رواية /حزينة على ماضي ولىّ و فات
 

البارت 11

سما
قمت الصباح ولبست بجامة ناعمه ابيض واسود
كلمت امي وانا حدي مشتاقه لها.
لازم اقوله اليوم يوديني لها ..
بس بكلمه اذا كان مروق عشان يوافق..
بس هو كل مايشوفني ينقلب وجهه
بس ماعلي منه..جهزت الغداء وانتظرته يرجع
دخل وحسيته رايق ..
قلت بحط له الغداء بعدين اقوله
بعد الغداء دخلت انظف المطبخ ..
طلعت من المطبخ لقيته جالس على جواله ..
تقدمت وجلست بالكنبه المقابله له...
سما بنحنحه وتردد:راكان
مارفع عينه من الجوال:نعم
سما:اليوم ابي اروح لأمي بسلم عليها مشتاقتلها
راكان :لا
سما باستغراب:ليش لا.. من زمان ماشفتها
راكان:مو انتي اللي تقررين اذا من زمان ماشفتيها ولا لا
..انا اللي احدد "وهو يأشر على راسه بأصبعه السبابه"فهمتي
سما والغصه بحلقي ماابي اتكلم اخاف يبين على صوتي
اني ببكي :ايه طيب ليش مارحت لها من زواجي.. حرام عليك
تحرمني من شوفتها
راكانمشى بيطلع من الشقه
ركضت بسرعه الحقه
وقف لف بسرعه
اول مره اوقف جنبه بالقرب على طول رجعت على وراء


مسك عضدي .. لاحظت فرق الطول اللي بيننا راسي واصل
عند صدره
ارتبكت وتلعثمت من مسكته ظل واقف بمكانه ماتحرك..
على طول حطيت يديني على صدره ابعده عني
.. ركضت بسرعه ادخل غرفتي..
ندمت اني تكلمت من الاساس.. ان تكرم علي ورحمني
وداني عند امي .. اما غيره مستحيل اتكلم
مسكت قلبي احس الى الان مرتبكه .. يمه يخوف هيبه جد
احسه مايطيقني ومايواطني بعيشة الله .. ياربيه
مادري ليش .. هذا جزاي اني تنازلت عن حياتي
عشان عياله ..
بس الحمدلله عساه على اجر ان شاءالله
...........
راكان
حسيت انها لحقتني .. لفيت بسرعه لجهتها بشوف ردة فعلها..
ماتوقعت ابدا انها بتبكي ..
حسيت ان الموقف تافه..
فعلا اني متزوج طفله..
عكس مها .. كانت امرأه عاقله وناضجه ..
حسيتها انصدمت مني اني لفيت لجهتها ..
رجعت على وراء .. بس ماحبيت رجعوها ..
مسكت عضدها ماابيها تبعد .. ظليت اطالع عيونها..
بتهور مني بغيت ارفع يدي و امسح الدموع اللي بعيونها ..
بس الحمدلله تداركت هي الوضع وابعدت عني بسرعه
:الحمدلله
...............

ريما
جاوا عندي خواتي يواسوني الا سما بس اتصلت علي
حصة:افتكي منه وتطلقي لاتعيشين مع واحد أهان كرامتك
ولا حط لك اعتبار
ابتهال:اول مره تقول شي صح ياحصه واتفق فيه معاك
حصه تصك ابتهال بالمناديل اللي جنبها:ايه قليلة الحيا
قدامي بعد
ابتهال:ايه والله ازين من انها تصير من وراك
حصه:عاد صدق والله زوجي طلع اهون منكم كلكم
يلعب على المكشوف هههههه
ماعنده حركات الدس والخش كل شي واضح
فديته
ابتهال:هههههه والله صدق شر البليه ما يضحك
.. المهم وش قررتي الحين بترجعين له ولا بتنفصلين
ظليت اطالعهم بدون مااتكلم ..
ماتصل فيني لا امس ولا اليوم.. وقربت تخلص
الاسبوعين ماني عارفه ايش اسوي
وكيف راح اقابله بعد اللي سواها

..........

راكان

دخلت البيت لقيتها جالسه مع البزران
مسكت لمار وقعد العبها
راكان:قومي لبسي البزران بطلع اعشيهم
قامت بدون ماتتكلم شوي وجوني ملبستهم
وشفتها جلست بالكنبه ولا تجهزت لطلعه
عورني قلبي عليها يمكن انها ماتمون علي
لدرجه انها تطلع معاي .. ماتعتبر نفسها من العايله
راكان:قومي البسي انتي بعد
سما باستغراب:انا
راكان:ايه يالله بسرعه مستعجل
قامت دخلت الغرفه وخمس دقايق واشوفها
قدامي باابتسامه شاقه الوجه
لفت لجهة تالا بصوت واطي: قولي لبابا يالله جهزنا
يوم شفت ابتسامتها حسيت انها بنتي اكثر من انها زوجتي
الصبح وهي ماده البوز علي
والحين عشان بس بطلعها رضت وفرحانه
قلبها طيب جد هذا اللي لاحظته فيها
بس تنفرزت من حركتها انها ماتتجرأ وتكلمني لاحد الان
قلت بمشيها لها هالمره
راكان:يالله مشينا

رحنا المطعم

تالا :بابا انا ابي هذا
لمار :وانا ابي هذا بعد
تالا:لا انتي مو لازم انتي صغيره

سما:لا مو بزر .. قولي حبيبتي وش تبين
راكان:ماتدخلين بينهم .. كيفهم هم خوات
مالك دخل فيهم
سما:ايه بس حرام تمحي شخصيتها
راكان:ماتحسين بالغتي بالكلمه
سما:لا بس جد انت ماتشوفهم كيف بالبيت ك..
قاطع كلامها دخول القروسون وحط الاطباق على الطاوله

سما
حسيت بقهر بصدري .. اف مايرضى على هالتالا
والله اني احبها وهي طفله مااحط عقلي بعقلها..
بس حركتها تنرفزني جد ..
قرهني انه يدافع عنها ولمار لا
حسيته بس يبي يكسر كلمتي قدامها..
عشان ماافرض شخصيتي عليهم
يبي بس هو اللي يتحكم فيهم
والله ماعرفت وش اللي يرضيه يارب صبرني
............

سعود:حبيبتي ريوم كيفك ..
مشتاقلك حيل
اعد الايام عشان اجيك
بس كله من مديرنا الزفت كل شوي ممدد لنا الدوره
يقول يمكن نجلس 4 ايام زياده
عاد مدري بشوف
مااقدر استغني عنك مره ثانيه

ريما احس سكين تطعن صدري:ايه ... وانا بعد
سعود:وش فيك .. صوته فيه شي
ريما:لا حبيبي مافيني شي تطمن واستانس هناك لاتشيل همي
سعود:وين استانس وانا بعيد عنك ..
وهالمدير الزفت مايخليني بحالي
يالله يالله حبيبتي شويات وادق عليك مع السلامه
ريما:مع السلامه
بكيت بحرقه .. جد اني مغفله وكان معمي على عيوني
بسبب حبي له :حسبي الله ونعم والوكيل
..........

سهى

لمى:سهى شفتي وجدان اللي بثالث ب
سهى:ايه وش فيها
لمى:تركت الدراسه هالاسبوع هذا
سهى:ليش بسم الله
لمى:يقولون راحت مع امها تعالج برا وفوتت عليها هالسنه
عشان امها الله يشفيها يارب
سهى:ياحياتي .. الله يشفيها .. ليش هي وش فيها بالضبط
انا اتذكر انها مقعده بس فيه شي ثاني
لمى:ايه قبل تقريبا شهرين كانت لحالها بالبيت
وغلت لها مويه ويوم جت بتشيل المويه
انكبت عليها واحترق كل جسمها
سهى:ياحياتي الله يكون بعونها
فاطمه:ماتدرون وش مسويه بحياتها عشان ترحمونها كذا

سهى بنرفزه وحميه :اعوذ بالله اقول اتقي الله بس
وش هالكلام استغفري ربك لا الله يبلاك
ان كانت سوت شي فهذا شي بينها وبين ربها
حنا ماعلينا منها
بس حنا مالنا اللي الظاهر والظاهر
يقول لنا انها حرمه ضعيفه ومريضه
الله يكون بعونها
لمى بقهر اكثر:اعوذ بالله منك
قلبك اسود يافطيم
والله ماكنتي كذا
ظلت تناظرهم وقامت عنهم
لمى:الله يهديها كل مالها تتغير للسوء
كله من اخوها حسبي الله ونعم الوكيل عقدها
سهى:والله يالمى البيوت اسرار ماتدرين وش يصير
بهالبيوت الله يفرجها على كل مسلم


.........

ام سامي:ياوليدي الى متى وانت على هالحال
سامي بضيقه:اي حال يمه
ام سامي:ابي ازوجك انا خلاص تعبت منك..
تكفى اسمع كلامي وتزوج واستقر
خواتك اللي اصغر منك تزوجو وانت الى الحين عزابي
اصدقائك كلهم تزوجوا
سامي:لا مو كلهم باقي عزام

ام سامي بنرفزه منه:الحين كل هالكلام اللي قلته لك
ماركزت الا على ذي
سامي وهو يحب راسها:هههههه
يايمه الله يهديك خلاص..قفلي على الموضوع
اذا انا نويت اتزوج على طول اول ماتجي النيه براسه
بخبرك لاتخافين
ام سامي:ابي اشوف عيالك قبل لاموت
سامي:اعوذ بالله .. ياجعل يومي قبل يومك
لا ان شاءالله بتشوفينهم وتحظرين عرسهم بعد
ام سامي:اللهم امين يارب

سامي
اه يايمه لو تدري وش شاغل بالي
كان مافكرتي فيني وبزواجي
الله يكون بعونك ياريما

انتهى البارت
بقلم :
سلام

الله يعطيك العافيه على الطرح
اللي كله ابداااااااع


حضوري شكر وتقدير لك
ولاهتمامك في مواضيعك


اخوك
نجم الجدي

100
أناقة طرح وجاذبيه
إهتمام و..

اجتهاد واضح في الطرح
وذائقة عالية المستوى

استمعت النفس بما مرت عليه هنا،،،
فبهذا العطاء سنرقي

من أعماق القلب أشكرك

اخوك
محمد الحريري

http://img.el-wlid.com/imgcache/282050.gifhttp://img.el-wlid.com/imgcache/282050.gif