 |
منتديات قصايد ليل
(http://www.gsaidlil.com/vb/index.php)
- …»●[دواويــن الشعــراء والشاعرات المقرؤهـ المسموعهــ]●«…
(http://www.gsaidlil.com/vb/forumdisplay.php?f=37)
- - ديوان الامير : سعود بن عبدالله آل سعود
(http://www.gsaidlil.com/vb/showthread.php?t=83078)
ديوان الامير : سعود بن عبدالله آل سعود
|
http://www.ibtesama.com/vb/imgcache2/152313.gif ما اوعدك : ما أوعدك من يضمن اظروف الزمان لا تصدقي من قال للدنيا امان ميعادنا خليه في كف الظروف لا تحرجيني بالزمان وبالمكان محدن عن احبابه بيختار البعاد لولا الحياء اطلقت للرجل العنان اسري بليلة ضيق لشموس الفرج وركبت موج الخوف للشاطي الامان كثر الليال اشتاق لك كثر السنين انتي حنان العمر ما غيرك حنان لمعانقك شوقي كثر شوق الرمال لمعانقة غيمة لها عنه زمان |
http://www.ibtesama.com/vb/imgcache2/152314.gif فمان الجرح فمان الجرح يا ذيك السوالف بعد ماخانت ظنوني ظنوني عرفت الغدر هو كذب الولايف جروحك علموك وعلموني نزل دمعي وبعض الدمع واقف سأل عن باقي طيوفك عيوني انا كل المشاعر حيل خايف ابسدل هالستار وساعدوني وداع وكلمه التوديع اسف واذا باقي لكم غدر اعذروني حبيب الكذب فيني الصدق حالف اموت الصادق الى يعرفوني سألتك هو بقى للناي عازف يغنى للحزن مره بدوني واذا صار الحكي كله حسايف بعد مااروح يكفي تذكروني |
http://www.ibtesama.com/vb/imgcache2/152314.gif مرت سنه مرت سنه مالك على البال طاري لا جاد لك حظ ولا سولفوا فيك وينك بلم من الجروح الذواري طال الهبوب وطال مسراه ساريك لا مانتظرتك بس طال انتظاري لا ما ذكرتك .. بس لا تقول ناسيك اشتاق لك مثلك .. وتشتاق داري احتاج لك دايم ولو قلت مابيك لا تطري الفرقا ولا تقول ساري تو الوصل ما بلل اعروق مغليك ما فيه غيري وانت والليل عاري والنجم غاب ويا عسى القلب يكفيك بهديك خفقه من خفوق المساري وعطني عيونك لجل اشوف العمر فيك |
http://www.ibtesama.com/vb/imgcache2/152314.gif قالو لي عنك قالوا لي عنك البارحه غلطت مره قلتني قالوا لي إنك من الخجل السالفه راحت هدر أخاف تاخذك الدموع إذا حبيبي لمتني واجط كفي لا تطيح واغضب على دمعك حذر اقول بنساك وعبرت مدري قدرت وخذتني واصد عن كل النجوم واقول ما شفتوا بدر مريتك البارح سهر مدري حبيبي شفتني مريت وفلسانك سكنت ما بين قولين وصدر هذا الحديث اللي تبي أدري بحبك نلتني بس البدايات بقدر حتى النهايات بقدر |
http://www.ibtesama.com/vb/imgcache2/152314.gif رسالة حب ابكتب لك رسالة حب تعبر عن عذاب القلب قصيده شعر تحكي لي ألم روحي تناديلك نسيتيني تركتيني في ليل الياس واقفيتي اهيم بعالم الأحلام ادور للهنا قدام يصير أو ما يصير القاك ما دامي ما قدرت أنساك والى انتي ذكرتيني وفي هجرتك تماديتي امان العمر يا اغلا الناس كان انتي عذاب وصبر وشوق وياس تجاهلتي نسيتيني تركتيني في ليل الياس واقفيتي جرح مشتاق لقيا بعد غيبتنا ألم وفراق سميتيني نهايتها انادي لك ولكنك سمعتيني وصديتي |
http://www.ibtesama.com/vb/imgcache2/152314.gif أحبك كذبة بيضاء أحبك كذبة بيضا عشقتك عشق بعد وقرب وغنت صوت قلبي لك اشفاه تجهل اسبابه اموت بنظرة منك وينبت في دروبي عشب إلا منه شربني صوتك الفتان واحيابه عظيمه هالقلوب اللي تحب وخافق ماحب حياته وش حياته لو يموت فراقه اولابه أدورلك كلام أجمل ولا اجمل من كلام القلب وعمر القلب مايكذب نهار يحدث احبابه اطير لك حمام البال وافقد كل ليله سرب يمسيه الورق في حضنه الدافي ويدفابه شعوري لو نثرته للهبايب كل جرح هب وعنيت الهوى واهل الهوى والحب متشابه حنين وشوق واحلام كثيرة والحقيقه عذب حلاته في عذابه من دخل دنياه يشقى به عظيم الحب وانت اعظم وانا اعظم من جرحه الحب حياتي عطرها نزف الشعور اللي من اسبابه |
http://www.ibtesama.com/vb/imgcache2/152314.gif العنا العنا وشهو العنا ؟ غيرانتي واجروحك أنا ابجرحك بظما وارضي علي مره دامك حياة الماء يا بنت منهو غاب ضحك و حكي و أحباب و انتي و أنا و قلوبنا صرنا حديث أغراب أثر المفارق صعب غيمة سواد وليل أنساك هذا صعب لا مابقى بي حيل يا عيونك الظلما مافي الجفا كلمه ومال الغياب اللسان اتصوري مره نسيتك وابتسمت واتصدقي اني على البسمه ندمت و الأكيد اني بكيت ما ابتسمت أبسألك وشهو الشبه ؟ بين النهايه والأخير كلها نفس المصير وأبسألك من قال لك ان الهوى جرحه عذاب وأجمل أيامه غياب عمر الحزن ما يلبس اثياب جداد مثل الهجير ما يعرف أنفاس البراد العنا وشهو العنا ؟ ابجرحك بظما وارضي علي مره دامك حياة الماء |
http://www.ibtesama.com/vb/imgcache2/152315.gif يا حبي ياحبي اللي بين عيني وصدري يافرحي الماضي وخوف المقابيل الدم يجري في عروقي وتجري انا الصحاري وانت معشوقها السيل يضيع في وصفك كلامي وشعري اشبهك بالريم وآصفك بالخيل للقلب عين ٍ وانت للعين مغري يامحٌرج القمرا بسود مظاليل |
http://www.ibtesama.com/vb/imgcache2/152315.gif الغلا الغلا مات لا تنده ولا اقول سم صرت انا والقصايد وأنت معنى العذاب انكتب جرح تلقاني على كل فم صرخةٍ من خفوقي صوتها أصدق جواب ينزف الجرح صوت وينزف الجرح دم كل قطرة ملام وكل ونه عتاب ودي الم جرحي من لياليك لم قبل اعلق على الخفاق دونك حجاب |
http://www.ibtesama.com/vb/imgcache2/152315.gif كل المشاعر كل المشاعر في غيابك كسيره وأنت بظلام العمر للعمر قنديل عين تشوف وماتشوفك ضريره عيد الغلا بعد العذاب المواصيل جرحك حبيبي مايجي مثل غيره احتاج جرحك حاجه الارض للسيل للحب نشوه والليالي قصيره يانور ليل الحب عذب التعاليل الليل للعشاق دنيا كبيره والصبر خطوه في دروب المقابيل |
http://www.ibtesama.com/vb/imgcache2/152315.gif قل للهوى قل للهوى ينسى وأنا أوعدك بانسا وان مرت الذكرى بخونك وبذكرك الغيب حظ وكف الأيام ملسا صدّق حبيبك لا تخونك مشاعرك غابت عيونك صاحبي وين نرسا أنا وجرحي والشواطي تسامرك |
http://www.ibtesama.com/vb/imgcache2/152315.gif محتاج لك محتاج لك وينك عنك سألت الناس محتاج لك وينك محتاج للإحساس وش آخر أخبارك وانتي القمر جارك ياللي بعيده حيل من بالنظر زارك من خبّر العشاق عن هالعيون وليه وان قلت لك مشتاق زادك غرور وتيه مشتاق لك يكفي خل السهر يغفي في عيونك الليله |
http://www.ibtesama.com/vb/imgcache2/152315.gif يا مطول الليل يامطول الليل الخواطر كثيره أتعبني الهوجاس وأتعبني الليل خليتني من بين يأس وحيره طال انتظاري وأنت طولت بالحيل كل المشاعر في غيابك كسيره وأنت بظلام العمر للعمر قنديل عين تشوف وماتشوفك ضريره عيد الغلا بعد العذاب المواصيل جرحك حبيبي مايجي مثل غيره احتاج جرحك حاجه ألارض للسيل للحب نشوه والليالي قصيره يانور ليل الحب عذب التعاليل الليل للعشاق دنيا كبيره والصبر خطوه في دروب المقابيل |
http://www.ibtesama.com/vb/imgcache2/152315.gif برق وسحابة القصايد مثل برق وسحابه تشربه عين وعيونك دخيله والورق جاع والعشب الكتابه والمعاني مثل روض وفصيله والمنابت تراها ماتشابه النفل والخزامى وش مثيله صبح الاشراق ياسيف المهابه يامسا الحب يالعين البخيله عاشقك بالهوى مغرم صبابه خافقه بين كفينه يشيله هاجس مر ماجابه غدابه وهاجس فيك ماكفاه ليله فيه حكي بصدري مادرابه وكل ماطاح حرف قمت اشيله وبه بعينه حديث ماحكى به اه لو بس يعطيني قليله حرفي اللي احنه من عذابه لين ناظر بعينيه الجميله كل مامر نسناس وجابه اطلق البال للهوجاس هيله ابتدابه حديث ولانتهابه بين صدري والانفاس العليله |
http://www.ibtesama.com/vb/imgcache2/152315.gif كف الشموع كف شالت شموع وكف شالت غلا وانت بين الايادي نجمة ماتطيح هو صحيح الحبايب بالوصال بخلا اه مصعب سؤالي بالخفوق الجريح انتظرتك حبيبي في عيون الولا ياحبيب المكان وحاكمه بستريح قبل احبك وهبتك شوق صدري امتلا ولاطريت بخيالي هب بالصدر ريح مرني في عيونك كل كلمة هلا الظما في عيوني وانت وصلك شحيح من يقول السوالف للعيون ابدلا خاب ظن الكلام وطاب حظ المريح ليت مانيب واله للمحاجر ولا في خفوقي شعور لك يقوم ويطيح |
http://www.ibtesama.com/vb/imgcache2/152315.gif انت تامر أنت تامر لو على عمري أطيعه ما هو قادر قلب من حبك يبيعه لا تغريك السنين يمتلي قلبي حنين أنت في قلبي يا قلبي وللعمر روح وعين مر يا عمري في ليلة ذكرياتك لا ينسيك الجفا حلو امنياتك ما نساك الورد والليل العتيم بس بعض العمر والأحلام فاتك ضج ليل الحب من طلة جبينك وكثر همس احساسي النايم بعينك عطرك اللي ما تغيره الليالي كنه الليله يسولف عن سنينك |
http://www.ibtesama.com/vb/imgcache2/152315.gif وحشتني سواليفك : وحشتني سواليفك وحشة شوفتك أكثر كل ليله مع طيفك حبيب الروح أنا أتحسر طاير من عيوني النوم على ذا الحال أنا كل يوم سمعني حبيبي الصوت وسيرني على كيفك كلامك فيه نشوة روح يحرك فيني الوجدان يعطيني أمل مفتوح في لقياك مهما كان ساعة يختفي صوتك أعيش بعالم الحرمان لا تقطع علي الصوت أنا ما اقدر على الحرمان |
|
|
|
|
|
|
|
|
|
|
|
|
|
|
|
|
|
|
|
|
|
|
| الساعة الآن 10:25 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية