 |
منتديات قصايد ليل
(http://www.gsaidlil.com/vb/index.php)
- …»●[الرويات والقصص المنقوله]●«…
(http://www.gsaidlil.com/vb/forumdisplay.php?f=12)
- - رواية /حزينة على ماضي ولىّ و فات
(http://www.gsaidlil.com/vb/showthread.php?t=135261)
رواية /حزينة على ماضي ولىّ و فات
البارت الثالث
الساعة 6 المغرب اجتماع العائلة ام سامي:يمه ياسما روحي افتحي مجلس الرجال بيدخلون رجال خواتك يسلمون علي وجهزي القهوة و الحلا سماء: ابشري يمه ام سامي:روحي صحي سامي خليه يقوم يقابلهم سما: طيب جهزت القهوة والفناجيل وفتحت المجلس ورحت اشغل على البخور دخلت علي ابتهال ابتهال:ياهلا والله وغلا وش هالزين سما:هلابك ياعمري ... امي قايله لي عشان تقول رجالكم بيدخلون يسلمون ابتهال: لا والله ماحد قالي مااظن انه بيدخل رائد بس اصبري تدق عليه اخليه يرجع سما:لا والله مو لازم يضغط على نفسه يمكن عنده مشاور ابتهال باندفاع:يووه وش عنده يعني والله ماعنده الا الفضاوة اقول اسكتي بس سما:بدينا بسم الله ... والله انتي ناكرة للجميل ابتهال قطعت كلامها معي وكلمت زوجها ابتهال:هلا رائد .. اقول ارجع امي تبين تسلم عليك من زمان ماسلمت عليها يعني مفروض من نفسك تروح... مو لازم احد يذكرك رائد:اقول انكتمي بس انا الا احدد مو احد يفرض علي .. انا اليوم مو فاضي بكرا ان شاءالله اجيها العصر واسلم عليها ابتهال:وش عندك ياحظي والله بس جالس بورشة ابوك الكسره الا يقال انه ورشة .. وانا كل ماقلت لي روحي سلمي على اهلي قلت حاضر وابشر وعلى امرك .. بس ما اقول الا الشكوى لله ..................... جو الباقين وجلسنا نتقهوة انا وخواتي سهى:اقول خالة تكفين قولي لميمتي ابي انام عندك والله انا عارفة ليش تبيني اروح معها عشان نقوم نكوف هالنسرة صالحوه سما:هههههههه ياليت اسكتي بس قسم بالله اني اطفش لحالي .. ومن اطفش اروح انام بدري ... ابي اجلس مع احد ... امس بعد صلاة العشاء يجيها النوم وتسحب علي وانا تقل جنية طول الليلة اجل لحالي سمر:والله حر ماتجلس وانا لا سهى:يمه يالحسد خليني انا اليوم اجلس بعدين انتي عندي سالفة ودي اقولها لخالتي سحر بدهشة :وانا ياتبن ليش ماقلتي لي السالفة بس مقابلين بعض بالبيت ولا احد يكلم الثاني كل واحد جالس على جواله واذا قلت سولفوا قالو (وتقلد صوت سهى الجهوري) ماعندي سواليف وش تبين اقول سهى: اقول تلايصي لأهفك بالجزمه (وانتم بكرامه) سما:بسم الله تهفين مين يالعربجيهه هههههههههه سحر تقطع الحديث وبيدها فصفص:الا خالاتي غريبة مابيديتوا موشحاتكم الاسبوعين عن ازواجكم واهالي ازواجكم جالسة انتظر لي ساعه .... ريما:لا ياعمري تكلمي على غيري انا الحمدلله اموت على زوجي وزوجي يموت فيني سهى بصوت واطي:ايه واضح ريما:نعم وش قلتي سهى :لا ولا شي ريما بعصبية:اقول قولي وش قلتي ... حصة ادبي بنتك هاذي لاتنسى اني خالتها ولازم تحترمني ابتهال:اعوذ بالله منك ياريما وش قالت البنية بعد ماقالت شي ولا انتي من اول ماجيتي نفسك على راس خشمك .. وش فيك قولي ريما:مافيني شي ... اف بس مليت متى يجي العشاء ابي اروح مها:ماجات الساعه 10 تونا حبيبتي نبي نجلس مع اميمتي شوي ريما تتأفف ابتهال:وش اقولك يايمي ياسحر والله بس انا ويا رائد هذا كل يوم هوشه ونجره عسى الله يعين يعني شايل يده من كل شي بشكل مبالغ تخيلي انه حتى ماوده يوديني مكان يقول روحي مع سواق اهلي قلت ولا وربك واحد انتي توديني ولا مو لازم وعصب طنقر عشان كذا مادخل اليوم يسلم على امي مها:الله يهديك ياابتهال كان تنازلتي ورحتي مع سواق اهله مع شغالتهم محرم .. يعني عاظي مافيها شي انتي بس قاعده له على الوحده حصة:احمدي ربك ياخيتي انتي زوجك على الاقل ماتزوج عليك وش اقول انا ياحظي ... لا والمشكله انه مايشوف خطاها ... افففف خلاص انا طققيت والله لو الله ثم هالعيال كان ماقعدت له ولا دقيقة ريما : ههههههه والله انتي نكتة ياخصة بالعكس اجلسي وحريه هو وياها .. ليش تبينها يخلالها الجو مع زوجك والله اقعدي لها على الوحده خليها تحسف انها تزوجت من الاساس سمر:هههههههه رهيبة انتي ياخالة .. بيني وبينك لاتوصين حريص حصة بنص عين:وش قصدك سمر بخوف :لا ولا شي حبيبتي انتي اميمتي وقامت حبة راسها خلاص اليوم وكل واحد راح على بيته بعد مانظفت البيت ونامت امي طلعت قوق لغرفتي ابغى انام جاني سامي يركض .. سامي مفجوع:سما سما سما:هلا وش فيه سامي:بسرعه البسي عباتك بسرعه سما ركضت البس عباتي ورحت معاه وانا ماادري وش السالفة بالسيارة:سامي وش فيك الله يهديك وخفف السرعه تبي تموتنا انت سامي بخوف فضيع : س سسمم سمماا ممهاا صار عليهم حادث وهم بالمستشفى الحين تو دق علي زوجها راكان سما بصراخ :وشو وش تقول انت تو طلعوا منا مافيهم الا العافيه كيف وشلون صار الحادث (وبصراخ اكثر وانهيار .. اضرب كتف سامي) : وش تقول تكفى فيهم شي يارب سترك يارب لطفك سامي ببكاء تكفين تراني مفجوع اكثر منك اهدي شوي بس وصلنا المستشفى ركضنا بالاسياب ندور عليهم شفنا راكان زوجها بأخر السيب وثوبة كله دم .. انفجعت من المنظر.. وتجمعت الدموع بعيوني مره ثانية سامي بسرعه: وش فيكم ووينها مها راكان بانهيار تااام وبصدمة :مها رااحت سمعت الخبر حسيت زي الصاعقة نزلت علي فجأة طحتي على الارض من طولي حسيت ان النور بدا يضعف شوي شوي لحد مافقدت الوعي نهائيا وانا اسمع صراخ سامي انتهى البارت الثالث انتمنى القى ردود عليها وش تتوقعون صار على مها؟؟ وش الاحداث الجاية اللي بتصير؟؟ بقلم: سلام |
100
الله عليك إبداع كم يشبه النور .. ابصرت من روعة حروفك وطرحك M hariri أناقة طرح وجاذبيه إهتمام و.. اجتهاد واضح في الطرح وذائقة عالية المستوى استمعت النفس بما مرت عليه هنا،،، فبهذا العطاء سنرقي من أعماق القلب أشكرك اخوك محمد الحريري http://img.el-wlid.com/imgcache/282050.gifhttp://img.el-wlid.com/imgcache/282050.gif |
الله يعطيك العافيه على الطرح
اللي كله ابداااااااع حضوري شكر وتقدير لك ولاهتمامك في مواضيعك اخوك نجم الجدي |
طرح جميــــــــــــل
ومجهود رآئع ومفعم بآلجمال وآلرقي.. يعطيك آلعافيه على هذآ آلتميز .. وسلمت آناملك آلمتألقه لروعة طرحه |
اقتطافة أنيقة
لاعدمنـآ هذا الجمال بالطرح.. بإنتظآرجديدك بكل شوق.. ودي وشذى الورد.. |
*،
آنتقاء مميز .. مَ ننحرم من جديدك |
حضورك شرف لي
نورت أخي الكريم عود الليل |
حضورك شرف لي
نورت أخي الكريم نجم الجدي |
حضوركي شرف لي
نورتي عزيزتي ملكة الياسمين |
حضوركي شرف لي
نورتي عزيزتي ارتواء نبض |
| الساعة الآن 02:45 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية