 |
منتديات قصايد ليل
(http://www.gsaidlil.com/vb/index.php)
- قصايدليل للقصص والروايات "حصــري "
(http://www.gsaidlil.com/vb/forumdisplay.php?f=114)
- - روايتي / من المستحيل ان تهدم صرحٌ انته بانيهـ ...
(http://www.gsaidlil.com/vb/showthread.php?t=182762)
تعجز الكلمات عن تعبيري عن مدى ما كتبتيه لي لذلك اسال الله ان يفرحج كما افرحتيني وان يضحكج حتى البكاء وبسعدج حتى النخاع
|
ننتظرررك عمووووو
|
يلااا في درب اكتب الباقي والله انشغلت هاليومين باذن الله اذا مب اليوم باجر ينزل بارت
|
رد ع روايه
: |
. |
على الرحب وسعه ياخوي والله يسعدني جدا مرورك وانضمامك لروايتي ويسعدني اكثر خيالك الواسع في تخيل الشخصيات واعطائها الدور المناسب لها ..
|
رد ع روايه
تابع البارت الخامس والثلاثون
: بينَ الأضالعِ صخرةٌ لكنّها ممّا جنى الأحبابُ ذاتُ صدوع. : قعدت عهود تحاضيها وتداريها طول الليل وعيونها تدمع وهي تسمعها تتاوه وتون من الضرب والكدمات اللي فيها ... عند صلاة الصبح قامت عهود تصلي ويمعت ونين وضحى الدي قامت بتعب وتي تستند عليها وقالت بتعب وغل: والله ما خنته ولكن حسيبي الله ،، شليني الحمام الله يخليج ... ودتها عهود الحمام ووقفت عالباب لين قضت حاجتها وطلعت لها بغد ما توضت قعدت عالشبريه بمساعدة عهود واستقبلت القبله صلت صلواتها وصلت صلاة الصبح وانسدحت بتعب وهي تشوف اثار يدها والاحمرار في جسمها كامل ... تنهدت عهود بالم وازفرت على حال وضحى بضيق ما بيدها غير تونسها وتواسيها لفوا عالصوت الباب وشافت أمها داخله عليها الدي حضنة وضحى بكل اسى والم وبكت وضحى في حضنها وعند الباب واقفه عليا بضيق اللي عرفت بلي صار من مريم،،، عليا عارفه ان وضحى مالها يد فالمرضوع واكيد انها متعرضه لضغط من يوسف تراجعت على ورى بعد ما سمعت صوت 'بكى وضحى ونحيبها .... : عهود بعد الوجع والالم اللي شفته في وضحى عرفت ان البعد قاسي والغربه صعبه والاصعب من هذا كله ان ما كان لها الرجل المناسب بل كان سبب عذابها وغربلانها شو ذنبها انته اللي ربعت لها واخطبتها هي ما يتك لين عندك انته اللي خطبت وحبيت شحوب ويهها واصفراره وجروح اللي فيها علمتني شي واحد بان لا اثق باي شخص يعدني ان يكون لي سند وامان فالوعود تبطل ومن يخون الوعد يخون الامانه لذلك لا اريد زواج ولا حب ولا وعود كاذبه تجر الخيبة ورائها ... بعد مرور أسبوع كانت الامور نفس ماهي عليا بعدت عن يوسف وحاولت ترفضه ،، ووضحى ما زالت في غرفتها مع عهود اللي ما تركتها وماطلعت من الغرفه ابداً ولا تبا تشوف ظافر ولاحتى تسمع صوته وكانت ام ظافر عتبانه على ظافر ويوسف وعلى اللي سووه وتمت ويا وضحى لين تشافت من ضرب واثارها ... : ••• إني لأدفىءُ روحي حين أذكركُم والدفءُ بالوجدِ فوقَ الدفءِ بالنارِ ♥ : : كانت يالسه في صالة عند اهله وتفكيرها وصل لين حدود الامارات تولهت على أهلها وعلى اختها حتى لو كان الغياب بسبب فغيبتهم وبعدهم اكبر سبب للي انا فيه وش الحيله ان كانت اليد قصيره والعين بصيره تنهدت بضيق وهي مب حاسه بانظار ظافر اللي يسرق النظر لها وهي مب معبرتنه بالوجود حست بلمستها على فخوذها حركة عيونها باتجاهها بضيق وهي تحاول تبتسم بالغصب فاجاتها الام وهي تقول: يلا وضحى قومي بدلي انا وعهود وانتي بنسير نغير جو يلا يا اميه مابا اسمع منج رفض ،،، هزت راسها بضيق بالإيجاب وهي تبا تبعد عنه اساساً وعن هالجو الكئيب دخلت بدلت ع سريع وطلعت وشافت ظافر عند الباب رافع يده بيدق الباب نزل يده وهو يطالعها بصمت بعدت عن الباب وهي متجاهله وجوده مسكها من يدها وهي سحبتها بصمت منه وهي تشوف الموجودين في صاله اتجهت لخالتها وعهود وطلعوا بعد ما وصوا عليا على البيت ... وهم نازلين تحت وضحى قالت : خالتي اباً اروح عند شققنا القديمه بشوف ربيعتيه بفهم منها الموضوع ... راحت وضحى مع عهود وام ظافر سارت عند اختها اللي يووا من كم يوم وراحت تقعد عندها وايين وضحى وعهود عندها بعدين .. : في طريقهن خطفن للكوفي وخذن قهوه يدفن عمارهن واتجهن لشقه روضه دقت الباب وضحى وفتح عبدالرحمن اللي باوت في عيونه الصدمه وهو يقول: وضحىىىىىى !!! يت روضه وافتحت الباب وحضنتها بلهفه وهي تقول: ياعمري يا الوضيحي شو اللي صار لج ليش هلكتي بها الطريقة دخلتها ومن بعدها لفت على عهود وهي تقول: اعذريني حبيبتي ماسلمت عليج ... عهود ابتسم وهي ملاحظه نظرات عبدالرحمن لوضحى والخوف اللي في عيونه ادرمت ان رساله منه مب من روضه ازقرت بضيق وهي تقول لروضه: معذوره حبيبتي ما تنلامين ... قعدوا وضيفتهم روضه وهي تشوف حال وضحى يرثى له قال عبدالرحمن بقهر: وضحى قولي لي شو صاير معاج وصدقيني ما بتخلى عنج وضحى بهدوء وتعب: والله يا جماعه انا اسفه يبتكم لين هنيه وبعدها ماسمعت لكم صوت المهم وطالعت روضه انا استلمت الظرف بس المحتوى اللي فيه ما كان في الحسبان أبا اعرف شو الموضوع روضه ... روضه بضيق وهي خايفه من نظرات عبدالرحمن: انتي فتحتي ظرف قدام ريلج .. وضحى تهز براسها بتعب بلا وهي تقولهم سالفه وليتني ماطرشته جنى عليه هم شاكين الحين ان روضه واحد بس انا متاكدة انج ما بتكتبين لي كلام بها الطريقه والاخ صادر عني كل شي انا بس ييت اعتذر منكم لاني يبتكم بطريقه هذي الحين حتى ماقدر ارد معاكم لان سحب مني جوازاتي وكل شي يخصني .. عبدالرحمن محرووق على وضحى واللي صار لها طالع روضه بنظرات عتاب وهو يقول : وضحى انا بكلم ريلج انتي طلعي منها !! وضحى تطالعه بضيق: لا عبدالرحمن ترا ظافر مستوي طوفان وما يتقارب بس انا أبا روضه تنمر شي هذا .. عهود توترت من الموضوع وحست بعبدالرحمن وهو يقول: انا ما انكر الظرف الظرف لي واللي ياج من اهانه في ويهي انا وانا لازم اتحمل كل شي انصدمت وضحى وبهمس: لا عبدالرحمن تكفى لا تقرب منه ولا تعترف بشي لو كان في مجال لتصحيح الغلط ان كان صلحته بس طلبتك لا تيه ودامه منك الظرف انا راضيه به بس اخلاص انسى الموضىوع والله متواجهة طلبتك يا عبدالرحمن لا تردني .. عبدالرحمن بغصه : بس انا سبب !! وضحى: برايه عادي بس المهم الحين اني ابعد نفسي عن شبهات وابعدك عن الموضوع عشان يصدقون انه مافيه لا حبيب ولا خرابيط ان ظهرت في الموضوع ترا بتصير سالفه نحن في غنى عنها وانته اكرم عنه وعن اشكاله لا تحط عقلك في عقله .. عبدالرحمن بقهر: اذا رديتي له معناته ماعندج كرامه تردين لواحد شاك فيج مب ذنبج انج محبوبه والكل يحبج ترا الحب من الله مب من البشر .. طالعته عهود كيف يتكلم بحرقه على وضحى نطقت بهدوء : لو انته مكان ظافر تصدق.. طالعها بقهر وعصبيه: اخسسسي اصدق ما دامني احبها لازم اوثق فيها كيف اصدق أي شي بدون دليل وحتى لو كانت رساله لازم اتفاهم معاها واحل الموضوع بشكل ودي مادامها حرمتي تراها بتبطي على ناس والعذال بيكونون كثيرين وكان المفروض اتاكد من كل شي قبل لا امد يدي عليها ولف ع وضحى: طالعي شو غديتي عظم ع يلد شوفي ويهجً في المرايه كيف ذبل وشحب... وضحى بتعب: والله اني ادري وعارفه بالكلام اللي تقوله بس طلبتك لا تقرب منه ماباه يصدق ولد عمه انا أحاول افتك منه باي طريقه وتلفوني عنده لو شاك فيني بيظهر شي ضدي وبرايه يصدق بي ما دام انه لين الحين مالقى شي فبدا يعرف ان الموضوع مب صحيح فلا تطلع في حياتي وتبين وجودك بالعكس انته يا عبدالرحمن اخوي اللي ما يبته امي في هالغربة ووجودك معي يحسسني بالأمان.. قطع كلامها صوته الحاد: انا مب اخوووج مافي رابط دم بيني وبينج انا يمكن أكون لج السند الوحيد في الغربه كمحب لكن كأخ ماقدر اتخيلج اخت اسف وشل جاكيته وطلع انتهى ✅ |
والله في الاخير عطاها كاش ماخلى لها فرصه
|
لك خيال جميل جداً دجي
مبدعه دوماً لي عوده باذن الله للقراءه يسعدك ربي ويحقق آمانيك |
بس ظافر استعجل بضربه وضحى
يجب التروي لـ يعرف الوضع وماذا حدث مايتساهل يكون مع وضحى حبيبتي وضحى متحمله كل شي كفايه بعدها عن اهلها دجى ابداع يتلو ابداع تغرق في التفاصيل وتروي الروح من لقاء عانق الاماني تسلم الانامل على هـ الابداع الكتابي تقييمي وhttps://www.3b8-y.com/vb/adby-2020/rating/rating_5.gifـــــاتي ف تحيه معطره بأريج الزهور |
شكرا والله ع مروركم الطيب واللي بصراحه يبهرني ويحمسني اكثر للكتابه شكرا لكمً... جميعا لمروركم الطيب
|
رد ع الروايه
:
: البارت السادس والثلاثون... : : : سَتجد دائما سبِباً للسعادة,فقط تأمل حياتك,وأقُنع بما رزقت وأشعر بالإمِتنان وأعرف أن من حَق نفسك عليِك,أن تشعُرها بالرضا🌈💛✔. : : : بعد مرور يومين عهود تكلم وضحى في الغرفه : صراحه عبدالرحمن معاه حق فالموضوع ... سكتتها بسرعه وهي تاشر على جهاز التصنت .. عهود ارتبكت لكن كملت: ايه عبدالرحمن الطبيب النفسي معاه حق انتي تحتاجين دخول مصحه نفسيه اللي فيج مب شوي ... ابتسمت عليها كيف غلفت الموضوع وهي تقول: انا مب مينونه اسمع شورج وشور الدكتور انا بعافيتي وصحتيه واللي فيني امتحان من ربي ومصير صدق يبان ويظهر ما بيتم دوووم في العتمه ... هزت راسها بضيق وهي تقول بهمس: خلينا نخوزه ... هزت كتوفها بمعنى ماعرف كيف يشلونه !!! مسكت يدها وهي تقرل: شلي اغراضج وتعالي غرفتي بنتكلم ع راحتنا .. هزت راسها بالإيجاب ووخذت لوازمها واحتياجاتها الخاصه فيها وطلعت... : دخل ظافر وقعد في صاله وتلفونها بيده مالقى لها شي ولا واحد بالميه يثبت عليها شيء ضاق خاطره كيف تسرع بالحكم عليها دخل غرفته ومالقاها حس بالوحدة تنتابه وبغرفتها ويشم ريحتها خاف من فكرة انها شردة عنه طلع وهو يحس بالخنقة والكتمه في صدره توجهه لغرفة عهود توه بيدق الباب سمع صوت ضحكهم وهي تقول: بس صراحه حبيت الموقف .. ضحكت بخجل وتوها بترد اندق الباب ودخل بدون ما يؤذن له حس بالانتعاش يسري في قلبه من وجودها كانت الصدمه في عيونهم مستغربين منصدمين من وجوده .. قرب منها وهو يسحب ريوله سحب صوبها قعد قدامها ومسك ايديها في نفس الوقت سحبت يدها منه وهي تقول : مابيني وبينگ كلام لوسمحت ظافر مابا شي يعكر مزاجي خلني أعيش الفرح لو نص يوم مب يوم ... انصدم من ردة فعلها وهو يسحب كفوف يدها له ويضمهن في حضنه: سمعيني ... بعدت عنه وهي تقول: والله انى في حاله ما يعلم فيها غير الله ارجوك ابعد عني احس اني مخنوقه ضايقه طلبتك ابعد عني .. عهود تطالع الموقف بصمت اما ظافر سحبها بقو وارتطم صدره فيها ولفها بيديه الثنتين وهو يمنعها من الحركة ... حاولت تبعد شوي وبتبكي لفت بضيق تطالع عهود: تكفين بعديه عني ... بكت وهي تضربه ع صدره وتقول له: ابعد ترا والله مالي بارض عليك لا تخرب فرحتى ماصدقت انى اضحك واسولف تناسيت الحزن عشان افرح لا تستكثر الفرحة عليه صاحت بغصه وهي تسد اذنيها ماتبى تسمع أي شي منهاره منه ومن وجوده تحاول تتخلص منه باي طريقه وظافر اللي يخاول انها تسمعه وشوي ما حس الا بوجود امه وهي تدفره بعصبيه وطلعه من الغرفه .. قربت منها عهود وهي تحضنها: بس وضوح والله ما يستاهل دموعج بقهر بكت في حضن عهود وهي منهاره وعهود حاوطتها وطبطبت عليها وهي تمسح على شعرها لين حست بانتظام نفسها.. : برى الغرفه .. : امه بعصبيه: انته مينون ولا شو فيك !! عالبنت هاجم عليها ... ظافر بعصبيه: أباها يمه زوجتي ولا اقدر اقرب منها م يصير ... امه بقهر تضربه ع صدره: روح طير بس الحين افتكرت بالبنت بعد ما اكفرت فيها والله ماتبيك ولا تبي قربك عافتك انته وقربك روح عند ام عيالك وفكنا من شرك ولا عاد تقربها وبالتهديد ولا والله يا ظافر تتحمل اللي اييك ضرب بريله الأرض بعصبيه وراح غرفة وضحى كود تهدا اشواقه وهو يلعن نفسه ع تسرعه وغباءه انه خسرها .. : عند هادي واريام .. اريام كانت تعبانننه ومغطيه نفسها بالحاف دخلت أشواق وهي تقول: مططططر اريام قومي من النوم .. اريام بتعب: والله ماروم احس اني مزجمه ومالي بارض على شي ابدا روحي انتي ... اشواق تضحك عليها: يا المينونه اروح وين !! اريام بتعب: والله مادري شو تقولين بس اسايرج ... ضحكت اشواق عليها وطلعت وتصادفت ويا هادي ابتسمت ونزلت وهو راح دخل سكر التلفون بعد ما قاله المحامي عن بعض الأوراق تبى توقيع فر تلفون وتوه بيروح للحمام انتبه لشبريه قرب من شبريه ورفع لحاف وشافها كيف تكورت ع نفسها من البرد قعد قربها وهو يحط ايده ع يبهتها حس بحرارتها قرب وباس خدها وهمس عند اذنها:ليته فيني ولا فيج. بردانه عيوني ... هزت راسها بصمت وهي تسحب اللحاف دخل الحمام تشبح وبدل ثيابه وانسدح قربها ضمها لصدره وهو يبوسها قالت بتعب: اسميك متفيق انا وين وانته وين !!! ضحك وهو يقول: ماعليه حبيبي تراج مريضه وانا الحين ادلعج وادفيج اثتين في واحد ... ضحكت بتعب وباسها بوسه طويله وني قالت: تراني مريضه وبعديگ!! رد عليها وهو يوزع قبلاته دافيه عليها وبهمس ذوبها: حلات المرض يوم ايي من صوبج !! ابتسمت وهي تحاوط رقبته: فديت روحگ .. هادي بهمس: مب ناويه تصيرين ام.. اريام ضحكت وسط مرضها : ليش الحمال بيدي ... ضحك وهو يعظ اذنيها بخفيف: انا ما قلت بيدج بس اشوفج مب متحمسه لموضوع الحمل يعني يوم تتعبين وتمرضين ليش ما تفكرين بان ممكن تكونين حامل ليش ع طول تقولين مزكمة.. ابتسمت بحب: لان الحمل له اعراض والزكام له اعراض وانا اعرف اني بطيت بحملي بس اذا ربي كتب لي نصيب الحمدللهً.. هادي بحب: ورب الكعبه متشفق يكون لي ياهل منج ... حضنتها وهي تدفن راسها بصدره... حاوطها من خصرها وهو يقول: والله انج تسوين نظر العيون ونزل عيونه على صدرها ويحس يدقات قلبه وهو ينزل راسه لصدرها وعنقها ويبوسهن بشغف.. : : عند وضحى قامت اول الصبح بدري تسبحت وتلبست وطلعت في صاله شافت عمتها وعمها باست راسهم وقعدت حضنتها عمتها وهي تقول: ربج اليوم أخير .. هزت راسها براحه قالت عمتها: ليش ما تسمعين لريلج يا اميه وتشوفين شو فخاطره.. طالعت عمها ومن ثم عمتها وقالت: لاني ان سمعت له وشفت عيونه بضعف ويضعف كل شي فيني وانا مابا اضعف قدامه ولا اريد اسمع له يكفي لي ياني منه وعدني يكون لي سند وامان وامن ولكني شفت عمس وعوده لو كنت اعلم بالغيب جان ما وافقت عليه من الأساس .. طبطبت عمتها عليها وقام بو ظافر ومسكها من يدها: حبيبتي توها بترد عليه تحركت عيونها ع باب مريم اللي انفتح ورصت ع يد عمها تتحسبه ظافر ومغمضه عيونها سمعت همسه: افتحي يا بنتي هذي مريم تنفست الصعداء ... قام وهو ماسك يدها واتجهوا لغرفتها دخلوا وسكروا الباب وقفله عمها وهو يمسكها قعدها ع الشبريه وهو يقول : وضحى يا بنتي كل واحد يخطي والانسان مب معصوم من الخطا يا امي ... بخوف رقع قلبه وهو كان يبدل في الممر اللي بين الحمام والغرفه يعني ما يشوفونه ولا يشوفهم بس يسمع أصواتهم تحرك قلبببه بسررعه وهو يسمع صوت ابوه يتكلم معاها ... وضحى لازالت ماسكه يده: عمي وغلاتك عندي لو انى غلطانه بتكلم بس ماني غلطانه يوسف الله يهديه مادري من وين يدخل وضربت يبهتها بخوف ورفعت انظارها لاتجاه الستاره .. عمها بخوف ناظر وين هي تناظر وشاف الليت الأخضر بس مافهم شو سالفه سحبته لين قرب الحمام في نفس الوقت كانت عاطيه ظافر ظهرها وهو دخل الحمام بسرعه واشر لبوه ما يتكلم .. عمها: خير يبه شفيج ،!! وضحى: عمي يوسف حاط جهاز تصنت بغرفتي وهو الله يهديه يباني أكون له حبيبه يقول انا مريض وانتي اللي بتطلعيني من الحاله اللي انا فيها حسيت نفسي رخيصه وسلعه لكل واحد يشوفها كان يهددني الخوف لعب فيني ايي يقعد عندي بس ماتجرا يسوي لي شي ايي بذات في الفتره اللي مايكوون فيها حد في شقه يعلم الله انى ماخنته لا بغيابه ولا بحضوره بس شو اسوي عمي ممكن تقولي يوم انا قاعده طول وقتي بها شقه وهو ينط عليه في أي وقت يباه كانه مرتاح وعارف ان الدنيا امان وما حوله حد بس ترا نظر رب العالمين مايغيب عنا ثانيه يعلم ويعرف كل شي وان كنت بخونه بالله يا عمي بخونه في عقر داره وع فراشه واخو حرمته وخطيب اخته ليش ما عندي ريل يعني وانا الحمدلله عيني مب زايغغعه يا عمي وادور رياييل لكن ماكنت أبا اخرب فرحة عليا بحقيقة خطيبها لكنه ظهر ع حقيقته واعترف لظافر بانه طالع من عندي وهو ماقصر ع طول كوفني ما سالني وكان معطيني وعد يكون لي السند والأمان وما تعدا وعده ساعه يا عمي وخرب فرحتي بطلعه وحرق كل شي فيني هزني قدامهم ذلني يا عمي واختنق صوتها بالعبره ... لمها عمها بضيق وشهقة وهي تقول : ما كان هذا العشم فيه يوم قال انه بيكون لي سند وامان ... حضنها زود وهو يمسح ع ظهرها وهو يسمي عليها وقالها بعد ما بعد عنها وهو لازال ماسك كتوفها ليش مارمستي وقلتي كلنا بنوقف وياج نحن هلج وانا احسبة ابوج .. لمته زود وهي تقول: والله انك ابوي وانا بنتك .. بعثرشعرها وهو يقول : زين الحين شو مطلبج يا بنت ابوج... ضحكت بدلع وهي تحط ايديها ع كتوفه: اممممم رضاك عليه بدنيا يكفي ... ضحك بحب ابوي وهو يقول : انا راضي عنج كل رضى بس انا اقصد من صوب ظافر .. ضايقت من طاريه وهي تقول: مادري والله بس حاليا مابا قربه ولا أبا شوفته ... تنهد عمها وطلع معاها من الغرفة واتجهوا للريوق ،، بعكس ظافر اللي كان شاد ع ايده بعصبيه وضرب باب الحمام من القهر ع سوايا يوسف وتهوره الغبي طلع من الحمام كمل لبسه واتجهه لجهاز تصنت وطلعه وكسررره بغضب وفره في زباله وهو يتحلطم ع يوسف اللي رد الامارت من امس وبقهر مصحوب بغل بتشششوف يا يوسف اثاري هذي علومك وقعد يتنفس بصعوبه ويحس نفسه متسارع قعد ع الشبريه يحاول يرتاح وكلامها يرن باذنه : ( كان معطيني وعد يكون لي السند والأمان وما تعدا وعده ساعه يا عمي وخرب فرحتي بطلعه وحرق كل شي فيني هزني قدامهم ذلني يا عمي واختنق صوتها بالعبره ما كان هذا العشم فيه يوم قال انه بيكون لي سند وامان ...) ... : برى الغرفه بعد ما افطروا تلبسن عهود ووضحى وامهن وراحن يتمشن ... : مريم كانت تبا تعرف وين ظافر ولكنها توقعته مب فالبيت وراحت لولدها .. : عليا وابوها راحوا يتسوقون مع حميد ... : عند روضه وعبدالرحمن يالسين يتمشون بهدوء قال عبدالرحمن: اخبار وضحى . روضه بتنهيده طويله: من اخر مره ماعرف عنها شي لان قالت لنا ان ريلها شل تلفونها لانها لين اليوم ما تواصلت معايه .. هز راسه بالإيجاب ودخل ايديه في جيوب بنطلونه ،، روضه بعد توتر نطقت : ادري غلطانه اني خبرتها عن ظرف .. عبدالرحمن بضيق: سكري الموضوع انا بعد غلطان اني كتبت لها اللي بقلبي شفيها لو لميت حلجي يعني معرسه هل مثلا بترضى فيني لو حياتها كانت حلوه اكيد لا ومن طبيعي جدا انها تفشلني وطالعني بمنظور ثاني حتى الحين في عز مشكلتها تجاهلت موضوعي وهذا صح وانا الغلطان وتنهد بضيق وسكت ... وكملوا مشيهم بهدرء.. : عند وضحى وعهود بعد ما تعبوا من الملاهي اللي راحوا لها بطلب من عهود ووضحى ما مانعت وبالعكس استانست وضحكت ضحك على نفسها انها غامرت باخيس لعبه وكانت تصارخ بس استانست عالصريخ لانه طلعها من الجو اللي هي فيه وحست انها فرغت ضيقتها وكبتها كله في صريخ وعهود اللي لاحظت تحسن حالتها بعد صريخ وضحى تسولف : امانه نروح مطعم والله فله اليوم احس انى اول مره اضحك من قلب .. ابتسمت لها عهود ووضحى قالت: عطيني تلفونج بدق لعبود اخويه بطمن عليه .. عطتها عهود تلفون واتصلت لعبود لكنه مارد تنهدت بضيق وارسلت رياله له ونيت تكتب انا وضحى وردت تلفون لعهود اللي حطته في شنطه وراحوا للمطعم ... عند ام ظافر واخوانها اللي بيردون البلاد بعد ما انتهى اللشيك اب على فحوصاتهم .. ام ظافر : والله مليت انا برد عندكم ... ام كايد: والله مرحبا بكم ام ظافر توجهه كلامها لكايد: احجز لي انا وعمك وعهود ومرة ظافر .. ام كايد بصدمه: ليش مريم بتروح وبتخلي عيالها .. ام ظافر : لا فديتج حرمته ثانيه .. انصدمت ام كايد وقالت: تزوج ع بنت عمه .. هزت راسها ام ظافر بالإيجاب وقامت وهي تقول: يلا بييب الجوازت تعال يا كايد عندي الشقه عشان اعطيك الجوازات.. : في شقه بعد ما اتفقت ام ظافر وأبو ظافر يردون الامارات مع عهود ووضحى تبعد عن ظافر هذا احسن وقت ، وطافر ومريم وحميد وعليا قاعدين في صاله يشوفون موفي وياكلون فشار 🍿 و ذرة 🌽 وظافر ماسك تلفونها ويقرى مسجات اريام وهادي وعبدالله ويشوف صورها في الاستديو توله على صوتها وحضنها حس بكبت في صدره وراح لغرفة وضحى بدل ثيابه وانسدح لم المخده في حضنه وشم عطرها بعمق وهو يتفداها يحس ان من شوق ضلوع صدره بتطلع طلع من غرفتها قبل لا يتهور وقعد في صاله وهو ينافخ بعصبيه طلعوا امه وابوه وقعدوا معاهم شوي وانفتح باب الصاله ودخلوا عهود ووضحى يضحكون وهي تقول: ووالله من قلبي شكرررا عهودي على احلى طلعه ونستيني يا الحب لفت وانصدمت وتلاشت ابتسامتها من الموجودين وراحت لعمها وعمتها وباستهم ع راسهم عمها سحبها بحضنه وهو يقول: بنرجع الامارات قالت بصدمه : صدق عمي !! هز راسه بالإيجاب: ايييه بس انا وانتى وعهود وعمتج باست راسه بحب وهي تقول: يسلم راسك يا بعد راسي ظافر بفضول وحرقه قلب ان ابوه حاضننها وهو لا وصلها بعيد عنه : شو عندكم!! ابوه من دون ما يطالعه: باجر رادين الامارات انا وامك وحرمتك وعهود .. بصدمه وعصبيه قال: شوووو ليش ان شاء الله محد قالي انها بترد ولاذن منو بترد !!! ابوه بهدوء: ظافر البعد زين لك ولها بالبعد بتعرفون شو تبون .. ظافر بغصه وقهر: اباها ورب الكعبه اباها مالي حياه دونها ماقدر ما احضنها هي ضحكة حياتي همست وضحى لعمها: عرفت ليش مابا اسمع له يلا اخذ بديت احن واخنقتني العبره وكتمت ابتسامتها يوم لمحت ابتسامة عمها : اخليج هنيه عيل .. تشبصت فيه اكثر: لا والله معصي ريلي ع ريلك انا بس اقولك ليش ماقدر أواجهه.. ضحك عمها وكمل : سمعني يا ظافر البنت محتاجة شوية وقت والبعد صدقني كفيل يعلمكم ويادبكم ويعرفكم انتوا شو تبون بالضبط... لف لها ظافر وقال: وضحى ! ماقدرت ترفع عيونها بس ردت: نعم !! ظافر: اهون عليج !! شوي وببكي والله قاعد يستعطفني وبحده قلت: مثل ما انا هنت عليك يا بو محمد ...ورحت للغرفه ابدل ثيابي وجهز اغراضي وخذت لي ساعتين ونص وانا ارتب فيهم وعمي وعمتي يالسين في صاله عشان ما يدخل ظافر عندي شوي وانفتح الباب لفيت وع ويهي ابتسامه بس تلاشت من شفته الصدمه شلت لساني من الكلام وانا اشوف دموعه اللي عالقه في عيونه وايديه اللي ماسك فيهن تلفوني وعيونه اللي مانزلهن عني تحنحنت احسسه بوجودي قرب مني اكثر وهو يقول : وضحى .. رديت ورى وطحت على الشبريه سرعان ماعدلت قعدتيه وانا اطالعه بعيون الخوف والحيره وهو يطالعنى بنظرة عتاب وتشتت ولمعة حزن حط تلفون ع الكمدينو وانحنى عليه وكرد فعل رديت راسي ورى وبخوف: ظافر ارجوك اليوم احس صدق انى فرحانه من قلبي اني طلعت من اللي انا فيه ارجوك ابعد وخلني ابعد عن ديارك ومثل ما قال عمي البعد بيعلمنا نحن شو نبا .. بعد عني وهو يقول بصوت مكسور: بعدت عنج عشان ما اهدم فرحتك واخربها مثل كل مره لكن البعد يمكن يعلمج انتي شو تبين بس انا عارف اني اباج وتعلمت من اول لحظه مديت يدي عليج وطلع وتركها ىهو مقهور يبي يضمها يشبع منها ... كملت ترتيب ملابسها وطلعت وماشافت عمها وعمتها عرفت انهم ساروا يرقدون ...سارت تشوف عهود وشوي طلعت عليا من عند عهود وهي تقول: عنبو يا وضحى بتردون وبتخلونا!! وضحىي: محتاجة ابعد والله البعد بيعلمني شو أبا وبيربيني مثل ما ربتني الدنيا على الصبر البعد بيعلمني انا شو أبا وكيف اقدر اجاوز كل شي انا بروح وانتى هنيه عاد الخير والبركة هالله هالله فيهم ضحكت عليا وقالت اختصري وقولي هالله هالله في ظافر .. ضربتها ع كتفها ودخلت عند عهود اللي اسكر شناطها معلنه انتهاءها ... : وفي الصباح جهزوا اغراضهم بيطلعون للمطار وكايد وامه وهله ينتظرونهم برى وظافر قام بيروح وياهم للمطار مع حميد .. انطلقوا للمطار وهم مضايقين ومحد فيهم ارتاح بنومه وصلوا المطار ونزلوا ونزّلوا اغراضهم وراحوا داخل .. : عند لحظة توديع ونداء الأخير طايره سلموا عالجميع وتحركوا وضحى ماسكه عهود ومتجهين للبوابه بيمرون حيت وضحى بحضنه من ورى دفن راسه فيها وهو يقول ؛ ع الأقل جاملي وودعيني خليني اصبر ع فرقاج ودعتج الله ينظر عيني .. عهود انصدمت من اخوها ومن شكله في المطار كيف وابوها وامها يضحكون عليه ابعد عنها وهي ماقدرت تطالعه كل اللي قالته: الله يحفظك ونلتقي ع خير ،، كملوا دربهم وخذوا شنطهم وتوجهوا للطايره .. : انتهى ✅ :butterfly: |
وش صار لعبدالرحمن الظاهر فصل براسه
سلك مبدعه استمري |
قلمك وفكرك روعه يابنتي
وكل جزء تضعين فيه عقده وتشدينا فيها |
سلمتوا عالمرور الطيب
|
تأسف ظافر على فعله لكن لاينفع
بعد وضحى عنه أفضل شي عجبني ابو ظافر لرجوع وضحى للأمارات لاشيء يضاهي هذا الحنين والشوق للأهل وضحى ومشاعرها الرقيقة تواجه الاحزان و الظلم بقلبها الطيب ابدعتي دجى مبدعه دوووماً ولقلبك السعاده |
ماشاء الله عليك يا قلبي
بارت جميل جدا يا حلوووتي كاتبه مميزه روعه في روعه استمري يا مبدعتنا حلوه |
الشكر الجزيل على تعليقكم اللي يبث فيه الدعم والتشجيع
|
والله تعلقت في الرواااايه وصرررت انتظر
اي جزززء جديد |
قريب بينزل البارت اليديد قيد الكاتبه
|
رد ع الروايه
البارت السابع والثلاثون...
: : : صليني، بعضَ الوصلِ، حتى تبيّني حقيقة حالي، ثمّ ما شئتِ فاصنَعي : بعد مرور أسبوعين على سفرهم ظافر كان وايد متضايق يحس نفسه مخنوق ضايع ماسمع صوتها اتصل لعهود وهو منسدح عالشبريه وقافل الباب وحضن المخده اللي فيها ريحتها سمع صوت عهود: هلا وغلا.. ظافر بضيق يتنهد: وينها ولهان ع صوتها احس اني مخنوق مب قادر اكمل حياتي بدونها . عهود كانت حاطه سبيكر وتشوف وضحى اللي تشتت نطراتها في الغرفه ودموعها يهددن بنزول نطق بصعوبه : عهود عهود اللي تروعت من حسه : لبيه ! بغصه واقفه في يوفه: لبيتي في منى ،، وينها خليج محضر خير !! وخليها ترد عليه حرقة تلفونها ماترد عليه ... عهود تشوف وضحى اللي تمسح دموعها بغصه وباين صوته تعبان بهمس قالت: خلاص لا تكابرين خذي بخاطره حرام والله ... وضحى بغصه: ماقدر اكلمه الحين لانه شي هذا بيزيدني وبزيده .. تحنحن بعد ما سمع الهمس وهو يقول: وضحىىى ! وضحى ارتعبت من نبرته وقالت بهمس : هلاا!!!! ظافر ماقدر يكمل حن لها بقوه وخنقته العبره وبهمس مماثل لهمسها: اقتلني الشوووق صوبج . طالعت عهود وهي ماسكه نفسها لاتبكي شهق ظافر بقهر وهو يقول: يلعن شووووق شو يسوي .. تحنحنت وضحى وهي تقول: ظافر اهدا ترا ما يسوى عليك .. ظافر بقهر يصرخ : والله انى مخنوق مخنوق اول مره احس بالكتمه جي احس انى اريد اوكسج....... وانقطع صوته .. بخوف قالت: ظافر ظافر حبيبي تسمعني !!! لكن مافي رد .. عهود شلت تلفون واتصلت بحميد اللي كان يتابع فلم ومريم في المستشفى عند عيالها استغرب اتصال عهود ورد : حي... وقطع عليه صوت عهود الخايف تكفى روح لظافر في غرفه وضحى .. ما كملت كلامها لانه سمعه يتكلم بانفعال وفجأه قطع صوته توقع انه ردة له الحالة ع طول دخل وشافه شله بضيق وهو يحس بثقله بين ايديه وييهه المزرق عرف انه رجعت له حالة انقطاع للاوكسجين وبسرعه طار به المستشفى وصارررخ عليهم ويابوا له سرير واسدحوا ظافرعليه وع غرفة طواري ع طول وهو يشوف ويهه المسود .. كان الخوف وربكه سيد الموقف ،،، شافهم كييف يحطون الاجهزه عليه وجهاز فحص القلب وبعد مده الدكتور قابل حميد وسار له وتكلم حميد : طمني دكتور.. دكتور بضيق: ظافر عنده اكتئاب حاد من قبل مدة زمنيه صح ! هز راسه حميد بضيق كمل دكتور: الحين هو في حالة انهيار ولازم تبعدونه عن أي ضغوطات عشان مايرجع له الاكتئاب انا عطيته مهديء ان شاء الله القى استجابه منهه ! ... حميد بضيق تنهد بصمت وطالع ظافر بتعب من ورى الزجاج الله يهديك يا ظافر خربت ع عمرك بعد مالقيت فرحة سنينك قطع عليه صوت تلفونه ورد ع عهود: هلا عهود تبكي: شو صار طمنا حميد بضيق: انهار وعطوه مهدأ الحين مادري عاد يوم بيقرم شو بيصير ... عهود تتنهد بضيق: طمنا عليه ... سكر تلفون بعد ما طمنها انه بيتصل عليهم يطمنهم ... : : : في الامارت وبالتحديد عند عهود ووضحى ... : عهود تبكي ووضحى تهدي فيها: يا حرمه شبلاج ان شاء الله مافيه الا العافيه ... عهود : اول مره اشوف ظافر يوصل لين الحاله هذي ،، شهقت ببكوه وهي طالع وضحى: حني عليه ... وضحى بقهر: ترا مب بيدي المساله متعلقه بقلبي قلبي كل ما أقول بسامحه احس قلبي يضيق ينكتم ترا قلبي اللي زعلان ولا اقدر اقول بالسانى سامحته بس شو الفايده اسامحه كلام وفعل ماشي .. تنهدت بضجر عهود وهي تقول: برايه المهم انج تسامحينه لو بلسانج تكفين عشان ما يزيد انهياره.. هزت راسها بضعف: اوك خلاص اوعدج اتصل بحميد واقوله اني مسامحتنه بس ترا بعدبن فعليا اذا رد ماعرف كيف بتكون المواجهه بس الله يسررر الأمور ع خير .. راحت وضحى غرفة ظافر وانسدحت عالشبرية وهي تفكر بالموضوع كيف اقدر تقوله سامحتك بس فعليا مب مسامحتنه كيف قلبي لللي تعذب اوووف انا ليش افكر وايد يمكن عقب أسامحه ع كل شي سواه مسكت تلفونها واتصلت بعبدالله ورد عليها: هلا بها الصوت .. وضحى: هلا بالغالي يصير اشوفك عبدالله: نعمم انه يصير ،، انتي في دار ؟؟! وضحى بضيق: هيه بيت هله ... عبدالله: تعالي المول انا متواعد ويا الشباب ومن توصلين اتصلي ... وضحى بصيق: اوك بس مافي مكان ثاني !! عبدالله: وين تبين غناتي .. وضحى: أي مكان !! عبدالله : خلاص شوي وبلاقيج في مطعم ...... عرفتيه !!! وضحى: هيه فديتك !!! عبدالله: يلا اترياج .. وضحى راحت لعهود وقالت لها : تعالي معايه !! عهود : والله وضوح راسي مصدع ومب قادره حتى اشوف دربي أبا انام شويه ... هزت راسها بهيه وطلعت وركبت مع دريول وراحت للمطعم تسستنى عبدالله وخذت مكان فيه بارتشن يوم وصل عبدالله وسيف دخلوا داخل اول ما وصل عندها عبدالله حضنها بشوق ولهفة وهي بكت من الوجع وضيم اللي تحس به عبدالله استغرب بكاها. وقال بهمس: فيج شي !!! وضحى أبعدت عن حضنه شوي: لا فديتك ولهت عليكم ... رد حضنها وهو يمسح ع ظهرها وقال بحب اخوي: تعالي قعدي يا قلبِ اخوج وقولي لي شو فيج .. وضحى رقعت عينها لسيف اللي شاح بنظره عنها وقعد عالطاولة ولا تكلم بكلمة وحده .. وضحى ارتبكت من وجوده وعبدالله : اخبار ظافر .. وضحى تنهدت وسيف ضحك باستهزاء وقعد يلعب بتلفونه ،، تجاهلته وضحى وقالت: شو رايك يعني ماخذ هنتين كيف الوضع .. ضحك عبدالله: اميد ضرابه وغيره منكن يا الحريم .. وضحى تنهدت بعمق وهي تقول : يعني تقدر تقول جذيه !!! ابتسم عبدالله وطلبوا اكل وكلوا .. ومر الوقت سريع وردها البيت وحضنها وهو يقول: لا تفكرين وايد وخليج اكثر هدوء الريال يميل للي ماتزعجه ... ابتسم وابتسمت ولوحت بيدها له ... ودخلت داخل توها بتغير وبتنام رن تلفونها .. ردت بتعب: هلا حميد خميد بسرعه: يرحم امج ظافر يينن فينا ومسك المغذي يبا يبطله تكفين جامليه عشان يرد لوعيه .. ضاقت وخذت نفس عميق وقالت وين هو رد عليها عطيناه مهديء وكلميه عساس انج متصله تسالين عنه شوي بدخل عنده ودقي عساس يحس انج تبينه ماعليه لو غلط اللي اسويه وفوق طاقتج لكن ماريد افقد اخويه تكفين حاولي. غمضت عيونها بضيق وقهر مكتوم: حاضرين من تدخل دز لي مسج وبتصل لك... : -أن تشعر بالأمان في كل شيء تفعله فقط لأن شخصًا عزيزًا يراقبك من بعيد : : في إيطاليا بعد ما دخل حميد ع ظافر قعد عداله وهو يقول: ياريال خيست الدنيا دم من كثر ما تفج هالواير ويردونه لك بخبرك انته شفيك ملص قنا لقيت ضالتك ترد ع خيبتك الأولية ترا الحرمة شاراتنك وتحبك وكم مره تدق تطمن عليك وانته في سابع نومه مب كل مره بيعطونك مهدئات خلاص انته من تسمع صوتها بتهدا من نفسك رشري رن تلفون خميد ابتسم وقال: ها شفت الحب داقه لك يلا انا بخليك تأخذ راحتك معاها .. ظافر اللي رد بشوق وهو يكلمها: مرحبا ملايين ولا يسدن في ذمتيه.. ردت عليه بهدوء وهي داخليا تنتفض من الخووف والربكه: مرحبا بك زود الحمدلله ع سلامتك... ابتسم بهدوء وهو يأخذ نفس عميق: ليشششش مرتبكه الغاليه ... الشر ماييج فديت روحج انصدمت يعرف ادق تفاصيلها لو بينهم مسافات وبحور لو ما تتكلم قطع عليها : الوضيحي ... ردت من دون شعور: لبيييه ابتسم بحب: لباج قلبي يا بعدهم … اعذريني جان ... قطع عليه صوتها: ظافر انا محتاجة البعد عشان اعيد حساباتي .. ظافر بحده: بس مب ويايه تعيدين حساباتج انتي تعرفين انتي بالنسبه لي شو واللي صار غصبا عني وعنج يا عين ظافر.. وضحى بقهر: ظافر وانا تصررت من منو !! من عيرك ولا منك !! انته ما تتاكد من شي اللي يصير ع طول تضارب وتهجم اسلوبك وايد قديم واخر شي شوف وين وصلنا بالله عليك هذا تعامل ،، في شي اسمه تفاهم .. ظافر بقهر: تكفين خلاص خلينا نبدا صفحه يديده مع بعض ... ازفرت بضيق : ان شاء الله .. ظافر: وضحى انا مالي غناة عنج حبيبي والله احبج واغار شو اسوي صدق ما تستاهلين اللي صار لج مني لكن قلبي يحبج وبدافع غيرته العوفه صار اللي صار ويطلب منج العفو والسماح ... وضحى خنقتها العبره وقالت ببحة مخنوقه: بها السهوله يا ظافر ... ظافر مسك تلفونه وحط اغنية عوفيني لعيضه وقال وهو يحط سبيكر من تلفون حميد : سمعي هالاهداء ..عوفيني اموت بهالعشك ، حبيني فدوة اهواية ،ضميني بحضان الكلب نسيني هم دنياية وكتج،، اجيتي وللابد ياعمري ضلي وياية ،، لج اني احبج من صدك يابعد هاي وهاية فدواتة ربي الخالقج فدواتة ،،يالعندي تسوين الهوا ونسماتة ،،يالحبج بهاذا الكلب نبضاتة،،حتى التعب منج يجي اشمحلاه ،،عوفيني اموت بهالعشك حبيني فدوة اهواية ،، ضميني بحضان الكلب نسيني هم دنياية ،، خليني اشوفج عالااقل،، كل لحظة مو يومية ،،ومااريد افارك هالوجه ،يااحلى شيء بالدنيا شكد صارلي عايش انا ،،ماشفت هيج ابنيه مخلوقة من حب ووفى والطيبة والحنية ، لميني ضيعني الوكت لميني ، نسيني كل ذاك التعب نسيني ممنون منج يالي فرحتيني ،، من يوم شفتج كمت احبة لعيني ،، عوفيني اموت بهالعشك،، حبيني فدوة اهواية ،، ضميني بحضان الكلب ،، نسيني هم دنياية ،، وكتج اجيتي وللابد ياعمري ضلي وياية لج اني احبج من صدك يابعد هاي وهاية ،،عوفيني اموت بهالعشك،، حبيني فدوة اهواية ،،ضميني بحضان الكلب ،، نسيني هم دنياية عوفيني اموت بهالعشك،، حبيني فدوة اهواية ضميني بحضان الكلب ،، نسيني هم دنياية : خلصت الاغنيه وسمع شهقتها اللي حاولت تكتمها قد ما تقدر ولكنها فشلت بهمس قال: ورب الكعبه قدرج غالي عندي واعتبريها غلطه وما تكرر .. كانت تبكي من كلمات الاغنيه اللي تحسها مكتوبه لها ومقصوده بالذات لها ماقدرت تجاوب عليه كأن عيضه ينطق بلسان ظافر وحاله دمعت عينه وهو يقول: كرهتيني الوضيحي ... ما سمع منها صوت غير نحيبها تاكد انها تحبه وانها ميته عليه وتباه وهمس بحب: يوم برد لج عين تنظر بصلح كل شي بيني وبينج انتي نادره الوجود صبرتي ع شي ما ينصبر لو وحده غيرج ما تصبر ومقذوفه في قاطعته وهي تقول بانهيار تمفى لا تكمممممل تمفى طلبتك هليني اتنساى الألم والجرح طلبتك لا تتثر الملح ع اليرح تراه ما يبرى .. سكت وهو يسمع انهيارها وكلامها ازفر بضيق وبهمس: انا اللي مب ريال اعق عليج هالرمسه ولا انتي درة مصونه ... انهارت اكثر بكلامه وماقدرت تنطق سكت وبعد فتره قال: ارتاحي وانا بسكر منج لجل ترتاحين ... همست باستودعتك الله وسكرت ... انتهى |
وضحى تعاطفت مع ظافر وكلمته بس فيه شي محير هل ترجع له أو لا دجى الكاتبة المتألقة الجميلة أبدعتِ كالعادة ودي لك مع باقات ورد ودعواتي لك بكل خير |
انا اتوقع ماترجع لو رجعت راح تنهان
اول مره اتوقع ههههه |
واي على جوووو الرومانسي اللي في البارت
ماشاء الله عليك كاتبه مبدعه بارت جميل جدا يا كاتبتنا الحلوه استمري يا مبدعتنا |
اقتباس:
:ro117: |
بيض الله وجهك
واحنا في انتظار جديدك |
ما شاء الله عليك وعلى قلمك
|
وين البارت يا قلبي
في انتظارك |
حبيبتيه ضموي قيد الكتابه ودي اخلصه بس هالفتره كنت وايد مشغوله باثاث البيت وتغير ونقل الى بيتي الحديد وتعرفين الاستعدادات كيف وترتيبات فان شاء الله بكتبه اليوم واخلصه يارب وانزله لكم سامحونى ع تاخير
|
رد ع روايه
:
البارت الثامن والثلاثون...والاخير
:
:
:
مرت ثلاث شهور وظافر يتواصل مع وضحى بالتلفون بس ماعطته الرد الأخير لها كانت تنتظره يرجع عشان تحسم الامر ..
في بيت بو ظافر الترتيبات قايمه ع قدم وساق اليوم بيوصلون بعد ما انهوا علاجهم في إيطاليا كانت متردده تقعد بس إصرار عمها بانها تيلس وتستقبل ريلها احسن استقبال وكمل كلامه: فترة ثلاث شهور اللي بعدتوا فيها عن بعض كفيله انها تعلمكم شو تبون ودليل رديتوا لبعض عادي بس باقي ايي ويثبت لج صدق كلامه ..
تنهدت بضيق والتزمن الصمت ما بعد كلام عمها كلام شافت الترتيبات والاستعدادات دخلت الغرفة وتسسبحت وتلبست لها تنوره وقميص واستشورت شعرها وتركته مفتوح وبدت تحط لها ميككب وتستعد لاستقباله دخلت عليها عهود اللي كانت لابسه مغربي مخصر وهي تقول بفرحه: مب متوقعه انج رضختي ورضيتي تستقبلين ظافر ويانا ...
وضحى بضيق: مادمرت حياتي الا بشكه تتوقعين انى برضى بسرعه يا عهود ...
عهود بوناسه: يلا فليها اليوم عشان خاطري تراهم قريوا يوصلون يلا نطلع ..
ابتسمت مجامله والتزمت الصمت خلصت شغلها وحطت شيلتها ع راسها ولبست اكسسواراتها وطلعت للصاله بعد مالبست كعبها ووقفت في صاله عدال عمها اللي خاضضنها ع طرف ويهمس لها بضحك : لا وصل ظافر الحين وشافج بالكشخه هذي بينسى الزعل كله ..
ابتسمت بضيق وهي تشوف عمها كيف متحمس لموضوع اللقى بينهم ....
:
اما عند المسافرين وصلوا وركبوا مع حميد واللي كان متحمس اكثر واحد ظافر متحمس لشوف غلا قلبه ويسولف ويا حميد وبهمس قال لحميد: علوم الغاليين
حميد : يسرك حالهم بس تراهم ماخذين ع خاطرهم منك..
ظافر يتبوسم: هيه ادري ماعليه لها اللي يرضيها وانا ولد ابويً...
:
مر الوقت بسرعه ووصلوا المسافرين للبيت ...
دخل بلهفه وشووق وهو وده يملي عيونه بشوفتها سسلم ع ابوه وهو يحضنه ويبوووس راس وعيونه ع اللي ورى ابوه بعد عن ابوه وحضن امه وباسسها ع راسها ولف على وضحى وسحبها من ايدها وحضنها واف ايديه حولها وهو يهمس لها: تولهت عليج يا قلبي
ابتسمت بين حضنه وبعدت عنه وهي تقول ببتسامه: حمدلله ع سلامتك
رد حضنها مره ثانيه وهي ارتطمت بصدره بقو وطوقها بيديه الاثنين وهمس لها: خليني في حضنج شوي حسسيني باني ولدج ويبا حنان من امه .. وارخى راسه ع كتوفها..
انصدمت منه ولكن مع نظرات عمها طوقته بيديها وهي تهمس له : ان كنت ولدي وتبا حنان فانا أبا اللي يحطني بين ضلوعه واحس بالأمان بقربه
شد ع حضنها زود وهو يهمس لها: وعدتج بان لج اللي يرضيج قعد ع الكرسي وقعدها عدالها وحاضننها ...
عند هادي واريام ..
عادي كان نازل من دري يدور اريام لقاها في الحديقه عند اشواق قرب منها وحضنها بحب وهو يهمس باذنها: اللي شفته صدق يا روحي..
طالعته بصدمه وهي تقول: شو اللي شفته عمري
سحبها بسرعه لداخل وتحديدا قسمهم قفل الباب وهو يثبتها عالجدار ويناظر عيونها: انطقي يا الخفوق وريحي فوادي ...
طالعته بصمت وهي تقول : شو اللي شفته !!
طلع اللي في مخباه وهو يقول: هذذذا ؟!
ابتسمت باحراج وهي تطالعه نزلت عيونها وقال بحب وهو يقرب منها وطبع بوسه ع شفتها: يعني بصير أبو للمره ثانيه ..
ضاعت بخجلها ما كانت متوقعه يطيح ع جهاز التحليل رفعت عيونها له وعانقت عيونه بكل حب وقرب منها وهو يبوسها وبهمس: وربي اللي خلق عيونج ان فرحتى فيه كانه بكري مو ثانى واحد وقرب منها زود وعانق رقبتها وهو يبوسها بكل حب ....
:
نرجع لوضحى بعد العشا والاحتفال بهم كل واحد راح يريح عن تعب كانت عند عمها تسوي له مساااج وتهمز ريوله بعد ماشافته غط بنوم عميق باست راسه وطلعت وشافت عمتها اللي قالت: ها يمه عمج نام !
هزت راسها بهيه وابتسمت وهي مروحه صوب غرفتها دخلت قسمها وخذت ملابسها ودخلت الحمام تتسبح وتغير ملابسها طلعت نشفت شعرها بالاستشوار وطلعت صوب الغرفه شافته منسدح عالسرير ولابس فانيله وشورت انصدمت من وجوده وقالت : ظافر ..
طالعها بعيونه اللي تلمع وقال لبيه
ابتسمت لبية في منى،، شفيك ما نمت وانته ياي من السفر
اتجهت لتسريحه تحط لوشن ع ايديها وقالت بتوتر: فيگ شي ظافر !!
طالعها وهي تقرب وتيلس على طرف السرير وتمسح باقي لوشن في ريولها سحبها لحضنه بقو وهو يقول: كيف انام وانا ما شبعت من شوفتج انا ماقدر انام وانتى غايبه عن عيوني ثلات شهور ..
ابتسمت بنعب وهي تقول: ظافر ارتاح الحين رلعدين نتفاهم ...
قرب منها تكثر وهو يفول: انا مب ياي اخيرج انا ياي افرض نفسي عليج فرض ثبلتى ولا صديتي بس طلاق لا تحلمين فيه لانه ميتحيل يصير بينا طلاق ان ما كان بينا طفل يجمعنا ما راح يكون بينا فراغ يفرقنا عن بعض فهمتي ولالا
تكلمت وهي بوسط حضنه: بس مب بها سهوله انا عتبانه عليك وايد ووقطع كلامها وهو يطبع بوسه طويلة ع شفتها يعرف نقطه ضعفها وقال بعتاب: بسج عتاب صدقيني ما بيصير اللي تبينه انا ماخذتج عشان اطلقج ان ما كان بينا طفل يملي حياتنا ما راح يكون بينا فراغ عشان ننفصل عن بعض طوقها بيديه الهنتين ما راح اخلي لج الاختيار في البقاء او رحيل لذلك انا بحكم بنفسي انج تكونين قربي ماراح اعطيج مطلبج بسررعه وضحى فكري في الموضوع ماتبين تفكرين اتركي المجال لي وللدنيا تثبت لج ياقلبي
وضحى وهي بين حضنه: بها السهوله يا ظافر تبا تكسبني وتباني لك مب انته.... وقطع كلامها اندماج شفايفهم ببعض وهو يهمس لها بشوقه لها وكلام الحب
حاولت تبعده عنها مب وقت انها تضعف له بس من نزل على عنقها ووبدى يوزع بوساته ويعظ شفايفها راحت بالاحلام وياه ورضخت بهسوله له ...
:
عند مريم رقدت عيالها ورقدت بعد تعب السفر ...
:
عند عهود رن تلفونها وردت : الو
عبدالله: مرحبا حي هالصوت .
عهود استحت: المرحب لا هان
عبدالله: بشري تراضوا
عهود تضحك: ع ما يبدوا لي امووورهم طيبه وفوق النخل
ضحك عبدالله: هههههه زين زين تذكرين يوم كانت داقه من رقمج ورديت اتصل بج وكنتي منهاره وخريتي لي كل شي
عهود : يقهرون وبالذات وضحى تكابر وايد مسويه انا اللي عندي كرامه ولا بخلي حد يدوسها بس شكل اخوي روضها
ضحك عبدالله وقال: ههههه يلا عقبال ما اروضج انا بعد
ابتسمت بخجل وقال عبدالله: خلينا منهم تولهتي عليه ولا
عهود بتسرع: الا شووووق وصل حده يا بعدهم
ابتسم بحب : سديت العووووق عنج يا روح روحي ...
عهود بحب: فديت روحك
عبدالله: بي اخطبج قريب
عهود استحت وبهمس: صار لازم اسكر عنك يا الحب
عبدالله بهمس: احبج يا روحي
عهود : وانا بعد ..
ابتسم عبدالله وانهى المكالمه اما عهود حضنت التلفون ع صدرها وهي تقول ياليتك قربي يا من سكنت بين الضلوع والصدر..
:
وفي صباح اليوم تالي
:
نشت وضحى وهي حاسه بثقله لفت عنه بتقوم حست بيديه اللي تطوقها وتمنعها من الحركة وتقربها لين عنده وبهمس مميت: كيف تقومين وانتي لين الحين مارويتني شوق ووعود ما اتفنقا نحن الاثنين نصلح بينا بطرقنا الخاصه ...
ضحكت بهمس وهي تقول: والله امته محد يروم عليك لا خليت لي كرامه ولا خليت لي طريقه ابعد عنك
بهمس وحب: كيف تبيني اخليج تروحين مني بها السهوله وانا ماحسيت بالغربه الا من بعدج انتي ناسيه انج لي وطن ...
ابتسمت بحب: يعني مجبوره ارضى وارد عليك وأقول رضيت وانته ما تستاهل حد يعفي عنك
سحبها لصدره وهو يبوس فيها : عاد والله كيفج عفيتي ما عفيتي انا ما ارضخ لطلباتج ...
تملكتيني وتملكتي كل ما فيني تبيني اسيرج دوم وبدى يوزع بوساته وهي في حضنه حضنته بيدها وهي تبوس عنقه ....
:
بعد مرور أسبوع وانتشار خطبة عبدالله لعهود اللي عجل بملجته وخلاها اليوم واحتفل معاها بكل حب وود :
عند عهود ككانت في سيارة ملازمه الصمت الا من همسه ودلعه له مسككت يده ليدها وباس اناملها وهو يقول: هممم شو شعورج يا روح والقلب
ضحكت ببساطه وهي تقول : مادري ليش حاسه مستحايه زايد هاليومين ...
ضحك عليها وهو يقول بانهيده: صبر هالقلب يا لله لين ما ينال مراده بالقرب ..
ضحكت عليه وهي تقولي جيه ونحن الحين وين سايرين مب ع أساس انه بلا عرس ولا خرابيط
ضحك وهو يقول: اكيييد بس قربج غير ..
ضحكككت بخجل..
:
عند الوضيحي كانت تسوي مساج لعمها دخل ظافر وقرب منها شالها من الأرض وهو يقول لبوه: سمحلنا ع المقاطعه بس ممتلكاتي ما تتصادر
ضحك الابو وهو يشوفهم كيف فرحانين ببعض ...
:
عند هادي واريام ...
حضنها بحب وهو يقول: ريم قلبي انفتن قلبي بها ..
اباسمت بخجل حبها له كل يوم يزيد باست خده بحب وهي تقول: ضلوع القلب والعوج المحاني لك فيها منزلتن ماهي نفس البشر متميز متفرد في زينك وطبعك يامن ملكتني بحسن روياكم يا بهي الخد ...
حضنها بحب وهو يهمس : ان كنت في قلبج فانتي في عيني وروحي انا جزء ما اتجزا منج يا عيون هادي وقلبه ...
ضمها وهي همست باذنه: "ضُمَّ قَلبك ، و اقرأ عليه بـ اسم ربِّكَ الذي خَلَق ، و أخبره أنَّ الله كافٍ عبده ، فإن تِهتَ فـ إنَّك بـ أعيُننا ، و إنْ أنَّ نَبضُك أعِد الكَرَّة "
النهايه
-
|
بيض الله وجهك يابنتي
وختامها على قولتهم مسك حب واحضان وألفه روايتك تعدت حاجز للابداع فكرك روعه تابعناك من البدايه الين النهايه انت كاتبه ناجخه يابنتي وكلي أمل في جديدك |
38
جززء واحنااااا معك الاخيررررر شي هاادي ورووووعه وفن كااااتبه حمستيناااا من بدااايتهااا للنهاااااايه ترررى عموووو ادمنااااا روااايااااتك لاانك كااتبه خياااليه ومااافيه منك ننتظررك دااااايم |
اااااااااه ي دجى
خاب توقعنا بـ وضحى ورجعت لـ ظافر أكيد حب حقيقي بس كان أنتظرتي شوي بشوف اريام بتجيب ولد اوبنت هههههههههههههه فضول مأروعك ي دجى بين سطورها ... لذة شوق وصدى الحرمان روايه تعبق بالحب والجمال وأحداث صاغتها أناملكِ الرقيقة داعبت أوتارقلوبنا تراقص على أنغامها نبضنا استمتعت كثيرا بالتجول بين سطور احساسك .. دمتِ بكل الحب والخير لك مني ارق التحيات والتقدير |
حبايبي والله كلككم عالعين والراس ونجاحي مازينه الا وجودكم ولولا الله ثم انتم ما كان نجحت متابعتكم لي وحماسكم هو اللي دفعنى اطور في كتاباتي ومشكورين ع رقي كلامكم وانا اشكركم جزيل الشكر ع متابعتكم اليوميه لي واستودعتكم الله التي لا تضيع ودايعه ❤️❤️❤️❤️دمتم بخير وحب
|
اقتباس:
رواية جميله جدا أنتي حقا مبدعه ماشاء الله عليك وكاتبه مميزه أيضا يحظنا فيك وبوجودك وايضا نريد المزيد من رواياتك الجميله :13870514961: |
فيضَ مَنَ الجَمــالْ الَذي سكبتهْ
تِلَكَ الَـأنــاملْ الَاَلمَــاَسيَةَ ..! طًرّحٌ مٌخملَي .., كُلْ شَئَ مختلفْ هُنــا يعطَيكـًم العآفية ..ولـآحرَمنآ منَكـًم بإنتظَآرَجَديِدكًـم بشغفَ |
حبيبتتى سعدت بمروركم جدا لا حرمني الله وصلكم
|
|
طرح يفوق الجمال
كعادتك إبداع في صفحآتك يعطيك العافيه يارب وبإنتظار المزيد من هذا الفيض لقلبك السعادة والفرح ودي.. |
قصة قيمة حقا لك التحايا معطرة بخالص المودة تبتسم الحروف لروعة حروفك سطرت فأجدت وأبدعت وأمتعت تحاياي وباقة ورد.. اهديها لك |
| الساعة الآن 07:19 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية