 |
منتديات قصايد ليل
(http://www.gsaidlil.com/vb/index.php)
- …»●[دواويــن الشعــراء والشاعرات المقرؤهـ المسموعهــ]●«…
(http://www.gsaidlil.com/vb/forumdisplay.php?f=37)
- - ديوان الشاعر ردة السفياني
(http://www.gsaidlil.com/vb/showthread.php?t=9096)
ديوان الشاعر ردة السفياني
الطفل المشاغب
ــــــــــــــــــــــــــــــــــ فـي سـرى الطابـور الاول وقـف الطفـل المشاغـب يفـرك يدينـه ونـادى ليه يااستـاذي الكريـم ارسـب وانـا اللـي حافـظ التاريـخ وانشـودة بـلادي مـن بدايـة عامـي الهجـري وانـا سـارح وخطواتـي ليـا فصلـي تهـادى الحقيبـة فـي يـدي اليمنـى تهـز وفـي يـدي اليسـرى تفاصيـل امـتـدادي كـل حـرف ٍ تكتبـه كنـت اكتبـه مثلـك مـع التشكيـل دونـه مـا اتحـادى كـل مااقلـك انـا يااستـاذ ثـار الفصـل والمقعـد شـرب صفـق الايــادي اعرف اقرا واعرف اكتب واعرف احفظ واعرف استثني السـؤال مـن المنـادى اكتب اسمي واكتب اسم ابـوي بعـد اسمـي علـى الترتيـب ماخنـت المبـادي واعرف ارسم .. كم رسمت اصحاب دربي في ضحى القريه من الوسمي صرادى ينشـدون اشعـار مسعـود اليتيـم اللـي ذراه الحـب فــي شـفـة هـنـادي ليه يااستادي نجـح سامـي مـع التقديـر وانـا ارسـب وانـا وسامـي نـدادى والوحيـد الفـرق مابينـي وبينـه كنـت انـا ثايـر وسامـي كــان هــادي كنت انا الاول في رفـع الصـوت واوقاتـي تمـر خيـول واسرجهـا فـرادى ماانكـر ان الفجـر صحيتـه وهزيـت الـمـدى لـكـن مابـعـت اعتـقـادي ابتهـل وانـوي صـلاة الفجـر بعـد الوتـر واصلـي واصـوم اول جمـادى وانتشـي وارتـب احزانـي وافتـش عـن طريـق يردنـي قـبـة سـهـادي قلـت لـه ياطفـلـي المسـكـون بـاوجـاع التـمـر والتـوسـل لاتـمـادى كل مااستيقظت من صحـو السبـات الرخـو سـم ونـام .. محظـور التمـادي |
تداعيات
ــــــــــــــــــــــــــــــــــ انت من .. ومن اين ؟ .. ولمن تنتمي لاية شريحة اه ياهـذا السـؤال السهـل كـم يصعـب عليّـه وش بي الليلة وحيد الا مـن اسمـي والقريحـة وارتباك اصوات تخرج مـن مواقيتـي عصيّـه كيف اكون ابن الكلام وطفلـة احلامـي ذبيحـه مـن يفتـش عنـي الليلـة يزيـد التيـه فـيّـه كل ماحولـي مـن الاشيـا . تنادينـي جريحـة مالي الا اكـون وافـي مثـل مـا كانـت وفيّـه للنوافذ .. واختـلاس البـاب للـدرب الشحيحـة جلسة الميسـور باحزانـه وهـو يذكـر خويّـه قلت في نفسي على ارتـب أخطـاي الصحيحـة واغسل يديـه بطيـن الملـح .. تستاهـل يديّـه ياخوي البال .. طفـل البـال تغويـه النصيحـة ضاق بي والساق بـي والذاكـرة ماهـي بهيّـة قلت ابحلم .. واثري أحلم .. أية احـلامٍ قبيحـة واهنيـه كثـر مايكـره فـي صـدره واهنـيّـه من تكون .. وكيف هذا الخزي عن صمتك تزيحه وش تقول وكفك الميسور فـي صحـن الخطيّـه ياتخيـط الجـرح بالسكيـن ياتحفـر ضريـحـه كون مع ذاتك ولـو مـرة وعيـش بحسـن نيّـه ينشدك غيـم البيـاض اللـي سـوادك يستبيحـه تسمعـه ينشـدك ليـه أسبلـت كفـك للـرزيّـة للرضا صدر اجودي يستدرج خطـاك الفسيحـة لين يبني خاتمـة غيـظ الرضـا نـار اجوديّـه والصبـاح اللـي بضيـه يسنـدك ودك تطيحـه ليه تعطيـه الظـلام السرمـدي وتخـون ضيّـه |
تشايه
ــــــــــــــــــــــــــــــــــ يشبهونـا وترفضنـا حـدود التشـابـه مـن وفاهـم بمـوت احلامنـا يحلفـون في يدنا لهـم يخضـر غصـن الكتابـه وفي يدنا لهـم عصيـان ضـد السكـون بشريهـم خلعنـا ليلنـا مــن ثيـابـه بشريهم وجدنا الصحو نصـف الجنـون بشريهـم شرينـا للـسـؤال الإجـابـة واستطعنا نحنّ .. ومـن وجعهـم نكـون وحدي اكسر عصاي ودعوتي مستجابـه وحدي اوقف واهز ال" لا " تموت الظنون من ورايس الخطا .. لولا الخطا وانسكابه ماتعلمت كيـف اصعـد واشـد العيـون كل مانطق لهم تصعد من ارضي سحابـه كل ماكون اموت وكـل مامـوت اكـون الحضور ارسمه واقبل في صحوة غيابه وان عصوني كتبت اشباح الاسما بـدون ايـه قولـي لهـم دربٍ نحبـه نهـابـه وباكـر النـاس مـن ( .... ) يولـدون |
لحن بدو ..
ــــــــــــــــــــــــــــــــــ رخو هذا الليل .. هذا الليل اناني كل حزنٍ يشتهينـي فيـه طـاح ادخله مشبوه وجهـي بالامانـي واخرج ووجهي مشوه بالصبـاح صاحبي لو تقدر الليلـة ترانـي كل جرحٍ ضاق بك .. في استراح آه .. من شيخ الظلان اللي جفاني نام جفن المفـردة والجفـن نـاح لاذ بي ملح العطش واروى مكاني مدلي كـف الذهـول المستبـاح داخلي عصيان واطفال وأغانـي لحن بدو .. استوطنوا ظل الرياح |
إفلاس
ــــــــــــــــــــــــــــــــــ هذا القلـم والـورق هـذا وهـذا نـزف الاحسـاس وانا علـى شرفـة الليـل الحزيـن انطـرك تاتـي الليـل كنـه سجيـن وكــن هالعينـيـن حــراس والنجـم احسـه يقاسمـنـي جنـونـي وامنيـاتـي في الجفن ناسٍ تجي وتروح .. شف عاد انت كم ناس! لكـن ماغيـرك ابجفنـي ولاغيـرك فــي ذاتــي تعال أحبك تكـون افـوسوسـات الصـدر وسـواس وتسيح في البال .. واغوى بك وتغـوى بـك دواتـي أحب أسولف عن الما والضمـا فـي غربـة الكـاس وأحـب أغنـي بحـزن امـي وابـوي وذكريـاتـي أحب أكـون القلـم والغيـم حبـري والمـدى يـاس واكتب عليه انـي أول مـن عصـاه وجيـت عاتـي تعبت أخيـط انكسـاري وابتسـم والعـرق دسًّـاس واتعبني اكثـر جهاتـي حيـن تسقـط مـن جهاتـي أحاول أحصد غيـاث الجـدب وازرع روح وانفـاس في صوتي اللي ليـا هالحيـن ضايـع فـي شفاتـي لا الصيف وفىّ ولانوم الشتـا فـي طرفـي نعـاس يعـنـي كتبـنـي ورتبـنـي ووحـدنـي شتـاتـي هزيـت جـذع الثلاثيـن وتساقـط عمـري افـلاس واللي بقي (لا إله الا انـت عفـوك) فـي صلاتـي تعال .. هذي دموعـي تحتفـل وجروحـي اعـراس وان مـات دمعـي وجرحـي فالبقيـه فـي حياتـي تعال .. ابستحلفك واستخلفك فـي الصـدر نسنـاس وإن كان ماجيت فـي صحـوي لقيتـك فـي سباتـي تعال هاك القلم ..هاك الورق .. هات انت الاحسـاس وارسم يدينـي ورعشتهـا علـى مقبـض عصاتـي |
الغلط
ــــــــــــــــــــــــــــــــــ إن كـان مـا هـذا الغلـط منـي عليـك يردنـي ماردنـي حبـك ولا لـك ردنــي دمــعٍ ذرف علقني بصمتـك علـى جفـن الجـروح وشدنـي واكتبنـي أول مـن بغلطاتـه تباهـى وأعـتـرف عـد الغلـط مفتـاح شبـاك البيـاض وعـدنـي مفتـاح قلبـك كلمـا قلبـك تهـيـا وانـجـرف اشرع صباح الغـي فيـك وفيـك للغـي اهدنـي تقدر وهذا بـرق وسمـي لـك تيمـم وانصـرف صمتـي يسـدك وانكسـار البـوح فيـك يسدنـي يعني جمعت اقصى طرف لاوجاعنا باقصى طرف من غيرك اجمل؟! وانت وحدك في الشتات تودنـي من غيرك اكمل؟! وانت جرح وكثرة جروحي ترف هذا الغلط! يعنـي كثيـر مـن الظـروف تحدنـي ليلة وصلتـك مستقيـم وداخلـي طفـل انحـرف وان كان شح الصبـر فيـك ولا قـدرت تردنـي قول : إنك أول من عرفني وانك اخر مـن عـرف |
عطر الكلام
ــــــــــــــــــــــــــــــــــ هذا غيابك مرني الليلـة ويقرينـي السـلام وانا غيابي حاضر الليلة في زهـو الأسئلـه غبتي غيابٍ ماترك لي غير حـزنٍ مستهـام في وحدتي يبني على عرش إنكساري منزله من علمك تبنيـن بغيابـك معاويـل الهـدام في ذاكرة صوت نما بسمك وفي الذات اشعله انتي بداية كل مـا لاينتهـي عطـر الكـلام انتي نهاية كل مـا لا يبتـدي شـوق وولـه انتي ملامح طفل شده نبض صدر امه ونـام تقرا بوجهه من شفاة امـه حنـان وبسملـه صمتك ظلال الغيم.. لمع البرق.. هتان الغمام بوحك عصافيرٍ عطت للضي غـي السنبلـه بسمتك فرحة ضيف جايع في قرى بدوٍ كرام ومعذبه من كثر جوده فك صـدره وادخلـه انتي ليا قلتـي احبـك ثـارت الدنيـا قيـام واحس كني في بدايات الطريـق مـن أولـه وانا متى ما قلت احبك يرتجف جفن الظـلام والصبح يتنفس مكاني والصعيـب استسهلـه |
عكس اتجاهي
ــــــــــــــــــــــــــــــــــ تكلمـي والا اسكتـي يـا شفاهـي الصمت حي وجمـرة البـوح حيّـه ما عـاد بـه جـرحٍ يشـد انتباهـي انـا الخطـأ والعـذر منّـي خطيّـه اركض واحث الركض عكس اتجاهي والركـض هـو والاتجاهـات هيّـه غنت جروحي للعتـب فـي تباهـي من كل جرح وجرح لـي مزهريـة حتى يديّ اللي تصافحـك مـا هـي احسهـا عنـد المصـافـح يـديّـه بعيونهـم كـل الاوامـر نـواهـي وبعيوننـا تبقـى الامانـي عصـيّـه عني وعنك الوعد مـا زال ساهـي وفيني وفيك البعـد مـا فيـه زيّـه صدقني انه مـا بقـي حلـم زاهـي يمكن يشع في عتمـة البـال ضيّـه واصدقك لو قلـت لـي يـا إلهـي هذا انت مت وفيك الاوجـاع حيّـه |
مثل من ؟!
ــــــــــــــــــــــــــــــــــ مثل من ؟ بالضبط مثل الفقر بعيون اجـودي مثل شيخٍ ما غسل سجادتـه غيـر الدعـاء مثل ما كل الوجـوه اللـي تظـل وتهتـدي مثل فرحة طالـب مهمـل بيـوم الأربعـاء مثل ما أكره حاضر وطيب نعم يـا سيـدي مثل ما احب السعي بالجرح وأكره من سعى مثل ما يستعبد القرش الدني قلـب الـردي مثل ما يخذلك راعي الفكر لا صـار إمعـا مثل ماحقي ب( فتوى ) صار حق المعتـدي مثل ما خبز الرعية صار زاد اللـي رعـى مثل ما صار الضياء المشرق ظلامٍ سرمدي مثل ما صرنا خيولٍ لامعاك ( ولامعـ)..!! مثل ما سولفت أنا لسهيل عن نجـم الجـدي ليلـةٍ كـلٍ بهمـه هـز جرحـه وادعـى مثل هالمثـل وسواهـا بانكسـاري تبتـدي كنها ملحٍ أجـاج وسلـة جروحـي وعـاء |
ذنوب الوصايا
ــــــــــــــــــــــــــــــــــ تقدر تسامـح تشعـل الدفترتزيـد المـاء غـلا تقـدر تـرد البـاب للطـارق وكفـه حافلـه موعدك وارف خصب لايفزع يدك جدب خـلا حتى ولا انت النزر وظلال السكـوت يغافلـه من غيرك ؟!! أسبل نية العصيان واعطته الولا وحدك ومالت لحظـة الدهشـة لظلـك نافلـه ياعذب وجهك ينهمر دافي وصوتك مـا سـلا حضن احتفال الريح فـي ليلـة شتيـه جافلـه تحت ابتهالك عاديات الطيش قالت : قلـت : لا ما كنك اللي من ثنـى للسهـم صـدر القافلـه قول : إنك اجمل وأنت الاجمل طلت الما والكلا بعيون راعي عن سمـوم القيـظ عينـه غافلـه وش عذرك الليله ؟!! وهو ينشدك والبال امتـلا وانت انت مجهد ذاكرة حلـمٍ يخـاف تخافلـه الله يسامـح غلطـة زلـت ونسـيـانٍ تــلا يانـزوة اذنـوب الوصايـا الجـروح الآفلـه |
| الساعة الآن 12:29 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية