رواية كنت بربيك بس بدون مدري حبيتك يا مجنونة / البارت الثاني عشر
 

البارت الثاني عشر
وســـألت الناس وش هــو سبب وفــــاتــــــه
واستغربوا وقالوا من تكون انت بحياتـــــــــه
قلــــت انا مــن كــان نبض قلبــه ودقـاتـــــه
وتمنيت وقلت ليتني ميت مــع مـماتـــــــــه


كانت مخنوقه من حلمها ماهي حاسه بنفسها ولا بتصرفاتها اول مره يصير معها كذا حاولت تمسك نفسها بس لما حضنها بقوه انهارت وقامت تبكي بصوت عالي

...: لاتين قوليلي وش فيك لاتين تسمعيني

لاتين تبكي حرقه : رائد تكفى ابيه يا رائد والله هو قال بيرجع ليه يروح ويخليني
رائد ماسك اعصابه ما يبي يتسرع : مين ذا
لاتين بقهر وهي تتكلم كانها طفله بعمر 5 سنين : محد مثله هو غير غير عنكم كلكم اكرهكم انا احبه هو بس وليد بس
وقامت تبكي ورائد للحين حاضنها ما يدري وش يسوي يذبحها عشان الكلام اللي تقوله او يواسها
افكار كثيره براسه بس كل اللي سواه انه ضل حاضنها ويمسح على شعرها
شافها نامت شالها وحطها على السرير وغطاها وجلس جنبها كان يفكر وبنفس الوقت مقهور: معقوله هم يقولون انها عديمة احساس وما تبكي واللي شفته انا غير غير عن كلامهم
ووجه نظره لها وقال : انتي وراك اسرار كثيره وانا اللي بعرفها ووليد هذا بدفنه وهو حي
وقام بهدو وراح يكلم محمد

مع الدقه الخامسه
محمد : هلا والله هلا بالزين
رائد بقهر : محمد ابيك بسرعه تبحث لي عن وليد
محمد مستغرب : الناس تسلم ياولد الناس انا كم مره بعلمك
رائد بقهر : محمد والله موب وقتك
محمد : طيب هدي شوي انت وفهمني
رائد : اسمع في واحد اسمه وليد لاتين من اليوم وهي تهذي باسمه ابي اعرف عنه كل شي عشان اذا ذبحتها يكون مع الحق بسرعه
محمد ينكة : اها قلي الحين ليش معصب وحالتك حاله اثاريها الغيره وما تسوي
رائد معصب : محمد تدري لو مسكتك وش بسوي وربي لا افتتك بسناني
محمد يضحك : ههههههههههههههه يقطع الحب شو بيذل
رائد بقهر: محمممممممممد اي حب يا محمد ابفهم
محمد بضحكه: خلاص خلاص ماتحبها والله ماتحبها
رائد :طيب انا بقفل الحين اكلمك بكرا
محمد : يالله مع السلامه
رائد : مع السلامه

سكر منه وراح ينام



يوم ثاني واحداث جديده

صحت من النوم وهي مستغربه اللي صار حلم او حقيقه اللتفت لمه وشافته نايم جنبها فزت من السرير وجلست تناظر مستغربه
تقول بداخلها : معقوله يكون مو حلم ويكون حقيقه لالا ماتوقع
راحت تسبحت ولبست زي كذا


وحطت كحل وقلوس
وسوت شعرها كذا

وراحت تدور شي بالثلاجه لقت عصير صبت لها بكاس وشربت منه
.....: مين وليد

طاح الكاس منها






بالسعوديه

كانت جالسه تفكر باللي راح تسويه وخايفه
اتصل جوالها وفزت
....: الو
....: هلا سمر
سمر : هلا لينا
لينا : الاخبار
سمر : تمام وانتي
لينا :بخير دامك بخير
سمر : لينا وربي خايفه من اللي بسويه
لينا : ماعليك انتي موب تبين تريحين اخوك بقبره
سمر بصوت مخنوق : ايه
لينا بشر : اجل سوي اللي اقولك عليه ياقلبي ولا تخافين
سمر : طيب



بفرنسا

كان معصب راح لها ومسك يدها بقوه : اقولك من وليد
لاتين بحقد : مالك دخل واسم وليد لا تنطقه على لسانك ترا تلوثه
رائد عصب عطاها كف بقوه ومسك شعرها وقال وهو مسكر سنونه : والله ويمين الله اني لو اشوف وليد هذا لا اذبحه قدامك واذبحك وراه
لاتين ببرود واسلوب منرفز : هه هذا اذا شفته ياروح امك
فكة شعرها منه وراحت للغرفه

اما هو كان منصدم منها ومن جرائتها وكيف تتكلم عن وليد هذا
راح بكلم محمد بس شاف 7 مكالمات من امه وقرر يتصل عليها

رائد : هلا بالغاليه
ام رائد : هلا بولدي كيف حالك
رائد تنهد : بخير دامك بخير
ام رائد مستغربه : وش فيك ياولدي
رائد بهدوء : ولا شي يالغاليه الا سبع مكالمات بغيتي شي
ام رائد : ايه بغيت اقولك قل لم لاتين اذا تبي تعزم احد من اهلها بزرعتنا عادي
رائد : ابشري الله يطولي بعمرك تعبتك معي
ام رائد : تعبك راحه ياولدي يالله مع السلامه
رائد : هلا والله مع السلامه

سكر منها وراح متوجه للغرفه وسمع صوتها تكلم بعصبيه

لاتين : انتي حيوانه تدرين ولالا
...: لاتين افهميني والله ماكنت عارفه
لاتين : لا مو انتي تقولين ان راكام اللي بيتزوجك مو رائد اصلن رائد كيف طلع ابوي ماجاب له سيره
سمر :طيب انا وش دراني انا مثلك ماعرفت شي
لاتين بقهر : لو اني متزوجه الزفت اخوك كان يمديه بعد شهر يطلقني وافتك من الزواج كله اااخ يالقهر
سمر كانت حاقده ومعصبه لانها سبت اخوها بس حاولت تتصنع انها تحبها عشان خطتها وقالت بحزن : لاتين راكان بيوم زواجك مات
انصدمت :كيف\
سمر قامت تبكي: كل اللي اعرفه انه انقهر عشانه ما اخذك وكان مسرع وصدم وتوفى لاتين راكان يحبك
لاتين منصدمه من هذا الخبر بس ماحبت تبين : المهم انا بسكر الحين باي
سمر وداخلها حقد الكون على لاتين :باي


دخل وهو يصفق بيدينه : اهنيك صراحه على تفكيرك
كانت تناظره ببرود
عصب : اتوقع تبيني اطلقك مثل راكان هاه بس هذا عشم ابليس بالجنه ياروحي
لاتين بقهر : رائد اطلع ترا اللي فيني مكفيني
راائد جلس على كرسي حق التسريحه وجلس يطالعها : وهذي قعده يله وش تتسوين
لاتين ببرود : وربي حركات اطفال
قامت وراحت لصاله بس مسك يدها وسحبها لمه وضمها بقوه كانت منصدمه وقال بصوت واطي : تكفين قوليلي من وليد وريحيني
كانت منصدمه ماتدري وش تسوي بس كعادتها واسلوبها قالت ببرود : وليد تاج راسك
دفها بعصبيها :طيب يالاتين والله لا اندمك
لاتين باستهزاء : هه اكثر من اني ندمانه اني تزوجتك مااعتقد اني بندم
راح متوجه للباب بيطلع قال وهو معطيها ظهره تجهزي بعد خمس ايام بنرجع


وراح وخلاها اما هي كانت منصدمه من تصرفاته امس و لاول مره احد يضمها من خمس سنين
حطت يدها على قلبها وشافته يدق بقوه تنهدت بقوه وراحت للبلكونه تتفرج على الناس



بالسعوديه

عند بيت مازرنها لنا كم يوم

...: عندي لك مفاجئه
...: شو هيه
...: البيت كتبته باسمك مبروك يا نادين
نادين بفرح : لك الله يخليلي ياك
ابو لاتين : راحتك عندي تسوى الدنيا ومافيها
نادين مستانسه على اللي راح تسويه : بحبك بحبك بحبك اد الدنيا
ابو لاتين : وانا اموت فيك
نادين تتصنع الزعل : بس بخاف لاتين تعملي مشكله
ابولاتين : لا ماعليك منها هاذيك مالها شي اصلن انتي الامره الناهيه هنا
نادين ابسمت بشر


عند رائد كان جالس بالكوفي ويشرب قوه يروق فيها
شاف محمد يتصل رد بسرعه
رائد : هلا محمد
محمد بصوت هادي : رائد انا عرفت من وليد









انتهى البارت

الله يعطيك العافيه على الطرح
اللي كله ابداااااااع


حضوري شكر وتقدير لك
ولاهتمامك في مواضيعك


اخوك
نجم الجدي

طرح راقي وجميل

سلمت الأيااادي وماجاابت لنا من أفااااده

يعطيك العااافيه

شاكره لك

حضورك شرف لي
نورت أخي الكريم
مجنون قصايد

حضوركي شرف لي
نورتي عزيزتي
ملكة الجوري

حضورك شرف لي
نورت أخي الكريم
نجم الجدي

حضوركي شرف لي
نورتي عزيزتي
الغند