منتديات قصايد ليل

منتديات قصايد ليل (http://www.gsaidlil.com/vb/index.php)
-   [ابكتب من قصيدي الوزن وغيرهـ من شعر منثور] (http://www.gsaidlil.com/vb/forumdisplay.php?f=10)
-   -   صورهم تـ تقآطر شعرا ً..! (http://www.gsaidlil.com/vb/showthread.php?t=92676)

أم خالد الغامدي 01-25-2016 01:24 AM
صورهم تـ تقآطر شعرا ً..!
 


.

http://store1.up-00.com/2016-01/145367108625122.png

السلام عليكُم ورحمة الله وبركاتُه


فكرة رآقت لــ ِ
ف َ أحببت هطولهآ هنآ

أحبتُـنا فِي قصايد ليل

كَمْ منَ القَصيدِ تّذوَقْنا وَمعَ أَنفاسهِ شَهقْنا
فَكلُ شاعرٍ يَكادُ يُناجينا
وَيخُصنا بِأَبياتهِ فَنعيشُ لحَظاتِنا بَينَ سُطورهِ وَنُحَلقُ بِأَجنحةِ الشَوقِ
في أُفقهِ وَنَرحلُ إلى مِحرابهِ المُقدسِ
فَنرتَشفُ رَحيقَ زُهورهِ
نُحِبُ وَنَعشقُ نَفرحُ وَنحزنُ نَلتقي بِضحِكاتِنا
وَنَتفارقُ بِدموعِنا!!
تَرانيمَ نُردْدُها وَتَراتيلَ نَتغَنى بهَا لِشُعراءٍ رُبما عاصَرناهُم وَمْنهُم منْ رَحلَ

تاركاً لَنا كُنوزاً بَينَ صَفحاتِ دَواوينهِ لآزْلنا نَستلذَ بِقطَراتها العَذبةِ الَتي

تُلامسُ مَشاعرَنا وَتُعبرُ عنْ أَحاسيسَنا ..

سَيتشَرفُ هذا المُتصفحُ وَيعبقُ بَشَذا عِطرهِم منْ خِلالِ صورِهِم وَقَصائدهِم
التي نَسِجتْها أنَامِلهُم بحِروفٍ ذَهبيةٍ
منْ مَحبرةِ أَحاسيسهُم المُتْرفةِ الباذخةِ بالرومانْسيةِ
الشَجيةِ فَعانقتْ قُلوبنا وَعَزفتْ أَلحانهُا السَرمَديةِ بأوتارٍ سِحريةٍ ..
-- نَبدأها بِـ لَوحةٍ تَحتوي صورةً لشاعرِنا
ثمَ تُتبعُ بأَبياتٍ لهذا الشاعر القَريبِ منْ قَلوبِنا
مَعَ وَضعْ صُورةً لِشاعرٍ
آخر حتى نستَمتِع فِي الإبحار فوق مراكِب الشُعراء

http://store1.up-00.com/2016-01/145367108496831.png
.

أم خالد الغامدي 01-25-2016 01:26 AM



حسايف
التفت ...
وتوها ... توها ما اختفت ...
ماكساها الليل ... باللون الحزين ...
التفت ... وتعالت صرخته ...
في نظرته ...
صاح ... لكن بالنظر ...
وانكسر .... شوفه عثر ...
حسايف .. تذبل الضحكه وهى بين الشفايف ..
تذبل الفرحه وتضيع ...
ويصبح الكون الوسيع ...
مايكفي خطوتين .. لاكساه الليل بااللون الحزين ..
يوم مدلها يده ..
كانت الرجفه لقا ..
ودعت فيها الشقا ..
وتركت بين الاصابع ..
عطــرهــا ..
وعمرها ... ما جت على وقت الوعد ...
إلا ذاك اليوم ...
و عمرها ... ما بكت .. و ما ضحكت ...
ما حكت له .. واسكتت
مثل ذاك اليوم ...
كانت أجمل من خياله ... كانت انضر ...
كانت أكثر ... من أماني عمره الظامي حنين ..
و اختفت ... من كساها الليل باللون الحزين
اختفت في الطريق اللي معه ...
كانت تجيه ...
كيف دربٍ جمعه معها ... خذاه ...
ليتها اختارت سواه ...
تزرع القرقا لياليها ... عليه ...
وحسايف ... حسايف ...

أم خالد الغامدي 01-25-2016 01:28 AM


اللي بعدي للشاعر الراااقي


نظرة الحب 01-25-2016 01:28 AM
روووووووعه قلبي

أم خالد الغامدي 01-25-2016 01:30 AM
الروعه وجودك ياقلبي

متمرده 01-25-2016 02:09 AM
لك من الابداع رونقه
ومن الاختيار جماله
دام لنا عطائك المميز والجميل

أم خالد الغامدي 01-25-2016 02:16 AM
يسعدك ربي غلاتي لقلبك شكر يوازي عنان السماء

غزلان 01-25-2016 04:09 AM




http://cdn.akhbaar24.com/86de8b1c-b3...5c54164be9.jpg


هلت دموع السما عند الوداع وارسلت غيومها شوق وحنين


مد لي يمناه وانهى الاجتماع والهنا تبدل بدمع حزين


قال ودع ما يفيد الامتناع الشقا مقسوم مير الله يعين


رمشه الفتاك وعيون وساع صوروا بالقلب له رسم حسين


شوفتي له ساعة متاع متعة الدنيا نظر عين لعين


لي ذكرت اللي حدر هاك القناع مبسمه والخد مع نور الجبين


لو بغيت الصبر قلبي ما استطاع يا سعد يا كود فقدان الظنين


كل ما لاح بسما حبي شعاع أظلمت دنياي واشتد الونين


ياحسايف وقتنا والعمر ضاع نجتمع يومين والفرقا سنين

أم خالد الغامدي 01-25-2016 07:20 PM
تنحني أبجدياتي لشكرك يانقيه لكِ من الورد اطيبه ....!!!

أم خالد الغامدي 01-25-2016 07:26 PM



http://www.almowaten.net/wp-content/...9%87%D8%AF.jpg

اسير الشووق ... نواف بن فيصل
تفنن

تـفنن فـي طـروق الـحب شرقني وغربني
مـعك يا زين دوخات الهوى ويا حلو مشواره
وغـرد فـي سما سمعي أبي تحكي وتطربني
سواليفك مطر عمري .. ربيعي ضحكة أزهاره
حـبيبي يـا بـعد كـلي وكلك صدق تعجبني
بـغـيباتك وصـداتـك وتـلويعك وتـكراره
تـجنن كـل مـا اشـوفك احس انك تذوبني
وتـضيعني مـن الدنيا .. وتشب بخافقي ناره
جـمـالك نـاهب قـلبي وتـفكيري نـاهيني
دلالـك يـا رقيق العود .. عود تعزف اوتاره
تـولـعت بـتصانيفك .. وتـعذيبك يـولعني
وعلى أي حال راضي بك شمس العمر وانواره



أم خالد الغامدي 01-26-2016 09:23 AM



https://pbs.twimg.com/profile_images.../VTq3b8Hu.jpeg


الشاعر / سعود بن عبدالله


[ مرت سنه ]


مرت سنه مالك على البال طاري
لاجاد لك حظٍ ولا سولفوا فيك

وينك بلم من الجروح الذواري
طال الهبوب وطال مسراه ساريك

لا ماانتظرتك !! .. بس طال انتظاري
لا ماذكرتك !! .. بس لاتقول ناسيك

اشتاق لك مثلك وتشتاق داري
احتاج لك دايم ولو تقول ماابيك

لاتطري الفرقا ولاتقول ساري
ترا الوصل مابلل عروق مغليك

مافيه غيري انت والليل عاري
والنجم غاب وياعسى القلب يكفيك

بهديك خفقه من خفوق المساري
وعطني عيونك لجل اشوف العمر فيك

أم خالد الغامدي 01-27-2016 08:36 PM



https://pbs.twimg.com/profile_images...f2c557fbf.jpeg


" زمــان الصمت ""

وتِرحَل ..
صَرخَتي تِذبَل
في وادي .. لا صدى يوصل
ولا باقي أنين
زمان الصمت ..
يا عُمر الحُزن والشكوى
يا خطوة ما غدت تقوى
على الخطوة ... على هم السنين
حبيبي .. كتبت اسمك على صوتي
كتبته .. في جدار الوقت
على لون السما الهادي
على الوادي ..
على موتي ... وميلادي
حبيبي .. لو أيادي الصمت
خذتني ... لو ملتني ليل
أنا عمري .. انتظاري لك
لا تحرمني .. حياتي لك ..

أم خالد الغامدي 01-27-2016 08:48 PM

http://wain.me/wp-content/uploads/mo...h_alfaisal.jpg


لفته،،،
لفتة وطيف ابتسامة مثل فجر خجول
تخشى على الحب الرضيع كلمة عذول
لا لا تخافي لا ، لا لا تخافي لا
قلبي سمع صمتك
صوتي صدى همسك
وانتي وانتي ربيع العمر في كل الفصول..
وانتي ربيع العمر في كل الفصول..
شفتك مثل بسمة أمل
شفتك .. مدري وش حصل
حسيت أنا برعشة دفا
حسيت أنا برعشة دفا
حسيت أنا بلي خفا في قلبي
وبان في نظرتك تحنان
ولبيت أحلى ندا لبيت
والشوق في عينك بدا وشفيت
لبيت أحلى ندا لبيت
والشوق في عينك بدا وشفيت

لا لا تخافي لا ، لا لا تخافي لا
قلبي سمع صمتك
صوتي صدى همسك
وانتي وانتي ربيع العمر في كل الفصول..
وانتي ربيع العمر في كل الفصول..
تبسمي...يا أحلى ابتسامة لا لا
لا لا تخافي للملامة
تبسمي يا احلى ابتسامة لا لا
لا لا تخافي للملامة
أحلى الكلام ما بين العيون
ردي السلام بالرمش الحنون
تعالي تعالي أرويكي بحناني
أحييتي في قلبي في قلبي الأماني
لا لا تخافي لا ، لا لا تخافي لا
قلبي سمع صمتك
صوتي صدى همسك
وانتي وانتي ربيع العمر في كل الفصول..
..............

أم خالد الغامدي 01-27-2016 08:50 PM

http://www.okaz.com.sa/new/Issues/20...Images/b50.jpg


(كفاني عذاب)...


كفاني عذاب الله يجازيك بأفعالك
جرحت الضمير وما طرالك تداويني
مريض المحـبه داه ودواه بـوصالك
الا كيف تبخل وانت نظرتك تشفيني
الا واعذابي كيف ما عاد يهنالك
سوى انك تشوف الموت بيديه يطويني
انا يوم احبك ما تصورت غربالك
ولا قد خطـر في بالي انـك تجافيني
تفرغت لك يا ساكن القلب ابحالك
تقل غيرك من الناس ما هم بحييني
انا قمت اناجي بين الاحلام مرسالك
وزولك حبيبي لو بالاحلام ناسيـني

عـــودالليل 01-27-2016 11:02 PM
اول شي
اطلبي
500
مشاركه لهذا العمل والموضوع الراقي
وراح ابدا

عـــودالليل 01-27-2016 11:05 PM

أم خالد الغامدي 01-27-2016 11:08 PM

سيدي / ع ـــود الليل
احتاج مسيره الضوء باكمله
حتى اوفيك حقك ياكريم
زخرفت صفحتي بمكنون حرفك الفاتن
وأغرقتني باروع الكلمات
دامت ينابيع نزفك بالتدفق المعطاء
وجودك يكفي ليرسم كل ما هو جميل
ولحضورك رونق يطغي على متصفحي
اكليل من الجوري المعبق بالشكر
تقبل احترامي لقلمك المنسكب
تحاياي

لعيونك .

http://i91.servimg.com/u/f91/13/11/68/19/11976710.jpg

أم خالد الغامدي 01-27-2016 11:40 PM





http://www.gsaidlil.com/vb/data:imag...BwH0wYjsmf/9k=
الشاعر الامير عبدالرحمن بن مساعد
الـبحـر

على مدي الأيام
كان البحر بالنسبة لي
هو البحر
رمل ،، ، أمواج ،، صخر
كان البحر بالنسبة لي،، بس البحر
وعلى مدى الأيام ماقد لمس فيني المشاعر
الا ذاك اليوم
يوم انك معي
يومها كان الوداع
وكان البحر،، دفتر
والموج بيت من شعر
وبيتٍ ورى بيت ،، موجه ورى موجه



تكتب قصيدة حبنا
وتمحي الجراح ،، بجراح
ومثل الفرح في دنيتي ،، كان الفجر
عمره قصير
وبكل حب اهدا نسيمه ،، وراح
وتشرق الشمس
لاجل الخلايق كلها تقرا ،، قصيدة حبنا

يومها ،، ماكان للشمس أي نور
وبعض السبب ،، كان الوداع
وباقي السبب ،، انتي
خذيتي من سماها النور
ولاجل الصدق يومها،، كنتي انتي الشمس
وكان البحر عينك
ودموعك امواج الشعر
وخدك الدفتر
آه يا اللقى ،، ماخذت من طبع البحر،،؟
ما للبحر آخر،،!!
آه يالفراق
ماخذت من ذوق الفجر ،،؟
يمرنا عابر
وآه يالعيون ،، اللى انا منها عرفت
ان البحر دفتر،،، وان القصيد امواج
وان الغرام ،، شاعر

جنــــون 01-28-2016 06:52 PM
وربي اجمل موضوع ي روحي انتي ي غامديه

ربي يهنيك وراجعه للاضافه

أم خالد الغامدي 01-31-2016 12:57 AM



الغاليه / جنون
تواجدك وسام شرف
وكل حرف من حروفكـ أنظمها :كــ عقد لؤلؤ أزين عنقي به
من اعماقي أهديك شكري ومحبتي ..!


http://3.bp.blogspot.com/_ejHHJUNl3w...age.php_2.jpeg

أم خالد الغامدي 01-31-2016 01:00 AM



http://up.n4hr.com/ups/uploads/7f597d93b4.jpg


الشاعر الراقي بحرفه / الجباري


( لحظه )

لحظه .. بوادعك قبل إنك توادعني
ماني من اللي تروح ويمشي خلافك



لي عزة ٍ ياوليد الناس تمنعني
لوقلت .. مابيك تمزح .. خاطري عافك



قد قلتها لك قبل ماكنت تسمعني
واليوم فعلك هو اللي حطم أهدافك



يابن الأوادم نصيحه واخذها طعني
ماكل شخص ٍ يذل النفس لا شافك



صحيح زينك بعض أحيان شجعني
لكن زود الكرم زودت بسرافك



ماهوب أنا اللي تنزلني وترفعني
لو درت في نيتك كسرت مجدافك



تبي الصراحه .. تصدد لا تطالعني
أخاف من دمعتك ولا أنت ماخافك



ماغير واحد .. ولا مخلوق ولعني
الحب يجرف ولا تختار جرافك



لو قلت لحدٍ تحب.. وقال لك يعني
خله وبعد مادام الوقت ماطافك



أصارع النفس والدنيا تصارعني
والفرق واضح بمغرافي ومغرافك



ياخي ترى القلب عيا لا يطاوعني
يابن الأوادم توكل خاطري عافك

أم خالد الغامدي 01-31-2016 01:04 AM



http://photos-images.net/wp-content/.../980710319.jpg


الشاعر / حامد زيد


انتي ولا شيّ


والله وصرتي تستهينين فيني
وانا الذي سويت لك قدر بيديّ
تدرين وش كنتي قبل تعرفيني ؟
ان قلت لك كنتي ولا حاجة شويّ
انا الذي فرشت لك رمش عيني
وعملت منك شي وانتي ولا شيّ
جيت اعشقك ما جيتك لك تحقريني
جيت اسكنك بسمة ما هو بسكنك غيّ
لا صرت عامل لك قدر قدريني
ترا الكرامة صفحة ما لها طيّ
ما دام ما جيتي غلا لا تجيني
نار الجفا عندي ولا الذل بالفيّ
والله لاهجرك قبل لا تهجريني
اجل تبيعيني واجيلك برجليّ
يا تتركين الكبر يا تتركيني
لأن المحبة شي والمهزله شيّ
إن كانت الدعوة غلاي وحنيني
يمكن يزول الحقد ويشعشع الضيّ
لكن حكاية ينحني لك جبيني
في ذمتي ما ينحني لك وانا حيّ




أم خالد الغامدي 02-02-2016 01:32 AM



https://i.ytimg.com/vi/8NnN6TyRbuI/hqdefault.jpg
الشاعر المميز / عبدالعزيز الغامدي




موجود ياعمري ولا اقدر احاكيك
في ذمتي ... أرحم علي المقابر
في ذمتي مشتاق لك حيل وابغيك
اشتاق لك لو الزمان حيل غادر
البعد مايرحم حبيبك ومغليك
الشوق مابين المحبين كافر
أعيش بك ليلي عيوني تحاكيك
اقوم بك صبحي واناديك باكر
أحتاج لك وأحتاج حتى لطاريك
أسمك يهيضني بصدر الدفاتر
وجهك ليا مني لمحته أخاويك
بكل عقل وفكر وأحساس شاعر
ياكثر ماطيفك سكن عين غاليك
ياكثر ماغاليك شاكي وصابر
خلها على الله كان طالت لياليك
ليلي قضيته في هموم ومقازر
الشوق يطعني وروحي تناديك
في غيبتك ماعاد للروح خاطر
وختامها ياحر وكرك واراضيك
الحب لك في داخل الروح وافر



عــزف 02-03-2016 01:44 AM

http://afyaa.net/wp-content/uploads/...8%B3%D9%86.jpg
آلآمير آلشآعر : بدر بن عبد آلمحسن ~

انتظرتك .. عمري كله .. وانتي حلم
ومرت الايام والله .. وانتي حلم..
ليه تأخرتي علي ..
توهي مره واسالي ..
كوني في غير الزمان .. والا في غير المكان
كوني عمري .. عمري كله..
اللي باقي .. واللي كان..
انتظرتك عمري كله .. وانتي حلم ..
كل نجمه شعشعت والقلب عتمه .. كانت انتي ..
كل حرفٍ حرك شفاهي بكلمه .. عنك انتي ..
وكل حبي اللي مضى والحب قسمه .. منك انتي ..
كانوا الاحباب ظلك .. بعض احساسك ونورك ..
ما عرفتك يوم كلك .. ياللي في غيابك حضورك ..
انتظرتك عمري كله .. وانتي حلم ..
هذا إنتي .. قولي والله إنه إنتي ..
وين غبتي ؟! .. عني هذا الوقت كله ..
وين كنتي ؟! ..
شيبت عيني طيوفك .. وما أصدق إني أشوفك ..
ياللي قلبي في كفوفك .. نقش حنا ..
وفي جديلك عطر ورد ..
آتمنى .. لو تكوني في فراغ اعيوني وعنى
وفي سموم ضلوعي برد ..
ليه تأخرتي علي ..
وما طرى لك تسألي ..
ليه نأخرتي علي .. وما طرى لك تسألي ..
إنتظرتك عمري كله عمري كله .. وانتي حلم

كـــآدي 02-03-2016 04:55 AM

أم خالد الغامدي 02-04-2016 07:37 PM



http://up.n4hr.com/uploads/1440886083421.jpg
( وش عذرك )

لا غبت عني وانا مشتاق وش عذرك
يوم انت حالف بربك .. ما تخليني !!

نذر على رقبتي .. ونذرا مهو نذرك
انك ما حسيت في شوقي ولا فيني

مسافة الشوق .. لـ المشتاق تختصرك
وتوزعك في حشاي .. وفي شرايني

غطت ثلوجك طبوعك واختفى جمرك
ما عادك اللي ليا من غبت .. يدعيني

افكر اختبرك .. واخاف لـ اختبرك
اخاف باقي غلاك .. يطيح من عيني

تعال بين الضلوع العوج .. شف قدرك
قصر من الحب .. يبنى لك ويبنيني

ما ودي اقول في بعدك .. غريب امرك
ودي لو اسمع صدا ( يا من يراعيني )

اعتبرك الروح .. ولا شتبغي اعتبرك
ما دمت يا اغلى الخلايق مني وفيني

انا اكثر انسان .. قدرّ قلبك وطهرك
وانت اكثر انسان فاهمني ومغنيني

مأسور بالحب .. لكن افتخر بأسرك
كبلت قلبي قبل لا تكبل ايديني

فالليله المظلمه .. يكفي سنا بدرك
وفالليله البارده .. قربك يدفيني

قدلي وانا احاولك وآقف على نهرك
ارويتني مره .. وناظرك ترويني

لقاك وحكاك والجو ان خذا عطرك
ثلاثة اشياء .. تقتلني وتحييني

خذني من الناس .. وادخلني وسط صدرك
لا تخلي البعد ياتي بينك .. وبيني

تقول لي يا فديت عيونك وشعرك
وقصايدي فيك .. ذكراها مشقيني

ماني بهتم .. ( كم عمري , وكم عمرك )
عطني سنينك وانا بهدي لك .. سنيني

كم لي وانا احتاج لك واشتاق وانتظرك
واتذكر آخر لقا وايديك بايديني

يا كبر تقديرك بقلبي .. وكبر اجرك
لا جيتني بالوصال وشافتك عيني

عــزف 02-07-2016 03:14 AM

https://scontent.cdninstagram.com/hp...35349291_n.jpg

على كف القدر والحب ظامي والرجا حيران
على كف الزمن ضاعت سنيني مع لياليها
تضيع بداخلي بسمه ويظهر للشقا عنوان
واذا بانت بوادرها عذاب الهجر يخفيها
واحس ان الجفا يمشي بدمي داخل الشريان
يعذبني..يسهرني..ليالي مر حاليــــــــــها
عجزت ولابقابي حيل وانفاس الوصل هجران
تعبت اسأل ليال الصمت جروحي كيف أواديها؟
تجاوبني ليال الصمت وتحرق قلبي الهيمان
تقول:شموع امالك حلفت اني لطفيها
مدام انك على دربي ابعطيك العذاب الوان
وازيد جراحك بصدرك ولا لك من يشافيها
ياليت اقوى ولو لحظه اسلي خاطري بنسيان
الم جروحي واهاتي من الدنيا وبلاويها
نخيتك ياامل ضايع نخيتك تطوي الحرمان
نخيتك ترسم الفرحه على حزني وترضيها
والا يالله يارازق عبادك يارفيع الشان
تفرح قلبي الملهوف قبل مااروح تنهيها

غزلان 02-18-2016 03:19 PM

يمكن لو إنه مرك آلشوق حسيت*
إنك حديث آلعآم و أربع فُصوله

أم خالد الغامدي 02-19-2016 12:22 PM



http://www.aljde.com/vb/img/al_1369689454_120.gif


الأمير طلال الرشيد(الله يرحمه)

(( محتاج لك ))

انتي بكف وباقي الخلق في كف
متعليه في وسط قلبي ولك شان

في غير وصلك مالقلبي ترى شف
محتاج لك يانور عيني وشفقان

لا جابوا اسمك صرت انا تقل مختف
مالي على نفسي الى اطروك سلطان

من غير حبك غضت عيوني الطرف
ياللي جمالك صار للزين عنوان

اريد انا قربك ترى ياغذا الحرف
وان ماحصل موتي ودنياي سيان


الساعة الآن 09:46 AM

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية