كلْ شعور المره الاولى يُعد
اجمل الاشيا وذو طابع فريد
بس شوفك رَغْم تكرار الوعد
كنّه المره الاولى من جديد
جيت لك .. كنّي مبشّر في ولد
ورحت منّك .. كنّي امودع فقيد
لا اله الا الله الفرد الصمد
ولا غرام .. الا غرامك فالوريد

لا سألت اخر لقى سبت ؟ او احد ؟
قلت مذكر بس الاذكر .. صار عيد
كل م اسمع كلمة ( ابشر بالسعد )
قلت اكيد ان اللقى .. ماهو بعيد
وان تزاعلنا .. وطوّلنا الامد
كل أغانينا لنا .. ساعي بريد
لا توصيّني على حبك ابد
ما يوصّى شايب .. فْـ ابنه الوحيد