصلاة نزعت الرداء وهي تبحث عن ربطة لربط شعرها الطويل بدون مشطه لتجدها , وتربط شعرها لتتجه نحو الباب وخرجت بخطى ثقيلة للمطبخ ذا النظام الامريكي لتفتح الثلاجة لتبتسم لوجود اكل فيها لتهمس : ماعليه يجي منه خير . بعد م انتهت من الاكل سمعت صوت رنين هاتف بالغرفه المجاوره لتقترب وهي تفتحها بدون صوت لتنصطدم من وجوده بالغرفه وهو ينام لتغلق الغرفه بهدوء وتعود للجلوس بالصاله وهي تهمس : اصحيه يصلي ولا اخليه . لتنطق بعد تفكير : لا وش دخلني فيه يصلي ولا مايصلي . . . |
ماشاء الله تبارك الرحمن
ذوق في اختيارك وعافيه عليك وعلى الطرح الراقي لاحرمك الله رضاه لك كل تقديري واحترامي مجنون قصآيد |
الله على اختيارك للموضوع الروووعه
شكرآ على المجهووود بالتووفيق ان شاء الله نجمكم |
100
أناقة طرح وجاذبيه إهتمام و.. اجتهاد واضح في الطرح وذائقة عالية المستوى استمعت النفس بما مرت عليه هنا،،، فبهذا العطاء سنرقي من أعماق القلب أشكرك اخوك محمد الحريري |
يسلمو ع المرور
|
يسعدني المروور بصفحتك
ومشااهدة جهووودك المميزه سلمت وسلم لنا طرحك يعطيك العااافيه شااكره لك |
سلمت يمناك
طرح جميل جدا |
يسلمو ع المرور
|
سلمت يمنآكـ على مآحملتهـ لنآ
موضوع عآلي بذوقهـ ,, رفيع بشآنه مودتي |
يسلمو ع المرور
|
| الساعة الآن 12:30 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية