 |
منتديات قصايد ليل
(http://www.gsaidlil.com/vb/index.php)
- [ابكتب من قصيدي الوزن وغيرهـ من شعر منثور]
(http://www.gsaidlil.com/vb/forumdisplay.php?f=10)
- - الاربعاء سافرت وعن البلد غبت
(http://www.gsaidlil.com/vb/showthread.php?t=28028)
الاربعاء سافرت وعن البلد غبت
صباحكم شعر
, , في صدري المكبوت..للحـزن رَتَّبْـت.. مجلس.. وانا صار اشهَب الهَمّ مركاي .. وللبُعد طبت.. ومن عنى البُعد ماطبت..! كَنِّـه يبـي عَزْلي,وطَردي,ومنـفـاي .. ياهـو غيـابٍ مـع مداده..تشَعَّبْـت.. كِلِّي.. وتاهَت سِكَّـة القلـب بخطـاي .. يامِبعِـدٍ بـي ليـن تِهْـت وتَغَرَّبْـت.. من غِبْت مَعرِف وش كياني ومَعنـاي..؟!! أدميَت قلـب الجَـرْح بالبُعْد..والهَبْـت.. إحساس جَمْر الشوق من نار الاِقفـاي.. وش طَوَّل اليوميَن؟..ليَن اوشَك النَبْت.. على اليِباس..وقيَـظ فرقـاك شـوَّاي .. الأربعا سافَرْت وعـن البَلَـد غِبـت.. وتقول: يوم السَبْت من سَفْرِتِك جـاي! واليوم! راح السَبْت,والسَبْت,والسَبْـت سَبتيَن..والثالث! حداني علىْ اقصـاي أبطـيـت بغيابك,وبالَغْت,واسهَـبْـت وانا انتظر سَبْتٍ معـه غايـة اِمنـاي ماتدري اِنِّك فـي شِتاتـي تِسَبَّبْـت؟! مِمّا حَجَب فكري عَن الحَـلّ والـراي! ياخي تراك اوعَدْت,واخطيَت,واذْنَبْـت.. تعـال واِنثـر وَرْد عـذرَك بدنـيـاي .. مانيِب قايل: وِش غَنايِمْك؟وِش جبـت؟ شوفَتْك!..تسوى مال حاكِـم برونـاي..!! هاذا وانا! مااَقول عَن شوفْتِـك تِبْـت ورَبّـي! مراقبني..ويَعلَـم نـوايـاي .....! عَن مابقلبي مِن وَلَه! قلـت واعرَبْـت.. متـى يفارقنـي مَـع الوَنَّه,النـاي؟! ومن طيِب قلب الاربعا!..صَدَّق السَبْت.. والسَبْت من كثره..حَداني علىْ اقصاي .. |
الله يعطيك العافيه
جهد وتعب يستحق التقدير هكذا اريدك والمزيد اطبل منك الف شكر |
| الساعة الآن 01:26 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية