 |
منتديات قصايد ليل
(http://www.gsaidlil.com/vb/index.php)
- …»●[دواويــن الشعــراء والشاعرات المقرؤهـ المسموعهــ]●«…
(http://www.gsaidlil.com/vb/forumdisplay.php?f=37)
- - شيلة المزن
(http://www.gsaidlil.com/vb/showthread.php?t=11722)
شيلة المزن
قصيدة سعودبن سطام بن حادي بصوت سعود الدلبحي http://www.naqatube.com/view_video.p...0a833ac828cd63 * * * * * * * * يالله ياللي تسوق المزن يالوالي .. ياعالمٍ بالسما والي جرى فيها يالواحد اللي يبدل كل الاحوالي .. ياخالق النفس ياعالم خوافيها انك من الغرب تنشي مزن وخيالي .. وإن نجد بأمركـ يارب البيت تجريها مع أول الوسم مزنٍ كنه جبالي .. خيل على نجد قاصيها ودانيها البرق يبرق وخير المزن همالي .. والاوديه جتكـ فايضةٍ عواليها جاء يدحم سيلها من الجال للجالي .. امطار رحمه وبينةٍ مواريها والعشب الاخضر نبت من كل الاشكالي .. والباذر انبت ووجه الارض غاطيها والطير لامن سمعته غرد يلالي .. تطرب لها النفس ولحونه تسليها وشوف الحيا والاباعر يشرح البالي .. ذودٍ مغاتير والفكس آر قافيها وخوة نشامى ضروا قطع الخلا الخالي .. هي سلعةٍ بين بايعها وشاريها جهمة عقب ما نصلى الصبح طوالي .. قدم العصافير تظهر من مرابيها العزبه محمله والجيب شغالي .. والجيب الاخر نحمل فيه باقيها ثم انتهضنا و اخذنا الخط في الحالي .. نمشي معه لين ديرتنا نعديها ثم انهزع بر مثل مسابق الرالي .. وقصايد شقير بالكنود نغنيها ونجي لنا عبلةٍ خضرا تحلوالي .. ربله ورقروق والنوار غاطيها وننزل بها في محلٍ مرتفع عالي .. وننفض تيازير خيمتنا ونبنيها والنار يشعم حطبها معرّب الخالي .. وله المعاميل والرسلان ندنيها ويسوي الكيف مرٍ كايفٍ حالي .. بريةٍ من ثلاث اصناف ناقيها لامن تقهويت منها بس فنجالي .. تقعد لكـ الراس ما مل متقهويها وسوالفٍ وافيات قصار وطوالي .. تقال لامن حصل شيئٍ يطريها وان مرنا بالنهار طيورٍ اجوالي .. نظهر لها الشوزن ونلحق ونرميها الجو غيم وصيد الطيب الفالي .. انعام مابين طابخها وشاويها هذي ترى دعوتي يالله يالوالي .. دعوة فقيرٍ رفع كفه لمحييها |
[b]يسالام عليك اختي
في كل لحظه استمتع بما تطرحين ولازلت اقر[اها فقط اردت شكرك/b] |
جاري التحميل
الف شكر |
| الساعة الآن 05:53 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية