الكفو يبقى كفو مهما تقول الرخوم
 

ياليل لو تاهت دروبك نعرف النجوم=ندرك دروب الوطا بمعلقات السما
ناصل هدفنا ولو تاصل لدق الخشوم=جعل الضعيف يموت ولا يجيله نما
الكفو يبقى كفو مهما تقول الرخوم=عنده كبار البلاوي كنها شرب ما
وأكبر مصيبه تجيه يلفها فالكموم=إما كذا يسمو الرجال ولا لما
يعيش بين الرجال وهو صوت وهدوم=يبيّن الرجل من شبه الرجل عندما
يحل وقت الشدايد ثم تبين العزوم=فالموقف المحرج إن كان الوطيس إحتما
الحر يبقى على اسمه حر والبوم بوم=الوقت علمني إبما لم اكن أعلما
من لاتعلم من دروس الدهر كل يوم=لعل عينه وسمعه للعما والصما
يامكبرين المراكي للحكي والشحوم=يجمعكم الحكي ويفرقكم اللازما
ياطيبكم فالرخا ياقشركم فاللزوم=مثل الغرى في حلوق إرجالكم مثلما
وانا ليا شفتها عوجا ختمت الختوم=صدرتها عاجله حتى تسيل الدما
انا احمد اللي قسم لي من خيار القسوم=ماهي بلقمة ضعيف ٍ ماتصل للجما
أسج رجلي مع أرض الله وأدك الحزوم=اموت ماانظر ورى واعيش ماني كما
رجل ٍ يكمل فراغ وهو ماله لزوم=مايقدم ولايوخر شي وسط الحما
لاصار يربطني فبعض العرب (دوت كوم)=ياجعلها للذهايب والفنا إنما
يربطني الطيب والنخوه وخوة قروم=ماهي بخوة عما يقود رجل ٍ عما
النت مايضيع إمن أهل السلوم السلوم=وإن ضاع درب الوطا عندك دروب السما


أحمدالعارضي

الله يعافيك

على روعة الطرح


كل الود
.,

كلماتك عذبة ..
لها من الجمال والتألق الكثير ..
لقد استمتعت جدا بما قرأت..
من عذب الكلمات والمعاني الجميلة
دام بوحك ونزف قلمك..
ننتظر المزيد من إبداعك.
أرق التحايا لك

http://i128.photobucket.com/albums/p...gold/dg112.gif

ويعافي قلبك ويخليك
ممتنه لجمال حظورك
يسعدك ربي ويحقق أمانيك

يسلموو من ذووقك
ممتنه لجمال حظورك
يسعدك ربي ويحقق أمانيك

ابيات جمييله

سلمتي غلاي

ابدع في ابداع

طرح مميز

تحياتي