شكيته للزمن واثر الزمن ضدّي شهر بسلاح
وصوّبني ومكّن رميته مابين الامتاني


عليك الله وامان الله بان البال مايرتاح
ياكيف اسلى وصدّك يـ الغضي بـ الحزن عنّاني
تمر بطيفك احلامي تواسيني على ماراح
وافزّ بلهفة المشتاق اضمّك غير ممداني
غدينا في الهوى غصنٍ ليا ذعذع نسيمٍ طاح
تهالك عرقه الضامي وماتت فيه الاشجاني
رعاك الله ياغروٍ سطى حُبّه علي واجتاح
معاليق الصدر لين امتلك قلبي وشرياني
ورعاك الله ياعهدٍ من الفرقى كساه وشاح
بعد ماكان همزة وصل تربط بين خلّاني
قريتك في كتاب الذكريات وطير قلبي ناح
وعلى خدّي دموعٍ تحكي الواقع من احزاني
وزرعت وماجنيت من الثّمر مايرضي الفلّاح
ورجيت الحظ بس الحظ يامرني وينهاني
هجرني يوم كلاً راح منّي ياعرب وانزاح
وادعني على مركب جفاه وطيّح اركاني